నర్సీపట్నంలో వాడవాడలా మువ్వన్నెల జెండా రెపరెపలాడింది. 74వ స్వాతంత్య్ర దినోత్సవ వేడుకలు శనివారం వేడుకగా జరిగాయి. సబ్‌కలెక్టర్‌ ‌కార్యాలయంలో సబ్‌కలెక్టర్‌ ‌నూతనంగా బాధ్యతలు చేపట్టిన నారపురెడ్డి మౌర్య జాతీయ పతాకాన్ని ఆవిష్కరించారు. ఈ సందర్భంగా సబ్‌కలెక్టర్‌ ‌మౌర్య మాట్లాడుతూ, ఈ వేడుకులకు హాజరైన అదంరికీ 74వ స్వాతంత్య్ర దినోత్సవ శుభాకాంక్షలు తెలియజేశారు. మొదటిసారిగా నర్సీపట్నంలో జాతీయ పతాకాన్ని ఎగురవేయడం చాలా ఆనందంగా వుందన్నారు. మనమందరం స్వాతంత్య్ర సమరయోధుల స్ఫూర్తితో నర్సీపట్నం డివిజన్‌ను మరింతగా అభివృద్ధి చేయడానికి కరిషి చేయాలని కోరుకుంటున్నట్టు తెలిపారు. నాడు దేశం కోసం పోరాడిన త్యాగధనుల సేవలను కొనియాడారు. స్వాతంత్య్ర ఫలాలను భావితరాలకు అందించిన వారిని ప్రతిఒక్కరూ గుర్తించుకోవాలని సూచించారు. అనంతరం జాతీయ గీతాలాపన కార్యక్రమం జరిగింది.