కరోనావైరస్ లాంటి విపత్కర సమయంలో వాల్తేరు రైల్వే డివిజన్ ఇనుపరద్దు అమ్మడం ద్వారా ఒకేరోజులో రూ.7.43 కోట్ల రూపాయల ఆదాయాన్ని సమకూర్చిందని సీనియర్ డివిజనల్ కమర్షియల్ మేనేజర్ ఏకె త్రిపాటి తెలియజేశారు. వాల్తేరు డివిజన్ వ్యాప్తంగా పేరుకు పోయిన ఇనుప స్క్రాప్ ను వేరు చేసి ఈ-వేలం నిర్వహించగా ఇందులో మొత్తం స్క్రాప్ అమ్ముడుపోయి భారీ మొత్తంలో ఏడుకోట్ల 43 లక్షల రూపాయల ఆదాయం లభించిందన్నారు. ఈ క్రమంలో డివిజనల్ మెటీరీయల్స్ మేనేజర్ కెబితిరుపతయ్య కీలక పాత్ర పోషించారని చెప్పారు. వాల్తేరు డివిజనల్ రద్దును అమ్మాలనుకున్నపుడు ఆ మొత్తం వివరాలను ఆన్ లైన్ లోనే అందుబాటులో ఉంచుతుందనే విషయాన్ని అందరూ గమనించడం వలన ఒకేసారి రద్దును అమ్మకం చేయడానికి అవకాశం కుదిరిందన్నారు. ఈ ఘనత ఈస్ట్ కోస్ట్ రైల్వేలో అత్యుత్తమ రికార్డుగా ఆయన అభివర్ణించారు.