భారత ఉప రాష్ట్రపతిఎం.వెంకయ్యనాయుడు, వారి కుటుంబ సభ్యులు శుక్రవారం ఉ.5.30  గంటల కు శ్రీవారిని దర్శించుకున్నారు.   వైకుంఠం క్యూ కాంప్లెక్స్ ద్వారా ఆలయానికి చేరుకున్న ఆయనకు  రాష్ట్ర ఉప ముఖ్యమంత్రి కె.నారాయణ స్వామి, జిల్లా కలెక్టర్ ఎం.హరి నారాయణన్,తిరుపతి అర్బన్ ఎస్ పి వెంకట అప్పల నాయుడు ఉండగా, వైకుంఠం కాంప్లెక్స్  వద్ద  టిటిడి అదనపు ఈ ఓ ధర్మారెడ్డి,సి వి ఎస్ ఓ గోపి నాధ్ జెట్టి తదితరులు స్వాగతం పలికారు. ఆలయం మహా ద్వారం వద్ద టిటిడి ఈ ఓ జవహర్ రెడ్డి స్వాగతం పలికారు. శ్రీ వారి దర్శనానంతరం రంగనాయకుల మండపం లో వేద పండితుల ఆశీర్వదం అందించారు. అనంతరం ఈఓ స్వామి తీర్ధ ప్రసాదాలతోపాటు, ఫోటలను అందజేశారు.