ఖద్దరు, గ్రామీణ పరిశ్రమల కమిషన్‌ (కేవీఐసీ), ఇండియన్‌ రెడ్ క్రాస్ సొసైటీ (ఐఆర్‌సీఎస్‌) నుంచి పదిన్నర లక్షల ఫేస్‌ మాస్కుల కోసం మరోమారు ఆర్డర్ పొందింది. కేవీఐసీకి ఇప్పటివరకు ఇదే పెద్ద ఆర్డర్. వేరే సంస్థకు 1.8 లక్షల ఆర్డర్ అందించిన నెలరోజుల్లోనే రెడ్ క్రాస్ నుంచి ఈ ఆర్డర్ వచ్చింది. రెడ్ క్రాస్‌కు ఇప్పటికే 1.6 లక్షల మాస్కులను కేవీఐసీ అందించింది. కొత్త ఆర్డర్ విలువ 3.3 కోట్ల రూపాయలు. ఈ వారంలోనే రెండో ఆర్డర్ పంపిణీ ప్రారంభమవుతుంది. మొదటి ఆర్డర్‌ను రెండు రోజుల్లో కేవీఐసీ పూర్తి చేస్తుంది. మొదటి ఆర్డర్‌లో ఇచ్చిన తరహాలోనే రెండో ఆర్డర్ ఫేస్‌ మాస్కులు ఉంటాయి. మొదటి ఆర్డర్‌ను ఉత్తమ నాణ్యతతో గడువులోగా అందిస్తుండడం వల్లే రెండో ఆర్డర్ వచ్చింది. కేవీఐసీకి ఇప్పటివరకు ఇదే అతి పెద్ద ఆర్డర్. ఇంతకుముందు, జమ్ము&కశ్మీర్‌ ఏడు లక్షల మాస్కులు కొనుగోలు చేసింది. రాష్ట్రపతి భవన్‌, ప్రధాని కార్యాలయం, కేంద్ర మంత్రిత్వ శాఖలు, సాధారణ ప్రజల నుంచి ఈ పోర్టల్‌ ద్వారా కేవీఐసీ పునరావృత ఆర్డర్లు పొందుతూనే ఉంది. మాస్కుల తయారీ ద్వారా దేశంలో స్థిర ఉపాధి సృష్టించినందుకు, ఎంఎస్‌ఎంఈ శాఖ మంత్రి నితిన్ గడ్కరీ కేవీఐసీని అభినందించారు. కరోనాను అడ్డుకోవడంలో సమర్థవంత సాధనంగా మాస్కులు మారడం వల్ల, వాటి తయారీ భారీ స్థాయి ఉపాధిని సృష్టించిందని అన్నారు. రెడ్ క్రాస్ నుంచి వచ్చిన కొత్త ఆర్డర్‌ను కేవీఐసీ ఛైర్మన్‌ వినయ్‌ కుమార్ సక్సేనా స్వాగతించారు. "ఆర్థిక స్వాతంత్ర్యానికి రాట్నం ఒక సాధనం. ఇలాంటి కష్ట సమయంలో వచ్చిన ఆర్డర్, స్పిన్నింగ్‌, నేత పనిని ముందుకు తీసుకెళ్తుంది. ఖద్దరు పనివారికి ఆర్థిక స్థిరత్వాన్ని ఇస్తుంది" అని చెప్పారు.
ఫేస్‌ మాస్కుల తయారీ, ఖద్దరు పనివారికి దాదాపు 50 వేల అదనపు పని దినాలను కల్పించింది. ప్రస్తుత ఆర్డర్ కోసం దాదాపు లక్ష మీటర్ల చేనేత ఖద్దరు వస్త్రం అవసరం. దీనిని వివిధ రాష్ట్రాల్లోని ఖద్దరు సంస్థలు సరఫరా చేస్తాయి. స్పిన్నింగ్‌, నేత కార్యక్రమాలకు ఇది ప్రోత్సాహాన్నిస్తుంది. నేతన్నలకు ఉపాధి దొరుకుతుంది. రెడ్ క్రాస్‌కు అందించే మాస్కులు వంద శాతం పత్తితో, రెండు పొరలతో, గోధుమ రంగులో, ఎరుపు రంగు పట్టీలతో ఉంటాయి. రెడ్ క్రాస్ అందించిన నమూనాల ఆధారంగా వీటిని ప్రత్యేకంగా రూపొందిస్తున్నారు. మాస్కుల ఎడమ వైపున రెడ్ క్రాస్ ముద్ర, కుడి వైపున ఖాదీ ఇండియా టాగ్‌ ఉంటాయి. ఇతర ఖద్దరు మాస్కుల్లాగానే, ఐఆర్‌సీఎస్‌కు అందించే మాస్కులను ఉతికి మళ్లీ ఉపయోగించుకోవచ్చు. ఇవి శరీరానికి హాని కలిగించవు. మట్టిలో కలిసిపోతాయి.
2020 డిసెంబర్ 31 నాటికి 1.5 లక్షల ఆయుష్మాన్ భారత్ హెల్త్‌- వెల్‌నెస్ సెంట‌ర్లు ఏర్పాటు చేసేందుకు ప్రభుత్వం క‌ట్టుబ‌డి ఉందని కేంద్ర ఆరోగ్య,కుటుంబ సంక్షేమ శాఖ మంత్రి డాక్ట‌ర్ హ‌ర్ష‌వ‌ర్ధ‌న్‌ అన్నారు. క‌ర్ణాట‌క ముఖ్యమంత్రి బి.ఎస్. య‌డ్యూర‌ప్ప‌తో క‌లిసి బ‌ళ్లారిలోని విజ‌య‌న‌గ‌ర్ ఇన్‌స్టిట్యూట్ ఆఫ్ మెడి‌క‌ల్ సైన్సెస్ సూప‌ర్ స్పెషాలిటీ ట్రామా సెంట‌ర్ (ఎస్.ఎస్.టి.సి)ను డిజిటల్ విధానంలో ప్రారంభించి జాతికి అంకితం చేశారు. అనంతరం కేంద్ర ఆరోగ్య ,కుటుంబ సంక్షేమ శాఖస‌హాయ మంత్రి అశ్విని కుమార్ చౌబే, ఎక్స్‌ప్రెస్ ఫీడ‌ర్ లైన్‌, ఐసియు వార్డులు, వైద్య అవ‌స‌రాల‌కు వాడే 13 కె.ఎల్‌. ద్ర‌వ‌రూప ఆక్సిజ‌న్ ట్యాంక్ స‌దుపాయాన్ని ప్రారంభించారు. క‌ర్ణాట‌క రాష్ట్ర ప్రభుత్వ వైద్య విద్యా శాఖ మంత్రి డాక్ట‌ర్ కె.సుధాక‌ర్ అత్య‌ధునాత‌న సిటిస్కాన్‌ను ప్రారంభించారు. ఇది 128 క్రాస్ సెక్షన్ స్ల‌యిస్‌ల‌ను తీయ‌గ‌ల సామ‌ర్ధ్యం క‌లిగిన‌ది.
ఈ ఎస్.ఎస్.టి.సిని, 150 కోట్ల రూపాయ‌ల పెట్టుబ‌డితో ప్రధానమంత్రి స్వాస్త్య సుర‌క్షా యోజ‌న(పిఎంఎస్ఎస్‌వై) కింద నిర్మించారు. ఇందులో అత్య‌వ‌స‌ర, ట్రామా, న్యూరోస‌ర్జ‌రీ, ఆర్థోపెడిక్సు విభాగాలు ఉంటాయి. ఆరు మాడ్యులార్ థియేట‌ర్లు, 200 సూప‌ర్ స్పెషాలిటీ బెడ్లు, 72 ఐసియు బెడ్లు, 20 వెంటిలేట‌ర్లు, పైన పేర్కొన్న‌ట్టుగా అధునాత‌న సిటిస్కాన్ యంత్రం,డిజిటల్ ఎక్స్‌రే యంత్రం ఉన్నాయి. ఇందులో 27 మంది పిజి విద్యార్ధుల‌కు శిక్ష‌ణ ఇచ్చే సదుపాయం ఉంది. ఈ సందర్భంగా ఆయన మాట్లాడుతూ, అంతర్జాతీయంగా నిర్దేశించిన 2025 గ‌డువుకు ఐదు సంవ‌త్స‌రాల ముందే పోలియో, మ‌శూచీని అంత‌మొందించిన‌ట్టే టిబిని నిర్మూలించాల‌న్నది ప్రభుత్వ ల‌క్ష్య‌మ‌ని ఆయన అన్నారు.
దేశంలో అకస్మాత్తుగా కోవిడ్ 19 పాజిటివ్ కేసులు పెరుగుతున్నట్టు గమనించిన 4రాష్ట్రాలకు ఉన్నతస్థాయి కేంద్ర బృందాలను పంపాలని ఆరోగ్య, కుటుంబ సంక్షేమ మంత్రిత్వశాఖ నిర్ణయించింది. ఉత్తర ప్రదేశ్, జార్ఖండ్, చత్తీస్ గఢ్, ఒడిశా రాష్ట్రాలలో కోవిడ్ కేసుల ఆకస్మిక పెరుగుదలతో పాటు మరణాలసంఖ్య కూడా పెరిగినట్టు కేంద్రం గుర్తించింది. ఈ మేరకు ఈ కేంద్ర బృందాలు కరోనా కట్టడి, నిఘా, పరీక్షలు, చికిత్సలో అక్కడి రాష్ట్ర ప్రభుత్వాల కృషికి తోడుగా తమవంతు సాయం చేస్తాయి. సకాలంలో పరీక్షలు జరపటం, సత్వరం చికిత్స అందేలా చూడటం లాంటి పనుల్లో సమర్థంగా వ్యవహరించటానికి. ఆ సందర్భంగా ఎదురయ్యే రకరకాల సవాళ్లను ఎదుర్కోవటానికి అక్కడి రాష్ట్రప్రభుత్వాధికారులకు దిశా నిర్ధేశం చేస్తాయి. వివిధ రంగాల నిపుణులతో కూడిన ఈ బృందాలలో ఒక ప్రజారోగ్యనిపుణుడు, ఒక సంక్రమణ రోగాల నిపుణుడు ఉంటారు. ఈ నాలుగు రాష్ట్రాలలోనూ ఉత్తరప్రదేశ్ లో గరిష్ఠంగా 54,666మంది కరోనా బాధితులు ప్రస్తుతం చికిత్సలో ఉండగా ఆ తరువాత మూడు స్థానాల్లో ఒడిశా (27,219), చత్తీస్ గఢ్ (13,520) జార్ఖండ్ (11,577 ) ఉన్నాయి. ఇప్పటివరకు నమోదైన మొత్తం కేసుల సంఖ్య దృష్ట్యా చూస్తే ఉత్తరప్రదేశ్ లో 2,25,632, ఒడిశాలో 1,00,934, జార్ఖండ్ లో 38,435, చత్తీస్ గఢ్ లో 30,092 కేసులు నమోదయ్యాయి. అధిక సంఖ్యలో 3423 మరణాలు నమోదైంది కూడా ఉత్తరప్రదేశ్ లోనే. ఒడిశా, జార్ఖండ్, చత్తీస్ గఢ్ రాష్ట్రాల్లో482, 410, 269 మరణాలు నమోదయ్యాయి.
మాజీ రాష్ట్రపతి ప్రణబ్ ముఖర్జీ మరణం పట్ల భారత ఎన్నికల సంఘం ప్రగాఢ సంతాపం తెలిపింది. "అత్యంత గౌరవనీయ వ్యక్తిని భారత్ కోల్పోయింది. ఆర్థిక, రాజ్యాంగ, చారిత్రక వ్యవహారాల్లో పాండిత్యంతో రాజర్షిగా ఆయన పేరు తెచ్చుకున్నారు" అని ఎన్నికల ప్రధాన కమిషనర్ సునీల్‌ అరోరా పేర్కొన్నారు. ఆయన ఆత్మకు శాంతి చేకూరాలని ప్రార్ధించారు. ఆయన "అనారోగ్యంతో ఉన్నా, ఈసీఐ ఆహ్వానాన్ని మన్నించి, ఈ ఏడాది జనవరి 23న, తొలి సుకుమార్‌ సేన్‌ స్మారక ఉపన్యాసం ఇచ్చారని గుర్తు చేసుకున్నారు. రాష్ట్రపతిగా, 2016, 2017 సంవత్సరాల్లో జాతీయ ఓటర్ల దినోత్సవం సందర్భంగా ఆయన ప్రసంగించారు" అని అరోరా పేర్కొన్నారు. ప్రణబ్ ముఖర్జీ కుటుంబానికి ఆ భగవంతుడు ధైర్యాన్నివ్వాలని కోరుకుంటున్నా అని చెప్పారు.
భారత మాజీ రాష్ట్రపతి ప్రణబ్ ముఖర్జీ స్మృత్య‌ర్థం ఆ మ‌హ‌నీయుని గౌర‌వ‌సూచ‌కంగా ,దేశవ్యాప్తంగా తేదీ 31-08-2020 నుంచి 06-09-2020 వరకు, రెండు రోజుల‌తో క‌లుపుకుని,అధికారిక సంతాప‌దినాలు పాటించ‌డం జ‌రుగుతుందని కేంద్రం ప్రకటించింది. ఈమేరకు ఉత్తర్వులు జారీ చేసింది. దేశవ్యాప్తంగా జాతీయ‌ప‌తాకాన్ని రెగ్యుల‌ర్‌గా ఎగుర‌వేసే భ‌వ‌నాల‌న్నింటిపై గ‌ల ప‌తాకాన్నిఈ సంతాప‌దినాల‌లో అవ‌న‌తం చేస్తారు. ఎలాంటి అధికారిక వినోద కార్యక్రమాలు నిర్వహించకూడదని కూడా ఆ ఉత్తర్వుల్లో పేర్కొంది. అయితే ప్రణబ్ ముఖర్జీని పార్ధీవ శరీరాన్ని ఎప్పుడు, ఎక్కడ, ఏ విధంగా అధికారికంగా అంత్య‌క్రియ‌లు నిర్వ‌హిస్తారో అధికారికంగా కేంద్రం తెలియజేయనుంది. అందులోనే స్థ‌లం , తేదీ, స‌మ‌యం త‌ర్వాత ప్రకటిస్తారు. ఇప్పటికే కేంద్ర ప్రభుత్వంలోని ప్రధానితో సహా కేబినెట్ మంత్రులు, సహాయ మంత్రులు ప్రణబ్ ముఖర్జీ స్మృత్య‌ర్థం తమ ప్రగాడ సంతాపాన్ని ప్రకటించారు...
భారత మాజీ రాష్ట్రపతి ప్రణబ్ ముఖర్జీ (84) కన్నుమూశారు. ఈ విషయం దేశవ్యాప్తంగా అన్ని రాజకీయ పార్టీలను కలచివ వేసింది. కరోనా వైరస్ బారినపడిన ఆయన చికిత్స పొందుతూ ఆసుపత్రిలో సోమవారం తుదిశ్వాస విడిచారు. కోవిడ్‌తో19 పాటు ఇతర అనారోగ్య సమస్యలపై గతకొంత కాలంగా ప్రణబ్ ఆర్మీ ఆస్పత్రిలోనే చికిత్స పొందుతున్నారు. ఈ క్రమంలోనే ఊపిరితిత్తుల్లో ఇన్‌ఫెక్షన్‌ రావడంతో చికిత్స పొందుతూ ఆరోగ్యం విషమించి మృతిచెందినట్లు ఆయన కుమారుడు అభిజిత్‌ ముఖర్జీ ప్రకటించిన నేపథ్యంలో ప్రధాని నరేంద్రమోడీ, తెలుగు రాష్ట్రాల ముఖ్యమంత్రులు వైఎస్ జగన్మోహనరెడ్డి, కెసిఆర్ తమ ప్రగాడ సానుభాతిని ప్రకటించారు. ఈ మేరకు ట్విట్టర్ ద్వారా వారి సందేశాన్ని పంపారు. ప్రణబ్ రాష్ట్రపతిగా నే కాకుండా ఎన్నో పదవులు అలంకరించిన మహా మనిషిగా కీర్తించారు. ప్రణబ్ లాంటి ఆర్ధిక వేత్త భారతదేశానికి తీరని లోటన్నారు. మరోవైపు కాంగ్రెస్ పార్టీ అధినేత సోనియాగాంధీ, రాహుల్ గాంధీలు కూడా ప్రణబ్ ఆత్మ శాంతించాలని పేర్కొన్నారు. మంచి వ్యక్తిని పార్టీ కోల్పోయిందని సోనియా ఆదేవన వ్యక్తం చేశారు.
భారత మాజీ రాష్ట్రపతి ప్రణబ్ ముఖర్జీ (84) కన్నుమూశారు. కరోనా వైరస్ బారినపడిన ఆయన చికిత్స పొందుతూ ఆసుపత్రిలో సోమవారం తుదిశ్వాస విడిచారు. కోవిడ్‌తో19 పాటు ఇతర అనారోగ్య సమస్యలపై గతకొంత కాలంగా ప్రణబ్ ఆర్మీ ఆస్పత్రిలోనే ఉంటున్నారు. ఈ క్రమంలోనే ఊపిరితిత్తుల్లో ఇన్‌ఫెక్షన్‌ రావడంతో చికిత్స పొందుతూ ఆరోగ్యం విషమించి మృతిచెందినట్లు ఆయన కుమారుడు అభిజిత్‌ ముఖర్జీ సోషల్‌ మీడియా వేదికగా స్పష్టం చేశారు. ఆయన మృతిపట్ల కాంగ్రెస్ పార్టీ తీవ్ర దిగ్భ్రాంతి వ్యక్తం చేసింది. రాష్ట్రపతిగా, కేంద్రమంత్రిగా, కాంగ్రెస్ పార్టీలో సీనియర్‌ నేతగా ప్రణబ్ భారత రాజకీయాల్లో తనదైన గుర్తింపు సంపాదించుకున్నారు. కాగా ప్రణబ్ ముఖర్జీ 1935 డిసెంబర్ 11న పశ్చిమ బెంగాల్ రాష్ట్రంలోని బీర్బూమ్ జిల్లాలో ఉన్న మిరాఠి గ్రామంలో జన్మించారు. ఎంఏ(చరిత్ర), ఎంఏ(రాజనీతిశాస్త్రం), ఎల్‌ఎల్‌బీ, డీ.లిట్ (విద్యాసాగర్ కాలేజీ) వంటి విద్యార్హతలు సంపాదించి మంది విద్యావేత్తగా కూడా గుర్తింపు పొందారు. చదువు పూర్తయిన అనంతరం కొంతకాలం టీచర్, జర్నలిస్టుగా పనిచేయడం విశేషం. తరువాత 1969లో తొలిసారిగా రాజ్యసభకు ఎన్నికయ్యారు. 1975, 81, 93, 1999లోనూ రాజ్యసభకు, 1980-85 వరకు రాజ్యసభలో అధికారపక్ష నేతగా, 1973-74 కాలంలో పారిశ్రామికాభివృద్ధి శాఖ ఉపమంత్రిగా, 1974లో కొన్నినెలలు రవాణా, నౌకాయాన ఉపమంత్రిగా, 1974-75లో ఆర్థికశాఖ ఉపమంత్రిగా, 1975-77లో రెవిన్యూ, బ్యాంకింగ్ సహాయమంత్రిగా, 1980-82లో వాణిజ్యం, గనుల కేబినెట్ మంత్రిగా, 1982-84లో ఆర్థికమంత్రిగా, 1991-96లో ప్రణాళికాసంఘం ఉపాధ్యక్షుడిగా, 1993-95లో వాణిజ్యశాఖ మంత్రిగా, 1995-96లో విదేశాంగమంత్రిగా, జంగీపూర్ నుంచి 2004లో లోక్‌సభకు,2004-06లో రక్షణశాఖ మంత్రిగా,2006-09లో విదేశాంగమంత్రిగా, 2009-2012లో ఆర్థికమంత్రిగా ఆఖరిగా 2012లో దేశ 13వ రాష్ట్రపతిగా ఎన్నికయ్యారు. 2020 ఆగస్టు 31న ఆయన పరమపదించారు.
భారత దేశం తయారీ రంగ హ‌బ్‌గా మారాలంటే నైపుణ్యంగ‌ల ప‌నివారు ఎంతో అవ‌స‌ర‌మని కేంద్ర సూక్ష్మ, చిన్న, మ‌ధ్య‌త‌ర‌హా సంస్థలు, (ఎం.ఎస్.ఎం.ఇ), రోడ్డు ర‌వా ణా, జాతీయ రహదారుల మంత్రి నితిన్‌గ‌డ్క‌రి అన్నారు. సోమవారం రాజ‌స్థాన్‌లోని అల్వార్ జిల్లాలోని భివాడి వ‌ద్ద ఏర్పాటుచేసిన టెక్నాలజీ సెంట‌ర్‌ను వీడియో కాన్ఫ‌రెన్సు ద్వారా ఆయన ప్రారంభించారు. ఈ సందర్భంగా గట్కరీ మాట్లాడుతూ, తయారీ రంగం దేశ జిడిపిలో 22 నుంచి 24 శాతం స‌మ‌కూరుస్తున్న‌ద‌ని, ప్రధాన మంత్రి ఆత్మ‌నిర్భ‌ర్ భారత్ పిలుపుమేర‌కు 15 నూతన టెక్నాలజీ సెంట‌ర్లు(టిసిలు) ఏర్పాటు చేస్తున్నామ‌న్నారు. ప్రస్తుతం ఉన్న 18 టిసిల‌ను నైపుణ్యంగ‌ల సిబ్బం దిని తయారు చేసేందుకు కొత్త టెక్నాలజీ కేంద్రాలు ఉపకరిస్తాయన్నారు.
ఈ టిసిల విస్త‌ర‌ణ కేంద్రాల‌పై కూడా కృషి చేస్తున్నట్టు ఆయన తెలిపారు. విస్త‌ర‌ణ కేంద్రాల‌కు అవసరమైన భూమి, ఇతర లాజిస్టిక్‌లకు మద్దతు క‌ల్పించాల్సిందిగా ఆయన రాష్ట్ర‌ప్ర‌భుత్వాల‌కు విజ్ఞ‌ప్తి చేశారు. ఈ విస్త‌ర‌ణ కేంద్రాలు కొత్త పరిశ్రమల అవ‌స‌రాలు, ప్రస్తుత పరిశ్రమల అవ‌స‌రాల‌ను తీర్చ‌గ‌ల‌వ‌ని ఆయన పేర్కొన్నారు. ప్రస్తుత పాలిటెక్నిక్‌లు, ఐటిఐలు, ఇంజనీరింగ్ కాలేజీలకు సంబంధించిన మౌలిక‌స‌దుపాయాల‌ను యువ‌త‌కు నైపుణ్యాలు క‌ల్పించేందుకు వినియోగించాల‌ని, ఇందుకు పరిశ్రమల మద్దతు తీసుకోవాల‌ని ఆయన కోరారు.
ఎం.ఎస్.ఎం.ఇ , ప‌శుగ‌ణాభివృద్ధి,పాడి ప‌రిశ్ర‌మ, మ‌త్స్య‌శాఖ సహాయ మంత్రి ప్ర‌తాప్ చంద్ర సారంగి మాట్లాడుతూ, టెక్నాలజీ కేంద్రం ఏర్పాటైనందుకు, భివాండి ప్ర‌జ‌ల‌ను, రాజ‌స్థాన్ ప్రజలు ఆనందం వ్యక్తం చేస్తున్నారన్నారు. కోవిడ్ -19 కార‌ణంగా దేశం ఆర్ధిక సంక్షోభ ప‌రిస్థితుల‌ను ఎదుర్కొంటున్న‌ద‌ని, అలాంటి సమయంలో ఈ కేంద్రాలు ఎంతో ప్రాధాన్యతను సంత‌రించుకుంటాయ‌ని అన్నారు. ఎం.ఎస్.ఎం.ఇ కార్యదర్శి ఎ.కె.శ‌ర్మ మాట్లాడుతూ, రానున్న టెక్నాలజీ కేంద్రాలు జనరల్ ఇంజనీరింగ్, ఆటోమోటివ్, ప‌రిమ‌ళ‌ద్ర‌వ్యాలు, రుచి, ఇఎస్‌డిఎం రంగాల చెందిన ప‌రిశ్ర‌మ‌ల‌కు స‌హాయ‌ప‌డ‌నున్నాయన్నారు. వీటికి అత్య‌ధునాత‌న తయారీ రంగ సాంకేతిక ప‌రిజ్ఞానం, సిఎన్‌సి యంత్రాలు, 3 డి తయారీ, అడిటివ్ తయారీ, లేజ‌ర్‌, అల్ట్రాసోనిక్ యంత్రాలు ,రోబోటిక్‌లు, ప్రాసెస్ ఆటోమేష‌న్‌, ఖ‌చ్చిత‌మైన కొల‌తలు తీయ‌గ‌ల ప‌రిక‌రాలు, మెట్రాల‌జీ ప‌రిక‌రాలు, అధునాత‌న ఎల‌క్ట్రానిక్ తయారీ స‌దుపాయాలు, కాలిబ్రేష‌న్‌, ఎల‌క్ట్రానిక్ డిజైనింగ్ కు సంబంధించి అధునాత ఎల‌క్ట్రానిక్స్ తయారీ స‌దుపాయాలు క‌ల్పించ‌నున్న‌ట్టు చెప్పారు. ఎం.ఎస్.ఎం. ఇ మంత్రిత్వశాఖ డ‌వ‌ల‌ప్ మెంట్ కమిషనర్ ద్వారా టెక్నాలజీ సెంట‌ర్ సిస్ట‌మ్ కార్య‌క్ర‌మాన్ని అమలు చేస్తున్న‌ది. దీని కింద 15 టెక్నాలజీ సెంట‌ర్లు ఏర్పాటు చేయ‌డంతోపాటు ప్రస్తుతం ఉన్న 18 టెక్నాలజీ సెంట‌ర్ల స్థాయి పెంచ‌నున్నామన్నారు.
ఉత్తర ప్రదేశ్‌లో రూ.4300 కోట్ల విలువైన 11 రహదారి ప్రాజెక్టులకు కేంద్ర రహదారి రవాణా, జాతీయ రహదారులు, ఎంఎస్‌ఎంఈల శాఖ మంత్రి నితిన్ గడ్కరీ రేపు శంకుస్థాప‌న చేయనున్నారు. వర్చువల్ విధానంలో జ‌రిగే ఈ కార్య‌క్ర‌మానికి ముఖ్యమంత్రి యోగి ఆదిత్యనాథ్ అధ్యక్షత వహించనున్నారు. ఆర్‌టీహెచ్ శాఖ సహాయ మంత్రి జనరల్ (రిటైర్డ్) వి.కె. సింగ్, యూపీ ఉప ముఖ్యమంత్రి కేశవ్ ప్రసాద్ మౌర్యతో సహా ఆ రాష్ట్ర మంత్రులు, పలువురు ఎంపీలు, ఎమ్మెల్యేలు, లు కేంద్రం మరియు రాష్ట్ర ప్రభుత్వాల ఉన్న‌తాధికారులు ఈ కార్య‌క్ర‌మంలో పాల్గొన‌నున్నారు. ఈ రహదారుల మొత్తం నిడివి 363 కి.మీ. మేర ఉన్న.. ఈ రహదారుల నిర్మాణ వ్య‌యం రూ.4281 కోట్లు.. ఉత్త‌ర్ ప్రదేశ్ అభివృద్ధికి మార్గం సుగమం చేస్తూ.. ఈ రహదారులు రాష్ట్రంలో, చుట్టుపక్కల ప్రాంతాల‌తో మెరుగైన కనెక్టివిటీ, సౌలభ్యం కలగనున్నాయి. ఉత్తర ప్రదేశ్ రాష్ట్రం నుండి ప్రజలు, వస్తువుల రవాణా ఈ ప్రాజెక్టులతో మెరుగుప‌డుతుంది. మ‌రీ ముఖ్యంగా పొరుగు రాష్ట్రాలతో రవాణా గణనీయంగా మెరుగ‌వుతుందని భావిస్తున్నారు. ఈ నూతన రహదారుల వలన ఇందన పొదుపు కావడంతోపాటు, కాలుష్య కారకాల ఉద్గారాలు కూడా తగ్గుతాయి. ఈ ప్రాజెక్టులో చేప‌ట్టే ప‌నుల‌లో ఇరుకైన రోడ్ల‌ను విస్తార‌ప‌ర‌చ‌డంతో పాటు పట్టణాలను ఎన్‌-రూట్‌లో విడదీసి మెరుగైన రహదారి అనుభూతిని క‌లిగిస్తాయి...
భీమ్‌-యూపీఐ, రూపే, యూపీఐ క్యూఆర్‌ కోడ్‌ డిజిటల్ విధానాల్లో జరిపిన ఆర్థిక లావాదేవీలపై వినియోగదారుల నుంచి వసూలు చేసిన చార్జీలను తిరిగి వారికి చెల్లించాలని కేంద్ర ప్రత్యక్ష పన్నుల బోర్డు (సీబీడీటీ) బ్యాంకులను ఆదేశించింది. ఈ మేరకు ఈ ఏడాది జనవరి 1 నుంచి వసూలు చేసిన చార్జీలన్నీ తిరిగి ఇచ్చేయాల్సిందేనని ఆదివారం కేంద్రం సర్యులర్‌ జారీచేసింది. డిజిటిల్ లావాదేవీలను ప్రోత్సహిస్తున్న తరుణంలో ఈ తరహా చెల్లింపులపై భవిష్యత్తులో కూడా ఎలాంటి చార్జీలు వసూలు చేయరాదని కూడా తేల్చిచెప్పింది. డిజిటల్ ఆర్థిక లావాదేవీలను ప్రోత్సహించేందుకు కేంద్రం 2019లో ఫైనాన్స్‌ యాక్ట్‌-2019లో సెక్షన్ 269ఎస్‌యూను చేర్చింది. ఆ తరువాత భీమ్‌-యూపీఐ, రూపే- డెబిట్‌కార్డ్‌, యూపీఐ క్యూఆర్‌ కోడ్‌ లావాదేవీలను ఈ సెక్షన్ కింద నోటిఫై చేసింది. దాంతో ఈ మార్గాల్లో చేసే చెల్లింపులకు చార్జీలు వసూలు చేయరాదు. కానీ కొన్ని బ్యాంకులు చార్జీలు వసూలు చేస్తుండటంతో సీబీడీటీ తాజా సర్క్యులర్‌ను జారీచేసింది. ప్రత్యక్ష పన్నుల బోర్డు తీసుకున్న నిర్ణయంతో డిజిటల్ లావాదేవీలు మరింతగా పెరిగే అవకాశం మెరుగుపడనుంది. అంతేకాకుండా ప్రతీసారి బ్యాంకు వెళ్లి కడుతున్న హౌసింగ్, పర్శనల్ లోన్, వెహికల్ లోన్ తదితర అన్ని రకాల లోన్లను ఇక డిటిజల్ పేమెంట్లు చేసుకోవడానికి మార్గం సుగమం అవుతుందని ఆర్ధిక వేత్తలు అంచనా వేస్తున్నారు...అయితే సిబిడిటి ఆదేశాలు ఏ మేరకు ఫలిస్తాయో వేచి చూడాలి.
కోవిడ్ -19 పై పోరాటంలో భాగంగా భారత దేశం కీల‌క మైల‌రాయిని దాటింది. తొలిసారిగా ఒక్క రోజులోనే రికార్డు స్థాయిలో 10.5 లక్షల కోవిడ్ పరీక్షలు చేసిందని కేంద్ర వైద్యఆరోగ్యశాఖ ఆదివారం ప్రకటించింది. గ‌డ‌చిన 24 గంట‌ల‌లో దేశంలో 10,55,027 కోవిడ్ పరీక్షలు చేశారని, దేశం జాతీయ కోవిడ్ ప‌రీక్ష‌ల సామ‌ర్ధ్యాన్ని రోజుకు 10 ల‌క్ష‌ల‌కు మించి చేసేందుకు ప‌రీక్ష‌ల వ్యవస్థను తయారు చేసుకుందని పేర్కొంది. కోవిడ్ ప‌రీక్ష‌ల విష‌యంలో సాధించిన ఈ విజ‌యంతో మొత్తం దేశవ్యాప్తంగా నిర్వ‌హించిన కోవిడ్ ప‌రీక్ష‌ల సంఖ్య 4.14 కోట్లు (4,14,61,636) దాటింది. కోవిడ్ -19 కి సంబంధించి అంతర్జాతీయంగా నెల‌కొన్న ప‌రిస్థితుల‌ను దృష్టిలో ఉంచుకున‌ని , ప్రభుత్వం, ప‌రీక్షించు, గుర్తించు, చికిత్స అందించు విధానాన్ని అనుస‌రిస్తోంది. రాష్ట్రాలు, కేంద్ర పాలిత ప్రాంతాల స‌న్నిహిత స‌హ‌కారంతో దీనిని చేపడుతోంది. పెద్ద ఎత్తున కోవిడ్ పరీక్షలు నిర్వ‌హిస్తుండ‌డం వల్ల పాజిటివ్ కేసులు ప్రాథ‌మిక ద‌శ‌లోనే గుర్తించి సకాలంలో తగిన చికిత్స అందించ‌డానికి వీలు క‌లుగుతోంది. దీనితోపాటు స్వ‌ల్ప ల‌క్ష‌ణాలు ఉన్న వారిని ఇంటి వ‌ద్ద ఐసొలేష‌న‌ల్‌లో ఉంచ‌డానికి, తీవ్ర‌మైన కేసుల‌ను ఆస్ప‌త్రిలో ఉంచి చికిత్స అందించ‌డానికి వీలు క‌లుగుతోంది. పెద్ద ఎత్తున కోవిడ్ ప‌రీక్ష‌ల సామ‌ర్ధ్యం పెర‌గ‌డం, ప‌రీక్ష‌ల సంఖ్య పెర‌గ‌డంతో ప్ర‌తి ప‌దిల‌క్ష‌ల‌కు నిర్వ‌హించే ప‌రీక్ష‌ల సంఖ్య పెరిగింది. ప్రస్తుతం ఇది ఈరోజు 30,044 వ‌ద్ద ఉంది. ప్ర‌పంచ ఆరోగ్య సంస్థ , COVID-19 సందర్భంలో ప్రజారోగ్యం, సామాజిక కార్య‌క‌లాపాల‌ను సర్దుబాటు చేయడానికి ప్రజారోగ్య ప్రమాణాలు, పేరుతో విడుదల చేసిన సూచ‌న ప‌త్రం కోవిడ్ అనుమానిత కేసుల‌పై స‌మ‌గ్ర నిఘా ఉంచాలని సూచించింది. ప‌దిల‌క్ష‌ల జ‌నాభాకు రోజుకు 140 పరీక్షలు చేయాల‌ని డ‌బ్ల్యు.హెచ్‌.ఓ సూచించింది. అయితే అన్ని రాష్ట్రాలు , కేంద్ర పాలిత ప్రాంతాలూ ప్ర‌పంచ ఆరోగ్య సంస్థ సూచించిన స్థాయి ప‌రీక్ష‌ల సంఖ్య‌ను దాటేశాయన్న కేంద్రం ప‌లు రాష్ట్రాలు జాతీయ స‌గ‌టు కంటే త‌క్కువ పాజిటివిటీ రేటు క‌లిగి మంచి ప‌నితీరు క‌న‌బ‌రుస్తున్నాయని చెప్పంది...
ఓనం పండుగ భారత్ లోనే కాకుండా అంతర్జాతీయంగా గుర్తింపు తెచ్చుకుంటుందని భారత ప్రధాన నరేంద్రమోడి కొనియాడారు. ఆదివారం మన్ కీ బాత్ కార్యక్ర మంలో ఆయన ప్రముఖంగా ఓనం పండుగపై తన మనసులో భావాన్ని చెప్పారు. ఈ పండుగ చింగం నెల‌లో వ‌స్తుంద‌ని ఆయన అన్నారు. ఈ సందర్భంగా ప్రజలు కొత్త వ‌స్తువులు కొనుగోలు చేస్తార‌ని, తమ ఇళ్ల‌ను అందంగా అలంక‌రించుకుంటార‌ని పూక‌ల‌మ్ తయారు చేసుకుంటార‌ని, ఓన‌మం -సాదియ తో ఆనందిస్తార‌ని ఆయ న అన్నారు. ఒనం పండుగ ఇప్పుడు అంత‌ర్జాతీయ పండుగ‌గా మారుతున్న‌ద‌ని, ఓనం స్ఫూర్తి దూర ప్రాంతంలోని విదేశాల‌కు కూడా చేరింద‌ని ఆయన అన్నారు. ఓనం వ్య‌వ‌సాయంతో ముడిప‌డిన పండుగ అని, గ్రామీణ ఆర్థిక వ్య‌వ‌స్థ‌కు ఇది ఒక కొత్త ప్రారంభంగా ఉంటుంద‌న్న ప్రధాని రైతుల‌కు గ‌ల ఎలాంటి ప‌రిస్థితులనైనా ఎదుర్కొనే ధైర్య‌మే స‌మాజానికి జీవ‌నోపాధి క‌ల్పిస్తున్న‌ద‌ని చెప్పారు. కరోనా క‌ష్ట‌కాలంలోనూ రైతులు పంట సాగును పెంచార‌ని, అన్న‌దాత‌ను వేదాలు కూడా ప్ర‌స్తు తించాయ‌ని ఆయన ఈ సంద‌ర్బంగా గుర్తుచేశారు. రైతుల కృషికి శాల్యూట్ చేస్తున్నట్టు ప్రధానమంత్రి చెప్పడం ప్రాధాన్యతను సంతరించుకుంది...
షెడ్యూల్డ్ వాణిజ్య బ్యాంకులు, ఎన్‌బీఎఫ్‌సీల ఉన్నతాధికారులతో కేంద్ర ఆర్థిక మంత్రి నిర్మల సీతారామన్‌ సెప్టెంబరు 3వ తేదీన సమావేశం కానున్నారని పిఎంఓ తెలియజేసింది. బ్యాంకు అప్పుల్లో కొవిడ్‌ ఒత్తిడికి సంబంధించిన తీర్మాన విధానాల అమలుపై సమీక్షిస్తారని పేర్కొంది. సామర్థ్యం ఆధారంగా వ్యాపారాలు, గృహాలు కొత్త విధానాలు పొందేలా చూడడంతో పాటు బ్యాంక్ విధానాల ఖరారు, రుణగ్రహీతలను గుర్తించడం వంటి ముఖ్య కార్యక్రమాలు, సాఫీగా, వేగంగా అమలు చేయడా నికి అవసరమైన అంశాలపై సమీక్షలో చర్చిస్తారు. కోవిడ్ తీవ్రత తరువాత బ్యాంకు రుణాలపై కేంద్రం మారటోరియం ప్రకటించిన సంగతి తెలిసిందే. అయితే వచ్చే నెల నుంచి బ్యాంకులు యధావిధిగా లోన్లపై ఈఎంఐలు చెల్లింపులు మొదలు పెట్టాలంటూ వినియోగదారులకు చరవాణి సందేశాలను పంపిస్తున్నాయి. అయితే చాలా బ్యాంకుల్లో రుణాలు తీసుకున్నవారు మారటోరియం ప్రకటించినా వారి ఈఎంఐలు ఆపకుండా కట్టేస్తూ వస్తున్నారు. ఈ తరుణంలో దేశవ్యాప్తంగా బ్యాంకులు కేంద్రం ఆదేశాలు ఏవిధంగా పాటించాయి, తదితర అంశాలను ఈ సమావేశంలో చర్చించనున్నట్టు తెలుస్తోంది.
కరోనా వైరస్ బారిన పడి కోలుకుని డిశ్చార్జ్ అవుతున్నవారి సంఖ్య ఈ రోజుకి దేశంలో 27 లక్షలు దాటిందని కేంద్ర వైద్య ఆరోగ్యశాఖ ప్రకటించింది. కాగా ఇప్పటివరకూ కోవిడ్ నుంచి కోలుకున్నవారి సంఖ్య 27,13,933 కు చేరిందన్న కేంద్రం రాష్ట్రాలు, కేంద్రపాలిత ప్రాంతాలు సమర్థంగా వైద్య విధానాన్ని అమలు చేయటం వల్లనే ఇది సాధ్యమైందని పేర్కొంది. సకాలంలో నిఘా పెట్టటం ద్వారా బాధితులను గుర్తించి మెరుగైన మౌలిక సదుపాయాలతో వెంటనే చికిత్స అందించటం తగిన ఫలితాలు వస్తున్నాయంది. అంతేకాకుండా గడిచిన 24 గంటల్లో 64,935 మంది కరోనా బాధితులు కోలుకున్నారని, దీంతో కోలుకున్నవారి శాతం 76.61% గా మెరుగుదల నమో దై పరిస్థితి అదే పనిగా మెరుగవుతున్నట్టు ఈ గణాంకాలు చెబుతున్నాయని చెప్పింది.గత కొద్ది నెలలుగా కరోనా పాజిటివ్ లలో ఎక్కువమంది కోలుకుంటూ వస్తున్నారని ప్రస్తుతం చికిత్సలో ఉన్నవారొతో పోల్చుకున్నప్పుడు కోలుకున్నవారి సంఖ్య 3.55 రెట్లు ఎక్కువగా ఉంది. భారత్ లో మొత్తం 19.5 లక్షలమంది (19,48,631) ఇప్పటివరకు కోలుకున్నారని, ప్రస్తుతం ఇంకా చికిత్సలో ఉన్నవారి సంఖ్య 765302గా ఉందని చెప్పింది. కోలుకున్నవారు మూడున్నర రెట్లు అధి కంగా నమోదు అవున్నారని, ఈ విధంగా చికిత్సలో ఉన్నవారి సంఖ్య మొత్తం పాజిటివ్ కేసుల్లో తగ్గుతూ 21.60% గా నమోదయ్యారని పేర్కొంది. సకాలంలో బాధితు లకు చికిత్స అందిస్తూ, అవసరమనిపిస్తే ప్రత్యేక వైద్యం అందిస్తూ, మరణాల శాతాన్ని అదుపులో ఉంచటంలో కూడా రాష్ట్రాలు బాగా కృషి చేస్తున్నాయని అందు వలన మరణాలు క్రమంగా తగ్గుతూ రావడంతో మరణాలు రేటు 1.79% నమోదు అవుతుందన్నారు.
కేంద్ర ప్రభుత్వ ఉద్యోగులు సంస్థలకు ఇది నిజంగానే చేదు వార్త... 55 సంవత్సరాలకే కేంద్ర ప్రభుత్వ ఉద్యోగులకు తొలగించేందుకు బిజెపి ప్రభుత్వం చర్యలు ప్రా రంభించింది. 30ఏళ్ళ సర్వీసు లేదా 55 ఏళ్ళ వయస్సుపై బడిన వారందర్ని బలవంతంగా తొలగించాలని కేంద్రంలోని బిజెపి ప్రభుత్వం ఉత్తర్వులు జారీచేసింది. దీంతో లక్షలాది మంది కార్మికులు, ఉద్యోగులు బలవంతాన ఉద్యోగాల నుండి తొలగించబడతారు. 1972లో విడుదల చేయబడ్డ ఫండ్‌మెంటల్‌ రూల్స్ 56(జె),(ఐ) రూల్‌ 48 సిసిఎస్‌ (పెన్షన్‌) ఉత్తర్వులను అడ్డుపెట్టుకొని 55ఏళ్ళ పైబడిన వారిని లేదా 30ఏళ్ళ సర్వీసు పూర్తి చేసుకున్న వారిని తొలగింపుకు కేంద్ర ప్రభుత్వం పూను కుంది. మొత్తం కేంద్ర ప్రభుత్వ సంస్థలు, సర్వీసుల్లో ఉన్న వారిని తొలగించటమే ఈ ఉత్తర్వుల వెనుక ఉన్న కుట్ర వామ పక్షాలు కేంద్ర ప్రభుత్వాన్ని దుయ్యబ డుతున్నాయి.. ఇప్పటికే అన్ని ప్రభుత్వరంగ సంస్థలను అమ్మేయాలని నరేంద్ర మోడీ ప్రభుత్వం నిర్ణయించిందని, బొగ్గు, రక్షణరంగం, ఎయిర్‌పోర్టులు, ఇన్సు రెన్స్, బ్యాంకులు తదితర వాటిని ఆఘమేఘాల మీద అమ్మకానికి సిద్దమయ్యిందని ఆరోపించింది. ఆంధ్ర రాష్ట్రంలో తెలుగుదేశం, వైఎస్‌ఆర్‌ పార్టీలు ఈ ఉత్త ర్వుల పై స్పందించాలని డిమాండ్ చేస్తున్నట్టు సిపిఎం విశాఖ నగర కార్యదర్శి డా.బి గంగారామ్ డిమాండ్ చేశారు. అలాగే కార్మికలు, ఉద్యోగులందరూ ఈ చీకటి ఉత్తర్వులను తీ వ్రంగా ప్రతిఘటించాలన్నారు. ఈ ఉత్తర్వులను తక్షణం ఉపసంహరించుకోవాలని లేదంటే ప్రజా ఉద్యమం తప్పదని హెచ్చరిస్తోంది...
