ఏ ప్రభుత్వశాఖకైనా సదరుశాఖ ముఖ్యకార్యదర్శి, ఒక కమిషనర్, ఒక డైరెక్టర్, జిల్లాశాఖల అధికారులు ఉంటారు. కానీ సచివాలయశాఖలో 20శాఖల ఉద్యోగులు  పనిచేయడంతో కలగూరగంపలా ఉన్న ఈశాఖ నిర్వహణ చేపట్టేందుకు ఒకసారి ముఖ్యకార్యదర్శి, మరోసారి డైరెక్టర్ లు తెరపైకి వస్తున్నారు. ఇంతమంది వచ్చి పరిపాలనను సాగిస్తున్నా..ఉద్యోగుల సంక్షేమం, వారి భవిష్యత్తును నిర్ణయించి సర్వీసు రూల్సు, ప్రమోషన్ ఛానల్, జాబ్ చార్ట్ ను పూర్తిస్థాయిలో అమలు చేసే 

గ్రామ, వార్డు సచివాలయశాఖ ఉద్యోగుల పనితీరును గుర్తించేందుకు ఫెర్మార్మెన్స్ ఇండికేటర్లును ఏర్పాటు చేస్తామని ప్రకటించిన ప్రభుత్వం..నేటికీ ఉద్యోగుల  పనితీరును పూర్తిస్థాయిలో గాడిలో పెట్టే అధికారాలు కనీసం ఎంపీడీఓలకు కూడా ఇవ్వలేదు. ఒకరకంగా చెప్పాలంటే సచివాలయాల్లో గ్రేడ్-5 సచివాలయ కార్యదర్శిలకు పనిలేదు.. అధికారాలూలేవు.. వీరిని అసలు ఏ తరహా విధులకు వినియోగిస్తారో కూడా తెలియని పరిస్థితి నెలకొంది. వీరేం చేస్తున్నారో కనీసం జిల్లాల కలెక్టర్లు కూడా దృష్టి సారించడం లేదు. ఇలాంటి తరుణంలో ప్రభుత్వం కొత్తగా ప్రవేశపెట్టి ఫెర్మార్మెన్స్ ఇండికేటర్ల వలన ఉపయోగం ఏముంటుందో ప్రభుత్వానికే తెలియాలి. ఆది నుంచి ప్రభుత్వం ఇచ్చిన జాబ్ చార్టు ప్రకారం ఉద్యోగులతో పనిచేయిస్తే నేడు ఫెర్మార్మెన్స్ ఇండికేటర్లు తీసుకొచ్చే పనిలేకుండా ఉండేది. ఆ పనిచేయకుండా సచివాలయ ఉద్యోగుల విషయంలో రోజు కొత్త విధానాలను తెరపైకి తీసుకు వస్తున్న ప్రభుత్వం..వారి ఉద్యోగాలు, సర్వీసు రూల్సు, పదోన్నతుల విషయంలో.. ఆ ఒక్కటీ అడక్కు అన్నట్టుగా వ్యవహరిస్తున్నది. అటు ప్రతీసారి ప్రభుత్వం దగ్గరకి వినతి పత్రాలు పట్టుకొని తిరుగుతూ..అవకాశం వచ్చినపుడల్లా మీడియాలో పబ్లిసిటీ చేయించుకునే ఉద్యోగ సంఘాల నాయకులు సైతం ఉద్యోగుల ప్రమోషన్ ఛానల్, గ్రేడ్-5 కార్యదర్శిలకు అధికారాల బదలాయింపులు చేయని విషయాన్ని ప్రభుత్వం దృష్టికి తీసుకెళ్లడం లేదనే ఆరోపణలున్నాయి. ప్రభుత్వం ఈ ఫెర్మార్మెన్స్ ఇండికేటర్లను ఆదిలోనే తీసుకొచ్చి ఉంటే ఈపాటికి గ్రామ, వార్డు సచివాలయాల్లో ఉద్యోగుల పనితీరు పూర్తిస్థాయిలో మెరుగుపడి ప్రజలకు మరింతగా సేవలు అందేవనే వాదన కూడా బలంగా వినపడుతోంది. ఏదిఏమైనా ప్రభుత్వం కొత్త ప్రభుత్వశాఖ ఏర్పాటు చేసినపుడు.. ఇతర ప్రభుత్వశాఖల ఉద్యోగుల మాదిరిగా ఈ శాఖలో కూడా విధానపరమైన అంశాలన్నీ అమలు చేసి ఉంటే ఈ ఇబ్బందులు వచ్చేవి కాదు. చూడాలి ఇకపైనా అన్ని చర్యల తోపాటు సర్వీసు రూల్సు, ప్రమోషన్ ఛానల్, ఈ శాఖకు చట్టబద్దత, ఈ శాఖ ద్వారా ఆదాయాన్ని మెరుగుపరిచే విధానాలను అమలుచేస్తుందా లేదా అనేది..!

విరాళం అందించారు. ఈ మేర‌కు విరాళం డిడిని తిరుమలలోని కార్యాలయంలో ఈఓ  ఎవి.ధర్మారెడ్డికి అంద‌జేశారు. ఈ సంస్థ ఇదివరకే టిటిడికి రూ.20 లక్షలు 

కొత్తగా 4 డీపీఆర్వోలు, మరికొన్ని ఏపీఆర్వో పోస్టులకు నోటిఫికేషన్లు ఇచ్చి పరీక్షలు ఏర్పాటు చేసినా వాటికి ఇంకా అతీగతీ లేదు. మార్చి, ఏప్రిల్ తరువాత ప్రభుత్వం పెంచిన రెండేళ్ల కాలపరిమితి దగ్గర పడుతుంది. ఈ లోగా ఔట్ సోర్సింగ్ పద్దతిలోనైనా సమాచారశాఖలో సిబ్బంది ప్రభుత్వం నియమించాల్సి వుంటుంది. లేదంటే ఉన్నవారంతా ఉద్యోగవిరమణ పొంది ఈశాఖ మొత్తం ఖాళీ అయిపోయే పరిస్థితి ఏర్పడుతుంది. ఇప్పటికే కొత్త జిల్లా్ల్లో నియమించిన డీపీఆర్వోలకు సహాయకులుగా ఎవరినీ నియమించకపోవడంతో భారం మొత్తం డిపీఆర్వోలపైనే పడుతున్నది. ఫోటోలు, వీడియోలు, ప్రెస్ నోట్ ప్రిపరేషన్, దానిని మీడియా సంస్థలకు పంపే బాధ్యతలన్నీ ఒక్క డీపీఆర్వోలే చేసుకోవాల్సి వస్తున్నది. తమ ఇబ్బందులను, సాంకేతిక సమస్యలను రాష్ట్ర కమిషనరేట్ కి విన్నవించినా వినే నాధుడే కరువయ్యాడు. ఏదో కష్టపడి ఉన్న అరకొర సిబ్బందితోనే కొత్త జిల్లాల్లోని డీపీఆర్వోలు మీడియా మేనేజ్ మెంట్ చేసుకుంటూ వస్తున్నారు. వీరికి ప్రభుత్వం పెంచిన రెండేళ్ల ఉద్యోగ విరమణ పరిమితి పూర్తయితే మాత్రం సమాచారశాఖ తీవ్ర సిబ్బంది కొరతను ఎదుర్కోవడం ఖాయంగా కనిపిస్తున్నది. వాస్తవానికి ఒక్కో జిల్లాకు ఒక డీపీఆర్వో, ఒక ఏపీఆర్వో, ఒక ఫోటో గ్రాఫర్, ఒక వీడియో గ్రాఫర్, ఒక టెక్నిల్ అసిస్టెంట్లను నియమిస్తే తప్పా ప్రభుత్వ కార్యక్రమాలు సకాలంలో మీడియాకి అందించే ఏర్పాటు జరగదు. అలాంటిది అన్ని పనులు ఒక్క డీపీఆర్వోనే చేసుకోవడం అంటే పరిస్థితి ఎంత దారుణంగా ఉంటుందో అర్ధం చేసుకోవచ్చు..

ప్రస్తుతం ప్రభుత్వం ఉద్యోగుల విరమణ వయస్సు మరో ఏడాది పెంచాలని యోచిస్తున్నతరుణంలో సమాచారశాఖ ఉద్యోగులు, అధికారుల్లో ఆందోళన మొదలైం ది. ఇప్పటి కే వయస్సు మీదపడి, సిబ్బంది లేక అన్నీ పనులు ఒక్కరొక్కరే చేసుకోవాల్సి వుస్తున్నదని, ప్రస్తుతం జరుగుతున్న 63 ఏళ్ల పెంపు నిజమైతే మాత్రం పని ఒత్తిడితోనే సర్వీసులో ఉండగానే చాలా మంది తనువు చాలించినా ఆశ్చర్యపోవాల్సిన పనిలేదని కొందరు అధికారులు, సిబ్బంది ఈఎన్ఎస్ ముందు వాపోయారు. తమకు అదనపు సిబ్బంది కావాలని అడిగినా చూద్దాం, చేద్దం అంటున్నారే తప్పా కార్యాచరణ మాత్రం జరగలేదని చెబుతున్నారు. గతంలో ప్రభుత్వం నియమించిన ఆ ఔట్ సోర్సింగ్ సిబ్బంది కూడా లేకపోతే తమ పరిస్థితి కుక్కలు చింపిన విస్తరి మాదిరి అయిపోయి ఉండేదని ఆవేదన చెందుతున్నారు. మరికొందరు..వయస్సు పెంచినా, పెంచపోయినా 62 ఏళ్ల తరువాత స్వచ్చందంగా నైనా రాజీనామాలు చేస్తామని చెప్పడం విశేషం. ఒక జిల్లాశాఖ కార్యాలయంలో నలుగురు సిబ్బంది చేసే పనిని ఒక్క డిపీఆర్వో చేయడం అంటే ఆ నరకం మామూలుగా ఉండదు. ఉద్యోగుల విరమణకు సమయం దగ్గర పడుతున్నవేళ సమాచార పౌర సంబంధాల శాఖ విషయంలో ప్రభుత్వం ఎలాంటి నిర్ణయం తీసుకొని సిబ్బందిని భర్తీ చేస్తుందనేది అంతుచిక్కకుండా ఉన్నది..చూడాలి ఏం జరుగుతుందనేది..!

మాడ వీధుల్లో భద్రతా ఏర్పాట్లను పరిశీలించిన సివిఎస్వో, ఎస్పీ

రథసప్తమి సందర్భంగా శ్రీవారి ఆలయ మాడవీధుల్లో భద్రతా ఏర్పాట్లను టిటిడి సివిఎస్వో నరసింహకిషోర్‌, ఎస్పీ పరమేశ్వర్‌రెడ్డి కలిసి శుక్రవారం పరిశీలించారు. ఈ సందర్భంగా వాహన మండపం, మాడ వీధుల్లోని గ్యాలరీలు, అన్నప్రసాదాల పంపిణీ కోసం చేపట్టిన ప్రవేశమార్గాలను పరిశీలించి అధికారులకు పలు సూచనలు చేశారు. టిటిడి విజిలెన్స్‌, పోలీసు అధికారులు పాల్గొన్నారు.

ప్రస్తుతం టిడిపి అధికారంలో లేదు..చంద్రబాబుకి ప్రతిపక్ష హోదా కూడా లేదు.. అయినా బ్యూరోక్రాట్లు ఎందుకు వెళ్లి కలుస్తున్నారనే విషయంలో విశ్లేషకులు సైతం తలలు పట్టుకుంటున్నారు. అయితే ఇక్కడ ఒక చిన్న లాజిక్ కూడా బయటకు వచ్చింది ఒకే సమాజిక వర్గానికి చెందిన వారు, బంధుగణంలో ఉన్న బ్యూరోక్రాట్లు కలిసినపుడు ఈ విషయం బయటకు వచ్చిందా..లేదంటే నిజంగానే ప్రభుత్వ పరిపాలన గాడితప్పుతున్నదనే విషయాన్ని నేరుగా వాస్తవ పరిస్థితిని తెలియజేయడానికి చంద్రబాబు వద్దకు వెళుతున్నారా అనే అనుమానాలు కూడా వ్యక్తం అవుతున్నాయి. ప్రాధాన్యత లేని ప్రభుత్వ శాఖల్లో పనిచేస్తున్న బ్యూరోక్రాట్లు కొందరు కేంద్ర సర్వీసులకు వెళ్లిపోతున్నామనే విషయాన్ని చెప్పడానికి కూడా వెళుతున్నట్టుగా సమాచారం అందుతున్నది. ఇప్పటికే కొందరు బ్యూరోక్రాట్లు కేంద్ర సర్వీసులకు దరఖాస్తులు చేసుకోగా మరికొందరు అదేబాటలో ఉన్నారనే సంకేతాలు బయటకు వస్తున్నాయి. ఎక్కడైనా ప్రభుత్వాన్ని మంచి సూచనలు, సలహాలతో నడిపించేది ఐఏఎస్, ఐపీఎస్, ఐఎఫ్ఎస్ లాంటి సివిల్ సర్వీసు అధికారులే. అయితే వారి అంచనాలకు సైతం అందకుండా ఆర్ధిక భారాన్ని అప్పుల రూపంలోనూ, సంక్షేమ పథకాల రూపంలో ప్రభుత్వం మీదకు తీసుకువచ్చే క్రమంలో వాటిని ముందుండి నడిపించాల్సిన బ్యూరోక్రాట్లు తలలు పట్టుకుంటున్నారు. ప్రభుత్వ ఆదేశాలతో పనిచేస్తున్నందుకు మరికొందరు ఐఏఎస్ లు కోర్టు మెట్లు ఎక్కి శిక్షలు కూడా అనుభవించాల్సి వస్తున్నది. ఇలాంటి పరిస్థితి గతంలో ఎన్నడూ లేదు. దీనితో ఈ తరహా విషయాలన్నీ చంద్రబాబు దృష్టికి తీసుకెళ్లడం ద్వారా బ్యూరోక్రాట్లు ప్రభుత్వానికి వ్యతిరేకం అవుతున్నారనే సంకేతాలను ఇస్తున్నారా అనే అనుమానాన్ని విశ్లేషకులు అంచనా వేస్తున్నారు.

ప్రస్తుతం రాష్ట్రంలో ఆర్ధిక పరిస్థితి దారుణంగా పడిపోయి సమయానికి ఉద్యోగులకు జీతాలు ఇవ్వడానికి కూడా ఆలస్యం కావడం, ప్రభుత్వ పథకాలకే అత్యధిక మొత్తం అప్పులు చేసి ప్రభుత్వ ఆస్తులు తాకట్టు పెట్టడం, వాటి విషయంలో పలు ప్రభుత్వశాఖలకు చెందిన ఐఏఎస్ లు మధ్యలో ఉండటం,ఉద్యోగులకు ఇవ్వాల్సిన డిఏలు ఇవ్వకపోవడం, 2023లో పీఆర్సీ ఇస్తారో ఇవ్వని పరిస్థితి నెలకొనడం, సీపీఎస్ రద్దు చేయకపోవడం, వాటి స్థానంలో జీపిఎస్ ప్రవేశపెట్టడం, తాజాగా ఉద్యోగుల విరమణ వయస్సు మరో ఏడాది అంటే 63ఏళ్లకు పెంచాలని యోచించడం, ఉద్యోగుల హెచ్ఆర్ఏ, డిఏ లు కుదించడం, ఎన్నికల హామీల ప్రకారం జాబ్ క్యాలెండర్ ప్రకటించకపోవ డం, వాటిపై ప్రభుత్వశాఖలకు భారీస్థాయిలో వినతులు రావడం, సోషల్ మీడియాలో బ్యూరోక్రాట్లపై తేడాగా ప్రచారం జరగడం, ఆదాయం వచ్చే మార్గాలను వదిలిపెట్టి.. ఆ భారాన్ని ప్రజలపై అధిక పన్నుల రూపంలో వసూలు చేయడం..కాంట్రాక్టు, ఔట్ సోర్సింగ్ ఉద్యోగాలను రెగ్యులర్ చేయకపోవడం, పదోన్నతులు కల్పించకపోవడం, బదిలీ లు చేపట్టకపోవడం తదితర అంశాలపై ఉద్యోగుల నుంచి నిత్యం బ్యూరోక్రాట్లకు వస్తున్న ఒత్తిడి, వారి మనసులో ఉద్యోగుల కోసం పట్టించుకోని ప్రభుత్వం, ఉన్నతాధి కారులుగా అమ్మనా బూతులు తిడుతున్న విషయాన్ని నేరుగా అధికాలు విని తీవ్రంగా మదన పడటం తదితర అంశాలను చంద్రబాబు ద్రష్టికి తీసుకెళితే రాజకీయంగా ఎదుర్కోవడానికి అవకాశం వుంటుందనే కోణంలో కూడా బ్యూరోక్రాట్లు కలుస్తున్నట్టు సమాచారం అందుతున్నది. నిజంగానే ప్రభుత్వానికి వ్యతిరేకంగా వున్న సివిల్ సర్వీస్ అధికారులు ఒక వర్గంగా విడిపోతున్నారా అనే  ప్రచారం మాత్రం రోజు రోజుకూ తీవ్రమైన చర్చకు దారితీస్తున్నది. ఎన్నికలు దగ్గర పడుతున్నవేళ, నిఘా వర్గాల సమాచారం పక్కాగా అందుతున్న సమయంలో ఈ తరహా ప్రచారాలను ప్రజలు కూడా ఆశక్తిగానే స్వీకరిస్తున్నారనేది తాజా పరిణామాలు తేటతెల్లం చేస్తున్నాయి...!

ప్రస్తుతం మేజర్ పంచాయతీలు ఉన్నచోట 1 సచివాలయం మినహా, 2, 3 సచివాలయాల గ్రేడ్-5 కార్యదర్శిలు ఉత్తుత్తి కార్యదర్శిలుగా విధులు నిర్వహించాల్సి  వస్తున్నది. ఆఖరికి గ్రామంలో పారిశుధ్య నిర్వహణకు సైతం పంచాయతీ కార్యదర్శి(గ్రేడ్-1)ను చుట్టు కాళ్లరిగేలా తిరుగుతున్నారు. తమకు కనీస అధికారాలు కల్పించాలని, తమకు జీఓనెంబరు 146 ద్వారా రావాల్సిన అధికారాలు బదలాయించాలని నెత్తీ నోరూ కొట్టుకున్నా వీరికి ప్రభుత్వం నుంచి అధికారాలు రాలేదు. అయితే ఇదే విషయమై సచివాలయ ఉద్యోగులు జిల్లా పంచాయతీ అధికారులకు, జిల్లా కలెక్టర్లు, ఆఖరికి పంచాయతీరాజ్ శాఖ ముఖ్యకార్యదర్శికి సైతం ఉద్యోగ 

అయితే జిల్లా కలెక్టర్, ఎస్పీ, డిఎఫ్ఓ క్యాడర్ రాకపోయినా సీనియారిటీపై సివిల్ సర్వీస్ అధికారులకు ప్రభుత్వం పదోన్నతులు కల్పించింది. ఇటీవల అమరవాతిలో కలిసిన వీరంతా తమ గోడును ఒకరికి ఒకరు చెప్పుకున్నారట. రాష్ట్రప్రభుత్వం నాడు-నేడు క్రింద ప్రభుత్వ భవనాల నిర్మాణాలకు ఇచ్చే ప్రాధాన్యత కనీసం సివిల్ సర్వీస్ అధికారుల మైన  నివాస సముదాయాలు, క్యాంపు కార్యాలయాలకు ఇవ్వడం లేదనే అసహనం కూడా వ్యక్తం చేసినట్టు సమాచారం అందుతోంది. గ్రామ, వార్డు సచివాలయాలకి సైతం నూతన భవనాలు నిర్మాణం జరుగుతోందని మనకి మాత్రం అద్దిల్లులే శరణ్యం అవుతున్నాయని కాస్త చిన్నబుచ్చుకున్నట్టు తెలిసింది. ప్రభుత్వం కొత్తగా ఇంటి గ్రేటెడ్ కలెక్టరేట్లు నిర్మించాలిని భావించినా అవీ అతీ గతీలేకుండానే ఉన్నాయని, సాధారణ రాష్ట్రప్రభుత్వ ఉద్యోగుల మాదిరిగాప్రైవేటు అద్దె ఇళ్ల నుంచి కలెక్టరేట్లకు, జిల్లా పోలీస్, జిల్లా ఫారెస్ట్ ఆఫీసులకు వెళ్లడం కాస్త చిన్నతనంగా ఉందని చెప్పుకున్నారట.

మరికొందరు ఒక్క అడుగు ముందుకి వేసి.. కేంద్ర సర్వీసులకు వెళ్లిపోతే ఎలా ఉంటుందనే ఆలోచన కూడా చేసిన విషయం బయటకు పొక్కిందని చెబుతున్నారు. ఈ విషయం కొత్తగా జిల్లా కలెక్టర్లు, ఎస్పీలు, డిఎఫ్ఓ లే కాకుండా, రాష్ట్ర కార్యాలయాల్లో ఉన్న సీనియర్ ఐఏఎస్ లు కూడా ఈ విధంగానే ఆలోచన చేస్తున్నట్టు తెలిసింది. ప్రభుత్వం తలచుకుంటే ఇంటిగ్రేటెడ్ కలెక్టరేట్లు తక్షణమే నిర్మాణం చేపట్టలేకపోయినా.. కలెక్టర్లు, జెసిలు, ఎస్పీలు, డిఎఫ్ఓలకు నివాస సముదాయాలు, క్యాంపు ఆఫీసులు కట్టించగలదని..కానీ పోస్టింగులు ఇచ్చి చేతులు దులుపుకుందని ఆవేదన వ్యక్తం చేసినట్టు తెలిసింది. అయితే పాత ఉమ్మడి 13 జిల్లాల్లో మాత్రం జిల్లా కలెక్టర్లు, ఎస్పీలు, డిఎఫ్ఓ లకు నివాస సముదాయాలతోపాటు, క్యాంపు ఆఫీసులు, కలెక్టరేట్లు, జిల్లా కార్యాలయాలకు సొంత భవనాలు ఉన్నాయి. కొత్త జిల్లాల్లోనే  కొన్ని చోట్ల కార్యాలయాలు, క్యాంపు కార్యాలయాలు అద్దె భవనాల్లోనే నడుస్తున్నాయి. 

ఐపీఎస్, ఐఏఎస్, ఐఎఫ్ఎస్ లు భార్యభర్తలుగా ఉన్నవారు మాత్రం పాత ఉమ్మడి జిల్లాల్లో ఉంటే మాత్రం ఏదో ఒక ప్రాంతం నుంచి రాకపోకలు సాగిస్తున్నట్టు సమాచారం అందుతుంది. అయితే ఆంధ్రప్రదేశ్ ప్రభుత్వం నూతంగా ఏర్పాటు చేసిన 13 జిల్లాల్లో బాధ్యతలు స్వీకరించిన వారంతా తమ మార్కు, నూతన జిల్లాలు తమతోనే ప్రారంభం అయ్యాయనే ఆనందంతో ఉన్నారట. అన్నీ ఉండీ అల్లుడినోట్లో శని అన్నట్టుగా పేరుకి జిల్లా కలెక్టర్, జిల్లా ఎస్పీ, జిల్లా ఫారెస్టు అధికారి హోదాలు ఉన్నా..తలదాచుకోవడానికి ప్రభుత్వ వసతి సముదాయమే లేదని విషయం ఇపుడుజిల్లాశాఖల అధికారుల్లోనూ గుప్పుమంటున్నది. కాగా ఈ విషయం ప్రభుత్వం దృష్టికి వెళితే వచ్చే ప్రభుత్వంలో తొలి ప్రాధాన్యతగా కొత్తజిల్లాల్లో అధికారుల నివాస సముదాయాలు, ఇంటిగ్రేటెడ్ కలెక్టరేట్లు, క్యాంపు కార్యాలయాలకు ప్రాధాన్యత ఇవ్వాలని మాట్లాడినట్టుగా తెలుస్తున్నది. చూడాలి..కొత్త జిల్లాల కలెక్టర్లు, జెసిలు ఎస్పీలు, డిఎఫ్ఓల మనోవేధన ఎప్పటికి నయం అవుతుందో..!