పార్లమెంటు సమావేశాలు సందర్భంగా ఢిల్లీలో ఆంధ్రప్రదేశ్ ఎంపీలంతా వినూత్నంగా నిరసన తెలియజేశారు. ఈ మేరకు గురువారం పార్లమెంటు వద్ద ఎంపీలంతా ప్లకార్డులు పట్టుకొని నినాదాలు చేశారు. అమరావతి  క్యాపిటల్  ల్యాండ్  స్కాం ,ఫైబర్ నెట్ స్కాం ,అంతర్వేది ఆలయ సంఘటన తదితరాలపై  తక్షణ సీబీఐ ఎంక్వ యిరీ వేయాలని డిమాండ్ చేశారు. ఈ స్కాముల్లో నిజా నిజాలు తెలియాలంటే సీబిఐ విచారణ ఒక్కటే మార్గమని రాజ్య సభ్యులు వి.విజయసాయిరెడ్డి అన్నారు. ఇదే విషయాన్ని రాజ్యసభలో కూడా ప్రస్తావించనున్నట్టు చెప్పారు. అధికారపార్టీకి చెందిన పార్లమెంటు సభ్యులంతా ఒకేసారి ఈ విధంగా ప్లకార్డులు పట్టుకొని దేశరాజ ధానిలో నిరసన తెలియజేయడం చర్చనీయాంశం అవుతోంది. టిడిపి చేసిన మోసాలు, స్కాంలపై ప్రజలకు వాస్తవాలు తెలియాలంటే సీఐబి విచారణ ఒక్కటే మార్గ మని ఎంపీలంతా ముక్తకంఠంతో నినదించారు. కేంద్రం ప్రభుత్వం తక్షణమే ఎంపీల డిమాండ్ లపై విచారణ చేపడితే వాస్తవాలు తేలడంతోపాటు, అసలు సూత్రదా రులంతా బయటకి వస్తారని పేర్కొన్నారు.