ఆంధ్రప్రదేశ్ లో ప్రముఖ న్యూస్ వెబ్ సైట్లు, ప్రభుత్వ శాఖల వెబ్ సైట్లు హ్యాకింగ్ కి గురవుతున్నాయి. ఎంత గట్టిగా సెక్యూరిటీలు, యాంటీ వైరస్ లు వినియోగిస్తున్నా చాలా న్యూస్ వైబ్ సైట్లు, ముఖ్యమైన కంపెనీలకు చెందిన వెబ్ సైట్లు, ప్రభుత్వ శాఖలోని శాఖలకు చెందిన వెబ్ సైట్లు హాకర్ల బారిన పడకుండా ఎవరూ ఆపలేకపోతున్నారు. కొందరు అదేపనిగా న్యూస్ వెబ్ సైట్లను చెడగొట్టే పనిలో ఉన్నారని సమాచారం. అయితే ఇక్కడ చెప్పుకోదగ్గ విషయం ఏంటంటే హ్యాకింగ్ అయిన న్యూస్ వెబ్ సైట్ లలో కంటెంట్ మాత్రమే పోతుంది. దానికి నిర్వాహకులు ప్రత్యేకంగా సొంత హోస్టింగ్ సర్వర్ లను తీసుకుంటున్నారు. గతంలో గ్రూపు హోస్టింగ్ పద్దతిలో న్యూస్ వెబ్ సైట్లు హోస్టింగ్ జరిగేవి. అలా గ్రూపు వెబ్ సైట్లు హోస్టింగ్ ఇచ్చే సర్వర్లు కూడా డేటా సెక్యూరిటీ విషయంలో ప్రత్యేకంగా డేటాను భద్రం చేయడంలో విఫలం అవుతున్నాయి. కొద్ది మొత్తానికి డేటాను కూడా ఎలా దాచిపెట్టి ఉంచాలా అన్నట్టు మాట్లాడుతున్నారు ప్రైవేటు హోస్టింగ్ సర్వర్ నిర్వాహకులు. దీనితో ఈ సమయంలోనే కొన్ని వెబ్ సైట్లకు వచ్చిన రేటింగ్ ను చెడగొట్టడానికి హ్యాకర్లు వ్యూవర్ షిప్ అధికంగా వున్న న్యూస్ వెబ్ సైట్లపై కన్నేసి వాటిని పక్కదారి పట్టిస్తున్నారు. ఫలితంగా సదరు న్యూస్ వెబ్ సైట్ ను గుగూల్ లో సెర్చ్ చేస్తుంటే వేరొక వెబ్ సైట్ ఓపెన్ అవుతుంది. దానికోసం హ్యాకర్లు న్యూస్ వెబ్ సైట్ కి ట్యాగ్ లైన్లను కోడింగ్ తోనే మార్చేస్తున్నారు. అలాంటి హ్యాకర్ల బారి నుంచి తప్పించుకోవడానికి చిన్న చిన్న న్యూస్ వెబ్ సైట్లకు చాలా ఖర్చుతో కూడుకున్న పని. దీనితో ఒక వెబ్ సైట్ హ్యాకింగ్ కి గురైతే మరోక వెబ్ సైట్ ను రూపొందించుకంటున్నారు నిర్వాహకులు. మరికొందరు ముందడుగు వేసి సైబర్ పోలీసులకు ఫిర్యాదు చేస్తున్నారు. ఎన్ని ఫిర్యాదులు చేసినా, ఉపయోగం అయితే పెద్దగా ఏమీ కనిపించడం లేదు. న్యూస్ వెబ్ సైట్లను కాపాడుకోవడానికి పెద్ద మొత్తంలో ఖర్చు చేయాల్సి వస్తుంది. మరికొందరు ఇదే హ్యాకింగ్ ను వ్రుత్తిగా చేసుకొని కొన్ని కేసుల్లో పోలీసులకు, సైబర్ క్రైమ్ విభాగానికి ఊచలు లెక్కిస్తున్నా..బయటకు వచ్చి కూడా మళ్లీ హ్యాకింగ్ లు చేస్తున్నారు. ఈ విషయంలో కేంద్ర, రాష్ట్ర ప్రభుత్వాలు ప్రత్యేక సెక్యూరిటీ సిస్టమ్ ఏర్పాటు చేస్తే న్యూస్ వెబ్ సైట్లకే కాదు, ప్రభుత్వ శాఖల వెబ్ సైట్లకు కూడా రక్షణ ఉండదనే విషయాన్ని గుర్తించాలి..!
ప్ర‌పంచంలోని ప్ర‌జ‌లంతా ఆయురారోగ్యాలతో ఉండాల‌ని శ్రీ‌వారిని ప్రార్థిస్తూ తిరుమల నాద‌నీరాజ‌నం వేదిక‌పై శ‌ని‌‌వారం ఉద‌యం సుందరకాండలోని 31వ సర్గ నుంచి 35వ సర్గ వరకు ఉన్న 196 శ్లోకాలను దాదాపు 200 మంది వేద పండితులు అఖండ పారాయణం చేశారు. ఈ కార్యక్రమం ఆద్యంతం భక్తిభావాన్ని పంచింది. ఎస్వీబీసీ ప్రత్యక్ష ప్రసారం ద్వారా భక్తులు తమ ఇళ్ల నుంచే పారాయణంలో పాల్గొన్నారు. ఈ 8వ విడ‌త సుందరకాండ అఖండ పారాయణం ఉద‌యం 7 నుండి 9 గంటల వరకు జరిగింది. ఈ సందర్భంగా తిరుమల ధ‌ర్మ‌గిరి వేద విజ్ఞానపీఠం ప్రిన్సిపాల్ కుప్పా శివ‌సుబ్ర‌మ‌ణ్య అవధాని మాట్లాడుతూ, రామనామం ఎక్కడ పలికితే అక్కడ హనుమంతుడు ప్రత్యక్షమవుతాడని, హనుమంతుని అనుగ్రహం ఉంటే సకల కార్యాలు నెరవేరుతాయని చెప్పారు. రాముడు ఆచ‌రించిన ధ‌ర్మం లోకానికి ర‌క్ష అని, వేదోక్త‌మైన ధ‌ర్మా‌న్ని ఆచ‌రించ‌డం వ‌ల‌న ప్ర‌పంచంలోని మానవులు సిరిసంపదలు, ఆయురారోగ్యాలతో ఉంటారని వివరించారు.
ఇప్ప‌టివ‌ర‌కు ఏడు విడ‌త‌ల్లో అఖండ పారాయణం జరిగింది. జూలై 7న మొదటి విడ‌త‌లో మొదటి స‌ర్గ‌లోని 211 శ్లోకాలు, ఆగ‌స్టు 6న రెండో విడ‌త‌లో 2 నుండి 7వ సర్గ వరకు 227 శ్లోకాలు, ఆగ‌స్టు 27న మూడో విడ‌త‌లో 8 నుండి 11వ సర్గ వరకు 182 శ్లోకాలు, సెప్టెంబ‌రు 12న నాలుగో విడ‌త‌లో 12 నుండి 14వ సర్గ వరకు 146 శ్లోకాలు, అక్టోబ‌రు 4న ఐద‌వ విడ‌త 15వ సర్గ నుంచి 19వ సర్గ వరకు 174 శ్లోకాలను, నవంబరు 3న ఆరో విడ‌త 20వ సర్గ నుంచి 24వ సర్గ వరకు185 శ్లోకాలు, డిసెంబ‌రు 6న ఏడ‌వ విడ‌త 25వ సర్గ నుంచి 30వ సర్గ వరకు ఉన్న మొత్తం 194 శ్లోకాలను అఖండ పారాయణం జరిగింది.
కాగా టిటిడి అన్న‌మాచార్య ప్రాజెక్టు క‌ళాకారులు సుష్మ బృందం " ఎదురా ర‌ఘుప‌తికి ...... " , అనే సంకీర్త‌న‌ను కార్యక్రమం ప్రారంభంలో, ర‌ఘునాథ్ బృందం " శ్రీ హ‌నుమ జ‌య హ‌నుమ శ్రీ హ‌నుమ జ‌య హ‌నుమ......" అనే సంకీర్త‌న‌ను కార్యక్రమం ముగింపులో సుమ‌ధురంగా అల‌పించారు.
ఈ కార్యక్రమంలో టిటిడి అదనపు ఈవో ఏ.వి.ధ‌ర్మారెడ్డి దంప‌తులు, జాతీయ సంస్కృత వర్సిటి ఉపకులపతి ఆచార్య మురళీధర శర్మ దంప‌తులు, అన్న‌మాచార్య ప్రాజెక్టు సంచాల‌కులు ద‌క్షిణామూర్తి, ఎస్వీ ఉన్న‌త వేదాధ్యయ‌న సంస్థ ప్రాజెక్టు అధికారి విభీష‌ణ శర్మ తదితరులు పాల్గొన్నారు.
ఆంధ్రప్రదేశ్ ముఖ్యమంత్రి వైఎస్ జగన్మోహనరెడ్డి క్యాంపు కార్యాలయంలో నూతన సంవత్సర వేడుకలు ఎంతో ఘనంగా జరిగాయి. నూతన సీఎస్ ఆదిత్యనాథ్‌ దాస్ సీఎంకి పూల బొకె ఇచ్చి శుభాకాంక్షలు తెలియజేశారు. అనంతరం కేక్ కట్ సీఎంతో కేక్ కట్ చేయించారు. అదేసమయంలో తిరుమల తిరుపతి దేవస్థానం నుంచి టిటిడి చైర్మన్ వైవిసుబ్బారెడ్డి తిరుమల అర్చకులతో వచ్చి సీఎంకి శుభాకాంక్షలు తెలియజేయడంతోపాటు శ్రీవారి ఫోటో, డైరీ, ప్రసాదం అందజేయడంతోపాటు ఆశీర్వచనం అందజేశారు. అదే విధంగా విజయవాడ శ్రీ దుర్గామల్లేశ్వరస్వామి దేవస్ధానం వేద పండితులు, అధికారులు కూడా విచ్చేసి అమ్మవారి ప్రసాదాలు సీఎంకి అందజేసి ఆశీర్వచనాలు అందజేశారు. సిఎంఓలోని అన్ని శాఖల ప్రధాన కార్యదర్శిలు, సీనియర్ ఐఏఎస్ అధికారులు కూడా సీఎంకి నూతన సంత్సర శుభాకాంక్షలు తెలియజేశారు. ఈ కార్యక్రమంలో వివిధ శాఖ అధికారు, క్యాంపు కార్యాలయ సిబ్బంది పాల్గొన్నారు.
పత్రికలు, టెలివిజన్ న్యూస్ ఛానళ్లు, ఎఫ్ఎం రేడియోలు, న్యూస్ వెబ్ సైట్లకు జిల్లా ఏతర, రాష్ట్రేతర, జాతీయ వార్తలను సరఫరా చేసే న్యూస్ ఏజెన్సీలు పనిచేయాలంటే చాలా ఖర్చు, సిబ్బందితో కూడుకున్న వ్యవహారమే. చాలా మందికి వార్తలు అందించండంలో కష్టమేముంటుంది అనుకుంటారు చాలామంది. పైగా ఖర్చుకూడా పెద్దగా ఉండదని అంతే తేలికగా మాట్లాడతారు. వాస్తవానికి న్యూస్ ఏజెన్సీలు ఎలా పనిచేస్తాయో...ఒక వార్తను సేకరించి దానిని న్యూస్ ఫార్మాట్ లో మీడియా సంస్థలకు పంపడానికి ఒక న్యూస్ ఏజెన్సీకి ఎంత ఖర్చు అవుతుంది, ఎంత మంది సిబ్బంది పనిచేస్తారనే విషయం తెలిస్తే నిజంగా ముక్కున వేలేసుకుంటారు. ఇంత కష్టపడి, డబ్బు ఖర్చుచేసి, ప్రభుత్వ నిబంధనలకు అనుగుణంగా అనుబంధ పత్రాలు పొందడానికి చాలా ఖర్చు, శ్రమ తప్పదంటే అతిశయోక్తి కాదు.. ఇంతా కష్టపడి ఒక సంస్థను ఏర్పాటు చేస్తే ఆంధ్రప్రదేశ్ ప్రభుత్వంలో సమాచారచారశాఖ మాత్రం అక్రిడిటేషన్ నిబంధనల ప్రకారం అక్రిడిటేషన్లు ఇవ్వడంలో అనేక కొర్రీలు వేస్తుంది. ఒక న్యూస్ ఏజెన్సీలో ఒక చీఫ్ ఎడిటర్, ఇద్దరు సబ్ ఎడిటర్లు, ఒక మేనేజర్, ఒక ఫోటోగ్రాఫర్, ఒక వీడియో గ్రాఫర్ లేదా వీడియో ఎడిటర్, ముగ్గురు జర్నలిస్టులు, ఒక మెసెంజర్ ఉంటే తప్పా రోజుకి 5 నుంచి పది వార్తలు సేకరించడం కష్టమంటే అది మాటల్లో చెప్పలేం.
రిపోర్టర్లు తెచ్చిన వార్తలు ముందుగా సబ్ ఎడిటర్ డెస్క్ దగ్గరకు వస్తాయ్, ఆతర్వాత వాటిని చీఫ్ ఎడిటర్ డెస్క్లో ద్రువీకరిస్తారు, ఆపై వార్తలకు అనుగుణంగా ఫోటోలు, వీడియోలు జతచేసి మెసెంజర్ డెస్క్ కు చేరవేస్తారు. అక్కడి నుంచి మెసెంజర్ న్యూస్ ఏజెన్సీకి ఖాతాదారులుగా వున్న పత్రికలు, లోకల్ కేబుల్ టివి ఛానళ్లు, ఎఫ్ఎం రేడియోలు, న్యూస్ వెబ్ సైట్లు, యూట్యూబు ఛానళ్లకు కంటెంట్ ను ఎలక్ట్రానిక్ రూపంలో పంపిస్తారు. అలా పంపిన వార్తలను మీడియా సంస్థలు క్రెడిట్ డేట్ లైన్ తో కొన్నివార్తలను అచ్చువేస్తాయి. అందులో ఫోటోలకి గానీ, వార్తలకు గానీ క్రెడిట్ లైన్ లేకపోతే న్యూస్ ఏజెన్సీలు పంపిన వార్తలకు ఫలితం వుండదు. ఇలా అన్నీ అధికారికంగా పనిచేయాంటే నేషనల్ న్యూస్ ఏజెన్సీ ఫార్మాట్ కింద ప్రభుత్వం నుంచి అనుబంధ పత్రాలతోపాటు సంస్థ పేరు, లోగో, న్యూస్ ఏజెన్సీ ట్రేడ్ మార్క్, న్యూస్ వెబ్ సైట్, మొబైల్ న్యూస్ యాప్,గ్రీన్ మేట్ స్టూడియో, అవసరం అనుకుంటే ప్రత్యేక ఎలక్ట్రానిక్ మెసెంజర్ లైన్, లేదా గ్రూప్ మీడియాలైన్ లీజుకి తీసుకోవాల్సి వుంటుంది.
ఇక పోతే వీటి నిర్వహణకు 5 కంప్యూటర్లు లేదా హైఎండ్ ల్యాప్ టాప్ లు, ఒక టెలీఫోన్ కూడిన ఫ్యాక్స్ కనెక్షన్, ఒక హైస్పీడ్ ఇంటర్నెట్ కనెక్షన్, ఇద్దరు సబ్ ఎడిటర్లు, నాణ్యమైన విద్యుత్(నెలకు కనీసం కరెంటు బిల్లు రూ.800 నుంచి రూ.1600), అధునాతన ప్రింటర్, ఫోటో కెమెరాలు, వీడియో కెమెరాలు, ఒక కార్యాలయం(నెలకు అద్దె కనీసం రూ.8500 నుంచి 10వేలు) కావాల్సి వుంటుంది. వీటితోపాటు ప్రకారం కనీసం ఐదుగురు( ఇద్దరు సబ్ ఎడిటర్లు, ఒక ఫోటో గ్రాఫర్, ఒక మెసెంజర్, ఒక వీడియో గ్రాఫర్ లేదా వీడియో ఎడిటర్ కి జీతాలు(ఒక్కొక్కరికీ రూ.8500 వేల నుంచి రూ.12500),ముగ్గురు జర్నలిస్టులు వారికి లైన్ అకౌంట్ బేసిస్ లో కనీసం రూ.5వేల నుంచి 8వేల వరకూ జీతాలు ఇవ్వాల్సి వుంటుంది. ఇక పోతే న్యూస్ వెబ్ వెబ్ సైట్, మొబైల్ న్యూస్ యాప్ నిర్వహణకు ప్రత్యేకంగా సొంత ఆన్ లైన్ హోస్టింగ్ సర్వర్ దీనికే నెలకు సుమారు రూ.6500 చెల్లించాల్సి వుంటుంది. వీటితోపాటు ఆదాయపు పన్ను అదేనండీ ఐటీ రిటర్న్స్..(ఏడాదికి ఒకసారి), రూ.40లక్షల టర్నోవర్ దాటితే జిఎస్టీ రిటర్న్స్(ప్రతీ మూడు నెలలకు ఒకసారి అంతే ఈ రెండింటికీ కలిపి ఏడాదికి సుమారుగా రూ.5వేలు), రూ.40 లక్షల లోపు అయితే కేంద్ర ప్రభుత్వ జిఎస్టీ నిబంధనల మేరకు తీసుకోవాల్సిన పనిలేదు. ఒక ఇతర జిల్లాల్లో అయితే ఒక జర్నలిస్టు, ఒక ఫోటో గ్రాఫర్ పనిచేయాల్సి వుంటుంది.
వారు లైన్ అకౌంట్ బేసిస్ లో లేదా జీతాల రూపంలో పనిచేస్తారు. ఇతర జిల్లాల వార్తలు న్యూస్ ఏజెన్సీ చందాదారులకు అందించాలంటే న్యూస్ ఏజెన్సీకి సంబంధించిన అధికారిక జర్నలిస్టులు ఇచ్చిన సమాచారం మాత్రమే న్యూస్ ఏజెన్సీ చందాదారులకు ఇవ్వాల్సి వుంటుంది. ఇన్ని చేస్తే తప్పా న్యూస్ ఏజెన్సీ నిర్వహణ సాధ్యం కాదు. కానీ ఇవేమీ రాష్ట్రప్రభుత్వ సమాచారశాఖకు పట్టవు. ఒక న్యూస్ ఏజెన్సీకి నిబంధనల ప్రకారం అంటే ముఖ్య కార్యాలయం నిర్వహించే చోట కనీసం 5 అక్రిడిటేషన్లు కూడా మంజూరు చేయడం లేదు. ఇంతా కష్టపడి న్యూస్ ఏజెన్సీలు నిర్వహిస్తున్న నిర్వాహకులకు ఐటీ రిటర్న్స్ దాఖలు చేసిన సందర్భంగా ప్రభుత్వం సంక్షేమ పథకాలన్నీ తొలగించింది ప్రభుత్వ నిర్ణయం కారణంగా ఇలా చాలా మంది జర్నలిస్టులు, న్యూస్ ఏజెన్సీల నిర్వాహకులు ప్రభుత్వ పథకాలు కోల్పోయారు.
కాపీరైట్ కోర్టు కేసులు.. న్యూస్ ఏజెన్సీలు ప్రధాన కార్యాలయంతో పాటు, ఇతర జిల్లాల్లోనూ ఒక రిపోర్టర్, ఒక ఫోటో గ్రాఫర్ ను నియమిస్తుంది. అలా కాకుండా ఎవరో రాసిన వార్తలను కాపీ పేస్టు చేసి ఖాతాదారులకు పంపితే, సదరు వార్త యొక్క సొంతదారు కాపీ రైట్ కంటెంట్ కేసులు పెడతాడు. అంతేకాకుండా పెట్టిన సైబర్ క్రైమ్ కేసులు కూడా న్యూస్ ఏజెన్సీలు ఎదుర్కోవాల్సి వస్తుంది. దీనితో ఖచ్చితంగా న్యూస్ ఏజెన్సీ యొక్క అధికారిక ప్రతినిధి రాసి పంపిన వార్తలను మాత్రమే ప్రధాన కార్యాలయం నుంచి న్యూస్ ఏజెన్సీ తన ఖాతాదారులకు పంపుతుంది. ఇప్పటికే చాలా చిన్న, మధ్య తరహా పత్రికలు తమకు సదరు జిల్లాల్లోనూ, రాష్ట్రాల్లో ప్రతినిధులు లేకపోయినప్పటికీ నెట్ వచ్చిన వార్తలను కాపీ పేస్టు చేసి వినియోగిస్తూ కాపీ రైట్ కేసులు ఎదుర్కొంటున్నాయి. కొన్ని పత్రికలు మాత్రం ఆర్ఎన్ఐ నిబంధనల మేరకు జర్నలిస్టులు లేని చోట న్యూస్ ఏజెన్సీలు ద్వారొ పొందిన వార్తలనే క్రెడిట్ లైన్ తో వినియోగిస్తున్నాయి.
వాస్తవానికి పత్రికలుగానీ, టివిఛానళ్లు గానీ, న్యూస్ ఏజెన్సీలు గానీ తమ ప్రతినిధులు లేని చోట వార్తలు తెచ్చుకోవాలంటే వీరు కూడా మరో అంతర్జాతీయ న్యూస్ ఏజెన్సీల నుంచి అధికారికంగా చందా తీసుకొని వార్తలను కొనుగోలు చేసుకొని మాత్రమే వినియోగించాలి. ఇవన్నీ ప్రభుత్వ నిబంధనలు, నేషనల్ న్యూస్ ఏజెన్సీ ఫార్మాట్ లో పనిచేసిన న్యూస్ ఏజెన్సీలకు కూడా సమాచారశాఖ అధికారులు అక్రిడిటేషన్లు ఇచ్చే విషయంలో కొర్రీలు వేస్తోంది. అసలు ఒక వర్త సేకరణ జరిగిన తరువాత ఐదు దశలు దాటితే తప్పా సదరు వార్తకు కార్యరూపం రాదు. రిపోర్టర్ తెచ్చిన వార్తను, ఫోటోను ఎడిటింగ్ చేసేది సబ్ ఎడిటర్ అయితే, దానిని ద్రువీకరించేది చీఫ్ ఎడిటర్, అలా ద్రువీకరించిన తరువాత మెసెంజర్ దానిని మీడియా సంస్థలకు పంపుతాడు. అదే సమయంలో ఫోటోలు కూడా అంతే. ఇంతలా చేసిన వార్తను ఖాతాదారులతో పాటు న్యూస్ ఏజెన్సీ అధికారిక న్యూస్ వెబ్ సైట్, మొబైల్ న్యూస్ యాప్ లకి అప్లోడ్ చేస్తారు.
ఇపుడు చెప్పండి న్యూస్ ఏజెన్సీ ఒక వార్త కోసం ఎంత నెట్వర్క్ వినియోగిస్తోందో. ఈ వార్తలో పైన పేర్కొన్న అన్ని ప్రభుత్వ ద్రువీకరణ పత్రాలతో విశాఖ ప్రధాన కేంద్రంగా నడుస్తున్న ఏకైక వార్తా సంస్థ ఈరోజు న్యూస్ సర్వీస్. ఈఎన్ఎస్ నేషనల్ న్యూస్ ఏజెన్సీకి అధికారిక న్యూస్ వెబ్ సైట్, మొబైల్ న్యూస్ యాప్, సొంత సర్వర్ కలిగిన కార్యాలయం అన్నీ విశాఖలోనే ఉన్నాయి. ఇదేదో ప్రచారం కోసం వాస్తవం ప్రభుత్వం, సమాచారశాఖలోని అధికారులకు తెలియజేయాలనే చిన్న ప్రయత్నం మాత్రమే..ఈఎన్ఎస్ నేషనల్ న్యూస్ ఏజెన్సీ..ఇది తెలుగు ప్రజల గుండె చప్పుడు..!
నూతన సంవత్సర కానుకగా రాష్ట్రంలోని అన్నిరకాల ప్రభుత్వ ఉద్యోగుల వేతనాలు పెంచాలని ముఖ్యమంత్రి కె. చంద్రశేఖర్ రావు నిర్ణయించారు. గురువారం ఉద్యోగ సంఘాలతో చర్చలు జరిపిన అనంతరం ఆయన మీడియాతో మాట్లాడారు. ఉద్యోగ విరమణ వయస్సును పెంచాలని, అన్నిశాఖల్లో ఉద్యోగాల భర్తీ ప్రక్రియ ప్రారంభించాలని అధికారులను ఆదేశించినట్టు చెప్పారు. ప్రభుత్వ ఉద్యోగులు, గ్రాంట్ ఇన్ ఎయిడ్ ఉద్యోగులు, వర్క్ చార్జుడ్ ఉద్యోగులు, డెయిలీ వైజ్ ఉద్యోగులు, ఫుల్ టైమ్ కాంటింజెంట్ ఉద్యోగులు, పార్ట్ టైమ్ కాంటింజెంట్ ఉద్యోగులు, హోంగార్డులు, అంగన్ వాడీ వర్కర్లు, కాంట్రాక్టు ఉద్యోగులు, ఔట్ సోర్సింగ్ ఉద్యోగులు, ఆశ వర్కర్లు, విద్యా వలంటీర్లు, సెర్ఫ్ ఉద్యోగులు, గౌరవ వేతనాలు అందుకుంటున్న వారు, పెన్షనర్లు ఇలా అందరికీ ప్రయోజనం కలిగేలా వేతనాల పెంపు చేస్తామని సీఎం ప్రకటించారు. అన్నిరకాల ఉద్యోగులు కలిపి తెలంగాణలో 9,36,976 మంది ఉంటారని, అందరికీ వేతనాల పెంపు వర్తిస్తుందని సీఎం చెప్పారు. ప్రభుత్వ ఉద్యోగులతోపాటు తక్కువ వేతనాలు కలిగిన ఉద్యోగులున్న ఆర్టీసీలో కూడా వేతనాలను పెంచాలని నిర్ణయించినట్లు సీఎం తెలిపారు. అవసరమైతే వేతనాల పెంపు వల్ల ఆర్టీసీపై పడే భారాన్ని ప్రభుత్వం భరిస్తుందని సీఎం ప్రకటించారు.
వేతనాల పెంపుతోపాటు ఉద్యోగ విరమణ వయస్సు పెంపు, పదోన్నతులు ఇవ్వడం, అవసరమైన బదిలీలు చేయడం, సరళతరమైన సర్వీసు నిబంధనల రూపకల్పన, రిటైర్ అయ్యే రోజే ఉద్యోగులకు అన్నిరకాల ప్రయోజనాలు అందించి గౌరవంగా వీడ్కోలు పలకడం, కారుణ్య నియామకాలన్నింటినీ చేపట్టడం లాంటి ఉద్యోగ సంబంధ అంశాలన్నింటినీ ఫిబ్రవరిలోగా సంపూర్ణంగా పరిష్కరించనున్నట్లు ముఖ్యమంత్రి వెల్లడించారు. అన్నిశాఖల్లో ఖాళీలను గుర్తించి ఫిబ్రవరి నుండి ఉద్యోగ నియామకాల ప్రక్రియను చేపట్టనున్నట్లు సీఎం ప్రకటించారు. ఈ అంశాలన్నింటిపై అధ్యయనం చేయడానికి, ఉద్యోగ సంఘాలతో చర్చలు జరపడానికి ప్రభుత్వ ప్రధాన కార్యదర్శి సోమేశ్ కుమార్ అధ్యక్షుడిగా ఆర్థికశాఖ ముఖ్య కార్యదర్శి రామకృష్ణారావు, నీటిపారుదలశాఖ ముఖ్య కార్యదర్శి రజత్ కుమార్ సభ్యులుగా త్రిసభ్య అధికారుల సంఘాన్ని సీఎం
నియమించారు. ఈ కమిటీ జనవరి మొదటి వారంలో వేతన సవరణ సంఘం నుండి అందిన నివేదికను అధ్యయనం చేస్తుందన్నారు.. రెండోవారంలో ఉద్యోగ సంఘాలతో సమావేశం అవుతుంది. వేతన సవరణ ఎంత చేయాలి? ఉద్యోగుల పదవీ విరమణ వయస్సును ఎంతకు పెంచాలి? సర్వీసు నిబంధనలు ఎలా రూపొందించాలి? పదోన్నతులకు అనుసరించాల్సిన మార్గమేమిటి? జోనల్ విధానంలో ప్రస్తుతం ఉన్న న్యాయపరమైన చిక్కులను అధిగమించే వ్యూహమేమిటి? తదితర అంశాలపై ఈ కమిటీ ప్రభుత్వానికి సూచనలు చేస్తుంది. అనంతరం క్యాబినెట్ సమావేశమై తుది నిర్ణయం తీసుకుంటుంది.
