భార‌త మాజీ రాష్ట్ర‌ప‌తి  ప్ర‌ణ‌బ్ ముఖ‌ర్జీ స్మృత్య‌ర్థం ఆ మ‌హ‌నీయుని గౌర‌వ‌సూచ‌కంగా ,దేశ‌వ్యాప్తంగా తేదీ 31-08-2020 నుంచి 06-09-2020 వ‌ర‌కు, రెండు రోజుల‌తో క‌లుపుకుని,అధికారిక సంతాప‌దినాలు పాటించ‌డం జ‌రుగుతుందని కేంద్రం ప్రకటించింది. ఈమేరకు ఉత్తర్వులు జారీ చేసింది. దేశ‌వ్యాప్తంగా జాతీయ‌ప‌తాకాన్ని రెగ్యుల‌ర్‌గా ఎగుర‌వేసే భ‌వ‌నాల‌న్నింటిపై గ‌ల ప‌తాకాన్నిఈ సంతాప‌దినాల‌లో అవ‌న‌తం చేస్తారు. ఎలాంటి అధికారిక వినోద కార్య‌క్ర‌మాలు నిర్వహించకూడదని కూడా ఆ ఉత్తర్వుల్లో పేర్కొంది. అయితే ప్రణబ్ ముఖర్జీని పార్ధీవ శరీరాన్ని ఎప్పుడు, ఎక్కడ, ఏ విధంగా  అధికారికంగా అంత్య‌క్రియ‌లు నిర్వ‌హిస్తారో అధికారికంగా కేంద్రం తెలియజేయనుంది. అందులోనే స్థ‌లం , తేదీ, స‌మ‌యం త‌ర్వాత ప్రకటిస్తారు. ఇప్పటికే కేంద్ర ప్రభుత్వంలోని ప్రధానితో సహా కేబినెట్ మంత్రులు, సహాయ మంత్రులు ప్ర‌ణ‌బ్ ముఖ‌ర్జీ స్మృత్య‌ర్థం తమ ప్రగాడ సంతాపాన్ని ప్రకటించారు...