ప్ర‌ధాన మంత్రి  న‌రేంద్ర మోదీ ఎన్ఎస్‌జి స్థాప‌క దినం సంద‌ర్భం లో ఎన్ఎస్‌జి బ్లాక్ క్యాట్స్ సిబ్బందికి, వారి కుటుంబాలకు శుభాకాంక్ష‌లు తెలిపారు. ‘‘ఎన్ఎస్‌జి బ్లాక్ క్యాట్స్‌ సిబ్బందికి వారి కుటుంబాల‌కు ఎన్ఎస్‌జి స్థాప‌క దినం సంద‌ర్భంగా ఇవే శుభాకాంక్ష‌లు. అంటూ ట్విట్టర్ వేదిక ద్వారా తెలియజేశారు.  భార‌త‌దేశ భ‌ద్ర‌త యంత్రాంగంలో ఒక కీల‌క పాత్ర‌ను ఎన్ఎస్‌జి పోషిస్తోంది.  అత్యంత ధైర్య సాహసాలతోను, అమిత వృత్తినిపుణత తోను ఎన్ఎస్‌జి పేరు ముడిపడి ఉంది.  భార‌త‌దేశాన్నిసుర‌క్షితంగా, భ‌ద్రంగా ఉంచ‌డంలో ఎన్ఎస్‌జి కృషిని చూసుకొని భార‌త‌దేశం గ‌ర్వపడుతోంది’’ అని ప్ర‌ధాన మంత్రి అన్నారు. ముఖ్యమంత్రులు, జెడ్ కేటగిరీ కలిగిన వారికి ఎన్ఎస్ జీ కల్పించే రక్షణ ఎనలేనిది. రెప్పపాటులో ఏం జరిగినా పసిగట్టగల నేర్పు, దానిని ఎదుర్కునే సమయస్పూర్తి ఎన్ఎస్జీ సొంతం...