ఆంధ్రప్రదేశ్ లో ఉన్నత విద్యకు చాలా ఏళ్ల తరువాత మహర్ధశ పట్టబోతుంది.. ఇప్పటివరకూ డిగ్రీకాలేజీలు, యూనివర్శిటీల్లో విద్యార్ధులకు నాణ్యమైన విద్యకోసం క్రుషిచేసిన అధికారులు లేకుండా పోయారు. దీనితో ఉన్నత విద్య రాష్ట్రంలో అంతంత మాత్రంగానే సాగుంది.. ఏపీలోని ఉన్నత విద్య దేశానికే ఆదర్శం కావాలన్నా, ప్రైవేటు విద్యకు ధీటుగా ప్రభుత్వ కాలేజీల్లో సౌకర్యాలు అందుబాటులోకి రావాలన్నా ఉన్నతాధికారులు కీలకంగా వ్యవహరిస్తే తప్పా అదిజరగదు. దానికోసం వైఎస్సార్సీపీ ప్రభుత్వం డేరింగ్ అండ్ డేషింగ్  సీనియర్ ఐఏఎస్ అధికారి డా.పోలాభాస్కర్ ను రంగంలోకి దించింది. ఈయన ఉన్నత విద్యకు  కమిషనర్, డైరెక్టర్ టెక్నకల్ ఎడ్యుకేషన్ గా చేరిన వెంటనే శాస్వత అభివ్రుద్ధికి, ప్రక్షాలనకు శ్రీకారం చుట్టారు. రాష్ట్రవ్యాప్తంగా రీజియన్ కేంద్రాలు, వాటి కింద వున్న ప్రభుత్వ డిగ్రీ, పాలిటెక్నిక్ కాలేజీలు, సదుపాయాలు, విద్యావ్యవస్థ, ఆన్ లైన్ విద్య, ఇలా అన్ని విషయాలపై ఒకేసారి ద్రుష్టి కేంద్రీకరించారు. దీనితో ఉన్నత విద్యలో ఎన్నడూ రానంతగా చురుకుదనం, కొత్త కొత్త విధానాలు అమలవుతున్నాయి. కరోనా సమయంలో డిగ్రీ, పాలిటెక్నిక్ విద్యార్ధులు నాణ్యమైన విద్యకు దూరమయ్యారు. మళ్లీ విద్యార్ధులకు ఆ స్థాయిలో విద్య అందించాలంటే శాఖా పరంగా కఠిన నిర్ణయాలు తీసుకుంటే తప్పా విద్యార్ధుల భవిష్యత్తుకి బాటలు వేయలేమని ప్రభుత్వం భావించి ఆ దిశగా తన దైన స్టైల్ లో కార్యాచరణ తో ద్రుష్టిని కేంద్రీకరించారు కమిషనర్.  ఈ ఉన్నతాధికారి విధుల్లోకి చేరుతూనే కరోనా సమయంలో ఆన్ లైన్ విద్య విద్యార్ధులకు సక్రమంగా జరగడం లేదనే విషయాన్ని పసిగట్టారు. వెంటనే జోనల్ స్థాయిలో సమీక్షలు నిర్వహించాలని నిర్ణయించారు. సమావేశాలు అనంతరం రూట్ మ్యాప్ ద్వారా  రాష్ట్రవ్యాప్తంగా పర్యటించి క్షేత్ర స్థాయిలో సమస్యలు తెలుసుకోవడంతోపాటు సదుపాయాలు, సిబ్బందికొరత, భవనాలు, విద్యావిధానం ఇలా అన్ని అంశాలను గాడిలోపెట్టడానికి కార్యాచరణ రూపొందించారు. ఉన్నత విద్య కమిషనర్ క్షేత్రస్థాయిలో పర్యటిస్తే వచ్చే ఫలితాలు ఎలావుంటాయో ఈయన జిల్లా కలెక్టర్ గా చేసిన జిల్లాల్లో ఇప్పటికీ అధికారులు, ప్రజాప్రతినిధుల నెమరు వేస్తూనే వున్నారు. ఇపుడు విద్యార్ధుల భవిష్యత్తుకు కూడా బంగారు బాటలు పడే అవకాశాలు ఎక్కువగా ఉన్నాయని  కమిషనర్ పోలాభాస్కర్ పుణ్యమాని విద్యార్ధుల విద్యావిధానం, నాణ్యమైన విద్య, కళాశాలల్లో మరింతగా అభివ్రుద్ధి చెందుతాయని అన్ని వర్గాల్లో ఆశలు చిగురిస్తున్నాయి..!

       

ఆంధ్రప్రదేశ్ ప్రభుత్వం అత్యంత తక్కువగా జాబ్ క్యాలెండర్ విడుదల చేసిన నేపథ్యంలో మరోసారి గ్రామ,వార్డు సచివాలయ మిగులు ఉద్యోగాలు, పోలీస్ శాఖలో ఖాళీలు, భర్తీకాకుండా మిగిలిపోయిన ఉపాధ్యాయుల ఉద్యోగాలు, చాలా ప్రభుత్వ శాఖల్లో ఖాళీగా వున్న కీలక జిల్లా పోస్టుల్లో అధికారులు డిప్యుటేషన్ పై పనిచేస్తున్న విషయం మరోసారి తెరపైకి వచ్చాయి. దీనితో రాష్ట్రవ్యాప్తంగా గ్రామ సచివాలయాల్లో మిగిలిపోయిన సుమారు 9వేల ఉద్యోగాలను వచ్చే ఏడాది జాబ్ కేలండర్ లో ప్రకటిస్తారనే సమాచారం ప్రచారంలోకి వచ్చేసింది. నెల రోజుల క్రితం సచివాలయ వ్యవస్థలో సుమారు 9వేల మిగులు ఉద్యోగాలను భర్తీచేస్తామని ప్రకటించిన పంచాయతీరాజ్ శాఖ మంత్రి పెద్దిరెడ్డి రామచంద్రారెడ్డి, ఆగస్టులో 6వేల పోలీసు సిబ్బంది ఖాళీలను భర్తీచేస్తామని హోం మంత్రి మేకతోటి సుచరిత చేసిన ప్రకటనలనే ఇపుడు నిరుద్యోగులు గుర్తుచేస్తున్నారు.  ప్రతీ ఏడాది 18వేల ఉద్యోగాలకు తక్కువ లేకుండా అన్ని రకాల ఉద్యోగాలను జాబ్ కేలండర్ ద్వారా భర్తీ చేయాలని చూస్తున్నారని మంత్రులు ఒకరి తరువాత ఒకరు ప్రకటిస్తున్నారు.  నేటి వరకూ ప్రధాన ప్రభుత్వ శాఖల్లో గ్రూప్-1, గ్రూప్-2 ఉద్యోగాలతో పాటు సచివాలయంలో భారీగా ఖాళీలు ఏర్పడ్డాయి. ఇటీవల హైకోర్టు తీర్పు ఇచ్చిన నేపథ్యంలో సుమారు 500 మందికి పైగా సచివాలయ ఉద్యోగులు తాము చేస్తున్న ఉద్యోగాలకు రాజీనామా చేసి, ఉపాధ్యాయ ఉద్యాగాల్లోకి చేరిపోయారు. వీటితోపాటు చాలా ప్రభుత్వ శాఖల్లో ఖాళీగా ఉండిపోయిన ఖాళీల కారణంగా  కొందరు అధికారులతో డిప్యూటేషన్ పద్దతిపై ప్రభుత్వం అదనపు ఉద్యోగం చేయిస్తుంది. రాష్ట్ర ఖజానాను ద్రుష్టిలో పెట్టుకొని మాత్రమే తక్కువగా పోస్టుల భర్తీ తొలి జాబ్ కేలండర్ లో ప్రకటించారని చెబుతున్నా.. ముఖ్యంగా విద్యాశాఖలో ఉపాధ్యాయుల పోస్టులకి సంబంధించి డిఎస్సీ ప్రస్తావన లేకపోవడం కూడా నిరుద్యోగులను తీవ్రస్థాయిలో నిరాశకు గురిచేసింది. వైఎస్సార్సీపీ ప్రభుత్వం అధికారంలోకి వచ్చిన తరువాత అత్యంత అధికంగా గ్రామ, వార్డు సచివాలయ ఉద్యోగాలను మాత్రమే భర్తీచేసింది. మిగిలిన ఉద్యోగాలన్నీ గత ప్రభుత్వం చేపట్టిన వాటినే దఫ దఫాలుగా భర్తీచేస్తూ వస్తున్నది. ఈ క్రమంలోనే నిరుద్యోగులు రాష్ట్రవ్యాప్తంగా నిరంతం ఆందోళనలు చేపడుతున్నారు. దీనితో రంగంలోకి దిగిన వివిధ శాఖల మంత్రులు నిరుద్యోగులను బుజ్జగించే ప్రయత్నాలు ప్రారంభించారు. వచ్చే జాబ్ కేలండర్ మార్చినాటికి వస్తుందని దానిలో మిగులు ఉద్యోగాల భర్తీచేడతామని, అంతేకాకుండా కరోనా సమయంలో అత్యధిక ఉద్యోగాలు భర్తీకి నోటిఫికేషన్ ఇవ్వడం మంచిది కాదనే భావనతోనే ప్రభుత్వం తక్కువగా ఉద్యోగాల భర్తీ చేపడుతుందని రాష్ట్ర రవాణా, సమాచారశాఖ మంత్రి పేర్ని నాని పేర్కనడం కూడా చర్చనీయాంశం అవుతోంది. ఏది ఏమైనా జాబ్ కేలండర్ విషయంలో ప్రభుత్వం ప్రకటించిన ఉద్యోగాల సంఖ్య నిరుద్యోగులను తీవ్రస్థాయిలో నిరాశకు గురిచేసింది. అంతేకాకుండా కాంట్రాక్టు, ఔట్ సోర్సింగ్ ఉద్యోగాలను ప్రభుత్వం రెగ్యులర్ చేస్తుందోలేదో కూడా క్లారిటీ ఇవ్వకుండా వాటిని కూడా ప్రభుత్వ ఉద్యోగులుగానే జాబ్ కేలండర్ లో చూపించడం నిరుద్యోగులకి ఆగ్రహాన్ని తెప్పించింది. ఈ నేపథ్యంలో మంత్రల ప్రచారం మేరకు వచ్చే ఏడాది ఎన్ని ఖాళీల భర్తీకి జాబ్ కేలండర్ వస్తుందనే విషయంపై అందరిలోనూ ఉత్కంఠ నెలకొంది.. వచ్చే జాబ్ కేలండర్ లో నైనా ఉద్యోగాల సంఖ్య పెంచుతారా లేదంటే ఇదేస్థాయిలో ప్రకటిస్తారా అనేది వేచి చూడాలి..!

ఆంధ్రప్రదేశ్ ప్రభుత్వంలో ఎన్నాళ్ల నుంచో నలుగుతున్న ఈ-హాస్పిటల్ వైఎస్సార్సీపీ ప్రభుత్వంలో కూడా అందుబాటులోకి వచ్చే సూచనలు కనుచూపు మేరలో కూడా కనిపించడం లేదు. ప్రైవేటు ఆసుపత్రులకు ధీటుగా గత ప్రభుత్వం హయాంలో ఈ-హాస్పిటల్ ను అభివ్రుద్ధి చేసి పేపర్ లెస్ ఆస్పత్రులను ప్రజలకు అందించాలని అప్పటి ఆరోగ్యశాఖ ముఖ్యకార్యదర్శి పూనం మాలకొండయ్య సంకల్పించారు. ఆమె ప్రభుత్వ శాఖ, ప్రభుత్వం కూడా మారిపోవడంతో ఆ తరువాత మళ్లీ ఆ ఊసే ప్రభుత్వం ఎత్తలేదు. రూ1000 దాటితే ప్రభుత్వ ఆసుపత్రుల్లో ఉచిత వైద్యసేవలు అందించాలని భావించిన ప్రభుత్వం ఈ-హాస్పిటిల్ ను మాత్రం అందుబాటులోకి తీసుకువస్తుందని అంతా భావించారు. కానీ ఆ దిశగా ఒక్క అడుగు కూడా పడలేదు.. ఈ-హాస్పిటల్ వ్యవస్థ అందుబాటులోకి రావడం ద్వారా ప్రభుత్వ డిస్పెన్సరీలు, పీహెచ్సీలు, ఏరియా, జిల్లా ఆసుపత్రుల్లోకి కావాల్సిన వసతులు, మందులు, ల్యాబ్ పరికరాలు, యంత్రాలు, సిబ్బంది ఖాళీలు మొత్తం అన్నీ ఒకే వెబ్ సైట్ ద్వారా ప్రభుత్వం తెలుసుకునే వీలుంటుంది. ప్రస్తుతం రాష్ట్రవ్యాప్తంగా కుప్పలు తెప్పలుగా ఒకే రకమైన మందులు కొనుగోలు చేసి అవి వినియోగంలోకి రాక చాలా చోట్ల మందులు అధికంగా వ్రుధా అవుతున్నాయి. ఈ వ్యవస్థ ద్వారా ప్రజల రోగాలకు కావాల్సిన మందులు కొనుగోలు చేసి అందించే ఏర్పాటు చేయవచ్చు. పైగా ఏ రకం మందులు ప్రజలు అధికంగా ఉపయోగ పడుతున్నాయో కూడా తెలుసుకునే వీలుంటుంది. అంతేకాకుండా ఎప్పుడైనా ప్రభుత్వం వైద్య ఆరోగ్యశాఖలో ఖాళీలను భర్తీచేయాలనుకున్నా, వసతులు కల్పించాలన్నా, ఎపడమిక్ సమయంలో రాష్ట్రవ్యాప్తంగా ఉన్న పీహెచ్సీలు, ఇతర ప్రభుత్వ ఆసుపత్రులకు మందులు సరఫరా చేయాలన్నా ఒకేసారి జిల్లా అధికారుల నుంచి ఇండెంట్ కోరే పనుండదు. పైగా రాష్ట్రవ్యాప్తంగా ఉన్న జిల్లాలకు ఖాళీల విషయమై ప్రతీసారి ఫైల్ రన్ చేసే ఇబ్బందులు కూడా తప్పుతాయి. ఈ-హాస్పిటిల్ విధానం ద్వారా ఆన్ లైన్ లోనే రోగి ఆధార్ కార్డు లేదా, ఫోన్ నెంబరు ఆధారంగా వివరాలు నమోదు చేసి..ఏ రోగి రోగానికి ఏ తరహా మందులు ఇచ్చారు, ఏ తరహా రక్తపరీక్షలు చేశారు, ఎలాంటి మందులు చీటీ రాశారు, రాసిన మందులు పీహెచ్సీల్లో అందుబాటులో ఉన్నాయా లేదా, ఇంకా ఎలాంటి టెస్టులు చేయాలి, ఆసుపత్రిల్లో అందించే సేవలు అనేవివరాలు ఇలా అన్నీ ఒక ప్రత్యేక ఫామ్ లో నమోదు అవుతాయి. తద్వారా ప్రభుత్వానికి కూడా ఎంత మంది ప్రజలకు ఉచిత వైద్యసేవలు అందించారో ఆధారాలతో సహా ప్రకటించడానికి వీలుపడుతుంది. ఇదే విషయాన్ని జిల్లాలోని డిఎంహెచ్ఓలు, రాష్ట్రస్థాయిలో వైద్యఆరోగ్యశాఖ ముఖ్యకార్యదర్శి స్వయంగా వివరాలు ఈ హాస్పిట్ ద్వారా తెలుసుకునే వీలుంటుంది. ఇదే సమయంలో వైద్య ఆరోగ్యశాఖ ద్వారా ప్రభుత్వం అందించే సేవలు కూడా అన్ని కార్యక్రమాలు మాదిరిగానే మీడియా ద్వారా ఏఏ సేవలు ప్రజలకు అందించారో కూడా తెలియజేయడానికి ఆస్కారం వుంటుంది. ఇన్ని సదుపాలయాలతోపాటు పేపర్ లెస్ ఆసుపత్రిగా మార్చడం ద్వారా సరికొత్త విధానాన్ని అందుబాటులోకి తేవాలని నాడు సంకల్పించారు. ప్రతిరోజూ ప్రభుత్వ ఆసుపత్రులకు ఓపీలో ఏ తరహా రోగులు వస్తున్నారనేది పర్శంటేజీ రూపంలో ప్రభుత్వానికి తెలిసే అవకాశం వుంటుంది. దానికి అనుగుణంగా ప్రభుత్వం మందులు, ఇతర సదుపాయాలు కల్పించడానికి, ఆరోగ్యశ్రీ సేవలు అందించడానికి అవకాశం వుంటుందనేది ఈ-ఆసుపత్రి ముఖ్య ఉద్దేశ్యం. అంతేకాకుండా ప్రభుత్వం ప్రతీఏడాది జాబ్ క్యాలెండర్ తీయడానికి సన్నద్దమైన నేపథ్యంలో పీహెచ్సీనుంచి జిల్లా ఆసుపత్రి వరకూ సిబ్బంది ఖాళీల వివరాలు కూడా ఏకకాలంలో తెలుసుకోవడం ద్వారా అవసరమైన సమయంలో ఖాళీలను భర్తీచేయడానికి వైద్యఆరోగ్యశాఖ వివరాలు అందుబాటులోకి వస్తాయి.  ప్రస్తుతం ప్రైవేటు ఆసుపత్రులన్నీ ఇదే విధానాన్ని అవలంభిస్తూ..అనవసర మందుల వినియోగాన్ని తగ్గించుకుంటూ పేపర్ లెస్ ఆసుపత్రులగా అభివ్రుద్ధి చెందుతున్నాయి. అంతేకాకుండా వారికి కావాల్సిన సిబ్బందిని కూడా వారి రాష్ట్ర యాజమాన్యం ఆదేశాల మేరకు నియమాకాలు కూడా చేపడుతున్నాయి. ప్రస్తుతం మొబైల్ ఫోన్ నెంబరు ద్వారా ప్రైవేటు ఆసుపత్రుల్లో ఈ-హాస్పిటిల్ వ్యవస్థ ఎంతో చక్కగా అమలు చేస్తున్నారు. ఇదే విధానాన్ని రాష్ట్రప్రభుత్వం కూడా అవంభిస్తే ప్రజలకు గ్రామ స్థాయిలో ప్రాధమిక ఆరోగ్య సేవలు అందించాలనే లక్ష్యం నెరవేరడంతోపాటు, జిల్లా ఆసుపత్రుల్లో మరింత మెరుగైన వైద్యం అందించడానికి వీలు కలుగుతుంది. ఈ దశగా ప్రభుత్వం ఇప్పటికైనా చర్యలు తీసుకుంటుందో లేదో వేచి చూడాలి మరి..!

ఆంధ్రప్రదేశ్ శాసన మండలి సభ్యులుగా ఆర్వీ రమేష్ యాదవ్, కె.మోషేన్ రాజు, తోట త్రిమూర్తులు, లేళ్ల అప్పిరెడ్డి ప్రమాణ స్వీకారం చేశారు. అసెంబ్లీలోని శాసనమండలి చైర్మన్ కార్యాలయంలో ప్రొటెం చైర్మన్ విఠపు బాలసుబ్రహ్మణ్యం...నూతన సభ్యులతో సోమవారం ప్రమాణం చేయించారు. ఈ నలుగురు సభ్యులు గవర్నర్ కోటాలో నియమితులయ్యారు. నూతన ఎమ్మెల్సీలకు ప్రొటెం చైర్మన్ శాసన మండలి నియామవళి కిట్ ను అందజేశారు. ఈ కార్యక్రమంలో మంత్రులు కొడాలి వెంకటేశ్వరరావు(నాని) కన్నబాబు, మేకతోటి సుచరిత, తానేటి వనిత, శ్రీరంగనాథరాజు, గుమ్మనూరు జయరాంతో పాటు రాష్ట్ర ప్రభుత్వ సలహాదారులు సజ్జల రామకృష్ణారెడ్డి, ఎంపీ మోపిదేవి వెంకటరమణ, పలువురు ఎమ్మెల్యేలు, ఎమ్మెల్సీలు తదితరులు పాల్గొన్నారు. 

ఆంధ్రప్రదేశ్ లోని 13 జిల్లాల్లో ఉన్న 17 యూనివర్శిటీల్లో ఏం జరుగుతుందో నేటికీ విద్యార్ధులకు సరైన సమాచారం లేదు..సరైన మీడియా ద్వారా చేరడం లేదు.. అన్ని యూనివర్శిటీలకు వెబ్ సైట్లు వున్న సమాచారాన్ని పూర్తిస్థాయిలో అందులో ఏర్పాటు చేకపోవడం ఉన్నత విద్యాశాఖ తప్పుల్లో ప్రధానంగా కనిపిస్తుంది. లక్షల రూపాయలు ఖర్చుచేసి మీడియాలో ప్రకటనలు ఇవ్వడానికి ప్రభుత్వం మొగ్గు చూపిస్తుంది తప్పితే అదే మొత్తంతో పీఆర్వోల(మీడియా సెల్) ను యూనివర్శిటీల్లో ఏర్పాటు చేసి సమాచారం సకాలంలో మీడియా ద్వారా అందించే ఏర్పాటు చేయడానికి మొత్రం అటు ప్రభుత్వం, ఇటు వైస్ చాన్సలర్లు తెగ నొప్పులు పడిపోతున్నారు. కేవలం ఒకటి రెండు యూనివర్శిటీల్లో మాత్రం జర్నలిజం విభాగ అధిపతులు మీడియా ద్వారా ప్రెస్ రిలీజ్ లు ఇస్తే తప్పా విద్యార్ధులకు, వారి తల్లిదండ్రులకు యూనివర్శిటీల సమాచారం తెలియని పరిస్థితి నెలకొంది. వాస్తవానికి ప్రభుత్వ యూనివర్శిటీల్లో పీఆర్వో విభాగాలుండాలి. గత ప్రభుత్వాలు చేసిన తప్పులే ప్రస్తుత ప్రభుత్వం కూడా చేయడంతో ఏపీని 17 యూనివర్శిటీల్లో పీఆర్వో పోస్టులు భర్తీకాకుండా మిగిలిపోయాయి. యూనివర్శిటీ వైస్ చాన్సలర్స్ కి వున్న అధికారాలతో ఔట్ సోర్సింగ్ లేదా, కాంట్రాక్టు విధానంలో పీఆర్వోలను నియమించుకునే అవకాశం వున్నప్పటికీ ఆ కీలకమై పోస్టులను భర్తీచేయకుండా వదిలేశారు. దీనితో యూనివర్శిటీల్లో ఏం జరుగుతుందో(విద్య, వసతులు, కోర్సులు, పరీక్షలు, ఫలితాలు) విద్యార్ధులకు తల్లిదండ్రులకు తెలియకుండా పోతుంది. ఈ విషయంలో ఉన్నతవిద్యా శాఖ అధికారులను ఎన్నిసార్లు ప్రశ్నించినా ఫలితం లేకుండా పోతుంది. ఇటు యూనివర్శిటీ విసిల నియామకాలు కూడా ప్రభుత్వంలోని రాజకీయనాయకులతో ముడిపడి వుండటంతో తమ పోస్టుల నియమాకాల కోసమే చూస్తున్నారు తప్పితే యూనివర్శిటీలో ఏం జరుగుతుందో విద్యార్ధులకు తెలియజేయడంలో వైస్ చాన్సలర్లు కూడా తీవ్రస్థాయిలో విఫలం చెందుతున్నారు. ఒకటిరెండు యూనివర్శిటీల్లో మాత్రం వీసిలు ప్రైవేటుగా పీఆర్వోలను ఏర్పాటు చేసి అడపా దడపా మీడియాకి సమాచారం అందిస్తున్నారు. అయితే ప్రభుత్వం నుంచి పోస్టుల అనుమతి, జీతాల విడుదలకు ఇబ్బందులు అనుమతులు ఇవ్వకపోవడంతో ఇటు విసీలు కూడా తమ సీటు కదలకుండా ఉండేందుకు ఆరాటపడుతున్నారు తప్పితే ఈ విషయాన్ని ప్రభుత్వం ద్రుష్టికి తీసుకెళ్లి పరిష్కరించే దైర్యం మాత్రం చేయడంలేదు. ఇదిలా వుంటే ప్రైవేటు యూనివర్శిటీలు మాత్రం విద్యార్ధులకోసం ప్రత్యేకంగా ఒక విభాగాన్ని ఏర్పాటు చేసి యూనివర్శిటీల్లో జరిగే సమస్త సమాచారాన్ని న్యూస్ ఛానళ్లు, పత్రికలు, లోకల్ కేబుల్ టీవీలు, మొబైల్ న్యూస్ యాప్ లకు ప్రత్యేకంగా అందించే ఏర్పాట్లు చేసుకొని విద్యావ్యాపారాన్ని మూడు పువ్వులు ఆరుకాయలుగా మలచుకుంటున్నారు. ఈ విషయాన్ని విసిలు సైతం ఉన్నత విద్యాశాఖ ద్రుష్టికి తీసుకెళ్లి తమ తమ యూనివర్శిటీల్లో మీడియా సెల్ ఏర్పాటుకి మాత్రం దైర్యం చేయలేకపోతున్నారంటే పరిస్థితి ఏవిధంగా ఉందో అర్ధం చేసుకోవచ్చు. ఇప్పటికే అద్యాపకులు లేని ప్రభుత్వ యూనివర్శిటీల్లో చేరేందుకు విద్యార్ధులు మొగ్గు చూపడం లేదు. రేపు యూనివర్శిటీ సమాచారం తెలియజేసే ఏర్పాటు చేయకపోతే ఉన్న ఆ విద్యార్ధులకు కూడా ఏం జరుగుతుందో తెలియని పరిస్థితి ఎదురవుతుంది.

ఆంధ్రప్రదేశ్ లోని గ్రామ, వార్డు సచివాలయాల్లో పనిచేస్తున్న సిబ్బందికి తప్పా ప్రభుత్వం మిగిలిన అన్ని శాఖల సిబ్బందికి, అధికారులకు కరోనా సమయంలోనూ కార్యాలయ సమయాల్లో పనిగంటలు తగ్గించింది. కానీ సచివాలయ సిబ్బంది మాత్రం సాధారణ సమయం కంటే అధనపు సమయంతో పాటు సెలవురోజులైన ఆదివారాలు, రెండవ శనివారాలు కూడా విధులు నిర్వహించారు. ఆ సమయంలో అత్యధికంగా రెండు టీకాలు తీసుకున్నా కరోనా వైరస్ భారిన పడి అధిక సంఖ్యలో ఉద్యోగులు ఇబ్బందులు పడుతున్నారు. అంతేకాకుండా కరోనా వైరస్ సోకకుండా ప్రజలకు టీకాలు వేయించే విషయంలో బెదిరిపులు భరిస్తూ అధికారులు ఇచ్చిన టార్గెట్లు కూడా వీరే పూర్తిచేస్తూ వస్తున్నారు. కష్టం సచివాలయ ఉద్యోగులదైతే జిల్లా కలెక్టర్ల వద్ద తామే తెగ కష్టపడిపోయి టార్గెట్లు రీచ్ అయినట్టు కలరిస్తున్నారు మండల అధికారులు. ఈ తరుణంలో సిబ్బంది అధనంగా పనిచేసిన సమయం, ఆదివారాల్లో విధులు నిర్వహించిన అదనపు సమయాన్ని ప్రభుత్వం పరిగణలోకి తీసుకుంటుందా అనేది ఇపుడు హాట్ టాపిక్ గా మారింది. పైగా కరోనా టీకాలు వేసే ప్రాంతాల వద్ద సచివాలయ సిబ్బందికి శానిటైజర్లు గానీ, మాస్కులు గానీ, హేండ్ గ్లౌజులు కాని ప్రభుత్వం ఏర్పాటు చేయడం లేదు. ఈ కారణంగానే తాము వైరస్ బారిన పడి ఇబ్బందులు పడాల్సి వస్తుందని ఉద్యోగులు ఆవేదన వ్యక్తం చేస్తున్నారు. వారంలో మూడు రోజులు టీకా వేసే సమయంలో ఉద్యోగులంతా ఉదయం 8గంటలకే టీకా కేంద్రాలకు చేరుకొని సాయంత్రం ఆరు దాటేవరకూ విధులు నిర్వహించాల్సి వస్తుంది. ఇంతలా ప్రజల కోసం సర్వీసు చేస్తున్నా అధికారులు గుర్తించకపోగా చాలా దారుణంగా వ్యవహరిస్తున్నారని ఉద్యోగులు ప్రశ్నిస్తున్నారు. టీకా వేయించుకోవడానికి ప్రజలు ముందుకి రాకపోతే దానికి తామెలా బాధ్యత వహిస్తామని చెబుతున్నారు. అయినప్పటికీ మీరేం చేస్తారో తెలీదు ఎప్పుడు ఎన్ని టీకాలు ఇచ్చినా ఆ లక్ష్యం పూర్తిచేసే బాధ్యత మీదేననే భారం సచివాలయ ఉద్యోగులపై వేయడం ఏంటని ప్రశ్నిస్తున్నారు. అటు గ్రామాల్లో వైద్య ఆరోగ్యశాఖకు చెందిన ఆశ వర్కర్లు, ఏఎన్ఎంలు, హెల్త్ అసిస్టెంట్లు ఉన్నా వారు సమయానికి వచ్చి టీకా వేసి వెళ్లిపోతున్నారు తప్పితే ప్రజలను పూర్తిస్థాయిలో సన్నద్ధం చేసే భారం సచివాలయ ఉద్యోగులపైనే పడుతుందని ఆవేదన వ్యక్తం చేస్తున్నారు. అదేమంటే మీరు ఇంకా ప్రొభిషన్ పీరియడ్ లోనే ఉన్నారని, ప్రభుత్వం చెప్పినట్టు నడుచుకోకపోతే మీ ఉద్యోగాలు మధ్యలో తీసేసినా తీసేస్తారని కొన్ని మండలాల్లో అధికారులు బెదిరింపులకు దిగడం కూడా తీవ్ర చర్చనీయాంశం అవుతుంది. ప్రభుత్వం ప్రజల ప్రాణాల కోసం కష్టపడుతున్న సమయంలో తాము అధనంగా చేస్తున్న పనిగంటలు, పడుతున్న శ్రమను గుర్తించాలని సచివాలయ ఉద్యోగులు ప్రభుత్వాన్ని డిమాండ్ చేస్తున్నారు. కరోనా వేక్సిన్ వేసే సమయంలో వైద్య ఆరోగ్యశాఖ నుంచి ప్రజలను చైతన్యం చేసే కార్యక్రమం ఏర్పాటు చేయాలి తప్పితే భారం మొత్తం మాపై వేస్తే తాము ఎలా విధులు నిర్వహించగలని అంటున్నారు. రాష్ట్ర ప్రభుత్వం అన్ని ప్రభుత్వ శాఖలకు మూడు నెలల పాటు పనిగంటలు కుదిస్తూ నిర్ణయం తీసుకున్నా తమకు మాత్రం అమలు చేయలేదన్నారు. అలాంటి సమయంలో విధులు నిర్వహించినా ఇపుడు భారం బెదిరింపులు, అధనపు పనిగంటల ఉద్యోగం చేయాల్సి వస్తుందని సచివాలయ ఉద్యోగులు వాపోతున్నారు. ఇదే పరిస్థితి కొనసాగితే రానున్న రోజుల్లో సచివాలయ ఉద్యోగుల ద్వారా ప్రభుత్వంపై వ్యతిరేక వచ్చే సూచనలు అధికంగా కనిపిస్తున్నాయని విశ్లేషకులు అంచనా వేస్తున్నారు.

- ముఖ్య‌మంత్రి  వైఎస్‌.జ‌గ‌న్‌మోహ‌న్‌రెడ్డి ఆదేశాల మేర‌కు సామాన్య భ‌క్తుల‌కు త్వ‌రిత‌గ‌తిన ద‌ర్శ‌నం క‌ల్పించ‌డానికి ఎల్‌1, ఎల్‌2 ద‌ర్శ‌నాలు ర‌ద్దు.

- తిరుమ‌ల ప‌ర్యావ‌ర‌ణాన్ని కాపాడ‌డంలో భాగంగా ప్లాస్టిక్ బాటిళ్ల నిషేధం. ఏడాదిగా సంపూర్ణంగా అమ‌లు.

- ప్ర‌పంచ ప్ర‌జ‌లను కోవిడ్ బారి నుంచి కాపాడాల‌ని శ్రీ‌వేంక‌టేశ్వ‌ర‌స్వామివారిని ప్రార్థిస్తూ గ‌త 15 నెల‌లుగా అనేక ఆధ్యాత్మిక కార్య‌క్ర‌మాలు నిర్వ‌హించాం. వీటిలో కొన్ని నేటికీ కొన‌సాగుతున్నాయి. శ్రీ‌వారి ఆశీస్సులతో త్వ‌ర‌లోనే ప్ర‌జ‌లంతా క‌రోనా మీద విజ‌యం సాధిస్తారు.

- రెండు తెలుగు రాష్ట్రాల్లోని ఎస్‌సి, ఎస్‌టి, బిసి ప్రాంతాల్లో శ్రీ‌వాణి ట్ర‌స్టు నిధుల‌తో నిర్మించ‌ద‌ల‌చిన 500 ఆల‌యాలను క‌రోనా కార‌ణంగా నిర్మించ‌లేక‌పోయాం. రాబోయే ఏడాదిలో ఈ ఆల‌యాల నిర్మాణం పూర్తి చేసేలా తీర్మానం.

- హిందూ ధ‌ర్మ‌ప్ర‌చారంలో భాగంగా జ‌మ్మూలో ఇటీవ‌ల భూమిపూజ చేసిన శ్రీ‌వారి ఆల‌య నిర్మాణాన్ని 18 నెల‌ల్లో పూర్తి చేసి ఉత్త‌ర భార‌త‌దేశంలో గొప్ప ఆల‌యంగా త‌యారుచేసేందుకు నిర్ణ‌యం.

- వార‌ణాశి, ముంబ‌యిలో ఏడాదిలో శ్రీ‌వారి ఆల‌యాల నిర్మాణానికి చ‌ర్య‌లు.

- గుడికో గోమాత కార్య‌క్ర‌మంలో భాగంగా తెలుగు రాష్ట్రాల‌తో పాటు త‌మిళ‌నాడు, క‌ర్ణాట‌క‌, ఢిల్లీ రాష్ట్రాల్లో 100 ఆల‌యాల‌కు గోమాత‌ల‌ను అందించాం. మ‌రో 40 ఆల‌యాల‌కు కూడా అందిస్తాం. దీనివ‌ల్ల ప్ర‌జ‌లు గోసేవ చేసుకునే అవ‌కాశం క‌ల్పించిన‌ట్ట‌వుతుంది.

- తిరుమ‌ల‌లోని శ్రీ వ‌రాహ‌స్వామివారి ఆల‌యం వాకిలి, వాకిలిచ‌ట్రం, గ‌ర్భ‌గృహ ప్ర‌వేశద్వారాల‌కు వెండి తొడుగులు అమ‌ర్చేందుకు నిర్ణ‌యం.

- గోవిందుడికి గో ఆధారిత నైవేద్యం కార్య‌క్ర‌మం కింద గ‌త 45 రోజులుగా స‌హ‌జ ఆధారిత పంట‌ల‌తో స్వామివారికి త‌యారు చేస్తున్న నైవేద్యాల కార్య‌క్ర‌మాన్ని శాశ్వ‌తంగా అమ‌లు చేయాల‌ని నిర్ణ‌యం. ఇందుకోసం తెలుగు రాష్ట్రాల‌తో పాటు త‌మిళ‌నాడులో ధ‌ర్మ‌ప్ర‌చార ప‌రిష‌త్ ద్వారా రైతుల‌ను సంసిద్ధం చేసి వారి పంట‌ల‌కు గిట్టుబాటు ధ‌ర‌లు క‌ల్పిస్తాం.

- మూడు నెల‌ల్లోపు ఎస్వీబీసీ క‌న్న‌డ‌, హిందీ ఛాన‌ళ్ల ప్ర‌సారాలు ప్రారంభించాల‌ని నిర్ణ‌యం.

- దేశ‌వ్యాప్తంగా అవ‌స‌ర‌మైన ప్రాంతాల్లో దేవాల‌యాల పున‌రుద్ధ‌ర‌ణ‌కు శ్రీ‌వాణి ట్ర‌స్టు ద్వారా నిధులు అందిస్తాం.

- తిరుప‌తి, తిరుచానూరులో నివ‌సిస్తున్న అర్హ‌త గ‌ల హెచ్‌డిపిపి పెన్ష‌న‌ర్ల‌కు(ప‌ర్య‌వేక్ష‌క మ‌రియు నాన్‌-ప‌ర్య‌వేక్ష‌క‌) ఇత‌ర తితిదే పెన్ష‌న‌ర్ల త‌ర‌హాలోనే పుణ్య‌క్షేత్ర భార‌బృతి భ‌త్యం రూ.500/- నుండి రూ.700/-కు పెంచేందుకు ఆమోదం.

- టిటిడిలో తాత్కాలిక ప్రాతిప‌దిక‌న ప‌నిచేస్తున్న ఉద్యోగుల‌ను రెగ్యుల‌రైజ్ చేయ‌డానికి ఇదివ‌ర‌కే క‌మిటీని నియ‌మించాం. ఈ క‌మిటీ విధి విధానాల‌తో మూడు నెల‌ల్లో క‌మిటీ నివేదిక అందిస్తుంది. ముఖ్య‌మంత్రి  వైఎస్‌.జ‌గ‌న్‌మోహ‌న్‌రెడ్డి ఇచ్చిన హామీల్లో భాగంగా దీన్ని అమ‌లుచేస్తాం.

-  తిరుమ‌లలో ఉన్న అన‌ధికారిక దుకాణాలు, త‌ట్ట‌లను వారం రోజుల్లో తొల‌గిస్తాం. దుకాణ‌దారులు టిటిడి అనుమ‌తించిన వ్యాపారాలు మాత్ర‌మే చేసేలా చ‌ర్య‌లు.

- త్వ‌ర‌లో ముఖ్య‌మంత్రితో  స్విమ్స్‌, బ‌ర్డ్ ఆస్ప‌త్రుల అభివృద్ధి ప‌నుల‌తో పాటు చిన్న‌పిల్ల‌ల సూప‌ర్ స్పెషాలిటీ ఆసుప‌త్రి శంకుస్థాప‌న‌, తిరుమ‌ల‌లో కొత్త‌గా నిర్మించిన బూందీ పోటు ప్రారంభోత్స‌వం.

- రాష్ట్రంలో కొత్త‌గా 13 క‌ల్యాణ‌మండ‌పాల నిర్మాణానికి ఆమోదం.

- తిరుమ‌ల‌లోని హ‌నుమంతుని జ‌న్మ‌స్థ‌లాన్ని అభివృద్ధి చేయాల‌ని నిర్ణ‌యం. ఈ అంశంపై ఇక మీద‌ట ఎలాంటి వివాదాల‌కు తావు ఇవ్వ‌రాద‌ని తీర్మానం.

- తిరుప‌తిలో ట్రాఫిక్ స‌మ‌స్య శాశ్వ‌త ప‌రిష్కారం కోసం ఎమ్మెల్యే భూమ‌న క‌రుణాక‌ర‌రెడ్డి విజ్ఞ‌ప్తి మేర‌కు ప్ర‌స్తుతం ఆగిన చోట నుండి అలిపిరి వ‌ర‌కు గ‌రుడ వార‌ధి నిర్మాణానికి ఆమోదం. టిటిడి నిధుల‌తో ఈ వార‌ధి నిర్మాణానికి త్వ‌ర‌లో టెండ‌ర్లు పిలవాల‌ని నిర్ణ‌యం.

- కోవిడ్ ప‌రిస్థితుల‌ను క్షుణ్ణంగా ప‌రిశీలించి, త‌గు జాగ్ర‌త్త‌లు తీసుకుంటూ శ్రీ‌వారి ద‌ర్శ‌న టికెట్ల సంఖ్య పెంచాల‌ని నిర్ణ‌యం.

- తిరుమ‌లను గ్రీన్‌హిల్స్‌గా ప్ర‌క‌టించినందున‌ ఉచిత బ‌స్సుల స్థానంలో  త్వ‌ర‌లో విద్యుత్ బ‌స్సుల‌ను ఏర్పాటు చేయాల‌ని నిర్ణ‌యం. ఆర్టిసి కూడా ఇందుకోసం 100 విద్యుత్ బ‌స్సులు కొనుగోలుకు ముఖ్య‌మంత్రి శ్రీ వైఎస్‌.జ‌గ‌న్‌మోహ‌న్‌రెడ్డి అనుమ‌తించారు. తిరుప‌తి - తిరుమ‌ల మ‌ధ్య న‌డిచే ప్ర‌యివేటు ట్యాక్సీల య‌జ‌మానులు టిటిడిని సంప్ర‌దిస్తే బ్యాంకు ద్వారా రుణాలు ఇప్పించి విద్యుత్ వాహ‌నాలు కొనుగోలు చేయించాల‌ని నిర్ణ‌యం.

ఆంధ్రప్రదేశ్ లో ఇంటర్ విద్యకు చాలా ఏళ్ల తరువాత మహర్ధశ పట్టబోతుంది.. ఇప్పటివరకూ విద్యార్ధులకు నాణ్యమైన విద్యకోసం క్రుషిచేసిన అధికారులు బోర్డుకి లేకుండా పోయారు. దీనితో ఇంటర్ విద్య రాష్ట్రంలో అంతంత మాత్రంగానే సాగింది. ఏపీలోని ఇంటర్ విద్య దేశానికే ఆదర్శం కావాలన్నా, ప్రైవేటు విద్యకు ధీటుగా ప్రభుత్వ కాలేజీల్లో అందాలన్నా ఈ బోర్డులోని ఉన్నతాధికారులు కీలకంగా వ్యవహరిస్తే తప్పా అదిజరగదు. దానికోసం వైఎస్సార్సీపీ ప్రభుత్వం డేరింగ్ అండ్ డేషింగ్  సీనియర్ ఐఏఎస్ అధికారి డా.పోలాభాస్కర్ ను రంగంలోకి దించింది. ఈయన ఇంటర్ బోర్డుకి కమిషనర్, డైరెక్టర్ టెక్నకల్ ఎడ్యుకేషన్ గా చేరిన వెంటనే బోర్డు ద్వారా శాస్వత అభివ్రుద్ధికి, ప్రక్షాలనకు శ్రీకారం చుట్టారు. రాష్ట్రవ్యాప్తంగా రీజియన్ కేంద్రాలు, వాటి కింద వున్న ఇంటర్ కాలేజీలు, సదుపాయాలు, విద్యావ్యవస్థ, ఆన్ లైన్ విద్య, ఇలా అన్ని విషయాలపై ఒకేసారి ద్రుష్టి కేంద్రీకరించారు. దీనితో ఇంటర్ బోర్డులో ఎన్నడూ రానంతగా చురుకుదనం, కొత్త కొత్త విధానాలు అమలవుతున్నాయి. కరోనా సమయంలో ఇంటర్ విద్యార్ధులు నాణ్యమైన విద్యకు దూరమయ్యారు. మళ్లీ విద్యార్ధులకు ఆ స్థాయిలో విద్య అందించాలంటే ఇంటర్ బోర్డులో కఠిన నిర్ణయాలు తీసుకుంటే తప్పా విద్యార్ధుల భవిష్యత్తుకి బాటలు వేయలేమని ప్రభుత్వం భావించి ఆ దిశగా తన దైన స్టైల్ లో కార్యాచరణ తో ద్రుష్టిని కేంద్రీకరించారు.  ఈ ఉన్నతాధికారి విధుల్లోకి చేరుతూనే కరోనా సమయంలో ఆన్ లైన్ విద్య విద్యార్ధులకు సక్రమంగా జరగడం లేదనే విషయాన్ని పసిగట్టారు. వెంటనే రీజనల్ కార్యాలయాల అధికారులతో సమావేశాలు ఏర్పాటు చేసి కీలకమైన ఆదేశాలు జారీ చేశారు. వచ్చే నెల నుంచి రాష్ట్రవ్యాప్తంగా పర్యటించి క్షేత్ర స్థాయిలో సమస్యలు తెలుసుకోవడంతోపాటు సదుపాయాలు, సిబ్బందికొరత, భవనాలు, విద్యావిధానం ఇలా అన్ని అంశాలను గాడిలోపెట్టడానికి కార్యాచరణ రూపొందించారు. ఇంటర్ బోర్టు కమిషనర్ క్షేత్రస్థాయిలో పర్యటిస్తే వచ్చే ఫలితాలు ఎలావుంటాయో ఈయన జిల్లా కలెక్టర్ గా చేసిన జిల్లాల్లో ఇప్పటికీ అధికారులు, ప్రజాప్రతినిధుల నెమరు వేస్తూనే వుంటారు. 

ఇంటర్ బోర్డుకి కమిషనర్ పోలాభాస్కర్ పుణ్యమాని విద్యార్ధుల విద్యావిధానం, నాణ్యమైన విద్య, కళాశాలల్లో మరింతగా అభివ్రుద్ధి చెందుతాయని అన్ని వర్గాల్లో ఆశలు చిగురించాయి..!

కరోనా థర్డ్ వేవ్ వచ్చే అవకాశముందన్న నిపుణులు సూచనలను దృష్టిలో పెట్టుకుని 12,187 ఆక్సిజన్ కాన్సంట్రేటర్లు కొనుగోలు చేసినట్టు రాష్ట్ర వైద్య ఆరోగ్య శాఖ ముఖ్య కార్యదర్శి అనిల్ కుమార్ సింఘాల్ తెలిపారు. శుక్రవారం సచివాలయంలో ఆయన మీడియాతో మాట్లాడారు. ఇప్పటివరకూ  4,175 కాన్సంట్రేటర్లు.. ఇప్పటికే వచ్చాయని, మిగిలిన 8 వేలు ఈ నెలాఖరుకు రాష్ట్రానికి రానున్నాయన్నారు. ఈ నెల 24వ తేదీన 10 వేల డి టైప్‌ సిలెండర్లు రానున్నాయన్నారు. 50 బెడ్లు, అంతకన్నా ఎక్కువ సామర్థ్యం ఉన్న ఆస్పత్రుల్లో ఆక్సిజన్‌ సదుపాయాల ఏర్పాటుకు రాష్ట్ర ప్రభుత్వం చర్యలు తీసుకుంటోందన్నారు. రూ.267.08 కోట్లతో వ్యయంతో ఆక్సిజన్ ప్లాంట్లు, ఆక్సిజన్ బెడ్లు, డీజీ సెట్లు, ట్రాన్స్ ఫార్మర్లు ఏర్పాటు చేయనున్నట్లు ఆయన తెలిపారు. 28 లోకేషన్లలో ఆక్సిజన్ ప్లాంట్లు(పీఎస్ఏ)  కేంద్రం మంజూరు చేసిందని, రాష్ట్ర ప్రభుత్వం సొంతంగా 113 లోకేషన్లలో ఈ ప్లాంట్లు ఏర్పాటు చేయనుందన్నారు. 113 పీఎస్ఏ ప్లాంట్ల కోసం ఇప్పటికే టెండర్లు ఖరారు చేశామని, ఇందుకోసం 111.65 కోట్లు వ్యయమవుతోందని తెలిపారు. ఈ ప్లాంట్లు ఆగస్టు నెలాఖరుకు అందుబాటులో వచ్చేలా చర్యలు తీసుకుంటున్నామన్నారు. రాష్ట్రంలో గుర్తించిన మూడు లోకేషన్లలో లిక్విడ్ ఆక్సిజన్ స్టోరేజ్ ఏర్పాటు చేస్తున్నామన్నారు. 100 పడకలు పైనున్న 39 ఆసుపత్రుల్లో అదనంగా 10 కిలో లీటర్ల ఆక్సిజన్‌ ట్యాంకులను కూడా లిక్విడ్ ఆక్సిజన్ స్టోరేజ్ ఏర్పాటు చేయాలని నిర్ణయించామన్నారు. నెలన్నర రోజుల్లో ఈ స్టోరేజ్ అందుబాటులోకి రావాలని సీఎం వైఎస్ జగన్మోహన్ రెడ్డి ఆదేశించారన్నారు. రూ. 49.31 కోట్లతో అన్ని జిల్లాల్లో 6,151 అదనపు ఆక్సిజన్ బెడ్లను మూడు నెలల్లో అందుబాటులోకి తీసుకురావాలని సీఎం ఆదేశించారన్నారు. డీజీ సెట్లకు రూ.36 కోట్లు, ట్రాన్స్ ఫార్మర్లకు రూ.58 కోట్లు వ్యయం కానున్నాయన్నారు. ఇలా రాష్ట్ర వ్యాప్తంగా ఆక్సిజన్ ప్లాంట్లు, ఆక్సిజన్ బెడ్లు, డీజీ సెట్లు, ట్రాన్స్ ఫార్మర్లు ఏర్పాటుకు రూ.267.08 కోట్లతో వ్యయంతో చేయనున్నట్లు ఆయన తెలిపారు.

రాష్ట్రంలో రైతు భరోసా కేంద్రాలు ద్వారా రైతుల నుండి రబీ ధాన్యం కొనుగోలుకు సంబంధించి ఇప్పటి వరకూ రూ. 1637కోట్లు రాష్ట్ర పౌరసరఫరాల సంస్ధ ద్వారా చెల్లించామని  పౌరసరఫరాల శాఖ ఎక్స్ అఫీసియో కార్యదర్శి, ఆశాఖ కమీషనర్ కోన శశిధర్ వెల్లడించారు. ఈమేరకు శుక్రవారం అమరావతి సచివాలయ  ప్రచార విభాగంలో ఏర్పాటు చేసిన మీడియా సమావేశంలో ఆయన మాట్లాడారు.  ప్రతి ధాన్యం కొనుగోలు సీజన్ కు ముందు కేంద్ర ప్రభుత్వం నుండి ముందస్తుగా నిధులు విడుదల అవుతుంటాయని కాని ఈసారి నిధులు విడుదలలో జాప్యం జరిగిందని పేర్కొన్నారు.అయినప్పటికీ రాష్ట్ర ప్రభుత్వం నుండి 1637 కోట్ల రూ.లను పౌరసరఫరాల సంస్థ తీసుకుని రైతులకు చెల్లించడమైందని తెలిపారు.కేంద్రం నుండి 3వేల 299కోట్ల రూ.లు విడుదల కావాల్సి ఉండగా వాటిలో ఈనెల 21వ తేదీన మొదటి త్రైమాసికానికి సంబంధించి 1200 కోట్ల రూ.లను విడుదల చేయనున్నట్టు కేంద్రం నుండి సమాచారం అందిందని శశిధర్ పేర్కొన్నారు.కేంద్ర నిధులు వచ్చేలోగా ధాన్యం అమ్మిన రైతులు ఇబ్బందులు పడకూడదని ముఖ్యమంత్రి  మరో 500కోట్ల రూ.లను విడుదల చేయగా గత రెండు రోజుల్లో 300కోట్ల రూ.లను రైతులకు చెల్లించగా శనివారం నుండి రోజుకు 200కోట్ల రూ.లను చెల్లించేందుకు చర్యలు తీసుకుంటున్నామని చెప్పారు.

ధాన్యం అమ్మి 21 రోజులు దాటినా సొమ్మి చెల్లించాల్సిన బకాయిలు 1619కోట్ల రూ.లు ఉన్నాయని వాటిని ఈనెల 21న కేంద్రం నుండి నిధులు రాగానే చెల్లించడం జరుగుతుందని స్పష్టం చేశారు.గత ప్రభుత్వం చెల్లించాల్సిన బకాయిలు 996కోట్ల రూ.లను కూడా రైతులకు చెల్లించి ధాన్యం కొనుగోలు ప్రక్రియను ముందుకు తీసుకువెళ్లడం జరుగుతోందని కోన శశిధర్ పేర్కొన్నారు. కాగా గత యేడాది రబీలో 6వేల 331కోట్ల రూ.లతో 34లక్షల 73వేల మెట్రిక్ టన్నుల ధాన్యాన్ని కొనుగోలు చేయగా ఈయేడాది సుమారు 8వేల కోట్లతో 45 లక్షల మెట్రిక్ టన్నులు కొనాలని లక్ష్యంగా నిర్ణయించగా ఇప్పటికే 28లక్షల 35వేల 447 మెట్రిక్ టన్నులు కొన్నామని చెప్పారు.కరోనా,తుఫాను,ఆకాల వర్షాలు వంటి ప్రతికూల పరిస్థితులు ఉన్నప్పటికీ వాటిని అధికమించి రైతుల నుండి రైతు భరోసా కేంద్రాల ద్వారా ధాన్యం కొనుగోలు చేస్తున్నామని ఇఓ సెక్రటరీ శశిధర్ పేర్కొన్నారు.మెట్ట ప్రాంతాల నుండి తడిసిన ధాన్యాన్ని కూడా కొంటున్నామని,అంతేగాక అనంతపురం,కడప వంటి రాయలసీమ జిల్లాల నుండి కూడా ధాన్యాన్ని కొంటున్నామని చెప్పారు.అనంతపురం జిల్లా నుండి 16వేల 247 మెట్రిక్ టన్నులు,కడప జిల్లా నుండి 11వేల మెట్రిక్ టన్నులు కొన్నామని చెప్పారు.  రైతులెవ్వరూ దళారులు,మిల్లర్లకు తక్కువ ధరకు ధాన్యాన్ని అమ్ముకోవద్దని రైతు భరోసా కేంద్రాలల్లోనే విక్రయించుకోవాలని ఆయన విజ్ణప్తి చేశారు. ఈసమావేశంలో రాష్ట్ర పౌరసరఫరాల సంస్థ ఎండి సూర్యకుమారి పాల్గొన్నారు.