ఉన్నోళ్లంతా మంచోళ్లు.. పోయినోళ్లు ఉన్నోళ్లకి తీపి గురుతులు.. ఇది ఒకప్పటి మాట.. ఉన్నోళ్లే మనవారు.. పోయిన వారంతా అనాధలు.. ఇదినేటి మాట.. అవును ఆ అయిన వారిని కరోనా కాటేస్తుంటే.. ఆ..క్షణం వరకూ ఆర్తనాదాలు చేసినవారే.. దవాఖానాల్లో వారిని అనాధ శవాలుగా వదిలిపోతున్నారు.. కరోనా చేస్తున్న కరాళ న్రుత్యానికి బలైపోయిన వారిని కడసారి చూసుకోవడానికి వీలుపడక.. ఇంటికి తీసుకెళ్లలేక అక్కడే వదిలేస్తున్నారు..  మరికొందరు ఆ వైరస్ మహమ్మారి ఇంకెంతమందని పొట్టపెట్టుకుంటుందోనని ఆ పార్ధీవ శరీరాన్ని తీసుకెళ్తూనే మార్గమధ్యలోనే దింపేస్తున్నారు.. అయినావరే ఎరుక లేక వదిలించుకుంటుంటే..కాటికాపరే వారికి కుటుంబ సభ్యుడవుతున్నాడు.. పీనుగను బూడిద చేసి మొక్క మొదటన పోస్తున్నాడు.. ఆత్మీయులు అనాధ శవాలుగా మారుతున్నా గుండెలవిసేలా రోధించి గుండెలు బాదుకుంటున్నారు  అయినవారంతా.. బహుసా వారి ఆత్మశాంతించదేమో..!