తూర్పు గోదావరి జిల్లా అన్నవరం శ్రీశ్రీశ్రీ వీర వెంకట సత్యనారాయణ స్వామి వారి దేవస్థానం పరిధిలోగల ట్రాన్స్పోర్ట్ విభాగమునకు ఆటోలు టోల్ గేట్ నుంచి అనుమతించవద్దని ఎండోమెంట్ కమిషనర్ ఉత్తర్వులు జారీ చేశారు. దీంతో ట్రాన్స్పోర్ట్ విభాగ అధికారులు మూడు చక్రాల వాహనాలను రత్నగిరికి వెళ్లకుండా నిలుపుదల చేశారు. ఈవో వేండ్ర త్రినాథరావు కూడా వచ్చిన ఆదేశాలను ఆకస్మికంగా అమలు చేయడంతో రాకపోకలు సాగిస్తున్న ఆటో డ్రైవర్లు తీవ్ర మనోవ్యధకు గురయ్యారు. అధికారికంగా కొండపైకి ఆటోలు అనుమతిలేకపోయినా.. టోల్ గేట్ చలానా కట్టించుకొని నేటివరకు చూసి చూడనట్లు అధికారులు వదిలేశారు. భక్తుల రద్దీకి అనుగుణంగా దేవస్థానం బస్సులను టోల్ గేట్ వద్ద సిద్ధం చేసి నడుపుతున్నారు. దీనితో ప్రైవేటు వాహనాలకు అనుమతి పూర్తిగా రద్దు చేశారు.
