మహిళాపోలీసులు హోంశాఖ ఇచ్చిన సిలబస్ ను బాగా పఠనం చేయడం ద్వారా ప్రొబేషన్ డిక్లరేషన్ కోసం పెట్టే ఆన్ లైన్ పరీక్షను సులభంగా ఉత్తీర్ణులవుతారని చైతన్యపూరిత ప్రసంగం చేశారు అన్నవరం ఎస్ఐ రవికుమార్. శుక్రవారం ప్రత్తిపాడు సర్కిల్ కార్యాలయంలో మహిళా పోలీసులకు ప్రొబేషన్ పరీక్షకు సంబంధించిన  శిక్షణ ఇచ్చారు. ఈ సందర్భంగా మహిళా పోలీసులంతా గతంలో తీసుకున్న శిక్షణ అంశాలు, ప్రాజెక్టు వర్క్ కు సంబంధించిన విధివిధానాలను క్షణ్ణంగా తెలుసుకోవాలన్నారు. జిల్లా ఎస్పీ ఆదేశాల మేరకు ఈ శిక్షణ ఇస్తున్నట్టు ఎస్ఐ తెలియజేశారు. ఈ శిక్షణ కార్యక్రమంలో ప్రత్తిపాడు పోలీస్ సర్కిల్ పరిధిలోని మహిళా పోలీసులు పాల్గొన్నారు.