కరోనా వైరస్ విషయంలో జర్నలిస్టులు చాలా అప్రమత్తంగా ఉం డాలని జాతీయ జర్నలిస్టుల సంఘం కార్యదర్శి, విజెఎఫ్ అధ్య క్షులు గంట్లశ్రీనుబాబు అన్నారు. విశాఖలో శుక్రవారం ఆయన మీడియాతో మాట్లాడుతూ, కరోనా విషయంలో ఎన్నిజాగ్రత్తలు తీసుకున్నా సాక్షిలో పనిచేస్తున్న మురళీ క్రిష్ణ పట్నాయక్ కరోనా వైరస్ కు విశాఖ మధువరాడలో బలికావడం బాధాకరమన్నారు. జర్నలిస్టులను కూడా కోవిడ్ వారియర్స్ గా గుర్తిమచి తక్షణమే రూ.50లక్షల జీవిత భీమా కల్పించాలన్నారు. వర్కింగ్ జర్నలి స్టులు పనిచేయకపోతే బాహ్య ప్రపంచంలో ఏం జరుగుతుందో అటు ప్రభుత్వానికి ఇటు ప్రజలకి తెలియదన్నారు. కానీ ప్రాణాలకి తెగించి విధి నిర్వహణకు వెళుతున్న సమయంలో కొన్నిసార్లు జర్నలిస్టులు మృత్యువాత పడుతున్నారని అన్నారు. ప్రభుత్వం తక్షణమే జర్నలిస్టుల విషయంలో నిర్ధిష్ట ప్రకటన చేయాలని శ్రీనుబాబు ప్రభుత్వాన్ని కోరారు.
చేనేత సామాజిక వర్గ అభివృద్ధికి శక్తివంచన లేకుండా కృషిచేస్తామ ని సీనియర్ బీజేపీ నాయకులు కొప్పల రామ్ కుమార్ అన్నారు. శుక్రవారం జాతీయ చేనేత దినోత్సవం సందర్భంగా ఆయన విశా ఖలో మీడియాతో మాట్లాడారు. చేనేత సామాజిక వర్గం సమస్య లు కేంద్ర జౌళిశాఖ మంత్రి దృష్టికి తీసుకెళతామని అన్నారు. ఆప్కోల అభివృద్ధి సొసైటీల అభివృద్ధికి చర్యలు తీసుకోవా ల్సింది గా మంత్రిని కోరతామన్నారు. ఇప్పటికే విశాఖజిల్లాతో పాటు రాష్ట్రంలోని చేనేత కార్మికులు వారి సమస్యలను ఆయన దృష్టికి తీసుకెళ్లామన్నారు. వీటితోపాటు దేశవ్యాప్తంగా చేనేతసామాజిక వర్గాన్ని ఏకం చేసేందుకు ప్రత్యేక కార్యక్రమాలు రాష్ట్ర కమిటీలోనూ చర్చించనున్నట్టు రామ్ కుమార్ వివరించారు.
విజయవాడలోని ఇంద్రకీలాద్రి దుర్గమ్మ గుడి ఈవోకి కరోనా పాజి టివ్‌గా నిర్ధారణ అయింది. ఈఓతోపాటు ఆలయంలో మరో 18 మందికి పాజిటివ్‌గా వచ్చింది. మరోపైపు రామకృష్ణ ఘనాపాటి వేద పండితులు కరోనా వైరస్ కారణంగానే మృతి చెందారు. అమ్మవారి దేవస్థానంలో అత్యధిక మందికి కరోనా పాజిటివ్ రావడం ఆందోళన కలిగిస్తోంది. కేసులు విపరీతంగా పెరుగుతు న్నప్పటికీ భక్తులు ఎక్కడా భయపడకుండా ఆలయాలకి తరలి వస్తున్నారు. ఇటు శ్రావణ మాసం శుక్రవారం సందర్భంగా ఆలయానికి భక్తులు పెద్ద సంఖ్యలో తరలి వస్తున్నారు. అమ్మ ఆలయం కంటైన్‌మెంట్ జోన్‌లో ఉంటుందా లేదా? అనేది తెలియాల్సి ఉంది. బక్తులను సామాజిక దూరం, శానిటైజర్ చేలిన తరువాతే ఆలయంలోకి అనుమతిస్తున్నారు.
జర్నలిస్టులకు గీతం హాస్పిటల్ లో 20 పడకల ప్రత్యేక వార్డు ను ఏర్పాటు చేస్తున్నట్టు జిల్లా కలెక్టర్ వి.వినయ్ చంద్ చెప్పారు. శుక్రవారం విజెఎఫ్ అధ్యక్షులు, జాతీయ జర్నలిస్టుల సంఘం కార్యదర్శి గంట్లశ్రీనుబాబు ఆధ్వర్యంలో కార్యవర్గం జిల్లా కలెక్టర్ ను కలిసి జర్నలిస్టుల ఆరోగ్య పరిరక్షణకు చర్యలు తీసుకోవాలని అభ్యర్ధించగా కలెక్టర్ తక్షణమే స్పందించి గీతంలో 20పడకలను అందుబాటులో ఉంచుతామని చెప్పారని శ్రీనుబాబు చెప్పారు. ఈ సందర్బంగా గంట్ల మీడియాతో మాట్లాడుతూ, విజెఎఫ్ జర్నలిస్టుల ఆరోగ్యం, సంక్షేమం కోసం అహర్నిసలు కృషిచేస్తుం దన్నారు. కరోనా వైరస్ విజృంభిస్తున్న సమయంలో కూడా జర్నలి స్టులు చేసే సేవలను ప్రభుత్వం గుర్తించాలన్నారు. అదేవిధంగా జర్నలిస్టులకు ఆరోగ్యబీమా, హెల్త్ కార్డ్ రెవిన్యువల్ విషయం లోనూ ప్రభుత్వానికి నివేదించాలని కలెక్టర్ ని కోరామన్నారు. జర్నలిస్టుల సమస్యలను విన్న కలెక్టర్ విజెఎఫ్ వినతినికి ప్రభుత్వానికి పంపి సమస్యల పరిష్కారానికి తనవంతు సహకారం అందిస్తామన్నారు. కార్యక్రమంలో కార్యదర్శి దుర్గారావు, ఉపాధ్యక్షులు నాగరాజు పట్నాయక్, దాడిరవికుమార్, కార్యవర్గ సభ్యులు ఈశ్వర్రావు, లక్ష్మి, నానాజీ, గిరి తదితరులు పాల్గొన్నారు.
ప్రజలకు ప్రభుత్వ సేవలను మరింత దగ్గర చేయడానికి స్థానిక సం స్థ‌ల్లో ప్రత్యేకా ధికారుల పాలనను పొడిగిస్తూ ప్రభుత్వం కీలక నిర్ణయం తీసుకుంది. ఈ మేరకు ఆంధ్ర‌ప్ర‌దేశ్‌లోని 108 కార్పొ రేష న్లు, మున్సిపాలిటీలు, నగర పంచాయతీల్లో ప్రత్యేకా ధికారుల పాలన పొడిగిస్తూ గురువారం నొటిఫికేషన్ జారీ చేసింది. కరోనా వైరస్ కారణంగా స్థానిక సంస్థల ఎన్నికలను ఎలక్షన్ కమిషన్ వాయిదా వేయడంతో ఈ నొటిఫికేషన్ జారీ చేస్తున్నట్టు పురపా లకశాఖ ఉత్వ‌ర్వుల్లో పేర్కొంది. వాస్తవానికి ఈ ఏడాది మార్చి 10న కార్పొరేషన్‌లో, జూన్ 30న మున్సిపాలిటీల‌లో, జూలై 2తో నగర పంచాయతీల్లో ప్రత్యేకాధికారుల పాలన ముగుస్తుంది కానీ..స్థానిక సంస్థల ఎన్నిక‌లు వాయిదా ప‌డ‌టంతో శ్రీకాకుళంలో అక్టోబర్ 10 వరకు మాత్ర‌మే ప్రత్యేకాధికారుల పాలన పొడిగించ‌గా మిగ‌తా అన్ని జిల్లాల్లోని కార్పొరేషన్లలోనూ డిసెంబర్ 31 వరకు ఈ పాలనను పొడిగించింది. మరోవైపు విజయనగరం, ప్రకాశం, వైఎస్ఆర్ జిల్లాల్లో మున్సిపాలిటీలు, నగర పంచాయతీల్లో ప్రత్యేకాధికారుల పాలనను డిసెంబర్ 31 వరకు లేదా పాలకవర్గం ఏర్పాటయ్యే వరకు పొడిగిస్తూ ఆదేశాలు జారీ చేసింది. ఇలా రాష్ట్ర వ్యాప్తంగా అన్ని పురపాలక సంఘాల్లోనూ వచ్చే ఏడాది జనవరి 2 వరకు ప్రత్యేకాధికారుల పాలన పొడిగిస్తున్న‌ట్లు నొటిఫికేషన్‌లో పేర్కొంది. దీంతో స్థానిక సంస్థల ఎన్నిక‌లు ఇప్ప‌ట్లో లేన‌ట్టు ప్రభుత్వం చెప్పకనే చెప్పినట్టైంది.
మినిమం గవర్నమెంట్ మాగ్జిమం గవర్నెన్స్ లో భాగంగా కేంద్రం ఆల్ ఇండియా హ్యాండ్లూం బోర్డును రద్దు చేసి తప్పు చేసిందని ఆంద్రప్రదేశ్ వీవర్స్ యునైటెడ్ ఫ్రంట్ అదికార ప్రతినిది కెకె సంజీవరావు అన్నారు. దేశ ప్రజలు ముఖ్యంగా చేనేత కార్మికులు ఘనంగా జాతీయ చేనేత దినోత్సవం జరుపుకోవడానికి సిద్దంగా ఉన్న తరుణంలో కేంద్రం తమ సంతోషాలపై నీళ్ళు జల్లడం తగదన్నారు. దేశ వ్తాప్తంగా జరిగిన చేనేత కార్మికుల ఉద్యమ ఫలితంగా న్యూ హ్యాండ్లూం & టెక్సటైల్ పాలసీలో భాగంగా అప్పటి కేంద్ర ప్రభుత్వం దేశ వ్యాప్తంగా విస్తరించి ఉన్న చేనేత కార్మికులకు ఉత్పత్తి, వినియోగం, విస్తరణ, మార్కెటింగ్ విషయంలో దిశ దశ చూపడానికి 1992లో ఆల్ ఇండియా హ్యాండ్లూం బోర్డు ఏర్పాటు చేసిందన్నారు. గత 28 సంవత్సరాల నుంచి నేత కార్మికుల సంక్షేమానికి, చేనేత రంగం అభివృద్ధికి బోర్డు ప్రభుత్వానికి సలహా సూచనలిస్తు దేశయ చేనేత ఉత్పత్తులకు విదేశీ బ్రాండ్ ఇమేజ్ తీసుకురావడంలోను, అలాగే చేనేత బడ్జట్ కేటాయింపులలో క్రీయాశీలకంగా వ్యవహరించిందని సంజీవరావు అన్నారు. చేనేత దేశ వారసత్వ సాంస్కృతి సంపదని ఈ రంగాన్ని పరిరక్షించుకోవడం దేశ పౌరులుగా మనందరి భాద్యతని అన్నారు. స్వతంత్ర సమరస్పూర్తికి చిహ్నమైన చేనేత రంగం స్వదేశీ ఉత్పత్తి అయినందున కేంద్ర ప్రభుత్వం తక్షణం తమ నిర్ణయాన్ని వాపసు తీసుకివాలని లేదా బోర్డు స్థానే సమీకృత చేనేత డవ్లప్మెంట్ & వీవర్స్ వెల్ఫేర్ బోర్డు ఏర్పాటు చేసి అంపశయ్య మీద ఉన్న చేనేత రంగానికి పునర్జీవం కల్పించి వ్యవసాయం తర్వత జీవన ఉపాది పొందుతున్న కోట్లాది మంది చేనేత కార్మికులకు న్యాయం చేయాలని సంజీవరావు డిమాండ్ చేసారు.
కెకె సంజీవరావు,
అదికార ప్రతినిది
ఆంధ్రప్రదేశ్ వీవర్స్ యునైటెడ్ ఫ్రంట్, 9246657227
తేది : 06.08.2020
ఆంధ్ర ప్రదేశ్ లో ఖాళీగా ఉన్న ఎమ్మెల్సీ స్థానాన్ని భర్తీ చేసేందుకు కేంద్ర ఎలక్షన్ కమిషన్ సిద్ధమైంది. దీనికి సంబంధించిన నోటిఫి కేషన్‌ ను విడుదల చేసింది. మోపిదేవి వెంకటరమణారావు రాజీనామాతో ఖాళీ అయిన ఎమ్మెల్సీ స్థానాన్ని భర్తీ చేసేందుకు కేంద్ర ఎలక్షన్ కమిషన్ గురువారం ఈ నోటిఫికేషన్‌ విడుదల చేసింది. నామినేషన్ల దాఖలుకు చివరి తేది ఆగస్ట్‌ 13 కాగా, 24న పోలింగ్ జరగనుంది. అదే రోజు సాయంత్రం 5 గంటల నుంచి ఓట్ల లెక్కింపు జరిపి ఫలితాన్ని ప్రకటిస్తారు. వచ్చే ఏడాది మార్చితో ఆ స్థానం గడువు ముగుస్తుండంతో ఒక్క స్థానానికే నోటిఫికేషన్‌ విడుదల చేశారు. ఇప్పటికే అధికారపార్టీ వైఎస్సార్సీపి ఈ స్థానానికి అభ్యర్ధిని కూడా ఖరారు చేసింది.
విశాఖ మహానగరంలో కరోనా వైరస్ కేసులు పెరుగుతున్న దృష్ట్యా నగరవా సులు చాలా అప్రమత్తంగా ఉండాలని బిసి సంఘం యు వ జన విభాగం మహిళా కార్యదర్శి దనుకోటి రమ సూచిం చారు. గురువా రం విశాఖలో ఆమె మీడియాతో మాట్లా డుతూ, కరోనా వైరస్ తరిమికొట్టేందుకు ప్రతీఒక్కరూ సామాజిక దూరం పాటించ డంతోపాటు మాస్కులు ధరించాలన్నారు. అత్యవసరం అయితే తప్పా బయటకు రాకూడదన్నారు. వైరస్ దరిచేరకుండా వ్యాధి నిరోధక శక్తిని పెంచుకోవడానికి బలవర్ధక ఆహారం తీసుకోవా లన్నారు. తరచుగా చేతులను రెండు నిమిషాలపాటు కడుక్కోవా లన్నారు. నాన్యమైన శానిటైజర్లను వినియోగించడం ద్వారా వైరస్ ను దరిచేరకుండా చేసుకోవచ్చని రమ తెలియజేశారు. బిసి సంఘం తరపున ఎప్పటికప్పుడు ప్రజలను చైతన్యవంతం చేస్తున్నట్టు రమ వివరించారు.
ఏం పిల్లడో ఎల్దామొస్తవా అంటూ ప్రముఖ జానపద వాగ్గేయకారుడు వంగపండు ప్రసాదరావు పాడిన గీతాలు ఎందరినో ఆలోచింప జేస్తాయి. విశాఖలో ఆంధ్రప్రదేశ్ ఉద్యోగుల సంక్షేమ సంఘం రాష్ట్ర మహాసభల సందర్భంగా ఏర్పాటు చేసిన కార్యక్రమంలో వంగపండు పాడిన చైతన్య గీతాలు ఎందరినో ఆలోచింపజేశాయి.
అర్హులైన గిరిజన రైతులకు అటవీ హక్కు పత్రాలు పంపిణీ చేయా లని ప్రిన్సిపల్ కార్యదర్శి ప్రవీణ్ ప్రవీణ్ ప్రకాష్ ఆదేశించారు. ఆయన పర్యటనలో భాగంగా బుధవారం జి.కె.వీధి పంచాయతీ గుమ్మల్లగొంది కాఫీ తోటలు పరిశీలించారు. కాఫీ రైతులు పొత్తూరి రాజారావు, కకూరి వెంకటరమణ కాఫీ తోటల్లో పర్యటించారు. కా ఫీ ఎప్పటి నుంచి సాగు చేస్తున్నారు?ఏడాదికి కాఫీ, మిరియాలు సాగుపై వస్తున్న ఆదాయం ఐటీడీఏ ,గిరిజన సంక్షేమశాఖ అందిస్తు న్న ప్రోత్సాహకాలు అడిగితెలుసుకున్నారు. అనంతరం చాపగెడ్డ ఎపి ఎఫ్ డి సి కాఫీ ఎస్టేట్ పరిశీలించారు. కాఫీ వీడింగ్ సస్యరక్షణ పనులు,కాఫీ దిగుబడి , అడిగి తెలుసుకొన్నారు ఈ కార్యక్రమంలో జిల్లా కలెక్టర్ వి.వినయ్ చంద్, జాయింట్ కలెక్టర్ ఎం.వేణుగో పాల రెడ్డి, గిరిజన సంక్షేమశాఖ సంచాలకులు రంజిత్ భాషా, ఐటీడీఏ పి.ఓ డా.వెంకటేశ్వర్ సలిజామల ఏపిఎఫ్ డిసి అధికారు లు ,అటవీశాఖ అధికారులు తదితరులు పాల్గొన్నారు.
ఉత్తరాంధ్ర ఒక ఉత్తమ వాగ్గేయ కారుని కోల్పోయిందని జాతీయ జర్నలిస్టుల సంఘం కార్యదర్శి, విజెఎఫ్ అధ్యక్షులు గంట్ల శ్రీనుబాబు ఆవేదన వ్యక్తం చేశారు. వంగపండు ప్రశాదరావు హఠాత్ మరణం పట్ల దిగ్భ్రాంతి వ్యక్తం చేసిన ఆయన ఆత్మకు శాంతి చేకూరాలని దేవుడిని ప్రార్ధించారు. ఈ సందర్భంగా శీనుబాబు మీడియాతో మాట్లాడుతూ, వంగపండు ఎన్నో ఉద్యోమాలకు తన గొంతును పెకిలించారని అన్నారు. ఉత్తరాంధ్రా సమస్యలపై వంగపండు చేసిన గానం చరిత్రగా నిలిచిపోతుందని అన్నారు. అలాంటి మంచి మనిషి లేరనే విషయాన్ని కళారంగం కూడా జీర్ణించుకోలే కపోతుందని అన్నారు. ఎన్నో ఉద్యమాలకు ఊపిరులూదిన గొంతు మూగబోవడం చాలా విచారించదగ్గ విషయమన్నారు. కేంద్ర, రాష్ట్ర ప్రభుత్వాలు ఉత్తరాంధ్రా కళారంగానికి ఆయన పేరుతో మంచి కార్యక్రమం చేపట్టి ఆయన బావజాలాన్ని అజరామరం చేయాలని శ్రీనుబాబు కోరారు.
ఉత్తరాంధ్ర ఒక ఉత్తమ వాగ్గేయ కారుని కోల్పోయిందని ఆంధ్రప్రదేశ్ బిసి ఉద్యోగుల సంక్షేమ సంఘం రాష్ట్ర అధ్యక్షులు పోలాకి శ్రీనివాసరావు ఆవేదన వ్యక్తం చేశారు. వంగపండు ప్రశాదరావు హఠాత్ మరణం పట్ల దిగ్భ్రాంతి వ్యక్తం చేసిన ఆయన ఆత్మకు శాంతి చేకూరాలని దేవుడిని ప్రార్ధించారు. ఈ సందర్భంగా విశాఖలో పోలాకి మీడియాతో మాట్లాడుతూ, వంగపండు ఎన్నో ఉద్యోమాలకు తన గొంతును పెకిలించారని అన్నారు. ఉత్తరాంధ్రా సమస్యలపై వంగపండు చేసిన గానం చరిత్రగా నిలిచిపోతుందని అన్నారు. అలాంటి మంచి మనిషి లేరనే విషయాన్ని కళారంగం కూడా జీర్ణించుకోలే కపోతుందని అన్నారు. ఎన్నో ఉద్యమాలకు ఊపిరులూదిన గొంతు మూగబోవడం చాలా విచారించదగ్గ విషయమన్నారు. కేంద్ర, రాష్ట్ర ప్రభుత్వాలు ఉత్తరాంధ్రా కళారంగానికి ఆయన పేరుతో మంచి కార్యక్రమం చేపట్టి ఆయన బావజాలాన్ని అజరామరం చేయాలని పోలాకి శ్రీనివాస్ కోరారు.
కరోనాపై పోరులో ప్రభుత్వం చేపడుతున్న కార్యక్రమాలకు విస్తృత మైన ప్రచారం కల్పించాలని సమాచార శాఖ కమిషనర్ టీ విజయ్ కుమార్ రెడ్డి అధికారులను ఆదేశించారు. సోమవారం ఆయన అన్ని జిల్లాల సమాచార శాఖ అధికారులతో వీడియో కాన్ఫరెన్స్లో మాట్లాడుతూకరోనా పట్ల ఏ విధంగా ముందస్తు చర్యలు తీసుకో వాలి, కోవిడ్ బారినపడిన వారు తీసుకోవలసిన జాగ్రత్త లను పత్రికలు, టీవీల ద్వారా ప్రచారం చేయాలన్నారు. వార్తలను రాసేటప్పుడు మీడియా సమన్వయం పాటించే విధంగా సమాచా రాన్ని అందించాలని ఆదేశించారు. జిల్లా కలెక్టర్, వైద్య ఆరోగ్య శాఖ అధికారులను సంప్రదిస్తూ ప్రతిరోజు covid 19 సమాచా రాన్ని టీవీ పత్రిక విలేకరులకు అందించాలన్నారు. covid 19 అనుమానిత లక్షణాలున్న విలేకరులకు వైద్య పరీక్షలు చేయిం చడం, క్వారంటైన్, ఐసోలేషన్ ఆసుపత్రులలో లేదా హోమ్ క్వారంటైన్ లలో వైద్యం అందేలా సహాయం అందించాలన్నారు. అవసరమైన వారికి కోవిడ్ పరీక్షలు జరిపించాలన్నారు. జిల్లాలో నిర్వహిస్తున్న కోవిడ్ వైద్య పరీక్షలు, వైద్య సేవల పట్ల విలేకరులకు పూర్తి అవగాహన కల్పించాలన్నారు. ఈ వీడియో కాన్ఫరెన్స్లో విజయవాడ నుండి జాయింట్ డైరెక్టర్ కస్తూరిబాయి, ఈ ఆర్ ఐ కృష్ణ రావు పాల్గొనగా, విశాఖపట్నం నుండి సమాచార శాఖ ఉపసంచాలకులు వి మణిరామ్, పి ఆర్ ఓ వెంకట రాజు గౌడ్, డివైఈ ఇంద్రావతి, డివిజినల్ పిఆర్ఓ సాయిబాబా, ఏపీ ఆర్ ఓ రాజు తదితరులు పాల్గొన్నారు.
ఏపీలో కరోనా వైరస్ పంజా విసురుతోంది. గడిచిన వారం రోజులు గా రికార్డుస్థాయిలో పాజిటివ్ కేసులు నమోదవు తున్నాయి. ఈ తరుణంలో ఇప్పటికే పలు జిల్లాలు స్వచ్చందంగా లాక్ డౌన్ పాటి స్తున్నాయి. ఇదిలా ఉంటే కరోనా వ్యాప్తిని నియంత్రించేందుకు ఏపీ ప్రభుత్వం కట్టుదిట్టమైన చర్యలు చేపడుతోంది. అటు స్వయంగా ముఖ్యమంత్రి వైఎస్ జగన్మోహన్ రెడ్డి.. కోవిడ్ పేషెంట్లకు అరగం టలో బెడ్ కేటాయించాలని చెప్పడమే కాకుండా.. ఎవరైనా నిరా కరిస్తే కఠిన చర్యలు తప్పవని హెచ్చరించారు. ఈ నేపధ్యంలో ప్రజలకు రాష్ట్రంలో క్వారంటైన్, ఐసోలేషన్ కేంద్రాలు వివరాలు తెలిసేందుకు ఏపీ ప్రభుత్వం పలు వాట్సాప్ నెంబర్లను కేటాయించింది. కరోనాపై సూచనలు, సలహాలు, ఫిర్యాదులు ఇవ్వాలంటే 104, 0866-2410978 నెంబర్లను వినియోగించాలని సూచించింది.
వాట్సాప్ నెంబర్ల వివరాలు ఇలా ఉన్నాయి.
*జిల్లాల వారీగా వాట్సాప్ నెంబర్లు ఇలా ఉన్నాయి. *శ్రీకాకుళం - 7995225220, విజయనగరం - 9491012012, విశాఖపట్టణం - 9000782783, తూర్పు గోదావరి - 9849903862, పశ్చిమ గోదావరి 9966553424, కృష్ణ - 9100997444, గుంటూరు - 9121008008, ప్రకాశం - 9063455577, నెల్లూరు - 9704501001, చిత్తూరు - 9491077099, అనంతపురం - 9493188891, కడప - 9849900960, కర్నూలు - 9849902412.*
*నోడెల్ అధికారుల నెంబర్లు ఇవే..*
*AMC, విశాఖపట్నం - 92466 16864*
*SMC, విజయవాడ - 98484 36653*
*SVIMS, తిరుపతి - 94935 47709*
*GMC, అనంతపురం - 98494 99761*
*GMC (RIMS), కడప - 92478 99544*
*ఇట్లు*
*పి.సాయికుమార్*
*అసిస్టెంట్ డైరెక్టర్*
*సోషల్ జస్టిస్ రైట్ ఫర్ ఆర్గనైజేషన్.*
*8008566613.*
*చైర్మన్*
*అభ్యుదయ ఎంప్లాయీస్*
*అసోసియేషన్.*
*ఆంధ్రప్రదేశ్ ప్రజా రవాణా శాఖ*
*8008566613.*
విజయవాడ నగరంలో ప్రసిద్ధిగాంచిన నాలుగు వందల యాభై సంవత్సరాల చరిత్ర కలిగిన హజరత్ సయ్యద్ షా ఖాద్రి హజరత్ సయ్యద్ అలీ హుసేన్ షా ఖాద్రి దర్గాలు అభివృద్ధి చేయాలని మూస్లిమ్ పెర్సనల్ లా బోర్డ్ ఆఫ్ ఇండియా అధ్యక్ష్యులు మహమ్మద్ అల్తాఫ్ ఆలీ రజా ఆంధ్రప్రదేశ్ ముఖ్యమంత్రి వై ఎస్ జగన్మోహన్ రెడ్డి ని ఒక లేఖలో కోరారు. నేటి ఉదయం విడుదల చేసిన ఆ లేఖలో. విజయవాడ దుర్గా ఫ్లైఓవర్ కింద ఉన్న ఈ రెండు దర్గాలు గత ప్రభుత్వం నిర్దాక్షిణంగా చీకట్లో తొలగించి ఘోరమైన తప్పు చేసి ముస్లింల మనోభావాలని తీవ్రముగా గాయపరచిందన్నారు. ముస్లింలు అనేక ఆందోళన కార్యక్రమాలు చేయటం తోపాటు న్యాయస్థానం దాకా కూడా వెళ్లటంతో చివరకి దర్గాలను మాత్రం వదిలి చుట్టుపక్కల ఉన్న స్థలం మొత్తం తీసుకుని ఎటువంటి పరిష్కారం చేయకుండా కుట్రపూరితంగా ముస్లిం మనోభావాలను నాటి ప్రభుత్వం దెబ్బతీసినట్లు ఆరోపించారు.
చివరకి ఆనాడు ప్రజలు ఆగ్రహించడంతో 68 లక్షల రూపాయలతో అభివృద్ధి చేస్తామని హామీ ఇవ్వడంతో పాటు తీసుకున్న స్థలానికి నష్టపరిహారం చెల్లించాలని కూడా డిమాండ్ చేయటం జరిగిందని రజా పేర్కొన్నారు.
విజయవాడ నగరంలో ఈ దర్గా అర్ధరాత్రి పూట తొలగించాలని గత ప్రభుత్వం కావాలని కుట్రపూరితంగా దర్గాపై నుండి ఫ్లైవర్ నిర్మాణం చేపట్టం జరిగింది ,ఈ దర్గా పలువురు హిందూ ముస్లింలకు సెంటిమెంట్ గా చాలా ప్రాముఖ్యత కలిగినటువంటి దర్గా అని,నిరంకుశంగా దేవాలయాలు దర్గాలు తొలగించిన గత ప్రభుత్వం ఆనాటి నుండే పతనం మొదలైందని మేము పూర్తిగా విశ్వసిస్తున్నాను అని ఆ లేఖలో పేర్కొన్నారు.
గతంలో విజయవాడ నగరంలో జలదీక్ష చేసినప్పుడు ఆనాడు వైఎస్ జగన్ మోహన్ రెడ్డి గారు ఆ దర్గాను సందర్శించి పూజలందుకోవడం ఆనాటి నుంచి జగన్ గారు ముఖ్యమంత్రి కావాలని ఎన్నోసార్లు ఆ దర్గా వేదికగా తమరొస్తే పూర్తిగా న్యాయం జరుగుతుందని విశ్వాసంతో ప్రత్యేక ప్రార్థనలు సైతం నిర్వహించడం జరిగిందని, కనుక ఈ దర్గా పూర్తి స్థాయిలో అభివృద్ధి చేస్తారని బలమైన నమ్మకంతో తమ దృష్టికి తెస్తున్నామని, బాబా గారి ఆశీస్సులు మీకు ప్రభుత్వానికి మీ కుటుంబ సభ్యులకు కలగాలని ప్రార్థిస్తున్నాం అని పేర్కొన్నారు.
ప్రస్తుతం ఆంధ్రప్రదేశ్ లో వక్ఫ్ ట్రిబ్యునల్ లేకపోవటంతో చాలా కేసులు పెండింగ్ లో ఉన్నాయి ఆక్రమణదారులు యథేచ్ఛగా భారీ నిర్మాణాలు అక్రమ కట్టడాలు చేయటం జరుగుతుందని,కనుక వెంటనే వక్ఫ్ ట్రిబునల్ ఏర్పాటు చేయాలని కోరుతున్నామన్నారు.
అలాగే ఆంధ్రప్రదేశ్ లో వక్ఫ్ ఆస్తులు పూర్తిగా సర్వే చేయించి వక్ఫ్ గజిట్ ప్రకారంగా రెవెన్యూ, పంచాయతీ అన్ని శాఖల సంబంధించిన కార్యాలయాల్లో పూర్తి వివరాలు గ్రామాలలో ఏ గ్రామాలలో ఏ సర్వే నెంబర్ లో ఎన్ని వక్ఫ్ ఆస్తులు ఉన్నాయో పూర్తి సమాచారం గ్రామ సచివాలయాల్లో ఉండే విధంగా ఏర్పాటు చేయాలని, ఎటువంటి రిజిస్ట్రేషన్ జరగకుండా పూర్తి చర్యలు తీసుకోవాలని అందుకు ఒక స్పెషల్ ఎన్ఫోర్స్మెంట్ డిపార్ట్మెంట్ వక్ఫ్ బోర్డు ఆస్తుల పరిరక్షణ కొరకు ఏర్పాటు చేయాలని కోరుతున్నామని రజా వివరించారు.
పవర్ ప్లాంట్ ,ఇండియన్ ఆయిల్ కార్పోరేషన్ తదితర కంపెనీల పేరుతో వక్ఫ్ బోర్డు భూములు ఎక్వెరు చేసి ఉన్నారు ,కానీ సంబంధింత ముతవల్లి ముజావర్లు ఉద్యోగ అవకాశాలు గానీ లబ్ధి గానీ జరగలేదు దీని వలన మసీదులు దర్గాలు పంజాల భూములు కోల్పోవటంతో చాలా పంజాలు దర్గాలు కోట్ల రూపాయల ఆస్తులు ఉన్నప్పటికీ దీపం వెలిగించే పరిస్థితి కూడా లేదని, ఆనాడు ఎకరం రెండు వేలు నుండి అయిదు వేలకు సుమారు తీసుకోవటం తో ఆంధ్రప్రదేశ్ లో కోట్లాది రూపాయల విలువ చేసే, వేలాది ఎకరాలు ఆయా కంపెనీల చేతిలో ఉన్నాయి. కనుక, నాయక దర్గా మసీదు పంజా బోర్డు భూములు తీసుకున్నటువంటి ప్రైవేట్ మరియు ప్రభుత్వరంగ సంస్థల దగ్గర నుండి ఉద్యోగ అవకాశాలు తోపాటు ఆ దర్గాలకు మసీదులకు లాభం చేసేవిధంగా ఆ సంస్థల ద్వారా లాభం చేకూర్చే విధంగా ఏర్పాటు చేయాలని లేని పక్షంలో లీజు పద్ధతిగా అయినా మార్చాలని కోరుతున్నామన్నారు.
అలాగే వక్ఫ్ బోర్డు సిబ్బంది చాలా తక్కువగా ఉండటం ఆస్తులు కాపాడే పరిస్థితి కనబడటం లేదు వక్ఫ్ బోర్డు సిబ్బందిని కూడా పెంచాలని జిల్లాకు నలుగురు ఇన్స్పెక్టర్లు ఉండే విధంగా ఏర్పాటు చేయాలని కోరుతున్నాం
రాష్ట్ర వక్ఫ్ బోర్డు కమిటీని త్వరగా ఏర్పాటు చేయాలని మరియు వక్ఫ్ అధికారులకు వారి ఆస్తులు కాపాడే విధంగా పవర్స్ ఉండాలని,అలాగే ఇమాం మేుజనలకు ఇళ్ల స్థలాలు నెలవారి వేతనాలు త్వరగా చెల్లించాలని ,మదర్సా బోర్డు ఏర్పాటు చేసి ఇంగ్లీష్ హిందీ తెలుగు ఉర్దూ అరబీ తో పాటు అన్నీ నేర్చుకునే విధంగా వెసులుబాటు కల్పించాలని కోరుతున్నాము,
హైదరాబాద్ మక్కా మసీదు లాంటి భారీ స్థాయిలో మసీదు హజ్ హౌస్ మూడు రాజధానిలో కూడా ఏర్పాటు చేయాలని కోరుతున్నము
కొండపల్లి లోని నార్ల తాతారావు థర్మల్ పవర్ స్టేషన్ లో ఉన్న హజరత్ సయ్యద్ షా బుఖారీ దర్గా చాలా ప్రాముఖ్యత ప్రసిద్ధి గాంచిన ఆధ్యాత్మిక మరియు మత సామరస్యానికి నిదర్శనమైన నాలుగు వందల యాభై సంవత్సరాల సుదీర్ఘ చరిత్ర కలిగిన దర్గా ,ఇక్కడ రోజూ నిత్యన్నదాన కార్యక్రమంతో ఆహ్లాదకరమైన వాతావరణంలో చాలా ప్రాముఖ్యత కలిగినటువంటి ఈ దర్గా ఆనాడు వీటీపీఎస్ వారు నామమాత్రపు బ్రిడ్జ్ ఏర్పాటు చేసి ఉన్నారు భక్తుల రద్దీ ఎక్కువ ఉండటంతో బిడ్జి సరిపోవటం లేదు ఉర్సు మహోత్సవానికి సుమారు లక్ష మంది భక్తులు వస్తుంటారు ఆ సమయం చాలా ఇబ్బందికరంగా ఉంటుంది అట్లాగే చిన్న పిల్లలు ముసలి వాళ్లు దర్గా లో మొక్కులు చెల్లించడం కోసం కోసం గాని వంటా వార్పు చేసుకుండా గాని చాలా ఇబ్బంది కరంగా ఉంటున్నందున బిడ్జి వెడల్పు చేయడమే కాకుండా ఆటో రిక్షా కనీసం లోపలకు వెళ్లే విధంగా బ్రిడ్జి ఏర్పాటు చేయాలని కోరుతున్నామని మహ్మద్ అల్తాఫ్ ఆలీ రజా కోరారు.
