ఏదైనా మీడియా సంస్థలో పనిచేసే జర్నలిస్టు మ్రుత్యువాత పడితే ఆరోజు సంతాపం తెలిపి, ఎంతో కొంత ఆర్ధిక సహాయం చేసి చేతులు దులుపుకోవాలని చూసే మీడియా సంస్థలున్న ఈరోజుల్లో.. ఐడ్రీమ్ మీడియా తమసంస్థ కోసం పనిచేసే వారి బాధ్యత అంతా మాదేనని నిరూపించింది. నటుడు, ప్రముఖ యాంకర్‌, టీఎన్‌ఆర్‌ని కరోనా కాటు వేస్తే..ఆ కుటుంబాన్ని ఆదుకోవడానికి ఆ సంస్థ చైర్మన్ చిన్నవాసుదేవ ముందుకి వచ్చారు. స్వయంగా ఆయన టిఎన్ఆర్ ఇంటికి వెళ్లి రూ.10లక్షలు ఆర్ధిక సహాయాన్ని ఆ కుటుంబానికి అందజేశారు. అంతేకాకుండా వారి పిల్లల చదువు బాధ్యతను కూడా తమ సంస్థే భరిస్తుందని భరోసా ఇచ్చారు. మీడియా సంస్థలో పనిచేసిన ఒక జర్నలిస్టు కోసం సదరు సంస్థ యజమాని నేరుగా వచ్చి కుటుంబం రోడ్డున పడకుండా చేసిన సహాయం నేడు హాట్ టాపిక్ గా మారింది. అంతేకాదు ఎన్నో మీడియా సంస్థల యాజమాన్యాలకు కనువిప్పుగా కూడా మారింది. చిన్నవాసుదేవ లాంటి చైర్మన్ లు ఉన్న మీడియా సంస్థలుంటే జర్నలిస్టులకు ఉద్యోగాలకు, జీవితాలకు భరోసా ఉంటుందనే భావన నేడు జర్నలిస్టుల్లో వ్యక్తమవుతుంది.
ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా ప్రవేశ పెట్టిన గ్రామ, వార్డు సచివాలయ వ్యవస్థ ఉద్యోగులకు రాష్ట్ర ప్రభుత్వంలో అన్ని జీఓలు వర్తించడం లేదు. కరోనా విలయతాండవం చేస్తున్న నేపథ్యంలో ప్రభుత్వ ఉద్యోగులకు ఉదయం 8 గంటల నుంచి 11.30 మాత్రమే కార్యాలయ పనివేళలు కుదించి విధులు నిర్వహించాలని ఆదేశించింది రాష్ట్ర ప్రభుత్వం.. తీరా దానిని గ్రామ, వార్డు సచివాలయాలకు మాత్రం అమలు చేయలేదు. సచివాలయ ఉద్యోగులవి ప్రాణాలు కావని ప్రభుత్వం భావించి తమలు అమలు చేయలేదని.. దీనితో ఎప్పటి మాదిరిగానే సచివాలయ ఉద్యోగులు ఉదయం 10 గంటల నుంచి సాయంత్రం 5.30 వరకూ విధులు నిర్వహించాల్సి వస్తుందని సిబ్బంది ఆవేదన వ్యక్తం చేస్తున్నారు. చాలా చోట్ల గ్రామాల్లోనూ, మండల కేంద్రాల్లోనూ కోవిడ్ వేక్సినేషన్ విధులు కూడా సచివాలయ సిబ్బందే చేపడుతున్నారు. అందులో గర్భిణీలు, బాలింతలు కూడా విధులు నిర్వహిస్తుండటం విశేషం. విజయనగరం లాంటి జిల్లాల్లో సచివాలయ సిబ్బందికి కూడా ఆ జిల్లా కలెక్టర్ డా.హరిజవర్ లాల్ ప్రభుత్వం జారీ చేసిన ఉత్తర్వులను అమలు చేశారు తప్పా చాలా జిల్లాల్లో మాత్రం కలెక్టర్లు సచివాలయ సిబ్బందికి ఆ వెసులుబాటు అమలు చేయకపోవడం విశేషం. ప్రభుత్వం నుంచి వచ్చే ఏ జిఓనైనా అమలు చేయడంలో విజయనగరం జిల్లా ఎప్పుడూ ముందే వుంటుందనే విషయం ఇపుడు అందరికీ తెలిసొచ్చింది. జిల్లా కలెక్టర్ల నుంచి ఆదేశాలు వచ్చేంత వరకూ తాము ఎప్పటిమాదిరిగానే విధులు నిర్వహించాల్సిందేనని సచివాలయాల్లో పనిచేసే వీఆర్వోలు. పంచాయతీ కార్యదర్శిలు ఆవేదన వ్యక్తం చేస్తున్నారు. వాస్తవానికి ప్రభుత్వ కార్యాలయాల్లోని ఉద్యోగుల కంటే గ్రామ, వార్డు సచివాలయాల్లోని సిబ్బందికే కరోనా నుంచి ప్రమాదం అధికంగా వుంటుంది. ప్రతినిత్యం ఏదో పనిపై గ్రామస్తులు సచివాలయానికి వస్తూనే ఉంటారు. ఎవరి దగ్గర కరోనా వుందో తెలియని పరిస్థితుల్లో వీరంతా భయపడుతూ విధులు నిర్వహించాల్సి వస్తుంది. ఇలాంటి భయకరమైన పరిస్థితుల్లో కూడా రాష్ట్రంలో 80శాతం సచివాలయాల్లో కనీసం శానిటైజర్లు ఏర్పాటు చేయలేదు...సిబ్బందే స్వయంగా ఎవరి శానిటైజర్ వారు కొనుగోలు చేసుకోవాల్సి వస్తుంది. మరో విచిత్రం ఏంటంటే సోడియం హైపోక్లోరైడ్ ద్వావణాన్ని కూడా స్పేయింట్ బాటిళ్లలో తెచ్చుకొని తాము కూర్చున్న సీటు చుట్టూ చల్లుకుంటున్నారు సచివాలయ సిబ్బంది. ఇక సోడియం హైపోక్లోరైడ్ సరఫరాను ప్రభుత్వం నిలిపివేసిందని సచివాలయ కార్యదర్శిలే చెబుతున్నారు.. అది లేకపోవడం వలనే బ్లీచింగ్ ఫౌడర్ చల్లించాల్సి వస్తుందని చెబుతున్నారు. కాకపోతే ఈ సమయంలో ప్రభుత్వం కల్పించి వెసులుబాటు ఒక్కటే సచివాలయాల్లో కరోనా తగ్గేంత వరకూ బయో మెట్రిక్ నిలుపుదల చేయడం.. అది తప్పా మరే ఇతర సదుపాయాలు సచివాలయ సిబ్బందికి ప్రభుత్వం కల్పించడలేదు.. ఇటీవలే కొన్ని సచివాలయాల్లో పనిచేస్తున్న కాంట్రాక్టు సిబ్బంది కరోనాతో మ్రుత్యువాత పడినప్పటికీ ప్రభుత్వం స్పందించడం లేదు. పంచాయతీల్లో వుండే శానిటేషన్ సిబ్బంది, పంచాయతీ కార్యదర్శిలు గ్రామాల్లో పారిశుధ్య, అత్యవసర క్లోరినేషన్ పనులు నిర్వహించాల్సి వుంది. కానీ అన్ని సచివాలయాల్లోని అన్ని శాఖల సిబ్బంది ప్రస్తుతం కరోనా సమయంలోనూ విధులు నిర్వహిస్తున్నారు. అన్నిప్రభుత్వ శాఖల ఉద్యోగులకు ప్రభుత్వం కరోనా సమయంలో ప్రభుత్వం కల్పించిన వెసులు బాటు సచివాలయ సిబ్బందికి అమలు చేయకపోవడం వలన సర్వత్రా విమర్శలు వినిపిస్తున్నాయి. రెగ్యులర్ ఉద్యోగులవే తప్పా..మావి ప్రాణాలు కావా అని ప్రశ్నిస్తున్నారు. బహుసా ప్రొభిషన్ లో వున్న తమని ప్రభుత్వం ప్రభుత్వ ఉద్యోగులుగా గుర్తించకపోవడం వలనే, ఇతర ప్రభుత్వ శాఖల ఉద్యోగులకు కరోనా సమయంలో కార్యాలయ పనిసమయాల్లో మినహాయింపు ఇచ్చి తమను పక్కన పెట్టేసిందని ఆవేదన వ్యక్తం చేస్తున్నారు. ఈ నేపథ్యంలో పంచాయతీరాజ్ శాఖ మంత్రి పెద్ది రెడ్డి రామచంద్రారెడ్డి, ఈ శాఖ కమిషనర్ గిరిజాశంఖర్ లు ఏ విధమైన చర్యలు తీసుకుంటో వేచిచూడాలి..!
ఆంధ్రప్రదేశ్ లో గ్రామ, వార్డు సచివాలయాల్లో బయో మెట్రిక్ విధానాన్ని ప్రభుత్వం తాత్కాలికంగా నిలుపుదల చేసింది.. కరోనా సమయంలో సచివాలయాల్లో బయో మెట్రిక్ విధానం అమలు చేయడం వలన సిబ్బంది కూడా కరోనా వైరస్ భారిన పడుతున్నారనే విషయాన్ని.. ‘కరోనాలోనూ సచివాలయాల్లో బయోట్రిక్’ శీర్షికన ఈఎన్ఎస్ నేషనల్ న్యూస్ ఏజెన్సీ అధికారిక మొబైల్ న్యూస్ యాప్ ఈఎన్ఎస్ లైవ్ లో న్యూస్ కార్డ్ పబ్లిష్ చేసింది. దీనితో స్పందించిన ప్రభుత్వం గ్రామ, వార్డు సచివాలయాల్లో సిబ్బంది, వాలంటీర్ల బయో మెట్రిక్ విధానాన్ని నిలుపుదల చేసింది. ప్రభుత్వం మళ్లీ ప్రకటించే వరకూ బయో మెట్రిక్ అమలు చేయకూడదనే విషయాన్ని సచివాలయాలకు వర్తమానం పంపింది. ప్రభుత్వం తీసుకున్న నిర్ణయం పట్ల గ్రామ, వార్డు సచివాలయ ఉద్యోగులు హర్షం వ్యక్తం చేస్తున్నారు. కరోనా కేసులు పెరుగుతున్న సమయంలో భయం భయంగా బయోమెట్రిక్ అటెండెన్సు వేసేవారమని ప్రభుత్వం తీసుకున్న నిర్ణయం కారణంగా ఆ భయం తగ్గిందని ఆనందం వ్యక్తం చేశారు. నిత్యం గ్రామ, వార్డు సచివాలయాలకు సంబంధించి అన్ని రకాల తాజా సమాచారం అందించే ఈఎన్ఎస్ లైవ్ మొబైల్ న్యూస్ యాప్ కార్యాలయానికి గ్రామ, వార్డు సచివాలయ ఉద్యోగులు ఫోన్లు చేసి తమ సమస్య ప్రభుత్వం ద్రుష్టికి తీసుకెళ్లడం వలన కరోనా వైరస్ భయాన్ని తొలగించారని తమ ఆనందాన్ని పంచుకున్నారు.
