అన్ లాక్ 5.0 నిబంధనలు అనుసరించి స్విమ్మింగ్ ఫూల్స్ ను తెరవడానికి మార్గం సుగమం అయ్యింది. అయితే కొన్ని నిబంధనలను అనుసరించి మాత్రమే వీటిని తెలరవాల్సి వుంటుందని కేంద్రం సూచిస్తుంది. క్రీడాకారులకు శిక్షణనిచ్చే ఈతకొలనులను ఈనెల 15వ తేదీ నుంచి తెరవడానికి అనుమతినిస్తూ గతనెల 30వ తేదీన కేంద్ర హోంమంత్రిత్వ శాఖ ఆదేశాలు జారీ చేసింది. అయితే వీటి కోసం కంటైన్‌మెంట్‌ జోన్ల వెలుపల ఉన్న వాటికి అనుగుణంగా కేంద్ర యువజన వ్యవహారాలు, క్రీడల మంత్రిత్వ శాఖ ప్రామాణిక కార్యాచరణ విధానం (ఎస్ఓపీ) జారీ చేయాల్సి ఉంది. కేంద్ర హోంమంత్రిత్వ శాఖ, ఆరోగ్యం&కుటుంబ సంక్షేమ శాఖను సంప్రదించిన యువజన వ్యవహారాలు, క్రీడల మంత్రిత్వ శాఖ.. ఎస్‌ఓపీని రూపొందించింది. ఆ నియమ నిబంధనలన్నీ కేంద్రప్రభుత్వం  మంత్రిత్వ శాఖ వెబ్‌సైట్‌ (https://yas.nic.in/)లో ఎస్‌ఓపీని లో పొందుపరిచింది. ఈతకొలనులు తెరవాలనుకునేవారు వీటి ఆదారంగా నిబంధనలు అమలు చేయాల్సి వుంటుందని కేంద్రం పేర్కొంది...