ప్రజలకు సేవలందించాలని గ్రామ సచివాలయ వ్యవస్థ ఏర్పాటు చేస్తే.. అక్కడ పనిచేసే సిబ్బందిని ఇష్టానుసారంగా కావాల్సిన చోటుకి డిప్యుటేషన్లు, అదనపు విధులకు పంపుతున్నారు.. ఒక్కరు కూడా పూర్తిస్థాయిలో సచివాలయాల్లో ఉండటం లేదు.. డిజిటల్ అసిస్టెంట్లను ఎక్కడా బయట విధులకు పంపకూడదనే ప్రత్యేక జీఓ ఉన్నా మండల అధికారులు కావాలనే వారిని బయటకు పంపుతూ వారి కార్యాలయ విధులకు వాడుతున్నారు.. అలా అయితే గ్రామసచివాలయాలు ఎందుకు.. మనం అనుకున్న లక్ష్యం ఎలా నెరవేరుతుంది.. ఏ రాజకీయ ఒత్తిళ్లకు తలొగ్గద్దు.. సచివాలయ సిబ్బంది డిప్యుటేషన్లన్నీ రద్దుకావాలి.. ఎవరికి కేటాయించిన సచివాలయంలో వారే ఉదయం 9.30 నుంచి సాయంత్రం 5.30 వరకూ ఉండాలి.. ఖచ్చితంగా బయో మెట్రిక్ అటెండెన్సుతో ఉండాల్సిందే.. ఏం చేస్తారో నాకు తెలియదు సోమవారం నుంచి మొత్తం సచివాలయాల స్వరూపమే మారిపోవాలి.. ఇవీ సీఎం వైఎస్.జగన్మోహనరెడ్డి జిల్లా కలెక్టర్లుకి ఇచ్చిన ఆదేశాలు.. ఇవన్నీ ఎందుకంటే సచివాలయ సిబ్బందికి జిల్లా అధికారులు అదనంగా కేటాయిస్తున్న విధులు, సక్రమంగా వేయని బయోమెట్రిక్ రిపోర్టులు తెచ్చిన తంటా.. రాష్ట్రవ్యాప్తంగా బయోమెట్రిక్ నేరుగా సీఎం చెక్ చేసిన సమయంలో ప్రతీ జిల్లాలోనూ 60శాతనికి పైగానే బయోమెట్రిక్ పడని విషయం..సచివాలయ సిబ్బందిని అదనపు విధులకు వినియోగిస్తున్నట్టు తేలింది.. దీనితో రాష్ట్రవ్యాప్తంగా గ్రామ, వార్డు సచివాలయాల్లో సిబ్బంది ఖచ్చితంగా బయో మెట్రిక్ ను వేసేలా చూడాలని సీఎం వైఎస్.జగన్మోహనరెడ్డి అన్ని జిల్లాల కలెక్టర్లను గట్టిగా ఆదేశించిన నేపథ్యంలో ఉదయం సాయంత్రం రిపోర్టులు జిల్లా కలెక్టరేట్లకు చేరుతున్నాయి. రాష్ట్రంలోని 13జిల్లాలు, 16 మున్సిపాలిటీల్లో వార్డు సచివాలయాల సిబ్బంది బయో మెట్రిక్ వేయడంలో వెనుకంజలో ఉన్నారు.. మరికొంత మంది ప్రజాప్రతినిధులు, అధికారులను ప్రసన్నం చేసుకొని కావాల్సిన సచివాలయాల్లోకి అదనపు డిప్యూటేషన్లు వేయించుకున్నారు. ఫలితంగా సీఎం ఆదేశాలతో ప్రస్తుతం డెప్యూటేషన్ లో వున్న కార్యదర్శిలంతా వారి వారి సొంత సచివాలయాలకు వెళ్లాల్సి వస్తుంది. అన్ని డిప్యుటేషన్లు సోమవారం నుంచే రద్దు కానున్నాయి. ఏ ఒక్క సచివాలయ సిబ్బందికి బయో మెట్రిక్ నుంచి మినహాయింపు ఇచ్చేది లేదని, బయోమెట్రిక్ లోపాలు ఇబ్బందులు వుంటే తక్షణమే సరిచేయాలని సీఎం కలెక్టర్లకు వార్నింగ్ ఇవ్వడంతో ఒక్కసారిగా రాష్ట్రవ్యాప్తంగా గందర గోళ పరిస్థితి ఏర్పడింది.  జిల్లాల్లో సచివాలయ కార్యదర్శిలు, వీఆర్వోలు, సర్వేయర్లు, మహిళా పోలీసులు, డిజిటల్ అసిస్టెంట్లకు అదనపు విధులు, డిప్యుటేషన్లు వేయడంతో వారి బయో మెట్రిక్ అటెండెన్సు కూడా చాలా తక్కువగా నమోదు అవుతుంది. దానిపై తమకు మండల అధికారులు, జిల్లా కలెక్టర్లు, జిల్లా పంచాయతీ అధికారులు డిప్యూటేషన్లు వేశారని చెప్పుకునే సిబ్బందికి సోమవారం నుంచి సమయానికి రాకపోతే  రంగుపడే సూచనలు కనిపిస్తున్నాయి. బయో మెట్రిక్ అటెండెన్సు ఆధారంగా సిబ్బందికి జీతాలు ఇవ్వనున్నారు. ఖచ్చితంగా సోమవారం నుంచి మధ్యాహ్నం 2 నుంచి 5 గంటల వరకూ సచివాలయంలోనే అన్నిశాఖల సిబ్బంది ఖచ్చితంగా హాజరు కావాల్సి వుంటుంది. ఇదే సమయంలో ఉద్యోగుల సర్వీసు రెగ్యులర్ చేసే సమయంలో ఖచ్చితంగా రాష్ట్రవ్యాప్తంగా సచివాలయ సిబ్బంది బయో మోట్రిక్ అటెండెన్సు పరిగణలోకి తీసుకోవడంతో ఆడుతూ పాడుతూ ఉద్యోగాలు చేసే ఉద్యోగులకు ముచ్చెమటలు పడుతున్నాయి. ముఖ్యంగా సచివాలయాల్లో బయో మెట్రిక్ అటెండెన్సు తక్కువగా ఉంటే సదరు జిల్లా కలెక్టర్లపై చర్యలు తీసుకుంటామని సీఎం హెచ్చరించిన నేపథ్యంలో సచివాలయ సిబ్బంది మొత్తం ప్రజలకు గ్రామంలోనే ఉండి సేవలు అందించేందుకు సోమవారం నుంచి సిద్దమవుతారు. ఇప్పటి వరకూ సచివాలయ కార్యదర్శిలకు బయో మెట్రిక్ నుంచి మినాయింపులు ఇచ్చారని చెప్పుకునేవారంతా కూడా ఖచ్చితంగా సమయానికి బయో మెట్రిక్ వేయాల్సి వుంటుంది. ప్రభుత్వ లక్ష్యానికి జిల్లా కలెక్టర్లు, జిల్లా పంచాయతీ అధికారులు తీసుకునే అనాలోచిత నిర్ణయాలు, మండల అధికారులు(ఎంపీడీఓలు, తహశీల్దార్లు,ఏఓలు) గండికొడుతున్నట్టు స్పష్టంగా సీఎం నేరుగా గుర్తించేలా చేసింది. రాష్ట్రంలో సచివాలయ సిబ్బందికి కేటాయిస్తున్న అదనపు విధుల  కారణంగా ఈ బయో మెట్రిక్ అటెండెన్సు సక్రమంగా పడటం లేదనే విషయం స్పష్టమైంది. అయినా ఇక్కడ తప్పంతా సచివాలయ ఉద్యోగులదే అన్నట్టు ప్రభుత్వం గుర్తించింది. ఎందుకు సచివాలయ సిబ్బంది సమయానికి బయో మెట్రిక్ వేయలేకపోతున్నారనే విషయంపై రాష్ట్రప్రభుత్వం ఆరాతీస్తే.. జిల్లా అధికారులు, మండల అధికారులు సచివాలయ సిబ్బందికి అదనపు పనులు సిబ్బందిలేమిని కారణంగా చూపి కావాలనే పురమాయిస్తున్నట్టు లెక్కతేలింది. దీనితో ఆగ్రహం వ్యక్తం చేసిన సీఎం వైఎస్.జగన్మోహనరెడ్డి సచివాలయ సిబ్బందికి ఎలాంటి అదనపు పనులు అప్పగించకూడదని.. డెప్యూ టేషన్లు రద్దు చేయాలని.. ముఖ్యంగా ప్రతినిత్యం సేవలు అందించే డిజిటల్ అసిస్టెంట్లు ఏ పనులకూ వినియోగించకూడదనే జీఓను ఖచ్చితంగా అమలు చేయాలని ఆదేశించారు. మండల కార్యాలయాల్లో సిబ్బంది కొరతగా ఉండటంతో చాలా మండలాల్లో డిజిటల్ అసిస్టెంట్ల సేవలను అనధికారికంగా ఎంపీడీఓలు, తహశీల్దార్లు వినియోగించుకుంటున్నారు. ప్రభుత్వం ప్రత్యేకంగా జీఓ విడుదల చేసినప్పటికీ దానిని కూడా ఎంపీడీఓలు భేఖాతరు చేయడంతో వార్డు సచివాలయ ముఖ్యకార్యదర్శి అజయ్ జైన్ ఆగ్రహం వ్యక్తం చేశారు. ఇకపై సచివాలయాలకి కేటాయించిన సిబ్బంది వారి సచివాలయాల్లో ఉండకపోతే కలెక్టర్లుపై చర్యలు తీసుకుంటామని చెప్పడంతో రాష్ట్రవ్యాప్తంగా అందరు కలెక్టర్లు అన్నిశాఖల జిల్లా అధికారులతో సమావేశాలు ఏర్పాటు చేసి తక్షణమే డిప్యూటేషన్లు రద్దు చేయాల్సిందిగా ఆదేశాలు జారీచేశారు. ఇందులో ఎలాంటి రాజకీయ ఒత్తిళ్లకు తలొగ్గవద్దని కూడా కలెక్టర్లు జిల్లాఅధికారులకు ఆదేశాలు జారీచేశారు. ఖచ్చితంగా బయోమెట్రిక్ అటెండెన్సు ఆధారంగానే సచివాలయ సిబ్బంది మొత్తానికి జీతాలు అందించాలని కూడా కలెక్టర్లంతా జిల్లా, మండల అధికారులను ఆదేశించారు. రాష్ట్రప్రభుత్వం గ్రామ, వార్డు సచివాలయ వ్యవస్థ ఏర్పాటు చేసిన రెండేళ్లకు గానీ సచివాలయ ఉద్యోగులపై ద్రుష్టిసారించకపోవడంతో ఇప్పటి వరకూ ఆడింది ఆటగా, పాడింది పాటగా సాగుతూ వచ్చింది. ఇపుడు నేరుగా సీఎం రంగంలోకి దిగడంలో ప్రభుత్వంలోని సుమారు 14శాఖల ముఖ్యకార్యదర్శిలంతా కలెక్టర్లందరికీ ఫోన్ ఇన్ చేసి తలంటేశారు. సోమవారం నుంచి 100శాతం బయో మెట్రిక్ పడకపోతే చర్యలు తొలుత జిల్లా కలెక్టర్లపై ఉంటే.. కలెక్టర్లు జిల్లా అధికారులపైనా, జిల్లా అధికారులు మండల అధికారులకు చార్జిమెమోలు జారీచేసుకోవడానికి సిద్ధమవుతున్నారు. అదేసమయంలో సచివాలయ సిబ్బంది మూమెంట్ రిజిస్టర్, ప్రజల నుంచి వచ్చే శాఖల వారీ అర్జీలకు ఉద్యోగులే బాధ్యత వహించాల్సి వుంటుంది. సర్వేయర్లకు సైతం డిప్యూటేషన్లు రద్దు, అదనపు విధులు మండల అధికారులు రద్దుచేయాలి. అలా కాకపోతే రాష్ట్రశాఖ ముఖ్య కార్యదర్శిల నుంచి అనుమతులు తెచ్చుకోవాలని జిల్లా శాఖ అధికారులకు కలెక్టర్లు తెగేసి చెప్పేశారు. దీనితో సోమవారం నుంచి సచివాలయ సిబ్బంది ఉదయమంతా వారి డ్యూటీ చార్టు ప్రకారం విధులు, మధ్యాహ్నం నుంచి స్పందన కార్యక్రమ నిర్వహణలో పాల్గొనాలి.. కానీ రాజకీయ ఒత్తిళ్లు.. యధాస్థితిగానే మండల అధికారుల ప్రత్యేక పనుల పురమాయింపు.. ప్రభుత్వం ఇచ్చిన జీఓలను అమలు చేయకపోవడం అలవాటుగా మారిన ప్రభుత్వశాఖల అధికారులు సీఎం వైఎస్.జగన్మోహనరెడ్డి ఆదేశాలను ఏ స్థాయిలో అమలు చేస్తారనేది వేచి చూడాలి.. ఒకవేల అమలు చేయకపోతే రంగు పడటం ఖాయంగానే కనిపిస్తుంది ఆదేశాల్లో మాత్రం.. చూడాలి ఏం జరుగుతుందనేది. 

రాష్ట్రవ్యాప్తంగా గ్రామస్థాయిలో మహిళలకు రక్షణ ఉండాలి.. ఆకతాయిల ఆగడాలను కూకటి వేళ్లతో పెకిలించాలి.. దిశ చట్టంతో మహిళల దశను మార్చాలి.. దిశ చట్టం దేశానికే ఆదర్శం కావాలి.. నలుదిశలా వ్యాప్తి చెందాలి.. మహిళలకు పోలీసు శాఖ ఒక రక్షణ కవచంలా మారాలి.. అలా జరగాలంటే మహిళా పోలీసు వ్యవస్థ ఒక్కటే ముఖ్యం.. అలా జరగాలన్నా.. ప్రభుత్వం అనుకున్నట్టు గ్రామాల్లో తేడాగాళ్లకు కాస్త భయం వచ్చేటట్టు చేయాలన్నా.. మహిళా పోలీసుల ఒంటిపై కాఖీ చొక్కా.. నెత్తిన మూడు సింహాల గుర్తు.. చేతిలో లాఠీ ఉంటేనే ప్రభుత్వం అనుకున్న లక్ష్యం నెరవేది.. కానీ ప్రస్తుతం రాష్ట్రంలో సుమారు 15వేల మంది మహిళా పోలీసులు గ్రామస్థాయిలో ఉత్తుత్తి పోలీసులుగానే మిగిలిపోయారు.. నిజమైన పోలీసులనే సివిల్ డ్రెస్సులో ఉంటే ఎవరూ పట్టించుకోరు..ఇక మహిళా పోలీసులమని చెప్పి సాధారణ దుస్తుల్లో గ్రామాల్లో తిరుగితే పరిస్థితి ఎలా వుంటుందో ఆలోచించుకోవాలి.. ఏంటి తేడాగా చదువుతున్నాం అనుకుంటున్నారా... కాదు కాదు మీరు కరెక్టుగానే చదువుతున్నారు.. ప్రభత్వ వ్యవస్థలోని లోపాలు.. రాష్ట్ర అధికారులు నిర్ధిష్టంగా ఇవ్వలేని ఆదేశాలు.. ఈ ఆర్టికల్ చదవేటపుడు మిమ్మల్నే కాదు ప్రజలను కూడా కాస్త చులకనగా ఆలోచించేలా చేస్తున్నాయి.. కారణం ఒక్కటే రాష్ట్రస్థాయిలో పోలీస్ బాస్ డిజిపి ఇచ్చిన ఆదేశాలు, ప్రత్యేక జీఓలు అన్ని జిల్లాల్లో పూర్తిస్థాయిలో అమలు కాకపోవడమే.. నేటికీ గ్రామ, వార్డు మహిళా పోలీసులను ప్రభుత్వమే ఏ విధంగా గుర్తించాలో ఒక కొలిక్కిరాలేదంటే ఇక ప్రజలకు, మహిళలకు ఏ విధంగా సేవలందించి రక్షణ కల్పిస్తారనే అంశం ప్రశ్నార్ధకమవుతోంది. ఆంధ్రప్రదేశ్ లో గ్రామ, వార్డు సచివాలయ వ్యవస్థలో ప్రభుత్వం నియమించిన మహిళా పోలీసులకు ఏ తరహా విధులు అప్పగించాలి, వీరిని ఏవిధంగా గుర్తించాలనే విషయమై రాష్ట్ర ప్రభుత్వ ప్రధాన కార్యదర్శి నుంచి డిజీపీ వరకూ అధికారులంతా మల్లగుల్లాలు పడుతున్నారు. వాస్తవానికి గ్రామస్థాయిలో మహిళా పోలీసులను ఏర్పాటు చేయడం ద్వారా మహిళలకు రక్షణ కల్పించడంతో పాటు గ్రామాల్లో అవాంఛనీయ సంఘటనలు జరగకుండా నిత్యం పరిరక్షించాలనేది ప్రభుత్వ ఆలోచన. దానికి అనుగుణంగా వీరి నియామకాల సమయంలో జీఓ నెంబరు 129 ద్వారా సాధారణ పోలీసులు నిర్వర్తించే విధులతోపాటు వీరికి ఐసిడిఎస్ అంగన్వాడీల పర్యవేక్షణ బాధ్యత కూడా అప్పగించారు. అంతవరకూ బాగానే వున్నా.. పోలీస్ ఉద్యోగమంటే ఒంటిపై కాఖీ చొక్కా, చేతిలో లాఠీ లేకపోతే గ్రామస్థాయిలో ప్రభుత్వం అనుకున్న గ్రామ సంరక్షణ జరగదు. అలా కాఖీ చొక్కా లేకపోతే వచ్చేది పోలీసులని ప్రజలు కూడా గుర్తించరు.. దీనితో ప్రభుత్వం తరువాత మరో జీఓ నెంబరు 59ని విడుదల చేసి.. మహిళా పోలీసులందరినీ సాధారణ పోలీసులుగా మారుస్తున్నామని అందులో పేర్కొంది. అంతే కాదు వీరికి పదోన్నతి వస్తే హెడ్ కానిస్టేబుల్ ప్రమోషన్ ఇస్తామని కూడా ప్రభుత్వం ఆ జీఓ పేర్కొంది. ఇక్కడే చిక్కంతా వచ్చిపడింది. డిగ్రీ చదువుకున్న తమను కానిస్టేబుళ్ల మాదిరిగా ఎలా గుర్తిస్తారంటూ మహిళా పోలీసులు ఆవేదన వ్యక్తం చేస్తున్నారు. దానికితోడు సాధారణ పోలీసులు చేసే విధులకంటే తాము అధికంగా విధులు నిర్వర్తిస్తున్నామంటూ  చెప్పుకొస్తున్నారు. తమకు పదోన్నతి కల్పిస్తే ఎస్ఐలుగా పదోన్నతి కల్పించాలనేది వీరి డిమాండ్. ఇదిలా వుంటే గ్రామస్థాయిలో ప్రభుత్వం గ్రామ, వార్డు సచివాలయాల్లో మహిళా పోలీసు అనే వ్యవస్థను ఏర్పాటు చేయడం ద్వారా స్టేషన్ పోలీసులుగా తమ గౌరవానికి భంగం కల్పించారని హోంగార్డు నుంచి స్టేషన్ ఎస్ఐల వరకూ తెగ ఫీలై పోతున్నారు. అంతేకాదు.. మిమ్మల్ని తాము సాధారణ పోలీసులుగా గుర్తించలేమని, మేముండగా మిమ్మల్ని పోలీసులని ఎలా పిలుస్తారని.. ఇది జరిగేపని కాదని పోలీసులంతా వీరిని బహిరంగంగానే ప్రశ్నిస్తున్నారు. అంతేకాకుండా కొన్ని చోట్ల నేరుగా మీరు నిజమైన పోలీసులు కాదనీ.. మేమే నిజమైన పోలీసులమని.. అయినా డిగ్రీ విద్యార్హతతో ఉద్యోగాలు పొందిన మీరు.. మాలా ఇంటర్ విద్యార్హతతో కానిస్టేబుల్స్ గా ఉండటం ఏంటంటూ రెచ్చగొట్టే వ్యాఖ్యలు కూడా చేయడం విశేషం. దీనితో ఈ విషయం కాస్తా నిఘా వర్గాల ద్వారా ప్రభుత్వానికి సమాచారం అందటంతో వీరికి ప్రస్తుతం పోలీసు యూనిఫారం కాకీ డ్రెస్సు, లాఠీ ఇవ్వాలా లేదంటే. సివిల్ డ్రెస్సులో పేరుకే పోలీసులుగా ఉంచి, హోంగార్డులు, కానిస్టేబుళ్ల కిందనే విధులు నిర్వర్తించేలా చేయాలా అనే కోణంలో పోలీసులు వర్గాలు ఆలోచిస్తున్నట్టు సమాచారం అందుతుంది. ఇటు మహిళా పోలీసుల్లో కూడా చాలా మంది 45సంవత్సరాలు వచ్చినవారున్నారు. వారంతా తమకు పోలీస్ డ్రెస్సు వద్దని, పదోన్నతి ఇస్తే ఐసిడిఎస్ విభాగం నుంచి ఇవ్వాలని చెబుతున్నారు. ఈ తరుణంలో రాష్ట్రవ్యాప్తంగా స్టేషన్ పోలీసులు తమకి ఏ స్థాయి ఉద్యోగం అంటే...  పోలీస్ డ్రెస్ వేసుకున్న ఉద్యోగం కావాలా, లేదంటే గ్రామసచివాలయంలోనే డ్రెస్సులేని ఉత్తుత్తి పోలీసు ఉద్యోగం కావాలా అనే కోణంలో సర్వే నిర్వహిస్తున్నారట. ప్రత్యేక సమావేశాల్లో వీరి ఆలోచనలు ప్రభుత్వం ద్రుష్టికి తీసుకెళ్లే ప్రయత్నం చేస్తున్నారు పోలీసులు. అసలు సచివాలయ వ్యవస్థ ఏర్పాటు చేసే సమయంలో  మహిళా పోలీసు ఉద్యోగం ఇవ్వడం, వారి విధుల కోసం జీఓ 129 జారీ చేసింది ప్రభుత్వం. అసలు ఆ జీఓపై రాష్ట్రంలోని ఎంత మంది పోలీసులకు అవగాహన వుంది.. దానిపై ఎన్ని జిల్లాల ఎస్పీలు వాటిపై నిర్ధిష్ట ఆదేశాలు ఎస్ఐలకు ఇచ్చారనే దానిపైనా నేటికీ క్లారిటీ రాలేదు. దీనితో సాధారణ పోలీసులుగా ప్రభుత్వం మిమ్మల్ని నియమిస్తే మాత్రం తామెలా గుర్తిస్తామంటూ తీవ్ర ఇబ్బందులు పడుతున్నారట కానిస్టేబుళ్లు, ఎస్ఐలు. పోలీసుశాఖ పిలవబడే  హోంశాఖలోని సాధారణ పోలీసులు నిర్వర్తించే విధులతోపాటు మహిళా శిసు సంక్షేమశాఖలోని అంగన్వాడీ కేంద్రాల మానటరింగ్ విధులు వీరికి కేటాయించారు. వాటితోపాటు గ్రామస్థాయిలో ఆరోగ్య సహాయకులు చేసే విధులు ఇమ్యునైజేషన్ విధులు కూడా కేటాయించారు. ఇలా ఒక్క మహిళా పోలీసు మూడు శాఖలకు చెందిన విధులతోపాటు, గ్రామసచివాలయంలో డిజిటల్ అసిస్టెంటుకి అత్యవసర సమయంలోనూ, పని అధికంగా ఉన్న సమయంలోనూ సహాయం చేయాలని ప్రభుత్వం మహిళా పోలీసులకు తెలియజేసింది. ఇన్ని చేస్తున్న ప్రభుత్వం గ్రామస్థాయిలో ఏర్పాటు చేసిన రక్షణ వ్యవస్థకు ఒక గుర్తింపు అంటూ ఇవ్వకవోవడం విశేషం. ప్రభుత్వం ఎంతో ఉన్నత లక్ష్యంతో ఏర్పాటు చేసిన మహిళా పోలీసు వ్యవస్తను  హోంశాఖలోని ఎస్ఐలు, కానిస్టేబుళ్లు, హోంగార్డుల ద్వారా మహిళా పోలీసు వ్యవస్థను ప్రజల్లో తీసుకెళ్లాల్సిన అధికారులు తమకు వీరి ద్వారా పెద్ద తలనొప్పిని తెచ్చిపెట్టారన్నట్టుగా వ్యవహరిస్తూ..మహిళా పోలీసులను కాస్త చులకనగా చూస్తున్నారు. ఈ విషయం డివిజన్ స్థాయిలో డిఎస్పీల, జిల్లా స్థాయిలో ఎస్పీలకు తెలిసినా కింది స్థాయి పోలీసులకు ప్రభుత్వం జారీచేసిన జీఓల ఆధారంగా వారి విధులు వారిని నిర్వర్తించనీయండి అనే కోణంలో ఆదేశాలు జారీచేయలేకపోతున్నారనే విమర్శలు వినిపిస్తున్నాయి. అలా ఆదేశాలు జారీ చేసి ఉంటే స్టేషన్ స్థాయిలో పోలీసులు.. గ్రామ సచివాలయ మహిళా పోలీసులను ప్రశ్నించే తీరు, అజమాయిషి తీరు మారుతుందని చెబుతున్నారు. ముఖ్యంగా ప్రభుత్వం గీసిన లక్ష్మణ రేఖ రెండేళ్ల ప్రొబిషన్ అనే మాటకు మహిళా పోలీసులు కూడా కాస్త వెనుకడుగు వేస్తున్నట్టు చెబుతున్నారు. లేదంటే డిగ్రీ, అంతకంటే ఎక్కువగా చదువుకున్న మహిళా పోలీసులు తాము ఏఏ జీఓ నెంబర్లు ద్వారా విధుల్లోకి చేరామో... ప్రభుత్వం ఏ ఉద్దేశ్యంతో జీఓనెంబర్లు 129, జీఓనెంబరు 59లను విడుదల చేసిందో.. దైర్యంగా చెప్పేంత సత్తా ఉన్నవాళ్లే మహిళా పోలీసులుగా రాష్ట్రవ్యాప్తంగా గ్రామాల్లోనూ, పట్టణాల్లోని వార్డుల్లోనూ విధులు నిర్వహిస్తున్నారు. అంతెందుకు దిశ యాప్ టార్గెట్ లు పెడితే రోజుకు 50 నుంచి 100 రిజిస్ట్రేషన్లు చేయిస్తున్నారంటే గ్రామస్థాయిలో వీరి విధులు ఏ స్థాయిలో ఉన్నాయో ఒక్కసారి ప్రభుత్వం కూడా గుర్తించాలనే వాదన బలపడుతోంది. ఇవేమీ కాకుండా మాట్లాడితే మేము ఒక్క లెటర్ పెట్టామంటే మీ ఉద్యోగాలు పోతాయనే పదాన్ని స్టేషన్ లో హోంగార్డులు నుంచి ఎస్ఐల వరకూ ఆ పదాలను జోబులో పెట్టుకున్నట్టే మాట్లాడటం, వీరే మహిళా పోలీసులకు జీతాలు ఇస్తున్నట్టు కలరివ్వడం కూడా చర్చనీయాంశం అవుతోంది. ఇదంతా హోంశాఖలోని 60శాతం మంది పోలీసులు వెలబెడుతున్న వ్యవహారం మిగిలిన 40శాతం మంతి పోలీసులు ఎంతో చక్కగా ప్రభుత్వం ఇచ్చిన ఆదేశాలను తూచా తప్పకుండా పాటిస్తూ.. మహిళా పోలీసులు గ్రామస్థాయిలో ఏ విధంగా వ్యవహరించాలో చాలా చక్కగా వారికి ఉపదేశిస్తున్నారు. ఈ విషయంలో రాష్ట్రవ్యాప్తంగా సర్కిల్ ఇనెస్పెక్టర్లు చాలా కీలకంగా వ్యవహరిస్తున్నారనే ప్రచారం కూడా జరుగుతుంది.  అటు ప్రభుత్వంగానీ, డిజిపీ కార్యాలయం నుంచి గానీ నిర్ధిష్ట ఆదేశాలు రాకపోవడం వలనే మహిళా పోలీసుల విధులేంటో.. యూనిఫారమేంటో నేటికీ తెలియని స్థితిలో విధులు నిర్వహిస్తున్నారు వార్డు, సచివాలయ మహిళా పోలీసులు.. ముందు ముందు వీరంతా పవర్ లేని ఉత్తుతి పోలీసులుగా గ్రామస్థాయిలో యూనిఫారం లేకుండా రక్షణ కల్పిస్తారా.. లేదంటే ప్రభుత్వం ఇచ్చిన ఆదేశాలను అమలు చేస్తూ.. ప్రభుత్వ లక్ష్యాలకు అనుగుణంగా సేవలందిస్తారా..అనేది డిజీపీ ఇచ్చే ఆదేశాల మీదే ఆధారపడి వుంది..చూడాలి ఏం జరుగుతుందనేది..!

వైయస్సార్‌ కాంగ్రెస్‌ ప్రభుత్వం అధికారంలోకి వచ్చిన అనంతరం ఉద్యోగులకు మేలు చేసే అనేక నిర్ణయాలు తీసుకోవడం ఉద్యోగుల పట్ల సీఎం  వైయస్‌ జగన్‌ ఆలోచనాతీరును ఆ నిర్ణయాలు తెలియచేస్తున్నాయని ప్రభుత్వ సలహాదారులు  సజ్జల రామకృష్ణారెడ్డి తెలిపారు. తాడేపల్లిలోని ప్రైవేటు కల్యాణమండపంలో ఏపి ఎన్‌ జి ఓ సంఘ నేత నలమారు చంద్రశేఖరరెడ్డి అభినందన సభలో ఆయన ముఖ్యఅతిధిగా పాల్గొని ప్రసంగించారు. ఉద్యోగులు ప్రభుత్వంలో ఒక భాగమనే ముఖ్యమంత్రి  వైయస్‌ జగన్‌ ఎప్పుడూ చెబుతుంటారని తెలియచేశారు. ఆంధ్రప్రదేశ్‌ అన్నిరంగాలలో అగ్రగామిగా నిలవాలన్నా,ప్రజల జీవనప్రమాణాలు పెరగాలన్నా అది భాధ్యతాయుతంగా పనిచేసే ఉద్యోగుల వల్లనే సా«ధ్యమవుతుందని సజ్జల రామకృష్ణారెడ్డి స్పష్టం చేశారు.కరోనా వంటి కష్టసమయంలో కూడా  సీఎం ప్రవేశ పెట్టిన సంక్షేమ పధకాలను ప్రజల ఇంటి ముంగిటకు తీసుకువెళ్లిన ఘనత ఉద్యోగులదేనని వారందర్ని మనస్పూర్తిగా అభినందిస్తున్నట్లు సీఎం చెప్పమన్నారని సజ్జల తెలియచేశారు.  అధికారం చేపట్టగానే గ్రామ, వార్డు సచివాలయాల్లో లక్షా 42 వేల ఉద్యోగాలను సృష్టించారు.ప్రపంచ చరిత్రలో ఒకేసారి అన్ని ఉద్యోగాలను భర్తీ చేసినట్లు మనం చూసి ఉండమన్నారు. ప్రజలకు అందించాల్సిన సేవలు గ్రామసచివాలయాల ద్వారా త్వరితగతిన పారదర్శకంగా అందించాలనేది ఆయన లక్ష్యమని వివరించారు. ఆ లక్ష్యసాధనలో భాగంగా గ్రామసచివాలయాల వ్యవస్ధ ను ఏర్పాటు చేశారని గుర్తుచేశారు. ఆ ఉద్యోగ నియామకాలలో కనీసం ఇంటర్వూల వంటివి కూడా లేకుండా పూర్తి పారదర్శకంగా  ప్రతిభ కలిగిన వారికి అది కూడా వెనకబడిన వర్గాల వారికి దాదాపు 80 శాతం  ఉద్యోగాలను అందించారన్నారు. వారికి సహాయంగా రెండులక్షల 55 వేలమందితో వాలంటీర్ల వ్యవస్ధను ఏర్పాటుచేశారన్నారు. కాంట్రాక్ట్‌ ,అవుట్‌ సోర్సింగ్‌  ఉద్యోగులుగా ఉన్నవారిని సైతం ఏపి కార్పోరేషన్‌ ఫర్‌ అవుట్‌ సోర్సింగ్‌ సర్వీసెస్‌(ఆప్కాస్‌ ) పేరుతో సంస్ధను ఏర్పాటుచేసి ఆ ఉద్యోగులలో ఆత్మవిశ్వాసం పెంచారన్నారు. ఉద్యోగులకు మేలు చేసే నిర్ణయాలే ప్రభుత్వంలో ఉంటాయన్నారు.

ఆంధ్రప్రదేశ్ ఓ ప్రాధమిక, గ్రామీణ వైద్యానికి పెద్దపీట వేస్తూ ప్రభుత్వం వడి వడిగా అడుగులు వేస్తుంది. రాష్ట్రవ్యాప్తంగా 539 అంబులెన్సు వాహనాల కొనుగోలుకు ప్రభుత్వం అనుమతి ఇచ్చింది. వాటిని అన్ని పీహెచ్సీలకు 104గా కేటాయించనున్నారు. దీనికోసం రూ.89.27 కోట్లతో 539 అంబులెన్సులు కొనుగోలు చేసి పీహెచ్సీలకు అందించనుంది. ఇప్పటికే 104 అంబులెన్సులు కేటాయిస్తూ ప్రభుత్వం ఆదేశాలు జారీచేసింది. 539 అంబులెన్సులపై ఏటా రూ.75.82 కోట్ల మేర వ్యయమవుతుందని అంచనా వేస్తున్నారు. పీహెచ్సీ పరిధిలోని అన్ని గ్రామాల్లోనూ వీటి ద్వారా మెడికల్ క్యాంపులు నిర్వహించాలని ప్రభుత్వం భావిస్తుంది. కొత్త అంబులెన్సుల కొనుగోలుతో చాలా మందికి ఉద్యోగ అవకాశాలు కల్పన కూడా జరగనుంది.

రాష్ట్రవ్యాప్తంగా మిగిలి వున్న గ్రామ సచివాలయాలు, విలేజ్‌ క్లినిక్స్, ఆర్భీకేలు, డిజిటల్‌ లైబ్రరీల నిర్మాణం ఈ ఏడాది పూర్తి చేయాలని ముఖ్యమంత్రి వైఎస్ జగన్మోహనరెడ్డి అధికారులను ఆదేశించారు. మంగళవారం తాడేపల్లి క్యాంపు కార్యాలయంలో వివిధశాఖ అధికారులు, మంత్రులతో సీఎం సమీక్ష నిర్వహించారు. ఈ సందర్భంగా మాట్లాడుతూ, రాష్ట్రంలో అన్ని నిర్మాణాలు పూర్తి అయితే కార్యకాలపాలన్నీ నూతన భవనాల నుంచి ప్రారంభించాలన్నారు. వైయస్సార్‌ జగనన్న కాలనీల్లో మౌలిక సదుపాయాల కల్పనకు సంబంధించి ప్రాధాన్యక్రమంలో పనులు చేపట్టాలని అధికారులనుఆదేశించారు. పల్లెలను పరిశుభ్రంగా ఉంచే కార్యక్రమాలకు పెద్దపీట వేయాలని, పల్లెలు శుభ్రంగా ఉంటేనే ప్రజలు ఆరోగ్యంగా ఉంటారని సూచించారు. వైయస్సార్‌ జలకళ ప్రతిష్టాత్మకమైన కార్యక్రమమన్న సీఎం దీనిపై ప్రత్యేక దృష్టిసారించాలన్నారు. చిన్న చిన్న నదులమీద ఉన్న బ్రిడ్జిల వద్ద చెక్‌డ్యాం తరహా నిర్మాణాలు చేపట్టి నీటిని నిల్వచేయాలన్నారు. కనీసం 3–4 అడుగుల నీరు నిల్వ ఉండేలా ఏర్పాటు చేయడం ద్వారా భూర్భజలాలు బాగా పెరుగుతాయని సీఎం చెప్పారు. రాష్ట్ర వ్యాప్తంగా అన్ని బ్రిడ్జిల వద్ద ఈ నిర్మాణాలు చేపట్టాలని, వైయస్సార్‌ జగనన్న శాశ్వత భూరక్ష పథకం అమలుకు పటిష్ట చర్యలు చేపట్టాలన్నారు. మరింత సమర్ధవంతంగా అమలుకు ముగ్గురు మంత్రులతో కమిటీ వేస్తున్నట్టు ప్రకటించారు.

పంచాయతీరాజ్, రెవెన్యూ, పురపాలకశాఖ మంత్రులతో కమిటీ ఏర్పాటు చేయాలని సీఎం వైఎస్ జగన్ ఆదేశించారు. ఈ కార్యక్రమంలో పంచాయతీరాజ్,  గ్రామీణాభివృద్ధిశాఖ మంత్రి పెద్దిరెడ్డి రామచంద్రారెడ్డి, పంచాయతీరాజ్, గ్రామీణాభివృద్ధిశాఖ ముఖ్య కార్యదర్శి గోపాలకృష్ణ ద్వివేది, ఆర్ధికశాఖ ప్రత్యేక కార్యదర్శి కె వి సత్యనారాయణ, పంచాయతీరాజ్, గ్రామీణాభివృద్ధిశాఖ కమిషనర్‌ గిరిజాశంకర్, సెర్ప్‌ సీఈఓ పి రాజాబాబు, స్వచ్ఛ ఆంధ్ర కార్పొరేషన్‌ ఎండీ పి సంపత్‌ కుమార్, ఇతర ఉన్నతాధికారులు పాల్గొన్నారు.