నేటికి పదిహేను వందల సంవత్సరాల క్రితం అరేబియా ప్రాంతం హింసకు,దౌర్జన్యాలకు,వ్యసనాలకు, మూఢాచారాలు,మూఢనమ్మకాలకు ఆలవాలమై ఉండేది. ఎటుచూసినా అరేబియా ధనిక భూస్వాముల పీడన,అణచివేతల బారిన పడ్డ పీడిత జనం హాహాకారాలే విన్పించేవి.నల్లజాతికి చెందిన ప్రజల్ని బానిసలుగా చేసుకున్న అరబ్బు అసమసమాజం స్త్రీలను పశువుల కన్నా హీనంగా చూసేది.సరిగ్గా అదే కాలంలో యావత్ ప్రపంచం ఇలాంటి అవలక్షణాలతో అంధకారంలో ఉండేది. ఇలాంటి సమయంలో అరేబియాలోని మక్కాలో వీటిని నిరసిస్తూ ఓ విప్లవ స్వరం విన్పించింది.ఆ స్వరమే ఇస్లాం ప్రవక్త ముహమ్మద్(స). ఆయన తన ప్రగతిశీల భావాలతో యావత్ సమాజాన్ని మేల్కొలిపారు.నాటి సమాజంలోని పేదలు,దళితులు, పీడితులు ఆయన్ని అనుసరించారు.పుట్టుకరీత్యా మనుషుల్లో అధికులు,అల్పులు లేరు.తెల్లజాతి వారికి నల్లజాతి వారిపై ,నల్లజాతి వారికి తెల్లజాతి వారిపై,అరబ్బులకు అరబ్బేతరులకు,అరబ్బేతరులకు అరబ్బులపై కాని ఎలాంటి ఆధిక్యత లేదు.అల్లాహ్ దృష్టిలో మానవులంతా సమానులే. నేను మొత్తం మానవజాతికి సన్మార్గం చూపేందుకు,హితోపదేశం గరిపేందుకు వచ్చిన అంతిమ దైవప్రవక్తను. మనిషి తలవంచాల్సింది ఆ సృష్టికర్తకే తప్ప సృష్టితాలకో,ధనికులకో,పెత్తందార్లకో కాదు అంటూ ఏకేశ్వరత్వానికి, సామాజిక సమానత్వంకై ప్రవక్త ముహమ్మద్(స)ఇచ్చిన పిలుపు అరబ్బు ధనిక సర్దార్లకు ఆగ్రహం తెప్పించింది.అప్పటినుండి ఆయనపై భౌతిక, మానసిక దాడులు మొదలయ్యాయి. ఆయన వేటికీ వెరవలేదు.ఒక్కోసారి బహుదైవారాధకులు విసిరిన రాళ్ల దెబ్బలతో శరీరం రక్తసిక్తమయ్యేది.ఒంటె పేగులు తెచ్చి ఆయన మెడలో వేసి లాగేవారు.కానీ ఆయన ఎవ్వరినీ శపించేవారు కాదు.చివరికి ఆయన వారిపై చూపిన ప్రేమ ముందు కఠినాతికఠినమైన అరబ్బు సమాజం తలవంచక తప్పలేదు.క్రమంగా మొత్తం అరేబియా సమాజం ఆయన అనుసరణీయ సమాజమైంది.
అప్పటినుండి ఇస్లాం ప్రవక్త సాధించిన సామాజిక సమానత్వం మొత్తం ప్రపంచాన్ని నివ్వెరపర్చింది.అప్పటివరకూ బానిసలుగా పరిగణించబడ్డ నీగ్రోజాతి ప్రజలు అరబ్బులకు సమానమయ్యారు.అత్యంత పవిత్రమైన కాబా మస్జిద్ పైకప్పుపై నల్లజాతికి చెందిన బిలాల్(ర)ను ఎక్కి తొలి అజాన్ ఇవ్వమని ప్రవక్త ఆదేశించారు. హజ్రత్ బిలాల్ కళ్లు అశ్రుపూరితాలయ్యాయి.ఎంతో ఉద్వేగంతో ఆయన అజాన్ ఇస్తుంటే అగ్రవర్ణ భావజాలం కల అరబ్బులలో కలకలం రేగింది.అప్పుడు ప్రవక్త వారిని ఉద్దేశించి 'మనం అల్లాహ్ కు కృతజ్ఞతలు తెల్పుకోవాలి.ఆయన మిమ్మల్ని అజ్ఞాన కాలపు చెడుల నుండి,అహంకారాల నుండి రక్షించాడు అని పలకగా అరబ్బుల హృదయాలు పశ్చాత్తాపంతో కరిగిపోయాయి క్షమాపణ కోరారు.అప్పటినుండి అరబ్బులు నీగ్రో ప్రజల ముందు నిలబడి ఓ నా ప్రియమైన సోదరా!అంటూ గౌరవించేవారు.అంతేకాక తమ కుమార్తెలను నీగ్రోలకు ఇచ్చి వివాహాలు చేసేవారు.కనుకే ప్రఖ్యాత యూరోపియన్ చరిత్రకారుడు లామర్టైన్ తన 'హిస్టరీ డిలా టర్క్'లో ప్రవక్త ముహమ్మద్(స)ను ఇలా ప్రస్తుతించాడు."ప్రపంచంలో ప్రతిభావంతులైన వారు ఆయుధాలు సృష్టించారు.చట్టాలు చేసారు.రాజ్యాలు స్థాపించారు.అవన్నీ భౌతిక శక్తియుక్తులకు సంబంధించినటువంటివి కనుకనే అవన్నీ అనతికాలంలోనే కూలిపోయాయి.కాని ఇస్లాం ప్రవక్త ముహమ్మద్ తన నైతికశక్తితో మహాసైన్యాల పునాదులు కదిలించడమే గాక లక్షలాది మనుషుల్ని చలింపజేశాడు.అన్నిటికంటే ముఖ్యంగా బలిపీఠాల్ని,దేవతలను,మతాలను,భావాలను,నమ్మకాలను,ఆత్మలను స్థానభ్రంశం చేశాడు".
మొత్తం పరిస్థితులు మారిపోయి యావత్ అరేబియా సమాజం ఆయన జీవించి ఉన్న కాలంలోనే ఆయన వెనుక నడుస్తున్నా అంతిమ ప్రవక్త ముహమ్మద్(స) నిరాడంబరత,స్వచ్ఛత మారలేదు.పగలంతా పరిశ్రమించి మెత్తటి పరుపులపై గాక ఖర్జూరపు చాపపై పడుకునేవారు.స్త్రీలు మన తల్లులు,చెల్లెళ్లు,కూతుర్లు అంటూ స్త్రీల హక్కుల గురించి మాట్లాడేవారు.ధర్మం ప్రకారం పురుషులకు కల అన్ని హక్కులు స్త్రీలకూ ఉన్నాయని చెప్పి అరబ్బు పురుష సమాజాన్ని సంస్కరించారు.ప్రతి పురుషుడు తన గృహంలో ప్రవేశించే ముందు తన భార్యకు సలాం చేసి మరీ వెళ్లాలని చెప్పి పురుషాహంకారాన్ని తుత్తునియలు చేశారు.బాల్యంలోనే తల్లిదండ్రుల్ని కోల్పోయిన ఓ అనాధ బాలునిగా మొదలైన ఆయన జీవితం ప్రవక్తగా మక్కా నుండి బహిష్కరించబడి ఓ వలసవాసిగా సాగి మానవ జీవన మూలాలకు సంబంధించిన అత్యున్నత సత్యాలను కనుగొన్నది.తన జీవితపర్యంతం దుర్మార్గుల హింసకు గురౌతూ కూడా శాంతి,ప్రేమ,కరుణలతో తన జీవితకాలంలోనే తన చుట్టూ ఉన్న సమాజాన్ని మార్చిన ధీరోదాత్త ప్రవక్త ముహమ్మద్(స).ఆయన సత్యసంధతను,కరుణను ప్రత్యక్షంగా పొందిన ఆయన అనుచరులు తమపై అరబ్బు సర్దార్ల నుండి ఎన్ని విపత్తులు వచ్చినా ,చివరికి ప్రాణాలను సైతం తృణప్రాయంగా అర్పించారే తప్ప ప్రవక్తను వీడలేదు.అరేబియా సర్దార్లు ఖబ్బాబ్ బిన్ అర్త్ అనే ప్రవక్త సహచరుడ్ని కణకణలాడే నిప్పు కణాలపై నిలబెట్టి అతని శరీరం లోని కండరాలను క్రూరంగా కోస్తూ ఇప్పుడు నీకేమనిపిస్తుంది?నీ స్థానంలో ముహమ్మద్ ఉండి నీకు నీ పిల్లాజెల్లలతో సుఖంగా ఉండాలని లేదా?అంటూ అవహేళన చేస్తుంటే అతను -నేనే కాదు యావత్ నా కుటుంబాన్ని ముహమ్మద్(స)చూపిన మార్గంలో ధారపోసేందుకు సిద్ధమే తప్ప తన ప్రవక్తకు చిన్న ముల్లు గుచ్చుకున్నా సహించలేనని బదులిస్తాడు.అందుకే ప్రసిద్ధ భారతీయ రచయిత దివాన్ చంద్ శర్మ తన"పాఫెట్స్ ఆఫ ది ఈస్ట్"లో "ముహమ్మద్ దయాస్వరూపుడు.ఆయన ప్రభావాన్ని ఆయన చుట్టూ ఉండే వారు గ్రహించారు.మరెప్పుడూ దాన్ని మరువలేకపోయారు"అంటాడు. ప్రపంచానికి మానవీయ,ఆర్థిక, సామాజిక, రాజకీయ,సాంస్కృతిక,నైతిక విలువలను బోధించిన అంతిమ దైవప్రవక్త తుదిశ్వాస విడిచే సమయంలో ఆయన ఒంటిపై ఉన్న బట్టలకు ఎన్నో అతుకులు.ఇంట్లో దీపం వెలిగించేందుకు నూనె లేని పరిస్థితి. కానీ ఆయన వెలిగించిన జ్ఞానజ్యోతి భూమి మూలమూలల్లోకీ ప్రసరించడం మానవజాతి చరిత్రలోనే ఓ మహాద్భుతం.
అక్రమ భూఖబ్జాకోరు గీతం డీమ్డ్ టుబీ యూనివర్శిటీ విషయంలో ఈఎన్ఎస్ నేషనల్ న్యూస్ ఏజెన్సీ అధికార మొబైల్ న్యూస్ యాప్ ఈఎన్ఎస్ లైవ్ ప్రచురించిన ప్రతీ న్యూస్ కార్డ్(వార్తలు) అక్షర సత్యాలయ్యాయి.. ఆ విషయం వైఎస్సార్సీపీ రాజ్యసభ సభ్యులు వి.విజయసాయిరెడ్డి యూజీసి చైర్మన్ కి రాసిన లేఖతో మరోసారి ఆ విషయం రాష్ట్ర ప్రజలకు, గీతంలో విద్యనభ్యసిస్తున్న విద్యార్ధులకు, గీతం టుబీ యూనివర్శిటీకి, తేడా మీడియా సంస్థలకు, సైబర్ సైబర్ క్రైమ్ కేసు నమోదు చేసిన యాజమాన్యానికి అర్ధమైంది. అంతేకాదు గీతం విద్యా సంస్థల విషయంలో సమర్పించిన తప్పుడు సమాచారం పై విచారణ చేయాలని, విజయసాయిరెడ్డి చేసిన ఫిర్యాదులు గీతం వెన్నులో ప్రకంపణలు స్రుష్టిస్తున్నాయి. ఆది నుంచి గీతం విషయంలో ఈఎన్ఎస్ నేషనల్ న్యూస్ ఏజెన్సీ వాస్తవాలు చెబుతూనే వుంది. గీతంకి యూజిసి నోటీసులు ఇచ్చిన విషయాన్ని కూడా ఆంధ్రప్రదేశ్ లో మొట్టమొదటిసారిగా ఈఎన్ఎస్ మాత్రమే ఆధారాలతో సహా బయటపెట్టింది. అప్పటి వరకూ గీతం డీమ్డ్ యూనివర్శిటీ అని బోర్డుపై రాసుకున్న గీతం సంస్థ, ఈఎన్ఎస్ న్యూస్ కార్డ్ ఎఫెక్ట్ తో ఆ తరువాత గీతం టుబీ యూనివర్శిటీ అని పేరు మార్చుకుంది. అక్కడి నుంచి గీతంలోని తేడా అంశాలపై విషయాలపై పదే పదే వార్తలు రాయడంతో గీతం సోషల్ మీడియా న్యూస్ యాప్స్ పైనా, కొన్ని పత్రికలపైనా, వెబ్ సైట్లపైనా సైబర్ క్రైమ్ కేసు నమోదు చేసినట్టు ప్రకటించింది. ఆ సమయంలో కూడా ఈఎన్ఎస్ వెనక్కి తగ్గలేదు. యూజీసీ గీతం కి ఇచ్చిన నోటీసులను మరోసారి ఈఎన్ఎస్ అధికారిక ఫేస్ బుక్ పేజి ద్వారా భహిర్గతం చేసింది. ఆతరువాత గీతం పాపం పండిండి... అధికారంలోకి వచ్చిన వైఎస్సార్సీపీ ప్రభుత్వం గీతం విద్యాసంస్థలు సుమారు 40.50 ఎకరాల ప్రభుత్వ భూమి యాజమాన్యం ఖబ్జా చేసిందని ఆక్రమణలను కూలగొట్టి తొలగించి కొంత స్థలాన్ని స్వాధీనం చేసుకున్నారు. అయితే అప్పటికే ఆగ మేఘాలపై ఆక్రమిత స్థలంలో శాస్వత కట్టడాలను కూల్చకుండా కోర్టు నుంచి స్టే తెచ్చుకుంది గీతం యాజమాన్యం. ఆతరువాత కూడా ఈఎన్ఎస్ దేశ వ్యాప్తంగా యూనివర్శిటీలకు అనుమతినిచ్చే 1956ను అనుసరించి ఏవిధమైన అనుమతులు ఇస్తుందో, విద్యాసంస్థ చూపించిన ఆస్తులు నకిలీవి, ఆక్రమణలు అయితే గుర్తింపు పరిస్థితి ఏంటనే విషయాన్ని కూడా న్యూస్ కార్డ్ అందించింది. అంతేకాదు. జాతీయ స్థాయిలో డీమ్డ్ యూనివర్శిటీలన్నీ భయపడే విధంగా ఈఎన్ఎస్ ప్రత్యేకంగా పరిశోధన చేసి మరీ ఈ వార్తా కధనాలు భయటపెట్టడంతో గీతం యాజమాన్యం ఒక్కసారిగా ఒణికిపోయింది. తన బాజా బజంత్రీ మీడియా ద్వారా గీతంలో ఏదీ లేదన్నట్టుగానే ప్రచారం చేసుకుంటూ వచ్చింది. గీతం విషయంలో అన్నీ అక్రమాలేనని దానికి రాజ్యసభ సభ్యులు వి.విజయసాయిరెడ్డి యూజిసికి చేసిన ఫిర్యాదు ఈఎన్ఎస్ వార్తలను నిజం చేస్తూ..బాహ్యప్రపంచానికి తెలియజేసేలా చేశాయి...ఈఎన్ఎస్ నేషనల్ న్యూస్ ఏజెన్సీ పరిశోధనాత్మక కధనాలు ఎప్పుడూ ఒమ్ముకాలేదని మరోసారి రుజువైంది. ప్రజల పక్షాన అక్షర సమరం చేసే ఈఎన్ఎస్...తెలుగు ప్రజల గుండె చప్పుడికి అనుగుణంగా వార్తలు(న్యూస్ కార్డ్) వేస్తుందని తెలియజేస్తున్నాం..ఎలాంటి పరిస్థితులనైనా దైర్యంగా ఎదుర్కుంటామని కూడా తేడాగాళ్లను హెచ్చరిస్తున్నాం..!
విశాఖలో 40 ఎకరాలు ప్రభుత్వభూమిని నిస్సుగ్గుగా ఆక్రమించిన గీతం టుబీ డీమ్డ్ యూనివర్శిటీ చుట్టూ ఉచ్చు బిగుకుకంటున్నట్టు కనిపిస్తుంది. ఒక ప్రైవేటు యూనివర్శిటీగానీ, డీమ్డ్ యూనివర్శిటీగానీ స్థాపించాలంటే ఎలాంటి అవకతవకలు లేని భూమి, వసతులు, అద్యాపకులు, ఇలా అన్నిరాకాలుగా క్లీన్ చిట్ వున్న విద్యాసంస్థలకు మాత్రమే యూనివర్శిటీ ఎస్టాబ్లిస్ మెంట్ యాక్ట్ 1957 ద్వారా యూనివర్శిటీ గ్రాంట్స్ కమిషన్(యూజిసి) అనుమతులు ఇస్తుంది. విద్యాసంస్థల్లో వున్న అదే వసలు, అత్యున్నతంగా వుంటే దానికి నాక్(నేషనల్ ఎసెస్ మెంట్ అక్రిడిటేషన్), డిస్టెన్స్ ఎడ్యుకేషన్ బ్యూరో(డిఇబి), ఆలిండియా కౌన్సిల్ ఆఫ్ టెక్నికల్ ఎడ్యుకేషన్ (సాంకేతిక విద్య కోసం) అనుమతులు ఇస్తాయి. ఈ అనుమతులన్నీ గీతం టుబి డీమ్డ్ యూనివర్శిటీ ప్రభుత్వ భూములను ఆక్రమించి, వాటిని అభివ్రుద్ధి చేసి కేంద్ర ప్రభుత్వ సంస్థలను తమవే అన్నట్టు చెప్పాయని జెఏసి అధ్యక్షులు జెటి రామారావు ఆరోపించారు. దీంతో కేక్ ఏ ప్లస్ ప్లస్ గ్రేడు మంజూరు చేసింది. తీరా ఇపుడు రాష్ట్ర ప్రభుత్వ భూములను 40 ఎకరాలకు పైగా అన్యాక్రాంతం చేశారని తేలింది. అలాంటపుడు ఏవైతే కేంద్ర సంస్థలు గుర్తింపు ఇచ్చాయో అవన్నీ సుమోటా వారి గుర్తింపు రద్దు చేయాల్సి వుంది. అంతేకాకుండా ఈ విషయంలో రాష్ట్ర ప్రభుత్వంలోని కొందరు పెద్దలు కూడా గీతం విషయంలో చాలా సీరియస్ గా ఉన్నారు. ఆస్తులను స్వాధీనం చేసుకున్న సమయంలో కోర్టు నుంచి ఉత్తర్వులు తెచ్చుకున్న గీతం తదుపరి కూల్చివేతలను ఆపుకోగలిగింది తప్పితే, ఇతరత్రా అంశాలను అడ్డగోలుగా ఆపుకునే పరిస్థితి లేకుండా పోయింది. ప్రభుత్వం నుంచి నేరుగా కేంద్ర ప్రభుత్వ సంస్థలైన యూజిసి, నాక్, డిఇబి, ఏఐసిటిఇ లకు గీతం భూ దురాక్రమణలపై ఫిర్యాదులు వెళితే విద్యాసంస్థ గుర్తింపు రద్దు అవడం దాదాపు ఖాయమని తెలుస్తుంది. ట్రస్టు పేరుతో ఏర్పాటు చేసిన ఈ విద్యాసంస్థ ప్రభుత్వ ఆస్తులను 38ఏళ్లుగా ఎలాంటి పన్నులు కట్టకుండా దురాక్రమణ చేయడంతోపాటు, ఇపుడు ప్రభుత్వమే నేరుగా ఆక్రమిత ఆస్తులను స్వాధీనం చేసుకునే వరకూ తెచ్చుకుంది గీతం. ఈ సమయంలో గీతం టుబి యూనివర్శిటీలోని ప్రభుత్వ ఆక్రమిత ఆస్తులు విద్యాసంస్థవి కాదని తెలిసిన వెంటనే సదరు సంస్థలు గుర్తింపుని అన్నింటినీ రద్దు చేయాలి...కారణం అవన్నీ గీతం ఆస్తులు కావు, పైగా దురాక్రమణ చేసినవి. ఈ విషయమై ఏపి ప్రజా సంఘాల సమాఖ్య అధ్యక్షులు జెటి రామారావు సైతం ఇటు సిబిఐ, ఇడిలకు ఫిర్యాదు చేశారు. వీటన్నింటినీ పరిగణలోకి తీసుకుంటున్న కేంద్రప్రభుత్వ సంస్థలు గీతం పై ద్రుష్టి కేంద్రీకరించినట్టు కూడా సమాచారం గట్టిగానే ప్రచారం జరుగుతుంది.పైగా గీతం టుబీ డీమ్డ్ యూనివర్శిటీ విషయంలో యూజిసి ఇచ్చిన నోటీసుల(నేరుగా డీమ్డ్ యూనివర్శిటీ అనకూడదు, డీమ్డ్ టుబీ డీమ్డ్ యూనివర్శిటీ అని మాత్రమే అనాలి) ను మీడియాలో వార్తలు రాసినందుకు సోషల్ మీడియా, ఇతర మీడియా సంస్థలపై సైబర్ క్రైమ్ కేసు పెట్టిన గీతం యాజమాన్యమే ఒక అడ్డగోలు దురాక్రమణ విద్యాసంస్థ అని రాష్ట్ర ప్రభుత్వం ఆధారాలతో సహా బట్టబయలు చేసింది. ఈ క్రమంలో కేంద్రం ప్రభుత్వ సంస్థలు తీసుకోబోయే చర్యలపై సర్వత్రా ఉత్కంఠ నెలకొనగా చర్యలు తీసుకునేంత వరకూ తమ ఉద్యమం ఆపేది లేదని ప్రజా సంఘాల జేఏసి అధ్యక్షులు జెటి రామారావు హెచ్చరిస్తున్నారు..
తిరుమల తిరుపతి దేవస్థానం ముద్రించిన 2021 డైరీలు, క్యాలెండ‌ర్లను భక్తులు ఆన్‌లైన్‌(tirupatibalaji.ap.gov.in) ద్వారా బుక్ చేసుకునేందుకు అవ‌కాశం క‌ల్పించినట్టు టిటిడి అధికారులు ప్రకటించారు. భక్తులు వారికి కావాల్సిన కేలండర్లు, డైరీలు తమకు నచ్చినన్ని బుక్ చేసుకోవచ్చునన్నారు. ప్రతీ ఏడాది భక్తులకు సంబంధిత డీలర్లు, టిటిడి కౌంటర్ల ద్వారా అందించే ఈ డైరీలు, కేలండర్లు భక్తుల సౌకర్యార్ధం ఆన్ లోనే ఉంచినట్టు పేర్కొన్నారు. తద్వారా కొన్ని ప్రాంతాలకే కాకుండా అన్ని ప్రాంతాల భక్తులకు శ్రీవారి కేలండర్లు భక్తులకు దగ్గర చేసినట్టు అవుతుందనేది టిటిడి ముఖ్య ఉద్దేశ్యం. దానికి తోడు టిటిడి నిర్వహించే డయల్ యువర్ ఈఓ కార్యక్రమంలో కూడా భక్తులు అధికంగా వీటికి సంబంధించిన అంశాలు లేవనెత్తడంతో దేశవ్యాప్తంగా శ్రీవారి భక్తుల సౌకర్యార్ధం వీటిని ఆన్ లైన్ లో వుంచినట్టు టిటిడి పేర్కొంది. గతం ఇతర ఈ కామర్స్ సైట్లతో మంతనాలు చేసినప్పటికీ నేరుగా టిటిడి ద్వారానే అందించాలనే లక్ష్యంతో ఈ ఏర్పాట్లు చేసినట్టు తిరుమల అధికారులు చెబుతున్నారు. ఈ అవకాశాన్ని భక్తులు ఈ అవకాశాన్ని వినియోగించుకోవాల‌ని కోరుతున్నారు.
‘సతర్క్ భారత్, సమృద్ధ్ భారత్’ ఇతివృత్తం తో సాగే నిఘా, అవినీతి నిరోధం అంశాలపై ఏర్పాటైన జాతీయ సమ్మేళనాన్ని ప్ర‌ధాన మంత్రి న‌రేంద్ర మోదీ అక్టోబర్ 27 న సాయంత్రం 4:45 గంటలకు వీడియో కాన్ఫరెన్స్ ద్వారా ప్రారంభించనున్నారు. ఈ సమ్మేళనం ప్రారంభ సమావేశాన్ని ప్రత్యక్ష ప్రసారం చేయడం జరుగుతుందని పీఎంఓ తెలియజేసింది. ఈ కార్యక్రమాన్ని https://pmindiawebcast.nic.in/ లింకు ద్వారా చూడవచ్చు. ప్రతి ఏటా అక్టోబర్ 27 నుంచి నవంబర్ 2 తేదీల మధ్య భారతదేశం లో ‘నిఘా చైతన్య వారోత్సవం’ కాలంలో ఈ జాతీయ సమ్మేళనాన్ని కేంద్ర దర్యాప్తు బ్యూరో నిర్వహిస్తూ వస్తోంది. ఈ సమ్మేళనం లో భాగంగా చేపట్టే కార్యకలాపాలపై నిఘా కు సంబంధించిన అంశాల మీద దృష్ఠి ని కేంద్రీకరించడం జరుగుతుంది. 3 రోజుల పాటు కొనసాగే ఈ సమ్మేళనం లో భాగంగా- విదేశీ అధికార పరిధుల లో దర్యాప్తు క్రమం లో ఎదురయ్యే సవాళ్లు; అవినీతి ని అడ్డుకోవడానికి వ్యవస్థ పరంగా ఉన్న కట్టడి రూపం లో ప్రివెంటివ్ విజిలెన్స్ ను ఉపయోగించడం; వృద్ధి ని ముందుకు తీసుకుపోయేందుకు లెక్కల తనిఖీ (ఆడిట్) ని ప్రభావశీలమైన పద్ధతిలో ఉపయోగించడం; అవినీతి పై పోరాటం లో ఉత్తేజాన్ని ఇచ్చేందుకు అవినీతి నివారక చట్టం లో తాజాగా చేసిన సవరణ లు; సామర్థ్యం పెంపుదల- సిబ్బందికి శిక్షణ; త్వరిత గతిన, అధిక ప్రభావాన్ని కనబరచే దర్యాప్తు నకు తోడ్పడేటట్లుగా బహుళ ఏజెన్సీల మధ్య సమన్వయాన్ని నెలకొల్పడం; ఆర్థిక నేరాలలో కొత్త ధోరణులను, సైబర్ క్రైమ్స్ ను, దేశాల మధ్య చోటుచేసుకొంటున్న సంఘటిత నేరాలను నివారించే చర్యలు; నేర పరిశోధక సంస్థ ల మధ్య ఉత్తమ అభ్యాసాలను ఇచ్చి పుచ్చుకోవడం- వంటి అంశాలు చర్చ కు రానున్నాయి.
వెయ్యిగొడ్లను తిన్న రాబందు ఒక్క గాలీవానకు కుప్పకూలినట్టు...ఎన్నో ప్రభుత్వాల అండతో 40 ఎకరాల ప్రభుత్వభూమి అక్రమంగా ఖబ్జా చేసిన గీతం విద్యా సంస్థలు...గీతం టుబీ డీమ్డ్ యూనివర్శిటీ(నేరుగా డీమ్డ్ యూనివర్శిటీ అనిరాయకూడదని.. ఈ విధంగానే రాయాలని యూజిసి కూడా మొట్టికాయవేసింది) అక్రమ ఆస్తులు, కట్టడాలు వైఎస్సార్సీపీ ప్రభుత్వం అధికారంలోకి వస్తే తప్పా కుప్పకూలలేదు...ఇవేవో కావాలని అంటున్న మాటలు కాదు...ఎన్నో ఏళ్ల నుంచి కేంద్ర, రాష్ట్ర ప్రభుత్వాలను మసి పూసి, మారేడుకాయ చేసి ఆక్రమించిన ఆస్తులను ఆధారాలతో, రెవిన్యూశాఖ, సహా మహావిశాఖ నగరపాలక సంస్థ ఒక్కపెట్టున కుప్పకూల్చింది. మేమంతా స్పష్టంగా వున్నామని భీరాలు పోయిన గీతం విద్యాసంస్థలు, జీవీఎంసీ అధికారులు అక్రమ కట్టడాలను జేసీబీలతో పెకిలించేస్తుంతే కళ్లప్పగించి చూడటం తప్పా మరేమీ చేయలేకపోయింది. ఒకటి కాదు రెండు కాదు ఏకంగా 40 ఎకరాల కోట్లాది రూపాయల విలువైన ప్రభుత్వ భూమిని ఖబ్జా చేసిన గీతం విద్యాసంస్థలు...యాజమన్యం వీరి అక్రమాలపై వార్తలు రాస్తే సైబర్ క్రైమ్ కేసులు పెట్టింది...వాస్తవాలను నిగ్గుతేల్చిన రెవిన్యూశాఖ, జీవిఎంసీలు మీ నిర్మాణాలు, ఖబ్జాలని సక్రమం కాదంటూ కూల్చేయడం చర్చనీయం అవుతుంది. అంతేకాదు...ఈ విద్యాసంస్థ అక్రమాల మయం అని యూజిసి గుర్తిస్తే ఆ ప్రమాదం మరింతగా పడుతుంది... విశాఖ నగర శివారులోని రుషికొండ సమీపాన పెద్ద ఎత్తున ప్రభుత్వ భూమిని తమ ఆధీనంలో ఉంచుకున్న గీతం టూబీ డీమ్డ్ యూనివర్సిటీ నుంచి అధికారులు స్వాధీనం చేసుకున్నారు. దాదాపు 40 ఎకరాలు గీతం యూనివర్సిటీ ప్రభుత్వ భూమిని అనుభవిస్తున్నట్లు రెవెన్యూ అధికారుల ప్రాథమిక విచారణలో రుజువైంది. దీంతో ఆర్డీవో పెంచల కిషోర్ పర్యవేక్షణలో రెవిన్యూ సిబ్బంది ఉదయం 6 గంటల నుంచి ప్రభుత్వ భూమిని గుర్తించి వాటిని స్వాధీనం చేసుకునే ప్రక్రియ కొనసాగిస్తున్నారు. ఈ నేపథ్యంలో వర్సిటీకి వెళ్లే మార్గాన్ని పోలీసులు మూసివేశారు. గీతం టుబీ డీమ్డ్ యూనివర్శిటీ యాజమాన్యం గుప్పిట్లో 40.51 ఎకరాల ప్రభుత్వ భూములున్నాయని జిల్లా రెవిన్యూ అధికారులు ఇచ్చిన నివేదికపై ప్రభుత్వం తక్షణ చర్యలు తీసుకుంది. గత ప్రభుత్వ హయాంలో అధికారాన్ని అడ్డం పెట్టుకొని ఎండాడ, రుషికొండ పరిసరాల్లోని భూముల్ని ఆక్రమించేసుకుని సంస్థ పరిధిలో కలిపేసుకున్నట్లు రెవిన్యూ అధికారులు పూర్తి ఆధారాలతో గుర్తించారు. దీనిపై సమగ్ర దర్యాప్తు చేపట్టి సవివర నివేదికని ప్రభుత్వానికి మరోసారి అందించేందుకు అధికారులు సిద్ధమవుతున్నారు. గీతం పరిధిలో కోర్టు కేసుల్లో ఉన్న భూములు ఏఏ గ్రామాల పరిధిలో ఉన్నాయి.? ఆక్రమణలు ఎంత మేర జరిగాయన్నదానిపై కూడా నివేదిక అన్నిరకాల కొలతలతోనూ సిద్ధమవుతోంది.
