తమిళనాడుకు చెందిన ఓ భక్తురాలు తన తల్లిదండ్రుల జ్ఞాపకార్థం సోమవారం సుమారు రూ.70 లక్షల విలువైన ఆస్తిని టిటిడికి విరాళంగా అందించింది. తమిళనాడులోని తిరువళ్లూరు జిల్లా, పళ్లిపట్టు తాలూకా, కొడివలస గ్రామానికి చెందిన రిటైర్డ్ నర్సు ఎన్.కె.నెమావతి కొత్తగా నిర్మించిన రెండు అంతస్తుల భవనాన్ని విరాళంగా ఇచ్చారు. ఈ ఇంటి విలువ రూ.70 లక్షలు. ఈ మేరకు తిరుపతిలోని టిటిడి పరిపాలనా భవనంలోని టిటిడి ఎస్టేట్ విభాగం ప్రత్యేకాధికారి మల్లికార్జునకు ఇంటి పత్రాలు, తాళాలను అందజేశారు.
