ఏపీ ప్రభుత్వ ఉద్యోగులకు శుభవార్త..కోవిడ్ సమయంలో పెండింగ్ లో ఉంచిన రెండు నెలల జీతం, ఒక నెల పెన్షన్ ను ఐదు విడతలుగా చెల్లించడానికి ప్రభుత్వం అంగీకరించింది. అంతేకాకుండా పెండింగ్ లోఉన్న ఐదు డిఏల మొత్తంలో కూడా ఒక నెల డిఏ చెల్లించాలని కూడా ప్రభుత్వం నిర్ణయం తీసుకుంది. ఈ మేరకు ప్రభుత్వ అదనపు కార్యదర్శి ప్రవీణ్ ప్రకాష్ ఉద్యోగ సంఘాల నాయకులకు తెలియజేశారు. ఈమేరకు ప్రభుత్వ నిర్ణయం ప్రకారం ఆర్ధికశాఖ త్వరలోనే ఉత్తర్వులు కూడా జారీ చేస్తుందని వివరించారు. పెండింగ్ లో ఉన్న జీతాల విషయమై ఏపీ ఉద్యోగుల సంఘం రాష్ట్ర అధ్యక్ష, కార్యదర్శిలు ప్రభుత్వంపై ఒత్తిడి తీసుకురావడంతో ఈమేరకు నిర్ణయం తీసుకున్నట్టు తెలుస్తుంది. మరో వైరపు 11వ పీఆర్సీకి సంబంధించిన కమిటీ నివేదిక కూడా సమర్పించడంతో త్వరలోనే దాని మీద కూడా ప్రభుత్వం నుంచి ప్రకటన వెలువడే అవకాశాలు కనిపిస్తున్నాయి. అయితే ప్రభుత్వ సంఘాలు, ఉద్యోగులు అనుకున్నంత మేర పీఆర్సీ పెరుగుతుందా...కోవిడ్ నేపథ్యంలో ఆర్దికలోటు కారణంగా కాస్త తగ్గించి పీఆర్సీ అమలు జరుగుతుందనే విషయంపై ఇంకా క్లారిటీ రాలేదు..
తిరుమలలో శ్రీవారి నవరాత్రి బ్రహ్మోత్సవాలు అక్టోబరు 16 నుంచి 24వ తేదీ వరకు జరుగనున్నాయి. ఈ మేరకు తిరుమల తిరుపతి దేవస్థానం అధికారులు ఏర్పాట్లు చేస్తున్నారు. కోవిడ్-19 వ్యాధి వ్యాప్తి నివార‌ణ చ‌ర్య‌ల్లో భాగంగా ప‌రిమిత సంఖ్య గ‌ల భ‌క్తుల‌తో మాత్రమే ఈ బ్ర‌హ్మోత్స‌వాలను జరపడానికి నిర్ణయించారు. అంతేకాకుండా బ్రహ్మోత్సవాల్లో స్వామివారికి నిర్వహించే వాహనసేవల ఊరేగింపును కూడా ఆవిధంగా నిర్వ‌హించాల‌ని టిటిడి నిర్ణ‌యించింది. బ్రహ్మోత్సవాల కార్యక్రమాలను ఎస్వీబీసీ ద్వారా ప్రపంచంలోని అందరు భక్తులకోసం ప్రత్యక్ష ప్రసారం చేయనున్నారు. 8రోజులు పాటు జరిగే వాహనసేవల వివ‌రాలు ఇలా ఉన్నాయి.
15.10.2020 - గురువారం - అంకురార్ప‌ణ - రాత్రి 7 నుండి 8 గంటల వరకు.
16.10.2020 - శుక్రవారం - బంగారు తిరుచ్చి ఉత్స‌వం - ఉదయం 9 నుండి 11 గంటల వరకు.
పెద్ద‌శేష వాహ‌నం - రాత్రి 7 నుండి 9 గంటల వరకు.
17.10.2020 - శనివారం - చిన్న‌శేష వాహ‌నం - ఉదయం 8 నుండి 10 గంట‌ల‌కు వరకు.
హంస వాహ‌నం - రాత్రి 7 నుండి 9 గంటల వరకు.
18.10.2020 - ఆదివారం - సింహ వాహ‌నం - ఉదయం 8 నుండి 10 గంట‌ల‌కు వరకు.
ముత్య‌పుపందిరి వాహ‌నం - రాత్రి 7 నుండి 9 గంటల వరకు.
19.10.2020 - సోమవారం - క‌ల్ప‌వృక్ష వాహ‌నం - ఉదయం 8 నుండి 10 గంట‌ల‌కు వరకు.
స‌ర్వ‌భూపాల వాహ‌నం - రాత్రి 7 నుండి 9 గంటల వరకు.
20.10.2020 - మంగళవారం - మోహినీ అవ‌తారం - ఉదయం 8 నుండి 10 గంట‌ల‌కు వరకు.గరుడసేవ - రాత్రి 7 నుండి 12 గంటల వరకు.
21.10.2020 - బుధ‌‌వారం - హ‌నుమంత వాహ‌నం - ఉదయం 8 నుండి 10 గంట‌ల‌కు వరకు.
పుష్ప‌క‌విమానం- సాయంత్రం 3 నుండి 5 గంటల వరకు.
గ‌జ వాహ‌నం - రాత్రి 7 నుండి 9 గంటల వరకు.
22.10.2020 - గురువారం - సూర్య‌ప్ర‌భ వాహ‌నం - ఉదయం 8 నుండి 10 గంట‌ల‌కు వరకు.
చంద్ర‌ప్ర‌భ వాహ‌నం - రాత్రి 7 నుండి 9 గంటల వరకు.
23.10.2020 - శుక్రవారం - స్వ‌ర్ణ ర‌థోత్స‌వం- ఉదయం 8 గంట‌ల‌కు.
అశ్వ వాహ‌నం - రాత్రి 7 నుండి 9 గంటల వరకు.
24.10.2020 - శనివారం - ప‌ల్ల‌కీ ఉత్స‌వం మరియు తిరుచ్చి ఉత్స‌వం - ఉదయం 3 నుండి 5 గంటల వరకు.
స్న‌ప‌న‌తిరుమంజ‌నం మరియు చ‌క్ర‌స్నానం - ఉదయం 6 నుండి 9 గంటల వరకు.
బంగారు తిరుచ్చి ఉత్స‌వం - రాత్రి 7 నుండి 9 గంటల వరకు.
తిరుమలలో శ్రీవారికి ప్రతినెలా జరిగే పున్నమి గరుడసేవ గురువారం సాయంత్రం జరుగనుంది. కోవిడ్ నిబంధనల కారణంగా ఆలయంలో కార్యక్రమాన్ని ఏకాం తంగా నిర్వహించడానికి తిరుమల తిరుపతి దేవస్థానం అధికారులు అన్ని ఏర్పాట్లు చేశారు. కాగా ఈ నెలలో స్వామివారికి మూడుసార్లు గరుడసేవ జరుగనుంది. పౌర్ణమి సందర్భంగా గురువారం, అక్టోబరు 31న, నవరాత్రి బ్రహ్మోత్సవాల్లో భాగంగా అక్టోబరు 20న గరుడసేవ నిర్వహిస్తారు. కోవిడ్ కారణంగా ఆలయ సిబ్బంది, అర్చకులతో మాత్రమే స్వామివారికి గరుడ సేవ నిర్వహిస్తారు. ప్రతినిత్యం తిరుమలలో కరోనా పాజిటివ్ కేసులు పెరుగుతున్నందున ఈ చర్యలు తీసుకున్నట్టు టిటిడి అధికారులు ప్రకటించారు. స్వామివారికి జరిగే ఈ సేవను ఎస్వీబీసీ ఛానల్ ద్వారా ప్రత్యేక్ష ప్రసారం చేస్తారు. ఆలయంలోని స్వామివారి మండంలోనే కార్యక్రమం జరగనుంది..
రాష్ట్రవ్యాప్తంగా గ్రామసచివాలయాల్లో బయోమెట్రిక్ కష్టాలు సిబ్బందిని వెంటాడుతున్నాయి. బయోమెట్రిక్ మిషన్లు ఉదయం పదిగంటలు దాటితే మళ్లీ మధ్యాహ్నాం 12 వరకూ పనిచేయకపోవడం సిబ్బందిని తీవ్ర ఇబ్బందులకు గురిచేస్తుంది. ఈ విధానం కొన్నిజిల్లాల్లో సిబ్బందికి అవకాశంగా మారగా..మరికొన్నిజిల్లాల్లో సిబ్బందికి జీతాలు నిలిపివేస్తున్నారు. ఈ సమస్య అధికంగా తూర్పుగోదావరి, శ్రీకాకుళం, విజయనగరం, పశ్చిమ గోదావరి జిల్లాలో అధికంగా వుంది. ఇతర జిల్లాల్లో మాత్రం ఒక్కోసారి 11 గంటల సమయంలో బయోమెట్రిక్ పనిచేస్తుంది. దీంతో బయోమెట్రిక్ పనిచేయని చోట గ్రామసచివాలయ సిబ్బంది బయోమెట్రిక్ మిషన్లు ఏ సమయం నుంచి ఏ సమయం వరకూ పనిచేయడంలేదో ఒక ప్రత్యేక రిజిస్టర్ పెట్టి మరీ నమోదు చేస్తున్నారు. కొన్నిజిల్లాల్లో అయితే చాలా మంచి సచివాలయ సిబ్బంది బయో మెట్రిక్ వేయడంలేదు. కొన్నిచోట్ల బయోమెట్రిక్ వేయని చోట అటెండెన్సు రిజిస్టర్ లో మాత్రం రోజులో ఏదో సమయంలో సంతకాలు చేస్తున్నారు. ఈ విషయాన్ని గ్రామసచివాలయాలకు తనిఖీ కోసం వెళ్లే అధికారులు కూడా గుర్తించకపోవడం విశేషం. ఒక్కో జిల్లా కలెక్టర్ గ్రామసచివాలయాల సందర్శన సమయంలో రికార్డులు తనిఖీలు చేస్తున్నారు తప్పితే...ఏ శాఖల సిబ్బంది ఏఏ సేవలు అందిస్తున్నారనే విషయాన్ని కూడా పూర్తిగా పరిశీలిస్తున్నారు. రాష్ట్రవ్యాప్తంగా ఒక్కో జిల్లాలో ఒక్కోలా అధికారుల పర్యటనలు సాగుతుండటం కూడా విధులకు డుమ్మాకొట్టే సచివాలయ సిబ్బందికి బాగా కలిసొస్తుంది. కొన్ని చోట్ల పక్కాగా మూవెమెంట్ రిజస్టర్లు మెయింటే చేస్తున్నారు. రాష్ట్రవ్యాప్తంగా బయోమెట్రిక్ మిషన్లు మెరాస్తుండటంతో సచివాలయ సిబ్బంది తమకు నచ్చినట్టుగా వ్యవహరిస్తున్నా అధికారులు ఏమీ అనలేని దుస్థితి ఏర్పడింది. క్షేత్రస్థాయిలో సాంకేతిక సమస్యలు పరిష్కరిస్తే తప్పా రాష్ట్రవ్యాప్తంగా ఉన్న సచివాలయ సిబ్బంది బయో మెట్రిక్ కష్టాలు తీరే దారి కనిపించడం లేదు...
తిరుమలలోని శ్రీవారి ప్రత్యేక దర్శనాల కోసం టిటిడి అక్టోబరు నెల కోటా రేపు(08.10.2020) విడుదల చేయనుంది. తొమ్మిరోజులకు సరిపడ టిక్కెట్లను విడుదల చేయడానికి అన్ని ఏర్పాట్లు చేసినట్టు టిటిడి అధికారులు ప్రకటించారు. భక్తుల సౌకర్యార్థం అక్టోబరు 15 నుండి 24వ తేదీ వరకు రూ.300/- ప్రత్యేక ప్రవేశ దర్శన టికెట్ల కోటాను అక్టోబరు 8న గురువారం ఉదయం 11.00 గంట‌ల‌కు టిటిడి ఆన్‌లైన్‌లో విడుదల చేయనుంది. భక్తులు ఈ విషయాన్ని దృష్టిలో ఉంచుకుని ఆన్‌లైన్‌లో ముందస్తుగా రూ.300/- ప్రత్యేక ప్రవేశ దర్శన టికెట్లను బుక్ చేసుకోవాలని టిటిడి కోరుతోంది. భక్తుల నుంచి వస్తున్న ఒత్తిడి కారణంగా ప్రతీనెలా ఒకతేదిలో స్వామివారి దర్శనం కోసం ఈ ప్రత్యేక ప్రవేశ దర్శన టిక్కెట్లను విడుదల చేయాలని కూడా టిటిడి అధికారులు భావిస్తున్నారు. ఇప్పటికే కొన్ని సేవలను ఆన్ లైన్ ద్వారా వీక్షించేందుకు కూడా సేవా టిక్కెట్లను అందుబాటులో ఉంచిన టిటిడి కరోనా వైరస్ తగ్గుముఖం పడుతున్న సమయంలో స్వామివారి దర్శనాలను భక్తులకు దగ్గర చేయడానికి చర్యలు ప్రారంభించింది.
అయ్యన్న ఖబడ్దార్ అంటూ మంత్రి గుమ్మనూరు జయరాం తీవ్రస్థాయిలో మండిపడ్డారు. మంగళవారం వెలగపూడిలో ఆయన మీడియాతో మాట్లాడారు..ఎటువంటి సాక్ష్యాధారాలు లేకుండా బీసీ మంత్రి అయిన నాపైన అభాండరాలు వేయటం క్షమించరాని నేరం. గతంలో బెంజ్ మినిస్టర్‌ అన్నారు. కనీసం బెంజ్ కారులో ఒక చక్రం కూడా నాదని టీడీపీ నేతలు నిరూపించలేకపోయారని ఎద్దేవా చేశారు. య్యన్నపాత్రుడు చేసిన ఆరోపణల్ని మంత్రి గుమ్మనూరు జయరాం తీవ్రంగా ఖండించారు. మీడియా ముందుకు వచ్చి అయ్యన్నపాత్రుడు విమర్శలు చేస్తే పరువునష్టం కేసు వేస్తానని హెచ్చరించారు. తాను కర్నూలు జిల్లా ఆలూరు నియోజకవర్గంలోని భూమిని ఎప్పుడు కొనుగోలు చేశారో పూర్తిగా తెల్సుకొని టీడీపీ నేతలు మాట్లాడాలన్నారు. ఈఎస్ఐ స్కాం లో అచ్చెన్నాయుడు జైల్లోకి వెళ్లి వచ్చిన తర్వాత అయ్యన్నపాత్రుడు తదితరులు నాపైన విమర్శలు చేస్తున్నారని వాస్తవాలు తెలుసుకొని మాట్లాడటకపోతే పరిణామాలు తీవ్రంగా ఉంటాయని మంత్రి జయరాం హెచ్చరించారు..
విజయవాడక కనకదుర్గమ్మ దసరా మహోత్సవాలు అక్టోబరు 17 నుంచి ప్రారంభిస్తున్నట్టు దుర్గగుడి అధికారులు ప్రకటించారు. ఈ సందర్భంగా అమ్మవారు 9 రోజుల పాటు పది అలంకారాలలో దర్శనమివ్వనున్నారు. అక్టోబర్ 17న తొలిరోజు శ్రీ స్వర్ణకవచాలంకృత దుర్గాదేవిగా, 18 న శ్రీ బాలా త్రిపుర సుందరీ దేవి గా, 19న శ్రీ గాయత్రీ దేవిగా, 20 న శ్రీ అన్నపూర్ణాదేవిగా , 21 మూలానక్షత్రం రోజున శ్రీ సరస్వతీ దేవిగా, 22 న శ్రీ లలితా త్రిపుర సుందరీ దేవిగా, 23 న శ్రీ మహాలక్ష్మీ దేవిగా, 24న శ్రీ దుర్గాదేవిగా, శ్రీ మహిషా సుర మర్ధనీ దేవిగా రెండు అలంకారాలలో దుర్గమ్మ దర్శనమివ్వనున్నారు. 25 న శ్రీ రాజరాజేశ్వరి దేవి అలంకారంతోపాటు అదే రోజు సాయంత్రం కృష్ణానదిలో శ్రీ దుర్గామల్లేశ్వరస్వామి వార్ల తెప్పోత్సవం నిర్వహించడానికి అధికారులు ఏర్పట్లు చేస్తున్నారు. కోవిడ్ దృష్ట్యా టైం స్లాట్ బుక్ చేసుకున్న వారికి మాత్రమే దసరా లో అమ్మవారి దర్శనానికి అనుమతించే అవకాశం కనిపిస్తోంది. రోజుకి ఎంతమందిని అమ్మవారి దర్శనానికి పంపాలనే విషయమై అధికారులు ఇంకా ప్రకటన చేయలేదు. దీనిపై పూర్తిస్థాయిలో చర్చించిన తరువాత ప్రకటించే అవకాశముంది.
ప్ర‌పంచ వ్యాప్తంగా ఉన్న ప్రజలకు మెరుగైన ఆరోగ్యాన్ని ప్ర‌సాదించాల‌ని శ్రీ‌వారిని ప్రార్థిస్తూ తిరుమలలోని నాద‌నీరాజ‌నం వేదిక‌పై టిటిడి చేప‌ట్టిన పారాయణం ఆధ్యాత్మిక కార్యక్రమం 180 రోజులు(6 నెల‌లు) పూర్తి చేసుకుంది. మంగళవారం జ‌రిగిన సుందరకాండ పారాయణంలో ప్ర‌ముఖ పుణ్య‌క్షేత్ర‌మైన కాశీలోని శ్రీ కాశీవిశ్వ‌నాథ‌స్వామివారి ఆలయ ప్ర‌ధానార్చ‌కులు ఆచార్య శ్రీ‌కాంత్ మిశ్రా పాల్గొన్నారు. శ్రీ వేంక‌టేశ్వ‌ర భక్తి ఛానల్ ప్రత్యక్ష ప్రసారం చేస్తున్న ఈ కార్యక్రమాన్ని తెలుగు రాష్ట్రాల‌తోపాటు దేశ విదేశాల్లోని భక్తులు పెద్ద‌సంఖ్య‌లో అనుస‌రించి తమ ఇళ్లలో పారాయణం చేస్తున్నారు. విశ్వ‌వ్యాప్తంగా ఉన్న శ్రీవారి భక్తుల నుండి ఈ కార్య‌క్ర‌మానికి విశేష స్పంద‌న ల‌భిస్తోంది. మొదటగా "యోగ‌వాశిస్టం - శ్రీ ధ‌న్వంత‌రి మ‌హామంత్రం" పారాయ‌ణాన్ని ఈ ఏడాది ఏప్రిల్ 10 నుండి జూన్ 10వ తేదీ వరకు 62 రోజుల పాటు నిర్వహించారు. ఆ తరువాత జూన్ 11వ తేదీ నుండి సుందరకాండ పారాయణం ప్రారంభ‌మై మంగళవారం నాటికి 118 రోజులు పూర్తి చేసుకుంది.
ఆంధ్రప్రదేశ్ ప్రభుత్వ ఉద్యోగులకు 11వ పీఆర్సీ అమలు చేయడానికి సిద్ధమవుతున్నవేళ ఉద్యోగుల్లో సర్వత్రా ఆనందం వ్యక్తమవుతోంది.. మరో వైపు గ్రామసచి వాలయ వ్యవస్థ ఉద్యోగులు, కాంట్రాక్టు ఉద్యోగులు కూడా తమకు కూడా ఈ పీఆర్సీలోనైనా జీతాల పెంచాలని ప్రభుత్వంపై ఒత్తిడి తెస్తున్నారు. ప్రస్తుతం గ్రామసచివాలయాల్లో పనిచేస్తున్న లక్షా పదివేల మంది ఉద్యోగులకు కేవలం రూ.15వేలు మాత్రమే జీతం అందుతుంది. ఇది తమకు ఏమూలకూ సరిపోవడం లేదని ఉద్యోగులు ఆవేదన వ్యక్తం చేస్తున్నారు. మరోవైపు ఏన్నో ఏళ్ల నుంచి కాంట్రాక్టు, ఔట్ సోర్సింగ్ విధానాలో ఉద్యోగం చేస్తున్న 60శాతం మందికి కూడా కేవలం రూ.15వేలు మాత్రమే జీతం వస్తుందని వీరంతా చెబుతున్నారు. వైఎస్సార్సీపీ ప్రభుత్వం అధికారంలోకి వచ్చిన తరువాత తమ ఉద్యోగాలు రెగ్యులర్ అవుతాయని భావిస్తే..కొన్నిశాఖల్లో మాత్రమే జీతాలు పెంచారని, కార్పోరేషన్లలో పనిచేస్తున్నవారికి జీతాలు ఒక్క పైసా కూడా పెరగలేదని చెబుతున్నారు. ధరలు ఆశాన్ని అంటుతున్న వేళ ప్రభుత్వం ఇచ్చే రూ.15 జీతం ఎలా సరిపోతుందని వీరంతా ప్రశ్నిస్తున్నారు. కనీసీ ఈ పీఆర్సీలోనైనా తమకు న్యాయంచేసి జీతాలు పెంచాలని వీరంతా ప్రభుత్వాన్ని కోరుతున్నారు. రాష్ట్రవ్యాప్తంగా తమ సమస్యలను తెలియజేస్తూ ఎమ్మెల్యేలు, మంత్రులు, ఎంపీలకు వినతిపత్రాలు సమర్పిస్తున్నారు..
భారదేశంలోనే ఆంధ్రప్రదేశ్ లో వైఎస్సార్సీపీ ప్రభుత్వం ఎంతో ప్రతిష్టాత్మకంగా ప్రవేశపెట్టిన గ్రామసచివాలయ వ్యవస్థను జిల్లా స్థాయిలో కొందరు అధికారులు విచ్ఛిన్నం చేయాలని చూస్తున్న అంశం రాష్ట్రప్రభుత్వ ప్రధాన కార్యదర్శి నీలం సాహ్ని ముందుకు వెళ్లింది.. గ్రామసచివాలయ గ్రేడ్-5 కార్యదర్శిలకు అధికారాలు బదలాయించకుండా..జీఓనెంబరు 149 అమలు చేయకుండా అధికారులు తాత్సారం చేస్తున్న విషయాన్ని 10 రోజులుగా ఈఎన్ఎస్ నేషనల్ న్యూస్ ఏజెన్సీకి చెందిన.. ఈఎన్ఎస్ లైవ్ యాప్ ద్వారా ప్రత్యేక కధనాలు కూడా అందిస్తూ వచ్చింది.. గ్రామసచివాలయ వ్యవస్థలో గ్రేడ్-5 కార్యదర్శిలకు అధికారాలు బదలాయించే జీఓనెంబరు 149ని రాష్ట్రవ్యాప్తంగా ఒక్క జిల్లాలోకూడా అమలు చేయడం లేదు. పైగా ఈ విషయమై అన్ని జిల్లా పంచాయతీ అధికారులకు గ్రేడ్-5 కార్యదర్శిలు ఫిర్యాదులు చేసినా, జిఓనెంబరు 149ని తక్షణమే అమలు చేయాలని అర్జెంటు సర్కులర్ లు ఇచ్చి జిల్లా పంచాయతీ అధికారులు చేతులు దులుపుకున్నారు. ఎన్నో ఆశలతో ప్రజలకు గ్రామస్థాయిలో సేవలు చేద్దామని విధుల్లోకి చేరిన తమకు ప్రభుత్వ అధికారులు రిక్త హస్తం చూపిస్తున్నారని గ్రామసచివాలయ నూతన కార్యదర్శిలు ఆవేదన వ్యక్తం చేస్తున్నారు. ఒక్క అధికారం కూడా లేకుండా తాము ప్రజలకు ఏవిధంగా సహాయం చేయగలమని వీరంతా ప్రశ్నిస్తున్నారు. డిపీఓలు జీఓనెంబరు 149 తక్షణమే అమలు చేయాలని ఉత్తర్వులు జారీచేసినా, మండలస్థాయిలోగానీ, సచివాలయ స్థాయిలో ఈఓపీఆర్డీలుగానీ, సీనియర్ కార్యదర్శులు గానీ దీనిని అమలు చేయలేదని గ్రేడ్-5 కార్యదర్శిలు చెబుతున్నారు. జిల్లా అధికారుల ద్వారా తమ సమస్య పరిష్కారం కాదని నిర్ణయించుకున్న వీరంతా రాష్ట్ర ప్రభుత్వ ప్రధాన కార్యదర్శి నీలం సాహ్ని ముందుకు ఈ వి షయాన్ని తీసుకెళ్లారు. గ్రామసచివాలయ వ్యవస్థ ఏర్పాటై ఏడాది కావొస్తున్నా నేటికీ జీఓనెంబరు 149ని అమలు చేయకపోవడం, అధికారాలు బదలాయింపు చేయకపోవడంపై చాలా పెద్దే కుట్రే దాగివుందనే అనుమానాలను సైతం వీరు వ్యక్తం చేస్తున్నారు. అటు జిల్లా కలెక్టర్లుగానీ, జాయింట్ కలెక్టర్లు గానీ సచివాలయాల పర్యటనలకు వెళ్లినపుడు గ్రామసచివాలయ సిబ్బంది బాగా పనిచేసేయాలని హెచ్చరించడం తప్పితే, అధికారాలు లేని గ్రేడ్-5 కార్యదర్శిలు ప్రజలకు ఏవిధంగా సేవలు అందించగలని ఒక్క అధికారికూడా గుర్తించకపోవడం శోచనీయమని రాష్ట్రవ్యాప్తంగా వున్న 7వేల మంది కార్యదర్శిలు ఆవేదన చెందుతున్నారు. ప్రభుత్వ ప్రధాన కార్యదర్శి ద్రుష్టికి వెళ్లిన తరువాతైనా...ఈ గ్రేడ్-5 కార్యదర్శిలకు జీఓనెంబరు 149 ప్రకారం అధికారాల బదాలయింపులు జరుగుతాయా లేదా అనేది వేచి చూడాల్సి వుంది..!
రాష్ట్ర ఎన్నికల సంఘం ఎప్పుడు స్థానిక, పురపాలక సంఘాలకు ఎన్నికల నోటిఫికేషన్ ఇచ్చినా మహావిశాఖ నగరపాలక సంస్థతోపాటు మిగిలిని రెండు రాజధానుల్లో మేయర్ పీఠాలు అధికారపార్టీ వైఎస్సార్సీపీవేనని తేలిపోయింది. 2019 అసెంబ్లీ ఎన్నికల్లో ఎంతశ్రమించినా ఒక్క విశాఖ నగరంలోని నాలుగు నియోజకవర్గాల్లో ఒక్కసీటు గెలవలేకపోయినా.. వైఎస్సార్సీపీ ప్రభుత్వం అమలు చేస్తున్న సంక్షేమ పథకాలు, ప్రజల నుంచి విశేషంగా పెరుగుతున్న ఆదరణ చూసి టిడిపి ఎమ్మెల్యేలు సైతం పార్టీ తీర్ధం పుచ్చుకున్నారు. విశాఖలో బలమైన నియోజకవర్గాలుగా ఉన్న విశాఖ దక్షిణం, విశాఖ ఉత్తరం, విశాఖ తూర్పు, ఆతరువాత విశాఖ పశ్చిమం. ఈ నియోజకవర్గాల ఎమ్మెల్యేల బలాబలాలను బట్టీ విశాఖ మేయర్ పీఠం ఆధారపడి వుంటుంది. ఇందులో అధికారికంగా ఒక ఎమ్మెల్యే వచ్చేసిన తరువాత మిగతా ముగ్గురు ఎమ్మెల్యేలు పార్టీలో టచ్ లో ఉన్నారు. అంటే వీరి తరపున కుటుంబ సభ్యులు పార్టీలో చేరినా, ఎమ్మెల్యేలుగా వుంటూ వీరు ప్రభుత్వానికి సపోర్టు చేస్తారు. దీంతో ఆంధ్రప్రదేశ్ పరిపాలనా రాజధాని కాబోతున్న జీవిఎంసీలో వైఎస్సార్సీపీ జెండా ఎగురడం దాదాపు ఖాయమైపోయింది. ఇకపోతే మిగిలిన రెండు ప్రాంతాల రాజధానుల్లోకూడా వైఎస్సార్సీపీ జెండా ఎలాగూ ఎగురుతుందనే ధీమా పార్టీలో వచ్చేసింది. అంటే ప్రభుత్వం మూడు రాజధానులు ఏర్పాటు చేసే ప్రాంతాల్లోని మున్సిపాలిటీల్లో అధికాపార్టీవే పీఠాలని చెప్పక తప్పదు. ప్రతిపక్షంగా వున్న టిడిపి క్రమేపీ తన ప్రతిపక్ష హోదా కూడా కోల్పేయే పరిస్థితులు వచ్చేస్తున్నాయి. బలమైన సామాజిక వర్గానికి చెందిన నేతలంతా అధికార పార్టీకి మద్దతు ఇవ్వడంతో మున్సిపాలిటీ ఎన్నికలు నల్లేరు మీద నడకనే చెప్పాలి. అయితే కొంత మంది ఇంకా టిడిపిని వీడలేదు. అలాంటి వారి దగ్గర నుంచి మున్సిపల్ ఎన్నిల్లో కాస్త తేడాలు వస్తాయా అనే అనుమానంపై కసరత్తు చేస్తున్న అధిష్టానం ఇటీవలే పలు కార్పోరేషన్లకు చైర్మన్ పదువులు ఇచ్చి మరీ వారికి న్యాయం చేసింది. టిడిపి అధికారంలో ఉన్నప్పుడు 90శాతం నామినేటెడ్ పోస్టులు భర్తీచేయకపోవడం, అన్ని సామాజిక వర్గాలకు కార్పోరేషన్లు ఏర్పాటు చేయడం, వారికి సంక్షేమ పథకాలు కల్పించడం వైఎస్సార్సీపీకి బాగా కలిసొచ్చిందనే చెప్పాలి. ఇన్నిరకాలుగా పాజిటివ్ వేవ్స్ వస్తున్న తరుణంలో ఇక పురపాలక గెలుపు ధీమా ఉండటం సహజమేకదా..!
శ్రీకాకుళం, తిరుపతిలలో శిల్పారామాలు ఏర్పాటు చేసి అభివ్రుద్ధి చేయనున్నట్టు రాష్ట్ర పర్యాటక, సాంస్కృతిక, యువజన సర్వీసుల శాఖ మంత్రి ముత్తంశెట్టి శ్రీనివాస రావు తెలిపారు. విశాఖలో ఆయన మీడియాలో మాట్లాడుతూ, శ్రీకాకుళంలో కొత్త శిల్పారామం ఏర్పాటుకు తొలివిడతగా రాష్ట్ర ప్రభుత్వం రూ. 3 కోట్లు, అదే విధంగా తిరుపతి శిల్పారామం అభివృద్ధితో పాటు పలు నిర్మాణాల కోసం రూ.10 కోట్ల నిధులను కేటాయించడం జరిగిందన్నారు. తెలుగు సంస్కృతీ సంప్రదాయాలు ఉట్టిపడేలా నిర్మాణాలు చేపట్టేలా చేస్తున్నామని మంత్రి సోమవారం విడుదల చేసిన ప్రకటన లో తెలియచేశారు. శిల్పారామం మరింత అభివృద్ధి చెందేలా ప్రణాళికలు సిద్ధం చేశామని మంత్రి తెలిపారు. తిరుపతి లోని శిల్పారామంలో పార్క్ కోసం మాస్టర్ ప్లాన్ లో భాగంగా అభివృద్ధి చేసేందుకు రూ.10 కోట్ల వ్యయంతో పర్యాటక శాఖ ప్రణాళికలు సిద్ధం చేసిందని పేర్కొన్నారు. రాష్ట్రంలో పర్యాటక రంగానికి శోభ తీసుకొచ్చి పర్యాటకులను ఆకట్టుకునే విధంగా ఎంట్రన్స్ ప్లాజా, ఆర్చ్, విజిటర్స్ గ్యాలరీ, ఫెసిలిటీ సెంటర్, త్రాగు నీరు మొదలైన మౌలిక సదుపాయాలు కల్పించడం జరుగు తుందన్నారు. స్టాల్స్, ఓపెన్ గ్రౌండ్, శిక్షణ కోసం ఆర్ట్స్ & క్రాఫ్ట్స్ గ్రామ నిర్మాణం , శిల్పకారుల కేంద్రం, సావనీర్ షాపుతో ఎంపోరియం, ఫుడ్ కోర్టుల నిర్మాణం, టాయిలెట్ బ్లాక్స్ పునరుద్ధరణ, ఓపెన్ ఎయిర్ థియేటర్, ల్యాండ్ స్కేపింగ్, జల మార్గాలు, విద్యుత్ పనులు, ప్లంబింగ్, పారిశుద్ధ్య పనులతో శిల్పారామం ప్రాంగణాలను మరింత అద్భుతంగా పర్యాటకులను ఆకర్షించే విధంగా తీర్చిదిద్దుతామని మంత్రి ముత్తంశెట్టి శ్రీనివాస రావు తెలియ చేశారు. విశాఖపట్నం లోని శిల్పారామాన్ని రూ.10.92 కోట్లతో అభివృద్ధి కోసం ప్రతిపాదనలను పంపామన్నారు. ప్రతిపాదనలపై మంజూరు ఉత్తర్వులు జారీ చేస్తూ నిధులు కేటాయించవల్సిందిగా ఆర్థిక శాఖ అనుమతుల కోసం పంపించడం జరిగిందని, త్వరలో మంజూరు ఉత్తర్వులు జారీ చేయనున్నట్లు మంత్రి పేర్కొన్నారు. శిల్పారామాల్లో కి మంగళవారం నుంచి పర్యాటకులను అనుమతించడం జరుగుతుందని, ఐతే ఫిల్మ్స్ ప్రదర్శనలు, వినోద క్రీడల కు అనుమతి లేదని పేర్కొన్నారు.
రాష్ట్ర ముఖ్యమంత్రి వైయస్ జగన్ మోహన్ రెడ్డి ఈ ఏడాది జూన్ మొదటి వారంలో గ్రామ, వార్డు సచివాలయాల ద్వారా రైస్ కార్డులు అందించే కార్యక్రమాన్ని మొదలు పెట్టడం జరిగిందని, అందులో భాగంగా రాష్ట్రంలో జూన్ నుంచి ఇప్పటి వరకు 13.20 లక్షల రైస్ కార్డులను కొత్తవారికి అందజేశామని సివిల్ సప్లయిస్ కమీషనర్ కోన శశిధర్ పేర్కొన్నారు. ఆదివారం స్థానిక ఆర్ అండ్ బి అతిథి గృహంలో అసిస్టెంట్ కలెక్టర్ జి.సూర్యతో కలిసి సివిల్ సప్లయిస్ కమీషనర్ పాత్రికేయులతో మాట్లాడారు. ఈ సందర్భంగా ఆయన మాట్లాడుతూ గ్రామ, వార్డు సచివాలయాల ద్వారా దరఖాస్తు చేసుకున్న 10 రోజుల్లో రైస్ కార్డులు అందించే కార్యక్రమాన్ని జూన్ నెలలో ప్రారంభించినప్పుడు కొన్ని సాంకేతిక ఇబ్బందులు ఉన్నప్పటికీ వాటిని అధిగమించి మిగతా ఏ కార్డులకు లేని విధంగా కేవలం రైస్ కార్డులను మాత్రమే సచివాలయంలో ప్రింట్ చేసి ఇచ్చే సదుపాయం ఇవ్వడం జరిగిందన్నారు. ఎవరికి కార్డు లేకపోయినా వారు సంబంధిత సచివాలయంలోకి వెళ్లి దరఖాస్తు చేసుకుంటే పది రోజుల్లోపు ఖచ్చితంగా రైస్ కార్డు ఇచ్చే బాధ్యత సివిల్ సప్లై శాఖ తీసుకుందన్నారు. వచ్చే డిసెంబర్ లేదా జనవరి నుంచి ఎప్పుడైతే నాణ్యమైన బియ్యం ఇంటింటికీ సరఫరా చేసే కార్యక్రమం అమలు చేస్తామో అప్పుడు వంద శాతం రైస్ కార్డు అమలు అవుతుందన్నారు. ఇంటింటికి రైస్ కార్డు ద్వారా నాణ్యమైన బియ్యం సరఫరా చేయాలని ప్రభుత్వం నిర్ణయం తీసుకుందని, ఇందులో భాగంగా 9260 మినీ ట్రక్స్ వాహనాలను కొనుగోలు చేస్తున్నామన్నారు. మినీ ట్రక్స్ వాహనాలతో ఎఫ్ పి షాపు నుంచి ఇంటి వద్దకు నాణ్యమైన బియ్యాన్ని తీసుకెళ్లడానికి సెల్ఫ్ ఎంప్లాయిమెంట్ స్కీమ్ కింద వాహనాలను బీసీ, ఎస్సీ, ఎస్టీ, మైనార్టీ కార్పొరేషన్ ద్వారా యువతకు ఒక అవకాశం ఇవ్వాలని రాష్ట్ర ముఖ్యమంత్రి నిర్ణయం తీసుకున్నారని, అందుకనుగుణంగా వాహనాల కొనుగోలు చేసి డిసెంబరు లేదా జనవరి నెలలో రాష్ట్రంలో ఉన్న ప్రతి ఇంటి గడప వద్దకు నాణ్యమైన బియ్యం తీసుకెళ్లడానికి చర్యలు తీసుకుంటామన్నారు. ఇంతకుముందు పీడీఎస్ బియ్యం అంటే నాసిరకం బియ్యం అనే అపోహలు ప్రజలలో ఉన్నాయని, అపోహలు తొలగిస్తూ చక్కని బియ్యం, తినగలిగిన నాణ్యమైన బియ్యాన్ని ప్రతి ఇంటి వద్దకే చేర్చాలనే కార్యక్రమం రూపొందించామన్నారు. శ్రీకాకుళం జిల్లాలో ఇప్పటికే కార్యక్రమాన్ని విజయవంతంగా అమలు చేశామని, అక్కడి నుంచి కొన్ని అనుభవాల ద్వారా వచ్చే రెండు నెలల్లో రాష్ట్రం మొత్తం మీద గడపగడపకు బియ్యం పంపిణీ చేసేందుకు చర్యలు తీసుకుంటామన్నారు. ఏ ఆసరా లేని వారికి సింగిల్ కార్డు తీసుకోవచ్చని, ట్రాన్స్ జెండర్స్ కు కూడా కార్డులను ఇస్తామన్నారు. రైస్ కార్డు అనేది మిగతా ఎటువంటి స్కీమ్ లకు సంబంధం లేనిదని, కేవలం బియ్యం, పప్పులు కావాలనుకునేవారు, బియ్యం తినే వారు మాత్రమే తీసుకోవాలన్నారు. సచివాలయం పరిధిలో దరఖాస్తు తీసుకోవడం, మంజూరు చేయడం, అక్కడే కార్డు ప్రింట్ చేయడం జరుగుతోందన్నారు. సామాన్య ప్రజలు బియ్యం కార్డు కోసం ఎక్కడ ఇబ్బంది పడకూడదని అన్ని రకాల ఏర్పాట్లు చేశామని, అన్ని సచివాలయాల పరిధిలో ఎక్కువ స్థాయిలో సర్వీసులు బియ్యం కార్డు కోసమే వచ్చాయన్నారు. అవసరమైన వారు దరఖాస్తు చేసుకుంటే బియ్యంగా ఇవ్వడానికి సిద్ధంగా ఉన్నామన్నారు.
రాష్ట్రంలో వర్షాలు బాగా పడ్డాయని, ఖరీఫ్ సీజన్ లో ధాన్యం కొనుగోలు కూడా రైతు భరోసా కేంద్రాల ద్వారా చేయాలని రాష్ట్ర ముఖ్యమంత్రి ఆదేశించారన్నారు. అందుకు అనుగుణంగా వరి పండించే ప్రాంతాలైన కోస్తా జిల్లాలు, హెచ్ఎల్సీ పరిధిలోని ప్రాంతంలో రైతులు ఎవరూ కనీస మద్దతు ధర కంటే తక్కువగా పంట అమ్ముకోవాల్సిన పరిస్థితి లేకుండా అన్ని రకాల చర్యలు తీసుకుంటున్నామన్నారు. ఎక్కడైనా ధర పడిపోతుంటే అక్కడ వరి కొనుగోలు కేంద్రం పెట్టి ధాన్యం కొనుగోళ్లకు చర్యలు తీసుకుంటామన్నారు. రాష్ట్ర ముఖ్యమంత్రి సూచనల మేరకు రైస్ కార్డులు, ధాన్యం సేకరణ, బియ్యం క్వాలిటీ, బియ్యం పంపిణీ చేసే విధానం ప్రతి విషయంలో కూడా పూర్తిగా ప్రక్షాళన చేసి మార్పులు తీసుకొస్తున్నామన్నారు. సివిల్ సప్లై పంపిణీలో బాగా అమలవుతున్న రాష్ట్రం ఏదంటే ఆంధ్రప్రదేశ్ అని కేంద్ర ప్రభుత్వం చెప్పేలా పరిస్థితి తీసుకువచ్చామన్నారు. ఇంటింటికీ బియ్యం తీసుకెళ్లి సరఫరా చేయడంలో దేశంలోనే రాష్ట్రాన్ని మొదటి స్థానంలో నిలిచేలా చేయాలన్నది మా సంకల్పమని, ఆ దిశగా అన్ని రకాల చర్యలు తీసుకుంటున్నామన్నారు. ఒకప్పుడు బియ్యంలో నూకలు ఉండేవని, అన్నం ముద్దవుతుండేదని, ప్రజల ఆహార అలవాట్లను గమనించి మంచి నాణ్యమైన బియ్యాన్ని తీసుకురావడం జరుగుతోందన్నారు. ఇందుకు సంబంధించి బియ్యం నిల్వ చేస్తున్న అనంతపురం పరిధిలోని జంగాలపల్లి గోడౌన్ ను చెక్ చేసి వచ్చామని సివిల్ సప్లయిస్ కమీషనర్ తెలిపారు.
అశోక్ నగర్ వార్డు సచివాలయం తనిఖీ
నగరంలోని అశోక్ నగర్ వార్డు సచివాలయాన్ని రాష్ట్ర సివిల్ సప్లయిస్ కమీషనర్ కోన శశిధర్ తనిఖీ చేశారు. ఈ సందర్భంగా వార్డు సచివాలయం ద్వారా సేవలను ఎలా అందిస్తున్నారు, ఇంతవరకు ఎన్ని సర్వీసుల కు సేవలు అందించారు, కొత్త రైస్ కార్డులను ఎలా అందిస్తున్నారు అనే విషయాలను సచివాలయ సిబ్బంది తో ఆరా తీశారు. ప్రభుత్వ పథకాలకు సంబంధించి ప్రజలకు అవగాహన కల్పించాలని సివిల్ సప్లయిస్ కమీషనర్ సూచించారు.ఈ కార్యక్రమంలో జాయింట్ కలెక్టర్ (గ్రామ , వార్డు సచివాలయాలు మరియు అభివృద్ధి) ఏ.సిరి, అసిస్టెంట్ కలెక్టర్ జి.సూర్య, మునిసిపల్ కమిషనర్ మూర్తి తదితరులు పాల్గొన్నారు.
విశాఖ వీఎంఆర్డీఏ చైర్మన్ ద్రోణంరాజు శ్రీనివాస్ కన్నుమూశారు. గత కొద్ది రోజులుగా అనారోగ్యంతో బాధపడుతున్న ఆయన పినాకిల్‌ ఆస్పత్రిలో చికిత్స పొందుతూ ఆదివారం తుదిశ్వాస విడిచారు. ద్రోణం విశాఖ వన్‌టౌన్‌ నుంచి రెండుసార్లు ఎమ్మెల్యేలుగా పనిచేశారు. ప్రస్తుతం ఆయన విశాఖ మెట్రో రీజియన్‌ డెవలప్‌మెంట్‌ అథారిటీ(వీఎంఆర్డీఏ) చైర్మన్‌గా పనిచేస్తున్నారు. ఈయన మ్రుతి పట్ల సీఎం ముఖ్యమంత్రి వైఎస్ జగన్మోహనరెడ్డి దిగ్బ్రాంది వ్యక్తం చేశారు. మంత్రులు ముత్తంశెట్టి శ్రీనివాస్, బొత్సా సత్యన్నారాయణ, ఎంపీ ఎంవీవీ సత్యన్నారాయణ, అనకాపల్లి ఎమ్మెల్యే గుడివాడ అమర్నాద్, నర్సీపట్నం ఎమ్మెల్యే పెట్ల ఉమాశంకర్ గణేష్, పాయకరావుపేట ఎమ్మెల్యే గొల్లబాబూరావు, యలమంచిలి ఎమ్మెల్యే కన్నబాబురాజు, అరకు, పాడేరు ఎమ్మెల్యే చెట్టి పాల్గున కొట్టగుళ్లి భాగ్యలక్ష్మి, ఎంపీ గొడ్డేటి మాధవి విశాఖనగర అధ్యక్షులు వంశీక్రిష్ణ శ్రీనివాస్, కెకెరాజు, మళ్లవిజయప్రసాద్ లు తమ ప్రగాడ సానుభూతిని తెలియజేశారు.
ప్రపంచంలోని ప్ర‌జ‌లంతా ఆయురారోగ్యా‌ల‌తో ఉండాల‌ని శ్రీ‌వారిని ప్రార్థిస్తూ తిరుమల నాద‌నీరాజ‌నం వేదిక‌పై ఆదివారం ఉదయం సుందరకాండలోని 15వ సర్గ నుంచి 19వ సర్గ వరకు ఉన్న 174 శ్లోకాలను దాదాపు 200 మంది వేద పండితుల అఖండ పారాయణం చేశారు. ఈ కార్యక్రమం ఆద్యంతం భక్తిభావాన్ని పంచింది. ఎస్వీబీసీ ప్రత్యక్ష ప్రసారం ద్వారా భక్తులు తమ ఇళ్ల నుంచే పారాయణంలో పాల్గొన్నారు. ఈ ఐదో విడ‌త సుందరకాండ అఖండ పారాయణం ఉదయం 7 నుండి 9 గంటల వరకు జరిగింది. ముందుగా టిటిడి ఆస్థాన సంగీత విద్వాంసులు గరిమెళ్ల బాలకృష్ణ ప్రసాద్ శ్రీరామ సంకీర్తనతో కార్యక్రమం ప్రారంభమైంది. చివరగా తిరుపతిలోని జాతీయ సంస్కృత విశ్వవిద్యాలయం ఉపకులపతి ఆచార్య మురళీధర శర్మ రచించిన ఆంజనేయ స్తుతిని ఎస్వీ సంగీత కళాశాల అధ్యాపకురాలు డా.వందన బృందం రమ్యంగా ఆలపించారు. తిరుమల ధ‌ర్మ‌గిరి వేద విజ్ఞాన పీఠం, తిరుపతిలోని వేద విశ్వవిద్యాలయం, సంస్కృత విశ్వవిద్యాలయం, వేదపారాయణదారులు శ్లోకపారాయణం చేశారు. ఈ సందర్భంగా తిరుమల ధ‌ర్మ‌గిరి వేద విజ్ఞానపీఠం ప్రిన్సిపాల్ శ్రీ కుప్పా శివ‌సుబ్ర‌మ‌ణ్య అవధాని మాట్లాడుతూ రామనామం ఎక్కడ పలికితే అక్కడ హనుమంతుడు ప్రత్యక్షమవుతాడని, హనుమంతుని అనుగ్రహం ఉంటే సకల కార్యాలు నెరవేరుతాయని చెప్పారు. ధర్మ ప్రచారంలో భాగంగా మానవులకు సిరిసంపదలు కలిగేందుకు విరాట పర్వం, ధార్మిక చైతన్యం అలవడేందుకు గీతా పారాయణం చేపడుతున్నట్టు వివరించారు.
ఇప్ప‌టివ‌ర‌కు నాలుగు విడ‌త‌ల్లో అఖండ పారాయణం జరిగింది. జూలై 7న మొదటి విడ‌త‌లో మొదటి స‌ర్గ‌లోని 211 శ్లోకాలు, ఆగ‌స్టు 6న రెండో విడ‌త‌లో 2 నుండి 7వ సర్గ వరకు 227 శ్లోకాలు, ఆగ‌స్టు 27న మూడో విడ‌త‌లో 8 నుండి 11వ సర్గ వరకు 182 శ్లోకాలు, సెప్టెంబ‌రు 12న నాలుగో విడ‌త‌లో 12 నుండి 14వ సర్గ వరకు 146 శ్లోకాల అఖండ పారాయణం జరిగింది. ఈ కార్యక్రమంలో టిటిడి అదనపు ఈఓ ఏ.వి.ధ‌ర్మారెడ్డి, జాతీయ సంస్కృత వర్సిటి ఉపకులపతి ఆచార్య మురళీధర శర్మ, ఎస్వీ వేద వ‌ర్సిటీ ఉపకులపతి ఆచార్య స‌న్నిధానం సుద‌ర్శ‌నశ‌ర్మ, అన్న‌మాచార్య ప్రాజెక్టు సంచాల‌కులు ద‌క్షిణామూర్తి, ఎస్వీ ఉన్న‌త వేదాధ్యయ‌న సంస్థ ప్రాజెక్టు అధికారి విభీష‌ణ శర్మ తదితరులు పాల్గొన్నారు.
