ఎవ్వరూ బాధపడొద్దు..కంటనీరు పెట్టొద్దు..ఎవరు బాధపడినా నేను ఒప్పుకోను...ఆయన దేశం కోసం ప్రాణాలు అర్పించారు.. ఆయన దేశరక్షకుడు..దేశాన్ని రక్షించాడు...నాకు రక్షణ లేకపోయినా పర్లేదు..దేశాన్ని కాపాడితే చాలు..ఆయన సంతోషంగా, ప్రశాంతంగా భూమాత ఒడిలోకి వెళ్లాలి అంటూ భర్త శవపేటిక పై పడి తన భాధను దిగమింగుకొంది...ఈ మాటలు అన్నది ఎవరో కాదు వీరజవాన్ ప్రవీణ్ కుమార్ రెడ్డి భార్య..గుండెలు పిండేస్తూ..దేశభక్తిని చాటిన ఆమె మాటలు భారతీయుడిగా గర్వపడేలా చేస్తూ...ఆమెకు భర్తపోయిన బాధను మరింత రెట్టింపు చేశాయి.. అయినా ఒక్క కన్నీటి బొట్టు నేలరాల్చకుండా భర్త పార్ధీవ శరీరాన్ని స్మశానానికి సాగనంపింది ఆ వీరవని..ఈ సంఘటన చిత్తూరు జిల్లాలో చోటు చేసుకుంది.. దేశ సరిహాద్దుల్లో జరిగిన ఉగ్రవాదుల కాల్పుల్లో వీర మరణం పొందిన తెలుగు రాష్ట్రాల జవాన్ల పార్థివదేహాలు స్వగ్రామానికి చేరుకున్నాయి.  వీర జవాన్ ప్రవీణ్ కుమార్ రెడ్డి పార్థివదేహం చిత్తూరు జిల్లా ఐరాల మండలం రెడ్డివారిపల్లికి చేరుకుంది. మధ్యాహ్నం ఒంటి గంట తర్వాత అధికార లాంఛనాలతో జవాన్ అంత్యక్రియలు నిర్వహించారు. జవాన్‌కు నివాళులర్పించేందుకు ప్రజలు భారీగా తరలివస్తున్నారు. నిజామాబాద్ జిల్లాలోని కోమన్ పల్లి గ్రామానికి బుధవారం తెల్లవారుజామున మహేష్ భౌతికకాయాన్ని ఆర్మీ అధికారులు తీసుకువచ్చారు. మహేష్ పార్థీవదేహాన్ని చూసి ఆయన భార్య, కుటుంబసభ్యులు కన్నీరు మున్నీరయ్యారు. ఉదయం 10 గంంటలకు సైనిక లాంఛనాలతో మహేశ్ అంత్యక్రియలు నిర్వహించనున్నారు. కాగా, తొలుత బోయిన్‌పల్లికి చేరుకున్న వీర జవాన్ మహేష్ మృతదేహానికి ఎమ్మెల్సీ కవిత నివాళులర్పించారు.