రాష్ట్రంలో అవసరమైన మేర ఆక్సిజన్ నిల్వలు అందుబాటులో ఉన్నాయని రాష్ట్ర వైద్య ఆరోగ్య శాఖ ముఖ్య కార్యదర్శి అనిల్ కుమార్ సింఘాల్ తెలిపారు.  మంగళగిరిలోని ఏపీఐఐసీ భవనంలో సోమవారం నిర్వహించిన విలేకరుల సమావేశంలో ఆయన మాట్లాడారు. రాష్ట్ర వ్యాప్తంగా ఉన్న కొవిడ్ పరిస్థితులపై అధికారులతో ముఖ్యమంత్రి వైఎస్ జగన్మోహన్ రెడ్డి సమీక్షా సమావేశం నిర్వహించారన్నారు. గడిచిన 24 గంటల్లో 71,758 శాంపిళ్లను పరీక్షించగా, 2,224 కరోనా పాజిటివ్ కేసులు నమోదయ్యాయని, 31 మంది ప్రాణాలు కోల్పోయారని తెలిపారు. కరోనా పాజిటివిటీ రేటు 3.1 శాతంగా నమోదైందన్నారు. కడప, కర్నూల్, పశ్చిమ గోదావరి జిల్లాలో ఎటువంటి మరణాలు చోటు చేసుకోలేదన్నారు. ప్రస్తుతం రాష్ట్ర వ్యాప్తంగా 322 ఆసుపత్రుల్లో కొవిడ్ ట్రీట్ మెంట్ అందిస్తున్నారన్నారు. 322 ఆసుపత్రుల్లో 2,786 ఐసీయూ బెడ్లు, 14,545 ఆక్సిజన్ బెడ్లు ఖాళీగా ఉన్నాయన్నారు. ప్రస్తుతం కొవిడ్ కేర్ సెంటర్లలో 5,311 మంది చికిత్స పొందుతున్నారన్నారు. కేంద్ర ప్రభుత్వం...ఏపీకి రోజువారీగా ఆక్సిజన్ 590 మెట్రిక్ టన్నుల ఆక్సిజన్ కేటాయిస్తుండగా, కరోనా కేసులు తగ్గుముఖం పడుతుండడంతో తక్కువ మొత్తం ఆక్సిజన్ ను డ్రా చేస్తున్నామన్నారు. ఈ నెల 24న 196 మెట్రిక్ టన్నులు, 25న 169 టన్నులు, 27న 170 టన్నుల ఆక్సిజన్ డ్రా చేశామన్నారు. అన్ని ఆసుపత్రుల్లో ఆక్సిజన్ బ్రహ్మాండంగా అందుబాటులో ఉందన్నారు. ఆక్సిజన్ అందకపోవడం వల్ల పేషంట్లు మృతి చెందారని వార్తలు వచ్చాయని, వాస్తవాలను సంబంధిత జిల్లా కలెక్టర్ తెలిపారని తెలిపారు. అవరమైన ఆక్సిజన్ అందుబాటులో ఉన్నా తప్పుడు వార్తలతో ప్రజల, అధికారుల మనోధైర్యాన్ని దెబ్బతీయకూడదన్నారు. అలా చేసిన వారిపై చట్టపరంగా సంబంధిత జిల్లా కలెక్టర్లు చర్యలు తీసుకుంటారన్నారు. రాష్ట్రాభివృద్ధి కోసం సీఎం నిర్వహించే సమీక్షా సమావేశాలపై అవాస్తవాలు ప్రచురించడం తగదన్నారు. 

రాష్ట్రంలో 35 బ్లాక్ ఫంగస్ కేసులు..

 రాష్ట్రంలో గడిచిన 24 గంటల్లో 35  బ్లాక్ ఫంగస్ నమోదయ్యాయన్నారు. కొవిడ్ కేసులతో పాటు బ్లాక్ ఫంగస్ కేసుల నమోదు కూడా తగ్గుముఖం పడుతూ వస్తున్నాయన్నారు.. ఇప్పటి వరకూ 3,364 బ్లాక్ ఫంగస్  కేసులు నమోదు కాగా, ప్రస్తుతం 1,418 యాక్టివ్ కేసులు ఉన్నాయన్నారు. 1,184 మందికి వైద్యులు సర్జరీ చేశారన్నారు. కేంద్ర ప్రభుత్వ నుంచి 63,395 ఆంపోటెరిసిన్ బి ఇంజక్షన్లు రాగా, ప్రస్తుతం 9644 అందుబాటులో ఉన్నాయన్నారు. వచ్చే వారం రోజుల్లో మరో 15 వేల ఆంపోటెరిసిన్ బి ఇంజక్షన్లు రానున్నాయన్నారు. 49,250 పొసకొనజోల్ ఇంజక్షన్లను రాష్ట్ర ప్రభుత్వం సొంతంగా కొనుగోలు చేయగా, ప్రస్తుతం వివిధ జిల్లాల్లో 32,197 అందుబాటులో ఉన్నాయన్నారు. 1,39,980 పొసకొనజోల్ మాత్రలు కొనుగోలు చేయగా, ప్రస్తుతం అన్ని జిల్లాల్లో 51,792 అందుబాటులో ఉన్నాయన్నారు. రాష్ట్రంలో పొసకొనజోల్ మాత్రలు, ఇంజక్షన్ల కొరత లేదన్నారు. 

5,515 సచివాలయాల్లో జీరో కేసులు...

ప్రస్తుతం రాష్ట్రంలో 42,252 యాక్టివ్ కేసులు ఉన్నాయన్నారు. ప్రస్తుతం 5,515 గ్రామ, వార్డు సచివాయాల్లో ఒక్క యాక్టివ్ కేసు కూడా లేదన్నారు. 3,110 సచివాలయాల్లో ఒకే కేసు, 1,891 సచివాలయాల్లో రెండు కేసులు మాత్రమే నమోదయ్యాయన్నారు. 12,545 సచివాలయాల్లో సున్నా నుంచి 5 యాక్టివ్ కేసులు ఉన్నాయన్నారు. ఒక సచివాలయంలో 50 కేసులు, మూడు సచివాలయాల్లో 40 నుంచి 50 యాక్టివ్ కేసులు ఉన్నాయన్నారు. 690 సచివాలయాల్లో పది కంటే ఎక్కువ కరోనా కేసులు ఉన్నాయన్నారు. ఈ సచివాలయాలపై  దృష్టి పెట్టాలని సీఎం ఆదేశించారన్నారు. మండలాల వారీగా చూస్తే... 105 మండలాల్లో 10 లోపల యాక్టివ్ కేసులు ఉన్నాయన్నారు.  మండలాలు, సచివాలయాల వారీగా చూసినా కేసులు తగ్గుముఖం పడుతున్నాయన్నారు. వారంతపు డేటాను గమనిస్తే ఎనిమిది జిల్లాల్లో 5 శాతం కంటే తక్కువ పాజిటివిటీ రేటు నమోదైందన్నారు. 

రాష్ట్రానికి జూలై నెలకు సంబంధించి ఏపీకి 53,14,740  కోవిడ్ డోసులు అందజేయనున్నట్లు కేంద్ర ప్రభుత్వం సమాచారమిచ్చిందని రాష్ట్ర వైద్య ఆరోగ్య శాఖ ముఖ్య కార్యదర్శి అనిల్ కుమార్ సింఘాల్ తెలిపారు. సోమవారం సచివాలయంలో ఆయన మీడియాతో మాట్లాడారు. జూలై నెలాఖరు నాటికి 31 లక్షల మందికి సెకండ్ డోసు ఇవ్వాల్సి ఉందన్నారు.  24,36,787 మందికి కొవిషీల్డ్, 6,88,190 మంది కొవాగ్జిన్ సెకండ్ డోసు తీసుకోవాల్సి ఉందన్నారు. కేంద్ర ప్రభుత్వమిచ్చే 53.14 లక్షల టీకాల్లో 31 లక్షల మందికి సెకండ్ డోసుగా వేయనున్నామన్నారు. కాగా 

రాష్ట్ర వ్యాప్తంగా ఆదివారం సాయంత్రం నాటికి ప్రభుత్వ, ప్రైవేటు ఆసుపత్రుల్లో  7,998 మంది ఉండగా, వారిలో 7,488 మంది ఆరోగ్య శ్రీ పథకం కింద ఉచిత వైద్య సేవలు పొందుతున్నారన్నారు.  93.62 శాతం మంది ఆరోగ్య శ్రీ పథకం ద్వారా ఉచిత వైద్య సేవలు పొందుతున్నారన్నారు. ప్రైవేటు ఆసుపత్రుల్లో 2266  మంది చికిత్ప పొందుతుండగా, 1.756 మంది (77.49 శాతం) ఆరోగ్య శ్రీ పథకం కింద వైద్య సేవలు పొందుతున్నారన్నారు.  ఇప్పటి వరకూ రాష్ట్ర వ్యాప్తంగా 1,16,90,837 మందికి టీకాలు వేశామన్నారు. ఇందులో ఫస్ట్, సెకండ్ డోసులు వేసుకున్నవారున్నారన్నారు. రాష్ట్ర వ్యాప్తంగా అయిదేళ్లలోపు పిల్లలు కలిగిన 45 ఏళ్ల లోపు వయస్సు తల్లులు 18,75,866 మంది ఉండగా, నేటి వరకూ 12,99,500 మందికి టీకా మొదటి డోసు వేశామన్నారు. జూన్ నెలకు సంబంధించి సెకండ్ డోసు వేసుకోవాల్సిన వారు  3 లక్షల మంది ఉన్నారన్నారు. వారందరికీ రాబోయే మూడ్రోజుల్లో రెండో డోసు వేస్తామని తెలిపారు. వారిలో 1,30,000 మంది కొవిషీల్డ్, 1,92,000 మంది కొవాగ్జిన్ సెకండ్ డోసు వేసుకోవాల్సి ఉందన్నారు. ప్రస్తుతం రాష్ట్రంలో 7,41,000 డోసులు అందుబాటులో ఉన్నాయని, వాటిని మంగళవారం నాటికి వినియోగించే అవకాశముందని తెలిపారు. 

ఆంధ్రప్రదేశ్ లో డిగ్రీ విద్యలో పెను మార్పులు తీసుకు రావడానికి రాష్ట్ర ప్రభుత్వం ప్రత్యేకంగా నియమించిన హయ్యర్, టెక్నికల్ ఎడ్యుకేషన్ కమిషనర్, సీనియర్ ఐఏఎస్ అధికారి డా.పోలాభాస్కర్ ఆదేశాలతో ఒక్కసారిగా రాష్ట్రవ్యాప్తంగా వున్న 154 ప్రభుత్వ డిగ్రీ కాలేజీలు, 84 పాలిటెక్నిక్ కాలేజీలు, 140 ఎయిడెడ్ డిగ్రీకాలేజీల ప్రిన్సిపాళ్లు  దారిలోకి వచ్చారు. ప్రభుత్వం విద్యార్ధుల ఆన్ లైన్ విద్యకోసం ప్రత్యేకంగా ఏర్పాటు చేసిన మొబైల్ ఆండ్రాయిడ్ యాప్ ద్వారా ప్రతీ అధ్యాపకుడు ఆన్ లైన్ లో పాఠాలు చెప్పాల్సిందే. ఇదేదో ఉత్తుత్తి మాటలతో ఊరకనే ఊరకనే ఇచ్చే ఆదేశాలు కావు..  ఖచ్చితంగా ఏ అధ్యాపకుడు యాప్ లోకి లాగిన్ అయి ఎంత సేవు విద్యార్ధులకు పాఠాలు చెబుతున్నారు.. ఎంత మేరక సిలబస్ పూర్తి చేస్తున్నారు.. విద్యార్ధులు ఏ మేరకు స్పందిస్తున్నారు.. అనే అంశాలన్నీ రాజధానిలోకి కమిషనరేట్ లో ఒక్క మీట నొక్కి తెలుసుకునే విధంగా పక్కాగా రూపొందించిన ప్రత్యేక వ్యవస్థ( మొబైల్ యాప్ విత్ డేష్ బోర్డ్) తో అద్యాపకులంతా ఆన్ లైన్ లోకి వచ్చి పాఠాలు చెబతున్నారు.. కరోనా సమయంలో విద్యార్ధులు కాలేజీకి వచ్చే పరిస్థితి లేదు..అలాగని వారికి పాఠాలు చెప్పకపోతే వారి విద్యమధ్యలోనే ఆగిపోతుంది..మీకు ప్రభుత్వం మాత్రం ఖచ్చితంగా జీతాలిస్తోంది.. దానిని ద్రుష్టిలో పెట్టుకొనైనా ఖచ్చితంగా ఆన్ లైన్ లో పాఠాలు చెప్పాల్సిందే..లేదంటే చర్యలు తప్పవు అంటూ ప్రభుత్వ డిగ్రీ, పాలిటెక్నిక్ కాలేజీ ప్రిన్సిపాళ్లకు హయ్యర్, టెక్నికల్ ఎడ్యుకేషన్ కమిషనర్ ఇచ్చిన హెచ్చరికతో మూడు రోజుల్లో 50శాతానికంటే తక్కువగా వుండే ఆన్ లైన్ ఎడ్యుకేషన్ అటెండెన్సు ఒక్కసారిగా 20శాతానికి పెరిగింది. విద్యార్ధులకు ఆన్ లైన్ పాఠాలు చెప్పడానికి ప్రతీ లెక్చరర్ ఖచ్చితంగా ల్యాప్ ట్ ప్ వినియోగించాలని ఆదేశాలు జారీచేయడంతో చక చకా పాఠ్యాంశాలు బోధించడానికి అద్యాపకులు ఒక్కొక్కరుగా ఆన్ లైన్ లోకి వస్తున్నారు. విద్యార్ధులకు నాణ్యమైన విద్య అందించాలంటే ఖచ్చితంగా ఎలాంటి పరిస్థితులు ఉన్నా ఆన్ లైన్ ద్వారానైనా పాఠాలు చెప్పించి వారిని సబ్జెక్టు పరంగా అభివ్రుద్ధి చేయాలన్నది ప్రభుత్వ లక్షమని..దానికోసమే విద్యావిధానంలో సమూల మార్పులు తీసుకొస్తున్నట్టు కమిషనర్ పోలాభాస్కర్ ఈఎన్ఎస్ కి ప్రత్యేకంగా వివరించారు. ఆన్ లైన్ విద్యకోసం ప్రత్యేకంగా యాప్ రూపొందించామన్నారు. అందులో ప్రభుత్వ కాలేజీల ప్రిన్సిపాల్స్ తోపాటు, ఆర్జేడీలు, రాష్ట్రస్థాయిలో కమిషనర్ లో డాష్ బోర్డులో ఎంత మంది విద్యార్ధులకు పాఠ్యాంశాలు చెప్పారో ఎప్పటి కప్పుడు తెలుసుకునే వీలుపడేలా ఎంతో ఉపయుక్తంగా ఈ యాప్ రూపొందించినట్టు ఆయన వివరించారు. అటు ఎయిడెడ్ డిగ్రీకాలేజీలకు ప్రభుత్వమే నిధులు కేటాయిస్తున్నందున వారికి కూడా ఈ అదేశాలు, నిబంధనలు వర్తిస్తాయని చెప్పారు. ఈ విషయంలో ప్రభుత్వం ఎంతో ద్రుడ సంకల్పంతో వుందని ఎవరు ఆ నిబంధనలను అతిక్రమించినా కఠిన చర్యలు తీసుకునేందుకు వెనుకాడబోయేది లేదని కూడా కమిషనర్ చెప్పారు. చాలా సంవత్సరాల తరువాత రాష్ట్రప్రభుత్వం కూడా ఎంతో ఉన్నతంగా ఆలోచించడంతో విద్యార్ధుల భవిష్యత్తుకి బంగారు బాటలు వేయడానికి కమిషనర్ తీసుకుంటున్న చర్యలు మంచి ఫలితాలు ఇచ్చేదిశగా కనిపిస్తున్నాయి. చూడాలి ఏం జరుగుతుందో..!

ఆంధ్రప్రదేశ్ ప్రభుత్వం గ్రామ, వార్డు సచివాలయ సిబ్బంది ఆదివార సెలవులకు మంగళం పాడాలని చూస్తున్నట్టు కోవిడ్ వేక్సిన్ ద్వారా కొట్టొచ్చినట్టు కనిపిస్తుంది. కరోనా సమయంలో అన్ని ప్రభుత్వ శాఖలకూ ఉదయం 8 నుంచి మధ్యాహ్నాం 12 గంటల వరకూ పనిచేయాలని అవకాశం కల్పించిన సమయంలో కూడా సచివాలయ ఉద్యోగులకు ఆ సౌకర్యం అమలు చేయకపోగా.. ఉదయం 9గంటల నుంచి సాయంత్రం ఆరుగంటల వరకూ పనిచేయించింది. ఇపుడు తాజాగా వారంలో ఒక్కరోజు వచ్చే ఆదివారం సెలవులకు మంగళం పాడి ఆరోజు కరోనా వేక్సిన్ టీకా కార్యక్రమాలు పెడుతోంది ప్రభుత్వం. సెలవురోజుల్లో వేక్సినేషన్ కార్యక్రమాలు ఏర్పాటు చేయడంతోపాటు ఉదయం 8గంటల నుంచి సాయంత్ర ఆరు, ఏడు గంటల వరకూ వేక్సినేషన్ కేంద్రాల వద్దే పడిగాపులు కాయాల్సి వస్తుందని సిబ్బంది ఆవేదన వ్యక్తం చేస్తున్నారు. ఇదే విధామని ప్రశ్నించిన ఉద్యోగులకు చెప్పింది చేయకపోతే మీ ఉద్యోగాలు పోతాయని, పైకి రాసేస్తామని మండల అధికారులు బెదిరస్తున్నారని ఉద్యోగులు ఆందోళన వ్యక్తం చేస్తున్నారు. ప్రభుత్వం ఆదేశించడంతో  భయం భయంగా  కేంద్రాల వద్ద కోవిడ్ డ్యూటీలు చేస్తున్నామని చెబుతున్నారు. కేంద్రాల వద్ద కనీస శానిటేషన్ లేకపోగా, శానిటైజర్లు గానీ, డెటాల్ గానీ, హేండ్ గ్లౌజులు గానీ, హైపో సోడియం పిచికారీ కూడా  ప్రభుత్వం చేపట్టడం లేదంటే అతిశయోక్తి కాదు..  మాస్కులు, శానిటైజర్లు, హేండ్ గ్లౌజులు ఇలా అన్నీ విధులకు వచ్చే సచివాలయ సిబ్బందే కొనుగోలు చేసుకోవాల్సి వస్తుంది. ఇప్పటికే మూడు దఫాలు ఆదివారం రోజులు కరోనా వేక్సినేషన్ డ్యూటీలు వేసి వారి సెలవులను కోల్పోయోలా చేసింది ప్రభుత్వం. కనీసం ఆదివారం సెలవురోజు డ్యూటీలు చేసినందకు మరో రోజైనా సెలువులు ప్రభుత్వం మంజూరు చేస్తుందా అదీకనిపించడం లేదని సచివాలయ సిబ్బంది ఆందోళన వ్యక్తం చేస్తున్నారు. వారానికి ఒక్కరోజు దొరికే సెలవు రోజున వారాంతం నిండిపోయిన బట్టలు ఉతుక్కోవడానికి కూడా సమయం దొరకడం లేదని సచివాలయ సిబ్బంది ఆవేదన వ్యక్తం చేస్తున్నారు. దానికితోడు కరోనా వేక్సినేషన్ లక్ష్యాలను కూడా వైద్య ఆరోగ్యశాఖలో ఆశ, ఏఎన్ఎం, హెల్త్ అసిస్టెంట్లు, రెండవ ఏఎన్ఎం, అంగన్వాడీ కార్యకర్తులు ఉన్నప్పటికీ వారికి ఏమీ చెప్పకుండా తమకే ప్రజలను వేక్సిన్ వేక్సిన్లు వేయించే టార్గెట్లు పెడుతోందని ఆగ్రహం వ్యక్తం చేస్తున్నారు. మరోవైపు ప్రజలు కోవిడ్ వేక్సినేషన్ కు ముందుకి రాకపోవడంతో ఇబ్బందులు తలెత్తుతున్నాయని చెబుతున్నారు. ప్రభుత్వం గ్రామ, వార్డు సచివాలయ ఉద్యోగులను ఏ విధంగా పరిగణిస్తో అర్ధం కావడం లేదని వీరాంతా కన్నీటి పర్యంతం అవుతున్నారు. సాధారణ ప్రభుత్వ ఉద్యోగులకు, తమకు జీతాలు, విధుల్లోనే కాకుండా ప్రభుత్వం పరిగణించే విషయంలోనూ చాలా వ్యత్యాసాలు కనిపిస్తున్నాయని చెబుతున్నారు. 

 సచివాలయ ఉద్యోగులు రెండు కోవిడ్ టీకాలుు పూర్తిచేసుకున్నా..కోవిడ్ కేంద్రాల వద్ద డ్యూటీలు చేసేవారే కరోనా భారిన పడుతున్నారని ఆందోళన వ్యక్తం చేస్తున్నారు. నేటికీ పత్రీ పది గ్రామ, వార్డు సచివాలయాల్లో కనీసం సచివాలయానికి ముగ్గురు సిబ్బంది చొప్పున ఇపుడు పాజిటివ్ భారిన పడి వైద్యం పొందడం కూడా తమకు భయాన్ని కలిగిస్తోందని చెబుతున్నారు. చాలా మంది ప్రజలు వారికి కరోనా ఉన్నా పరీక్షలు చేయించుకోకుండా నేరుగా కోవిడ్ వేక్సినేషన్ కు రావడ వలన, వారికి ఇచ్చే టోకెన్లు తాము అలా తీసుకోవడం వలన వారి కరోనా వైరస్ తమకు సోకుతుందని సిబ్బంది ఆందోళన వ్యక్తం చేస్తున్నారు. ఈ విషయం మండల అధికారులకు తెలియజేసినా ఫలితం లేదని వాపోతున్నారు. ఇప్పటికైనా ప్రభుత్వం కరోనా వేక్సిన్ కార్యక్రమం ఆదివారం, సెలవురోజుల్లో ఏర్పాటు చేస్తే అపుడు విధుల్లో పాల్గొన్నా వారికి ప్రత్యేకంగా సెలవులు ఇవ్వాల్సిందేనని సచివాలయ ఉద్యోగులు డిమాండ్ చేస్తున్నారు. తమ ఆదివారాల సెలవులు, విధులు, ఇబ్బందులు, సమస్యల కోసం ఎవరితో మాట్లాడాలనుకున్నా మండలస్థాయి అధికారుల నుంచి బెదిరింపులే ఎదురవుతున్నాయి తప్పితే తమ సమస్యలు పరిష్కారం కావడం లేదని చెబుతున్నారు. పైగా మీకు ఉద్యోగ అవకాశాలు కల్పించిన ప్రభుత్వం కోసం ఆ మాత్రం కూడా ఆదివారాలు పనిచేయలేరా అని తిరిగి ప్రశ్నిస్తూ భయాందోళనకు గురిచేస్తున్నారని సిబ్బంది వాపోతున్నారు. ఈ విషయంలో ప్రభుత్వం సచివాలయ ఉద్యోగుల ఆదివారాల సెలవు రోజుల్లో వారితో కరోనా వేక్సిన్ విధులు నిర్వహించినందుకు వారికి ప్రత్యామ్నాయ సెలవులు ఇస్తుందా...వాటిని పరిగణలోకి తీసుకోకుండా అలానే వదిలేస్తుందా అనేది వేచి చూడాలి..!

రాష్ట్రవ్యాప్తంగా ఉన్న ప్రభుత్వ డ్రిగీ కాలేజీల్లో ప్రస్తుతం నడుస్తున్న కోర్సులపై అధ్యయనం చేసి కొత్తకోర్సులు ప్రవేశ పెట్టాలని ప్రభుత్వం యోచిస్తున్నది. దీనికోసం ఉన్నతవిద్య, సాంకేతిక విద్యా కమిషనర్ డా.పోలా భాస్కర్ ప్రత్యేకంగా ద్రుష్టిసారించారు. సాధారణ డిగ్రీ కోర్సుల వలన కేవలం డిగ్రీలు మాత్రమే చేతికొస్తున్నాయని, అలా కాకుండా డిగ్రీ పూర్తికాగానే ఉపాది, ఉద్యోగ అవకాశాలు కలిగే కోర్సులను ప్రవేశ పెట్టడం ద్వారా విద్యార్ధుల భవిష్యత్తుకు మార్గాలు వేసేందుకు సత్వర చర్యలు చేపట్టారు. ప్రస్తుతం 70శాతం ప్రభుత్వ డిగ్రీ కాలేజీల్లో కేవలం బిఏ, బీకాం, బిఎస్సీ కోర్సులు మాత్రమే నిర్వహిస్తున్నారు. కొన్ని కాలేజీల్లో మాత్రం సిబిజెడ్, బిఎస్సీ ఎంపీసి కోర్సులు నడుస్తున్నాయి. ఇలా కాకుండా హార్టికల్చర్, సెరీకల్చర్, బిఎస్సీ ఎలక్ట్రానిక్స్,  కంప్యూటర్ సైన్స్ కోర్సులతోపాటు ప్రత్యేక ల్యాబ్ సౌకర్యాలను కూడా ఏర్పాటు చేయాలని ప్రభుత్వం చూస్తుంది. తద్వారా విద్యార్ధులకు డిగ్రీ పూర్తయిన తరువాత ఉపాది, ఉద్యోగ అవకాశాలు కల్పించాలని చూస్తుంది. అంతేకాకుండా ప్రభుత్వ డిగ్రీ కాలేజీ పరిధిలోని పరిశ్రమలు, కంపెనీలు, పెద్ద పెద్ద ప్రభుత్వ శాఖల్లో విద్యార్ధులకు అవగాహన కల్పించేలా ప్రత్యేక టూర్లను ఏర్పాటు చేయాలని చూస్తుంది. ఇటీవల విశాఖలో ప్రభుత్వ డిగ్రీ కాలేజీల ప్రిన్సిపాళ్లతో సమీక్షా సమావేశం ఏర్పాటు చేసిన కమిషనర్ ఈ దిశగా ఆదేశాలు జారీచేశారు. ప్రైవేటు డిగ్రీ కాలేజీల్లో చదివితే ఖచ్చితంగా ఉపాది, ఉద్యోగ అవకాశాలు దక్కుతాయనే విధంగా విద్యావ్యవస్థలో మార్పులు తీసుకురాడానికి అన్ని చర్యలు చేపడుతున్నట్టు ప్రకటించిన ఆయన రాష్ట్రవ్యాప్తంగా ఉన్న డిగ్రీ కాలేజీల్లో ఏ తరహా కోర్సులు నడుస్తున్నాయి, కొత్తగా ఏ తరహా కోర్సులు ఏర్పాటు చేస్తే విద్యార్ధులకు ఉపయోగం ఉంటుందనే విషయమై అధ్యయనం చేసి ప్రభుత్వం ద్రుష్టికి తీసుకెళతామని అన్నారు. అంతేకాకుండా అన్ని డిగ్రీ కాలేజీలు ఖచ్చితంగా నాక్ గుర్తింపులో ఏదో ఒక సర్టిఫికేట్ కలిగి ఉండేలా సదుపాయాలు కల్పించాలన్నారు. ఇదే సమయంలో ప్రభుత్వం నుంచి వచ్చే నిధులకు ఎలాంటి ఆటంకం రాకుండా ఇపుడు ఆన్ లైన్ పేమెంట్లకు, ఈ-ఆఫీస్,  ప్రత్యేక మొబైల్ యాప్ లను అభివ్రుద్ధి చేసినట్టు కమిషనర్ పోలాభాస్కర్ వివరించారు. డిగ్రీ కాలేజీలో చేపట్టే నూతన అంశాలను ఈఎన్ఎస్ నేషనల్ న్యూస్ ఏజెన్సీకి ఆయన ప్రత్యేకంగా వివరిస్తున్నారు. కమిషనర్ చెప్పిన విధంగా ప్రాధమిక మార్పులు చేసినా, చాలా ప్రభుత్వ డిగ్రీ కాలేజీల్లో కొత్త డిగ్రీ కోర్సులు అందుబాటులోకి రావడంతోపాటు, లైబ్రెరీలు, ఇంగ్లీషు ల్యాబ్ లు, ఉపాది, ఉద్యోగ శిక్షణలు అన్నీ విద్యార్ధులకు అందుబాటులోకి రానున్నాయి.  

తిరుపతిలో ఇటీవల ఓ వ్యక్తికి కరోనా డెల్టా ప్లస్ వేరియంట్ సోకినట్టు నిర్ధారణ అయిందని రాష్ట్ర వైద్య ఆరోగ్య శాఖ మంత్రి ఆళ్ల నాని వెల్లడించారు. శుక్రవారం సీఎం వైఎస్ జగన్ రాష్ట్రంలో కొవిడ్ పై సమీక్ష నిర్వహించగా, మంత్రి ఆళ్ల నాని ఈ అంశాన్ని సీఎంకి తెలియజేశారు. అయితే  డెల్టా ప్లస్ వేరియంట్ కేసు ఏపీలో ఇదే మొదటిదన్న మంత్రి.. ఆ వ్యక్తి నుంచి ఇతరులు ఎవరికీ కొవిడ్ వేరియంట్ సోకలేదని తెలిపారు. ఇప్పుడా వ్యక్తికి చికిత్స కూడా పూర్తయిందని, కోలుకోవడం కూడా జరిగిందని అన్నారు. తిరుపతి కేసు మినహా ఏపీలో మరెక్కడా డెల్టా ప్లస్ వేరియంట్ కేసులు లేవని ఆళ్ల నాని స్పష్టం చేశారు. ఎవరూ ఆందోళన చెందవద్దని పేర్కొన్నారు. యావత్ ప్రపంచాన్ని హడలెత్తిస్తున్న కరోనా డెల్టా వేరియంట్ జన్యు ఉత్పరివర్తనం చెంది డెల్టా ప్లస్ గా మార్పు చెందిందని నిపుణులు గుర్తించారు. ఇప్పటికే భారత్ లోని పలు రాష్ట్రాల్లో డెల్టా ప్లస్ వేరియంట్ ఉనికి వెల్లడైంది. మహారాష్ట్రలో అత్యధికంగా 21 కేసులు నమోదు కాగా, కేరళ, తమిళనాడు, మధ్యప్రదేశ్ లోనూ పలువురు దీని బారినపడ్డారు. దీనితో ప్రభుత్వం కూడా అప్రమత్తంగా ఉందని మంత్రి వెల్లడించారు..

ప్రభుత్వ డిగ్రీ కాలేజీ ప్రిన్సిపాళ్ల మైండ్ సెట్ మారితేనే విద్యార్ధుల భవిష్యత్తుకి బంగారు బాటలు వేయడానికి ఆస్కారం వుంటుందని ఉన్నతవిద్య, సాంకేతిక విద్యాశాఖ కమిషనర్ డా.పోలాభాస్కర్ అన్నారు. కమిషనర్ గా బాధ్యతలు స్వీకరించిన తరువాత విశాఖలో తొలి సమావేశం ఉత్తరాంధ్రాలోని విశాఖపట్నం, శ్రీకాకుళం, విజయనగరం జిల్లాలకు చెందిన ప్రభుత్వ, ఎయిడెడ్ డిగ్రీ కాలేజీ, పాలిటెక్నిక్ కళాశాలల ప్రిన్సిల్స్ తో ఏయూలోని డా.వైవిఎస్ మూర్తి ఆడిటోరియంలో సమీక్షా సమావేశం నిర్వహించారు. ఈ సందర్భంగా కమిషనర్ మాట్లాడుతూ, కరోనా నేపథ్యంలో విద్యార్ధులకు అత్యధిక సమయం ఆన్ లైన్ విద్య అందించడానికి సమయం వెచ్చించాలన్నారు. అదే సమయంలో పాత విద్యావిధానాలకు స్వస్తిచెప్పి నూతన విద్యావిధానాలను అలవాటు చేసుకోవడం ద్వారా విద్యార్ధులకు మంచి విద్య అందించడానికి ఆస్కారం వుంటుందన్నారు. నేను ఇలాగే ఆడుతూ పాడుతూ పనిచేస్తాను..ఈవిధంగానే ఉంటానంటే కుదరదని, ఇకపై రాష్ట్రవ్యాప్తంగా వున్న అన్ని ప్రభుత్వ డిగ్రీ కాలేజీలను ఆన్ లైన్ చేసి సెంట్ర్ సిస్టమ్ ద్వారా మానటరింగ్ చేయడానికి ఏర్పాట్లు చేశామన్నారు. కాలేజీల్లో అడ్మిషన్లు పెంచడంతోపాటు, ఆన్ లైన్ విద్యలో విద్యార్ధులు విధిగా పాల్గొనేలా చేయాలన్నారు. విద్యార్ధులు, అద్యాపకుల ఆన్ లైన్ విద్య కోసం ప్రత్యేకంగా యాప్ ప్రవేశపట్టినట్టు వివరించారు. దీని ద్వారా ఏఏ కాలేజీల్లో ఎంత అద్యాపకులు, ఎన్ని గంటలు ఆన్ లైన్ విద్య విద్యార్ధులకు అందించారో కూడా మానిటర్ చేయడానికి ఆస్కారం వుంటుందన్నారు. ప్రభుత్వ డిగ్రీకాలేజీలతోపాటు ఎయిడెడ్ డిగ్రీ కాలేజీల ప్రన్సిపాల్స్ కూడా ప్రభుత్వ నిబంధనలు ఖచ్చితంగా పాటించాల్సిందేనన్నారు. వారికి ప్రభుత్వమే ఎయిడ్ ఇస్తున్నందున ప్రభుత్వ ఆదేశాలు ఖచ్చితంగా పాటించాల్సిందేనన్నారు. త్వరలోనే అద్యాపకులకు నూతన విద్యావిధానంపై శిక్షణా తరగతులను ఏర్పాటు చేయనున్నామన్నారు. విద్యార్ధులు డిగ్రీ పూర్తిచేసుకొని బయటకు వెళ్లగానే వారికి ఉద్యోగ, ఉపాది అవకాశాలు వచ్చే కోర్సులను కాలేజీల్లోకి అందుబాటులోకి తేవాలన్నారు. అంతే తప్పా ఏదో ఆడుతూ, పాడుతూ పనిచేసుకుంటూ పోతాం..మన జీతం మనకి వచ్చేస్తుందనే దోరణికి ఇకపై స్వస్తి చెప్పాలన్నారు. డిగ్రీవిద్యలో విద్యార్ధులు అన్నికోర్సుల్ల విద్యార్ధులు చేరేందుకు ముందుగా దగ్గర్లోని ఇంటర్ కాలేజీలను సందర్శించి అక్కడి నుంచి విద్యార్ధులను చేర్చుకోవాలన్నారు. ముఖ్యంగా డ్రాపౌట్స్ లేకుండా చూసుకోవాలన్నారు. శతశాతం విద్యార్ధులు డిగ్రీపట్టాతో బయటకు వెళ్లే విధంగా విద్య అందించడానికి శక్తివంచన లేకుండా క్రుషిచేయాలన్నారు. ఇకపై రాష్ట్రవ్యాప్తంగా అన్ని జోన్లలోని ప్రిన్సిపాళ్లతో తరచుగా సమావేశాలు ఏర్పాటు చేస్తూ విద్యాభివ్రుద్ధికి ప్రత్యేక చర్యలు తీసుకుంటామని కమిషనర్ పోలా భాస్కర్ వివరించారు. ఈ సమీక్షలో ఆర్డీలు, ఆర్జేలు, తదితరులు పాల్గొన్నారు.

రాష్ట్ర వ్యాప్తం బోట్లను కంట్రోల్ చేయడానికి 9 కమాండ్ కంట్రోల్ రూమ్ లను ఏర్పాటు చేసినట్టు రాష్ట్రపర్యాటకశాఖ మంత్రి అవంతి శ్రీనివాస్ తెలిపారు. సచివాలయంలోని పబ్లిసిటీ సెల్ లో బుధవారం నిర్వహించిన విలేకరుల సమావేశంలో ఆయన మాట్లాడారు. 

ప్రైవేటు బోటు యజమానులతో జూన్ 24న సమావేశం నిర్వహిస్తున్నామన్నారు. రాష్ట్ర ప్రభుత్వానికి చెందిన 50 బోట్లకు గానూ 48 బోట్లు అనుమతులు తీసుకున్నాయని, అవి గురువారం నుంచే బోటింగ్ నిర్వహించుకోవొచ్చునన్నారు. ఇప్పటికీ కొందరు ప్రైవేటు బోటు యజమానులు లైసెన్సులు తీసుకోలేదన్నారు. ముఖ్యమంత్రి వైఎస్ జగన్మోహన్ రెడ్డి ఆదేశాల మేరకు రాష్ట్ర వ్యాప్తంగా 9 కమాండ్ కంట్రోల్ సెంటర్లను ఏర్పాటు చేశామన్నారు. ఎటువంటి ప్రమాదాలు జరగకుండా కమాండ్ కంట్రోల్ సెంటర్ల ద్వారా ప్రైవేటు బోట్లు నిర్వహించేలా కొత్త విధి విధానాలు రూపొందించామన్నారు. వాటిపై ప్రైవేటు బోటు యజమానులతో శుక్రవారం విజయవాడలోని బెరమ్ పార్కులో సమావేశం నిర్వహిస్తున్నామన్నారు. ఈ సమావేశంలో పర్యాటక, స్పోర్స్టు అధికారులు పాల్గొన్నారు. 

విశాఖపట్నంలోని రుషికొండలో ఉన్న హరిత రెస్టారెంట్ ను రూ.164 కోట్లతో బ్లూ బే హోటల్ గా అభివృద్ధి చేయనున్నట్లు రాష్ట్ర పర్యాటకశాఖ మంత్రి అవంతి శ్రీనివాసరావు తెలిపారు. సచివాలయంలోని పబ్లిసిటీ సెల్ లో బుధవారం నిర్వహించిన విలేకరుల సమావేశంలో ఆయన మాట్లాడారు.  విశాఖ తీరానికి కొట్టికొచ్చిన విదేశీ ఓడను లో ఫ్లోటింగ్ రెస్టారెంట్(షిప్ రెస్టారెంట్) ఏర్పాటుకు అన్ని అనుమతులు వచ్చాయని, వీలైనంత తొందరగా షిప్  కొనుగోలుకు చర్యలు తీసుకోనున్నామన్నారు. ఫ్లోటింగ్ రెస్టారెంట్ పనులు ప్రారంభించి, పర్యాటకలకు అందుబాటులో తీసుకురానున్నామన్నారు. రాష్ట్రంలో మద్యపాన నిషేధానికి  తమ ప్రభుత్వం కట్టుబడి ఉందన్నారు. విదేశీ పర్యాటకులను ఆకట్టుకునే నేపథ్యంలో పర్యాటక ప్రాంతాల్లో ఉన్న 33 బార్లలో విదేశీ మద్యంతో పాటు క్వాలిటీ ఉన్న బ్రాండ్లను ఈ బ్లార్లలో విక్రయించనున్నామన్నారు. ఈ మద్యాన్ని అధిక ధరలకు కాకుండా తక్కువ ధరలకు విక్రయించేలా చర్యలు తీసుకోవాలన్నారు. కడప జిల్లాలో ఉన్న గండికోటలో పర్యాటక అభివృద్ధిలో భాగంగా హోటళ్లు, ఇతర సౌకర్యాల క్పలనకు రాష్ట్ర ప్రభుత్వం ప్రత్యేక దృష్టి సారించిందన్నారు. హార్సలీ హిల్స్ తరహాలో గండికోటను అభివృద్ధి చేయాలని తమ ప్రభుత్వం నిర్ణయించిందన్నారు. వీటితో పాటు.. రాష్ట్రంలో 13 ప్రాంతాల్లో సెవెన్ స్టార్ హోటళ్ల నిర్మాణానికి రాష్ట్ర ప్రభుత్వం నిర్ణయంచిన విషయాన్ని ఆయన గుర్తు చేశారు. కరోనా కారణంగా ఆ పనులు ఆలస్యం చోటుచేసుకుందన్నారు. విశాఖ, తిరుపతిలో ఫైవ్, సెవెన్ స్టార్ హోటళ్ల నిర్మాణానికి ఒబరాయ్ హోటల్ యాజమన్యం ముందుకొచ్చిందన్నారు. అలాగే మిగిలిన ప్రాంతాల్లోనూ పీపీపీ పద్ధతిలో ఫైవ్, సెవెన్ స్టార్ హోటళ్ల నిర్మాణానికి రాష్ట్ర ప్రభుత్వం నిర్ణయించిందన్నారు. ప్రపంచ పర్యాటక పటంలో ఏపీని నిలపాలన్నదే సీఎం వైఎస్ జగన్మోహన్ రెడ్డి లక్ష్యమన్నారు. కొవిడ్ కేర్ సెంటర్లకు ఆహార పదార్థాలు సప్లయ్ చేయడం ద్వారా రాష్ట్ర వ్యాప్తంగా ఉన్న 38 హోటళ్ల ద్వారా గతేడాది రూ.58.05 కోట్ల ఆదాయం రాగా, ఈ ఏడాది ఇప్పటి వరకూ రూ.28 కోట్ల మేర ఆదాయం ఆర్జించామన్నారు.

రాష్ట్ర వ్యాప్తంగా ఉన్న అన్ని పర్యాటక ప్రాంతాల్లోకి గురువారం(జూన్ 24) నుంచి పర్యాటకులను అనుమతించాలని రాష్ట్ర పర్యాటక, సాంస్కృతిక, క్రీడల శాఖ మంత్రి ముత్తంశెట్టి శ్రీనివాసరావు(అవంతి శ్రీనివాస్) తెలిపారు. సచివాలయంలోని పబ్లిసిటీ సెల్ లో బుధవారం నిర్వహించిన విలేకరుల సమావేశంలో ఆయన మాట్లాడారు. కొవిడ్ తగ్గుముఖం పడుతున్న నేపథ్యంలో  పర్యాటక ప్రాంతాల్లోకి పర్యాటకులను అనుమతించాలని నిర్ణయించామన్నారు. పర్యాటకం ద్వారా ఆదాయం పెంచుకునే చర్యలు తీసుకోనున్నామన్నారు. ఏపీలోని పర్యాటక ప్రాంతాల ప్రాముఖ్యతను తెలియజేస్తూ దేశంలోని ప్రధాన నగరాల్లో రోడ్ షోలు నిర్వహించనున్నామన్నారు.  కొవిడ్ కష్ట కాలంలో ఆదాయం తగ్గినా పర్యాటక శాఖలోని ఏ ఒక్క ఉద్యోగిని కూడా తొలగించలేదన్నారు. అంతకుముందు పర్యాటక, క్రీడల అధికారులతో సచివాలయంలోని తన కార్యాలయంలో మంత్రి  సమీక్షా సమావేశం నిర్వహించారు. బోటుల నిర్వహణకు రాష్ట్రంలో వ్యాప్తంగా ఏర్పాటు చేసిన 9 కమాండ్ కంట్రోల్ సెంటర్లను ఎప్పటికప్పుడు పర్యవేక్షించాలని రాష్ట్ర పర్యాటక శాఖ స్పెషల్ చీఫ్ సెక్రటరీ రజత్ భార్గవ్ ను ఆదేశించారు. పర్యాటకం ద్వారా ఆదాయం పెంపుదలకు చర్యలు తీసుకోవాలన్నారు. టూరిజంలో అవినీతికి అడ్డుట్ట వేస్తూ, చిత్తశుద్ధితో పనిచేసే ఉద్యోగులను ప్రోత్సాహించాలన్నారు. పర్యాటక శాఖ పరధిలో ఉన్న హోటళ్ల ట్రేడ్ రిజిస్ట్రేషన్లను త్వరితగతిన పూర్తి చేయాలన్నారు. ఆగస్టు ఒకటో తేదీ నాటికి ట్రేడ్ రిజిస్ట్రేషన్లన్నీ పూర్తి చేయాలని ఆదేశించారు. ఈ సమావేశంలో పర్యాటక, స్పోర్స్టు అధికారులు పాల్గొన్నారు.