భారతదేశంలో ఆంధ్రప్రదేశ్ ప్రభుత్వం ఉన్నత లక్ష్యంతో ఎంతో ప్రతిష్టాత్మకంగా ఏర్పాటు చేసిన గ్రామ, వార్డు సచివాలయ వ్యవస్థకు సాంకేతికత మోకాలడ్డుతోంది. లక్షా 16 వేల మంది సిబ్బంది, 10వేల 5 గ్రామ,వార్డు సచివాలయాలు.. అదనంగా మరో 8వేల మంది గతంలోని పంచాయతీ కార్యదర్శిలు. ఉద్యోగుల పరంగా భారీ ఉద్యోగులున్న 4వ ప్రభుత్వ శాఖ గ్రామ,వార్డు సచిలయ శాఖ. కాకపోతే ఇఅన్నీ పేరులోనే బలంగా కనిపిస్తున్నాయి. వారందరినీ జిల్లాలో పరిపాలించడానికి  జాయింట్ కలెక్టర్లుగా 13 మంది ఐఏఎస్ అధికారులు ఇంతటి మహత్తర వ్యవస్థను ఏర్పాటు చేసిన వైఎస్సార్సీపీ సర్కారు.. అదే స్థాయిలో సాంకేతికను అంది పుచ్చుకోవడంలో ఘోరంగా విఫలమైందనే చెప్పాలి.. దానికి కారణం కూడా లేకపోలేదు. అందుబాటులో సాంకేతిక, వనరులున్నా వాటిని వినియోగించుకోలేకపోవడమే. నేటికీ సంక్షేమ పథకాలు అందించానికి వినియోగించే మొబైల్ యాప్స్ ని పూర్తిస్థాయిలో సచివాలయ వెల్పేర్ అసిస్టెంట్లుగానీ, వాలంటీర్లు, మండల స్థాయి అధికారులు సైతం వాడలేకపోతున్నారంటే కారణం ఒక్కటే సాంకేతికతను ఉద్యోగులకు దగ్గర చేయలేకపోవడం. వాస్తవానికి రాష్ట్రవ్యాప్తంగా ఉన్న సచివాలయ సిబ్బంది, ప్రజలకు సంక్షేమ పథకాలు అందించాలంటే ప్రభుత్వం రూపొందించిన మొబైల్ యాప్స్ పూర్తిస్థాయిలో పనిచేయాలి. అంతకంటే ముందుగా సదరు గ్రామ, వార్డు సచివాలయశాఖ వెబ్ సైట్లు కూడా పరిపూర్ణంగా పనిచేయాల్సి వుంది. అంతేస్థాయిలో వీటి నిర్వహణకు కూడా ప్రత్యేక సిబ్బందిని ఏర్పాటు చేయాలి. కానీ సచివాలయ శాఖలో సిబ్బందిని ఏర్పాటు చేయడానికి ప్రభుత్వం చూపించిన శ్రద్ధ.. తరువాత వారి ద్వారా ప్రజలకు సేవలందించడానికి ఎలాంటి అడ్డంకి సాంకేతికత విషయంలో అడ్డుకాకుండా ఉండేందుకు మాత్రం ఎలాంటి చర్యలు తీసుకోలేక పోవడం ప్రధాన లోపంగా కనిపిస్తుంది. ప్రస్తుతం మొత్తం కార్యకలాపాలన్నీ డిజిటల్ రూపంలోనే జరుగుతున్నాయి. అలాంటి సమయంలో అన్ని ప్రభుత్వ శాఖలకు ఉపయోగ పడేవిధంగా రాష్ట్ర ప్రభుత్వంలోనే ఒక ఐటీ విభాగాన్ని, హ్యూమన్ రీసోర్స్ కేంద్రాలు, శిక్షణా కేంద్రాలు ఏర్పాటు చేయడం ద్వారా  ప్రభుత్వం అనుకున్న లక్ష్యాలను చేరుకోవడానికి మార్గం సుగమం అయ్యేది. వాటిని ఏర్పాటు చేయకపోవడంతో ఆంధ్రప్రదేశ్ లో గ్రామ, వార్డు సచివాలయాల్లోని సిబ్బంది సాంకేతికతకు చాలా దూరంలోనే ఉండిపోతున్నారు. పనిజరుగుతుందంటే అంతా బాగనే వుందనుకుంటున్న ప్రభుత్వం క్షేత్రస్థాయిలో ఏ స్థాయిలో సాంకేతికను అదిగమించి ప్రజలకు సేవలందిస్తున్నామనే విషయాన్ని జిల్లా స్థాయిలో గ్రామ, సచివాలయ శాఖ జెసిలుగానీ, జిల్లా కలెక్టర్లు గానీ, రాష్ట్రస్థాయిలో కమిషనర్లు, ఈశాఖ ముఖ్యకార్యదర్శి, ప్రభుత్వంలో ప్రధాన కార్యదర్శి కూడా ఆలోచించడం లేదు. వాస్తవానికి ఒక నూతన వ్యవస్థను ఏర్పాటు చేసిన తరువాత వారికి శిక్షణ, సాంతికత, ఐటి పరికరాలు, ఇంటర్నెట్, కంప్యూటర్లు, ఇలా అన్నీ ఒక ప్రోటోకాల్ పద్దతిలో అందించాలి. అత్యధిక వినియోగాన్ని ద్రుష్టిలో ఉంచుకొని ఇవ్వాల్సిన ట్యాబ్ లు నాణ్యతలోపించడంతో అపుడే వాలంటీర్ల దగ్గర ఫోన్లు మొరాయిస్తున్నాయి.. ఇచ్చిన మొబైల్ సిమ్ లు పనిచేయకపోవడంతో వారి సొంత మొబైల్ ఫోన్లు వినియోగించి ప్రభుత్వ పథకాలు అందిస్తున్నారు గ్రామ, వార్డు వాలంటీర్లు. ఆఖరికి సచివాలయాల్లో స్పీడ్ గా వచ్చే ఇంటర్నెట్ సదుపాయం కూడా లేకపోవడంతో ఆన్ లైన్ కార్యకాలాపాలన్నీ చాలా ఆలస్యంగా జరుగుతున్నాయి. సంక్షేమపథకాలు అమలు చేసే యాప్ లు కొత్త వెర్షన్లు, కొత్త ఆప్షన్లు జోడించినపుడు వారికి వాటిని ఏ విధంగా వినియోగించాలో ప్రత్యేక శిక్షణా కేంద్రం ద్వారా వారికి మార్గదర్శకాలు ఇవ్వాలి. కానీ అలా జరగడం లేదు. గ్రూపులో కొత్త వెర్షన్ యాప్ పెట్టాం. దానినే వినియోగించండి అని ఒక్క మెజేస్ పెట్టి ఊరకుండిపోతున్నారు. దీనితో ఒక్కోసారి అవి ప్రభుత్వం ఇచ్చిన ఫోన్లలో ఇనిస్టాల్ కాక వాలంటీర్లు, వెల్ఫేర్ అసిస్టెంట్లు చాలా ఇబ్బందులు పడుతున్నారు. బయోమెట్రిక్ యంత్రాలు కొరత, ఐరిష్ పరికరాల లేమి ఇలాం సాంకేతిక పరంగా చాలా లోపాలతోనే సచివాలయ సిబ్బంది పనిచేయాల్సి వస్తుంది. పాడైన మొబైల్ ఫోన్ల స్థానంలో ప్రభుత్వం వాటిని రిపేర్లు చేయించే ఇచ్చే సహాయం కూడా చేయడం లేదు. దానికితోడు ప్రభుత్వం సచివాలయ ఉద్యోగులను విధుల్లోకి తీసుకున్న తరువాత వీరికి పూర్తిస్థాయిలో శిక్షణ ఇవ్వలేదు. అప్పటికప్పుడు నెల రోజులు శిక్షణ ఇచ్చి చేతులు దులుపుకుంది. ఫలితంగా చాలా పనులు మందకొడిగా సాగుతున్నాయి. రాష్ట్రంలోని చాలా సచివాలయాల్లో ప్రభుత్వం ఇచ్చిన ప్రింటర్లు కూడా మూలకు చేరిపోయాయి. దీనితో గ్రామపంచాయతీల్లో వినియోగిస్తున్న కంప్యూటర్లు, ప్రింటర్లు వినియోగించాల్సి వస్తుంది. ఇలా అడుగడుగునా సాంకేతిక విషయంలో సచివాలయ ఉద్యోగులు తీవ్ర ఇబ్బందులు పడుతున్నారు. అదే సమయంలో ఇచ్చిన టార్గెట్లు పూర్తికాకపోయినా అధికారుల నుంచి తిట్లు, చీవాట్లు కూడా వీరే పొందాల్సి వస్తుంది. ప్రస్తుతం రాష్ట్రవ్యాప్తంగా సచివాలయ వ్యవస్థలో లోపాలను గుర్తించి, సాంకేతిక సమస్యలను పరిష్కరించడానికి ప్రభుత్వం కొంత మంది సాంకేతిక సిబ్బందిని, జిల్లాకొక హ్యూమన్ రీసోర్స్ సెంటర్ ను ఏర్పాటు చేస్తే తప్పా ప్రభుత్వ సేవలకు అడ్డంకిగా వున్న అరకొర సాంకేతికను అదిగమించడానికి ఆస్కారం వుండదు. ఈ విషయంలో ప్రభుత్వం ఎలాంటి చర్యలు చేపడుతుందో వేచి చూడాలి.!

ఆంధ్రప్రదేశ్‌ ప్రభుత్వం అన్ని జిల్లాల్లో ఒకేలా కర్ఫ్యూ సడలింపులు ఇస్తూ ఆదేశాలు జారీచేసింది. ఉదయం 6 గంటల నుంచి రాత్రి 9 గంటల వరకూ సడలింపులు ఇచ్చారు. రాత్రి 9 గంటలకల్లా దుకాణాల మూసివేత, 10 గంటల తర్వాత కర్ఫ్యూ ఆంక్షలు అమల్లోకి వస్తాయి. రాత్రి 10 గంటల నుంచి ఉదయం 6 గంటలవరకూ కర్ఫ్యూ అమలులో ఉంటుంది. కోవిడ్‌ నియంత్రణ చర్యలను కఠినంగా అమలు చేయాలని ప్రభుత్వం నిర్ణయించింది. కోవిడ్‌ నివారణ చర్యలపై ముఖ్యమంత్రి వైఎస్‌ జగన్‌మోహన్‌రెడ్డి సోమవారం చేపట్టిన సమీక్షా సమావేశంలో పలు కీలక నిర్ణయాలు తీసుకున్నారు. మాస్క్‌ ధరించకపోతే రూ.100ల జరిమానా కచ్చితంగా అమలు చేసేవిధంగా నిర్ణయం తీసుకున్నారు. దుకాణాల్లో కూడా సిబ్బంది దగ్గర నుంచి వినియోగదారులకు వరకూ మాస్క్‌లు ధరించాల్సిందే. ఉల్లంఘనలకు పాల్పడితే దుకాణాలకు భారీ జరిమానాలతో పాటు అవసరమైతే 2–3 రోజులు దుకాణాలు మూసివేతకు ప్రభుత్వం ఆదేశించింది.

ఆంధ్రప్రదేశ్ లో పదో తరగతి ఫలితాల విషయంలో విద్యార్థులకు మేలు జరిగేలా, ఎవరూ నష్టపోకుండా రాష్ట్ర విద్యా శాఖ చర్యలు చేపట్టింది. ప్రస్తుత విద్యా సంవత్సరంతో పాటు గత విద్యా సంవత్సరానికి సంబంధించి కూడా 'ఆల్‌ పాస్‌'కు బదులు గ్రేడ్లు ప్రకటించాలని నిర్ణయించింది. కరోనా మహమ్మారి వల్ల గత విద్యా సంవత్సరం(2019-20)లో పదో తరగతి పరీక్షలు నిర్వహించకపోవడం వల్ల 'ఆల్‌ పాస్‌'గా ప్రకటించిన విద్యార్థులందరికీ తాజాగా గ్రేడ్లు ఇవ్వాలని రాష్ట్ర విద్యా శాఖ నిర్ణయించింది.ఆ విద్యా సంవత్సరంలో విద్యార్థులు రాసిన సమ్మేటివ్, ఫార్మేటివ్‌ పరీక్షల మార్కుల ఆధారంగా పదో తరగతి గ్రేడ్లు ఇవ్వనున్నారు. గతేడాది కరోనా వల్ల పరీక్షలు నిర్వహించే పరిస్థితి లేక రాష్ట్ర విద్యా శాఖ విద్యార్థులందరినీ ఉత్తీర్ణులుగా ప్రకటించింది. వారి ధ్రువపత్రాల్లో సబ్జెక్టులకు గ్రేడ్లు బదులు.. పాస్‌ అని మాత్రమే ఇచ్చారు. దీంతో వారి ఉన్నత చదువులకు ఇబ్బందులేర్పడ్డాయి.

చదువులకే కాకుండా పదో తరగతి మార్కుల ఆధారంగా వచ్చే ఉద్యోగాలను పొందే విషయంలోనూ గ్రేడ్లు, మార్కులు లేకపోవడం వల్ల నష్టపోయే పరిస్థితి ఏర్పడింది. ఈ నేపథ్యంలో గత విద్యా సంవత్సరం విద్యార్థులకు గ్రేడ్లు ప్రకటించాలని విద్యా శాఖ నిర్ణయించింది. దీనిపై ఛాయారతన్‌(రిటైర్డ్‌ ఐఏఎస్‌ అధికారిణి) నేతృత్వంలోని అత్యున్నత స్థాయి కమిటీ చర్చించింది. 2019-20 విద్యార్థులకు ఫార్మేటివ్‌-1, ఫార్మేటివ్‌-2, ఫార్మేటివ్‌-3, సమ్మేటివ్‌-1 పరీక్షలు జరిగాయి. వీటిని పరిగణనలోకి తీసుకొని వారికి ఇప్పుడు గ్రేడ్లు ఇవ్వనున్నారు. ఒక్కో ఫార్మేటివ్‌ పరీక్షకు 20 మార్కులు చొప్పున 60 మార్కులుగా, సమ్మేటివ్‌ పరీక్షకు 40 మార్కులుగా పరిగణనలోకి తీసుకొని గ్రేడ్లు ఇవ్వనున్నారు. ఇందులో వీరికి కూడా ఎక్కువ మార్కులు సాధించిన 3 సబ్జెక్టుల సగటును తీసుకొని పబ్లిక్‌ పరీక్షల గ్రేడ్లు ఇవ్వాలని నిర్ణయించారు. హైపవర్‌ కమిటీ తుది నివేదిక తర్వాత విద్యా శాఖ ఫలితాలు ప్రకటిస్తుందని అధికార వర్గాలు తెలిపాయి. అత్యున్నత స్థాయి కమిటీ త్వరలోనే తన నివేదికను ప్రభుత్వానికి అందించనుంది. దాని ఆధారంగా విద్యార్థులకు గ్రేడ్లు ప్రకటిస్తారు.

ఆంధ్రప్రదేశ్ లో కార్డు (అక్షరం రాయడం రాకపోయినా వైట్ అండ్ వైట్ డ్రెస్సేసుకొని కలరిచ్చే) జర్నలిస్టుల ను నియంత్రణ చేయాలంటే అక్రిడిటేషన్ల జీఓలో మార్పులు మాత్రమే చేస్తే సరిపోదని.. విద్యార్హతల విషయంలో గట్టిగా వ్యవహరించాలని ప్రభుత్వం ఒక ఆలోచన వచ్చినట్టు కనిపిస్తుంది. మండల కేంద్రాల్లో ఖచ్చితంగా ఇంటర్, జిల్లా కేంద్రాల్లో డిగ్రీ, స్టాఫ్ రిపోర్టర్లకు జర్నలిజంలో డిప్లమాలేదా, డిగ్రీ, పీజీ కోర్సులను అర్హతలుగా చేసి పక్కాగా అమలు చేస్తే ఆటోమేటిక్ గా కార్డు జర్నలిస్టుల సంఖ్య తగ్గిపోతుందనేది ప్రభుత్వ ఉద్దేశ్యంగా ఉన్నట్టు సమాచారం అందుతుంది. దానినే నిజం చేస్తూ.. ఎన్నడూ లేనివిధంగా ఆంధ్రప్రదేశ్ ప్రభుత్వం దేశరాజధాని డిల్లీలోని పిఐబి అక్రిడిటేషన్ కు కూడా లేని నిబంధనలను  తీసుకొచ్చింది. ఈ విషయంలో కోర్టు నుంచి కూడా అనుకూలంగా ఉత్తర్వులు పొందింది.  ప్రభుత్వ లెక్కల ప్రకారం ఈసారి ప్రెస్ అక్రిడిటేషన్లకు సుమారు 40వేల మంది ఆన్ లైన్ లో దరఖాస్తులు చేసుకున్నారు. గత ఏడాది అక్రిడిటేషన్ల సంఖ్య చూస్తే కేవలం 28వేల మందికే మంజూరు చేసినట్టు రికార్డులు చెబుతున్నాయి. ఈ తరుణంలో కార్డు జర్నలిస్టులు అధికమై పోయారని.. అందులో వర్కింగ్ జర్నలిస్టులను మాత్రమే గుర్తించి కార్డు లేదా నకిలీ జర్నలిస్టులను పూర్తిగా ఏరిపారేయాలనేది ప్రభుత్వ లక్ష్యంగా స్పష్టమవుతుంది. దీనికోసం ప్రభుత్వం అక్రిడిటేషన్ జిల్లా కమిటీలో జర్నలిస్టు సంఘాల ప్రతినిధులకు తావులేకుండా చేయడంతో పైచేయి సాధించింది ప్రభుత్వం. వాస్తవానికి జిల్లా, రాష్ట్ర, దేశ, ప్రపంచ జర్నలిస్టు సంఘాలకు నాయకులమని చెప్పుకునే వారికి ప్రభుత్వం విడుదలచేసిన జీఓ కాపీలను ఇంగ్లీషులో చదివి..ఆపై జిల్లా చైర్మన్ కు అందులోని లోటు పాట్లను చెప్పే సామర్ధ్యం లేనివారే అధికంగా జర్నలిస్టు అక్రిడిటేషన్ కమిటీలో సభ్యులు ఉంటూ వస్తున్నారు. దీనితో ఇలాంటివారికి చెక్ పెట్టాలంటే ముందు వారికి సమావేశాల్లో ప్రాతినిథ్యం లేకుండా చేసింది ప్రభుత్వం. దెబ్బతికి అక్రిడిటేషన్ కమిటీల్లో ఆ..తరహా జర్నలిస్టులకు అవకాశం లేకుండా పోయింది. ప్రస్తుతం చిన్న, మధ్యతరహా పత్రికలు, ప్రధాన పత్రికలు, న్యూస్ టీవీ ఛానళ్లు, లోకల్ కేబుల్ టీవీలు, న్యూస్ ఏజెన్సీలకు జిఎస్టీ మెలిక పెట్టింది ప్రభుత్వం. నిత్యం పత్రికలు ముద్రించాలని..ఎన్ని పత్రికలు ముద్రిస్తున్నారో దానికి అనుగుణంగా జీఎస్టీ రిటర్న్ లు దాఖలు చేయాలని, క్లిప్పింగులు కూడా ఆన్ లైన్ లో పెట్టాలని, విద్యార్హతలతోనే మీడియా సంస్థలకు అక్రిడిటేషన్ కోసం దరఖాస్తు చేయాలన్ని ప్రస్తుతం సమాచారశాఖ ప్రధాన నిబంధన. పెద్ద పత్రికలు జీఎస్టీ రిటర్న్స్, క్లిప్పింగులు, ఇతర అర్హత పత్రాలతో దరఖాస్తు చేసుకున్నవారికి, టివి ఛానళ్లకు అపుడే అక్రిడిటేషన్లకు లైన్ క్లియర్ అయిపోయాయి. అయినప్పటికీ అలా మంజూరైన వారిలోనూ.. ఇంకా  కనీస విద్యార్హత లేనివారు చాలా మందే ఉన్నారని అలాంటి వారిని పూర్తిగా వడపోసి వర్కింగ్ జర్నలిస్టులను గుర్తిస్తూ వారికే అక్రిడిటేషన్లు ఇవ్వాలనేది ప్రభుత్వ ఆలోచనగా  సమాచారశాఖలోని విశ్వసనీయ వర్గాల నుంచి సమాచారం అందుతుంది. అయితే ప్రభుత్వం తీసుకున్న విద్యార్హతల విషయంలో ప్రధాన జర్నలిస్టు సంఘాల నుంచి ప్రతిఘటన ఎదురవడంతో వారికి సర్ధిచెప్పి.. ఎలాగైనా కనీస విద్యార్హతలు నిర్ణయించి దానిని అమలు చేయాలని భావిస్తుంటద సమాచారశాఖ. అదే జరిగిగే రాష్ట్రంలోని చాలా మంది కార్డు/నకిలీ జర్నలిస్టులకు అక్రిడిటేషన్ పొందే అర్హత రాదు. అలాగని మీడియా సంస్థలు అక్రిడిటేషన్లు అమ్ముకోవాలని చూసినా ఆ ప్రయత్నం కూడా ఫలించకుండా ఈ ప్రభుత్వంలోనే కఠిన చర్యలు తీసుకొని వర్కింగ్ జర్నలిస్టులను, చిన్న, మధ్య తరహా పత్రికలను కూడా ఒకే ప్రాధాన్యత ఇవ్వాలని ప్రభుత్వం భావిస్తుందని చెబుతున్నారు. ఈ నేపథ్యంలోనే అక్రిడిటేషన్ల మంజూరు ఆలస్యమైందని ప్రచారం జరుగుతుంది. వాస్తవానికి కోర్టులో ఈ విషయం ఉండటం ఆలస్యం అమవడం ఒక కారణమైతే..తప్పకుండా జర్నలిస్టుల విద్యార్హత, నిజమైన జర్నలిస్టులను గుర్తించే కార్యక్రమం అమలు చేయకపోతే కార్డుకోసం..పైరవీలు చేయడం కోసం అక్రిడిటేషన్లు తీసుకునే వారు ఎక్కువైపోతారనేది ప్రభుత్వ ఆలోచన కనిపిస్తుంది. కరోనా సమయంలో చిన్న, మధ్య తరహా పత్రికలు ముద్రించలేనివారు చాలా మందే ఉన్నారు. అలాంటి వారికి కూడా ప్రభుత్వం మినహాయింపు ఇవ్వలేదు. జీఓ ప్రకారం అనుబంధ పత్రాలు ఆన్ లైన్ అప్లోడ్  చేస్తే అక్రిడిటేషన్ ఇచ్చేది లేదని తెగేసి చెబుతోంది సమాచార శాఖ. గతంలో న్యూస్ ఏజెన్సీలు ఒక లేఖ ఇస్తే అక్రిడటేషన్లు ఇచ్చేవారు. ఇపుడు వారు కూడా ఇతర మీడియా సంస్థల మాదిరిగానే అనుబంధ ధ్రువపత్రాలు ఆన్ లైన్ లో సమర్పించాల్సి వుంది. అలా చేసిన వారి దరఖాస్తులే పరిగణలోనికి తీసుకుంటామని కూడా చెబుతోంది ప్రభుత్వం. కాగా ఇప్పటికే పక్కరాష్ట్రం తెలంగాణలో ఈ విద్యార్హత పక్కాగా అమలు చేయడంతో.. ఆంధ్రప్రదేశ్ లో కూడా దీనిని కాస్త గట్టిగానే అమలు చేసేలా కనిపిస్తున్నారు అధికారులు. అంతేకాదు ఇప్పటికే సమాచారశాఖ మంత్రి పేర్నినాని ఇదే నకిలీ, అర్హతలేని జర్నలిస్టుల విషయాన్ని ఒకటికి రెండుసార్లు ఎప్పుడు జర్నలిస్టుల సంఘాలు కలిసినా ప్రస్తావించడం కూడా ఇపుడు జర్నలిస్టుల విద్యార్హత విషయానికి ఆజ్యం పోసినట్టుగా కనిపిస్తుంది. చూడాలి ప్రభుత్వం జర్నలిస్టుల విద్యార్హత విషయంలో కట్టుబడి వుంటుందా..లేదంటే జర్నలిస్టు సంఘాల ఒత్తిడికి తలొగ్గుతుందా..ఎప్పటిలాగే కాలం వెళ్లదీస్తూ ఉండిపోతుందా..?!

పాడేరు ఐటిడిఏ పరిధిలో ప్రసవానికి డోలీలో తీసుకు వెళ్తున్న గర్బిణిస్త్రీ తోపాటు ఆమెబిడ్డ కూడా మరణించిన సంఘటనపై విచారణ జరిపి నివేదిక సమర్పించాలని పాడేరు ఐటిడిఏ పి.ఓ ను ఉప ముఖ్యమంత్రి పాముల పుష్ప శ్రీవాణి  బుధవారం ఆదేశించారు. భవిష్యత్తులో ఇలాంటి సంఘటనలు పునరావృతం కాకుండా చర్యలు తీసుకోవాలని కోరారు. జి.మాడుగుల మండలం గెమ్మెలిబారు గ్రామానికి చెందిన కొర్రా జానకి (25) అనే గిరిజన మహిళను కాన్పుకోసం గిడుతూరు గ్రామం నుంచి జి. మాడుగుల ఆసుపత్రికి  తరలిస్తుండగా మార్గమధ్యంలోనే ప్రసవించిన ఆమహిళతోపాటు బిడ్డ కూడా  మృతి చెందిన విషయం తెలిసిందే.ఈ సంఘటనపై స్పందించిన ఉప ముఖ్యమంత్రి పుష్ప శ్రీవాణి తల్లీబిడ్డల మరణంపై విచారణచేసి నివేదిక సమర్పించాల్సిందిగా బుధవారం పాడేరు ఐటిడిఏ పి.ఓ ను ఆదేశించారు. పాడేరు ఐటిడిఏ పరిధిలో రహదారులు లేని గిరిశిఖర గ్రామాలలో గర్బిణిస్త్రీలకు సంభందించిన సమాచారాన్ని సేకరించి అవసరమైన వారిని ముందుస్తుగానే కాన్పుకోసం ఆస్పత్రులకు తరలించేలా చర్యలు తీసుకోవాలని, ఇలాంటి సంఘటనలు పునరావృతం కాకుండా చూడాలని కోరారు. రహదారులు లేని కారణంగా డోలీలను ఇప్పటికీ వినియోగిస్తున్న గిరిజన గ్రామాల సమస్యలను తీర్చడానికి, డోలీల సమస్యను శాశ్వితంగా పరిష్కరించటానికి ఒక కార్యాచరణ ప్రణాళికను కూడా రూపొందించామని వెల్లడించారు.

రాష్ట్ర ఉపముఖ్యమంత్రి, గిరిజన సంక్షేమ శాఖ మంత్రి  పాముల పుష్ప శ్రీవాణి  ఆదేశాలపై ఐటీడీఏ ప్రాజెక్టు అధికారి ఆర్.గోపాలక్రిష్ణ  వెంటనే స్పందించారు. మాత శిశు మరణాలు జరగ కుండా  తగిన చర్యలు చేపడతామన్నారు. కొర్రా జానకి మృతి పై సమగ్రమైన విచారణ చేసి నివేదిక సమర్పించాలని అదనపు జిల్లా వైద్యాధికారి ని విచారణ అధికారిగా నియమించారు. రెండు రోజుల్లో నివేదికలు సమర్పించాలని ఆదేశించారు. నివేదిక వచ్చిన వెంటనే ప్రభుత్వానికి సమర్పిస్తామని పేర్కొన్నారు. ఈనెల 9వతేదీన వైద్యాధికారులు,108 వాహన యాజమాన్యం, ఫీడర్ అంబులెన్సుల నిర్వాహకులు తో సమావేశం ఏర్పాటు చేశామని చెప్పారు. గిరిగర్భిణీ స్త్రీలు వసతి గృహం నిర్వహణ , ఐసిడిఎస్  సేవలపై సీడీపీవోలతో సమావేశం నిర్వహిస్తామని చెప్పారు.