శంఖవరం మండల కేంద్రంలో శ్రీక్రిష్ణాష్టమి వేడుకలు సోమవారం ఘనంగా జరిగాయి. శంఖవరం యాదవ సంక్షేమం గొల్లవీధిలోని శ్రీక్రిష్ణుడి ఆలయంలో వేకువజాము నుంచే ప్రత్యేక పూజలు చేపట్టారు. కరోనా నేపథ్యంలో భక్తులు నిబంధనలు పాటిస్తూ స్వామివారిని దర్శించుకున్నారు. సాయంత్రం వీధిలో ఉట్టికొట్టే కార్యక్రమం చేపట్టినట్టు నిర్వాహకులు శ్రీనివాస్ తెలియజేశారు. జన్మాష్టమి సందర్భంగా ముందు రోజు రాత్రి ఆలయంలతోపాటు, వీధిలోనూ ప్రత్యేక విద్యుత్ అలంకరణలు చేపట్టారు. భక్తులందరికీ తీర్ధ ప్రసాదలు పంపిణీచేశారు.