తెలుగు సినిమాల్లో హర్రర్ సీన్లు, వివాహేతర సంబంధాలను తలపించే విధంగా నిజజీవితంలో కూడా చోటుచేసుకుంటున్నాయి. ఇలాంటి సంఘటన సంగారెడ్డి జిల్లాలో చోటు చేసుకుంది. భార్య వివాహేతర సంబంధం పెట్టుకుందన్న కోపంతో ఆమెను భర్త దారుణంగా హత్య చేశాడు. జిల్లాలోని నారాయణఖేడ్ మండలం అనంతసాగర్ కు చెందిన గొల్ల అనసూజ,సాయిలు భార్యభర్తలు. అనసూయకు నారాయణఖేడ్ ప్రాంతానికి చెందిన జైపాల్ రెడ్డితో ఏర్పడిన పరిచయం వివాహేతర సంబంధానికి దారి తీసింది. కొంతకాలం గుట్టుచప్పుడుగా సాగిన వ్యవహారం భర్త సాయిలుకు తెలియడంతో కథపూర్తిగా అడ్డం తిరిగింది. ఇదే విషయమై బుధవారం రాత్రి ఇద్దరి మధ్య వాగ్వాదం చోటు చేసుకుంది.. అనంతరం తీవ్ర కోపోద్రిక్తుడైన సాయిలు అనసూయ తల నరికేశాడు. ఆమె తలను మొండెం నుంచి వేరు చేసి నారాయణఖేడ్ లోని ప్రియుడు జైపాల్ రెడ్డి ఇంటి ముందు వేశాడు. ఈ సంఘటన జిల్లాలో సంచలనం రేకెత్తించింది. భర్తను కాదని ప్రియుడితో అక్రమ సంబంధం పెట్టుకుంటే పరిణాలు ఇంత తీవ్రంగా ఉంటాయాని చర్చించుకునే విధంగా జరిగిన సంఘటన ఈ ప్రాంతంలో కలకలం రేపింది. అనంతరం సాయిలు నారాయణఖేడ్ పోలీసుల ఎదుట లొంగిపోయాడు. పోలీసులు ఈ ఘటన పై కేసు నమోదు చేసి దర్యాప్తు చేస్తున్నారు.
దేశ‌వ్యాప్తంగా దూరప్రాంతాలకు ఫ్టైయాష్‌ను ర‌వాణా చేయ‌నున్న ఎన్‌.టి.పి.సి ప్రకటించింది. ఈ మేరకు సంస్థ ఒక ప్రకటన విడుద‌ల చేసింది. ఉత్త‌ర‌ప్ర‌దేశ్‌లోని ఎన్‌టిసపిసి రిహాండ్ విద్యుదుత్ప‌త్తి ప్లాంటు కండిష‌న్డ్ ఫ్లైయాష్‌ను సిమెంట్ త‌యారీదారుల‌కు పంపిన తొలి విద్యుద‌త్ప‌త్తి ప్లాంటుగా నమోదైంది. ఈ ప్లాంటు ఇటీవ‌ల 3,834 మెట్రిక్ ట‌న్నుల కండిష‌న్డ్ ఫ్లైయాష్‌ను 59 బాక్స‌న్ వాగ‌న్ల‌లో అస్సాంలోని నాగ‌న్ లోగ‌ల దాల్మియా సిమెంట్ (భార‌త్‌)లిమిటెడ్‌కు పంపినట్టు సంస్థ పేర్కొంది. అంత‌కుముందు కండిష‌న్డ్‌ఫ్లై యాష్‌రైల్ రేక్‌ల‌ను టికారియా(యూపి),మ‌ధ్య‌ప్ర‌దేశ్లోని కిమోర్‌,పంజాబ్‌లోని రోపార్‌ల‌లోని ఎసిసి కంపెనీ ప్లాంట్ల‌కు పంపింది. 2019-20 ఆర్ధిక సంవ‌త్స‌రంలో దాదాపు 44.33 మిలియ‌న్‌ట‌న్నుల ఫ్లైయాష్‌ను వివిధ ఉత్ప‌త్తుల త‌యారీలో ఉప‌యోగించారు. ఎన్‌.టి.పిసి ప్లాంట్ల‌లో ఏటా సుమారు 65 మిలియ‌న్‌ట‌న్న‌ల బూడిద వ‌స్తుంది. ఇందులో 80 శాతం అంటే సుమారు52 మిలియ‌న్ ట‌న్నులు ఫ్లైయాష్. ప్రస్తుతం మొత్తం బూడిద‌లో 73 శాతాన్ని సిమెంట్ ఉత్ప‌త్తిలో ఉప‌యోగిస్తున్నారు. అలాగే ఫ్లైయాష్ ఇటుక‌‌లత‌యారీ,రోడ్డు క‌ట్ట‌ల నిర్మాణం, గ‌నుల‌ను పూడ్చ‌డానికి,లోత‌ట్టు ప్రాంతాల అభివృద్ధికి వినియోగిస్తున్నారు.
విశాఖ బంగాళాఖతంలో బంగ్లాదేశ్ కి చెందిన ఒక భారీ(M.V.MAA) ఓడ అలల ఉద్రుతికి నిన్నరాత్రి కొట్టుకుపోయింది. ఏకంగా 80 మీటర్ల రెండు లంగుర్లు తెగిపోవడంతో అలల దాటిని ఈ భారీఓడ కొట్టుకుపోయిందని సమాచారం. దీనిని భారత కోస్టుగార్డ్ కూడా గుర్తించింది. పోర్టుకి ఉత్తర దిక్కున వున్న సముద్రంతో ఇది గల్లంతు అయ్యిందని చెబుతున్నారు. సహాయక చర్యల కోసం కోస్టుగార్డుని సంప్రదించినట్టు ఓడ నిర్వాహకులు తెలియజేశారు. బంగాళాఖాతంలో ఏర్పడిన అల్పపీడనంతో సముద్రంలోని అలల ఉద్రుతి చాలా అధికంగా రావడంతోనే ఈ దుర్ఘటన జరిగినట్టు తెలుస్తుంది. సముద్రతీర ప్రాంతంలో ప్రస్తుతం దీనిని సేఫ్ గా తీసుకు రావడానికి కోస్టు గార్డు రంగంలోకి దిగింది. ఒడ్డుకు బాగా దగ్గరగా వచ్చేసిన నౌకను సముద్ర మార్గంలోకి తీసుకురావడానికి ప్రయత్నాలు మొదలయ్యాయి...
