ఆంధ్రప్రదేశ్ ప్రభుత్వం రాష్ట్రవ్యాప్తంగా గ్రామ, వార్డు సచివాలయాల్లో పనిచేస్తున్న సిబ్బందికి శాఖల వారీగా ప్రత్యేక జీఓల ఆధారంగా వారికి అనంగా చేర్చిన విధులు, సేవలను తెలియజేస్తుంది. ఇప్పటికే  గ్రామ, వార్డు సచివాలయ కార్యదర్శిలుగా వున్న వారిని జీఓ నెంబరు 59 ద్వారా సాధారణ పోలీసులుగా మార్చడంతోపాటు కాఖీ యూనిఫారం ఇచ్చింది. దానిని అన్ని జిల్లా ఎస్పీలు అమలు చేస్తున్నారు. ఇపుడు మున్సిపల్ కార్పోరేషన్లు, మున్సిపాలిటీల్లో వార్డు పారిశుధ్య, పర్యావరణ కార్యదర్శిలకు జీఓనెంబరు 650ని విడుదల చేసింది. అందులో సచివాలయ ఉద్యోగులు ఏవిధంగా పనిచేయాలనే విషయం తెలియజేయడంతో వాటిని రాష్ట్రంలోని అన్ని పట్టణ పురపాలక శాఖల కమిషనర్లకు కూడా తెలియజేయడంతో ఉద్యోగులకు దిశా నిర్ధేశం చేస్తున్నారు. మిగిలిన ప్రభుత్వ శాఖల ఉద్యోగులకు దశల వారీగా జీఓల ద్వారా విధులును తెలియజేసే పనిలో పడింది. గతంలో ఉద్యోగులు విధుల్లో చేరినపుడు వీరందరికీ ఒక జాబ్ చార్ట్ ప్రభుత్వం అధికారిక వెబ్ సైట్ ద్వారానే తెలియజేసింది. ఇపుడు ప్రత్యేకంగా శాఖల వారీగా జీఓల రూపంలో కొత్తగా రూపొందించిన విధులను తెలియజేయడం ప్రాధాన్యతను సంతరించుకుంటుంది. ప్రభుత్వం గ్రామ, వార్డు సచివాలయాల్లో సేవలను 545కి పెంచిన నేపథ్యంలో ఉద్యోగుల విధులు కూడా ఆయా ప్రభుత్వ శాఖలకు అనుగుణంగా ఉండేందుకు వీలుగా కొత్తగా తయారు చేస్తుందని రాష్ట్ర అధికారి ఒకరు ఈఎన్ఎస్ కు ప్రత్యేకంగా తెలియజేశారు. ప్రభుత్వం సచివాలయాల ద్వారానే అన్ని సేవలు అందించాలనే లక్ష్యంతోనే కొత్తగా రూపొందించిన విధులను అధికారిక జీఓల ద్వారా తెలియజేస్తుందని వివరించారు. దానికితోడు, సమాచార హక్కుచట్టాన్ని కూడా ప్రభుత్వం పూర్తిస్థాయిలో అమలు చేయాలని భావించిన తరుణంలో సచివాలయ వ్యవస్థలో దాపరికంలేని సేవలు అందించాలనే ఉద్దేశ్యంలో ఉద్యోగులకు చెందిన విధులను ఆయాశాఖల ముఖ్య కార్యదర్శిల ద్వారా జీఓలు విడుదల చేయిస్తుందని చెబుతున్నారు. సచివాలయానికి వచ్చిన దగ్గర నుంచి శాఖల వారీగా ఎంతమంది సిబ్బంది ఎన్ని దరఖాస్తులను పరిష్కరించారనే విషయంలోనూ ఇకపై ప్రభుత్వం లెక్కలు తేల్చనుందని సమాచారం అందుతుంది. గ్రామ సచివాలయ వ్యవస్థ అందుబాటులోకి వచ్చిన తరువాత చాలా సమస్యలు గ్రామస్థాయిలో పరిష్కారం కావడం లేదు. సచివాలయ సిబందే మండల, జిల్లా కార్యాలయాలకు పంపుతున్నారు. కొన్నింటిని సచివాలయాల్లో చేసే అవకాశం వున్నా సక్రమంగా చేయడం లేదనే విషయాన్ని ప్రభుత్వం గుర్తించే కొత్తగా జీఓల రూపంలో విధులు ఉటంకిస్తూ జీఓలు జారీచేస్తుందని అధికారులు చెబుతున్నారు.  ఇకపై రాష్ట్రవ్యాప్తంగా గ్రామ, వార్డు సచివాలయాల వారీగా ప్రజల నుంచి వచ్చిన దరఖాస్తులెన్ని, పరిష్కరించినవి ఎన్ని అనే విషయాలను డాష్ బోర్డు ఏర్పాటు చేయడంతో పాటు నేరుగా వీడియో కాన్ఫరెన్సు ద్వారా ప్రభుత్వంలోని ముఖ్యశాఖల అధిపతులే సమీక్షనున్నారని కూడా తెలుస్తుంది. ఇంకా వ్యవశాఖ, పట్టు పరిశ్రమశాఖ, ఉద్యానశాఖ, ఇంజనీరింగ్, సంక్షేమశాఖ, వీఆర్వోలు, సర్వేయర్లు, పంచాయతీ కార్యదర్శిలకు కూడా కొత్త విధులపై జీఓలు ప్రభుత్వం జారీచేయనుందని గ్రామ, వార్డు సచివాలయ శాఖకు చెందిన ఉన్నతాధికారి ఒకరు చెప్పడం ప్రాధాన్యతను సంతరించుకుంది. ప్రజలకు పూర్తిస్థాయిలో గ్రామంలోనే సేవలు అందాలంటే ఉద్యోగులకు జాబ్ చార్ట్ లిఖిత పూర్వకంగా ఉండాలనే ఉద్దేశ్యంతో ప్రభుత్వం ఈ ఏర్పాటు చేస్తుందని చెబుతున్నారు. అన్నిశాఖల సిబ్బందికి వారి వారి విధులు, సేవలపై ప్రత్యేక జీఓలు వస్తే తప్పా..కొత్తగా వారి విధుల్లో ఏఏ కొత్త సేవలు అదనంగా చేర్చారనే విషయం కొలిక్కిరాదు..! 

‘నవ్విపోదురుగాక..నాకేటి సిగ్గు...’అన్నట్టు మీకనిపించలేదా పచ్చరంగు పులుముకున్న వారందరికీ.. పచ్చ పచ్చని రాతాలు రాసేవారందరికీ.. నిన్నటి పుట్టిన రోజు వేడకలను ప్రశ్నించిన ఆచార్యులంతా చదువులమ్మ ఒడి ఆంధ్రాయూనివర్శిటీ మైదనాంలో నాడు మహానాడు జరుగుతున్న సమయంలో ఏం చేశారు..ఇంకేం పీకారు.. ఓహో సిగ్గుతో రాజకీయ ప్రశంగాలు వినకలేక చెవులు మూసుకున్నారా.. రాజకీయనాయలు నేరుగా వచ్చి చదువులమ్మ ఒడిలో సభలు పెడితే చూడలేక కల్లు కుట్టుకున్నారా.. నాడు చేయని ఆందోళనలు.. బాధ నేడేంటని మీకు అనిపించలేదా.. నేడు ఆ పచ్చ విద్యార్ధులే ఇపుడు ఎందుకు ప్రశ్నిస్తున్నట్టో కనీసం అర్ధం చేసుకోలేని ప్రజలున్నారంటారా.. వైఎస్సార్సీపీ ప్రభుత్వం చేపడుతున్న అభివ్రుద్ధిని చూసి ఓర్వలేని వారంతా పుట్టిన రోజు వేడుకలను రాజకీయం చేయాలని చూస్తే.. ఏకంగా నాడు.. మహానాడుతో వారు చేసిన రాజకీయం మేము చేస్తే.. సంసారం.. మీరు చేస్తే వ్యభిచారం.. అన్నట్టుగా చిత్రీకరించే ఆ పక్షనేతలు.. ఈ పచ్చరాతలు.. నిజంగానే మాటల కందని అర్ధాలు తీసినట్టుగానే ఉన్నాయి. భావ ప్రకటన అభిమానాన్ని కేకు కట్ చేస్తే.. చూపిస్తే.. చదువులమ్మ తల్లి పరువుపోయిందా.. అన్నన్నా.. ఎంత మాట ఎంతమాట.. కలం కల్మషంగా రాయాలి తప్పా.. కలం కలుషితంగా మారి అక్షరాలు రాస్తే.. అవి వక్రభాష్యాన్నే చూపుతాయనడానికి ఎంపీ వి.విజయసాయిరెడ్డి పుట్టిన రోజు వేడుకలను ఆంధ్రాయూనివర్శిటీలో జరిగినందుకు రాసిన పచ్చరాతలే నిదర్శనంగా కనిపిస్తున్నాయని ఆరోపిస్తున్నారు ఆంధ్రరాష్ట్ర ప్రజలు..నిజమైన ఆచార్యాలు..రాజకీయాలు చేయని విద్యార్ధులు..

ఆంధ్రప్రదేశ్ లో అధికారంలో వున్న వైఎస్సార్సీపీ ప్రజాప్రతినిధులపై రాజకీయ బురద చల్లేందుకు చదువలమ్మ ఒడి.. ఆంధ్రాయూనిర్శిటీని వేదిక చేసుకోవడం నిజంగా సిగ్గుచేటని గుండెలు అవిసేలా బాధుకొని రాజకీయం చేసేవారంతా ఒక్కసారి వెనక్కి తిరిగి చూసుకోవాలి సూచిస్తున్నారు వాస్తవాలు తెలిసిన వారంతా.. ఒక వేల వారి వేలే ముందుకి చూపిస్తే నాలుగు వేళ్లు తప్పుచేసిన వారిపైనే చూపిస్తాయనే విషయం మరిచిపోకూడదు అలాంటపుడు అంటూ హితబోద చేస్తున్నారు. విసి చాంబర్ లో  రాజ్యసభ సభ్యులు వి.విజయసాయిరెడ్డి జన్మదినోత్సవం సందర్భంగా కేక్ కట్ చేసినందుకు..పెద్ద ఎత్తున  రాజకీయ బురదచల్లాలని చూసిన వారంతా ముందు వారేం చేశారో.. వర్శిటీ పరువుని ఏ విధంగా తీసేశారో గుర్తుచేసుకోవాలని నానా గడ్డి పెడుతున్నారు. పేరుపొందిన ఆంధ్రా యూనివర్శి పరువు పోతుందని గగ్గోలు పెట్టిన ఆ.. రంగు ఆచార్యులు.. ఏదో జరిగిపోయినట్టు గగ్గోలు పెట్టిన తెలుగు తమ్ముళ్లు ఒకే ఒక్కసారి ముక్కున వేలేసుకొని ఆలోచించాలి.. నాడు అధికారంలో ఆ తెలుగుదేశం పార్టీ.. ఏకంగా తన రాజకీయవేడుక మహానాడు కోసం ఆంధ్రాయూనివర్శిటీ మైదానాన్ని వాడుకొని రాజకీయం చేసిందో.. నాడు రాయని రాతలు...నాడు కనిపించని ద్రుశ్యాలు నేడే కనిపించాయా కొంపదీసి.. అంటూ ఘాటుగా విమర్శిస్తున్నారు. నిన్న ఒక్క వీసి మాత్రమే తన చాంబర్ లో కేక్ కట్ చేసిన ఉండొచ్చుగాక.. మరీ మీ పార్టీ అధినేత సాక్షిగా ఎన్ని వేల మంది పచ్చ పార్టీ నేతలు ఆంధ్రాయూనివర్శిటీలో రాజకీయ సభలు పెట్టి పరువుతీశారో గుర్తుకు రాలేదా.. ఒకటి కాదు రెండు కాదు ఏకంగా వారం రోజులు చదువుల తల్లి సరస్వతి సొంతింటిలాంటి ఆంధ్రాయూనివర్శిటీ సాక్షిగా రాజకీయం చేసినపుడు గుర్తుకి రాలేదేమో.. అపుడు లేని ఆలోచన..ఆపుడు రాయలేని రాతలు ఇపుడెందుకు గుర్తొచ్చాయో మరి.. వాస్తవాలు రాసేవారంతా ఎప్పుడూ వాస్తవాలనే రాయాలి..నాడు మన పార్టీ అని ఆహా ఓహో అని పొగిడితే..నేడు ఏదో జరిగిపోయిందని జనాలు నమ్మించే పచ్చరాతలు రాస్తే...జనం దేనితోనో నవ్వుతారని గుర్తెరగాలని ఆ వర్గం కానీ ఆచార్యులు...పచ్చపార్టీ బ్యాక్ చెందని విద్యార్ధులు సూచిస్తున్నారు. అవునంటారా కాదంటారా..!

ఆంధ్రప్రదేశ్ ప్రభుత్వం గ్రామాలు, నగరాల్లోని యువతులు, మహిళల రక్షణను ద్రుష్టిలో ఉంచుకొని గ్రామ, వార్డు మహిళా సంరక్షణా కార్యదర్శిలను జీఓ నెంబరు 59 ద్వారా సాధారణ మహిళా పోలీసులుగా మార్చారు. సచివాలయాల్లో మిగిలిన ఉద్యోగులతో పోల్చితే వీరితో 5 ప్రభుత్వం హోంశాఖ, ఐసిడిఎస్, ఈఎస్ఈబి, హెల్త్, మరియు కార్యాలయంలోల డిజిటల్ అసిస్టెంట్లకు సహాయకులుగా కూడా విధులు అప్పగించి పనులు చేయిస్తుంది. వీటితోపాటు సచివాలయాలకు నగదు తెచ్చేసమయంలోనూ, ప్రజాప్రతినిధులు వచ్చే సమయంలోనూ, అధికారుల పర్యటన సమయంలో ప్రత్యేక ఎస్కార్ట్ గా కూడా వీరినే వినియోగిస్తుంది ప్రభుత్వం. ప్రత్యేక జీఓ ద్వారా వీరిందరిని సాధారణ పోలీసులుగా మార్చినా.. వీరి పే స్కేలు, జీతాల్లో ఎలాంటి మార్పులు చేయలేదు. పైగా డిగ్రీ, ఆపై విద్యార్హతలున్న వీరి పదోన్నతుల విషయంలో కూడా సాధారణ పోలీస్ కానిస్టేబుల్స్ ఇచ్చినట్టుగా హెడ్ కానిస్టేబుల్ మాదిరిగా ఇస్తామని ప్రభుత్వం ఆ జీఓ 59లో పేర్కొంది. దీనితో ప్రభుత్వం తమ విద్యార్హతలను బట్టి పదోన్నతి ఎస్ఐగా కల్పించడంతోపాటు,  పేస్కేలు కూడా కానిస్టేబుల్ పేస్కేల్ కి మార్పు చేయాలనే డిమాండ్ ను తెరపైకి తీసుకు బలంగా తీసుకు వస్తున్నారు.  సాధారణ పోలీసు విధులతోపాటు, గతంలో ప్రభుత్వం కేటాయించిన ప్రభుత్వ శాఖల విధులు మహిళల సంరక్షణార్ధం దిశ యాప్, దిశ చట్టం చేసి మహిళలకు, యువతులకు ప్రత్యేక రక్షణ వ్యవస్థ ఏర్పాటు చేయాలని భావించిన ప్రభుత్వం ఒక్కో మెట్టు ఎక్కుతూ గ్రామ, వార్డు సంరక్షణకు ప్రత్యేక వ్యవస్థను రూపొందించింది. వీరికి త్వరలోనే కాకీ యూనిఫారం ఇచ్చి గ్రామాల్లో ఒక ప్రత్యేక వ్యవస్థను తయారు చేయనుంది ప్రభుత్వం. అయితే వీరికి స్టేషన్ కి వెళ్లి విధులు నిర్వహించేలా కాకుండా సచివాలయాల పరిధిలోనే ప్రజలకు, మహిళలకు రక్షణగా ఉంటూ వీరిద్వారానే పోలీస్ స్టేషన్ కు ఫిర్యాదులు వెళ్లే విధంగా చేయాలని సీఎం వైఎస్.జగన్మోహనరెడ్డి డిజిపి గౌతం సవాంగ్ ను ఆదేశించారు. ఇంత వరకూ బాగానే వున్నా.. గ్రామ, వార్డు సంరక్షణా కార్యదర్శిలను సాధారణ పోలీసులుగా మార్చడాన్ని ప్రస్తుతం పోలీసు శాఖలో ఉన్నవారు(హోంగార్డు, పోలీస్ కానిస్టేబుల్స్, ఎస్ఐలు) జీర్ణించుకోలేకపోతున్నారనే ప్రచారం జోరుగా సాగుతుంది. దానికి అనుగుణంగానే వీరి స్టేషన్ శిక్షణ సమయంలో కాస్త చులకన భావంగా మాట్లాడుతున్నారని వీరంతా ఆవేదన వ్యక్తం చేస్తున్నారు. ఒకప్పుడు పోలీసులంటే స్టేషన్ నుంచి గ్రామాలకు  వెళితే ఆ గౌరవం, భయం తమకే దక్కేదని అయితే ఇపుడు అవన్నీ మహిళా పోలీసుకు దక్కుతున్నాయని, పైగా వాళ్లకి యూనిఫారం కూడా ఇచ్చేశారని తెగ ఫీలైపోవడంలో అర్ధం లేదని మహిళా పోలీసులు వాపోతున్నారు. తమకేమీ ఉద్యోగాలు ఊరకనే  ప్రభుత్వం ఇవ్వలేదని.. ఉద్యోగ నోటిఫికేషన్ ద్వారా ఎంతో శ్రమించి పోటీపరీక్షలు రాసి ఈ ఉద్యోగాలు పొందినా, ప్రభుత్వం అప్పనంగా మహిళా పోలీసులకు ఉద్యోగాలు ఇవ్వడంతోపాటు తమతోపాటు సమానంగా చూస్తుందని, పదోన్నతుల విషయంలో కూడా తమతో పాటే సమానంగా ఇచ్చేయడానికి జీఓ కూడా ఇచ్చిందని తెగ మదన పడిపోవడంతో అర్ధం లేదని చెబుతున్నారు. అక్కడికీ వీరందరికీ జీతాలు, విధులు స్థానిక పోలీసు స్టేషన్ లోని సిబ్బందే తమ జేబుల్లో నుంచి ఇస్తున్నట్టుగా వ్యవహరించడం రాష్ట్రవ్యాప్తంగా మహిళా పోలీసు వర్గాల్లోని, వారి యూనియన్లలోనూ పెద్ద స్థాయిలో చర్చజరుగుతోంది. వాస్తవానికి మహిళా పోలీసులకు యూనిఫారం ఇవ్వడం చాలా మంది మహిళా పోలీసులకు ఇష్టం లేదు. కాకపోతే ప్రభుత్వం ఉద్యోగ ధర్మం మీది ఇచ్చిన జీఓలు, ఆదేశాలు, నిర్ణయాలు తూచ తప్పకుండా పాటించాలనే ఒక్క కారణంతోనే వీరంతా ప్రభుత్వ నిర్ణయాన్ని శిరసా వహిస్తున్నారు. అయితే ప్రభుత్వానికి ఈ విషయాలన్నీ తెలిసే నేరుగా డిజిపి ద్వారా ఈ ప్రత్యేక జీఓ ప్రభుత్వం జారీచేయించిందని చెబుతున్నారు. ఇంత చేసిన ప్రభుత్వం తమ ఉద్యోగాలను మార్పు చేన ప్రభుత్వం ఐదు ప్రభుత్వ శాఖలకు పైగా విధులు నిర్వహించే తమ పేస్కేలు కూడా మార్పుచేయాలని మహిళా పోలీసులు ప్రభుత్వాన్ని కోరుతున్నారు. ప్రస్తుతం రాష్ట్రవ్యాప్తంగా వున్నతమలో 14వేలకు పైగా సిబ్బందిలో 25 నుంచి 30ఏళ్లు లోపు వున్న వారు సుమారు 60శాతం వున్నారని చెబుతున్నారు. ప్రభుత్వం మహిళా పోలీసుల కోసం ప్రత్యేక వ్యవస్త ఏర్పాటుచేసి, దిశ యాప్, చట్టాన్ని అమలు చేస్తున్న తరుణంలో తమ జీత భత్యాల విషయంలో ప్రభుత్వం సముచిత మైన నిర్ణయం తీసుకోవడంతోపాటు పదోన్నతులు కూడా ఎస్ఐగా కల్పించడం ద్వారా తమ న్యాయపరమై డిమాండ్ ను పరిష్కరించినట్టు అవుతుందని మహిళా పోలీసులు ప్రభుత్వాన్ని కోరుతున్నారు. అంతేకాకుండా దేశంలో ఎక్కడా లేని విధంగా విలేజ్ పోలీస్ వ్యవస్తను ఏర్పాటు చేయడంతోపాటు మంచి పదోన్నతులు కల్పించిన ప్రభుత్వంగా కూడా కీర్తి దక్కుతుందని మహిళా పోలీసులంతా ఆశాభావం వ్యక్తం చేస్తున్నారు. వీరి డిమాండ్ పై ప్రభుత్వం ఏ విధంగా స్పందిస్తుందనేది వేచిచూడాల్సిందే..!

ఆంధ్రప్రదేశ్ ఎడిటర్స్ అండ్ రిపోర్టర్స్ యూనియన్ రాష్ట్ర నూతన కార్యవర్గ ఎన్నికలు విజయవాడలో బుధవారం ఓ హోటల్ లో జరిగాయి. యూనియన్ ఏర్పాటై 2 సంవత్సరాలు దాటిన సందర్భంగా యూనియన్ రాష్ట్ర నూతన కమిటీని అధ్యక్షులుగా చొప్పారపు సాంబశివనాయుడు నాయకుల  ఆధ్వర్యంలో ఎన్నుకున్నారు. రాష్ట్ర  అధ్యక్షులుగా ఈయనను రెండవసారి ఎన్నుకున్నారు. యూనియన్ రాష్ట్ర ఉపాధ్యక్షులుగా పి.ప్రసన్నకుమార్ రెడ్డి(కడప), సి. సంజీవరెడ్డి  (అనంతపురం)ప్రధాన కార్యదర్శిగా  జూపూడి గురుకాంతాచారి,(ప్రకాశం) పి.సాయికుమార్, కార్యదర్శులుగా(గుంటూరు) బి. షాలన్న,(కర్నూలు) కొయిలాడ పరశురామ్, (విశాఖపట్నం) ఏ. రాధ కృష్ణ,(కృష్ణా జిల్లా) 

సహాయ కార్యదర్శిలుగా  ఎండీ హుమైన్,(విజయవాడ),నేమాల.హేమసుందర రావు,( విశాఖపట్నం),రాఘవేంద్ర రావు (కర్నూలు ) కార్యనిర్వహక సభ్యులుగా వై. శ్రీనివాసరావు, (తూర్పుగోదావరి),సంతోష్,(శ్రీకాకుళం), కె.సుధాకర చారి,( చిత్తూరు  ), సత్యనారాయణ మూర్తి, (రాజమండ్రీ), టి. నరసింహం,(పశ్చిమ గోదావరి),సలహా  సభ్యులుగా కాకుమాను వెంకట వేణు,గరగ ప్రసాద్ లు ఏకగ్రీవంగా ఎన్నికయ్యారు.

జపాన్‌ టోక్యో నగరంలో జులై 23,2021 నుంచి ఆగష్టు 8 వరకూ  జరిగే ఒలింపిక్స్‌లో భారతదేశానికి మంచి పథకాలు సాధించాలని ఏపీ సీఎం వైఎస్ జగన్మోహనరెడ్డి ఆకాంక్షించారు. బుధవారం ఆంధ్రప్రదేశ్‌ నుంచి భారతదేశం తరపున పాల్గొంటున్న ఒలింపియన్స్‌ పి.వి సింధు, ఆర్‌. సాత్విక్‌ సాయిరాజ్, రజనీలకు సీఎం వైఎస్‌ జగన్‌  విషెష్‌ చెప్పి ఒక్కొక్కరికీ రూ. 5లక్షల చెక్‌ అందజేశారు. విశాఖలో బ్యాడ్మింటన్‌ అకాడమీ ఏర్పాటుచేసేందుకు ప్రభుత్వం కేటాయించిన రెండు ఎకరాల భూమికి సంబంధించిన జీవోను పి.వి. సింధుకి అందజేసి అభినందనలు తెలియజేశీ ఈ కార్యక్రమంలో రాష్ట్ర పర్యాటక, మరియు క్రీడల శాఖ మంత్రి అవంతి శ్రీనివాసరావు, ఇతర అధికారులు పాల్గొన్నారు.