రోజుకో కంపెనీ ఆండ్రాయిడ్ ఫోన్లు కొత్త కొత్త ఫీఛర్లతో భారత్ మార్కెట్ లోకి అడుగు పెడుతున్నవేళ.. శాంసంగ్ స్మార్ట్ ఫోన్ల లాంచింగ్ లో దూకుడును మరింతగా పెం చుతోంది. తాజాగా గెలాక్సీ ఎం సిరీస్ లో భారీ  బ్యాటరీ  సామర్ధ్యంతో  మరో కొత్త స్మార్ట్‌ఫోన్‌ను అందుబాటులోకి తీసుకొచ్చింది. ఏకంగా 7000 ఎంఏహెచ్  బ్యాటరీతో శాంసంగ్  గెలాక్సీ ఎం51ను భారతీయ మార్కెట్లో దించింది. శాంసంగ్ గెలాక్సీ ఎం51 ఫీచర్లు తెలుసుకుంటే... 6.7అంగుళాల పూర్తి-హెచ్‌డి ప్లస్ సూపర్ అమోలెడ్ ప్లస్ ఇన్ఫినిటీ ఓ డిస్‌ప్లే,  ఆక్టా-కోర్ క్వాల్కమ్ స్నాప్‌డ్రాగన్ 730 జీ సాక్ , ఆడ్రాయిడ్ 10, కార్నింగ్ గొరిల్లా గ్లాస్ 3  ప్రొటెక్షన్, 6/ 8జీబీ ర్యామ్‌,128 జీబీ స్టోరేజ్, 512 జీబీ వరకు విస్తరించుకునే అవకాశం ఉండగా, 64+12+5+5 మెగాపిక్సెల్ క్వాడ్ రియర్ కెమెరాతో పాటు  32 మెగాపిక్సెల్ లెన్స్‌తో సెల్ఫీ కెమెరా కలిగివుంది. 7000 ఎంఏహెచ్ బ్యాటరీ వుంది. ఇక ధరులు పరిశీలిస్తే.. 6 జీబీ ర్యామ్ వేరియంట్‌  ధర  రూ.24,999 , 8 జీబీ ర్యామ్ వేరియంట్‌ రూ. 26,999 , సెప్టెంబర్ 18 న మధ్యాహ్నం 12 గంటల నుండి (మధ్యాహ్నం) అమెజాన్, శాంసంగ్.కామ్ , ఇతర రిటైల్ దుకాణాలలో కొనుగోలుకు అందుబాటులో ఉంటుందని కంపెనీ పేర్కొంది. సెప్టెంబర్ 18-20 మధ్య అమెజాన్ ద్వారా ఫోన్ కొనుగోలు చేసే వినియోగదారులకు హెచ్‌డీఎఫ్‌సీ బ్యాంక్ కార్డులపై 2,000 తగ్గింపు ఆఫర్ చేయనుండటం విశేషం.