ఆంధ్రప్రదేశ్ లో ఆయుష్ వ్యవహారం ఢిల్లీలోని జాతీయ ఎస్సీ కమిషన్ వరకూ వెళ్లింది. విశాఖజోన్-1 లో ఇన్చార్జి ఆర్డీడి డా.ఝాన్సీ లక్ష్మీభాయ్ దళిత వైద్యులను కించపరుస్తూ మాట్లాడటం, కార్యాలయంలోని  దళిత ఉద్యోగినిపై చేయిచేసుకోడం, ఆపై ఎస్సీ ఎస్టీ కేసు నమోదు అయినా. బాధితులకు న్యాయం జరగకపోవడంతో వీరంతా జాతీయ ఎస్సీ కమిషనకు ఫిర్యాదు చేశారు. దళిత ఉద్యోగులను సదరు ఇన్చార్జి ఆర్డీడి ఏ విధంగా కులం పేరుతో దూషిస్తున్నారని( మాల నాకొడకా.. మాదిగ నాకొడకా..)అనే పద ప్రయోగం.. ఎస్సీ, ఎస్టీలకు చెందిన ఉద్యోగులను, వైద్యులను అంటరాని వాళ్లగా చూస్తున్న వైనాన్ని కూడా బాధితులు సదరు ఫిర్యాదులో పొందు పరిచారు. అంతేకాకుండా వేధింపులకు గురిచేయడంతోపాటు, తిరిగి ఉద్యోగులపైనే కేసులు పెట్టి మరి బెదిరింపులకు దిగుతున్న విషయాన్ని కూడా ఫిర్యాదులో పేర్కొన్నారు. 

అంతేకాకుండా ఈ మొత్తం వ్యవహారంలో  డా.కె.లక్ష్మయ్య( ప్రైవేటు ఐఏఎస్ స్టడీ సర్కిల్ నిర్వాహకుడు) అనే ప్రైవేటు వ్యక్తి ఇన్చార్జి ఆర్డీడి డా..ఝాన్సీలక్ష్మీభాయ్ విషయంలో బ్రోకర్ గా వ్యవహరిస్తూ.. వైద్యఆరోగ్యశాఖ ముఖ్యకార్యదర్శి , ఆయుష్ కమిషనర్ కార్యాలయాలు, ఆరోగ్యశాఖ మంత్రి ఫేషీ, డబ్బులతో  రాష్ట్ర అధికారులను తప్పుదోవ పట్టిస్తున్నారని ఆవేద వ్యక్తం చేశారు. ఇన్చార్జి ఆర్డీడిపై విశాఖపట్నంలోని పీఎంపాలెం పోలీస్ స్టేషన్ లో ఎస్సీ, ఎస్టీ కేసు నమోదైనా.. పదుల సంఖ్యలో ఫిర్యాదులు వెళ్లినా ప్రభుత్వం వరకూ చేరకుండా.. ఈమెపై చర్యలు పడకుండా డా.కె.లక్ష్మయ్య( గుంటూరు, ఢిల్లీ లలో ప్రైవేటు ఐఏఎస్ స్టడీ సర్కిల్ నిర్వహించే వ్యక్తి) మొత్తం వ్యవహారాన్ని తప్పుదోప పట్టిస్తున్నారని, అంతేకాకుండా ఫిర్యాదులన్నీ విచారణ వరకూ వెళ్లకుండా అడ్డుకోగలుగుతున్నారని పేర్కొన్నారు.

 గతంలో మూడేళ్ల పాటు విధినిర్వహణ చేయకుండా జీతాలు తీసుకున్న విషయమై, అన్ని పనులకు లంచాలు తీసుకున్న అంశంలోని ఫిర్యాదులపై నేటి వరకూ విచారణ చేయలేదని.. ఈ విషయం అన్ని ప్రింట్, అండ్ ఎలక్ట్రానిక్ మీడియాల్లో కూడా వచ్చిందని కూడా ఆ ఫిర్యాదులో పొందుపరిచారు. ఈమె విధుల్లోకి 1999లో శ్రీకాకుళం జిల్లాలోని సింగుపురం ఆయుర్వేద డిస్పెన్సనీలో చేరారని అప్పటి నుంచి ప్రతీ సారి ఏదో ఒక్క ప్రజావ్యతిరేక వ్యవహారాలతోనే కాలం గడుపుతూ వచ్చేవారని, డిస్పెన్సరీకి వచ్చిన రోగులకు కనీసం మందులు కూడా సక్రమంగా ఇచ్చేవారని కారని పేర్కొన్నారు.

అప్పటి నుంచి ఇప్పటి వరకూ ఈమె సర్వీస్ మొత్తం ప్రజాభియోగాలు, కార్యాలయ ఉద్యోగాభియోలతో నడిచిందని.. ఇలాంటి ప్రజా, ప్రభుత్వ వ్యతిరేక వైద్యాధికారిపై ఆంధ్రప్రదేశ్ లోని వైద్యఆరోగ్యశాఖలోని సర్వీస్ రూల్స్ ను అనుసరించి చట్టపరమైన చర్యలు తీసుకోవాలని, ప్రభుత్వ వ్యవహారాల్లో డా.కె.లక్ష్మయ్య( గుంటూరు, ఢిల్లీ లలో ప్రైవేటు ఐఏఎస్ స్టడీ సర్కిల్ నిర్వహించే వ్యక్తి) యొక్క వ్యవహారంపై కూడా జాతీయ ఎస్సీ కమిషన్ విచారణ చేయించి న్యాయం చేయాలని బాధితులందరూ లిఖితపూర్వకంగా జాతీయ ఎస్సీ కమిషన్ కు ఫిర్యాదు చేశారు.

 ముఖ్యంగా సదరు ఇన్చార్జి ఆర్డీడి డా.ఝాన్సీ లక్ష్మీ భాయ్ విశాఖపట్నం, విజయనగరం, శ్రీకాకుళం జిల్లాల్లోని  కొన్ని డిస్పెన్సరీల వైద్యాధికారులు, సిబ్బందిని టార్గెట్ చేసి.. మీడియా వేదికగా తప్పులను ఎత్తిచూపించే ప్రయత్నం చేస్తున్నారని.. మీడియాను తమపైకి, డిస్పెన్సీలకు విజిటింగ్ లకు పంపిస్తూ.. ఆమెకు అనుకూలంగా వార్తలు రాయిస్తూ.. వాటి ఆధారంగా దళిత వైద్యాధికారులు, సిబ్బందిపై వేదింపులకు దిగుతున్నారని ఆవేదన వ్యక్తం చేశారు. అదే సమయంలో రాష్ట్ర ప్రభుత్వం, ఉన్నతాధికారుల ఆదేశాలను అమలు చేయకుండా.. 

ఆయుష్ లో దళిత వైద్యులు, ఉద్యోగులపై కొనసాగుతున్న వివక్ష,   వేధింపులు నుంచి రక్షించాలని, నిమ్న జాతీయులపై జిల్లా అధికారుల దాడులు, అంటరాని తనాన్ని నిర్మూలించి ఎస్సీ సామాజిక వైద్యులు, ఉద్యోగులకు న్యాయం చేయాలని, ఆయుష్ శాఖలో డా.కె.లక్ష్మయ్య( గుంటూరు, ఢిల్లీ లలో ప్రైవేటు ఐఏఎస్ స్టడీ సర్కిల్ నిర్వహించే వ్యక్తి)  వ్యవహారాన్ని నియంత్రించి సదరు వ్యక్తిపై కూడా ప్రభుత్వం చర్యలు తీసుకోవాలని.. బాధితులు జాతీయ ఎస్సీ కమిషన్ కి చేసిన ఫిర్యాదులో స్పష్టంగా పేర్కొన్నారు.