ఈఎన్ఎస్ లైవ్ న్యూస్ యాప్ కి విలేకరులు కావలెను..

ఏపీ పరిపాలన రాజధాని కాబోతున్న విశాఖ కేంద్రంగా ఈఎన్ఎస్ నేషనల్ న్యూస్ ఏజెన్సీకి చెందిన ఈఎన్ఎస్ లైవ్ న్యూస్ యాప్ లో పనిచేయడానికి రెండు తెలుగు రాష్ట్రాల్లో స్టేట్ బ్యూరోలు, జిల్లా కోర్డినేటర్లు, నియోజకవర్గ ఇన్చార్జిలు, మండల విలేకరులు, మార్కెటింగ్ మేనేజర్లు, యాడ్ ఎగ్జిక్యూటివ్స్ అర్జెంటు గా కావలెను. డిగ్రీ చదివి వుండి, స్థానిక సమస్యలు, సామాజిక అంశాలపై వార్తలు రాసే అవగహాన ఉన్నవారు అర్హులు. గతంలో ఏదైనా మీడియాలో పనిచేసిన అనుభవం వున్నవారికి ప్రాధాన్యత వుంటుంది. అదేవిధంగా ప్రముఖ దేవస్థానాలు, పర్యాటక  ప్రాంతాల్లో పనిచేయడానికి కూడా విలేకరులు కావలెను. ప్రముఖుల దర్శనాలు, ఆలయాలు, టూరిజం అప్డేట్స్ తక్షణమే వార్తలుగా మలచగలిగేవారికి ప్రాధాన్యత వుంటుంది. తెలుగులో చక్కగా కంపోజింగ్ చేయడం రావడంతోపాటు, మొబైల్ ఫోన్ లోనే మంచి వీడియోలు తీయడం వచ్చి వుండాలి. అలాంటి వారికి కూడా మంచి అవకాశం పనికి తగ్గ వేతనం ఇవ్వబడును. మరిన్ని వివరాలకు 9490280270, 9390280270లో సంప్రదించగలరు...

శ్రీరామ బంటు ఆంజనేయస్వామి వారి దివ్య ఆశీస్సులతో మీరు చేసే ప్రతీ పని విజయవంతం కావాలని కోరుకుంటూ మీ అందరికీ శుభోదయం..!

ఫిబ్రవరిలోపు అంతర్వేదిలో స్వామివారి రథం..వెల్లంపల్లి

2021 ఫిబ్రవరిలో అంతర్వేది స్వామి వారి కల్యాణోత్సవాల ప్రారంభాని కంటే ముందుగా స్వామివారి రథాన్ని సిద్ధం చేయాల‌ని అధికారుల‌ను అదేశించిన్న‌ట్లు దేవా దాయ శాఖ మంత్రి వెలంప‌ల్లి శ్రీ‌నివాస‌రావు పేర్కొన్నారు. సోమవారం బ్రాహ్మ‌ణ వీధిలో దేవ‌దాయ శాఖ మంత్రి క్యాంపు కార్యాల‌యంలో దేవ‌దాయ శాఖ క‌మిష‌న‌ర్ పి.అర్జున‌రావు‌తో మంత్రి వెలంప‌ల్లి స‌మావేశం అయ్యారు.  ఈ సంద‌ర్భంగా మంత్రి మాట్లాడుతూ తూర్పుగోదావరి జిల్లా అంతర్వేది లక్ష్మీనరసింహస్వామి ఆలయం కొత్త రథం నిర్మాణానికి ఆకృతి సిద్ధమైందన్నారు. రథం నిర్మాణంపై చర్చించి ఆకృతిని తయారు చేయించారన్నారు. కొత్త రథాన్ని శిఖరంతో కలిపి 41 అడుగుల ఎత్తు వచ్చేలా ఆకృతి రూపొందించారన్నారు. ఆరు చక్రాలతో కూడిన రథం మొత్తాన్ని ఏడు అంతస్తుల్లా రూపొందిస్తున్నారు. కొత్త రథం నిర్మాణంతో పాటు.. ర‌థ‌శాల మరమ్మతులు నిమిత్తం రూ.95 లక్షలు ఖర్చవుతుందని దేవదాయశాఖ  ఆధ్వర్యంలో ప్రతిపాదనలు రూపొందించడం జ‌రిగింద‌న్నారు. స‌మావేశంలో దేవ‌దాయ శాఖ క‌మిష‌న‌ర్ పి.అర్జున‌రావు, ఎస్ఈ శ్రీ‌నివాస‌రావు ఉన్నారు.

శ్రీవారి ఆలయంలో కోయిల్‌ ఆళ్వార్‌ తిరుమంజనం..

తిరుమలలో శ్రీవారికి సెప్టెంబరు 19 నుంచి 27వ తేదీ వ‌ర‌కు వార్షి‌క బ్రహ్మోత్సవాలు, అక్టోబ‌రు 16 నుండి 24వ తేదీ వ‌ర‌కు నిర్వ‌హించే న‌వ‌రాత్రి  బ్రహ్మో త్సవాల ‌ను పురస్కరించుకుని సెప్టెంబరు 15వ తేదీ మంగళవారం ఆలయంలో కోయిల్‌ ఆళ్వార్‌ తిరుమంజనం నిర్వహించనున్నారు. సాధారణంగా సంవత్సరంలో నాలుగు సార్లు కోయిల్‌ ఆళ్వార్‌ తిరుమంజనాన్ని నిర్వహించడం ఆనవాయితీ. ఉగాది, ఆణివార ఆస్థానం, వార్షిక బ్రహ్మోత్సవం, వైకుంఠ ఏకాదశి పర్వదినాల ముందు మంగళవారం ఆలయ శుద్ధి కార్యక్రమాన్ని నిర్వహిస్తారు. ఉదయం సుప్రభాతంతో స్వామివారిని మేల్కొలిపి తోమాల, కొలువు, పంచాంగ శ్రవణం, శుధ్ధి నిర్వహించ నున్నారు. అనంతరం ఉదయం 6.00 నుండి 11.00 గంటల వరకు కోయిల్‌ ఆళ్వార్‌ తిరుమంజనం జరగనుంది. ఇందులో ఆలయ ప్రాంగణం, గోడలు, పైకప్పు, పూజాసామగ్రి తదితర వస్తువులను నీటితో శుద్ధి చేసిన అనంతరం నామకోపు, శ్రీచూర్ణం, గడ్డ కర్పూరం, సుగంధ ద్రవ్యాలు కలగలిపిన పవిత్ర పరిమళాన్ని ఆలయం అంతటా ప్రోక్షణం చేస్తారు. కోవిడ్ - 19 నిబంధ‌న‌ల మేర‌కు ఆల‌యంలో ఈ కార్య‌క్ర‌మాన్ని ఏకాంతంగా నిర్వ‌హించ‌నున్నారు.

సమస్తలోకాలకు అధిపతి,ఆ దేవదేవుడు త్రినేత్రధారి ఆ పరమ శివుని కరుణా కటాక్షాలు మీ పైవుంటూ మీరు చేసే ప్రతీ పని విజయవంతం కావాలని కోరుకుంటూ మీ అందరికీ శుభోదయం..!

వైఎస్సార్సీపీ ఎంపీలతో భేటీ కానున్న సీఎం వైఎస్ జగన్

పార్లమెంట్‌ సమావేశాల నేపథ్యంలో ముఖ్యమంత్రి వైఎస్‌ జగన్‌మోహన్‌రెడ్డి పార్టీ ఎంపీలతో సమావేశం కానున్నారు. సోమవారం ఉదయం వీడియో కాన్సరెన్స్‌ ద్వారా ఎంపీలతో భేటీ కానున్నారు. పార్లమెంట్‌ సమావేశాల్లో అనుసరించాల్సిన వ్యూహంపై చర్చించనున్నారు. రాష్ట్రానికి రావాల్సిన నిధులు, ప్రాజెక్ట్‌ల సాధనపై సీఎం జగన్‌ ఈ సమావేశంలో ఎంపీలకు దిశానిర్దేశం చేస్తారు. అలాగే ఆంధ్రప్రదేశ్‌ ప్రత్యేక హోదా అంశాన్ని పార్లమెంట్‌లో చర్చకు తీసుకురావాలని ఎంపీలకు సూచించనున్నారు. రాష్ట్రానికి రావాల్సిన జీఎస్టీ బకాయిలు, కేంద్ర ప్రయోజిత పథకాల నిధులతో పాటు ఏపీ జీవనాడి పోలవరం ప్రాజెక్ట్‌కు నిధుల సాధన అజెండాగా సమావేశం జరగనుందని తెలుస్తోంది. మరోవైపు కరోనా నేపథ్యంలో రాష్ట్రానికి కేంద్రం చేయాల్సిన సహాయంపై ఎంపీలతో చర్చించనున్నారు. అన్ని ఫార్మాట్ల అవకాశాలను పార్లమెంట్‌లో వినియోగించుకునేలా సీఎం జగన్‌ రేపటి సమావేశంలో ఎంపీలకు దిశానిర్దేశం చేయనున్నారు.  దీనిపై ఇప్పటికే నిర్వహించిన బీఏసీ సమావేశాంలో పార్టీ లోక్‌సభాపక్ష నేత మిథున్‌రెడ్డి ఏపీ డిమాండ్స్‌ను వినిపించారు. కరోనా నియంత్రణ చర్యలు, భారత్-చైనా సరిహద్దు వివాదాలు, రాష్ట్రాలకు రావాల్సిన జీఎస్టీ నిధుల వంటి అంశాలపై చర్చించాలని స్పీకర్‌ కోరినట్లు మిథున్‌రెడ్డి తెలిపారు.

గీతా పారాయ‌ణం కొనసాగించండి..శ్రీవారి భక్తులు

శ్రీ వేంక‌టేశ్వ‌ర భ‌క్తి ఛాన‌ల్ ప్ర‌త్య‌క్ష ప్రసారం చేస్తున్న సుంద‌ర‌కాండ, విరాట‌ప‌ర్వం, గీతాపారాయ‌ణం, వేద‌పారాయ‌ణం లాంటి కార్య‌క్ర‌మాలు చాలా బాగున్నాయ‌ని, వీటి కొన‌సాగింపుగా మ‌రిన్ని కార్య‌క్ర‌మాలు రూపొందించి ప్ర‌సారం చేయాల‌ని ప‌లువురు భ‌క్తులు కోరారు. ఈ కార్య‌క్ర‌మాలు భ‌క్తుల్లో ఆధ్యాత్మిక‌త చైత‌న్యం, సానుకూల దృక్ప‌థాన్ని పెంపొందించ‌డానికి ఎంతో ఉప‌యోగ‌ప‌డుతున్నాయ‌ని ప్ర‌శంసించారు. తిరుప‌తి టిటిడి ప‌రిపాల‌నా భ‌వ‌నంలోని స‌మావేశ మందిరంలో ఆదివారం డ‌య‌ల్ యువ‌ర్ ఈవో కార్య‌క్ర‌మం జ‌రిగింది. ఈ సంద‌ర్భంగా భక్తులు అడిగిన ప్రశ్నలకు ఈవో శ్రీ అనిల్‌కుమార్ సింఘాల్ సమాధానాలు ఇచ్చారు. ఈ కార్య‌క్ర‌మంలో టిటిడి అద‌న‌పు ఈవో  ఎవి.ధ‌ర్మారెడ్డి, జెఈవో పి.బ‌సంత్‌కుమార్‌, జెఈవో(విద్య మ‌రియు ఆరోగ్యం)  ఎస్‌.భార్గ‌వి, సివిఎస్వో  గోపినాథ్ జెట్టి, చీఫ్ ఇంజినీర్  ర‌మేష్‌రెడ్డి, ఎస్ఇలు  నాగేశ్వ‌ర‌రావు,  వేంక‌టేశ్వ‌ర్లు, హెచ్‌డిపిపి కార్య‌ద‌ర్శి ఆచార్య రాజ‌గోపాల‌న్‌, ఎస్వీబీసీ సీఈవో  సురేష్ కుమార్ త‌దిత‌రులు పాల్గొన్నారు.

నేచురల్ గ్యాస్‌కి ఎల్పీజీకి మధ్య తేడా తెలియదా లోకేశం..

వైఎస్సార్సీపీ రాజ్యసభ సభ్యుడు వి.విజయసాయిరెడ్డి టీడీపీ నాయుకుడు నారా లోకేష్‌ బాబుపై ట్విట్టర్ వేధికగా విమర్శనాస్త్రాలు సంధించారు. ఎల్పీజీ విషయంలో లోకేష్‌ చేస్తున్న దుష్ప్రచారంపై ఘాటుగా స్పందించారు. ఆదివారం ఆయన ట్విటర్‌ వేదికగా ‘‘  లోకేశం.. నేచురల్ గ్యాస్‌కి ఎల్పీజీకి మధ్య తేడా కూడా తెలియదా?.. నేచరుల్ గ్యాస్ వ్యాట్‌లో మార్పులు జరిగితే ఎల్పీజీపై అని దుష్ప్రచారం చేయిస్తావా?.. అసలు ఎల్పీజీపై ట్యాక్స్ రాష్ట్రం పరిధిలోకి వస్తుందా?.. ఇంత అజ్ఞానం పెట్టుకొని మళ్లీ ఎడిటోరియల్స్ రాస్తున్నట్లు బిల్డప్. లోకం నవ్వుతుంది పప్పు’’ అంటూ ఎద్దేవా చేశారు. అంతకు క్రితం ట్వీట్‌లో.. ’’ చంద్రం..మళ్లీ దళిత రాజకీయం మొదలుపెట్టావా?.. సీఎం వైఎస్‌ జగన్ శ్రీకారం చుట్టిన''‘వైఎస్సార్‌ ఆసరా' నుండి ప్రజల దృష్టి మరల్చడమే మీ కుతంత్రం కదా?.. కానీ మీ కుట్ర విఫలం. ‘వైఎస్సార్‌ ఆసరా' సఫలం. మళ్లీ వినండి.. మాట నిలబెట్టుకొని తొలి విడతలో రూ.6,792 కోట్లు అక్కచెల్లమ్మల ఖాతాలో జమ చేశారు ముఖ్యమంత్రి జగన్’’ అని పేర్కొన్నారు. కరోనా పుణ్యమాని అధికారపార్టీ నేతల మాటలన్నీ సోషల్ మీడియా వేదికగానే అధికంగా సాగుతుండటంపైనా నెటిజన్లు బాగా స్పందిస్తున్నారు...ఒక్కముక్కలోనే మనులో మాట బయటపెడుతున్నారంటూ రిప్లై ఇస్తున్నారు..

కోరిన కోర్కెలు తీర్చే కల్పవల్లి, భక్తులను బ్రోచే చల్లనితల్లి శ్రీశ్రీశ్రీ అన్నవరం నూకాలమ్మతల్లి కరుణా కటాక్షాలతో మీరు తలపెట్టే పనులన్నీ విజయవంతం కావాలని ప్రార్థిస్తూ పాఠకులందరికీ శుభోదయం..!

స‌ర్వ‌ద‌ర్శ‌నానికే టిటిడి అధిక ప్రాధాన్య‌త‌..

తిరుమలలో శ్రీవారి భ‌క్తుల‌కు సామాన్య ద‌ర్శ‌నం చేయించ‌డానికే అధిక ప్రాధాన్య‌త ఇస్తున్నామ‌ని టిటిడి తెలియ‌జేస్తోంది. తిరుప‌తిలో కోవిడ్ వ్యాప్తి అదుపులోకి వ‌చ్చి ప‌రిస్థితులు మెరుగుప‌డ్డాక స‌ర్వ‌ద‌ర్శ‌నం టోకెన్ల‌ జారీని పున‌రుద్ధ‌రిస్తామ‌ని వెల్ల‌డించింది. తిరుప‌తిలోని కౌంట‌ర్ల ద్వారా రోజుకు 3 వేల స‌ర్వ‌ద‌ర్శ‌నం టోకెన్లు ఇవ్వ‌డానికి టిటిడి అన్ని ఏర్పాట్లు చేసింది. తిరుప‌తిలో కోవిడ్ వ్యాప్తి ఎక్కువ‌గా ఉన్నందువ‌ల్ల మొద‌టిసారి టోకెన్ల జారీని నిలిపివేయ‌డం జ‌రిగింది. ఇప్పుడు పెర‌టాసి మాసం ర‌ద్దీ దృష్ట్యా టికెట్ల జారీని తాత్కాలికంగా నిలుపుద‌ల చేసింది. తిరుప‌తిలో రోజుకు 3 వేల స‌ర్వ‌ద‌ర్శ‌నం టోకెన్లు ఇచ్చే ఏర్పాట్లు చేయ‌గా, త‌మిళ ‌నాడు నుంచి 10 వేల నుండి 12 వేల మంది భ‌క్తులు క్యూలైన్ల ద‌గ్గ‌ర‌కు వ‌చ్చి తిరుప‌తిలో కోవిడ్ వ్యాప్తి పెరిగిపోయే ప్ర‌మాద‌ముంద‌ని కొంద‌రు ప్ర‌జాప్ర‌తినిధులు, స్థానికులు ఆందోళ‌న వ్య‌క్తం చేయ‌డంతో స‌ర్వ‌ద‌ర్శ‌నం టోకెన్లు తాత్కాలికంగా నిలిపివేయాల్సి వ‌చ్చింది. అయితే ర‌ద్దు చేసిన 3 వేల స‌ర్వ‌ద‌ర్శనం టోకెన్ల‌ కోటాను ప్ర‌త్యేక ప్ర‌వేశ ద‌ర్శ‌నానికి కేటాయించ‌డం జ‌రిగింది. అంతేగానీ, సామాన్య భ‌క్తుల‌పై టిటిడికి ఎలాంటి ఇత‌ర ఆలోచ‌నా లేదు. ప్ర‌త్యేక ప్ర‌వేశ ద‌ర్శ‌నం టికెట్లు తీసుకున్నవారికి కూడా స‌ర్వ‌ద‌ర్శ‌న‌మే జ‌రుగుతోంది కానీ మ‌రొక‌టి కాదు. భ‌క్తులు ఈ విష‌యాన్ని గుర్తించాల‌ని టిటిడి విజ్ఞ‌ప్తి చేస్తోంది.

శ్రీ‌రామ నామ ‌స్మ‌ర‌ణ‌తో పులకించిన తిరుమలగిరులు‌..

ప్ర‌పంచంలోని ప్ర‌జ‌లంతా ఆయురారోగ్యా‌ల‌తో ఉండాల‌ని శ్రీ‌వారిని ప్రార్థిస్తూ తిరుమ‌ల‌ నాద‌నీరాజ‌నం వేదిక‌పై శ‌ని‌‌వారం ఉద‌యం జరిగిన సుందరకాండలోని  12వ సర్గ నుంచి 14వ సర్గ వరకు ఉన్న 146 శ్లోకాలను దాదాపు 200 మంది వేద పండితులు అఖండ పారాయ‌ణం, శ్రీ‌రామ నామ స్మ‌ర‌ణ‌తో  తిరుమ‌లగిరులు పుల‌కిం చాయి. ఈ సంద‌ర్భంగా రాష్ట్రీయ సంస్కృత విశ్వ‌విద్యాల‌యం ఉప కుల‌ప‌తి ఆచార్య ముర‌ళిధ‌ర్ శ‌ర్మ‌ మాట్లాడుతూ వాల్మీకి మ‌హ‌ర్షి ర‌చించిన రామ‌య‌ణంలోని సుంద‌ర‌కాండ పారాయ‌ణాన్నిటిటిడి అద్భుతంగా, ప్ర‌తిష్టాత్మ‌కంగా నిర్వ‌హిస్తు‌న్న‌ట్లు తెలిపారు. ప్ర‌తి రోజు ఎస్వీబీసీ ప్ర‌త్య‌క్ష ప్ర‌సారంలో కోట్లాది మంది ప్ర‌జ‌లు ఈ కార్య‌క్ర‌మాన్ని వీక్షించి పాల్గొంటున్న‌ట్లు తెలిపారు. శ్రీ‌వారి అనుగ్ర‌హం వ‌ల‌న త్వ‌ర‌లో క‌రోనా వైర‌స్ న‌శించి ప్ర‌జ‌లంతా సుఖ సంతోషాల‌తో ఉండాల‌న్నారు. సుందరకాండ పారాయణం కార్యక్రమం నిర్వహిస్తున్న తిరుమ‌ల‌ ధ‌ర్మ‌గిరి వేద విజ్ఞానపీఠం ప్రిన్సిపాల్  కుప్పా శివ‌సుబ్ర‌మ‌ణ్య అవధాని మాట్లాడుతూ ‌ప్ర‌పంచ ప్ర‌జ‌ల యోగ‌ క్షేమం కొర‌కు టిటిడి 156 రోజులుగా శ్రీ‌వారి అనుగ్ర‌హంతో మంత్ర పారాయ‌ణ కార్య‌క్ర‌మం నిర్వ‌హ‌స్తున్న‌ట్లు తెలిపారు. సుంద‌ర‌కాండ పారాయ‌ణంలో 94వ రోజైన శ‌నివారం 12వ సర్గ నుంచి 14వ సర్గ వరకు ఉన్న 146 శ్లోకాలను  4వ విడ‌త అఖండ పారాయ‌ణం నిర్వ‌హించామ‌న్నారు. అఖండ పారాయ‌ణంలో భాగంగా జూలై 7 నమొద‌టి ప‌ర్యాయం ప్ర‌థ‌మ‌స‌ర్గ‌లోని 211 శ్లోకాల‌ను, ఆగష్టు 6 న 2వ ప‌ర్యాయం ద్వితీయ సర్గ నుంచి సప్తమ సర్గ వరకు ఉన్న మొత్తం 227 శ్లోకాలను, ఆగస్టు 27 న 3వ ప‌ర్యాయం అష్ట‌మ‌ సర్గ నుంచి ఏకాద‌శః సర్గ వరకు ఉన్న మొత్తం 182 శ్లోకాలను పారాయ‌ణం చేసిన‌ట్లు తెలిపారు. కాగా టిటిడి ఎస్వీ సంగీత నృత్య క‌ళాశాల అధ్యాప‌కులు శ్రీ‌మ‌తి వంద‌న బృందం ప్రసిద్ధ త్యాగరాజ పంచరత్న కృతులు " జగదానందకారక.... జ‌య జ‌నాకి ప్రాణ‌ నాయక......"   అనే సంకీర్త‌న‌తో కార్య‌క్ర‌మం ప్రారంభ‌మైంది. అన్న‌మాచార్య ప్రాజెక్టు క‌ళాకారులు శ్రీ బి.ర‌ఘునాథ్ బృందం అందించిన హనుమాన్ భజన్‌తో కార్య‌క్ర‌మం ముగిసింది. అఖండ పారాయ‌ణంలోని 12వ సర్గ నుంచి 14వ సర్గ వరకు ఉన్న 146 శ్లోకాలను శ్రీ కుప్పా శివ‌సుబ్ర‌మ‌ణ్య అవధానితో క‌లిసి శ్రీ ప‌వ‌న్‌కుమార్ శ‌ర్మ‌, శ్రీ శేషాచార్యులు పారాయ‌ణం చేశారు. ఈ పారాయ‌ణంలో ధ‌ర్మ‌గిరి వేద పాఠ‌శాల, ఎస్వీ వేద విశ్వ‌విద్యాల‌యం అధ్యాప‌కులు, ఎస్వీ ఉన్న‌త వేద అధ్యాయ‌న సంస్థకు చెందిన వేద పారాయ‌ణ దారులు, రాష్ట్రీయ‌ సంస్కృత విశ్వ‌విద్యాల‌యంకు చెందిన శాస్త్రీయ పండితులు పాల్గొన్నా‌రు.  ఈ కార్య‌క్ర‌మంలో అద‌న‌పు ఈవో  ఏ.వి.ధ‌ర్మారెడ్డి‌, వైఖాన‌స ఆగ‌మ స‌ల‌హాదారు  మోహ‌న రంగ‌చార్యులు, ఎస్వీబీసీ సిఈవో  సురేష్ కుమార్‌,  శ్రీ‌వారి ఆల‌య ఒఎస్డీ  పాల శేషాద్రి, ఎస్వీ వేద ఉన్న‌త వేద అధ్యాయ‌న‌ సంస్థ ప్ర‌త్యేకాధికారి విభీష‌ణ శ‌ర్మ  పాల్గొన్నారు.

కలియుగ ప్రత్యక్ష దైవం తిరుమల శ్రీ వేంకటేశ్వర స్వామి ఆశీసుస్సులతో మీరు తలపెట్టే అన్ని పనులు విజయవంతం కావాలని కోరుకుంటూ ఈఎన్ఎస్ పాఠకులందరకీ శుభోదయం..!

అక్టోబర్ 27 పైడితల్లమ్మ సిరిమాను ఉత్సవం..

ఉత్తరాంధ్రా ప్రజల కల్పవల్లి, కోరిన కోర్కెలు తీర్చే చల్లని తల్లి శ్రీశ్రీశ్రీ పైడి తల్లి అమ్మవారి జాతర తేదీలు  అధికారులు ప్రకటిం చారు. ఈ మేరకు  అక్టోబర్ 2న మండల దీక్షలు ప్రారంభం మరియు పందిరి రాట వేస్తారు,  అక్టోబర్ 22 న అర్ధ మండల దీక్షలు ప్రారంభం అవుతాయి, అక్టోబర్ 26 న అమ్మవారి తోలేళ్ల ఉత్సవం నిర్వహిస్తారు, 27న అమ్మవారి ఉత్సవంలో ప్రధాన ఘట్టం సిరిమనోత్సవం జరుగుతుంది, నవంబర్ 3న తెప్పోత్సవం, నవంబర్ 10 న ఉయ్యాల కాంబల ఉత్సవం, నవంబరు11 న చండీహోమం నిర్వహించిన తరువాత అమ్మవారి ఉత్సవాలు ముగుస్తాయి. అయితే ఈ ఏడాది కోవిడ్ 19 ను ద్రుష్టిలో ఉంచుకొని దేవాదాయ శాఖ అధికారులు ఏర్పాట్లు చేస్తున్నారు. కరోనా కేసులు అధికంగా వున్న సమయంలో ప్రజలు అమ్మవారి ఉత్సవంలో కూడా నిబంధనలు పాటించాలని సూచిస్తున్నారు. ఈమేరకు మరోసారి జిల్లా అధికారులు నిబంధనలు ప్రకటించే అవకాశాలు కనిపిస్తున్నాయి...

అక్కాచెల్లెళ్ల అభ్యున్నతికి కట్టుబడి ఉన్నాం..సీఎం జగన్

రాష్ట్రంలో అక్కాచెల్లెళ్ల  అభ్యున్నతికి కట్టుబడి ఉన్నామని ముఖ్యమంత్రి వైఎస్‌ జగన్‌మోహన్‌రెడ్డి స్పష్టంచేశారు. శుక్రవారం తన క్యాంపు కార్యాలయంలో ‘వైఎస్సార్‌ ఆసరా’ పథకాన్ని లాంఛనంగా ప్రారంభించారు. ఈ సందర్భంగా సీఎం వైఎస్ జగన్  మాట్లాడుతూ ఎన్నికల నాటికి ఉన్న రుణాలన్నీ చెల్లిస్తామని హామీ ఇచ్చామని, ఇచ్చిన మాట నిలబెట్టుకుంటూ ఈ పథకాన్ని ప్రారంభించామని అన్నారు. 87 లక్షల మంది మహిళలకు రూ.27వేల కోట్ల రుణాలున్నాయన్న సీఎం నాలుగు విడతల్లో ‘వైఎస్సార్‌ ఆసరా’ పథకం  ద్వారా వాటిని చెల్లిస్తున్నామని చెప్పారు. తొలివిడతలో రూ.6,792.20 కోట్లు జమ చేస్తున్నామని చెప్పారు. పీఅండ్‌జీ, హెచ్‌యూ ఎల్‌ లాంటి మల్టీనేషనల్‌ కంపెనీల ద్వారా మహిళలకు చేయూతనిస్తామని, పసిపిల్లల నుంచి ముసలవ్వల వరకూ సంక్షేమ పథకాలు అమలు చేస్తామని వివరిం చారు. తల్లి, బిడ్డలకు పౌష్టికాహారం అందించేలా వైఎస్‌ఆర్‌ సంపూర్ణ పోషణ ప్లస్‌, ఆరేళ్ల పిల్లల నుంచి ఇంటర్‌ విద్యార్థుల చదువుల కోసం అమ్మఒడి అమలు చేస్తున్నామని, అమ్మఒడి ద్వారా 82 లక్షల మంది విద్యార్థులకు లబ్ధి కలుగుతుందని చెప్పారు.  30 లక్షల మంది అక్కాచెల్లెమ్మలకు ఇళ్లపట్టాలు ఇచ్చేందుకు సిద్ధంగా ఉన్నామని సీఎం వైఎస్‌ జగన్‌ చెబుతూనే... కొంతమంది కావాలనే ఇళ్ల పట్టాల కార్యక్రమాన్ని అడ్డుకుంటున్నారని అయినప్పటికీ త్వరలోనే ఇళ్ల పట్టాలు పంపిణీ చేస్తామని ఆయన భరోసా ఇచ్చారు. మహిళల రక్షణ కోసం దిశ చట్టాన్ని తీసుకొచ్చామని, మద్యాన్ని నియంత్రించేందుకు 43వేల బెల్ట్‌షాపులు తొలగించామని పేర్కొన్నారు. 4,380 పర్మిట్‌ రూమ్‌లను రద్దు చేశాం. 33శాతం మద్యం షాపులు తగ్గించామని వెల్లడించారు సీఎం జగన్‌ తెలిపారు.

అన్ని పనులకు కేరాఫ్ గ్రామ సచివాలయాలే..

గ్రామ, వార్డు సచివాలయాల ద్వారానే ప్రజలకు పూర్తిస్థాయిలో ప్రజలకు సౌకర్యాలు అందించాలని ప్రభుత్వం సేవలన్నీ వీటికిందకు తీసుకొస్తుంది. మీసేవాల్లో అందించే సేవలకేంటే అధికంగా ఇక్కడ ప్రజలకు అందించడం ద్వారా ఎవరూ మండల కేంద్రానికి వెళ్లే పనిలేకుండా చేయాలన్నది ప్రభుత్వ లక్ష్యం ఈమేరకు అన్ని గ్రామవార్డు, సచివాలయాల్లో నవంబరు నాటికి అన్ని ఖాళీలను భర్తీ చేయడంతోపాటు సేవలన్నీ ఒకే గొడుగు కిందికి తీసుకు వచ్చి ప్రజలకు అన్ని సేవలు ఒకే చోట అందించాలని ప్రభుత్వం చూస్తుంది. ఇందులో భాగంగానే రెవిన్యూ సేవలతోపాటు, ట్రాన్స్ పోర్టు సేవలను కూడా ప్రభుత్వం గ్రామసచివాలయాకు అందజేసింది. మరికొద్ది రోజుల్లోనే ఆరోగ్యసేవలు విలేజ్ క్లినిక్ ల ద్వారా అందించడానికి అన్ని ఏర్పాట్లు చేసింది. వ్యవసాయ సేవలకోసం రైతు భరోసా కేంద్రాలను ఏర్పాటు చేసిన ప్రభుత్వం పూర్తిగా అక్కడి నుంచే గ్రామస్థాయిలోనే సేవలను మరింతగా రైతులకు చేరువ చేయాలని యోచిస్తోంది. ఏ పనికావాలన్నా ప్రజలు సచివాలయాన్నే సంప్రదించాలనే విధంగా ప్రభుత్వం చాలా పెద్ద ప్రణాళికతోనే ముందుకు వెళుతుంది. అయితే ప్రస్తుతం వున్న డిజిటిల్ అసిస్టెంట్లతో ఇన్ని సేవలు ఎలా అందిస్తారన్నది ప్రశ్నార్ధకంగా మారినప్పటికీ, సచివాలయ సిబ్బంది మొత్తాన్ని కార్యాలయాల్లోనే వుంచి సంబంధిత పనులను శాఖల వారీగా చేయించాలని ప్రభుత్వం కార్యాచరణ సిద్ధం చేసింది. ప్రస్తుతం సాధారణంగా నడుస్తున్న సచివాలయాలు పూర్తిస్థాయి ప్రభుత్వ కార్యాలయాలుగా త్వరలోనే మారబోతున్నాయి.