అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి హుందడీ ఆదాయం రూ.54లక్షల 70వేల 311 వచ్చినట్టు ఈఓ వేండ్ర త్రినాధరావు తెలియజేశారు. శుక్రవారం ఆయన ఆలయంలో మీడియాతో మాట్లాడారు. స్వామివారి హుండీ లెక్కింపు ప్రసాంతంగా జరిగిందన్నారు. ఇందులో 100 యుస్ డాలర్లు, 10 దిరామ్స్ రాగా బంగారం 32 గ్రాములు, 197 గ్రాముల సిల్వర్ వచ్చినట్టు పేర్కొన్నారు. వచ్చిన మొత్తాన్ని దేవస్థానం బ్యాంకు అకౌంట్లోకి జమజేస్తున్నట్టు వివరించారు. కార్యక్రమంలో దేవస్థాన సిబ్బంది పాల్గొన్నారు.