తెలంగాణ రాష్ట్ర వ్యాప్తంగా ఉత్కంఠ రేకెత్తించిన దుబ్బాక ఉప ఎన్నికలో టిఆర్ఎస్ గడ్డపై బీజేపీ సంచలన విజయం నమోదైంది. నువ్వా నేనా అన్న విధంగా సాగిన పోరులో అనూహ్య రీతిలో బీజేపీ అభ్యర్థి రఘునందన్‌రావు విజయం సాధించారు. నరాలు తెగే ఉత్కంఠ నడమ సాగిన కౌంటింగ్‌లో చివరి నాలుగు రౌండ్లలో బీజేపీ ఆధిక్యం కనబర్చి టీఆర్‌ఎస్‌ కంచుకోటలో తొలిసారి కాషాయ జెండా ఎగరేసింది. టీ-20 మ్యాచ్‌లా సాగిన పోరులో మొదటి పది రౌండ్స్‌లో బీజేపీ పూర్తిస్థాయి ఆధిక్యం కనబర్చగా.. అనుహ్యంగా పుంజుకున్న టీఆర్‌ఎస్‌ 11 నుంచి 20 రౌండ్‌ వరకు ఆధిక్యంలోకి దూసుకొచ్చి బీజేపీకి సవాలు విసిరింది.ఓ సమయంలో టీఆర్‌ఎస్‌ విజయం ఖాయమనే రీతిలో ఆధిక్యం కనబర్చింది. అయితే పడిలేచిన కెరటంలా చివరి నాలుగు రౌండ్స్‌లో బీజేపీ లీడ్‌లోకి వచ్చి.. ఉత్కంఠకు తెరదించింది. 20వ రౌండ్‌లో బీజేపీకి 491 ఓట్లు, 21వ రౌండ్‌లో 380 ఓట్ల ఆధిక్యం లభించింది. దుబ్బాక విజయంతో రాష్ట్ర వ్యాప్తంగా బీజేపీ శ్రేణులు సంబరాలు చేసుకున్నారు. ఒక రకంగా తొడగొట్టి సవాల్ చేసిన వారందరికీ ఈ గెలుపు ఒక సమాధానం అయింది. అంతేకాకుండా ఎగ్జిట్ పోల్స్ సైతం ఈ ఎన్నికతో తుస్సుమన్నాయి...
ఆంధ్రప్రదేశ్ కి రేషన్‌ బియ్యం సబ్సిడీ కింద చెల్లించాల్సిన 1,728 కోట్ల రూపాయల బకాయిలను వెంటనే విడుదల చేయాలని వైఎస్సార్‌ కాంగ్రెస్‌ పార్టీ పార్లమెంటరీ నాయకుడు వి.విజయసాయి రెడ్డి కేంద్ర ఆహార, ప్రజా పంపిణీ శాఖ మంత్రి పియూష్‌ గోయల్‌ను కోరారు. ఈ మేరకు ఆయన కేంద్ర మంత్రికి లేఖ రాశారు. ప్రజా పంపిణీకి వినియోగించే బియ్యం కొనుగోలు కోసం కేంద్ర ప్రభుత్వం కొంత సొమ్మును సబ్సిడీ కింద రాష్ట్ర పౌర సరఫరాల శాఖ (ఏపీ సివిల్‌ సప్లైస్‌ కార్పోరేషన్)కు చెల్లిస్తుంది. ఆ విధంగా చెల్లించాల్సిన మొత్తాల్లో ఇంకా 1,728 కోట్ల రూపాయల మేర బకాయి మిగిలిఉంది. ఈ మొత్తాన్ని త్వరితగతిన విడుదల చేసి 2020-21 ఖరీఫ్ సీజన్‌లో రైతులకు కనీస మద్దతు ధర చెల్లింపుకు సహకరించాలని విజయసాయి రెడ్డి లేఖలో మంత్రికి విజ్ఞప్తి చేశారు. బియ్యం సబ్సిడీ కింద కేంద్ర ప్రభుత్వం ఏపీ పౌర సరఫరాల కార్పొరేషన్‌కు విడుదల చేయాల్సిన బకాయిలు 2.498 కోట్ల రూపాయలకు చేరడంతో గత ఫిబ్రవరి 21న ముఖ్యమంత్రి శ్రీ వైఎస్‌ జగన్‌ మోహన్‌ రెడ్డి లేఖ ద్వారా ఈ బకాయిల విషయం ప్రధానమంత్రి దృష్టికి తీసుకువచ్చారు. ప్రధాని ఆదేశాలతో గత మార్చి 5న కేంద్ర ఆహార, ప్రజా పంపిణీ మంత్రిత్వ శాఖ కొంత మొత్తం విడుదల చేసినప్పటికీ ఇంకా 1,728 కోట్ల రూపాయల బకాయిలు మిగిలి ఉన్నాయి. కోవిడ్‌ మహమ్మారి కారణంగా రాష్ట్ర ప్రభుత్వం తీవ్ర ఆర్థిక ఇబ్బందులను ఎదుర్కొంటున్న నేపథ్యంలో ఈ బకాయిలను త్వరితగతిన విడుదల చేయవలసిందిగా కోరుతూ ముఖ్యమంత్రి శ్రీ వైఎస్‌ జగన్‌ మోహన్‌ రెడ్డి గత ఏప్రిల్‌ 1న మరోసారి ప్రధాన మంత్రికి లేఖ రాసిన విషయాన్ని విజయసాయి రెడ్డి మంత్రి దృష్టికి తీసుకువచ్చారు. బియ్యం సబ్సిడీ బకాయిలు త్వరగా విడుదల చేయడం వలన రైతులకు సకాలంలో కనీస మద్దతు చెల్లింపులతోపాటు స్వయం సహాయ బృందాలు, సహకార సంఘాలను ఆర్థిక వత్తిళ్ళ నుంచి కాపాడవచ్చునని వివరించారు. అలాగే 2020-21 ఖరీఫ్ సీజన్‌కు తగిన ఏర్పాట్లు చేసుకోవడంలో రైతులకు సాయపడవచ్చునని విజయసాయి రెడ్డి తన లేఖలో మంత్రికి వివరిస్తూ సాధ్యమైనంత త్వరగా బియ్యం బకాయిల విడుదలకు చర్యలు తీసుకోవాలని మంత్రిని కోరారు.
మెగాస్టార్ చిరంజీవి కరోనా పాజిటివ్ రావడంతో ఆ టెన్షన్ తెలంగాణ సీఎం కెసిఆర్, హీరో నాగార్జున లో కూడా మొదలైంది. ఈ నెల 7న తెలంగాణ ముఖ్యమంత్రి కేసీఆర్‌ను మెగాస్టార్ చిరంజీవి, అక్కినేని నాగార్జున కలిశారు. ఈ సందర్భంగా హైదరాబాద్‌లో సినీ ఇండస్ట్రీ అభివృద్ధితో పాటు సినీరంగ సమస్యలపై సమీక్ష నిర్వహించారు. ఆ తరువాత ‘ఆచార్య’ చిత్రం షూటింగ్ సందర్భంగా కరోనా టెస్ట్ చేయించుకోగా.. చిరంజీవికి పాజిటివ్ వచ్చినట్లు ట్విట్టర్ వేదికగా సోమవారం నాడు చిరంజీవే స్వయంగా ఈ విషయాన్ని వెల్లడించారు. దీంతో సీఎం కెసిఆర్ ఆందోళన చెందుతున్నారు. ప్రస్తుతం చిరు హోం క్వారంటైన్‌లో ఉన్నారు. వెంటనే సీఎంవో అధికారులు అప్రమత్తమై కరోనా పరీక్షలు చేయించుకుంటున్నారు. ఆదివారం నాడు ఎంపీ సంతోష్, హీరో రామ్‌చరణ్‌తో కలిసి చిరంజీవి మొక్కలు కూడా నాటారు. ఆ సమయంలో కూడా చాలామంది పాల్గొన్నారు. అంతేకాకుండా సీఎం కెసిఆర్ చేతికి చెక్‌లు కూడా అందజేయడంతో ఆ చెక్కు ద్వారా ఏమైనా వైరస్ సోకే ప్రమాదముందని కూడా అధికారులు సూచించడంతో సీఎం కేసిఆర్ కూడా పరీక్షలు చేయించుకోవడాని సిద్ధ పడుతున్నట్టు సమాచారం. ఈ సమీక్షలో ఎంపీ సంతోష్ సహా పలువురు అధికారులు పాల్గొన్నారు. అయితే కొద్దిసేపటి క్రితమే ఎంపీ సంతోష్ కరోనా పరీక్షలు చేయించుకోగా నెగిటివ్‌గా నిర్ధారణ అయ్యింది. ఇవాళ వారంతా కరోనా పరీక్షలు చేయించుకుంటున్నారు..ఇప్పటికే కొందరి ఫలితాలు రాగా.. మరికొందరి ఫలితాలు రావాల్సి ఉంది. కరోనా వార్త ఎవరు వినాల్సి వస్తుందోనని ఆందోళన చెందుతున్నారు.
భారత్ లో ఇస్రో ప్రయోగాల విజయవంతం పరంపర కొనసాగుతోంది. ఇండియన్ స్పేస్ సెంటర్ (ఇస్రో) ప్రతిష్టాత్మకంగా చేపట్టిన పీఎస్ఎల్వీ సీ-49 రాకెట్‌ శనివారం మధ్యాహ్నం విజయవంతంగా నింగిని చీల్చుతూ గగణ తలంలోకి దూసుకెళ్లింది. శ్రీహరికోట సతీష్‌ ధవన్‌ స్పేస్ సెంటర్‌లోని మొదటి ప్రయోగ వేదిక నుంచి ఈ ప్రయోగం చేపట్టారు. పీఎస్ఎల్వీ సీ-49 రాకెట్‌ ద్వారా స్వదేశానికి చెందిన ఎర్త్‌ అబ్జర్వేషన్‌(ఈవోఎస్‌ 01) శాటిలైట్‌తో పాటు అమెరికాకు చెందిన నాలుగు ఉపగ్రహాలు, లక్స్‌ంబర్గ్‌కు చెందిన నాలుగు ఉపగ్రహాలు, తిథువేనియాకు చెందిన ఒక చిన్న తరహా ఉపగ్రహాన్నికూడా వీటితోపాటు నింగిలోకి పంపారు. వ్యవసాయం, ప్రకృతి వైపరిత్యాలపై ఈవోఎస్‌ 01 అధ్యయనం చేయనుంది. షార్‌లో కోవిడ్‌ నిబంధనలు పాటిస్తూ ప్రయోగ ప్రక్రియను నిర్వహించారు. పీఎస్ఎల్వీ సీ-49 ప్రయోగం విజయవంతం అయిన సందర్భంగా ఇస్రో శాస్త్రవేత్తలకు ఆంధ్రప్రదేశ్ ముఖ్యమంత్రి వైఎస్‌ జగన్‌మోహన్‌రెడ్డి అభినందనలు తెలియజేశారు. భవిష్యత్తులో మరిన్ని విజయాలు సాధించాలని ఆకాంక్షించారు. ప్రపంచంలోనే ఇస్రో ఒక దిక్సూచి ప్రయోగ కేంద్రంగా అవతరించాలని ఆయన ఆశాభావం వ్యక్తం చేశారు..
రిలయన్స్‌ అధినేత, ఆసియా కుబేరుడు, ముకేశ్ అంబానీ ఏం చేసినా భారీగానే వుంటుంది. అది దేశంలోనే హాట్ టాపిక్ గా మారుతుంది కూడా. ఇపుడు మరో భారీ విరాళంతో ముకేశ్ అంబానీ వార్తల్లో నిలిచారు. దేశంలోని సుప్రసిద్ధ అష్టాదశ శక్తిపీరాల్లో ఒకటైన కామాఖ్యాదేవి ఆలయం కోసం 20 కేజీల బంగారాన్ని కానుకగా ఇచ్చారు. అసోంలో ప్రాముఖ్యత గాంచిన ఈ దేవాలయ మూడు గోపుర కలశాలను బంగారంతో తీర్చిదిద్దనున్నారు. ఆ కార్యక్రమానికి అంబానీ ఈ విరాళం సమర్పించడం విశేషం. ఆలతాపడానికి సంబంధించిన పనులు ఇప్పటికే ప్రారంభమయ్యాయని ఆలయ పూజారి దీప్ శర్మ తెలియజేశారు. 3 నెలల క్రితం అంబానీ ఇందుకోసం కామాఖ్యా ఆలయ నిర్వహణ కమిటీని సంప్రదించారన్న ఆయన మూడు కలశాల బంగారం తాపడం ఖర్చులు తాము భరిస్తామని ఆలయ అధికారులకు హామీ ఇచ్చారని చెప్పారు. అందులో భాగంగానే రిలయన్స్‌ ఇంజనీర్లు, శిల్పకారుల ఆధ్వర్యంలో పనులు చేపడుతున్నారన్నారు. వాతావరణ పరిస్థితులు అనుకూలిస్తే దీపావళికి ముందే బంగారం తాపడం పూర్తయ్యే అవకాశం ఉందన్నారు. ఈ ప్రాజెక్టు పూర్తయిన తర్వాత అంబానీ దంపతులు ఈ ఆలయాన్ని సందర్శిస్తారని ఆశిస్తున్నట్లు పేర్కొన్నారు. బంగారు తాపడంతో శక్తి పీఠం కొత్త శోభను సంతరించుకోనుంది..
విశాఖ రుషికొండలో ప్రభుత్వానికి చెందిన రూ.800 కోట్ల విలువైన 40.50ఎకరాల భూమిని భూ దురాక్రమణ చేసి, కేంద్ర, రాష్ట్ర ప్రభుత్వాలకు తప్పుడు పత్రాలు సమర్పించిన గీతం డీమ్డ్ టుబీ యూనివర్శిటీపై ఈఎన్ఎస్ నేషనల్ న్యూస్ ఏజెన్సీ అధికారిక న్యూస్ యాప్ ఈఎన్ఎస్ లైవ్ ద్వారా అందించిన పరిశోధనాత్మక కధనాలన్నీ ఒక్కొక్కటిగా వాస్తవాలవుతున్నాయి. ఏవైతే గీతం డీమ్డ్ టుబీ యూనివర్శిటీ విషయంలో ఈఎన్ఎస్ లైవ్ యాప్ ద్వారా కథనాలు న్యూస్ కార్డ్ గా వచ్చాయో అవే అంశాలపై వైఎస్సార్సీపీ రాజ్యసభ సభ్యులు వి.విజయసాయిరెడ్డి కేంద్ర ప్రభుత్వ సంస్థలకు ఒక్కొక్కటిగా ఫిర్యాదులు చేస్తూ వస్తున్నారు. మొన్న యూనివర్శిటీ గ్రాంట్స్ కమిషన్ (యూజీసి), నేషనల్ హెల్త్ కమిషన్(ఎన్ఎంసి) కి ఫిర్యాదు చేస్తే...నేడు జాతీయ సాంకేతిక విద్యామండలి(AICTE) ’గీతం అక్రమాల పైన, విద్యాసంస్థ ఏఐసిటిఈ కి సమర్పించిన తప్పుడు ధ్రువపత్రాలు పైన వెంటనే విచారణ చేపట్టి కఠినమైన చర్యలు తోసుకోవాలని, గుర్తింపు రద్దు చేయాలని రాజ్యసభ సభ్యులు వేణుంబాక విజయ్ సాయి రెడ్డి ఏఐసిటిఈ ఛైర్మన్ ఆచార్య సహస్ర బుదే ను లేఖ ద్వారా కోరిడం‘ తో మరోసారి ఈఎన్ఎస్ కధనాలకు బలం చేకూరింది. ఒక విద్యాసంస్థ(ఇంజనీరింగ్ కాలేజి లేదా యూనిర్శిటీలో కోర్సులు) ఏర్పాటు చేయాలన్నా, నిర్వహించాలన్నా అఖిలభారత సాంకేతిక విద్యామండలి AICTE అనుమతి తప్పని సరిగా వుండాలి. అలా ఉండాలంటే సదరు కేంద్ర ప్రభుత్వ సంస్థల నియమనిబంధనలకు అనుగుణంగా విద్యాసంస్థల ఆస్తులు, వసతులు, ఉపాద్యాయులు క్లీన్ చిట్ గా ఉండాలి. అలా అయితేనే ఏఐసిటీఈ అనుమతులు మంజూరు చేస్తుంది. అలా లేని సంస్థలు, యూనిర్శిటీల ఇంజనీరింగ్ డిగ్రీలు చెల్లవు. ఇదే విషయాన్ని గతంలో తెలంగాణ రాష్ట్ర ప్రభుత్వం, ఉన్నత విద్యామండలి గీతం విద్యాసంస్థలు, గీతం డీమ్డ్ టుబీ యూనిర్శిటీ డిగ్రీలు చెల్లవని ఒక విద్యార్ధినిని తిరస్కరించాయి. ఆమెను ఎంబీఏలోకి అనుమతించలేదు. ఆసమయంలో గీతంపై పెద్ద రచ్చే జరిగింది. దీంతో అప్పుడు ఆగమేఘాలపై ఏఐసిటిఈ నుంచి గీతం డీమ్డ్ టుబీ యూనిర్శిటీ అనుమతులు తెచ్చుకుంది. అయితే అలా తెచ్చుకున్న అనుమతులు తెచ్చుకునే సమయంలో ఏఐసిటిఈకి తప్పుడు ద్రువపత్రాలు సమర్పించిందని, తక్షణమే సదరు యూనివర్శిటీ అనుమతులపై విచారణ చేయాలని డిమాండ్ చేస్తూ విజయసాయిరెడ్డి లేఖరాయడంతో గీతం చక్రబంధంలో ఇరుక్కుంది. గతంలో యూజీసి, ఏఐసిటిఈలు నోటీసు గీతం విద్యాసంస్థలకు ఇస్తే వాటిపై వార్తలు రాసిన మీడియా సంస్థలపై గీతం యాజమాన్యం సైబర్ క్రైమ్ కేసుపెట్టింది. అదేసమయంలో యూనివర్శిటీకి పలు కేంద్ర ప్రభుత్వం సంస్థలకు తప్పుడు ద్రువపత్రాలు సమర్పించిన విద్యాసంస్థపై కఠిన చర్యలు తీసుకోవడంతోపాటు, అనుమతులు రద్దుచేయాలనే డిమాండ్ సర్వత్రా వినిపిస్తోంది. అందులోనూ గీతం విద్యాసంస్థలు ట్రస్టు పేరుతో నిర్వహిస్తూ, ప్రభుత్వ ఆస్తులను అన్యాక్రంతం చేస్తూ, ఆధారాలతో దొరికిపోవడం తదితర అంశాలను రాష్ట్రానికి చెందిన అధికారపార్టీకి రాజ్యసభ్యుడు ఇంత స్థాయిలో ఫిర్యాదులు చేయడం బహుసా భారత దేశంలో ఇదే తొలిసారి. దీంతో ఏ స్థాయిలో గీతం డీమ్డ్ టుబీ యూనిర్శిటీ అవినీతికి పాల్పడిందో కేంద్ర ప్రభుత్వ సంస్థలు అర్ధం చేసుకోవడంతోపాటు, విచారణకు ఆదేశించాల్సిన అవసరం వుంది. అదే సమయంలో గీతం కేంద్ర, రాష్ట్రప్రభుత్వాలకు సమర్పించిన తప్పుడు నివేదికలపై నేడు జాతీయవ్యాప్తంగా ప్రైవేటు డీమ్డ్ యూనివర్శిటీలు, ఇతర యూనిర్శిటీల్లో తీవ్రమైన చర్చ జరుగుతుంది. ప్రస్తుతం ఎంపీ విజయసాయిరెడ్డి గీతం విద్యాసంస్థల విషయంలో కేంద్రప్రభుత్వ సంస్థలకు చేస్తున్న ఫిర్యాదులు ప్రకంపణలు స్రుష్టిస్తున్నాయి. అదేసమయంలో ఈఎన్ఎస్ లైవ్ యాప్ అందిస్తున్న కధనాలు వాస్తవాలవడంతో గీతం యాజమాన్యానికి కంటిమీద కునుకు పట్టడం లేదు..!
తెలుగుదేశం పార్టీ ప్రభుత్వ హయాంలో అమరావతి రాజధాని భూకుంభకోణంపై వైఎస్సార్సీపీ ప్రభుత్వం ఏర్పాటు చేసిన ప్రత్యేక దర్యాప్తు సంస్థ (సిట్)పై సుప్రీంకోర్టులో గురువారం విచారణ జరిగింది. ఈ కేసులో భాగంగా టీడీపీ నేతలు వర్ల రామయ్య సహా ప్రతి వాదులకు నోటీసులు జారీ చేసింది. తదుపరి విచారణ నాలుగు వారాలకు వాయిదా వేసింది. తదుపరి విచారణలో తుది వాదనలు వింటామని జస్టిస్ అశోక్ భూషణ్ ధర్మాసనం స్పష్టం చేసింది. సిట్ ఏర్పాటుపై ఏపీ హైకోర్టు విధించిన స్టే ఉత్తర్వులను ఎత్తివేయాలంటూ ప్రభుత్వం పిటిషన్‌ దాఖలు చేసింది. దీంతో కేసు దర్యాప్తు దశలో హైకోర్టు స్టే విధించడం సరికాదని ప్రభుత్వం తరఫున సీనియర్‌ న్యాయవాది దుష్యంత్ దవే వాదనలు వినిపించారు. ఆపై మంత్రివర్గ ఉపసంఘం నివేదిక ఆధారంగా సిట్ ఏర్పాటైందని న్యాయస్థానం దృష్టికి తీసుకెళ్లారు. ఈ కేసులో రాష్ట్ర ప్రభుత్వానికి ఎలాంటి దురుద్దేశాలు లేవని కోర్టుకి వివరించారు. అమరావతి భూ కుంభకోణంపై సీబీఐ దర్యాప్తు చేయాలని కేంద్ర ప్రభుత్వానికి రాష్ట్ర ప్రభుత్వం లేఖ కూడా రాసినట్లు గుర్తుచేశారు.
దీనిపై స్పందించిన న్యాయస్థానం టీడీపీ ప్రభుత్వ నిర్ణయాలన్నింటిపైనా దర్యాప్తు చేస్తారా? అని ప్రశ్నించింది. దీనిపై న్యాయవాది దుష్యంత్ దవే వివరణ ఇస్తూ.. అలాంటిది ఏమీ లేదని, అక్రమాలు చోటు చేసుకున్న విషయాలపైన మాత్రమే రాష్ట్ర ప్రభుత్వ సిట్ దర్యాప్తు జరుపుతోందని స్పష్టం చేశారు. సిట్ దర్యాప్తు విషయంలో హైకోర్టు జోక్యం చేసుకోకూడని వాదించారు. ‘కొందరు ఆర్టికల్‌ 226 ప్రకారం సిట్ దర్యాప్తుపై హైకోర్టులో పిటిషన్లు వేశారు. వ్యక్తిగతంగా ప్రభావితమైతే తప్ప ఆర్టికల్‌ 226 ప్రకారం రిట్‌ దాఖలు చేయలేరు. సిట్ దర్యాప్తుతో ఎలాంటి సంబంధం లేనివారు పిటిషన్లు దాఖలు చేశారని కోర్టుకి వివరించారు. హైకోర్టుకు అసాధారణ అధికారాలు లేవని.. సుప్రీంకోర్టు ఆదేశాలకు లోబడాల్సిందే’ అని న్యాయవాది దుష్యంత్ దవే తెలియజేశారు.
విశాఖలో ప్రభుత్వానికి చెందిన రూ.800 కోట్లు విలువచేసే 40.50 ఎకరాల భూమిని అన్యాక్రాంతం చేసుకొని సొంతభూమిగా ప్రభుత్వ అనుమతులు లేకుండా అభివ్రుద్ధి చేసి, జీవిఎంసీకి తెలీకుండా సబ్ వేని నిర్మించిన భూ దురాక్రమణ గీతం డీమ్డ్ టుబీ యూనివర్శిటీ విషయంలో యూనివర్శిటీ గ్రాంట్స్ కమిషన్(యూజిసి) ఏ విధమైన స్టాండుతో ఉంటుందనే అంశం ఉత్కంఠను రేపుతోంది. సుప్రీంకోర్టు ఉత్తర్వులను అనుసరించి ప్రైవేటు యూనివర్శిటీలు, డీమ్డ్ యూనివర్శిటీలు నేరుగా యూనివర్శిటీ అని ప్రకటించకూడదని హెచ్చరించిన యూజీసి అసలు ఆస్తులే కానివాటిని దురాక్రమించి, కేంద్ర రాష్ట్ర ప్రభుత్వాలను మోసం చేసిన గీతం డీమ్డ్ టుబీ యూనివర్శిటీ విషయంలో ఖచ్చితంగా చర్యలు తీసుకోవాలని రాజ్యసభ సభ్యులు విజయసాయిరెడ్డి రాసిన లేఖతో అటు యుజిసి కూడా అంతర్మధనంలో పడింది. వాస్తవంగా ప్రైవేటు యూనివర్శిటీలు ఏర్పాటు చేసేటప్పుడు, సదరు విద్యాసంస్థ యొక్క ఆస్తులు, భవనాలు, లోపల నిర్మాణాలు ఎలాంటి వివాదాలకు తావులేకుండా క్లీన్ చిట్ ఉన్న విద్యాసంస్థలకే యూజిసి టుబీ యూనివర్శిటిగా తొలుత అనుమతులు మంజూరు చేస్తుంది. అలాంటిది గీతం విద్యాసంస్థలు ఏకంగా ప్రభుత్వ భూమిని ఆక్రమించడం, ఆ విషయాన్ని రాష్ట్రప్రభుత్వం ప్రతిష్టాత్మకంగా తీసుకొని ఆక్రమిత భూములను స్వాధీనంచేసుకుంది. ఆక్రమిత భూమిలో స్థానిక మున్సిపల్ కార్పోరేషన్ అనుమతులు లేకుండా నిర్మించిన సబ్ వే ను కూలగొట్టేందుకు ప్రయత్నించే సమయంలో కోర్టు నుంచి ఉత్తర్వులు తెచ్చుకున్న గీతం యాజమాన్యంపై యూజిసి సీరియస్ గానే ఉన్నట్టు సమాచారం అందుతోంది. అంటే యూజిసికి కూడా గీతం డీమ్డ్ టుబీ యూనివర్శిటీ భూములన్నీ తేడా అనే విషయం మొదట స్పష్టమైంది. రెండవది ఒక విద్యాసంస్థ ఏర్పాటుకి ప్రభుత్వాని తెలియకుండా భూములను ఎలా ఆక్రమించి నిర్మాణాలు చేస్తుంది...ఇలాంటి విద్యాసంస్థలు విద్యార్ధులకు భూ అక్రమాలపైనే విద్యనందిస్తాయా అనే కోణంలో కూడా యూజిసి ఆలోచిస్తుందని సమాచారం. చిన్న తేడా వస్తేనే ప్రభుత్వరంగ యూనివర్శిటీల విషయంలోనే జూలు విధిచ్చే యూజీసి.. 38ఏళ్లుగా సేవలందిస్తున్నట్టు తన విద్యాసంస్థ వెబ్ సైట్ లో రాసుకున్న విద్యాసంస్థ, అదే యూనివర్శిటీకి యూజిసి అనుమతులు ఇచ్చిన నాటి నుంచి ప్రభుత్వ భూమిని ఆక్రమించే ఉందని విజయసాయిరెడ్డి యూజిసికి రాసిన లేఖలో పేర్కొన్నారు. అంటే తమవి కాని భూములను తమవే అన్నట్టు యూజిసిని, నేషనల్ మెడికల్ కమిషన్ ను కూడా మోసం చేసినట్టు ఆంధ్రప్రదేశ్ ప్రభుత్వం స్వాధీనం చేసుకున్న భూముల విషయంలో తేటతెల్లమైంది. ఎటుచూసినా గీతం డీమ్డ్ టుబీ యూనివర్శిటీ తమ విద్యాసంస్థ ప్రాంగణలో ప్రభుత్వ భూములు ఖబ్జా చేసినట్టు రుజువైనందున యూజిసి గుర్తింపు రద్దు చేయాల్సిన ఆవశ్యకత ఏర్పడింది. అందులోనూ అధికారపార్టీకి చెందిన రాజ్యసభ సభ్యులు ఆధారాలతో చేసిన ఫిర్యాదుపై యూజిసి తన స్టాండ్ ఏమిటో చెప్పకపోతే దేశంలో యూసికి వున్న గౌరవం మసకబారే సూచనలున్నాయి. అలా జరగకుండా ఉండాలంటే గీతం విషయంలో యూజిసి తన స్టాండుని తక్షణమే ప్రకటించాల్సిన సమయం ఆశన్నమైంది. అంతేకాకుండా ఇక్కడ చదువుతున్న విద్యార్ధుల భవిష్యత్తుకి ఎలాంటి భంగం కాకుండా కూడా నిర్ణయం తీసుకోవాల్సి అవసరం కూడా ఉందని విద్యావేత్తలు అభిప్రాయ పడుతున్నారు. ఇలాంటి తరుణంలో యూజిసి తన స్టాండ్ గీతం విషయంలో ఏ విధంగా ప్రకటిస్తుందనేది వేచి చూడాలి..!
సినీనటుడు రాజశేఖర్ ఆరోగ్యంపై ఆయన భార్య జీవితా రాజశేఖర్ మీడియా ముందుకి వచ్చారు. ఈ సందర్భంగా హైదరాబాదులోని రాజశేఖర్ చికిత్స పొందుతున్న ఆసుపత్రిలో ఆమె బుధవారం మీడియాతో మాట్లాడారు.. రాజశేఖర్ ఆరోగ్యం ముందుకన్నా చాలా మెరుపడిందని చెప్పారు.. ప్రస్తుతం వైద్యానికి ఆయన సహకరిస్తున్నారన్నారు. మొదట చాలా క్రిటికల్‌ స్టేజి వరకు వెళ్లారని ఆ సమయంలో... వైద్యులు, మేము కూడా చాలా భయపడ్డామన్నా జీవి డాక్టర్లు అనుక్షణం ఆయనను కనిపెట్టి మెరుగైన వైద్యం అందిస్తున్నారని అన్నారు. ఇప్పుడిప్పుడే ఆక్సిజన్ అవసరం లేకుండా వైద్యం అందుతోందని, తొందరలోనే డిశ్చార్జ్ అయ్యే అవకాశం ఉంది' అమె వివరించారు. దేవుడి దయతో, అభిమానుల పూజలతో ఆయన ఆరోగ్యం కుదుట కుదుట పడిందన్నారు. ఈ సందర్భంగా ఆయన ఆరోగ్యం తొందరగా కుదుటపడాలని కోరుకున్నవారందరికి ప్రత్యేక ధన్యవాదాలు' తెలిపారు. దీంతో రాజశేఖర్ ఆరోగ్యంపై వస్తున్న ఊహాగానాలకు తెరపడినట్టు అయ్యింది..
