చద్దన్నం..ఈ మాటా ఈరోజుల్లో చాలా మంది మరిచినపోయిన పదం. కానీ నేటి తరం బడాబాబులకు మాత్రం ప్రతీరోజూ ఉదయాన్నే గుర్తొచ్చే స్తోంది. ప్రస్తుతం పేదోడు గ్రామాల్లో ముద్దుగా.. వాడుక పదంలో పిలిచే సల్దన్నం.. చద్దన్నానికి స్టార్ హోటల్ లో ఖరీదైన పొద్దొచ్చింది. నిరుపే దలు అనునిత్యం ఆ చద్ది బువ్వ మాత్రమే తిని ఆరోగ్యంగా ఉంటూ.. ఖరీదైన యుగం ప్రారంభం అయ్యాక టిఫిన్లకు అలవాడు పడ్డాడు. కాల క్రమం లో సోషల్ మీడియా ప్రభావం కాస్త సాంప్రదాయ రుచులు, వంటలు, ఆరోగ్యకరమైన ఆహారాలపై పడటంతో నేడు అదే చద్దన్నం( సల్దన్నం) నేడు స్టార్ హోటల్స్ నూ చాలా కాస్ట్ లీ మెనూగా దర్శనమిస్తున్నది. ఇంట్లో పెడితే తినని వారంతా నేడు హోటళ్లకు వెళ్లి చద్దిబు వ్వ ఆర్ఢర్ ఇచ్చి.. జీఎస్టీతో కూడిన బిల్లు కట్టి మరీ తింటున్నారు. ఒక నాడు పేదోడి గడప కూడా దాటని ఈ చద్దన్నం నేడు ఖండాంత రాలు దాటి పయనిస్తున్నది. ప్రస్తుతం స్టార్ హోటల్ లో బ్రేక్ ఫాస్ట్ లో మెయిన్ మెనూ క్రింద మారిపోయింది.
సాధారణంగా అయితే ఈ చద్దన్నం హోటళ్లలో ప్లేట్స్ లోనే పెట్టాలి. కానీ చద్దన్నం కుండలో తింటేనే దాని యొక్క విలువలు, పోషకాలు తిన్న శరీరారానికి వంటపడతాయ్. దానికి అనుగుణంగానే ఇపుడు కుండల్లోనే వడ్డిస్తున్నారు. అన్నట్టు ఇక్కడ కుండలోని చద్దిబువ్వకి రేటు కూడా కాస్త ఎక్కువే తీసుకుంటున్నారు. అంతేకాదు ఏ ప్రాంతానికి తగ్గ మాండలికంతో పిలిస్తే అంత స్టేటస్ ఇపుడు ఈ స్టార్ హోటల్స్ లో కూడా.. ఒకప్పుడు మేము స్టార్ హోటల్ లో బ్రేక్ ఫాస్ట్ చేశామని కాస్త డబ్బు మదంలో చెప్పుకునేవారంతా.. నేడు మేము అదే స్టార్ హోటల్ లో ఆర్గానిక్ చద్దిబువ్వ తినొచ్చామని చెప్పుకోవడం నిజంగా చద్దన్నానికి గౌరవం పెరిగినట్టుగానే చెప్పుకోవాలి. సామాజిక మాద్యమాల నుంచి గుగూల్, స్టార్ హోటల్స్ చేసే ప్రమోషన్స్ లో కూడా ఈ చద్ది బువ్వకి ప్రాధాన్యత ఇస్తున్నారంటే దీని విలువ ఏఐ రోజుల్లో కూడా ప్రజలకు.. అందులోనూ డబ్బున్న ప్రజలకు ఎంత బాగా అర్ధం అయ్యిందోననే విషయాన్ని ప్రతీ ఒక్కరూ గమనించాలి.
సామాజిక మాద్యమాలు యువతను ఏ స్థాయిలో పెడ త్రోవని పట్టిస్తున్నాయో.. అంతకంటే ఎక్కువగా సంపన్నవర్గాలను చైతన్యం చేయడంలోనూ ప్రముఖ పాత్ర పోషిస్తున్నాయి. నిరుపేదల ఇంట్లో కూడా ఇపుడు అనునిత్యం చద్దిబువ్వకి ప్రాధాన్యత పెరుగుతున్నది. బయట తినే బ్రేక్ ఫాస్ట్ లతో కడుపు మంటలు తెచ్చుకుని బాధపడేవారంతా ఇపుడు చక్కగా ఇంట్లోనే ఉదయాన్నే చద్దిబువ్వ తినేసి ఆరోగ్యాన్ని కాపాడుకోవడానికి అధిక ప్రాధాన్యత ఇస్తున్నారు. అలాగని జంక్ ఫుడ్ కి ప్రాధాన్యత లేదా అంటే మాత్రం దాని స్థానం దానిదే. కానీ క్రమేపీ నాటి సాంప్రాదయ ఆరోగ్యకర వంటలకు సముచి స్థానం పెరుగుతోందని మాత్రం నేటి స్టార్ హోటల్స్ అధిరాకంగా రుజువు చేస్తున్నాయి. అంతేకాదు యూట్యూబ్, ఇనిస్టాగ్రామ్, ఫేస్ బుక్ వీడియోస్ పుణ్యమాని ఈ చద్దిబువ్వను ఎన్ని రకాలుగా చేసుకోవచ్చో తెలియజేసే వీడియోలు కూడా అన్ని వర్గాల వారిని తారా స్థాయిలో ప్రభావితం చేస్తున్నాయి. వాట్సప్ లో స్టేటస్ ఆప్షన్ అందుబాటులోకి వచ్చిన తరువాత. ప్రతి నిత్యం చద్దిబువ్వ స్టేటస్ లు పెరుగుతున్నాయంటే చద్దన్నం విలువ ఏ స్థాయికి చేరుకుందో వేరేగా చెప్పాల్సిన పనిలేదు.
చద్దిబువ్వే అందరూ తింటున్నారా అనడానికి కూడా లేదు. సంపన్నులు ఆరోగ్యాన్ని కాపాడుకోవడానికి ఖరీదైన స్టార్ హోటళ్లకి వెళ్లి మరీ చద్దన్నం తింటుందే ఇపుడు అదే పేద వాడు నాటి సంపన్నులను అనుకరిస్తూ.. రోజుల తరబడి ఒకే నూనెలో వండి వండి వార్చిన టిఫిన్లు తిరి ఆరోగ్యాన్ని పాడు చేసుకుంటున్నాడు. ఏటల్ల కాలం సద్దన్నమే తినాలా.. మేమూ టిఫిన్లు చేయగలమని బీరాలు పోయి..ఆరోగ్యాన్ని నాశనం చేసుకుంటున్నారు. పాడైన ఆరోగ్యాన్ని కాపాడుకోవడానికి వేలు, లక్షలు ఖర్చు చేసి మరీ ప్రైవేటు ఆసుపత్రులను పెంచి పోషిస్తున్నారు. మళ్లీ ఇక్కడే అదే సోషల్ మీడియా ప్రభావం, ఇంటర్నెట్ పేదోడిని కూడా ప్రభావితం చేస్తుందని భావించాల్సి వస్తున్నది. సంపన్నులను, బడాబాబులను మార్చిన సోషల్ మీడియా నిరుపేదలను కూడా మారుస్తుందని... మార్చి తీరుతుందని మాత్రం గట్టిగానే నమ్మొచ్చు. కారణం అదే పేద వాడు కూడా ఇపుడు సోషల్ మీడియాకి బానిస కనుక. చద్దన్నం కోసం ఇంత తెలిసిన తరువాత దాని విలువ ఏంటో అర్ధమయ్యే ఉండాలి. మనం డబ్బుని సంపాదించొచ్చు.. జబ్బుని కొనితెచ్చుకోవచ్చు.. కానీ ఆరోగ్యాన్ని కాపాడుకోవడం దానిని పెంచుకోవడం మనచేతుల్లోనే ఉంటుంది. అలాగని చద్దన్నమే తింటే ఆరోగ్యం వస్తుందని కూడా చెప్పడం లేదు. ఏ ఆహారం విలువ దానిది. కాకపోతే ఆరోగ్యాన్నిచ్చే ఆహారాన్ని తీసుకోవడంలో ప్రాధాన్యత ఉండాలనే విషయం అందరికీ అర్ధం కావాలి..!
