గ్రామ, వార్డు సచివాలయశాఖ ఉద్యోగులను కూటమి ప్రభుత్వం అంతా తిరకాసుగా చూస్తుందనే విషయం మారోమారు బదిలీల విషయంలో బయట పడింది. వాస్తవానికి ఉద్యోగులకు బదిలీలు చేయాల్సి వస్తే.. ఉద్యోగుల నియామకం సమయంలో వచ్చిన మార్కులు అధారంగా చేసిన మెరిట్ లిస్టుని బదిలీలు జరిగే టపుడు ఆన్ లైన్ చూపిస్తారు. సదరు ఖాళీలను ఉద్యోగులు వారి మెరిట్ లిస్టు ఆధారంగా ప్రదేశాలు ఎంచుకొని జాయిన్ అవుతారు. కానీ కూటమి ప్రభుత్వంలో మునుపెన్నడూ లేని విధంగా బదిలీలు ఆన్ లైన్ లో చేసుకోమని చెప్పి.. తీరా బదిలీలు జరిగే ప్రదేశానికి వెళ్లిన ఉద్యోగులకు అక్కడి అధికారులు తేడా వ్యవహారం చూసి కళ్లు బైర్లు కమ్మాయి.. ఒకఫారం ఇచ్చి అందులో మూడు ప్రదేశాలు ఎంచుకొని సంతకం చేసి ఇచ్చి వెళ్లిపోయి.. మూడు రోజుల తరువాత వస్తే మీకు బదిలీలు జరిగిపోతాయని చెప్పడంతో ఉద్యోగులంతా అధికారులపై తిరగబడ్డారు. 

తామేమీ చిన్నపిల్లలం కాదాని.. బదిలీలకు ఇతర ప్రభుత్వశాఖల మాదిరిగా మెరిట్ లిస్టు అంటూ ఉంటుందని.. దాని ప్రకారం చేయాలి తప్పితే మీకు నచ్చినట్టు చేయడం ఏంటని అధికారులను పట్టుకొని దులిపేశారు. ఆ మాటలను వీడియోలు తీసి 75 ప్రభుత్వశాఖల ఉద్యోగులు, అధికారులకు పంపడంతోపాటు రాష్ట్రవ్యాప్తంగా తెగ వైరల్ చేశారు. దీనితో రాష్ట్రవ్యాప్తంగా విశాఖతోపాటు చాలా చోట్ల బదిలీలను సచివాలయ ఉద్యోగులు బాయ్ కట్ చేశారు. అంతేకాదు జిల్లా కలెక్టర్ కార్యాలయంలో తమకు జరిగిన అన్యాయంపై మెమోరాండం కూడా సమర్పించారు. ఈ సందర్భంగా సచివాలయ ఉద్యోగులు మాట్లాడుతూ, ప్రభుత్వం తామంతట తామే ఉద్యోగాలను వదిలి వెళ్లిపోయే విధంగా వ్యవహరిస్తుందని.. దానికోసమే మునుపెన్నడూ లేనివిధంగా తేడా బదిలీలు జరుపుతున్నారని ఆరోపించారు. రాష్ట్రంలో కూటమి పరిపాలన వస్తే తమ బ్రతుకులు మారతాయనుకుంటే.. గత ప్రభుత్వం కంటే పరిస్థితి దారుణంగా ఉందని వాపోయారు. 

బదిలీలకంటే ముందు రేషనలైజేషన్ పేరుతో వార్డుల్లో 8 మంది ఉద్యోగులు మాత్రమే ఉండాలని కొన్ని పోస్టులు రద్దు చేశారని. వారిని ఖాళీలున్న సచివాలయాల్లో నియమించకుండా.. వారిని గాల్లోనే పెట్టి ఇపుడు సాధారణ బదిలీలు చేపడుతున్నారని ఆవేదన వ్యక్తం చేశారు. చేస్తున్న బదిలీలు కూడా ప్రభుత్వ నిబంధనలకు వ్యతిరేకంగా చేపడుతున్నారని దీనిపై డిఎస్సీ కమిటీ చైర్మన్ గా జిల్లా కలెక్టర్ కలుగజేసుకుంటే తప్పా, బదిలీల్లో జరుగుతున్న తేడా విధానానికి తెరపడేలా లేదని చెప్పుకొచ్చారు. అయితే జిల్లా కలెక్టర్లు కూడా ప్రభుత్వ నిర్ణయాన్ని కాదని ఏమీ చేయడానికి లేదు. ఇప్పటికే క్లస్టర్ విధానం కోసం జీఓలు వచ్చిన తరువాత రెండు సచివాలయాలు కలిపి ఒక సచివాలయ చేస్తూ.. రెండు సచివాలయాల్లోని సిబ్బందిని ఒక సచివాలయానికి మాత్రమే 8 మంది ఉండేలా చేసి కొందరు ఉద్యోగులను గాల్లో పెట్టారని కలెక్టర్లు, ఎమ్మెల్యేలకు వివరించారు ఉద్యోగులు. 

అంతేకాదు ఈ తేడా విధానంపై మీడియాలో పెద్ద ఎత్తు కథనాలు కూడా వెలువడ్డాయి. దానిపై స్పందించిన అధికారులు, ప్రజాప్రతినిధులు ప్రభుత్వం చేసే పనులకు వ్యతిరేకంగా తాము ఏమీ చేయలేమని చేతులు ఎత్తేశారు. ఇపుడు తీరా సాధారణ బదిలీల్లో కూడా మెరిట్ లిస్టు లేకుండా చేపడుతున్న విధానాన్ని ఉద్యోగులు వ్యతిరేకించడం, అధికారులు తేడాగా చేపడుతున్న బదిలీలను వీడియోలు తీసి మరీ వైరల్ చేయడంతో ప్రభుత్వం బదిలీల్లో చేస్తున్న తిరకాసు విధానం అందరికీ తెలిసింది. అందునా సచివాలయ ఉద్యోగులు రాష్ట్రవ్యాప్తంగా 26 జిల్లాల్లో 15.4 గ్రామ,వార్డు సచివాలయాల్లో సుమారు 1.30 లక్షల మంది ఉండటంతో విషయం క్షణాల్లో వైరల్ అయ్యింది. ఈ విషయాన్ని అటు అధికారులు కూడా జిల్లా కలెక్టర్ కి, మీడియాకి  తెలియజేసినా ఫలితం లేకుండా పోయింది. 

బహుసా సచివాలయశాఖ రాష్ట్ర కార్యాలయం నుంచి నిర్ధిష్ట ఆదేశాలు, మెరిట్ లిస్టులపై సూచనలు వస్తే తప్పా... ఉద్యోగులు బదిలీల కౌన్సిలింగ్ లో పాల్గొనే అవకాశాలు కనిపించడం లేదు.  ఇతర శాఖల్లో వేల సంఖ్యలో రిటైర్ అయిన ఉద్యోగుల ఖాళీలను సచివాలయ ఉద్యోగులతో భర్తీచేయడం కోసం ఉద్యోగులను కుదించి.. వారిని వేరే ప్రభుత్వ శాఖల్లో సర్దుబాటు చేయడానికి చేపట్టిన క్లస్టర్ విధానం, ఆ పై మెరిట్ లిస్టు లేకుండా జరుగుతున్న బదిలీల ప్రక్రియ ఉద్యోగులకు, ప్రభుత్వానికి మధ్య ఇప్పటికే చాలా దూరాన్ని పెంచేసింది. దీని ప్రభావం రానున్న రోజుల్లో పరిపాలనపై చాలా దారుణంగా పడే అవకాశాలు కనిపిస్తున్నాయి. అందునా దేశంలో ఏ రాష్ట్రంలోనూ లేనివిధంగా ఒక్క ఆంధ్రప్రేదేశ్ లో మాత్రమే ఒక ప్రభుత్వ శాఖకు చట్టబద్దత లేకుండా, నిర్ధిష్టమై శాఖ లేకుండా, క్యాడర్ లేకుండా సర్వీసు నిబంధనలు , ప్రమోషన్ ఛానల్ లేకుండా నడుస్తున్న ఏకైన శాఖ గ్రామ, వార్డు సచివాలయ శాఖ మాత్రమే. 

ఇప్పటి వరకూ ఆన్ని విషయాల్లో  ఉద్యోగులనుంచి తీవ్ర వ్యతిరేకత మూటకట్టుకున్న ప్రభుత్వం ఇపుడు మెరిట్ లిస్టు లేకుండా అడ్డదారిలో వారికి కావాల్సిన వారికోసమే అన్నట్టు గా చేస్తున్న బదిలీల వ్యవహారంలో  చేస్తున్న పనులు మరింతగా సచివాలయ ఉద్యోగులకు ప్రభుత్వం అంటే వ్యతిరేక కలిగేలా చేశాయి. ఇంత జరుగుతున్నా సచివాలయశాఖను ఏర్పాటు చేసిన వైఎస్సార్సీపీ కిమ్మనడం లేదు. ఎందుకంటే గత ప్రభుత్వంలో చేసిన తేడా విధానాల కంటే కూటమి ప్రభుత్వంలో మరింత తేడాగా వ్యవహరిస్తున్నారు అధికారులు.. ఈనేపథ్యంలో సచివాలయ ఉద్యోగుల బదిలీల విషయంలో ప్రభుత్వం ఏం క్లారిటీ  ఇస్తందనేది ఆశక్తి కరంగా మారింది..?!

భారతదేశంలో ఏ రాష్ట్రంలోనూ చూడని ప్రభుత్వ శాఖను ఒక్క ఆంధ్రప్రదేశ్  ప్రభుత్వంలోనే చూడవచ్చు. ఈ శాఖలో పనిచేసే ఉద్యోగులకు వారి శాఖ పనుల కంటే మిగిలిన శాఖల పనులు, సర్వేలు, ప్రభుత్వ పథకాల పంపిణీ మొత్తం వీరే చేసే విధులుంటాయి. ఇవన్నీ చేసినందకు ప్రభుత్వం అదనంగా ఇస్తున్న ప్రయోజనాలు తెలుసుకుంటే ఎవరికైనా దిమ్మ తిరిగి కళ్లు బైర్లుకమ్మాల్సిందే.. ప్రభుత్వ నిర్ధేశించిన సర్వేలు సమాయినికే చేసేయాలంటారు.. సెల్ ఫోన్లు, ఇంటర్నెట్ ఇవ్వరు..  రేషన్ కార్డులు, ఆధార్ కార్డ్, ఓటరు కార్డు, ఇతర పథకాలకు  ప్రజలచేత దరఖాస్తులు చేయించ మంటారు కార్యాలయంలో స్టేషనరీ ఇవ్వరు.. ఆ ఖర్చులనే ఉద్యోగులనే పెట్టుకోమంటారు.. కార్యాలయాల్లో పాడైన ప్రింటర్లు బాగు చేయించరు.. వాటిని కూడా ఉద్యోగుల ఖర్చుతోనే బాగుచేయించుకోమంటారు.. చీటికి మాటికి మండల కేంద్రాలు, జోనల్ కార్యాలయాల్లో సమావేశాలకు రమ్మంటారు టీఏ డీఏలు ఇవ్వరు కానీ కార్యాలయానికి పిలిచి అమ్మనా బూతులతో చీవాట్లు, తిట్ల పురాణం మొదలెడతారు..పైగా  షోకాజ్ నోటీసులు ఫ్రీ.. వార్నింగ్ లు ఆపై బోనసులే.. ప్రతీ నెలా పించన్లు ఉదయం పదగంటలకే ఇచ్చేయాలి.. అంటే ఉద్యోగులు తెల్లవారుజామున ఐదు గంటలకే విధులకు వెళ్లాలి.. సర్వేలు చేయాలి ఆ యాప్ లన్నీ విచిత్రంగా ఉద్యోగుల విధులు సాయంత్రం 5గంటలకి అయిపోతే ఆరో గంట నుంచి పనిచేయడం మొదలు పెడతాయి.. 

సమయానికి సర్వే రిపోర్టులు పర్శంటేజీలు రాకపోతే మండల అధికారులకి, జోనల్ అధికారులకి మనిషికొచ్చినంత కోపం వచ్చేస్తుంది.. ఆపై తెగ ఫీలపై ప్రెస్టేషన్ అంతా ఉద్యోగులపైనే చూపించేస్తారు.. కార్యాలయాలు చెత్తా చెదారంతో నిండిపోతే మహిళా ఉద్యోగులైతే చీపుర్లు పట్టుకొని వారే ఊడ్చుకోవాలి.. మగవాళ్లైతే చెత్తను బయట పారేయాలి.. ఆయాలు, చెత్త ఊడ్చే పనివారు ఉండరు.. మాత్రం పనులు చేసుకోలేరా.. పైగా అది మంచి ఎక్స ర్ సైజు ఉచిత సలహాలు ఇస్తారు.. పెట్టిన ఖర్చులకి బిల్లులు పెడితే  ఆ ఒక్కటీ అడక్కు అంటారు. ఇంతలా అధికారులు ప్రోత్సహించినా చచ్చో చెడో విధులు నిర్వహిస్తే వీడియో కాన్పరెన్సు, టెలీ కాన్ఫరెన్సు కాల్స్ లో పేరు పేరునా తిట్ల దండకం, పరువు తీయడం... అక్కడికీ అధికారులు జేబులో డబ్బులు జీతాలుగా  సచివాలయ ఉద్యోగులకు ఇచ్చేస్తున్నట్టు.. పాపం వారే ఉద్యోగాలు దయతలచి ఇచ్చినట్టు, ప్రభుత్వంలో ఏశాఖలోనూ లేని అధికారిగా తానే ఉన్నట్టు ఫీలైపోతుంటారు ఇదంతా నాణేనికి ఒక వైపు మాత్రమే..

ఇక రెండో వైపు చూస్తే.. ఆరున్నరేళ్లుగా కనీసం ఉద్యోగులకు పదోన్నతులు కల్పించని ప్రభుత్వశాఖగా గిన్నీస్ రికార్డు కూడా సంపాదించింది ఆంధ్రప్రదేశ్ ప్రభుత్వంలోని 75వ ప్రభుత్వశాఖ అయిన గ్రామ, వార్డు సచివాలయశాఖ. ప్రభుత్వశాఖ ఉద్యోగులకు సర్వీసు నిబంధనలు, క్యాడర్, ప్రమోషన్ ఛానల్ లేకుండా ఇన్నేళ్లు ఏ విధంగా పనులు చేయించారనే విషయం తెలిస్తే వార్త చదువుతున్నవారికే కాదు.. ఇతర ప్రభుత్వశాఖల ఉద్యోగులకు కూడా గుండెళ్లో రైళ్లు పరిగెడతాయి. గ్రామ, వార్డు సచివాలయ ఉద్యోగులకు సర్వీసు నిబంధనలు, జ్యాబ్ క్యాడర్, ప్రమోషన్ ఛానల్, పీఆర్సీ ఫుల్ బెనిఫిట్స్ , నోషల్ ఇంక్రిమెంట్లు, సర్వీసు రెగ్యులరైజేషన్ ఇంక్రిమెంట్లు.. ఇవ్వాలంటే ముందుగా ఈ ప్రభుత్వ శాఖకు చట్టబద్ధత కల్పించాలి. అలా కల్పించాలంటే అసెంబ్లీలో ఆమోదం పొంది గెజిట్ నోటిఫికేషన్ రావాలి. గత వైఎస్సార్సీపీ ప్రభుత్వం అదిగో ఇదిగో అంటూ ఐదేళ్లు గడిపేసింది. రెండేళ్లు దాటినా ఉద్యోగాలు రెగ్యులర్ చేయకపోతే.. మీడియాలో వచ్చిన వరుస కథనాలతో పరువుపోతుందని భావించి రెండు సంవత్సరాల తొమ్మిదినెలలకు గానీ గత ప్రభుత్వం ఉద్యోగుల సర్వీసుని రెగ్యులర్ చేయలేదు. ఆ సమయంలో 9నెలల పేస్కేలు ఉద్యోగులకు నష్టం కలిగించి, సర్వీసు రెగ్యులర్ చేసిన తరువాత ఇవ్వాల్సిన రెండు ఇంక్రిమెంట్లు కూడా కోత విధించింది. 

అంతేకాదు పీఆర్సీ ఇస్తున్నామని చెప్పి పేస్కేలు పెంచి ఇతర ప్రయోజనాలు ఎగ్గొట్టింది.. ఆ తరువాత సచివాలయ ఉద్యోగులకు న్యాయం చేస్తామని అధికారంలోకి వచ్చిన కూటమి ప్రభుత్వం కూడా గత ప్రభుత్వ పాచికనే చక్కగా, పక్కాగా ఫాలో అవుతోంది. కనీసం సచివాలయ శాఖకు చట్టబద్దత కల్పించేందకు ఇన్నిసార్లు జరిగిన క్యాబినెట్ సమావేశాల్లో ఒక్కసారి కూడా వీరి అంశాలను చేర్చలేదు. అలా చేర్చి అసెంబ్లీలో చట్టబద్దత కల్పిస్తే ఖచ్చితంగా ఐదేళ్లు దాటిన ప్రభుత్వ ఉద్యోగులకు వీరందరికీ పదోన్నతులు ఇవ్వాలి. అలా ఇస్తే ఉద్యోగులకు రెండు నోషనల్ ఇంక్రిమెంట్లు ఇవ్వాలి, పెంచిన పేస్కేలు అమలు చేయాలి. ఇవన్నీ చేస్తే ప్రభుత్వంపై అదనపు భారం పడుతుంది. దానికి బదులు సచివాలయ ఉద్యోగుల విషయంలో ఏమీ చేయకుండా ఎన్నికల హామీల్లా అది చేస్తాం.. ఇది చేస్తాం అని చేప్పి ఏమీ చేయకుండా వదిలేస్తే ఉద్యోగులకు పదోన్నతులు ఇచ్చే పనుండదు.. సరికదా ఖాళీగా ఉన్నఉద్యోగాలను భర్తీచేసే పని అసలే ఉండదు. ప్రభుత్వానికి మేలు జరగని అంశం కాబట్టి గత ప్రభుత్వంలోనూ, నేడు కూటమి ప్రభుత్వంలోనూ రాష్ట్రవ్యాప్తంగా 26 జిల్లాల్లోని 15 వేల 4 గ్రామ, వార్డు సచివాలయాల్లోని సుమారు 1.30 లక్షల మంది ఉద్యోగులకు ప్రమోషన్ ఇవ్వకుండా, కనీసం సర్వీస్ రూల్స్ కూడా అమలు చేయకుండా అలాగే ఉంచేసింది.. 

వాస్తవానికి 2024 ఎన్నికల్లో సచివాలయ ఉద్యోగుల సమస్యలు తీరుస్తామని హామీ ఇచ్చిన కూటమి పరిపాలనలో ఏడాది పూర్తవుతున్నా వీరికోసం కనీసం పట్టించుకోకపోవడం వలనే.. ప్రభుత్వం ఏడాది పాలన పూర్తయి సంబరాలు జరుపుతున్నవేళ ఉద్యోగులు నిరసన చేయడానికి పూనుకున్నారు. మొన్నటి వరకూ సచివాలయ మహిళా పోలీసుల అర్హతలను బట్టి వారిని సముచిత స్థానాల్లో కూర్చోబెడతామని చెప్పిన హోంశాఖ మంత్రి ప్రకటన తరువాత క్లస్టర్ విధానంతో అదే మహిళా పోలీసుల పోస్టులు రద్దు చేసి గాల్లో పెట్టినా నేటికీ హోం మంత్రి ఈ విషయంలో ఒక్క ప్రకటన కూడా చేయలేదు. రద్దు చేసిన పోస్టుల్లోని మహిళా పోలీసులను ముందుగా ఖాళీలు ఉన్న చోట భర్తీ చేయకుండానే సాధారణ బదిలీలకు తెరలేపారు. అంటే సాధారణ బదిలీలు జరిగితే.. క్లస్టర్ విధానంలో  పోస్టులు రద్దై గాల్లో ఉన్న మహిళా పోలీసులందరినీ ఎక్కడ నియమిస్తారో తెలియని పరిస్థితి. అన్ని ప్రభుత్వశాఖల్లో అటెండర్ల దగ్గర నుంచి గ్రూప్-1 అధికారుల వరకూ పదోన్నతులు కల్పిస్తున్న ప్రభుత్వం తమను మాత్రం గాలికొదిలేసి.. పదోన్నతులు, పీఆర్సీ ప్రయోజనాలు, సర్వీసు నిబంధనలు కూడా అమలు చేయకుండా వదిలేసిందని ఉద్యోగులు కన్నీటి పర్యంతం అవుతున్నారు. 

తమ సమస్య ప్రభుత్వానికి తెలియజేసేందుకు వీలుగా నేటి నుంచి ఆందోళనకు సిద్దమవుతున్నామని చెబుతున్నారు. ప్రభుత్వానికి ఉపయోగపడేవిధానాలపై రాత్రికి రాత్రే జీఓలు ఇస్తున్నారని కానీ తమ ఉద్యోగులకు భద్రత కల్పించే విషయంలో మాత్రం ఎన్ని వినతులు సమర్పించినా కనీసం పట్టించుకోవడం లేదని వాపోతున్నారు ఉద్యోగులు. ఈసారి ప్రభుత్వం స్పందించి పదోన్నతులు కల్పించి ఇతర 74 ప్రభుత్వ శాఖల ప్రభుత్వ ఉద్యోగుల  మాదిరిగా సర్వీసు నిబంధనలు అమలు చేయకపోతే ఆందోళన ఉదృతం చేస్తామని హెచ్చరిస్తున్నారు. కాకపోతే ఇవన్నీ గత ప్రభుత్వంలోనూ చూశాం.. మన ప్రభుత్వంలోనూ చూసి ఏవీ అమలు చేయకుండానే ఉద్యోగులతో ఇంకా అదనపు పనులు చేయిస్తున్నాం అన్నట్టుగానే ప్రభుత్వం వ్యవహరిస్తున్న తీరు ఉద్యోగులను మరింత ఆవేదనకు గురిచేస్తున్నది. ఇప్పటికైనా ప్రభుత్వం గ్రామ, వార్డు సచివాలయ ఉద్యోగుల సమస్యలను పరిష్కరిస్తుందా..? లేదంటే ప్రభుత్వానికి ఇష్టంలేని పనులు, నిరసనలు చేస్తున్నందుకు వీరిని టార్గెట్ చేసి జిల్లాల్లో కలెక్టర్లును, మున్సిపాలిటీల్లో కమిషనర్లను, మండలాల్లో ఎంపీడీఓలను, మున్సిపాలిటీల్లో జోనల్ కమిషనర్లు ఉసిగొల్పుతుందా అనేది వేచి చూడాలి..?!

గ్రామ, వార్డు సచివాలయ ఉద్యోగుల్లో ఇపుడు కొందరు మహిళా పోలీసులు గాల్లో ఉన్నారు.. రాష్ట్రప్రభుత్వం ఇటీవల క్లస్టర్ విధానం పేరుతో రాష్ట్రవ్యాప్తంగా కొన్ని మహిళా పోలీసు పోస్టులను సచివాలయాల నుంచి తొలగించింది. ఎంతమందిని తొలిగించారో ఆ జాబితా కూడా గ్రామ సచివాలయాలకు సంంధించి ఎంపీడీఓ కార్యాలయాలకు, వార్డు సచివాలయాలకు సంబంధించి జోనల్ కార్యాలయాలకు  పంపింది. అలా రద్దైన పోస్టుల్లో ఉన్నవారికి ఖాళీలు ఉన్నట సచివాలయాల్లోనూ భర్తీచేయలేదు. అలాగని వారిని ఏ ప్రభుత్వ శాఖకు పంపిస్తారో కూడా చెప్పలేదు. ఈ లోగా వచ్చిన సాధారణ బదిలీలు వీరిని కలవర పాటుకి గురిచేస్తున్నాయి. ప్రస్తుతం రద్దైన మహిళా పోలీసులు క్లస్టర్ లో కలిసేందుకు వీలుగా కొన్ని సచివాలయాల్లో పోస్టులు ఖాళీగా ఉన్నాయి. కానీ ప్రభుత్వం అక్కడ కూడీ వీరిని నియమించలేదు. ప్రస్తుతం ఐదేళ్లు దాటిన వారంతా బదిలీలకు దరఖాస్తులు చేసుకుంటున్నారు. అలా చేసుకున్నవారికి ఖాళీలను బట్టి ఆయ స్థానాలు ఆన్ లైన్ లో చూపించాల్సి వుంటుంది.

 అలాగని పోస్టులు రద్దు చేసిన వారిని ఏం చేస్తారో కూడా ప్రభుత్వం ప్రకటించలేదు. ఇందులో కొందరు మహిళా పోలీసులు బదిలీలపై వచ్చి విధుల్లో చేరారు. అలా చేరిన వారిలో కూడా కొంత మంది రద్దైన పోస్టుల్లో ఉన్నారు. అలాగని వీరు క్లస్టర్ లో కలిసే సచివాలయాల్లోని ఖాళీ పోస్టుల్లో బదిలీకి దరఖాస్తు చేసుకోవాలన్నా వీరికి ఆప్షన్ ఇవ్వలేదు. ఇపుడు వీరేం చేయాలో తెలియక ఆందోళన పడుతూ తమకు న్యాయం చేయాల్సిందిగా ప్రజాప్రతినిధులకు వినతి పత్రాలు సమర్పిస్తున్నారు. అధికారుల ముందు ఈ విషయాన్ని పెడితే తమకు కూడా ఎలాంటి విధి విధానాలు లేవని.. ముందు ఐదేళ్లు దాటిన వారికి మాత్రం బదిలీలు చేస్తామని చెబుతుండటంతో మహిళా పోలీసులు ఆందోళన వ్యక్తం చేస్తున్నారు. ప్రస్తుతం ఐదేళ్లు దాటిన మహిళా పోలీసులందరూ బదిలీలకు ఆన్ లైన్ లో దరఖాస్తులు చేసుకుంటున్నారు. వీరికి బదిలీలు చేపడితే గాల్లో ఉన్న మహిళా పోలీసులకు మళ్లీ పోస్టింగ్ లు ఇవ్వడానికి కూడా ఖాళీలు ఉండవు. 

ఉన్నా ఎక్కడ ఏ జిల్లా చివరన ఉన్న స్థానాలు ఇస్తారో కూడా తెలియడం లేదని మహిళా పోలీసులు వాపోతున్నారు.  అలాగని క్లస్టర్ విధానం ఇంకా మొదలు కాలేదని చెబుతున్నా.. క్లస్టర్ పరిధిలోకి వచ్చే సచివాలయాల్లో కైనా తమకు పోస్టింగులు ఇవ్వలేదని చెబుతున్నారు. తమ గోడు ఎవరికి చెప్పుకోవాలో తెలియక సతమతం అవుతున్నామని అంటున్నారు. దీనిపై ప్రభుత్వం నుంచి ఒక నిర్ధిష్ట సమాచారం లేకపోతే ప్రస్తుతం పోస్టులు రద్దై జాబితాలు వచ్చిన మహిళా పోలీసులకు బదిలీల అనంతరం ఎక్కడి స్థానాలు దక్కుతాయో తెలియని పరిస్థితి.  ప్రతస్తుతానికి గాల్లో ఉన్న మహిళా పోలీసులు తమ ఇబ్బందులను ప్రజాప్రతినిధులకు తెలియజేద్దామంటే విశాఖజిల్లాలో అందరు ఎమ్మెల్యేలు, ఎంపీలు, మంత్రులు, జిల్లా అధికారులు అందరూ యోగాంధ్ర కార్యక్రమాల్లో చాలా బిజీగా ఉన్నారని, తమ పరిస్థితి ఏంటో తమకు అర్ధం కవాడం లేదని వాపోతున్నారు. 

కాగా  ఈ విషయమై ఈరోజు-ఈఎన్ఎస్ విశాఖజిల్లా కలెక్టర్ ఎంఎన్.హరేంధిర ప్రసాద్ ను వివరణ కోరేందుకు ప్రయత్నించగా ఆయన అందుబాటులో లేరు. అయినప్పటికీ సచివాలయ మహిళా పోలీసులు పడుతున్న ఇబ్బందులను.. క్లస్టర్ విధానంలో పోస్టులు రద్దైన వారి సాంకేతిక సమస్యలను జిల్లా కలెక్టర్ చరవాణి దృష్టికి సమాచారాన్ని ఈరోజు-ఈఎన్ఎస్ ప్రతినిధి చేరవేశారు. విశాఖజిల్లాలో యోగాంధ్రా కార్యక్రమం పూర్తయ్యేవరకూ ఏఒక్క ప్రభుత్వ అధికారి గానీ, ప్రజాప్రతినిధిగానీ అందుబాటులోకి వచ్చే పరిస్థితి లేదు. ఈలోగా ఇప్పటికే మహిళా పోలీసులు ఇచ్చిన వినతులపై ఏమైనా ప్రభుత్వం నుంచి స్పందన వస్తుందేమోనని మహిళా పోలీసులు అంతా ఆశగా ఎదురు చూస్తున్నారు.

కానీ వీరికి వారమంతా పనే వుంటుంది. ఒక్కోసారి అదనంగా పనిచేయాల్సి వస్తే ఏ సమయంలో కార్యాలయంలో కూర్చొని పనిచేయాలో వారం రోజులు ముందుగానే వీడియో కాన్ఫరెన్సు, టెలీ కాన్ఫరెన్సు పెట్టి చెప్పేస్తారు. ప్రభుత్వ ఉద్యోగులకి కుటుంబాలు, పనులు ఉండావా ఉంటాయి. కానీ ప్రభుత్వానికి, ప్రజలకి మాత్రం కావాల్సిన సమయానికి పనులు చేయాలి. ప్రజలకు నిరంతరం పనులు చేస్తూ పోతే.. వీరికెప్పుడు సెలవులు రావాలి..? అంటే వస్తాయ్ కేవలం కాగితాలపైనే. రాష్ట్రప్రభుత్వంలోని 75 ప్రభుత్వ శాఖలు, 26 జిల్లాల్లోని లక్షల మంది ఉద్యోగులను రాష్ట్రప్రభుత్వం చెప్పినట్టు చేయాల్సిందే. ప్రభుత్వ ఉద్యోగుల సంక్షేమం చూస్తామని ఎప్పుడూ బాకాలు ఊదే ప్రభుత్వం ఒక్కసారి ప్రభుత్వ ఉద్యోగులకు ఏం చేసిందో ఆలోచిస్తే.. అసలు విషయం తెలుసిసొస్తుంది అంటున్నారు ఉద్యోగులు. నిజంగా ప్రభుత్వం ఉద్యోగులకు సంక్షేమం చేయాలనుకుంటే.. ప్రభుత్వ సెలవు దినాల్లో పనులు పురమాయించకుండా.. అదనపు విధులు ముందుగానే అప్పగించకుండా ఉందే అదే ప్రభుత్వ ఉద్యోగులకు అసలైన సంక్షేమం చేసినట్టుగా బావిస్తున్నారు ప్రభుత్వ ఉద్యోగులు. 

ప్రభుత్వానికి నచ్చినట్టుగా వేళా పాలా, సెలవు దినాల్లోనూ అదిరించి, బెదిరించి పనులు చేయించుకుంటున్నా.. ఉద్యోగులకు మాత్రం వారి సర్వీసు నిబంధనల ప్రకారం పదోన్నతులు,  ఇంక్రిమెంట్లు, ఖాళీల్లో సిబ్బంది నియమాకాలు మాత్రం చేపట్టడం లేదు. పేరుకే ప్రభుత్వ ఉద్యోగి అయినా సాధారణ ప్రజలు మాదిరిగా వారి తరహాలో వారు ఆందోళన చేస్తే తప్పా వారి సమస్యలు పరిష్కారినికి నోచుకోవడం లేదు. నాల్గవ తరగతి ఉద్యోగి నుంచి ఐఏఎస్ అధికారి వరకూ ఇపుడు ఖాళీకూడా లేకుండా పనులు పురమాయిస్తున్నది ప్రభుత్వం. ఒక రకంగా ప్రభుత్వ ఉద్యోగులు, అధికారుల్లో అవినీతి పెరిగిపోవడానికి కూడా రాష్ట్రప్రభుత్వం తీసుకుంటున్న చర్యలే అంటున్నారు ప్రభుత్వ ఉద్యోగులు. ఇంట్లో కుటుంబాలతో వారంలో ఒక్కరోజు కూడా గడపలేని ప్రభుత్వం ఉద్యోగం చేసి ప్రజలకి ప్రభుత్వానికి ఊడిగం చేయడానికి కాదు అన్నట్టుగా చేసిన పనికి.. అందునా వేగంగా చేసే పనులకు లంచాలకు అలవాటు పడుతున్నారు. వినడానికి, చదవడానికి వింతగా ఉన్నా ఇది పక్కా నిజం. కనీసం వారాంతంలోనైనా సెలవు ఇవ్వకపోతే ఇంట్లో మాసిన బట్టలు ఎప్పుడు ఉతుక్కోవాలంటూ వాపోతున్నారు. 

అంతేకాదు  పేరుకి ఉదయం 10 గంటల నుంచి సాయంత్రం ఐదు గంటల వరకూ విధులు అని చెబుతున్నా, ప్రతీరోజూ ఏడు, ఎనిమిది వరకూ చేయాల్సి పనులు కార్యాలయాల్లో ఉంటున్నాయి. దానికి కారణం కూడా లేకపోలేదు. భారీగా ఏర్పడ్డ ఖాళీలను భర్తీచేయకపోవడంతో ఉన్న సిబ్బందే మిగిలిన పనులను వంతుల వారీగా వేసుకొని మరీ చేయాల్సి వస్తుందని చెబుతున్నారు. గత ప్రభుత్వంలో గ్రామ, వార్డు సచివాలయ శాఖను ఏర్పాటు చేసి సుమారు 1.30 లక్షల మంది ఉద్యోగులను 26 జిల్లాల్లో 15వేల 4 గ్రామ, వార్డు సచివాలయాల్లో నియామకాలు చేపట్టినా.. ఇతర శాఖల ఉద్యోగుల కంటేవీరికి మరీ అప్పగించేస్తున్నది రాష్ట్రప్రభుత్వం. మరీ పనులు లేకుండా జీతాలు ఎలా ఇస్తారనే డౌట్ మీకు రావొచ్చు.. వీరితో విధినిర్వహణ సమయంలో పనులూ చేయించేసి.. అదనపు పని గంటలుగా సర్వేలు, ఆన్ లైన్ వివరాల నమోదులంటూ ఊరిమీదకి వదిలేస్తున్నారు. ఆ సమయంలో పనిచేసేందుకు మొబైల్ ఫోన్లు గానీ, ఇంటర్నెట్ గానీ ప్రభుత్వం ఏమీ మంజూరు చేయడంలేదు. 

అలాగని పనిచేయకపోతే బెదిరింపులు, అదిరింపులు, షోకాజ్ నోటీసులు.. ఈ మధ్య మరో అడుగు ముందుకేసి నెలలో రెండు మూడు రోజులు జీతాలు కటింగ్ చేయడం, కార్యాలయాలకి పిలిపించుకొని ప్రత్యేకంగా సమయం తీసుకొని మరీ తెలుగులో ఉన్న బూతులన్నీ తిట్టడం అబ్బో ఒకటి కాదు రెండు కాదు చాలా వ్యవహారాలే జరుగుతున్నాయంటున్నారు ప్రభుత్వ ఉద్యోగులు. ఇవన్నీ ప్రభుత్వానికి తెలియవని బావిస్తున్నారా అంటే.. అన్నీ తెలిసే జరుగుతున్నాయి. ఇన్ని పనులు ఉద్యోగాలు తీసేస్తామని బెదిరించి చేస్తున్నారు కదా.. ఉద్యోగులకు సకాలం ఇవ్వాల్సిన ప్రయోజనాలు ఇస్తున్నారంటే.. ఇది రాష్ట్రప్రభుత్వం అలాంటివి ఉద్యోగులు అడక్కూడదు.. ఇచ్చినపుడు మాత్రమే తీసుకోవాలని మాత్రం తెలివి సమాధానమిస్తున్నది ప్రభుత్వం. పోనీ ఉద్యోగుల సమస్యల పరిష్కారంలో ప్రభుత్వ అధికారులు, జిల్లా కలెక్టర్లు అయినా కాస్త ముందుకి వచ్చి పరిష్కరిస్తారా అంటే అవి కూడా కాగితాలకే పరిమితం అవున్నాయి.

 భారతదేశంలోనే ఏ రాష్ట్రప్రభుత్వంలోనూ లేని విధంగా ఒక్క ఆంధ్రప్రదేశ్ లో మాత్రమే సర్వీసు రూల్స్, ఉద్యోగికి క్యాడర్, ప్రమోషన్ ఛానల్ లేకుండా ప్రభుత్వ ఉద్యోగులు పనిచేస్తున్నారంటే ఆశ్చర్యం కలుగక మానదు.  అలాంటి నూతన సంస్క్రుతికి తెరతీసిన ఘనత కూడా గత ప్రభుత్వానికి దక్కుతుంది. దానిని కొనసాగిస్తున్న కీర్తి ప్రతిష్టలు కూటమి ప్రభుత్వానికే దక్కుతాయనడంలో ఎలాంటి సందేహం లేదు. ఇంతా చేసి ప్రభుత్వ ఉద్యోగులు 12నెలల్లో ఒక నెల జీతం ఇన్కం టాక్స్ లుగా ప్రభుత్వానికే చెల్లించేస్తారనే విషయం మీలో ఎంతమందికి తెలుసు. కొందరు జిల్లా అధికారులైతే రెండు నెలల జీతం కూడా ఐటి రిటర్న్స్ సమయంలో సమర్పించాల్సి వుంటుంది.

ఇంత చేసినా, ఏడాదికి నెల, రెండు నెలల జీతం కోల్పుతున్నా, సమయానికి ఇంక్రిమెంట్లు గానీ, పదోన్నతులు గానీ రాకపోయినా.. ఖచ్చితంగా ఆదివారాలు, రెండం శనివారాలు, ఇతర ప్రత్యేక శెలవు రోజుల్లోకూడా పనిచేయాల్సిందే. మేము ఇవ్వాల్సినవి చట్టపరంగా ఇవ్వడం కుదరదు కానీ.. మేము చెప్పినట్టుగా సెలవుల్లో పనులు చేయకపోతే మాత్రం కఠిన చర్యలు తప్పవని మాత్రం ఆదేశాలిస్తున్నది రాష్ట్రప్రభుత్వం.(ఇక్కడ మహిళా ఉద్యోగుల ప్రధనా సమస్యలపై రాయకూడని విషయాన్ని ప్రస్తావించలేకపోతున్నాం.. కానీ కొందరు మహిళా ఉద్యోగులు మాత్రం బహిరంగంగానే ప్రభుత్వ తీరుని చాలా దారుణంగా ఎండగడుతున్నారు. ఈ విధానం మంచిది కాదని మండి పడుతున్నారు)        

కాకపోతే గుడ్డిలో మెల్ల ఏంటంటే ఈసారి కూటమి ప్రభుత్వంలో స్థానిక పత్రికలకు అదీ ఎంపానల్ మెంటు ఉన్న పత్రికలకు మాత్రమే కొద్దో గొప్పో ప్రకటనలు ఇస్తున్నది. మళ్లీ ఎంపానల్ మెంట్ లేని పత్రికలను పూర్తిగా పక్కన పెట్టేసింది.  ఈ పరిస్థితి గత ప్రభుత్వంలో అస్సలు లేనే లేదు. ఒక దశలో జర్నలిస్టులు అనే వారిని  లేకుండా చేయాలని కూడా ప్రయత్నించింది. కనీసం వారికి ప్రభుత్వం ద్వారా ఇచ్చే గుర్తింపు కార్డు ప్రెస్ అక్రిడిటేషన్ కూడా రాకుండా చూడాలని శక్తివంచన లేకుండా కృషి చేసి సదరు ప్రభుత్వంలో తీసుకొచ్చిన జీఓలను పక్కాగా అమలు చేసింది. ఇపుడు ఆ జీఓలకు వ్యతిరేకంగా కూటమి ప్రభుత్వంలోనైనా జర్నలిస్టులకు, స్థానిక పత్రికలకు అనుకూలంగా కొత్త జీఓలు వస్తాయనుకుంటే వచ్చే పరిస్థితి అయితే కనిపించడం లేదు. ఆది నుంచి టిడిపి ప్రభుత్వం మీడియామీద, పత్రికల మీద అంత కక్ష, కోపం అయితే పెట్టుకోలేదు. ఆ నమ్మకమే ఇంకా జర్నలిస్టుల్లో వుంది. కాని మీడియా అంటే పెద్ద పత్రికలు, శాటిలైట్ టీవీ ఛానళ్లే కాదు. స్థానికంగా ఉండే పత్రికలను కూడా పత్రికలుగా గుర్తించాలి. 

ఇక్కడ కనీసం కొలమానం దినపత్రికలను అచ్చువేసే విధానం సరిగ్గా జరుగుతుందా లేదా..? కేంద్ర, రాష్ట్రప్రభుత్వ నిబంధనల మేరకు రికార్డులు మెయింటేన్ చేస్తున్నారా..? పత్రికలు ప్రజల్లోకి వెళుతున్నాయా లేదా అనే విషయాలను ఖచ్చితంగా గుర్తించి నిబంధనలు పాటించే పత్రికలు చిన్నగా ప్రభుత్వ ప్రకటనల చేయూత అందిస్తే పత్రికల మనుగడ, జర్నలిస్టుల బ్రతుకు తెరువుకి కాస్త ఊపిరి వస్తుంది. కానీ ప్రభుత్వాలు మాత్రం ఈ విషయంలో కఠినంగానే వ్యవహరిస్తున్నాయి. 75ఏళ్ల స్వాతంత్ర్య భారత దేశంలో కేంద్రప్రభుత్వాలు మేలు చేస్తే.. కేంద్రంలోని బీజేపీ ప్రభుత్వం మాత్రం రాయితీపై ఇచ్చిన రైల్వే పాసులును తొలగించింది. జర్నలిస్టులు ఒకటి అరా చేసే ప్రయాణాలకు రైల్వేకి అంతేమీ లాసు, నష్టం రాదు. కానీ ప్రజలకోసం, ప్రభుత్వ పథకాలకోసం, రాజకీయపార్టీల కోసం పనిచేసే జర్నలిస్టులకు రాయితీ రైల్వే పాసు ఎందుకు అనుకుందో ఏమో దానిని 2019లోనే తొలగించింది. కేంద్రంలోని బీజేపీ ప్రభుత్వాన్ని ఆదర్శంగా తీసుకున్న నాటి వైఎస్సార్సీపీ ప్రభుత్వం స్థానిక దినపత్రికలకు ప్రెస్ అక్రిడిటేషన్లు పొందకుండా దేశంలో ఎక్కడా లేని నిబంధనలు తీసుకొచ్చి.. అక్రిడిటేషన్లు పదుల సంఖ్య నుంచి నాలుగైదుకి కుదించేసింది. 

గతంలో మండల విలేఖరికి అక్రిడిటేషన్ ఉండేది. ఆ విధానాన్ని తొలగించి నియోజకవర్గ కేంద్రానికి ఒక అక్రిడిటేషన్ విధాన్నాన్ని తెరమీదకు తీసుకువచ్చారు. ఆ దెబ్బతో చాలా మంది కనీసం గుర్తింపు లేని మీడియా రంగంలో ఎందుకులే అని ఇక్కడి పూర్తిగా బయటకు వెళ్లిపోయారు. కనీసం జర్నలిస్టులకు హెల్త్ కార్డులు, యాక్సిడెంటల్ ఇన్స్యూరెన్స్ లు, 60ఏళ్లు దాటితే కనీసం పెన్షన్ వంటి చేయూతనిచ్చే స్కీములు కూడా లేవు. ప్రస్తుతం జర్నలిస్టులకు ప్రభుత్వ హెల్త్ కార్డులు ఉన్నా అదే ప్రభుత్వం నెట్వర్క్ ఆసుపత్రలుకు బిల్లులు చెల్లించకపోవడంతో అక్కడ సదరు కార్డులపై వైద్యం కూడా చేయడంలేదు. అటు జర్నలిస్టులపై దాడులను నియంత్రించడానికి గతంలో ఉండే అటాక్స్ కమిటీలు కూడా లేవు. జర్నలిస్టుల ప్రధాన సమస్యలపై జర్నలిస్టు సంఘాలను పోరాటాలు చేయమంటే..ఆయా పార్టీలకు అనుకూలంగా కేవలం ప్రచారాల కోసం మాత్రమే కార్యక్రమాలు చేస్తున్నాయి జర్నలిస్టు సంఘాలు. 

ప్రజల సమస్యలను ప్రభుత్వ కార్యక్రమాలను ఎప్పటి కప్పుడు అన్నివర్గాలకు అందించే జర్నలిస్టులు,మీడియా.. ఇపుడు వారి సమస్యలను కూడా వార్తలుగా రాసుకోవాల్సిన దుస్థితి ఏర్పడింది. ప్రతిపక్షంలో ఉండగా ఇచ్చిన హామీలు ఒక్కటి కూడా అధికారంలోకి వచ్చిన తరువాత జర్నలిస్టులకోసం అమలు చేయకపోవడంతో ఇపుడు కూటమి ప్రభుత్వం కూడా అధికారంలోకి వచ్చి ఏడాది గడుస్తున్న సందర్భంగా పరిష్కారం కాని సమస్యలపై వార్తలు రాయాల్సి వస్తున్నది. ప్రజల్లోప్రజలుగా.. ప్రజలకి ప్రభుత్వానికి మధ్య వారధులుగా ఉన్న జర్నరలిస్టుల సమస్యలు కూడా ప్రభుత్వం.. అందునా కూటమి ప్రభుత్వం పట్టించుకుంటే రాష్ట్రవ్యాప్తంగా ఉన్న సుమారు 65వేల మంది జర్నలిస్టుల సమస్యలు పరిష్కారం ప్రభుత్వానికి పెద్ద కష్టమేమీ కాదు. లేదంటే వచ్చే ఏడాది కూడా ఈ సమాయానికి జర్నలిస్టుల సమస్యలకు రెండేళ్లు అని వార్త రాసుకోవడం తప్పా వర్కింగ్ జర్నలిస్టులు ఏమీ చేసుకోలేని స్థితి నేటి జర్నలిస్టులది..?!

మీడియా(MEDIA)లో వార్తలు వస్తున్నాయంటే ఊరకే వస్తాయా..? ప్రభుత్వంలో తేడాగా చేసే పనులు బట్టే పత్రికలు, టీవీల్లో చేసిన పనులను ఎండగడుతూ వార్తలొస్తాయి అంటున్నారు విశ్లేషకులు.. ఇంతకీ ఏం జరిగిందని అడగరేం..? వైఎస్సార్సీపీ ప్రభుత్వం గ్రామ, వార్డు సచివాలయశాఖను తలా తోకా లేకుండా ఏర్పాటు చేసి ఉద్యోగులకు కనీసం సర్వీసు నిబంధనలు, ప్రమోషన్ ఛానల్, ప్రభుత్వశాఖ, నిర్ధిష్టమైన క్యాడర్ అంటూ ఇవ్వలేదని..ఇదేనా పరిపాలనా విధానమంటూ అసెంబ్లీ సాక్షిగా చర్చకు లేవనెత్తిన కూటమి సర్కారు గత ప్రభుత్వం కంటే దారుణంగా తాత్సారం చేస్తున్నట్టు అధికారికంగానే కనిపిస్తున్నది. దానికి ఉదాహరణ గ్రామ, వార్డు సచివాలయశాఖ మహిళా పోలీసులకు ప్రభుత్వశాఖ కేటాయించడానికి తీసుకొచ్చిన డిపార్ట్ మెంట్ స్లైడింగ్ అంశమే. కోర్టు కేసుల కారణంగా నేటి వరకూ గాల్లోనే ఉన్న సచివాలయ మహిళా పోలీసులకు డిపార్ట్ మెంట్ స్లైడింగ్ ఇస్తామని చెప్పి వారిలో ఆశలు రేపిన ప్రభుత్వం ఆన్ లైన్ లో ఐసిడిఎస్, పోలీసుశాఖ రెండు ఆప్షన్లు ఇచ్చి ముచ్చటగా మూడు రోజులు ఉంచి మళ్లీ వాటిని ఆన్ లైన్ లో ఉలుకూ పలుకూ లేకుండా చేసింది. దీనిని సాకుగా చూపి ఉద్యోగుల  సాధారణ బదిలీలను కూడా నిలిపివేసింది. డిపార్ట్ మెంట్ స్లైడింగ్ ద్వారా అయినా తమకు ఒక నిర్ధిష్ట ప్రభుత్వ శాఖ కేటాయింపు జరుగుతుందని ఆశపడిన మహిళా పోలీసులకు ఆ ఆశ కేవలం మూడు రోజులు మాత్రమే మిగిలింది. ఇచ్చిన ఆప్షన్లు ఆన్ లో డిజేబుల్ చేసేశారు. ఇపుడు కనీసం చూడటానికి కూడా వీలు లేకుండా పోయింది.

సచివాలయ మహిళా పోలీసులకు రెండు ప్రభుత్వశాఖలను ఆన్ లైన్ స్లైడింగ్ ఆప్షన్లు ఇచ్చిన ప్రభుత్వం వారికి ఏ క్యాడర్ ఇస్తుందో తెలియజేయలేదు. వాస్తవానికి రాష్ట్రప్రభుత్వంలో ఒక ప్రభుత్వశాఖ ఏర్పాటు చేస్తే దానికి నాల్గవ తరగతి ఉద్యోగం నుంచి గ్రూప్-1 క్యాడర్ ఉద్యోగం వరకూ పదోన్నతులు, డైరెక్ట్ రిక్రూట్ మెంట్ విధానం అంతా ముందుగానే పొందు పరుస్తారు. కానీ విచిత్రంగా వైఎస్సార్సీపీ ప్రభుత్వం ప్రభుత్వంలోని మాతృశాఖల ద్వారా సచివాయల ఉద్యోగులను నియమించినా.. వారికి నిర్ధిష్టమైన క్యాడర్, సర్వీసు నిబంధనలు, ప్రమోషన్ ఛానల్ ఏర్పాటు చేయలేదు. దానితో వీరంతా ఉద్యోగాల్లోకి వచ్చి ఐదేళ్లు దాటిపోతున్నా నేటికీ పదోన్నతులు లేకుండా ఇంకా అలాగే ఉన్నారు. అందులో ఒకటి కోర్టు కేసు కారణం అయితే, రెండవది హైకోర్టుకి గత ప్రభుత్వం అఫడవిట్ దాఖలు చేయడం. గత ప్రభుత్వం చేసిన తప్పునే కూటమి ప్రభుత్వం కూడా కొనసాగిస్తున్నది తప్పితే.. చేసిన తప్పుని సరిచేసి ఉద్యోగులకు న్యాయం చేయాలనే తలంపు ఉన్నట్టు ఎక్కడా కనిపించలేదు. దానికి కారణం కూడా లేకపోలేదు. మహిళా పోలీసులకు ప్రభుత్వ శాఖ కేటాయిస్తామని రెండు శాఖల ఆప్షన్లు ఇచ్చిన ప్రభుత్వం  వారికి ఏశాఖ సర్వీసు రూల్స్ వర్తిస్తాయో చెప్పే విధివిధానాలు రూపొందించకుండా కేవలం ఆప్షన్లు మాత్రమే ఆన్ లైన్ లో పెట్టి మూడు రోజులు హడావిడి చేసి మళ్లీ వాటిని డిసేబుల్ చేసేసింది.

గ్రామ, వార్డు సచివాలయ మహిళా పోలీసులకు ప్రభుత్వం ఇవ్వాలనుకుంటున్న ప్రభుత్వశాఖల ఆప్షన్లలో ఏ శాఖ ఎంచుకుంటే ఆశాఖలోకి తీసుకున్న తరువాత ఇప్పటి వరకూ చేసిన సర్వీసుని లెక్కిస్తారా..? లేదంటే డిపార్ట్ మెంట్ స్లైడింగ్ ఇచ్చాం కదా మళ్లీ మరో ఐదేళ్లో, ఏడోళ్లో పనిచేయించిన తరువాత పదోన్నతి కల్పిస్తారా..? అనే విషయం మాత్రం క్లారిటీ ఇవ్వలేదు. ప్రభుత్వం సచివాలయ ఉద్యోగులకు న్యాయం చేయాలని భావిస్తే.. ప్రస్తుతం వీరికి ఇచ్చిన రెండు ప్రభుత్వ శాఖలు ఎవరికి ఇష్టం వచ్చినట్టుగా వారిని ఎంచుకో మని చెప్పిన తరువాత.. ఆ ప్రభుత్వశాఖలో ఇప్పటి వరకూ చేసిన సర్వీసును లెక్కించాల్సి వుంటుంది. ఆ తరువాత ఆ సీనియారిటీ ప్రకారం ఎంచుకున్న శాఖలో సర్వీసు నిబంధనలు, ప్రమోషన్ ఛానల్ అమలు చేసి దానిని పరిగణలోకి తీసుకొని వారికి పదోన్నతులు కల్పించాల్సి వుంటుంది. కానీ ప్రభుత్వం ఇపుడు వారికి కేవలం ప్రభుత్వశాఖ మాత్రమే కేటాయించి వారి సేవలను యధావిధిగా మల్టీ టాస్కింగ్ స్టాఫ్ గా సచివాలయాల్లోనే వినియోగించుకుంటే మాత్రం వీరికి పదోన్నతులు రానట్టే లెక్క. అంటే కొత్తగా మళ్లీ ప్రభుత్వశాఖలోకి వస్తున్నారు కనుక సర్వీసు నిబంధనల ప్రకారం మరో ఐదేళ్లో, ఏడేళ్లో సర్వీసు చేస్తేనో తప్పా వీరికి పదోన్నతులు వచ్చే పరిస్థితి ఉందడు. ప్రస్తుతం ఇదే అంశాన్ని రాష్ట్రప్రభుత్వం కూడా చాలా లోతుగా ఆలోచిస్తున్నట్టుగా కనిపిస్తున్నది. ఆకారణంగా ఆన్ లైన్ లో డిపార్ట్ మెంట్ స్లైడింగ్ ఇచ్చిన మూడ్రోజుల్లే మళ్లీ దానిని మూసేసిందని చెబుతున్నారు. దానికితోడు సచివాలయాల రేషనలైజేషన్ ప్రక్రియ మొదలు కావడండ ఒక కారణమైంది.

సచివాలయ మహిళాపోలీసులతోపాటు, నేటికీ సర్వీసు నిబంధనలు, ప్రమోషన్ ఛానల్, క్యార్ అలాట్ మెంట్ లేని సచివాలయ ఉద్యోగులకు ప్రభుత్వం న్యాయం చేయాలంటే అది ఒక్కరోజు పని. ఏ విధంగా, ఏ ప్రభుత్వశాఖల ద్వారా సచివాలయ ఉద్యోగులను నియమించారో ఆ శాఖల అధిపతులతో సమావేశం ఏర్పాటు చేయడం ద్వారా సమస్యకు పరిష్కారం దొరుకుతుంది. కానీ రాష్ట్రప్రభుత్వం ఆ పనిచేయడం లేదు. ప్రభుత్వానికి కావాల్సిన సర్వేలు, ఒక ఉద్యోగితో ఐదారు ప్రభుత్వశాఖల పనులు చేయించడానికి అధిక ప్రాధాన్యత ఇస్తున్నారు తప్పితే ఉద్యోగుల జఠిలమైన సమస్యను పరిష్కరించడానికి మాత్రం సమయం కేటాయించడం లేదు. అలాగని కొందరు మంత్రులు నేరుగా ప్రభుత్వ ప్రధాన కార్యదర్శి దృష్టికి  సమస్యలను తీసుకెళ్లినా.. అన్ని ప్రభుత్వశాఖల నుంచి దరఖాస్తులు వచ్చిన తరువాత చేద్దామని ప్రభుత్వంలోనే కొర్రీ వేసుకొని కూర్చున్నారు. కనీసం ముందుగా కొందరు మంత్రులు(పట్టణ పురపాలకశాఖ మంత్రి నారాయణ, వ్యవసాయశాఖ మంత్రి కింజరాపు అచ్చెన్నాయుడు, పోలీసుశాఖ అనిత) శాఖలకు చెందిన ఉద్యోగుల సమస్యలను ప్రభుత్వం పరిశీలన చేసి  ఉద్యోగుల సమస్యలు పరిష్కరించి ఉంటే.. వారి శాఖల ఉద్యోగుల సమస్యల సమస్యలు పరిష్కారం అయ్యాయి.. మనశాఖ ఉద్యోగుల సమస్యల ను కూడా ప్రభుత్వం దృష్టికి తీసుకెళ్లాలనే తపన ఇతర శాఖల మంత్రుల్లో వచ్చి ఉండేది. కానీ ఆ ప్రయత్నం కూడా ప్రభుత్వం చేయలేదు.

ప్రభుత్వం చేస్తున్న ఆలస్యం కారణంగా గ్రామ, వార్డు సచివాలయ ఉద్యోగులు ఇతర 74ప్రభుత్వశాఖల(AP GOVT DEPTS) ఉద్యోగులకు వచ్చే ప్రయోజనాలను సైతం వీరు కోల్పోవాల్సి వస్తున్నది. అసలే రెండేళ్లకు జరగాల్సిన సర్వీసు రెగ్యులైజేషన్ తొమ్మిది నెలలు ఆలస్యంగా జరిగింది. అపుడు తొమ్మిది నెలలు పేస్కేలు కోల్పోయారు.. సర్వీసు రెగ్యులర్ అయిన తరువాత ప్రభుత్వం కలపాల్సిన రెండు ఇంక్రిమెంట్లు కలపలేదు.. అవి, వాటితో వచ్చే అరియర్స్ కోల్పోయారు. గత ప్రభుత్వం ఇచ్చిన పీఆర్సీలో పెంచిన జీతం తప్పా ఇతర ప్రయోజనాలు ఏమీ సచివాలయ ఉద్యోగులు పొందలేదు. దానికోసం కూడా నేటి వరకూ ఎవరూ మాట్లాడనుకూడా మాట్లాడలేదు. పేరుకి సచివాలయ ఉద్యోగుల యూనియన్లు ఉన్నా.. వారికి ప్రధాన సమస్యలపై పోరాటాలు.. ఇతర ప్రభుత్వ శాఖల ఉద్యోగులకు వచ్చే ప్రయోజనాలు తామూ పొందాలనే విషయంలో మాత్రం ముందుడుగు వేయడం లేదనేది నేటి వరకూ పరిష్కారం కాని ఉద్యోగుల ప్రధాన సమస్యలే తేటతెల్లం చేస్తున్నాయి. ఇపుడు కూడా సాధ్యమైనంత త్వరలో సచివాలయ ఉద్యోగులకు క్యాడర్, సర్వీస్ రూల్స్, మహిళా పోలీసులకు డిపార్ట్ మెంట్ అలాట్ మెంట్ కాకపోతే ఇంకెంత నష్టపోవాల్సి వస్తుందో అర్ధంచేసుకోవచ్చు. 

అంతేకాకుండా ప్రస్తుతం ఇచ్చే ప్రభుత్వశాఖల్లో నిబంధనలు అనుకూలించకపోతే మళ్లీ మరో ఐదేళ్లో, ఏడేళ్లో.. లేదంటే ప్రభుత్వం అవకాశం కల్పించే వరకో పదోన్నతుల కోసం వేచి చూడాల్సిన పరిస్థితి. గత వైఎస్సార్సీపీ ప్రభుత్వం తలా తోకా లేకుండా సచివాలయ శాఖ ఏర్పాటు చేసి ఉద్యోగులను ఇబ్బందులకు గురిచేసిందని అసెంబ్లీ సాక్షిగా చర్చకు తెరలేపిన కూటమి ప్రభుత్వం ఇపుడు అదే సచివాలయ ఉద్యోగులకు న్యాయం చేసే విషయంలో, సమస్యలు పరిష్కరించే విషయంలో నిర్ధిష్ట విధివిధానాలు ఇంకా రూపొందించక కుండా చేస్తున్న ఆలస్యంపై ఉద్యోగుల నుంచి తీవ్ర నిరసన వ్యక్తం అవుతున్నది. చూడాలి గత ప్రభుత్వం మాదిరిగానే కూటమి ప్రభుత్వమూ చేస్తుందా..లేదంటే సచివాలయ ఉద్యోగులకు ఇతర ప్రభుత్వశాఖల మదిరిగా అన్నిప్రయోజనాలు కల్పిస్తుందా..? అదీ కాదంటే సేవలకు మాత్రమే సచివాలయ ఉద్యోగులను వినియోగించుకొని సమస్యల పరిష్కారానికి కాలం వెల్ల దీస్తుందా..? అనేది..!

గ్రామ, వార్డు సచివాలయ మహిళా పోలీసుల విషయంలో ఈరోజు-ఈఎన్ఎస్ చేస్తున్న కృషికి కూటమి ప్రభుత్వం ద్వారా ఒక్కొక్కటిగా ఫలితాలు వస్తున్నాయి. సచివాలయ మహిళా పోలీసులు ఏ ప్రభుత్వశాఖ లేకుండా గాల్లో ఉన్న విషయాన్ని వరుస కథనాల ద్వారా చాలా కాలం నుంచి తెలియజేస్తున్నా గత ప్రభుత్వం పట్టించుకోలేదు. అధికారంలోకి వచ్చిన కూటమి ప్రభుత్వం హామీ ఇచ్చినా కొద్దిగా తాత్సారం పరిపాలనా పరమైన సమస్యతో జరిగింది. దానితో సమస్య తీవ్రతను ఈరోజు-ఈఎన్ఎస్ వరుస కథనాల ద్వారా తెలియజేయడంతో స్పందించిన ప్రభుత్వం వారికి రెండు ప్రభుత్వశాఖల ఆప్షన్లు ఇచ్చింది. మహిళా పోలీసులు ఏ ప్రభుత్వశాఖ ఎంచుకుంటే అందులోకి వారిని పంపడం ద్వారా సమస్య పరిష్కరించడంతోపాటు సదరుశాఖల్లో ఖాళీలను భర్తీచేసినట్టుగా ఉంటుందని కూటమి ప్రభుత్వం భావిస్తున్నది. 2019లో అక్టోబర్ 1న గత ప్రభుత్వం గ్రామ, వార్డు సచివాలయ శాఖ ఏర్పాటు చేసిన దగ్గర నుంచి సచివాలయ మహిళా పోలీసుల విషయంలో కోర్టులో కేసులు పడ్డాయి.

 వీరికి పోలీస్ రిక్రూట్ మెంట్ బోర్డు ద్వారా కాకుండా ఏపీపీఎస్సీ ద్వారా భర్తీ చేశారని.. దానితో పోలీసు శాఖ ద్వారానే నియామకాలు జరిగినా.. వీరికి పోలీసుశాఖకు ఎలాంటి సంబంధం లేదని పోలీసుశాఖ హైకోర్టుకి అఫడవిట్ దాఖలు చేసింది. అప్పటి నుంచి సచివాలయ మహిళా పోలీసులు కార్యాలయాల్లో మల్టీ టాస్కింగ్ స్టాప్ గానే పనిచేస్తున్నారు. గత ప్రభుత్వంలో ఎన్ని అర్జీలు పెట్టుకున్నా ఫలితం లేకుండా పోయింది. దానితో విషయ తీవ్రతను తెలుసుకున్న కూటమి ఎన్నికల్లోనే హామీ ఇచ్చింది. తాము అధికారంలోకి వచ్చిన వెంటనే సచివాలయ ఉద్యోగుల సమస్యలు తీరుస్తామని హామి ఇచ్చింది. కూటమి ప్రభుత్వం అధికారంలోకి వచ్చిన ఏడాది వరకూ ఏ సమస్యా పరిష్కరించకపోవడంతో ఈరోజు-ఈఎన్ఎస్ వీరి సమస్యలను సదరు హోంశాఖ మంత్రి వంగలపూడి అనిత దృష్టికి తీసుకెళ్లడంతోపాటు, ఉద్యోగ సంఘాల వినతులతో ఈ విషయాన్ని అసెంబ్లీ, శాసన మండలిలో కూడా పెద్ద ఎత్తున ప్రస్తావించారు. అంతా సమస్య పరిస్కారం అవుతుందనుకున్నా పరిపాలనా పరమైన ఆలస్యం కావడంతో ఉద్యోగుల సమస్యలపై ఈరోజు-ఈఎన్ఎస్ సామాజిక బాధ్యత తీసుకొని వీరి సమస్య తీవ్రను వరుస కథనాల ద్వారా ప్రజాప్రతినిధులు, ప్రభుత్వం దృష్టికి తీసుకు వెళ్లింది. 

దీనితో స్పందించిన ప్రభుత్వం వీరి సమస్యను పరిష్కరించడంతోపాటు, వేల సంఖ్యలో ఉద్యోగులు రిటైర్ మెంట్ కావడంతో భారీగా ఏర్పడ్డ ఖాళీలను భర్తీచేసుకోవడానికి వీలుగా వీరికి రెండు ప్రభుత్వశాఖల్లో ఆప్షన్లు ఇచ్చింది. మహిళా పోలీసులు విధుల్లోకి చేరినపుడే చాలా మంది తమకు పోలీసుశాఖ ఇష్టం లేదని కూడా కోర్టులో కేసులు కూడా దాఖలు చేశారు. అప్పటి నుంచి వీరి సమస్యను పట్టించుకునే నాధుడే కరువయ్యాడు. ఆతరువాత కూటమి ప్రభుత్వం వీరి సమస్యకి ప్రాధాన్యత కల్పించింది. ప్రస్తుతం వీరికి రెండు ప్రభుత్వశాఖల అప్షన్లు ఆన్ లైన్ లో ఇవ్వడంతోపాటు, వాటి విధి విధానాలను కూడా పొందుపరిచే పనిలో పడింది రాష్ట్రప్రభుత్వం. ఈ ప్రక్రియ మొత్తం పూర్తికావడానికి ఒక రెండు నెలలు సమయంల పట్టేట్టుగానే కనిపిస్తున్నది.

గ్రామ,వార్డు సచివాలయ మహిళా పోలీసులకు ఇచ్చిన రెండు ప్రభుత్వ శాఖల ఆప్షన్లు మాత్రమే ప్రస్తుతం ఆన్ లైన్ లో కనిపిస్తున్నాయి. వాటిని ఎలా ఎంచుకోవాలి, ఏ ప్రభుత్వశాఖలో ఉన్న విధి విధానాలు ఏంటి అనే సమాచారం మాత్రం ఇంకా అందుబాటులోకి తీసుకురాలేదు రాష్ట్ర ప్రభుత్వం. ఈ ప్రక్రియ మొత్తం పూర్తిస్థాయిలో ఓ కొలిక్కి రావాలంటే ఇంకా సమయం పడుతుందని అధికారులు చెబుతున్నారు. రాష్ట్రవ్యాప్తంగా 26 జిల్లాల్లోని 15 వేల 4 గ్రామ, వార్డు సచివాలయాల్లో సుమారు 14వేల మందికి పైగా మహిళా పోలీసులు పనిచేస్తున్నారు. వీరిలో కొంత మంది తమకు ఐసిడిఎస్ కావాలని పట్టు బట్టడంతో వారినే ప్రభుత్వశాఖలు ఎంచుకునేవిధంగా ప్రభుత్వం ప్రస్తుతానికి ఆప్షన్లు కల్పించింది. ప్రభుత్వం సూచించిన మార్గదర్శకాలు ఆన్ లైన్ లో అందుబాటులోకి వచ్చిన తరువాత ఉద్యోగులు ఆప్షన్లు ఎంచుకోవడానికి వీలుపడుతుంది. తరువాత వారంతా ఆయా ప్రభుత్వశాఖల ఉద్యోగులుగా ఉంటారా..? సచివాలయాల్లోనే పనిచేస్తారా..? శాఖలు కేటాయించిన తరువాత వారిని సదరు శాఖలకు బదిలీలు చేస్తారా అనే విషయంపై త్వరలోనే ఒక క్లారిటీ రానుంది. ప్రస్తుతానికి మాత్రం మహిళా పోలీసులకు నేటి వరకూ లేకుండా ఉన్న ప్రభుత్వశాఖ కేటాయించడానికి మాత్రం కూటమి ప్రభుత్వం ఒక రూట్ ని ఏర్పాటు చేసింది. ఆ రూటు ఏ గమ్యస్థానం చేరుకుంటుందనే విషయంపై త్వరలోనే ఒక స్పష్టత వచ్చే అవకాశాలున్నాయి. ఈ తంతు పూర్తవడానికి సమయం పట్టే అవకాశం ఉండటంతో  రాష్ట్రప్రభుత్వం సచివాలయ ఉద్యోగుల బదిలీలు కూడా నిలుపుదల చేసింది. 

ఆంధ్రప్రదేశ్ ప్రభుత్వం గ్రామ, వార్డు సచివాలయ మహిళా పోలీసులకు ఆప్షన్లు ఇచ్చిన ప్రభుత్వశాఖలోని క్యాడర్ ఆధారంగా సర్వీసు రూల్స్, ప్రమోషన్ ఛానల్ శాఖలోకి వచ్చిన వారికి అమలు చేయకపోతే.. ఉద్యోగులకు ప్రభుత్వశాఖ ఏర్పాటైనా ప్రధాన సమస్య మాత్రం అలాగే ఉండిపోయే అవకాశం లేకపోలేదు. ఇప్పటికే సచివాలయ ఉద్యోగులు విధుల్లో చేరిన తరువాత గత ప్రభుత్వంలో సర్వీసు ప్రొభేషన్ సమయంలో తొమ్మిది నెలలు అధనంగా విధులు నిర్వహించాల్సి వచ్చింది. ఆ సమయంలో ఫుల్ పేస్కేలు కోల్పోయారు. తరువాత సర్వీసు రెగ్యులైజేషన్ సమయంలో పడాల్సిన మరో రెండు ఇంక్రిమెంట్లు కోల్పోయారు. కోర్టు కేసులు కారణంగా మొదటి పదోన్నతి కోల్పోయారు.. పీఆర్సీ అమలు చేసిన సందర్భంలో పెంచిన పేస్కేలు తప్పా, ఇతర ప్రయోజనాలన్నీ కోల్పోయారు. ఇలాంటి తప్పులు మళ్లీ జరగకుండా ఉండాలంటే ఆప్షన్లు ఇచ్చిన సమయంలోనే ఏ ప్రభుత్వశాఖలో ఏ సర్వీసు నిబంధనలు ఆప్షన్లు ఎంచుకున్న వారికి అమలు జరుగుతాయో ప్రభుత్వం నిర్ధిష్టంగా తెలియజేయాల్సిన  అవసరం ఎంతైనా ఉంది. లేదంటే వీరికి డిపార్డ్ మెంట్ స్లైడింగ్ ఇచ్చినా ఎలాంటి ఉపయోగం మాత్రం ఉండదు. ఏదో కంటితుడుపు చర్యగా ప్రభుత్వశాఖ కేటాయించేసి ఊరుకున్నట్టుగానే వ్యవహారం ఉంటుంది. గత వైఎస్సార్సీపీ ప్రభుత్వంలో మాదిరిగా కాకుండా కూటమి ప్రభుత్వంలోనైనా గ్రామ, వార్డు సచివాలయ ఉద్యోగులు అందునా మహిళా పోలీసుల విషయంలో మాత్రం కూటమి ప్రభుత్వం ఇతర ప్రభుత్వశాఖల్లోని ఉద్యోగులకి వర్తింపజేసే అన్ని రకాల ప్రయోజనాలను సచివాలయ ఉద్యోగులకు కూడా అమలు చేయాల్సిన అవసరం ఉన్నది. లేదంటే శాఖల్లోకి వచ్చిన తరువాత కూడా వీరిని అవే సమస్యలు వెంటాడుతూనే ఉంటాయనడంలో ఎలాంటి సందేహం లేదు.

2019 జనవరి 1 నుంచి రాష్ట్రప్రభుత్వంలో 75 ప్రభుత్వశాఖగా ఏర్పాటైన గ్రామ, వార్డు సచివాలయశాఖ  ఉద్యోగుల సమస్యలను ఒక్క ఈరోజు-ఈఎన్ఎస్ మాత్రమే సామాజిక బాధ్యతగా తీసుకొని ఉద్యోగుల సమస్యలను ప్రభుత్వం దృష్టికి తీసుకెళ్లడంతో కీలకం వ్యవహరించిందంటూ  సచివాలయ ఉద్యోగులు కార్యాలయానికి ఫోన్లు చేసి  కృతజ్ఞతలు తెలియజేస్తున్నారు. రాష్ట్రంలో చాలా మీడియా సంస్థలున్నా.. కేవలం తమ శాఖ ఉద్యోగులకు ఎప్పుడు ఏం జరిగినా ప్రతీ అంశాన్నీ కేవలం  ఈరోజు-ఈఎన్ఎస్ మాత్రమే వెలుగులోకి తీసుకు వస్తూ తమకు అండగా నిలుస్తున్నదని ఆనందం వ్యక్తం చేస్తున్నారు. రెండేళ్లకు జరగాల్సిన తమ సర్వీసు ప్రొభేషన్ ను వైఎస్సార్సీపీ ప్రభుత్వం మరో తొమ్మిదినెలలు పొడిగించిన సమయంలో కూడా వరసు కథనాలు ప్రచురించి, సర్వీసు రెగ్యులైజేషన్ విషయంలోనూ సహకరించారని, తరువాత పీఆర్సీ ప్రయోజనాలు అమలు చేసే విషయంలోనూ, సర్వీసు రెగ్యులర్ చేసిన సమయంలో కలపాల్సిన రెండు ఇంక్రిమెంట్లు సమయంలోనూ, ఉద్యోగులకు సర్వీసు రూల్స్, ప్రమోషన్ ఛానల్ ఏర్పాటు విషయంలోనూ,  ఉద్యోగులపై అధికారులు వేధింపులకు గురిచేస్తున్న సమయంలోనూ, తమ ఉద్యోగులు ఆత్మహత్యలు చేసుకున్న సమయంలోనూ  బదిలీల విషయంలోనే కాకుండా అన్ని విషయాల్లోనూ సచివాలయ ఉద్యోగులకు మాత్రం ఈరోజు-ఈఎన్ఎస్ మాత్రమే మాత్రమే తోడుగా నిలిచిందంటూ తమ ఆనందాన్ని పంచుకున్నారు. ఈ సందర్భంగా ఈరోజు-ఈఎన్ఎస్ ద్వారా రాష్ట్రప్రభుత్వంలో ఒకే ఉద్యోగంతో అనేక ప్రభుత్వశాఖల సేవలు చేస్తున్న ఉద్యోగుల సమస్యలపై ఎల్లప్పుడూ మీ వెంటనే ఉంటుందని కూడా యామమాన్యం తెలియజేస్తున్నది. వరుస కథనాలపై స్పందించడం పట్ల తమ హర్షాన్ని ప్రకటిస్తున్నది..!

ఆంధ్రప్రదేశ్ ప్రభుత్వం గ్రామ, వార్డు సచివాలయ ఉద్యోగులకు పదోన్నతులు ఇవ్వడానికి ఒక్కో మెట్టు ఎక్కుతూ వస్తున్నది. ఈ మేరకు పట్టణ పురపాలక శాఖ మంత్రి నారాయణ ఈ విషయాన్ని విశాఖ పర్యటన సందర్భంగా మీడియా ముఖంగా ప్రకటించారు. తమ శాఖలో చాలా ఉద్యోగాలు ఖాళీలు ఉన్నాయని.. అయితే వాటిని పదోన్నతులతో భర్తీచేయడానికి అన్ని పనులూ చేసి క్యాబినెట్ లో అప్రూవల్ చేయించడానికి  దస్త్రాన్ని ఫైనాన్స్ శాఖకు పంపితే అక్కడ ఫైలు నిలిచిపోయిందన్నారు. పట్టణ పురపాలకశాఖ మాదిరిగానే మిగిలిన ప్రభుత్వ శాఖల నుంచి దస్త్రాలు వస్తే ఒకేసారి అన్నిశాఖల ఉద్యోగులకు ప్రభుత్వ నిబంధనలు ఆయా ప్రభుత్వ శాఖల్లోని క్యాడర్ ఆధారంగా పదోన్నతులు కల్పించనున్నామన్నారు. ఇప్పటికే ఈ విషయాన్ని తాను పట్టణపురపాలకశాఖ ముఖ్యకార్యదర్శితో సమాచాలోచనలు చేశామన్నారు. ప్రభుత్వ ప్రధాన కార్యదర్శితోనూ ప్రత్యేకంగా చర్చించినట్టు మంత్రి నారాయణ వివరించారు. తప్పనిసరిగా సచివాలయశాఖలోని అన్ని విభాగాల ఉద్యోగులకు పదోన్నతులు ఇవ్వనున్నామన్నారు. దానికోసం మిగిలిన శాఖాధిపతులు, మంత్రుల నుంచి కూడా లేఖలు ఫైనాన్స్ కి చేరాల్సి వుందన్నారు. ఇప్పటికే కొన్ని ప్రభుత్వశాఖలు ప్రభుత్వానికి నివేదికలు సమర్పించాయని చెప్పుకొచ్చారు.

గ్రామ, వార్డు సచివాలయశాఖలోని పట్టణ పురపాలకశాఖ, మత్స్యశాఖ, పంచాయతీరాజ్, వైద్య ఆరోగ్య శాఖలకు సంబంధించిన ఉద్యోగులకు లైన్ క్లియర్ అయినట్టు కనిపిస్తుంది( పదోన్నతులు, ప్రభుత్వశాఖలకు ఉద్యోగుల విలీనానికి సంబంధించి ప్రభుత్వానికి ప్రతిపాదన చేశారు.. అయితే ఇంకా అనుమతులు రావాల్సి వుంది.). . ఇంకా ఇంజనీరింగ్, రెవిన్యూ, సర్వే, సంక్షేమం, ఇంజనీరింగ్,  ప్లానింగ్, ఇతర శాఖల్లో ఇంకా నిర్ణయాలు తీసుకోవాల్సి ఉన్నది. ఇప్పటికే వ్యవసాయశాఖలో గత ప్రభుత్వంలోనే పదోన్నతులు కల్పించారు. ఆరోగ్యశాఖలో కూడా కొన్ని సాధారణ ఇన్ ఇర్వీస్ పదోన్నతులు కల్పించారు.  మిగిలిన శాఖలకు చెందిన మంత్రులు కూడా వారి శాఖల ఉద్యోగుల విషయంలో ప్రభుత్వానికి నివేదికలు సమర్పిస్తే అవి ఫైనాన్స్ విభాగంలో క్లియర్ అయ్యి క్యాబినెట్ దృష్టికి వెళతాయి. తద్వారా ఖాళీల భర్తీతోపాటు, సచివాలయ ఉద్యోగులకు నిర్ధిష్ట్ ప్రభుత్వశాఖ కేటాయింపుతోపాటు, ఉద్యోగులకు పదోన్నతులు కూడా వచ్చే అవకాశాలున్నాయి. కాగా 2019 అక్టోబరు 1 నుంచి గ్రామ, వార్డు సచివాలయశాఖ ఏర్పాటు దగ్గర నుంచి ఉద్యోగుల విషయంలో వైఎస్సార్సీపీ ప్రభుత్వం వ్యవహరించిన తీరు, సుమారు ఏడాది కాలంగా కూటమి ప్రభుత్వం తీసుకుంటున్న నిర్ణయాలను  ఈరోజు-ఈఎన్ఎస్ ఎప్పటికప్పుడు ప్రత్యేకథనాల రూపంలో అందిస్తున్నది. ఉద్యోగుల పక్షాన నిలబడి పనిచేస్తున్నది.

గ్రామ, వార్డు సచివాలయ ఉద్యోగుల విషయాన్ని గత వైఎస్సార్సీపీ ప్రభుత్వం గాలికి వదిలేసిందనే ఆవేదన నేటికీ ఉద్యోగులను వెంటాడు తోంది. రాష్ట్రప్రభుత్వంలోని ఏ ప్రభుత్వ శాఖ తమలా ఉండదని నేటికీ కన్నీటి పర్యంతం అవుతున్నారు. దేశంలో ఎక్కడైనా ఏ ఉద్యోగికైనా ఒక ప్రభుత్వశాఖ మాత్రమే ఉంటుందని.. కానీ ఒక్క గ్రామ, వార్డు సచివాలయశాఖ ఉద్యోగులకు మాత్రం ఒక ఉద్యోగం అదీ తలా తోకా లేని ఉద్యోగం, అమలు కానీ సర్వీసు రూల్స్, ప్రమోషన్ ఛానల్, క్యాడర్ లేకుండా ఉన్నాయని. అన్ని ప్రభుత్వ శాఖలకు చెందిన విధులూ తామే చేయాల్సి వస్తున్నదని, ఐదేళ్లు ఆ విధంగానే అదనపు పనులు చేయించుకున్నా.. ఇతర ప్రభుత్వశాఖల ఉద్యోగుల మాదిరిగా ఇవ్వాల్సిన ప్రయోజనాలను మాత్రం ఇవ్వకుండా తాత్సారం చేసుకుంటూ వచ్చిందని వాపోతున్నారు. శని, ఆదివారాలతోపాటు ప్రభుత్వ సెలవు దినాల్లో కూడా ఇంటి దగ్గరుండే పనులు చేయించే అలవాటు గత ప్రభుత్వం నుంచి ప్రస్తు కూటమి ప్రభుత్వం వరకూ కొనసాగుతుం దని వాపోతున్నారు. ఇంత చేస్తున్న తమకు తమ ఉద్యోగ భద్రత విషయంలో తమశాఖల మంత్రులు, ప్రభుత్వశాఖల అధికారులకు ఆరేళ్లుగా విధి విధానాలు రూపొందించే ఖాళీ లేకుండా పోయిందని చెబుతున్నారు. ఫలితంగా ఎలాంటి పదోన్నతులు గానీ, ఇతర ప్రభుత్వశాఖల ఉద్యోగుల మాదిరిగ ప్రయోజనాలకు కూడా తాము నోచుకోలేకపోతున్నామని వాపోతున్నారు. కూటమి ప్రభుత్వం ఒక అడుగు ముందుకేసి మాత్రుశాఖల్లో విలీనం చేస్తే తమ ఉద్యోగాలకు ఒక అర్ధం వుంటుందని చెబుతున్నారు. చూడాలి కూటమి ప్రభుత్వం తీసుకున్న నిర్ణయాలు, చేసిన, చేస్తున్న పనులు ఏ మేరకు కార్యరూపం దాల్చుతాయనేది..!

కూటమి ప్రభుత్వం వచ్చిన తరువాత సీఎంగా చంద్రబాబునాయుడు ఉన్నారు కనుక ప్రభుత్వంలోని అన్ని పనులు అవుతాయనుకున్నారు ప్రజాప్రతినిధులు. కానీ వారిని అధికారులు పట్టించుకోవడం మానేయడం ఒకింత ప్రజాప్రతినిధుల అహం మీద దెబ్బ కొట్టినట్టే అయ్యింది. చెప్పిన పనులు చేయకపోవడం, సిఫారసు లేఖలు బుట్టదాఖలు చేయడం, కనీసం ప్రోటోకాల్ పాటించకపోవడం, పార్టీ కార్యకర్తల పనులంటే కనీసం పట్టనట్టు వ్యవహరించడం, స్వయంగా ఎమ్మెల్యే, ఎంపీ, మంత్రి చెప్పినా అప్పటికి సరేనంటూ.. చెప్పిన తరువాతనే మరింత విషయాన్ని టైట్ చేయడం  కూటమి ప్రభుత్వంపై 75 ప్రభుత్వశాఖల సిబ్బంది సామూహిక తిరుగుబాటు చేస్తున్నట్టుగానే కనిపిస్తుందని విశ్లేషకులు బావిస్తున్నారు. ముఖ్యంగా నియోజకవర్గ పరిధిలోని కార్యాలయాల్లో అధికారులు కనీసం ఎమ్మెల్యేలను పట్టించుకోవడం లేదట. చెప్పనంత వరకూ పనులు చేసి.. చెప్పిన తరువాత కావాలనే టైట్ చేసేస్తున్నారట. దీనితో ఎమ్మెల్యేలంతా అసెంబ్లీ స్పీకర్ కి ఫిర్యాదు చేయడంతో స్పీకర్ చింతకాయల అయ్యన్నపాత్రుడు ఈ విషయాన్ని ప్రభుత్వ సిఎస్ విజయానంద్ కి దృష్టికి తీసుకెళ్లారు. 

దీనితో సిఎస్ వెంటనే గత 2012లోని జీఓనెంబరు 348ని ఉటంకిస్తూ.. ప్రభుత్వ అధికారులంతా ప్రజాప్రతినిధులకు గౌరవం ఇవ్వాలి.. ఖచ్చితంగా ప్రోటోకాల్ పాటించాలి, మర్యాదగా వ్యవహరించాలి.. సిఫారసు లేఖలపై స్పందించాలంటూ ఉత్తర్వులు జారీ చేయడం ఇపుడు రాష్ట్రంలోనే చర్చనీయాంశం అవుతున్నది. అసలు ప్రభుత్వ అధికారులు ప్రజాప్రతినిధులను పట్టించుకోకుండా సామూహిక తిరుగుబాటు చేసే వరకూ వచ్చిందంటే ప్రభుత్వం చేసిన, చేస్తున్న తప్పేంటనే  అంశంపై ప్రభుత్వంలోని పెద్దలు చాలా తీవ్రంగా ఆలోచనలు చేస్తున్నారట. వాస్తవానికి ఏ ప్రభుత్వం అధికారంలో ఉంటే ఆ ప్రభుత్వానికి చెందిన నాయకులు, ఎమ్మెల్యేలు, ఎంపీలు, మంత్రుల మాటలకు, లేఖలకు చాలా పవర్ వుంటుంది. కానీ కూటమి ప్రభుత్వంలో ఆ పవర్ కి ప్రభుత్వ అధికారులు, సిబ్బంది గాలి తీసేస్తున్నట్టుగా కనిపిస్తున్నది. ప్రభుత్వ అధికారులు ఎమ్మెల్యేలను, ఎంపీలు, ఎమ్మెల్సీలు, ఆఖరికి మంత్రులను కూడా పట్టించుకోకపోవడంతో దారుణమని చర్చలు మొదలయ్యాయి. దీనితో అధికారులు తమకు గౌరవం ఇస్తే తప్పా తాము ప్రభుత్వ అధికారిక కార్యక్రమాలకు వెళ్లలేమని చెప్పినట్టుగా తెలుస్తుంది. వైఎస్సార్సీపీని కాదని ప్రజలు పట్టం కట్టినా అధికారులు మాత్రం అంటరాని వారిగా ప్రజాప్రతినిధులను చూడటం, వ్యవహరించడం పై సర్వత్రా ఆలోచనలు మొదలయ్యాయి.

-సామూహిక తిరుగుబాటు అధికారులు ఇందుకే చేస్తున్నారా

ఆంధ్రప్రదేశ్ లోని 75 ప్రభుత్వశాఖల్లోని అధికారులు, సిబ్బంది రాష్ట్రవ్యాప్తంగా ఉన్న 175 మంది ఎమ్మెల్యే, 23 మంది ఎంపీలు, 24 మంది మంత్రులపై తిరుగుబాటు చేయడానికి కారణం కూటమి ప్రభుత్వం ఎన్నికల హామీలను నెరవేర్చకపోవడమేనని సామాజిక మాద్యమాల్లో సీఎస్ ఉత్తర్వులు జారీ చేసిన తరువాత ట్రోలింగ్ అవుతున్నది. ఎమ్మెల్యేలు, ఎంపీలు, ఎమ్మెల్సీలు, మంత్రులు చేసిన సిఫారసులు అమలు కాకపోతే వారికి ఎంత మండుతుందో.. మాకూ ఇచ్చిన హామీలు అమలు చేయకపోతే అంతే మండుతుందనే వాదనను ప్రభుత్వ అధికారులు తెరమీదకు తీసుకు వస్తున్నారట. ముఖ్యంగా సీపీఎస్ రద్దు, కాంట్రాక్టు ఉద్యోగుల ను రెగ్యులర్ చేయడం, గ్రామ, వార్డు సచివాలయ ఉద్యోగులకు సర్వీసు నిబంధనలు, ప్రమోషన్లు అమలు చేయడం, నిర్ధిష్టమై ప్రభుత్వ శాఖలు కేటాయించకపోవడం వంటి అంశాల్లో ప్రభుత్వం కనీసం చర్యలు తీసుకోకపోవడం వలనే ప్రభుత్వశాఖల అధికారులు, సిబ్బంది కూడబలుక్కునే ప్రజాప్రతినిధులకు మర్యాదలు తగ్గించేశారని తెలుస్తున్నది. 

అధికారంలోకి వచ్చి ఏడాది గడుస్తున్న తరుణంలో ప్రభుత్వ అధికారులు, సిబ్బందికి ప్రభుత్వం నుంచి ఒక్క ప్రయోజనం లేదని.. పైగా ఆదివారాలు, రెండవ శనివారాలు, సెలవు దినాల్లో కూడా ఊపిరి సలపకుండా పనులు చేయిస్తున్నప్పుడు, ప్రజలకు అవసరంలేని సర్వేలు చేస్తున్న సమయంలో ప్రజల నుంచి పడుతున్న తిట్లు, చీవాట్లకి తామెంత బాధపడతామో కనీసం ప్రభుత్వం గుర్తించకపోతే ఎలాగని అధికారులు, సిబ్బంది సామాజిక మాద్యమాల్లో చర్చించుకుంటున్నారట. ముఖ్యంగా జిల్లా అధికారులకు పదోన్నతులు,  ప్రభుత్వం ఇవ్వాల్సిన డిఏలు, వేల సంఖ్యలో ఖాళీలున్నా కొత్తగా సిబ్బందిని నియమించకపోవడం, పనిభారం మొత్తం ఉన్నవారిపైనే పడిపోవడం, ఆ సమయంలో ప్రజాప్రతినిధుల సిఫారసు లేఖలు అధికం అయిపోవడం, పనిచేయకపోతే ప్రజాప్రతినిధులు కక్షతీర్చుకున్నట్టుగా వ్యవహించడం వలనే ప్రభుత్వ అధికారులు, సిబ్బంది ప్రజాప్రతినిధులకు గౌరవం ఇవ్వడం మానేశారని చెబుతున్నారు.  అయినా గౌరవం అంటే జీఓల ద్వారా వస్తుందా..? ప్రభుత్వ సిఎస్ ఆదేశిస్తే ఇస్తారా..? అనే ప్రశ్నలు కూడా ఉద్బవిస్తున్నాయి. 

అసలు ప్రభుత్వ అధికారులు, సిబ్బంది ప్రభుత్వంపై ఈ గౌరవం ఇచ్చే విషయంలో తిరుగుబాటు చేయడానికి కారణాలు ఏంటనే విషయం ఆళోచించకుండా.. గౌరవ మర్యాదలు ఇవ్వాలంటూ జీఓ ఇవ్వడం, ప్రోటోకాల్ పాటించాలని ఆదేశించడం చర్చనీయాంశం అవుతున్నది. ఎమ్మెల్యేలు, ఎంపీలు చేసిన ఫిర్యాదులపై స్పందించిన స్పీకర్, ప్రభుత్వ సీఎస్ ప్రభుత్వ ఉద్యోగుల సమస్యలపై కూడా అంతే వేగంగా స్పందించి ఉంటే ఈరోజు ఈ సమస్య వచ్చేది కాదని కూడా ఉద్యోగులు సలహాలు ఇస్తున్నారు. ఏది ఏమైనా ఒక విజన్ ఉన్న పరిపాలనా దక్షుడు చంద్రబాబు సీఎంగా ఉన్న రాష్ట్రంలో అధికారులు, సిబ్బంది ప్రజాప్రతినిదులకు మర్యాదలు ఇవ్వకుండా సామూహిక తిరుగుబాటు చేస్తున్న విషయం అందరినీ ఆలోచింపచేస్తున్నది. చూడాలి ఇక ముందు ప్రభుత్వ అధికారుల, సిబ్బంది విషయంలో ప్రభుత్వ నిర్ణయం, ప్రజాప్రతినిధుల తీరు ఎలా ఉండబోతుందో..?!

కేంద్ర జాబితా పరిధిలోకి వచ్చేవిధంగా చట్టం చేయాలని..దానిని కేంద్రానికి పంపించాలని ఆంధ్రప్రదేశ్ కేబినెట్ రాజధాని అమరావతి కోసం పడుతున్న తపన.. విభజన ఆంధ్రప్రదేశ్ కి కేంద్రం చేయాల్సిన పనుల మీద పెట్టడం లేదని.. వీళ్లు ఎలాగూ అడగరని కేంద్రం కూడా తాత్సారం చేస్తూ వస్తున్నది. వాస్తవానికి కొత్త జిల్లాల ఏర్పాటు, మండలాలు, జిల్లా పరిషత్ లు అన్నీ కేంద్ర జాబితా పరిధిలోకి వస్తాయి. అంటే కేంద్ర క్యాబినెట్ లో ఆమోదం తెలిపి, రెండు సభల్లోనూ బిల్లు పాసైన తరువాత రాష్ట్రపతి ఆమోదంతో చట్టబద్ధత తీసుకు వస్తారు. తద్వారా కొత్తగా ఏర్పాటైన జిల్లాలకు అఖిల భారత స్థాయి అధికారులు, కేంద్ర కార్యాలయాలు, జిల్లా పరిషత్ లు, కొత్త పంచాయతీలు, మండలాలు ఏర్పాటుకి అవకాశం వుంటుంది. ఆంధ్రప్రదేశ్ లో 13 జిల్లాలు 26 జిల్లాలుగా మారి ఐదేళ్లు దాటుతున్నా ఇంకా కేంద్రం కొత్త జిల్లాలకు చట్టబద్దత కల్పించలేదు. దానితో జిల్లాలను విభజన చేసిన రాష్ట్రప్రభుత్వమే మా రాష్ట్రంలో 26 జిల్లాలు ఉన్నాయని చెప్పుకుంటోంది. 

ఇదంతా ఉత్తుత్తిదే అని అధికారికంగా చెప్పడానికి ప్రభుత్వ ఉద్యోగుల బదిలీలు, పదోన్నతులు, నియామకాలన్నీ కూడా ఉమ్మడి 13 జిల్లాలు ప్రాతిపదికన మాత్రమే చేస్తున్నది. అలాంటపుడు కొత్త జిల్లాలకు చట్టబద్దత వచ్చినట్టా..? రానట్టా..? రానప్పుడు 26 జిల్లాలు విభజన చేసుకొని రాష్ట్రప్రభుత్వం ఏం చేస్తున్నట్టు..? అంటే.. ప్రక్కరాష్ట్రం తెలంగాణలో 32 జిల్లాలు ఉన్నప్పుడు కనీసం మనకి 26 జిల్లాలు అయినా లేకపోతే ఎలా అనుకున్న గత వైఎస్సార్సీపీ ప్రభుత్వం 13 జిల్లాలను 26 జిల్లాలుగా మార్చింది. అధికారంలో ఉండగా కేంద్రం నుంచి చట్టబద్ధత సాధించలేకపోయింది. పోనీ కూటమిలో ఉన్న ఇప్పటి ప్రభుత్వం అయినా చట్టబద్దత కోసం అడుగుతుందా..? అదీ లేదు. ఫలితంగా  కేంద్రం ఏర్పాటుచేయాలనుకుంటున్న కేంద్ర ప్రభుత్వ కార్యాలయాలన్నీ దక్షణాది రాష్ట్రాలకు తరలిపోతున్నాయి. కనీసం ప్రాజెక్టులు కూడా వచ్చే పరిస్థితి లేదు. ఆందోళన చేయగా... చేయగా వచ్చిన విశాఖ రైల్వే జోన్ కి అతీగతీ లేదు అది ఎప్పుడు పూర్తవుతుంతో తెలీదు. మరెప్పుడు ప్రారంభం అవుతుందో కూడా తెలియని పరిస్థితి. 

ఇక్కడ విశాఖకు రైల్వే జోన్ ఇచ్చి.. ఇదే విశాఖ నుంచి కేంద్రప్రభుత్వ సంస్థ  స్టీల్  ప్లాంట్ ను ప్రైవేటు పరం చేయాలని చూస్తున్నది కేంద్రం. దీనిపై కూటమిలో ఉన్నందుకు నోరెత్తడం లేదు రాష్ట్ర ఎంపీలు. అసలు ఆంధ్రప్రదేశ్ లోని ఎంపీలకు రాష్ట్రంలోని కొత్త జిల్లాలకి చట్టబద్ధత రావాలంటే కేంద్రం, రాష్ట్రపతి ఆమోద ముద్ర ఉండాలని విషయం తెలుసో తెలియదోననే అనుమానాన్ని వ్యక్తం చేస్తున్నారు విశ్లేషకులు. మన ఎంపీలు అడగలేకపోవడం, రాష్ట్రప్రభుత్వం పట్టించుకోకపోవడం వలన కొత్తజిల్లాలు ఏర్పాటు అయినా ఇంకా కొత్త జిల్లాలకి కేంద్రం ఇచ్చే నిధులు ప్రయోజనాలు తెచ్చుకోలేకపోతున్నది రాష్ట్రప్రభుత్వం.  మాట్లాడితే కూటమి ప్రభుత్వం ఆంధ్రప్రదేశ్ కి అన్ని విధాలా సహకారం అందిస్తుందని ప్రకటించే కేంద్రం ఒక చిన్న అంశాన్ని కొత్త జిల్లాలు, నియోజకవర్గాల పునర్విభజన విషయాన్ని ఎందుకు రాష్ట్రపతి ఆమోద ముద్రకు పంపలేదు అంటే.. ఆ ఒక్కటీ అడక్కు అనే సమాధానం మాత్రమే వస్తున్నది. కేంద్రానికి ఆమాత్రం తెలియదా..? రాష్ట్రానికి అన్నీ చేయాలని.. కాకపోతే ముందు రాజధాని పూర్తయిపోయితే తరువాత విభజన జిల్లా అంశం, కొత్త నియోజకవర్గాల విషయం, కొత్త జిల్లా పరిషత్తులు, మండలాల విషయం తేల్చుకోవచ్చు అన్నట్టుగా గత వైఎస్సార్సీపీ ప్రభుత్వం అవలంభించిన విధానం కంటే కూటమి ప్రభుత్వం మరింతగా నాన్చుడు వ్యవహారం చేస్తున్నది.

-కొత్తజిల్లాల్లో నేటికీ అద్దె కార్యాలయాలు.. అరకొర అధికారులే

రాష్ట్రప్రభుత్వం 13 జిల్లాలను 26 జిల్లాలుగా మార్చినా నేటికీ ఐదేళ్లుగా అద్దె కార్యాలయాలు, అరకొర జిల్లా అధికారులతోనే కాలం నెట్టుకొస్తున్నది. దానికితోడు గత ప్రభుత్వం పెంచిన రెండేళ్ల ఉద్యోగ విరమణ వయస్సు పూర్తవడంతో రాష్ట్ర వ్యాప్తంగా 75 ప్రభుత్వ శాఖల్లో వేలాదిగా ఉద్యోగులు, అధికారులు రిటైర్ అయిపోతున్నారు. అసలే అరకొర సిబ్బంది, అధికారులతోనే కాలం వెల్లదీస్తున్న కొత్త జిల్లాలకు మూలిగే నక్కపై తాడిపండు పడ్డ చందాన మరింత సిబ్బంది, అధికారుల కొరత వచ్చి పడింది. అంతేకాదు కొత్త జిల్లాల్లో ప్రస్తుతం ఉన్న జిల్లా కలెక్టర్లు, జిల్లా ఎస్పీలు అందరూ కూడా ఉమ్మడి జిల్లాల్లో జేసి క్యాడర్, ఏఎస్పీ క్యాడర్ ఉన్నవారే. అదే రీతిన కొత్త జిల్లాల్లో కూడా కలెక్టర్లను జూనియర్లనే నియమిస్తున్నది రాష్ట్రప్రభుత్వం. ఉమ్మడి జిల్లాల్లో మాత్రం సాధారణ బదిలీల్లో వచ్చే సీనియర్లను నియమిస్తున్నది  ఈ కారణంగా అటు అఖిల భారతస్థాయి అధికారులు కూడా ఆంధ్రప్రదేశ్ లో పనిచేయడానికి అందునా ఎలాంటి వసతి సౌకర్యాలు లేని కొత్త జిల్లాల్లో పనిచేయడానికి ఇష్టం చూపించడం లేదు. 

ఈ విషయం కేంద్ర, రాష్ట్రప్రభుత్వాలకి తెలిసినా.. ఎందుకులే అన్నట్టుగా వదిలేస్తున్నది తప్పితే ప్రధాన సమస్యను తీర్చే విషయంలో కేంద్ర, రాష్ట్రప్రభుత్వాలు పెద్దగా పట్టించుకోవడం లేదు. కొత్త జిల్లాల్లో పనిచేసే కలెక్టర్లు, జిల్లా ఎస్పీలు నేటికీ అద్దె కార్యాలయాలు, అద్దె ఇళ్లల్లోనే ఉంటున్నారంటే అతిశయోక్తి కాదు. గత ప్రభుత్వం ఆగమేఘాలపై కొత్త జిల్లాల్లో ఇంటిగ్రేటెడ్ కలెక్టరేట్లు, అఖిలభారత స్థాయి అధికారులకు క్యాంపు కార్యాలయాలు కట్టించేస్తామని హడావిడి  చేసి భూ సేకరణ చేసినా.. అది ఒక్క అంగుళం కూడా ముందుకెళ్లలేదు. అలాగని కూటమి ప్రభుత్వమైనా చేపడుతుందా అంటే.. అధికారంలోకి వచ్చిన దగ్గర నుంచి ఏం చేయడానికైనా రాష్ట్రప్రభుత్వం దగ్గర నిధులు లేవనే పాటనే పాడుతోంది రాష్ట్రప్రభుత్వం. కానీ రాష్ట్ర రాజధాని విషయంలో మాత్రం క్యాబినెట్ లో తీర్మానాలు చేసి కేంద్ర జాబితాకి చట్టసవరణ చేసి పంపాలనే విషయాన్ని ప్రత్యేకంగా ఉటంకించింది రాష్ట్రప్రభుత్వం. 

అదే విషయం కొత్త జిల్లాలు, అఖిల భారత స్థాయి అధికారులు కార్యాలయాలు, క్యాంపు ఆఫీసులు, ప్రభుత్వశాఖలకు కొత్త భవనాలు, ఉద్యోగులు, జిల్లా పరిషత్తులు, డివిజనల్ కార్యాలయాల కోసం ఎందుకు ఆలోచించలేదో అర్ధం కాని పరిస్థితి. గత ప్రభుత్వం నాన్చిన నాన్చుడకంటే దారుణంగా వ్యవహరిస్తున్న కూటమి ప్రభుత్వంలో కూడా కొత్తగా ఏర్పడ్డ 13 జిల్లాలకు చట్టబద్ధత, విభజన హామీల్లో ముఖ్యమైన నియోజకవర్గాల పునర్విభజన, జిల్లా పరిషత్తుల ఏర్పాటు జరగుతుందంటే ఖచ్చితంగా లేదనే చెబుతున్నారు విశ్లేషకులు. చూడాలి.. కనీసం జన, కుల గణన తరువాతనైనా కేంద్రం తన సవతి ప్రమ కాకుండా రాష్ట్రంలోని కొత్తజిల్లాలకు చట్టబద్ధత, నియోజవకర్గాల పునర్విభజన, కొత్త జిల్లా పరిషత్తులు, గ్రామ పంచాయతీలు, అఖిత భారత స్థాయి అధికారుల కేటాయింపు, వారికి వసతి కోసం నిధులు విడుదల చేస్తుందా..? రాష్ట్రప్రభుత్వం ఆ విధంగా  ఏర్పాటు చేస్తుందా లేదా..? అనేది..?!

ఆంధప్రదేశ్ ప్రభుత్వం గ్రామ, వార్డు సచివాలయ ఉద్యోగుల విషయంలో ఎలాంటి నిర్ణయం తీసుకోవడం లేదు. నిర్ణయం తీసుకుంటే ఉద్యోగులకు పదోన్నతులు ఇవ్వాల్సి వస్తుందనో.. లేదంటే గత ప్రభుత్వం తలా తోకా లేకుండా చేసి గాల్లో పెట్టేసిన విధానాన్ని ప్రచారానికి వాడుకోవాలని చూస్తుందో తెలీదు కానీ సచివాలయ ఉద్యోగులు, అందులోని మహిళాపోలీసులను అలాగే గాలికొదిలేసింది. ఎపుడైనా పత్రికలు, మీడియాలో కథనాలు వచ్చినపుడు మాత్రం  వైఎస్సార్సీపీ ప్రభుత్వం ఉద్యోగులకు అన్యాయం చేస్తుందని.. వారిని సక్రమంగా..సరైన సీట్లో కూర్చోబెడతామని మాత్రం ప్రకటన చేస్తున్నది కూటమి ప్రభుత్వం. గత నెలలో కూడా హోం మంత్రి వంగలపూడి అనిత పదిరోజుల్లో మహిళా పోలీసులకు సముచిత స్థానాన్ని కల్పించి ప్రభుత్వ శాఖ కేటాయిస్తామని నాలుగైదు ప్రెస్ మీట్లో ప్రకటించారు. ఆ తరువాత ఆ ప్రకటన చూసి పొంగిపోయిన మహిళా పోలీసులు, సచివాలయ ఉద్యోగులకు రోజులు పోయి నెలలగు గడుస్తున్నాయి తప్పితే వారి సమస్యలు మాత్రం పరిష్కారం కాలేదు.

 మహిళా పోలీసుల పోస్టుల అంశం హైకోర్టులో ఉండటంతో గత ప్రభుత్వం తాత్సాహరం చేసి చేతులు దులుపుకుంది తప్పితే ఏమీ చేయలేదు. ఆ సమయంలో సీఎం చంద్రబాబు అప్పడు ఎన్నికల్లో హామీ ఇచ్చారు. అధికారంలోకి వచ్చిన వెంటనే సచివాలయ ఉద్యోగుల సమస్యలు పరిష్కరిస్తామని, గ్రామ, వార్డు వాలంటీర్ల జీతం రూ.10 వేలు చేస్తామని చెప్పారు. అధికారంలోకి వచ్చిన తరువాత వాలంటీర్లు లైవ్ లో లేరు.. వారిని కొనసాగించలేదమని చెప్పి వారికి మంగళం పాడేసి వారి క్లస్టర్లను సచివాలయ ఉద్యోగులకు మ్యాపింగ్ చేసేశారు. అప్పటిని నుంచి వాలంటీర్ల విధులు, ఉద్యోగుల విధులు, సచివాలయ ఉద్యోగులచే చేయాల్సి వస్తున్నది. దానితోపాటు అదనంగా రక రకాల సర్వేలు కూడా చేస్తూ వస్తున్నారు. ఈ క్రమంలో సచివాలయ ఉద్యోగులకు ఇతర ప్రభుత్వశాఖల్లోని ఖాళీలను బట్టి వారికి డిపార్ట్ మెంట్ స్లైడింగ్ ఇవ్వడంతోపాటు, ఇష్టమున్నవారిని పోలీసుశాఖలోనే ఉంచుతామని కూడా ప్రకటించింది. 

ఇదంతా గత నెలలో జరిగిపోతుందని అనుకున్నారు. మీడియాలో కూడా భారీ హెడ్డింగులతో వార్తలు వచ్చాయి. అయితే అదంతా వార్తలకే పరిమితం అయిపోయింది. కానీ ఒక్క అడుగుకూడా ముందుకి పడలేదు. వాస్తవానికి వైఎస్సార్సీపీ ప్రభుత్వం గ్రామ, వార్డుసచివాలయ ఉద్యోగుల నోటిఫికేషన్, డిపార్ట్ మెంట్, రిక్రూట్ మెంట్, సర్వీస్ రూల్స్, ప్రమోషన్ ఛానల్ చక్కగా ఏర్పాటు చేసి ఉంటే కూటమి ప్రభుత్వం అధికారంలోకి వచ్చేసరికి ఉద్యోగులకు మొదటి పదోన్నతి రావాల్సి ఉంది. కానీ గత ప్రభుత్వం తలా తోకా లేకుండా సచివాలయ ఉద్యోగుల నియామకాలు చేపట్టడంతో వారి భవితవ్యం గాల్లోనే ఉంది. అసలు ఈ శాఖలోని ఉద్యోగులకు పదోన్నతులు వస్తాయో రావో కూడా తెలియని పరిస్థితి నెలకొంది. వైఎస్సార్సీపీ ప్రభుత్వం ఒకటిరెండు ప్రభుత్వశాఖల సిబ్బందికి పదోన్నతులు ఇచ్చి  మమా అనిపించారు. మిగిలిన వారికి ఇద్దామనుకునే లోపు వైఎస్సార్సీపీ ప్రభుత్వం గద్దె దిగేసింది. 

వెంటనే అధికారంలోకి వచ్చిన కూటమి ప్రభుత్వంత హామిలిచ్చి ఉద్యోగులు నుంచి తిరుగుబాటు రాకుండా ప్రతీ మూడు నెలలకు ఒకసారి మీడియాలో ప్రకటనలు ఇచ్చి ఒకసారి ఉద్యోగులకు జూనియర్ అసిస్టెంట్ పేస్కేలు ఇవ్వడానికి ప్రతిపాదించామని.. మరోసారి పేరెంట్ డిపార్ట్ మెంట్ లోనే పదోన్నతులు ఇవ్వనున్నామని.. మరోసారి ప్రభుత్వశాఖలేని మహిళా పోలీసులకు ఆప్షన్లు ఇస్తామని చెప్పి ప్రకటనలతో ఊదరకొడుతూ వచ్చారు. వాస్తవానికి అసెంబ్లీలో చర్చించిన అంశాలను ప్రభుత్వం ప్రత్యేక జీఓల ద్వారా అమలు చేయాలని. అదేంతో కూటమి ప్రభుత్వంలో సచివాలయ ఉద్యోగులు, అందునా మహిళా పోలీసుల విషయంలో పెద్ద ఎత్తున అసెంబ్లీ, శాసన మండలిలో చర్చలకు తెరలేపి. ఆ తరువాత వారిని ఏమీ చేయకుండా వదిలేయడం ఇపుడు ప్రభుత్వ వర్గాల నుంచి వ్యతిరేకతకు కారణం అవుతున్నది. గత ప్రభుత్వం ఉద్యోగ విరమణ వయస్సు రెండేళ్లు పెంచేసిన తరువాత 74 ప్రభుత్వశాఖల్లో వేల సంఖ్యలో ఉద్యోగులు దఫ దఫాలుగా ఉద్యోగ విరమణలు చేస్తూ వస్తున్నారు. 

ఈ నేపథ్యంలో ప్రభుత్వశాఖల్లోని భారీగా ఖాళీలు ఏర్పడుతున్నాయి. వాటిని భర్తీచేయాలంటే జరిగే పనికాదు. అలాగని సచివాలయ ఉద్యోగులను వారి మాత్రులశాఖలకు అటాచ్ చేస్తే ఇటు సచివాలయ ఉద్యోగులకు అటు ప్రభుత్వశాఖలకు సిబ్బంది కొరత లేకుండా ఉంటుందని కూడా ప్లాన్ చేశారు. అయితే అవన్నీ ప్రచారాలకే పరిమితం అవతున్నాయి. ఒక సారి ఒక అంశం ప్రచారం జరిగితే అది మూడు నాలుగు నెలల వరకూ అలా నాన్చే ఉంచుతున్నారు తప్పితే వాటిపై నిర్ధిష్టంగా చర్యలు తీసుకోవడం లేదు. గ్రామ, వార్డు సచివాలయ మహిళా పోలీసుల పరిస్థితి కూడా గత ఏడాది నుంచి కూటమిప్రభుత్వం అలా నాన్చుతూ వచ్చింది తప్పితే గాల్లో వున్నవారికి ప్రభుత్వ శాఖ కేటాయించే విషయంలో  ఎలాంటి నిర్ణయం తీసుకోలేదు. దీనితో ఒక కూటమి ప్రభుత్వంలో కూడా ప్రకటనలు తప్పితే.. ఎలాంటి ప్రయోజనం ఉండదని..ఇక ప్రభుత్వశాఖ కేటాయి కలగానే మిగిలిపోతుందని మహిళా పోలీసులు ఫిక్స్ అయిపోయారు.

 అటు మిగిలిన సచివాలయ ఉద్యోగులు కూడా తమకు గత ప్రభుత్వం చేసినట్టుగానే ఈ ప్రభుత్వం కూడా అలా నాన్చుకుంటూ వచ్చి ఆఖరికి చేతులెత్తేస్తుందని సామాజిక మాద్యమాల్లో చర్చలు మొదులు పెట్టారు. నిజం కూటమి ప్రభుత్వం చేస్తున్న చర్యలే ప్రభుత్వంపై వ్యతిరేకతకు కారణం అవుతున్నాయనడానికి గ్రామ, వార్డు సచివాలయ ఉద్యోగుల అంశం, నేటికీ ఎలాంటి ప్రభుత్వ శాఖలేకుండా ఉన్న మహిళా పోలీసు విషయమే ప్రధాన ఉదాహరణగా మిగిలిపోయింది. చూడాలి ఏడాది దాటిన సందర్భంగా అయినా సచివాలయ ఉద్యోగులకు ఇచ్చిన ఎన్నికల హామీని కూటమిప్రభుత్వం నిలబెట్టుకుంటుందా.. పదోన్నతులు, ప్రయోజనాలు కల్పించాల్సి వస్తుందని మీడియా ప్రచారాలతోనే మిగిలిన నాలుగేళ్లు గడిపేస్తుందా అనేది..?!

 సీఎం చంద్రబాబు మీడియా, జర్నలిస్టులు పనిచేస్తేనే ప్రభుత్వం ఏం చేస్తుందో ప్రజలకు తెలుస్తుందని నమ్మిన వ్యక్తిగా ఎప్పుడు టిడిపి అధికారంలో ఉన్నా మీడియాకి ఒక సముచిత స్థానం ఇస్తూ వచ్చారు. అయితే గత ప్రభుత్వంలో ఎన్నో గుణపాఠాలు నేర్చుకొని మీడియాకి దూరమైపోయిన వారంతా మళ్లీ కూటమి ప్రభుత్వం అధికారంలోకి వచ్చిన తరువాత ఒక్కొక్కరుగా మీడియాతోకి రావడం మొదలు పెడుతున్నారు. కారణం సీఎం చంద్రబాబుపై కాస్తంత నమ్మకం. ఆ నమ్మకమే ప్రస్తుతం చిన్న పత్రికలకు ఆక్సిజన్ అందిస్తోంది. ఎంపానల్ మెంట్ ఉన్న పత్రికలకు ప్రభుత్వం కొద్దో గొప్పో ప్రభుత్వ ప్రకటనలు విడుదల చేయంతో మళ్లీ చిన్న, స్థానిక, మధ్య తరహా పత్రికలకు జీవం వచ్చింది. చాలా కాలం తరువాత జర్నలిస్టులకు గుర్తింపు వస్తుందని అంతా ఆనంద పడుతూ కూటమి ప్రభుత్వం విడుదల చేయబోయే నూతన ప్రెస్ అక్రిడిటేషన్ జీఓ, జర్నలిస్టుల యాక్సిడెంటల్ ఇన్స్యూరెన్స్, జర్నలిస్టుల హెల్త్ కార్డ్స్, అటాక్స్ కమిటీలు, మీడియా రక్షణ, ప్రెస్ అకాడమీ శిక్షణలు, జర్నలిస్టులకు ఇళ్ల స్థలాలు, హౌసింగ్ వంటి వాటిపై ఆశలు మొదలు అయ్యాయి. 

ఆ ఆశతోనే ప్రస్తుతం రాష్ట్రవ్యాప్తంగా ఉన్న సుమారు 50వేల మంది జర్నలిస్టులు కూటమి ప్రభుత్వంపై కోటి ఆశలు పెట్టుకొని  జీవిస్తున్నారు. జర్నలిస్టు వృత్తి వదిలేసిన చాల మంది తిరిగి ఆ వృత్తిలోకి వస్తున్నారు. కాగా కూటమి ప్రభుత్వం అధికారంలోకి వచ్చిన తరువాత వర్కింగ్ జర్నలిస్టుల ప్రెస్ అక్రిడిటేషన్ కార్డులు గత ప్రభుత్వంలోని జీఓ నెంబరు 38 ఆధారంగానే రెవిన్యువల్ చేసుకుంటూ వచ్చారు తప్పితే నూతన జీఓతో కొత్త అక్రిడిటేషన్లు ఇవ్వలేదు. ఇపుడు రాష్ట్రవ్యాప్తంగా ఉన్న పత్రికలు, మీడియా, న్యూస్ ఏజెన్సీలు అన్నీ కూటమి ప్రభుత్వం విడుదల చేయబోయే నూతన అక్రిడిటేషన్ జీఓపైనే ఆశలు పెట్టుకున్నాయి. ఇటీవలే క్యాబినెట్ లో ఆమోదం పొందిన జర్నలిస్టుల అక్రిడిటేషన్ ఫైలు ఇంకా జీఓ రూరంలో రాలేదు. అయితే ఆ జీఓ గత ప్రభుత్వంలోని జీఓ నెంబరు 38కి అనుకూలంగా ఉంటుందా లేదా.. ప్రతికూలంగా ఉంటుందా అనే విషయంలో జర్నలిస్టులు ఆందోళన పడుతున్నారు. గత ప్రభుత్వంలో సమాచారశాఖలోని కొందరు అధికారులు, సలహాదారులు చర్యల వలన జర్నలిస్టులకు గుర్తింపు లేకుండా పోయింది. 

ఇపుడు మళ్లీ కూటమి ప్రభుత్వం అధికారంలోకి వచ్చిన తరువాత మీడియాకి ఎల్లప్పుడూ సముచిత స్థానం ఇచ్చే సీఎం చంద్రబాబు, రాష్ట్ర సమాచార పౌరంబంధాల శాఖ ద్వారా జర్నలిస్టుల విషయంలో ఎలాంటి నిర్ణయం తీసుకున్నారు.. తద్వారా జర్నలిస్టులకు ఏం మేజరుగనుంది అనే విషయంలోనే అంతా ఆలోచనలో పడ్డారు.  కూటమి ప్రభుత్వం అధికారంలోకి వచ్చిన తరువాత జర్నలిస్టులు బాధలు, కష్టాలు, చిన్నపత్రికల నిర్వహణ తెలిసిన అధికారిగా గుర్తింపు తెచ్చుకున్న సమాచారశాఖ డైరెక్టర్ హిమాంశుశుక్లా చాలా వరకూ స్థానిక పత్రికలు, మధ్య తరహా పత్రికలకు చేయూత ఇస్తూ వస్తున్నారు. చిన్న పత్రికలకు ఆగిపోయిన ప్రభుత్వ ప్రకటనలను మళ్లీ విడుదల చేయిస్తూ.. ఆర్ధిక కష్టాలు తీరేందకు ఎంతో మంచి మనసుతో దోహద పడుతున్నారు. ఈ మధ్యలో కొన్ని జర్నలిస్టుల సంఘాల్లో  వారిలో వారికి పడకపోవడంతో మళ్లీ కాస్త ఇబ్బందులు మొదలయ్యాయి. అందులోనూ సామాజిక వర్గం పేరుతో నడిచే రాష్ట్ర స్థాయి జర్నలిస్టుల సంఘాల్లోని పోస్టుల్లో వున్నవారు సీఎం స్థాయిలో చక్రం తిప్పడం వలన కూడా ఇటీవల విడుదలకు సిద్ధమైన ప్రెస్ అక్రిడిటేషన్ జోఓల్లో కూడా మార్పులకు కారణం అయ్యారని చెబుతున్నారు.

 ప్రస్తుతం ఆ ఆంశం రాష్ట్రంలో చర్చనీయాంశం అవుతుంది. అయితే కూటమి ప్రభుత్వం అధికారంలోకి వచ్చిన తరువాత  స్థానిక దినపత్రి కలకు చేయూత అందిస్తూ వస్తున్నది. ఈ క్రమంలో ప్రభుత్వంపై ఆశలే తప్పా నిరాశ లేదు. కానీ కొన్ని జర్నలిస్టు సంఘాల నేతలు మధ్యలో దూరి సమాచారశాఖ అధికారులు, తప్పుదోవ పట్టించడంతో మార్పులు చేర్పులు ఉంటాయనేది తెరపైకి వచ్చింది. దీనితో గత ప్రభుత్వం మాదిరిగా కాకుండా కూటమి అయినా రాజకీయాలకు పోకుండా కరుణిస్తేనే స్థానిక పత్రికలు మనుగడ సాధిస్తాయని, లేదంటే ఉన్న ఆ కొద్ది మంది కూడా మీడియాను, పత్రికలను మూసుకోవాల్సి వస్తుందనే ఆందోళన వ్యక్తం చేస్తున్నారు. చూడాలి..త్వరలో రానున్న మీడియా అక్రిడి టేషన్ కమిటీ జీో ఏ విధంగా ఉండబోతుంది, జర్నలిస్టులకు స్థానిక దిన పత్రికలు ఏ స్థాయిలో మేలు చేయబోతుంది. ఏ స్థాయిలో నియంత్రణ చేపట్టబోతుందనేది..?!

నాటి వైఎస్సార్సీపీ ప్రభుత్వంలోనూ.. నేటి కూటమి ప్రభుత్వంలో గ్రామ, వార్డు సచివాలయశాఖకు సంబంధించిన తాజా అంశాలను ఈరోజు-ఈఎన్ఎస్ ప్రజలు, ఉద్యోగుల ముందుకి తీసుకురావడం, అదే అంశాలపై ప్రభుత్వం చర్యలు తీసుకోవడం ఇక్కడ విశేషం. గత కొన్నేళ్లుగా ప్రభుత్వశాఖలేని ఉద్యోగులుగా ఉన్న గ్రామ, వార్డు సచివాలయ మహిళా పోలీసులకు కూటమి ప్రభుత్వం ఒక ప్రభుత్వశాఖను కేటాయించే చర్యలు చేపట్టింది. దానికోసం నాలుగైదు ప్రభుత్వశాఖల్లోని క్యాడర్లు, పదోన్నతులు, సర్వీస్ రూల్స్, మహిళా పోలీసుల సర్వీస్, గతంలో వీరికోసం తయారు చేసిన ప్రమోషన్ ఛానల్, వారికి నచ్చిన శాఖను ఎంచుకునే అంశాన్ని వారి ముందుకి తీసుకురావడానికి మల్లగుల్లాలు పడుతున్నది. గ్రామ, వార్డు సచివాలయశాఖలో 26 జిల్లాల్లోని 15వేల 4 సచివాలయాల్లో సుమారు లక్షా 28వేలకు పైగా ఉద్యోగులు పనిచేస్తుండగా ఒక్క మహిళా పోలీసు విభాగంలోనే  13910 మంది ఉద్యోగులు పనిచేస్తున్నారు. వీరికి మాతృశాఖ పోలీసుశాఖ అయినప్పటికీ, వీరిని పోలీస్ రిక్రూట్ మంట్ బోర్డు ద్వారా కాకుండా ఎపీపీఎస్సీ ద్వారా నియమాకాలు జరిపారంటూ కోర్టులో కేసు వేయడంతో వీరికి మూడేళ్లుగా ప్రభుత్వశాఖ లేకుండా పోయింది. 

వీరు పోలీసుశాఖకు చెందినవారు కాదని గత ప్రభుత్వం కోర్టుకి లిఖిత పూర్వకంగా లేఖ సమర్పించడంతో నాటి నుంచి నేటి వరకూ వీరు గాల్లోనే ఉన్నారు. గత ప్రభుత్వం అదిగో ఇదిగో అని కాలయాపన చేసింది తప్పిగే పోలీసుశాఖలో వీరికి మినిస్టీరియల్ స్టాప్ గానీ, పీఆర్భీ ద్వారా శిక్షణ ఇచ్చి పోలీసు సిబ్బందిగా కూడా తీసుకోకుండా తాత్సారం చేస్తూ వచ్చింది. ఈ క్రమంలో కూటమి ప్రభుత్వం అధికారంలోకి వచ్చిన తరువాత హోం మంత్రి వంగలపూడి అనిత ఈ విషయాన్ని అసెంబ్లీలోనూ, శాసన మండలిలోనూ చర్చించి వీరి చదువులు, వయస్సు, శారీక ధృడత్వాన్ని బట్టి వారికి డిపార్ట్ మెంట్ స్టైడింగ్ ఇవ్వాలని ఆలోచన చేసింది. ఆలోచన అయితే వచ్చింది గానీ ఏ క్యాడర్ లో వీరికి కోరుకున్న శాఖలకు పంపాలనే విషయంలో మల్లగుల్లాలు పడుతున్నది. ప్రస్తుతం గత ప్రభుత్వం పెంచేసిన రెండేళ్ల అదనపు ఉద్యోగ విరమణ వయస్సు పూర్తయి చాలా ప్రభుత్వశాఖల్లో ఉద్యోగులు ఉద్యోగవిరమణలు చేయడంతో వేల సంఖ్యలో శాఖల్లో ఖాళీలు ఏర్పడ్డాయి. ఆ ఖాళీల్లో వీరిని భర్తీచేయాలంటే వీరికి దగ్గరగా ఉన్న ప్రభుత్వశాఖలైతే వారిని అటుు సచివాలయాల్లోనూ, ఇటు కలిపేసిన ప్రభుత్వశాఖలోనూ రెండింటివద్దా పనిచేయించుకోవాలని ప్రభుత్వం ఆలోచన చేస్తున్నది. 

దానికోసం గత ఏడాది అనధికారికంగా వీరిని పోలీసుశాఖలోని వివిధ పనులు, కార్యాలయ పనులు, బందోబస్తు పనులు ఇలా నచ్చిన విధంగా విధులు చేయించింది. ఆ సమయంలో కూడా కొందరు తమకు ప్రభుత్వశాఖ కేటాయించాలని, ఈ శాఖ కాకుండా మరోశాఖకు బదిలీచేయాలని ప్రజాప్రతినిధుల వద్ద మొరపెట్టుకోవడంతో ఆ విషయాన్ని కూడా ప్రభుత్వం పరిశీలన చేస్తున్నది. దానికోసం వయస్సుఉండి ఫిట్ గా ఉన్నవారిని పీఆర్బీ ద్వారా ఫిజికల్ టెస్ట్, శిక్షణ ఇచ్చి పోలీసులుగానూ, లేదంటే వయసు దాటిన వారిని పోలీసుశాఖలోనే కార్యాలయాల్లో మినిస్టీరియల్ స్టాప్ గానూ, అదే కాదంటే పదోన్నతి ఇస్తున్నట్టుగా చూపించి గ్రేడ్-2 ఐసిడిఎస్ సూపర్ వైజర్ గా డిపార్ట్ మంట్ స్లైడింగ్, ఆప్సన్లు ఇచ్చి వారిని బదిలీ చేయాలని యోచిస్తున్నది. కోరుకున్న ప్రభుత్వశాఖలకు బదిలీచేసినా అటు మాతృశాఖ, ఇటు సచివాలయశాఖలో రెండింటిలోనూ మహిళా పోలీసులు పనిచేయాల్సి వుంటుందనే క్లాజుని రాష్ట్రంలోని ఉన్నతాధికారులు పెట్టినట్టుగా ఇక్కడ సమాచారం అందుతుంది. దానికి కారణం ప్రభుత్వం ప్రజలకు హామీ ఇచ్చిన సూపర్ సిక్స్ పథకాలు అమలు చేయాలన్నా.. వాటిని ప్రజలకు అందించాలన్నా సిబ్బంది చాలా అవసరం. 

ఉన్న మహిళా పోలీసులను శాఖలు కోరుకోమని అక్కడికి పంపేస్తే.. గ్రామ, వార్డు స్థాయిలో పథకాల అమలు కష్టతరం అయిపోతుంది. దానికోసం వారికి డిపార్ట్ మెంట్ అలాట్ మెంట్, సర్వీస్ రూల్స్, ప్రమోషన్ ఛానల్ వెళ్లే శాఖలను అనుగుణంగా చేసి.. వారిని మళ్లీ సచివాలయాల్లోనే విధులు నిర్వహించేలా చేస్తే.. కొత్త ఉద్యోగాలు భర్తీచేసేవరకూ ప్రభుత్వానికి పరిపాలనా పరమైన ఇబ్బందులు రాకుండా ఉంటాయని ప్రభుత్వానికి తమ నివేదికలో కొందరు ప్రభుత్వశాఖల ముఖ్యకార్యదర్శిలు చెప్పినట్టుగా సమాచారం అందుతుంది. మరోప్రక్క గ్రామ, వార్డు సచివాలయశాఖలోనే చాలా విభాగాల్లో ఖాళీలు ఉన్నాయి. వాటిలోకి మహిళా పోలీసులను తీసుకున్నా.. అక్కడి ఖాళీలు భర్తీతోపాటు, ప్రస్తుతం ఉద్యోగుల భర్తీ సమస్య కూడా తీరినట్టు వుంటుందని కూడా ప్రభుత్వం ఆలోచన చేస్తున్నది. ఈ విషయాన్ని ఈరోజు-ఈఎన్ఎస్ ద్వారా ప్రత్యేక కథనాలు అందించింది. ప్రస్తుతం వాటిపైనే రాష్ట్రప్రభుత్వం సచివాలయ ఉద్యోగులకు ఎన్నికల్లో ఇచ్చిన హామీ మేరకు వారికి ప్రభుత్వశాఖల కేటాయింపుతోపాటు, ఇతర ప్రభుత్వశాఖ ఉద్యోగుల మాదిరిగా ప్రభుత్వ ప్రయోజనాలన్నీ సచివాలయ ఉద్యోగులకు కూడా అందిస్తే.. వారికి న్యాయం చేసినట్టు అవుతుందని భావిస్తున్నది. 

ప్రస్తుతం పనిచేస్తున్న మహిళా పోలీసుల్లో చాలా 30శాతానికి పైగా వారికి పోలీసుశాఖలో ఉంటం ఇష్టం లేదని, తమని ఐసీడిఎస్  కి పంపేయాలని ప్రభుత్వాన్ని కోరుతున్నారు. 50శాతం మంది పోలీసుశాఖలో ఉంటామని తమ అభిప్రాయాన్ని చెబుతున్నారు. మరో 10శాతం మంది తమను పోలీసుశాఖలోనే ఉంచి పోలీస్ స్టేషన్లు లేదా, జిల్లా ఎస్సీ కార్యాలయాలు, డిఎస్సీ కార్యాలయాల్లో మినిస్టీరియల్ స్టాఫ్ గా నియమించాలని కోరుతున్నారు.  మరికొందరు ఐదు ఉద్యోగాలకు పోటీ పరీక్ష రాసి మహిళా పోలీసులుగా సెలక్ట్ అయ్యామని, ఖాళీగా ఉన్న ఇతర శాఖల పోస్టుల్లో తమను భర్తీచేయాలని..తామంతా డిగ్రీలు, పీజీలు, పీహెచ్డీలు చేసి ఉన్నామని కూడా ప్రభుత్వానికి అర్జీలు చేశారు. ఈ విషయాలను కూడా ఈరోజు-ఈఎన్ఎస్ పతాక శీర్షికన ప్రత్యేక కథనాలు అందించింది. దీనితో ఎట్టకేలకు మహిళా పోలీసులకు దగ్గరగా ఉన్న ప్రభుత్వశాఖల్లోనే వారు కోరున్న శాఖకు పంపించి వారికి డిపార్ట్ మెంట్ అలాట్ మెంట్ చేసి రూట్ క్లియర్ చేయాలని ప్రభుత్వం అన్ని రకాలుగా సంప్రదింపులు చేస్తున్నది. 

అన్నీ అనుకున్నట్టు  జరిగితే నెలాఖరు లేదా. వచ్చే నెల మొదటి వారంలో ఉద్యోగులకు డిపార్ట్ మెంట్ స్లైడింగ్, ప్రభుత్వశాఖలను ఎంచుకునే ఆప్షన్ వస్తుందని సమాచారం అందుతుంది. ఎక్కువ మంది మహిళలు పోలీసుశాఖను కోరుకుంటే వారిని పీఆర్బీబీ ద్వారా ఫిజికల్ టెస్టులు పెట్టి వారిని పోలీసుశాఖలోకి తీసుకొని మహిళా పోలీసు స్టేషన్లలో ఖాళీలను భర్తీచేయాలనే ప్రతిపాదన కూడా ఇపుడు తెరపైకి వచ్చింది. చూడాలి ప్రభుత్వం మహిళా పోలీసుల విషయంలో మల్లగుల్లాలు పడి..ఏ నిర్ణయం తీసుకుంటుందనేది..?!

ఆంధ్రప్రదేశ్ ప్రభుత్వంలోని 75వ ప్రభుత్వ శాఖగా ఏర్పాటైన గ్రామ, వార్డు సచివాలయ వ్యవస్థ వచ్చిన ఐదేళ్లలోనే కనుమరుగు కాబోతుంది. ప్రజలకు ఇంటిముంగిటే సేవలు అందించాలని వైఎస్సార్సీపీ ప్రభుత్వంలో వైఎస్.జగన్మోహనరెడ్డి మానసపుత్రికగా గ్రామ, వార్డు సచివాలయశాఖ ఏర్పాటైంది. ఎక్కడైనా, ఎప్పుడైనా ప్రభుత్వంలో ఒక ప్రభుత్వశాఖ కొత్తగా ఏర్పాటైతే దానికి నిర్ధిష్ట విధివిధానాలు, సర్వీసు రూల్స్, ప్రమోషన్ ఛానల్, ఇతర ప్రభుత్వశాఖల్లో ఉన్నట్టుగా కొత్త శాఖలోనూ క్యాడర్లు ఏర్పాటు చేస్తారు. కానీ ఉన్న ప్రభుత్వశాఖలనే మాత్రుశాఖగా ఉంచి అదనంగా కొత్తశాఖగా ఏర్పాటు చేసి.. తలా తోకా లేకుండా వీరి నియామకాలు చేపట్టింది గత ప్రభుత్వం. అలాగని అధికారంలో ఉన్న సమయంలో కూడా వారికి న్యాయం చేసిందా అంటే అదీలేదు. ఈ క్రమంలోనే ఉన్న ఇతర ప్రభుత్వశాఖల్లో ఉద్యోగుల విరమణ వయస్సు రెండేళ్లు పెంచేసింది. దానితో ఒకేసారి 74 ప్రభుత్వశాఖల్లో వేల సంఖ్యలో ఉద్యోగులు దఫ దఫాలుగా ఉద్యోగ విరమణలు చేస్తూ వస్తున్నారు. 

ఇప్పటికిప్పుడు కొత్తగా మళ్లీ వేల సంఖ్యలో ఉద్యోగాలు నియామకాలు చేపట్టే పరిస్థితి ప్రస్తుత కూటమి ప్రభుత్వంలో లేదు. దీనితో మాత్రుశాఖ ప్రామాణింగా నియమాకాలు చేపట్టి, గ్రామ, వార్డు సచివాలయశాఖ ఏర్పాటు చేసి.. నియమించిన ఉద్యోగులనే ఇపుడు కూటమి ప్రభుత్వం వారిని ఇతర శాఖల్లోకి సర్దుబాటు చేయాలని చూస్తున్నది. ఇందులోభాగంగానే రాష్ట్ర వ్యాప్తంగా ఉన్న గ్రామ, వార్డు సచివాలయాలను తొలుత మదింపు చేయడం మొదలు పెట్టింది. అంటే రెండు సచివాలయాలను కలిపి ఒక సచివాలయంగా మదించింది. తద్వారా ఒక సచివాలయంలోని సిబ్బందిని ఇతర ప్రభుత్వశాఖల్లో ఖాళీలను భర్తీచేయడానికి మార్గం సుగమం చేసుకుంది. వైఎస్సార్సీపీ ప్రభుత్వం అధికారంలో ఉండగానే అన్ని ప్రభుత్వశాఖల్లోనూ భారీగా అన్ని కేటగిరీల్లోని భారీగా ఖాళీలు ఉండేవి. వాటిని భర్తీచేయకుండా ఏకంగా 1.30లక్షల ఉద్యోగాలను ఒకే శాఖలో తలా తోకా లేకుండా భర్తీచేసి చేతులు దులుపుకుంది. అప్పటి ఖాళీలు, తరువాత రెండేళ్లు ఉద్యోగ విరమణ వయస్సుతో ఖాళీ అయినవి తడిసి మోపెడు అవడంతో కూటమి ప్రభుత్వంపై భారం పడింది. 

ఆ భారాన్ని ప్రభుత్వశాఖల్లో ఉద్యోగుల ఖాళీలను భర్తీచేయడానికి ఇపుడు గ్రామ, వార్డు సచివాలయశాఖ సిబ్బందినే వినియోగించాలని నిర్ణయానికి వచ్చింది. ఎలాగూ మాత్రుశాఖల ప్రామాణికంగానే సచివాలయశాఖ ఏర్పాటుచేశారు కనుక అదే మాత్రుశాఖల్లోని ఖాళీను భర్తీచేయడానికి వీరినే వినియోగిస్తే.. గత ప్రభుత్వం వీరికి సర్వీసు నిబంధనలు, ప్రమోషన్ ఛానల్ ఏర్పాటు చేయకుండా వదిలేసిన విధివిధానాలను భర్తీచేయాలని యోచిస్తున్నది. ఒకరకంగా సచివాలయ ఉద్యోగులకు మేలే చేస్తున్నప్పటికీ, వైఎస్సార్సీపీ ప్రభుత్వం లో భారీగా నష్టపోయిన ప్రయోజనాల విషయంలో ఎలాంటి ప్రకటన చేయకుండానే కూటమి ప్రభుత్వం పరిపాలనా సౌలభ్యం కోసం తనకి నచ్చినట్టుగా చేసుకుపోతున్నది. ప్రస్తుతం అన్ని గ్రామ, వార్డు సచివాలయాలకు క్లస్టర్ విధానంపై ఉత్తర్వులు వచ్చాయి. అందులో కొన్ని పోస్టులను కూడా లేపేశారు. ముఖ్యంగా మహిళా పోలీసు పోస్టులనే ముందు లేపేసి.. ఉత్తర్వులు జారీచేసింది ప్రభుత్వం. 

అయితే అలా లేపేసిన మహిళా పోలీసులను ఖాళీ ఉన్న సచివాలయాల్లో నియమిస్తారా లేదా అనే విషయాన్ని మాత్రం ఎక్కడా పొందుపరచలేదు. దీనితో ఇప్పటికే కోర్టు కేసుల కారణంగా ఏ ప్రభుత్వశాఖ లేకుండా గాల్లో ఉన్న తమను క్లస్టర్ విధానంలో ఉన్నపోస్టులను లేపేయడంతో తమ పరిస్థితి ఏంటని మహిళా పోలీసులు గగ్గోలు పెడుతున్నారు. వాస్తవానికి చాలా సచివాలయాల్లో ప్రధాన విభాగాల్లో పోస్టులు ఖాళీలు ఉన్నాయి. వెల్పేర్ అసిస్టెంట్, వార్డు అడ్మిన్, పంచాయతీ కార్యదర్శి, డిజిటల్ అసిస్టెంట్ ఇలా చాలా పోస్టులు ఖాళీలు ఉన్నాయి. వాటిలో వీరిని భర్తీచేయవచ్చు. కానీ ప్రభుత్వం ఏం చేస్తుందో ఉత్తర్వుల్లో తెలియజేయకుండా క్లస్టర్ లిస్టు జారీలో మాత్రం ఏ సచివాలయం ఏ సచివాలయంలో కలుస్తుంది.. ఏ పోస్టులను లేపేశారు అనే వివరాలు మాత్రమే పొందుపరిచారు. ఒకరకంగా కూటమి ప్రభుత్వం తీసుకున్న ఈ నిర్ణయం వలన గ్రామ, వార్డు సచివాలయశాఖ ఉద్యోగులకు నిర్ధిష్ట ప్రభుత్వశాఖ ఏర్పాటు కావడంతోపాటు, ఏ ప్రభుత్వశాఖలోకి వీరిని పంపిస్తున్నారో సదరు ప్రభుత్వశాఖ సర్వీసు రూల్స్, ప్రమోషన్ ఛానల్ వర్తించే విధంగా చర్యలు తీసుకుంటుంది ప్రభుత్వం. 

కానీ ప్రజలకు అందుబాటులో ఉండే సచివాలయ వ్యవస్థకు మాత్రం దశల వారీగా మంగళం పాడేసే విధంగానే ప్రస్తుత ప్రభుత్వం చర్యలు కనిపిస్తున్నాయి. గత ప్రభుత్వం గ్రామ, వార్డు సచివాలయ వ్యవస్థను తలా తోకా లేకుండా ఏర్పాటు చేసిందని పదే పదే చెబుతున్న కూటమి ప్రభుత్వం... అధికారంలో ఉండి ఏ చేస్తుందో కూడా చెప్పకుండా గత ప్రభుత్వం వ్యవహరించిన తీరుకంటే దారుణంగా వ్యవహరిస్తుందనే వాదనను ఉద్యోగులు వినిపిస్తున్నారు. ఏపీపీఎస్సీ ద్వారానే పోటీపరీక్షలు రాసే ఉద్యోగాలు పొందినా.. ఏ ప్రభుత్వశాఖలోనూ లేని విధంగా అన్ని ప్రభుత్వశాఖల విధులు తమతో చేయిస్తున్నారని.. పైగా సదరు ప్రభుత్వశాఖలకు ఇచ్చే ప్రయోజనాలు, సర్వీసు నిబంధనలు, ప్రమోషన్ ఛానల్ మాకూ వర్తింపచేయండి అంటే మాత్రం.. ఆ ఒక్కటీ అన్నట్టుగా వ్యవహరిస్తున్నారని వాపోతున్నారు. పరిపాలనా సౌలభ్యం కోసం, ప్రజలకు సేవలు అందించేందుకు తమతో అన్నిశాఖలు పనులు, డ్యూటీ టైమ్ కంటే అదనంగా చేయిస్తూ.. సెలవు రోజుల్లో కూడా వదిలిపెట్టకుండా పనులు పురమాయించి మరీ చేయిస్తున్న ప్రభుత్వం తమకిచ్చే ప్రయోజనాలు ఇవ్వమంటే మాత్రం ఆ తప్పుని గత ప్రభుత్వంపై నెట్టేసి మా నోట్లో మట్టి కొడుతుందని లబో దిబో మంటున్నారు.

 దేశంలోనే ఏ రాష్ట్రప్రభుత్వంలో లేని ఒకే ఒక్క తేడా విధానం ఆంధ్రప్రదేశ్ లోని గ్రామ, వార్డు సచివాలయశాఖలోనే ఉందని..ఒక ప్రభుత్వ శాఖ ఉద్యోగి ఇతర ప్రభుత్వశాఖలకు చెందిన పనులు చేయడం, అదీ అదనపు పనిగంటలు చేయించడం దారుణమని వాపోతున్నారు. దానికి తోడు ఇపుడు క్లస్టర్ విధానం అమలు చేస్తూ.. సచివాలయాలను మదిస్తూ.. కొంతమంది ఉద్యోగులను లేపేయడం ఎలా అర్ధం చేసుకోవాలో తెలియడం లేదంటున్నారు. చూడాలి గత వైఎస్సార్సీపీపై తప్పులన్నీ నెట్టేస్తున్న కూటమి ప్రభుత్వం గ్రామ, వార్డు సచివాల యశాఖ విషయంలో రెండవ దశ ఉద్యోగుల కుదింపును క్లస్టర్ విధానం తరువాత ఏ విధంగా చేపడుతుందనేది..ఆఖరిగా తొలగింపు ఇంకెలా చేస్తుందనేది..?!

భారత దేశంలోనే ప్రభుత్వ శాఖ లేకుండా ప్రభుత్వ ఉద్యోగులుగా పనిచేస్తున్న గ్రామ, వార్డు సచివాలయ మహిళా పోలీసులకు కష్టాలకు ఇక తెరపడే గడియలు దగ్గరకి వచ్చాయి. ఉద్యోగుల బాధలు, సర్వీసు నిబందనలు, ప్రమోషన్ ఛానల్ లేకుండా, ఎలాంటి పదోన్నతులకు అవకాశం లేకుండా ఇప్పటి వరకూ గాల్లోనే ఉండిపోయిన మహిళా పోలీసుల కష్టాలు కూటమి ప్రభుత్వంలో తీరే అవకాశాలు కనిపిస్తున్నాయి. గత వైఎస్సార్సీపీ ప్రభుత్వం సచివాలయశాఖ ఏర్పాటు చేసి, తలా తోకా లేకుండా నియామకాలు చేసిందని.. కోర్టు కేసుల నెపంతో ఉద్యోగులను గాల్లో పెట్టిందని హోం మంత్రి వంగల పూడి అనిత మండి పడ్డారు. ప్రతిపక్షంలో ఉన్న దగ్గర నుంచి పోరాటం చేస్తున్న మంత్రి అధికారంలోకి రావడం అదే పోలీసుశాఖకు మంత్రిగా ఉండటంతో కాస్త గట్టిగానే ఈ విషయాన్ని పట్టుకున్నారు. అంతేకాకుండా అసెంబ్లీ, శాసన మండలి వరకూ తీసుకెళ్లి వారికి న్యాయం చేస్తామని, వారి చదువులు, ఆశక్తిల మేరకు వారికి సముచిత స్థానం కల్పించడానికి శక్తివంచన లేకుండా కృషి చేస్తామని చెప్పుకొస్తున్న ఆమె..ఇదే విషయాన్ని నేడు ప్రభుత్వం ముందుకి తీసుకెళ్లారు. అంతేకాదు అదే విషయాన్ని విశాఖలో జరిగిన మీడియా సమావేశంలో ఈరోజు-ఈఎన్ఎస్ ప్రధాన ప్రతినిధి వేసిన ప్రశ్నకు బదులుగా.. మహిళా పోలీసులకు 10-15 రోజుల్లో వారు కోరుకునే విధంగా వారిని సముచిత స్థానాల్లో కూర్చో బెడతామని, ప్రభుత్వశాఖ కేటాయింపులు చేస్తామని ప్రకటించారు.

 ప్రస్తుతం సచివాలయశాఖలో 26 జిల్లాల్లోని సుమారు 15వేల మంది మహిళా పోలీసులు పనిచేస్తున్నారని.. అందులో చాలా మందికి పోలీసుశాఖలో పనిచేయడం ఇష్టంలేదని, మరికొందరు ఇష్టం చూపుతున్నారని చెప్పారు. ఎవరికి ఏ శాఖ ఇష్టమో తెలుసుకొని, వారి చదువులు, ప్రస్తుతం వారు ఏ పోస్టుకి అర్హులో విచారణ చేసి వారికి తగ్గ స్థానాల్లో కూర్చో బెడతామని హామీ ఇచ్చారు. గత ప్రభుత్వం కొత్త ప్రభుత్వశాఖ ఏర్పాటు చేసింది తప్పితే దానిని ఒక పద్దతి ప్రకారం చేయలేదని, దాని ఫలితంగానే మహిళా పోలీసులంతా నేడు ప్రభుత్వశాఖ లేని ప్రభుత్వ ఉద్యోగులుగా ఏ శాఖకూ చెందని ఉద్యోగులుగా పనిచేయాల్సిన దుస్థితి ఏర్పడిందన్నారు. అన్ని ప్రభుత్వశాఖల ఉద్యోగుల మాదిరిగా వీరికా ప్రభుత్వశాఖతోపాటు, ప్రమోషన్లకు ఒక ప్రత్యేక వ్యవస్థ, ప్రభుత్వశాఖ కేటాయింపులు చేసి ఇతర ప్రభుత్వశాఖల ఉద్యోగుల మాదిరిగానే వీరికి న్యాయం చేస్తామని చెప్పుకొచ్చారు.  సచివాలయ మహిళా పోలీసుల విషయంలో ప్రభుత్వం చర్యలు తీసుకోకపోతే వీరు ఏ శాఖకు చెందని ఉద్యోగులుగానే ఉండిపోవాల్సి వస్తుందన్నారు. అది కూటమి ప్రభుత్వానికి చెడ్డపేరన్నారు. అలాకాకుండా ప్రభుత్వ అవసరాలు, ప్రభుత్వశాఖలు, వారి అర్హతలు, వారికి నచ్చిన శాఖలను గుర్తించి వారికి న్యాయం చేస్తామని భరోసా ఇచ్చారు.

-ఈరోజు-ఈఎన్ఎస్ మాత్రమే సచివాలయ శాఖపై పోరాటం

ఆంధ్రప్రదేశ్  ప్రభుత్వంలో 74 ప్రభుత్వశాఖలు ఉన్నా 75వ ప్రభుత్వ శాఖగా గత వైఎస్సార్సీపీ ప్రభుత్వం గ్రామ, వార్డు సచివాలయశాఖను ఏర్పాటు చేసింది. అయితే కొత్త ప్రభుత్వశాఖ ఏర్పాటు చేస్తే అన్నిస్థాయిల్లో ఉద్యోగాలొస్తాయని అంతా భావించారు. అలాగే ఒక్క ఇదే సచివాలయ శాఖలో సుమారు 1.28 లక్షల ఉద్యోగాలను గత ప్రభుత్వం భర్తీ చేసింది. అయితే ఏ ఒక్క ఉద్యోగికి కూడా న్యాయం చేయలేదు. వారి జీవితాలను గాల్లోనే పెట్టేవిధంగా ఉంచేసింది. అందులో నిత్యం ప్రజల్లోనే ఉండే మహిళా పోలీసులని. వీరితో పాటు సంక్షేమ పథకాలు ఇచ్చే సంక్షేమ కార్యదర్శిలని. వీరి నియామకాల దగ్గర నుంచి అన్నీ అతుకుబొతుకులే. దానితో వీరి నియామకాలు చెల్లవంటూ ఉమ్మడి విశాఖ జిల్లాలో కొందరు కోర్టుని ఆశ్రయించారు. మహిళా పోలీసులను పోలీస్ రిక్రూట్ మెంట్ బోర్డు ద్వారా కాకుండా ఏపీపీఎస్సీ ద్వారా  నియమించారని, వీరు మహిళా పోలీసులగా అనర్హులంటూ కోర్టులో కేసులు వేశారు. దానితో ప్రస్తుతం పనిచేస్తున్న మహిళా పోలీసులు పోలీసుశాఖకు సంబంధం లేదని చెప్పి కోర్టుకి అఫడవిట్ దాఖలు చేసి గత ప్రభుత్వంలో ఇదే పోలీసుశాఖ చేతులు దులుపుకుంది.

 దీనితో నాటి నుంచి నేటి వరకూ వీరు గాల్లోనే ఉంటూ వీరి శాఖ కాని శాఖ పోలీసుశాఖ ఉద్యోగులుగానే అనధికారికంగా పనిచేస్తున్నారు. అప్పటి నుంచి కూటమి ప్రభుత్వం వచ్చేంత వరకూ వీరు అర్జీ పెట్టని ఎమ్మెల్యే, ఎంపీ, మంత్రి, జిల్లా కలెక్టర్ ఆఖరుకి ఎంపీడీఓలు, వారే పనిచేస్తున్న సచివాలయాల్లోని స్పందనలో కూడా దరఖాస్తులు ఇచ్చినా ఫలితం లేకుండా పోయింది. గ్రామ, వార్డు సచివాలయశాఖ ఏర్పాటైన దగ్గర నుంచి ఉద్యోగుల తేడా నియామకాలు, సగం సగం పేస్కేలు,  సర్వీసు రెగ్యులరైజేషన్ లో నోషనల్ ఇంక్రిమెంట్లు ఎగ్గొట్టడం, పీఆర్సీ ఇచ్చి ఐఆర్ ఇవ్వకపోవడం, దానికంటే ముందుగా  హెచ్ఆర్ఏల్లో కుదింపులు, మళ్లీ పేస్కేలు అమలు చేసిన తరువాత మళ్లీ మార్పులు, ఇలా అనేక రకాలుగా తాలింపులు చేసుకుంటూ వచ్చింది. దానితో గ్రామ, వార్డు సచివాలయశాఖలోని మహిళా పోలీసులు దేనికీ చెందని వారుగా మిగిలిపోయారు. నాటి నుంచి నేటి వరకూ వారి కష్టాలను ఎప్పటికప్పుడు ఈరోజు-ఈఎన్ఎస్ సమస్యల వారీగా ప్రత్యేక కథనాలు ప్రచరిస్తూ వస్తోంది. ఇపుడు కూడా కథనాలు ప్రచురించడంతో స్పందించిన కూటమి ప్రభుత్వం ఇదే సచివాలయశాఖలోని ఉద్యోగులకు చిన్న చిన్న పదోన్నతులు ఇవ్వడానికి సిద్ద పడింది. 

తరువాత ప్రభుత్వశాఖ లేని ఉద్యోగులుగా ఉండిపోయిన మహిళా పోలీసుల కష్టాలను తీరుస్తామని, వారికి సముచిత స్థానాన్ని కేటాయిస్తామని హోం మంత్రి అనిత విశాఖలో ప్రకటించారు. వాస్తవానికి కూటమి ప్రభుత్వం సచివాలయ ఉద్యోగులకు ఎన్నికల ముందు హామీ ఇవ్వడంతో ఉద్యోగులు పెద్ద ఎత్తున కూటమి అధికారంలోకి రావడానికి వన్ సైడ్ గా ఓట్లు వేశారు అన్ని ప్రభుత్వశాఖ ఉద్యోగులతోపాటు, అధికంగా సచివాలయ ఉద్యోగులు. ఎన్ని ఒత్తిడులు వచ్చినా.. దానికి అనుగుణంగా కూటమి ప్రభుత్వం ఒక్కొక్క పని చేయడానికి వీలుగా కమిటీలు వేస్తూ ముందుకు వెళుతున్నది. మహిళా పోలీసుల విషయంలో అనుకూలంగా కూటమి ప్రభుత్వం పనిచేస్తుందని.. ఈరోజు-ఈఎన్ఎస్ ప్రత్యేక కథనాలను నిజం చేస్తూ, వాటిపై స్పందిస్తూ.. సచివాలయ ఉద్యోగులకు న్యాయం జరగడానికి మార్గం సుగమం కావడం పట్ల ఉద్యోగులు హర్షం వ్యక్తం చేస్తున్నారు.

ప్రకటించినట్టుగానే, ఎన్నికల హామీని నిలబెట్టుకొని ఏ ప్రభుత్వశాఖ లేనటువంటి తమకు ప్రభుత్వశాఖ ఏర్పాటు చేయడంతోపాటు, పదోన్నతులు కల్పించాలని మహిళా పోలీసులకు కోరుతున్నారు. అదే సందర్భంలో కూటమి ప్రభుత్వానికి కూడా మహిళా పోలీసులు ధన్యవాదములు తెలియజేస్తున్నారు. చూడాలి హోం మంత్రి 10-15 రోజుల్లో మహిళాపోలీసులకు సముచిత స్థానం కల్పిస్తామని చేసిన ప్రకటన,భరోసా ఏ స్థాయిలో ప్రభుత్వంలో కార్యరూపంలో దాలుస్తుందనేది. ఎప్పుడు క్యాబినెట్ సమావేశాల ముందుకి వెళ్లి చేసిన ప్రకటనకి అమలు రూపం వస్తుందనేది..!