యూనియన్ పబ్లిక్ సర్వీస్ కమిషన్ (UPSC) అఖిల భారత సర్వీసుల్లో ఉద్యోగ నియామకాల కోసం నిర్వహించిన సివిల్ సర్వీసెస్ ప్రిలిమ్స్ ఎగ్జామ్ రిజల్ట్స్ విడుదలయ్యాయి. మొత్తం 1,105 సివిల్ సర్వీస్ ఉద్యోగాల భర్తీకి మే 28న దేశ వ్యాప్తంగా పలు కేంద్రాల్లో ప్రిలిమ్స్ పరీక్ష నిర్వహించగా 14,624 మంది ఉత్తీర్ణత సాధించారు. వీరు ఈ ఏడాది సెప్టెంబరు 15న జరిగే మెయిన్స్‌ పరీక్షకు హాజరయ్యేందుకు అర్హత సాధించారు. ప్రిలిమ్స్‌లో ఉత్తీర్ణత సాధించిన అభ్యర్థులు మెయిన్స్‌ పరీక్ష కోసం ఇప్పుడు మళ్లీ డిటైల్డ్‌ అప్లికేషన్‌ ఫామ్‌ - 1 (DAF-I)లో దరఖాస్తు చేసుకోవాలని యూపీఎస్పీ తెలిపింది. ఇందుకు చివరి తేదీని కమిషన్ త్వరలోనే వెల్లడించనుంది. ప్రిలిమ్స్ కటాఫ్‌, ఆన్సర్‌ కీని సివిల్స్ సర్వీసెస్ పరీక్ష మొత్తం ప్రక్రియ పూర్తయిన తర్వాత వెల్లడించనున్నట్లు యూపీఎస్సీ తెలిపింది. వాటిని అధికారిక వెబ్ సైట్లలో పొందు పరిచింది. నెంబర్ల వారీగా ఒక జాబితా..నెంబర్లు, అభ్యర్ధుల పేర్లతో మరో జాబితాను వేర్వేరుగా విడుదల చేసింది. అదేవిధంగా ఇండియన్ ఫారెస్ట్ సర్వీసెస్ కి సంబంధించిన ఫలితాలను కూడా విడుదల చేసింది.
