తెలంగాణ రాష్ట్రంలో కరోనా కేసులు మెల్ల మెల్లగా పుంజుకుంటున్నాయి. ఆదివారం 2,748 కరోనా నిర్ధారణ పరీక్షలు చేయగా, 7 పాజిటివ్ కేసులు నమోదయినట్టు వైద్య ఆరోగ్యశాఖ ప్రకటనించింది.. ఇవాళ 9 మంది కరోనా నుంచి కోలుకున్నారు. రాష్ట్రంలో ప్రస్తుతం 62 యాక్టివ్ కేసులున్నాయి. రికవరీ రేటు 99.50 శాతంగా ఉంది. ఈరోజు మళ్లీ హైదరాబాద్ లో 6, మేడ్చల్ జిల్లాలో ఒక కేసు నమోదైనట్టు ఆరోగ్యశాఖ బులిటిన్ ద్వారా తెలియజేయజేసింది. పాజిటివ్ కేసులు పెరుగుతున్నందున ప్రజలు అప్రమత్తంగా ఉండాలని, మాస్కులు ధరించి సామాజిక దూరం పాటించాలని ప్రభుత్వం కోరుతోంది.
