శ్రీ వేంక‌టేశ్వ‌ర భ‌క్తి ఛాన‌ల్‌లో ధార్మిక‌, భ‌క్తిప్ర‌చార కార్య‌క్ర‌మాలు ప్ర‌సారం చేసేందుకు స్పాన్సర్ షిప్పుల సంఖ్య పెరుగుతూ వస్తుంది. ఆదివారం స్టేట్ బ్యాంక్ ఆఫ్ ఇండియా 26 ల‌క్ష‌లా 98 వేలా 70 రూపాయ‌లు తమవంతుగా స్పాన్స‌ర్‌షిప్ అందించింది. ఈ మేరక బ్యాంకు ఎండి చ‌ల్లా శ్రీ‌నివాసులు చెట్టి ఈ స్పాన్స‌ర్‌షిప్ మొత్తం డిడిని తిరుమ‌ల‌లోని క్యాంపు కార్యాల‌యంలో టిటిడి అద‌న‌పు ఈవో, ఎస్వీబీసీ ఎండి  ఎవి.ధ‌ర్మారెడ్డికి అంద‌జేశారు. తమ స్పాన్సర్ షిప్ తో ధార్మిక కార్యక్రమాలు నిరాటంకంగా కొనసాగించాలని కోరారు. ఈ కార్య‌క్ర‌మంలో ఎస్‌బిఐ అమ‌రావ‌తి స‌ర్కిల్ సిజిఎం సంజ‌య్ స‌హాయ్‌, జ‌న‌ర‌ల్ మేనేజ‌ర్ వినిత భ‌ట్టాచార్జీ, తిరుప‌తి డిజిఎం  ఎస్‌.గిరిధ‌ర్‌, రీజ‌న‌ల్ మేనేజ‌ర్  ఎస్‌.స‌త్య‌నారాయ‌ణ‌, తిరుమ‌ల శాఖ మేనేజ‌ర్  సిహెచ్‌విఎస్‌.ప్ర‌సాద‌రావు పాల్గొన్నారు.