భక్తుల సౌకర్యార్థం జ‌న‌వ‌రి 4 నుంచి 31వ తేదీ వ‌ర‌కు రూ.300/-ల తిరుమల శ్రీవారి ప్రత్యేక  ప్రవేశ దర్శన టికెట్ల కోటాను డిసెంబ‌రు 30న బుధ‌‌వారం ఉద‌యం 9 గంట‌ల‌కు టిటిడి ఆన్‌లైన్‌లో విడుదల చేయ‌నుంది. భక్తులు ఈ విషయాన్ని దృష్టిలో ఉంచుకుని ఆన్‌లైన్‌లో ముందస్తుగా ప్రత్యేక ప్రవేశ దర్శన టికెట్లను బుక్‌ చేసుకోవాలని టిటిడి కోరుతోంది.. వైకుంఠ ఏకాద‌శి సంద‌ర్భంగా డిసెంబ‌రు 25 నుండి జ‌న‌వ‌రి 3వ తేదీ వ‌ర‌కు 10 రోజుల పాటు భ‌క్తుల‌కు వైకుంఠ ద్వార ద‌ర్శ‌నం క‌ల్పిస్తున్న విష‌యం విదిత‌మే. జ‌న‌వ‌రి 3వ తేదీ వ‌ర‌కు ఇదివ‌ర‌కే ప్ర‌త్యేక ప్ర‌వేశ ద‌ర్శ‌న టికెట్లు విడుద‌ల చేయ‌డం జ‌రిగింది. ఈ కార‌ణంగా జ‌న‌వ‌రి 4 నుంచి నెలాఖ‌రు వ‌ర‌కు టిటిడి ప్ర‌త్యేక ప్ర‌వేశ ద‌ర్శ‌న టికెట్ల‌ను బుధ‌వారం విడుద‌ల చేయ‌నుంది.