కరోనా వైరస్ నియంత్రణకు ఆయుర్వేద పద్దతులు ఎంతగానో ఉపయోగపడతాయని ప్రముఖ సామాజిక సేవకులు సానా రాధ అన్నారు. మంగళవారం విశాఖలో ఆమె మీడియాతో మాట్లాడారు. మహా విశాఖపరిధిలో రోజు రోజుకూ కరోనా వైరస్ పాజిటివ్ కేసులు పెరుగుతున్న ద్రుష్ట్యా ప్రజలు అప్రమత్తంగా ఉండాలన్నారు. ప్రతీరోజూ, పసువు, వేపాకు, తులసి కలిసిన వేడినీటిని ఆవిరి పట్టాలన్నారు. అదే విధంగా రోజంతా బలవర్ధక మైన ఆహారాన్ని తింటూ వ్యాధి నిరోధక శక్తిని పెంచుకోవడం ద్వారా వైరస్ చేరడానికి అవకాశాలు తక్కువగా ఉంటాయన్నారు. వాటితోపాటు మాస్కు, ప్రతీ రెండు గంటలకొకసారి సబ్బుతో చేతులు కడుక్కోవడం, బయటకు వెళ్లినపుడు నాణ్యమైన సానిటైజర్ ను వినియోగించడం చేయాలన్నారు. మనం తీసుకునే జాగ్రత్తలతోనే కరోనా వైరస్ ను జయించడానికి అవకాశం వుంటుందన్నారు. నిమ్మజాతి పండ్లను, నిమ్మరసానాన్ని రోజులో ఒక్కసారైనా సేవించాలని సానా రాధ సూచిస్తున్నారు. ఏమాత్రం కరోనా లక్షణాలున్నా తక్షణమే స్థానిక వార్డు వాలంటీర్ల ద్వారా ఆరోగ్యశాఖకు తెలియజేసి కరోనా పరీక్షలు చేయించుకోవాలన్నారు. పాజిటివ్ వచ్చినవారు స్వచ్ఛందంగా క్వారంటైన్ కేంద్రంలో చికిత్స పొందడానికి సిద్ధంగా ఉండాలన్నారు. లేదంటే వారిపై ఆధారపడిన కుటుంబాలకు వైరస్ సోకే ప్రమాదం వుంటుందన్నారు. ఆరోగ్యసేతు యాప్ ను వినియోగించడంతోపాటు, ఆరోగ్యసిబ్బంది సూచనలను పాటిస్తూ, పరిశరాలను ఎల్లప్పుడూ బ్లీచింగ్ తో పరిశుభ్రంగా ఉంచుకోవాలని కోరారు.
ఏపీలో ఓటర్ల జాబితాల సవరణకు నవంబర్ 28, 29 తేదీలతో పాటు డిసెంబర్ 12, 13 తేదీల్లో ఓటర్ల జాబితాలో మార్పులు చేర్పులు చేసుకునేందుకు అవకాశం కల్పిస్తున్నట్లు ఏపీ ప్రధాన ఎన్నికల అధికారి విజయానంద్ ప్రకటించారు. ప్రస్తుతానికి ఎన్నికలు నిర్వహించే పరిస్ధితి లేకపోయినా ఏటా జరిగే సవరణల్లో భాగంగా తాజాగా షెడ్యూల్ విడుదల చేసింది. ఇవాళ్టి నుంచి ప్రారంభమయ్యే ఈ ప్రక్రియ వచ్చే ఏడాది జనవరి 15న తుది జాబితాల ప్రచురణతో ముగుస్తుంది. అక్టోబర్ 31 వరకూ ఓటర్ల జాబితాలో తప్పుల సవరణ, కొత్తపేర్లను చేర్చడం, మృతులను జాబితాలో నుంచి తొలగించడం వంటి కార్యక్రమాలు చేపడతారు. నవంబర్ 16న ముసాయిదా జాబితా ప్రచురిస్తారు. డిసెంబర్ 15 వరకూ అభ్యంతరాలు స్వీకరిస్తారు. వచ్చే ఏడాది జనవరి 5 వరకూ వీటి పరిష్కారం ఉంటుంది. జనవరి 14 వరకూ డేటా బేస్ అప్‌డేట్ చేస్తారు. ఆ తర్వాత జనవరి 15న తుది జాబితా ప్రచురిస్తారు. వచ్చే జనవరి 1 నాటికి 18 ఏళ్లు నిండబోతున్న ఓటర్లు కూడా నవంబర్ 16 నుంచి డిసెంబర్ 15 వరకూ ఆన్‌లైన్ లోనూ ఓటు కోసం దరఖాస్తు చేసుకోవచ్చని ఎన్నికల ప్రధాన అధికారి వివరించారు.
గ్రామ, వార్డు స‌చివాల‌యాల ద్వారా ప్రభుత్వ పథకాలు, సేవ‌ల కోసం సీఎం వైయస్ జగన్ కీలక నిర్ణయం తీసుకున్నారు. తద్వారా అధికారుల నుంచి ప్ర‌జ‌లకు సేవలు మరింత ద‌గ్గ‌ర‌కు చేర్చారు. దీనితో నిర్దేశిత స‌మ‌యంలోగా విన‌తుల ప‌రిష్కారంపై మరో కీలక అడుగు పడింది. గ్రామ, వార్డు స‌చివాల‌యాల కోసం ప్ర‌త్యేకంగా ప‌ర్సుయేష‌న్ అండ్ మానిట‌రింగ్ యూనిట్ (పీఎంయూ) కాల్ సెంట‌ర్‌ను సీఎం సోమవారం లాంఛనంగా ప్రారంభించారు. యంత్రాంగంలో ఎక్క‌డ దరఖాస్తు ఆగినా పీఎంయూ అప్ర‌మ‌త్తం చేయ‌నుంది. నిర్దేశించిన స‌మ‌యంలోగా పరిష్కారం అయ్యేలా పీఎంయూ ప‌నిస్తుంది. మొద‌ట‌గా నాలుగు స‌ర్వీసులు, అక్టోబర్ నుంచి 543కి పైగా సేవ‌లను అమలు చేయ‌నున్నారు. అనంతరం గ్రామ, వార్డు స‌చివాల‌యాల‌పై ముఖ్యమంత్రి వైయస్ జగన్ స‌మీక్షా స‌మావేశం నిర్వ‌హించారు. ఈ సందర్భంగా సామాజిక త‌నిఖీ మార్గ‌ద‌ర్శ‌కాల‌ను సీఎం వైయస్ జగన్ విడుదల చేశారు. అనంతరం మారుమూల ప్రాంతాల్లో స‌చివాల‌యాల‌కు నెట్ స‌దుపాయాన్ని సీఎం ప్రారంభించారు. ఫంక్ష‌న‌ల్ బ్రాడ్ బ్యాండ్ ఇంట‌ర్నెట్ స‌ర్వీసుల‌తో సచివాలయాలను అనుసంధానం, చేయాలని ఆదేశించారు. ఇంట‌ర్నెట్ లేని 512 సచివాలయాలను అనుసంధానం చేయ‌నున్నారు. ఇందులో 213 స‌చివాల‌యాల్లో ఇప్పటికే ఏర్పాటు చేశారు. మిగిలిన సచివాలయాలను వచ్చే 2 నెల‌ల్లో అనుసంధానిస్తామ‌న్న అధికారులు సీఎంకి వివరించారు. ఈ సందర్భంగా సీఎం వైయస్ జగన్ మాట్లాడుతూ.. గ్రామ, వార్డు స‌చివాల‌యాల్లో డిజిట‌ల్ బోర్డులు ఏర్పాటు చేయాలని వాటి ద్వారా ప్రభుత్వ పథకాలు, మార్గ‌ద‌ర్శ‌కాలు అందుబాటులో ఉంచాల‌న్నారు. అదే విధంగా వార్డు స‌చివాల‌యాల నిర్మాణాలపైనా, అర్బ‌న్ హెల్త్ క్లినిక్స్‌పై అధికారులు దృష్టిపెట్టాల‌ని సూచించారు.
కేంద్ర ప్రభుత్వం దేశ రాజధాని ఢిల్లీలో ప్రెస్ ఇన్ఫర్మేషన్ బ్యూరో(పిఐబి) అమలు చేసే విధి విధానాలను తెలుగు రాష్ట్రాల్లోని సమాచార శాఖలో కూడా అమలు చేయాలని జాతీయ జర్నలిస్టుల సంఘం కార్యదర్శి గంట్ల శ్రీనుబాబు ప్రభుత్వాన్ని కోరారు. సోమవారం విశాఖలో ఆయన మీడియాతో మాట్లాడుతూ, జాతీయ స్థాయిలో అక్రిడిటేషన్స్ కోసం కేంద్రం రూపొందించిన పిఐబీ నియమనిభందనలను అన్ని రాష్ట్ర ప్రభుత్వాలు అమలు చేస్తున్నాయన్నారు. ఈ విధంగా చేయడం ద్వారా ఒకే దేశం, ఒకే అంశాన్ని అమలు చేసినట్టుగా కూడా ఉంటుందని గంట్ల అభిప్రాయ పడ్డారు. అక్రిడిటేషన్లు ఖచ్చితంగా ప్రతీ రెండేళ్ల కొకసారి మాత్రమే ఇవ్వాలని, మధ్యలో రెవిన్యువల్ చేయడం ద్వారా వాటి నకలు జర్నలిస్టుల సీనియారిటికీ పనిచేయకుండా పోతుందని అన్నారు. ప్రభుత్వం పిఐబిలో అమలు చేస్తున్న నియమ నిబంధనలు అమలు చేయడం ద్వారా వర్కింగ్ జర్నలిస్టులకు మేలు జరగడంతోపాటు ప్రభుత్వానికి కూడా ఎంతో పేరు, సమయం కూడా ఆదా అవుతుందన్నారు. వీటితోపాటు కేంద్ర ప్రభుత్వం కల్పించిన విధంగా జర్నలిస్టులకు సదుపాయాలు, హెల్త్ పాలసీని కూడా నిర్ధిష్టంగా ప్రకటించాలని శ్రీనుబాబు ప్రభుత్వాన్ని కోరారు.
'ఆత్మనిర్భర్ భారత్' లో భాగంగా రక్షణ శాఖ ఆయుధ సంపత్తి సహా రక్షణ శాఖ ఉత్పత్తులను దేశీయంగానే తయారు చేసుకోవాలని నిర్ణయం భారత దేశ గౌరవాన్ని మరింతగా పెంచుతుందని బీజేపి సీనియర్ నాయకులు కొప్పల రామ్ కుమార్ అన్నారు. విశాఖలో సోమవారం ఆయన మీడియాతో మాట్లాడుతూ, కేంద్రం 2020-2024 మధ్య వాటి దిగుమతులపై నిషేధం విధించనున్నట్లు రక్షణ మంత్రి రాజ్‌నాథ్‌ సింగ్‌ ప్రకటించడం పట్ల ఆయన హర్షం వ్యక్తం చేశారు. 101 ఉత్పత్తులను ఎంపిక చేసి ట్విట్టర్‌ వేదికగా వెల్లడించడం శుభపరిణామమని కొనియాడారు. ఈ ఆర్థిక సంవత్సరంలో రక్షణ ఉత్పత్తుల కొనుగోళ్ల బడ్జెట్‌ను దేశీయ కొనుగోళ్లు, విదేశీ కొనుగోళ్లుగా విభజిస్తున్నట్లు కూడా రాజ్ నాధ్ స్పష్టం చేసిన విషయాన్ని రామ్ కుమార్ ప్రస్తావించారు.
రాజకీయ కురువృద్ధులు, వైఎస్‌ఆర్‌ కాంగ్రెస్‌ పార్టీ సీనియర్ నేత, మాజీ మంత్రి పెన్మత్స సాంబశివరాజు మృతి పట్ల ముఖ్యమంత్రి వైయస్. జగన్ మోహన్ రెడ్డి తీవ్ర సంతాపం వ్యక్తం చేశారు. ఆయన ఆత్మకు శాంతి చేకూరాలని భగవంతుడ్ని ప్రార్థించారు. ఐదు దశాబ్దాలకు పైగా ప్రజాసేవలో ఉంటూ, మచ్చలేని నాయకుడిగా, రాజకీయాల్లో విలువలు, విశ్వసనీయతకు అర్థం చెప్పిన నాయకుడు పెన్మత్స సాంబశివరాజు గారు అని సీఎం వైఎస్ జగన్ కొనియాడారు. పెన్మత్స మరణం విజయనగరం జిల్లాతో పాటు, రాష్ట్రానికి తీరని లోటు అని అన్నారు. పెన్మత్స కుటుంబ సభ్యులకు ముఖ్యమంత్రి తన ప్రగాఢ సానుభూతిని తెలియజేశారు. దేవుడు ఆ కుటుంబానికి మనో ధైర్యాన్ని ఇవ్వాలని జగన్ ఆకాంక్షించారు.
ఒడిసా, ఉత్తరాంధ్ర తీరాలకు దగ్గరలో బంగాళాఖాతంలో అల్పపీడనం ఏర్పడిందని దీని కారణంగా సోమవారం ఉత్తరాంధ్ర, యానాంలలో భారీవర్షాలు కురుస్తాయని, రాయలసీమలోనూ అక్కడక్కడ భారీవర్షాలకు అవకాశం ఉందని అమరావతి వాతావరణ కేంద్రం తెలిపింది. అల్పపీడనం అది రాత్రికి ఉత్తర ఛత్తీస్ గఢ్‌ పరిసరాల్లో కేంద్రీకృతమై ఉంది. అంతేకాకుండా అనుబంధంగా 5.8కి.మీ. ఎత్తులో ఉపరితల ఆవర్త నం కొనసాగుతోంది. రానున్న మూడురోజులు రాష్ట్రవ్యాప్తంగా ఓ మోస్తరు వర్షాలు పడతాయని పడదాయన్న వాతవరణ కేంద్రం మధ్య తమిళనాడు పరిసరాల్లో 7.6కి.మీ. ఎత్తులో మరో ఆవర్తనం ఏర్పడిందని కూడా పేర్కొంది. వీటి ప్రభావంతో రాష్ట్రవ్యాప్తంగా ఉష్ణోగ్రతలు తగ్గుముఖం పడతాయని వివరించింది. ప్రస్తుతం ఉదయం నుంచి ఉత్తరాంధ్రలో భారీవర్షా లు, మిగిలిన ప్రాంతాల్లో జల్లులు పడుతున్నాయి.
తిరుమల తిరుపతి దేవస్థానం ఆధ్వర్యంలో నడుస్తున్న ఎస్వీబీసీ ఛానల్ ను యాడ్ ఫ్రీ ఛానల్ గా మార్పుచేస్తామని టిటిడి ఈఓఅనిల్ కుమార్ సింఘాల్ చెప్పారు. ఆదివారం ఆయన తిరుమలలో మీడియాతో మాట్లాడారు. ఎస్వీబీసీ నిర్వహణకు ఏడాదికి రూ.3 కోట్ల నుండి రూ.4 కోట్ల వరకు వ్యయం అవుతోందని వివరించారు. ఈ క్రమంలో నూతనంగా ఏర్పాటు చేసిన ఎస్వీబీసీ ట్రస్టుకు మూడు వారాల వ్యవధిలోనే రూ.2.61 కోట్ల విరాళాలు అందయాని చెప్పారు. ట్రస్టుకు వచ్చే ఆదరణను బట్టి టిటిడిపై అద‌న‌పు భారం ప‌డ‌కుండా ఎస్వీబీసీ హెచ్‌డి ఛానల్ ప్రారంభించాల‌ని నిర్ణ‌యించామన్నారు. త్వరలోనే దేశవ్యాప్తంగా హిందీ, కన్నడ భాషల్లో ఎస్వీబీసీ ప్రసారాలు చేస్తామని వివరించారు.
తిరుమలలో శ్రీవారి ఇ-హుండీ ఆదాయం రూ.3.97 కోట్లు వచ్చిందని టిటిడి ఈఓ అనిల్ కుమార్ సింఘాల్ చెప్పారు. ఆదివారం ఆయన తిరుమలలో మీడియాతో మాట్లాడారు. స్వామివారికి భక్తులు నేరుగా ఈహుండీ ద్వారా కానుకలు సమర్పించారని చెప్పారు. కోవిడ్ కారణంగా భక్తుల రాక తగ్గినప్పటికీ కానుకలు మాత్రం ఈహుండీ ద్వారా వస్తూనే ఉన్నాయన్నారు. కోవిడ్ 19 కారణంగా కేంద్ర రాష్ట్ర ప్రభుత్వాల నిబంధనలు అనుసరించి మాత్రమే భక్తులకు శ్రీవారి దర్శనాలు కల్పిస్తున్నట్టు ఈఓ వివరించారు. ఇందులో ఎలాంటి అపోహలకి తావులేదన్నారు. అటు తిరుచానూరు శ్రీ పద్మావతి అమ్మవారి ఇ-హుండీ ఆదాయం - రూ.8.16 లక్షలు వచ్చిందని ఈఓ వివరించారు.
టిటిడి ఆదాయం కోసం తిరుమల శ్రీ వేంక‌టేశ్వ‌ర స్వామివారి దర్శనాలు చేయిస్తోంద‌ని, మీడియా, సోష‌ల్ మీడియాల్లో చేస్తున్న విమ‌ర్శ‌ల్లో వాస్త‌వం లేద‌ని, తాము ఆదాయం కోసం దర్శనాలు చేయించ‌డం లేద‌ని టిటిడి ఈఓ అనిల్ కుమార్ సింఘాల్ స్పష్టం చేశారు. కేంద్ర, రాష్ట్ర ప్రభుత్వాల నిబంధ‌న‌లకు లోబ‌డి అనేక జాగ్ర‌త్త‌లు తీసుకుంటూ రోజుకు 12 వేల మందికి ద‌ర్శనం క‌ల్పించే ఏర్పాటు చేశామ‌న్నారు. తిరుప‌తిలో పాక్షిక లాక్‌డౌన్ కారణంగా, తిరుప‌తిలో రోజుకు కేటాయిస్తున్న 3 వేల ఉచిత ద‌ర్శ‌న టోకెన్ల‌ను కొంత‌కాలంగా నిలిపివేసిన‌ట్టు చెప్పారు. దేశవ్యాప్తంగా పెరుగుతున్న కరోనా కేసుల వ‌ల్ల కొన్ని రోజులు తిరుమలలో దర్శనాలు చేసుకున్న‌వారి సంఖ్య త‌గ్గింద‌న్నారు. రెండు, మూడు రోజులుగా దర్శనాలు చేసుకుంటున్న‌వారి సంఖ్య బాగా పెరిగింద‌ని తెలిపారు. తిరుప‌తిలో కరోనా కేసులు పెర‌గ‌డానికి తిరుమల ద‌ర్శ‌నాలే కార‌ణ‌మ‌ని కొంత‌మంది చేస్తున్న విమ‌ర్శ‌ల్లో ఏమాత్రం నిజం లేద‌ని ఆయన చెప్పారు. కరోనా స‌మ‌యంలో కూడా భక్తులకు మెరుగైన సేవ‌లందిస్తున్న ఉద్యోగుల‌కు ధ‌న్య‌వాదాలు తెలిపారు. కరోనా బారిన‌ప‌డిన చాలామంది ఉద్యోగులు కోలుకుని విధుల‌కు హాజ‌ర‌వుతున్నార‌ని, మ‌రికొంత మంది చికిత్స‌లో ఉన్నార‌ని చెప్పారు.
విజయవాడలోని ప్రైవేట్‌ హోటల్లో జరిగిన అగ్ని ప్రమాద ఘటనలో మరణించిన వారి కుటుంబాలకు సీఎం వైఎస్.జగన్ మోహనరెడ్డి సంతాపం తెలిపారు. వారి కు టుంబాలకు అండగా ఉంటామన్న సీఎం మరణించిన వారి కుటుంబాలకు రూ. 50 లక్షల చొప్పున పరిహారం అందజేస్తామన్నారు. క్షతగాత్రులకు మెరుగైన వైద్య సేవలు అందించాలని ఆదేశాలిచ్చారు. విజయవాడలో ఓ ప్రైవేటు ఆస్పత్రి లీజుకు తీసుకున్న హోటల్లో కోవిడ్ పేషెంట్లను ఉంచగా, అందులో అగ్నిప్రమాదం సంభవించి పలువురు మరణించిన ఘటనపై సీఎం తీవ్ర దిగ్భ్రాంతి వ్యక్తంచేశారు. ఎవరూ అధైర్య పడవద్దని బాదితులకు అండగా వుంటామని చెప్పారు. ఇప్పటికే ఈ సంఘటనపై విచారణకు ఆదేశించిన సీఎం ప్రమాదం జరిగిన తీరును స్వయంగా డిజిపి గౌతం సవాంగ్ ద్వారా తెలుసుకున్నారు.
కరోనా వైరస్ నుంచి జర్నలిస్టులను రక్షించాలంటూ జాతీయ జర్నలిస్టుల సంఘం కార్యదర్శు, విజెఎఫ్ అధ్యక్షులు గంట్లశ్రీనుబాబు సింహాద్రి అప్పన్నకు శనివారం ప్రత్యేక పూజలు చేశారు. అనంతరం ఆయన మీడియాతో మాట్లాడుతూ, ప్రజలకి ప్రభుత్వానికి మధ్య వారధి కలం సైనికులుగా పనిచేస్తున్న జర్నలిస్టులు కరోనాబారిన పడటం ఆందోళన కలిగిస్తుందన్నారు. ప్రభుత్వం తక్షణమే జర్నలిస్టులకు రూ.50 లక్షల భీమా సౌకర్యాన్ని కల్పించాలని డిమాండ్ చేశారు. ప్రజావసర వార్తలకు తప్పా జర్నలిస్టులు బయటకు వెళ్లవద్దని శ్రీనుబాబు ఈ సందర్భంగా జర్నలిస్టులను కోరారు. జర్నలిస్టులపై ఆధారపడి కుటుంబాలు జీవిస్తున్నాయనే విషయాన్ని కేంద్ర, రాష్ట్ర ప్రభుత్వాలు గుర్తించాలన్నారు. ప్రజలను ఎల్లవేళలా కాపాడే సింహాద్రి అప్పన్న జర్నలిస్టులను కూడా రక్షించాలని స్వామిని వేడుకున్నట్టు శ్రీనుబాబు వివరించారు.
వైఎస్సార్సీపీ ప్రభుత్వం దివంగత వంగపండు ప్రసారదరావు కుటుంబాన్ని గర్తించి ఆయన కూతురు ఉష కు ఏపీ సాంస్క్రుతిక కల్పన కమిషన్ చైర్ పర్శన్ పదవిని ఇవ్వడం చారిత్రక అంశమని ఏపి విద్యుత్ బిసి ఉద్యోగుల సంక్షేమ సంఘం రాష్ట్ర అధ్యక్షులు పోలాకి శ్రీనివాసరావు అన్నారు. శనివారం విశాఖలో ఆయన మీడియాతో మాట్లాడుతూ, ప్రముఖ జానపద వాగ్గేయకారుడిని ఏ ప్రభుత్వమూ గుర్తించని విధంగా వైఎస్సార్సీపీ ప్రభుత్వం గుర్తించడం ఉత్తరాంధ్రాకే గర్వకారణమన్నారు. వంగపండు జానపద కళారంగానికి ఎంతో సేవచేశారన్నారన్నారు. అలాంటి కుటుంబం జీవితాంతం గుర్తుంచుకునే విధంగా ప్రభుత్వం ఏపి సాంస్క్రుతిక కల్పన కమిషన్ చైర్మన్ గా నియమించడం వలన కళాకారులందరినీ గుర్తించినట్టు అయ్యిందన్నారు. ఈ పదవి ద్వారా వంగపండు ఆత్మకూడా శాంతిస్తుందని పోలాకి ఆనందం వ్యక్తం చేశారు. ఆయన కళలను తెలుగు జానపద కళాకారులు జీవితాంతం గుర్తించుకుంటారని అన్నారు.
ఏపీ రాష్ట్ర ప్రభుత్వ ప్రధాన కార్యదర్శి నీలం సాహ్ని పదవీ కాలం మరో మూడు నెలలకు పెంచుతూ రాష్ట్ర ప్రభుత్వం నిర్ణయించింది. ఈ మేరకు ప్రభుత్వ ముఖ్య కార్యదర్శి(పొలిటికల్) ప్రవీణ్ ప్రకాశం శుక్రవారం ఉత్తర్వులు జారీ చేశారు. ఈ ఏడాది జూన్ లో సీఎస్ నీలం సాహ్ని పదవీ విరమణ చేయాల్సి ఉంది. అయితే, ఆమె పదవీ కాలాన్ని జులై ఒకటి నుంచి సెప్టెంబర్ 30 వరకూ మూడు నెలలకు పెంచుతూ అప్పట్లో కేంద్ర ప్రభుత్వ అనుమతితో రాష్ట్ర ప్రభుత్వం ఉత్తర్వులు జారీ చేసింది. వచ్చే నెల 30 వ తేదీ ( సెప్టెంబర్ నెలాఖరు)న సీఎస్ పదవీ కాలం ముగియనుండడంతో మరో మూడు నెలల కాలం పాటు సీఎస్ నీలం సాహ్ని పదవీ కాలాన్ని పొడిగిస్తూ కేంద్ర ప్రభుత్వ ఆదేశాలకనుగుణంగా రాష్ట్ర ప్రభుత్వం ఉత్తర్వులు జారీ చేసింది. ఈ ఏడాది డిసెంబర్ 31 వరకూ సీఎస్ పదవీ కాలం పొడిగిస్తున్నట్లు ఆ ఉత్తర్వుల్లో ప్రభుత్వ ముఖ్య కార్యదర్శి(పొలిటికల్) ప్రవీణ్ ప్రకాశ్ పేర్కొన్నారు.
