విశాఖజిల్లాలో వరదలతో నష్టపోయిర రైతులను ప్రభుత్వం ఆదుకుంటుందని పాయకరావుపేట ఎమ్మెల్యే గొల్లబాబూరావు అన్నారు. శుక్రవారం ఎస్.రాయవరం మండలంలోని రేవు పోలవరం, కొత్త రేవుపోలవరం గ్రామాలను నీటమునిగిన పంటపొలాలను ఆయన పరిశీలించారు. అనంతరం ఆయన మీడియాతో మాట్లాడుతూ. ప్రకృతి వైపరీత్యం ఎవరూ ఊహించని విధంగా ఉంటుందన్నారు.  పంట నష్టపోయిన రైతాంగానికి సకాలంలో నష్టపరిహారం అందేలా అధికార యంత్రాంగం చురుకుగా పని చేస్తుందని తెలిపారు. వరద ముంపునకు గురైన గ్రామాలలో పారిశుద్ధ్య లోపం తలెత్తకుండా చర్యలు తీసుకుంటున్నట్లు చెప్పిన ఎమ్మెల్యే.. ఎటువంటి పరిస్థితినైనా ఎదుర్కొనేందుకు అధికార యంత్రాంగంతో పాటు, అధికార పార్టీ నాయకత్వం సిద్ధంగా ఉంటుందన్నారు. ఎమ్మెల్యే వెంట వైస్సార్సీపీ నాయకులు చేకూరి శ్రీ రామచంద్ర రాజు,  పోలిశెట్టి పెద్ద ఈశ్వరరావు, తదితరులు పాల్గొన్నారు.