జమ్మూ సమీపంలోని మాజిన్ గ్రామంలోని శ్రీ వేంకటేశ్వర స్వామి ఆలయ నిర్మాణ పనుల ను ఈ ఏడాదిలోగా పూర్తి చేయాలని టీటీడీ చైర్మన్  వైవి సుబ్బారెడ్డి అధికారులను ఆదేశించారు. మంగళవారం ఆయన ఆలయ  నిర్మాణ పనులను పరిశీలించారు. ఈ సందర్భంగా ఇంజినీరింగ్ అధికారులు  పనుల పురోగతిని చైర్మన్ కు  వివరించారు. ఆలయ నిర్మాణానికి ఉపయోగించాల్సిన వాటిలో ఏపీలోని కోటప్పకొండలో తయారు చేస్తున్న రాతి స్తంభాలు తదితరాలు  అందాల్సి ఉందని,  మరికొన్ని స్థానికంగా కొనుగోలు చేస్తున్నామని అధికారులు తెలిపారు. పనులు ఈ ఏడాదిలోగా పూర్తి చేసేందుకు తగిన విధంగా ప్రణాళికలు తయారు చేసుకుని కార్యాచరణ అమలు చేయాలని చైర్మన్  సుబ్బారెడ్డి అధికారులను ఆదేశించారు.

పర్యావరణ పరిరక్షణ లో భాగంగా తిరుమల లో టీటీడీ చేపట్టిన గ్రీన్ పవర్ ఉత్పత్తికి కేంద్ర ప్రభుత్వం సహకారం అందించడానికి ముందుకు వచ్చింది. తిరుపతి శ్రీ పద్మావతి విశ్రాంతి గృహంలో శుక్రవారం బ్యూరో ఆఫ్ ఎనర్జీ ఎఫిసిఎన్సీ డైరెక్టర్ జనరల్  అభయ్ బాక్రే  టీటీడీ ఈవో డాక్టర్ కెఎస్ జవహర్ రెడ్డి తో సమావేశమయ్యారు. తిరుమలలో మాతృశ్రీ తరిగొండ వెంగమాంబ అన్న ప్రసాద కేంద్రం లో ప్రస్తుతం ఉపయోగిస్తున్న గ్యాస్ ఆధారిత ఆవిరికి బదులుగా సోలార్ ఆధారిత ఆవిరిని ఉపయోగించేందుకు జరుగుతున్న ఏర్పాట్ల గురించి టీటీడీ అధికారులు వివరించారు. అలాగే కాకుల కొండ వద్ద పవన విద్యుత్ ఉత్పత్తికి సంబంధించిన విషయాలు తెలియజేశారు.  ప్రత్యామ్నాయ విద్యుత్ కు సంబంధించి తిరుమల ను పైలెట్ ప్రాజెక్టుగా ఎంపిక చేశామని కేంద్ర ప్రభుత్వ ప్రతినిధులు తెలిపారు. గ్రీన్ ఎనర్జీ ఉత్పత్తికి గల అన్ని అవకాశాలు పరిశీలించడానికి ఒక బృందాన్ని పంపుతామన్నారు. టీటీడీ అధికారులు ఈ బృందంతో కలసి ప్రతిపాదనలు పంపితే ఇందుకు అవసరమైన ఆర్థిక, సాంకేతిక సహకారం అందిస్తామని వారు వివరించారు.  జెఈవో  సదా భార్గవి, ఎస్ ఈ జగదీశ్వర్ రెడ్డి, విద్యుత్ విభాగం డిఈ  రవిశంకర్ రెడ్డి సమావేశంలో పాల్గొన్నారు. అనంతరం ఈవో డాక్టర్ జవహర్ రెడ్డి అభయ్ బాక్రే ను శాలువతో సత్కరించి, స్వామివారి 12 షీట్ క్యాలెండర్, పంచగవ్య ఉత్పత్తులు, అగరబత్తులు అందించారు.

 తిరుమల నాదనీరాజనం వేదికపై ఏప్రిల్ 10వ తేదీ నుండి ప‌తాంజ‌లి దర్శ‌నం కార్యక్రమాన్ని ప్రారంభించ‌నున్న‌ట్లు అదనపు  ఎవి.ధర్మా రెడ్డి తెలిపారు. తిరుమల అన్నమయ్య భవనంలో బుధవారం ధ‌ర్మ‌గిరి వేద విజ్ఙాన పీఠం, కేంద్రీయ సంస్కృత విశ్వ‌విద్యాల‌యం పండితుల‌తో అద‌న‌పు ఈవో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ గ‌త రెండు సంవ‌త్స‌రాలుగా టిటిడి నిర్వ‌హించిన సుంద‌ర‌కాండ‌, స‌క‌ల కార్య‌సిద్ధి శ్రీ‌మ‌ద్ రామాయ‌ణ పారాయ‌ణం, యుద్ధ‌కాండ‌, బాల కాండ, విరాట‌ప‌ర్వం, గీతా పారాయ‌ణ కార్యక్ర‌మానికి ప్ర‌పంచ వ్యాప్తంగా భ‌క్తుల నుండి విశేష ఆద‌ర‌ణ ల‌భించింద‌న్నారు.  ఈనెల  9వ తేదీకి విష్ణు సహస్రనామ పారాయణం పూర్తవుతుందని దాని స్థానంలో శ్రీ కుప్పా విశ్వనాథ శర్మ ఆధ్వర్యంలో శ్రీ‌రామ‌న‌వ‌మి ప‌ర్వ‌దినాన్న‌ సాయంత్రం 6 నుండి 7 గంటల వరకు యోగ దర్శ‌నం కార్య‌క్ర‌మం ప్రారంభించ‌నున్న‌ట్లు తెలిపారు. దీనితో పాటు భ‌గ‌వ‌ద్గీత శ్లోక పారాయ‌ణం నిర్వ‌హిస్తార‌ని చెప్పారు. అదేవిధంగా గరుడ పురాణం, స‌భా పర్వం, అరణ్యపర్వం వంటి ఇతర పారాయ‌ణ కార్యక్రమాలు ఒకటి పూర్త‌యిన తర్వాత ఒకటి ప్రారంభమవుతాయని వివరించారు. కాగా అంతకుముందు ప్రతి నెలా నిర్వహించే అధికారుల స‌మ‌న్వ‌య‌ సమావేశం నిర్వహించారు. ఇందులో తిరుమలలోని వివిధ ప్రాంతాల్లో జరుగుతున్న అభివృద్ధి ప‌నుల‌పై ఆయా విభాగాల అధికారుల‌తో ఆయన సమీక్షించారు.

ఏప్రిల్ 16న చెన్నైలో శ్రీనివాస కళ్యాణం : ప‌ర్వ‌దినాన్న‌

టిటిడి ఆధ్వర్యంలో ఏప్రిల్ 16న చెన్నైలోని ఐలాండ్ గ్రౌండ్ లో శ్రీనివాస కళ్యాణం నిర్వ‌హించ‌నున్న‌ట్లు అద‌న‌పు ఈవో తెలిపారు. శ్రీ‌వారి కళ్యాణానికి ఆయా విభాగాలు చేయవలసిన ఏర్పాట్లపై అధికారులతో ఆయ‌న సమీక్షించారు.  శ్రీ‌వారి ఆలయ ప్రధాన అర్చకులు  వేణుగోపాల్ దీక్షితులు, కృష్ణ‌శేషాచ‌ల దీక్షితులు,  గోవిందరాజ‌ దీక్షితులు ఈ స‌మావేశంలో పాల్గొన్నారు. ఎస్ఇ - 2  జ‌గ‌దీశ్వ‌ర్ రెడ్డి, ఆల‌య డెప్యూటీ ఈవో  ర‌మేష్‌బాబు, ఎస్వీబిసి సిఈవో  సురేష్ కుమార్‌, జియం  శేషారెడ్డి, ఇత‌ర విభాగాల అధికారులు ఈ స‌మావేశంలో పాల్గొన్నారు.

భారత ఉప రాష్ట్రపతి ఎం.వెంకయ్యనాయుడు కుటుంబ స‌భ్యుల‌తో క‌లిసి గురువారం ఉద‌యం తిరుమ‌ల శ్రీ‌వారిని దర్శించుకున్నారు.   అంతకుముందు వైకుంఠం క్యూకాంప్లెక్స్ ద్వారా మహద్వారం వద్దకు చేరుకున్నారు.   ఉపరాష్ట్రపతికి టిటిడి చైర్మ‌న్  వై.వి.సుబ్బారెడ్డి, ఈవో డాక్ట‌ర్ కె.ఎస్‌.జ‌వ‌హ‌ర్‌రెడ్డి, అద‌న‌పు ఈవో  ఎవి.ధ‌ర్మారెడ్డి స్వాగతం ప‌లికారు. త‌రువాత‌ ఆయ‌న శ్రీ‌వారిని ద‌ర్శించుకున్నారు.  అనంత‌రం రంగనాయకుల మండపంలో వేదపండితులు వేదాశీర్వచనం చేశారు. ఉపరాష్ట్రపతికి చైర్మ‌న్‌, ఈవో శ్రీవారి తీర్థప్రసాదాలు, క్యాలెండర్‌, డైరీ, కాఫీ టేబుల్‌ పుస్తకాన్ని అంద‌జేశారు. ఇటీవల డ్రై ఫ్లవర్ టెక్నాలజీతో త‌యారు చేసిన ల్యామినేటెడ్ ఫోటో, అగ‌ర‌బ‌త్తులు, పంచగవ్య ఉత్పత్తులు మరియు ఆరు షీట్ల క్యాలెండర్‌ ఈవో అందజేస్తూ, వాటి తయారీ, ప్రాముఖ్యతను ఉపరాష్ట్రపతికి వివరించారు.  ఈ సందర్భంగా గౌ. ఉప రాష్ట్రపతి మాట్లాడుతూ ప్రపంచవ్యాప్తంగా ఉన్న మానవాళికి శ్రీవేంకటేశ్వర స్వామి ఆశీస్సులు ప్రసాదించాలని ప్రార్థించిన్నట్లు తెలిపారు. టిటిడి అనేక కొత్త కార్యక్రమాలు చేపట్టడంతోపాటు, ఆధ్యాత్మిక కార్యక్రమాల ద్వారా స‌నాత‌న హిందూ ధర్మ ప్రచారాన్ని పెద్ద ఎత్తున ముందుకు తీసుకు వెళుతున్నందుకు ఆయన ప్రశంసించారు. గురువారం వివాహ బంధంలోకి అడుగుపెట్టనున్న తన మనుమ‌రాలు సుష్మ‌కు ఆనందకరమైన వైవాహిక జీవితాన్నిఅనుగ్రహించాలని శ్రీవారిని కోరినట్లు ఆయన తెలిపారు.  చెన్నై స్థానిక స‌ల‌హామండ‌లి అధ్య‌క్షులు  శేఖర్ రెడ్డి, ఢిల్లీ స్థానిక స‌ల‌హామండ‌లి అధ్య‌క్షురాలు ‌మ‌తి వేమిరెడ్డి ప్ర‌శాంతిరెడ్డి, సివిఎస్వో  గోపీనాథ్ జెట్టి, ఆలయ డెప్యూటీ ఈవో రమేష్ బాబు, రిసెప్షన్ డెప్యూటీ ఈవో  లోకనాథం తదితరులు పాల్గొన్నారు.

ప్రెస్ క్లబ్ కు  సంబందించిన పలు అంశాలు తెలిపారు. విజేఎఫ్ ఉపాధ్యక్షులు ఆర్. నాగరాజ్ పట్నాయక్, జాయింట్ సెక్రటరీ దాడి రవి కుమార్, కార్య వర్గ సభ్యులు ఐరోతి ఈశ్వర రావు, ఎం ఎస్ ఆర్ ప్రసాద్, దొండ గిరిబాబు, నగేశ్ బాబు తదితరులు పాల్గొన్నారు.

విశాఖ ఉక్కు.. ఆంధ్రుల హక్కు పేరిట ఎన్నో ఏళ్ల క్రితం ఏర్పాటైన విశాఖ స్టీల్ ప్లాంట్ ను  పరిరక్షించుకునే బాధ్యత ప్రతి ఒక్కరిపైన  ఉందని సీపీఐ రాష్ట్రకార్యదర్శి కె.రామకృష్ణ, ఏపి  మేధావుల ఫోరం అధ్యక్షుడు చలసాని శ్రీనివాస్ లు అన్నారు. వైజాగ్ జర్నలిస్టుల ఫోరం అధ్యక్షులు గంట్ల శ్రీనుబాబు, కార్యదర్శి ఎస్ దుర్గారావులు ఆధ్వర్యంలో  మంగళవారం ఢిల్లీలోని ఏపీ భవన్  అంబేద్కర్ విగ్రహం వద్ద  వైజాగ్ జర్నలిస్టుల ఫోరం కార్యవర్గం శాంతియుత ప్రదర్శన నిర్వహించింది. ఈ కార్యక్రమములో రామకృష్ణ, చలసానిలు మాట్లాడుతూ 32 మంది ప్రాణాలు త్యాగ ఫలితం వల్లే నాడు విశాఖ ఉక్కు ఏర్పాటైందన్నారు. తాజాగా దేశములో రైతుచట్టాలను రద్దు చేసిన కేంద్ర ప్రభుత్వం  తక్షణమే విశాఖ స్టీల్ ప్లాంట్ విషయంలో కూడా సానుకూల వైఖరి తీసుకోవాలనే తామంతా కోరుకుంటున్నామన్నారు. విశాఖ ఉక్కు పై సుమారు లక్ష  కుటుంబాలు ప్రత్యక్షంగా, పరోక్షంగా ఆధారపడి జీవనం సాగిస్తున్నట్లు చెప్పారు.  విశాఖ ఉక్కువిషయంలో కేంద్రం మరోసారి పునఃసమీక్ష చేయాల్సిన అవసరం ఉందని అభిప్రాయపడ్డారు. తొలుత అంబేద్కర్ విగ్రహానికి పూలమాలలు వేసి ఘన నివాళులు అర్పించారు. ఉత్తరాంధ్ర జిల్లాల ప్రజల చిరకాల వాంఛ గా విశాఖ రైల్వేజోన్ మిగిలిపోయింతని వైజాగ్ జర్నలిస్ట్ లు ఫోరమ్ అధ్యక్షుడు గంట్ల శ్రీనుబాబు ఆవేదన వ్యక్తంచేశారు. గతంలో కేంద్రం ప్రకటించిన విధంగా తక్షణమే దక్షిణ కోస్తా రైల్వే జోన్ పనులు విశాఖ వేదికగా ప్రారంభించాలని అయన  కోరారు. ఇందుకు సంబంధించి పలువురు ప్రముఖులకు వినతి పత్రాలు సమర్పించినట్లు కార్యదర్శి దుర్గారావు  చెప్పారు. ఈ కార్యక్రమంలో విజేఎఫ్ ఉపాధ్యక్షుడు ఆర్ నాగరాజు పట్నాయక్, జాయింట్ సెక్రటరీ దాడి రవికుమార్, కార్యవర్గ సభ్యులు దొండ  గిరిబాబు, రోతి ఈశ్వరరావు, ఎంఎస్ఆర్ ప్రసాద్, నగేష్ బాబుతదితరులు పాల్గొన్నారు.

తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాల్లో ఎనిమిదో రోజైన మంగళవారం ఉదయం రథోత్సవం బదులుగా సర్వభూపాల వాహనంపై శ్రీ పద్మావతి అమ్మవారు కటాక్షించారు. ఆల‌యం వ‌ద్ద‌గ‌ల వాహ‌న మండ‌పంలో ఉదయం 8 నుంచి 9 గంట‌ల వ‌ర‌కు అమ్మ‌వారి వాహ‌న‌సేవ ఏకాంతంగా జ‌రిగింది.  శ్రీవారి హృదయపీఠంపై నిలిచి లోకాన్ని కటాక్షిస్తున్న కరుణాంతరంగ అలమేలుమంగ.  సర్వభూపాలురు వాహనస్థానీయులై అమ్మవారిని సేవించి తరిస్తున్నారు. ఇందులో దిక్పాలకులు కూడా ఉన్నారు. తూర్పు దిక్కుకు ఇంద్రుడు, ఆగ్నేయానికి అగ్ని, దక్షిణానికి యముడు, నైరుతికి నిరృతి, పశ్చిమానికి వరుణుడు, వాయువ్యానికి వాయువు, ఉత్తరానికి కుబేరుడు, ఈశాన్యానికి పరమేశ్వరుడు అష్టదిక్పాలకులుగా ఉన్నారు. వీరంతా నేడు జగదేకవీరుడైన శ్రీవారి అర్ధాంగిని సేవించి తరిస్తున్నారు. వాహనసేవలో శ్రీశ్రీశ్రీ  పెద్దజీయ‌ర్ స్వామి, శ్రీశ్రీశ్రీ చిన్నజీయ‌ర్ స్వామి, టిటిడి బోర్డు సభ్యుడు, చంద్రగిరి ఎమ్మెల్యే డా.చెవిరెడ్డి భాస్కర్ రెడ్డి, జెఈఓ వీరబ్రహ్మం, ఆలయ డెప్యూటీ ఈవో  కస్తూరిబాయి,  ఏఈవో  ప్రభాకర్ రెడ్డి, పాంచరాత్ర ఆగ‌మ‌స‌ల‌హాదారు శ్రీ‌నివాసాచార్యులు, అర్చకులు  బాబుస్వామి, సూప‌రింటెండెంట్లు  శేషగిరి,  మధుసుదన్, టెంపుల్ ఇన్‌స్పెక్ట‌ర్ రాజేష్ క‌న్నా ఇతర అధికారులు పాల్గొన్నారు.