1 ENS Live Breaking News

ఇద్దరు ఉద్యోగులపై చర్యకు సిఫారసు..

సింహాచలం శ్రీశ్రీశ్రీ  శ్రీవరాహ లక్ష్మీ నృసింహస్వామి(సింహాద్రి అప్పన్న) స్వామివారి దేవస్థానంలో వీడియో మార్ఫింగ్ చేసిన ఇద్దరు ఉద్యోగులపై చర్యలు తీసుకునేందు కమిషనర్ కి సిఫారసు చేసినట్టు ఈఓ ఎంవీ సూర్యకళ తెలియజేశారు. ఆదివారం దేవస్థానంలో ఆమె మీడియాతో మాట్లాడారు. ఇటీవలే వచ్చిన  మార్ఫింగ్ వీడియోలపై అంతర్గత విచారణ జరిపి ఇద్దర్ని బాధ్యులుగా గుర్తించినట్టు వివరించారు. అయితే అందులో ఒకరు చేసిన తప్పుని ఒప్పుకున్నారని, దీనితో సైబర్ క్రైం వరకూ ఫిర్యాదు చేయలేదన్నారు. స్వామివారి దేవస్థానం వీడియోలు మార్ఫిం గ్ చేయడం చట్టరీత్యా నేరమన్నారు. దేవస్థానం ప్రతిష్టకు భంగం వాటిల్లితే ఎవరినీ క్షమించేది లేదని హెచ్చరించారు. అయితే ఈ ఘటనపై ప్రధాచాన ఆచార్యులు కమిషనర్ తో మాట్లాడారాని ఈఓ వివరించారు. ప్రోటోకాల్ పై నిబంధనలు తయారు చేస్తున్నామని దానిలో కొంత స్పష్టత రావాల్సి వుందన్నారు. రాష్ట్రంలోనే ప్రముఖ దేవస్థానంగా వున్న  శ్రీశ్రీశ్రీ  శ్రీవరాహ లక్ష్మీ నృసింహస్వామి(సింహాద్రి అప్పన్న) స్వామివారి దేవస్థానాకి సంబంధించిన ఏ నకిలీ వీడియోను నమ్మొద్దని ముఖ్యంగా వైరల్ చేయవద్దని ఈఓ కోరారు. ఇటు మీడియాగానీ, అధికారులు స్వామి ఆలయానికి చెందిన సమాచారం నేరుగా ఇస్తున్నామని వివరించారు.

Simhachalam

2021-07-04 12:50:26

నిరుద్యోగులూ ..తస్మాత్ జాగ్రత్త..

శ్రీకాకుళం జిల్లాలోని రూర్బన్ మిషన్ కార్యక్రమంలో నకిలీ నియామకాలు జరుగుతున్నట్లు తమ దృష్టికి వచ్చిందని అటువంటి నియామకాలు ఏమి జరగటం లేదని నిరుద్యోగులు గుర్తించాలని జిల్లా పరిషత్ ముఖ్య కార్యనిర్వహణ అధికారి బి.లక్ష్మీపతి తెలిపారు. ఈ మేరకు శని వారం ఒక ప్రకటన జారీ చేస్తూ శ్రీకాకుళం, విజయనగరం, విశాఖపట్నం జిల్లాల్లో రూర్బన్ మిషన్ – గ్రామీణ ప్రాంతాల్లో పట్టణ సదుపాయాలు కల్పించుటకు ఉద్దేశించిన కార్యక్రమంలో వివిధ హోదాల్లో నియామకాలు చేస్తున్నట్లు, అందుకు తగిన నియామక పత్రాలు జారీ చేస్తున్నట్లు తమ దృష్టికి వచ్చిందన్నారు. సుధాకర్ అనే వ్యక్తి పేరుతో నియామక పత్రాలు జారీ అవుతున్నట్లు గ్రహించడం జరిగిందన్నారు. కేంద్ర గ్రామీణ మంత్రిత్వ శాఖ అధికారులు ఈ మేరకు సమాచారం అందించారని పేర్కొన్నారు. రూర్బన్ మిషన్ లో ఎటువంటి నియామకాలు జరగటం లేదని, నిరుద్యోగులు మోసగాళ్ళ భారీన, వారి మాయలో పడరాదని ఆయన హెచ్చరించారు. మోసగాళ్ళు లక్షలాది రూపాయలు వసూలు చేస్తున్నట్లు వార్తలు వస్తున్నాయని ఆయన పేర్కొన్నారు. నిరుద్యోగులు అప్రమత్తంగా ఉండాలని, ఎటువంటి మోసాలకు గురి కావద్దని ఆయన సూచించారు. తమ స్నేహితులకు, ఇతర నిరుద్యోగ యువతకు కూడా సమాచారాన్ని చేరవేయాలని ఆయన కోరారు. గ్రామ పంచాయతీలకు కూడా సమాచారాన్ని అందిస్తున్నామని, పంచాయతీ కార్యాలయల్లో సమాచారాన్ని ప్రదర్శించాలని ఆయన ఆదేశించినట్లు చెప్పారు. జారీ చేసిన నకిలీ నియామక పత్రాల నకళ్లను కూడా ఆయన విడుదల చేసారు.

Srikakulam

2021-07-03 12:42:46

Tadepalle

2021-06-29 15:09:45

8మంది వైద్య సిబ్బందికి షోకాజ్ నోటీసులు..

విధినిర్వహణంలో అలక్ష్యం వహించే వారిపై కఠిన చర్యలు తీసుకుంటామని పాడేరు ఐటిడిఎ ప్రాజెక్టు అధికారి రోణంకి గోపాల కృష్ణ హెచ్చరించారు. శనివారం ఆసుపత్రిలో విధులకు హాజరు కాని 3 ముగ్గురు వైద్యులకు , ఔషధ నిలువలు వివరాలను నమోదు చేయనందుకు ,ముగ్గురు ఫార్మాసిస్టులకు ,జనన మరణ ధృవీకరణ పత్రాలను జారీచేసే  ఇద్దరు సిబ్బంది కి షోకాజ్ నోటీసులు జారీ చేయాలని అధికారులను ఆదేశించారు. ఈ సందర్భంగా పీఓ మాట్లాడుతూ, గిరిజన గ్రామాల్లో వైద్యలు అందించడం ఒక వరంగా భావించాలన్నారు. అంతే తప్పా సేవలు అందించడం భారం అనుకోకూడదన్నారు.  పిఓ వెంట అదనపు జిల్లా వైద్య ఆరోగ్యశాఖ అధికారి డాక్టర్ లీలాప్రసాద్, ఆసుపత్రి సూపరింటెండెంట్ డాక్టర్ కృష్ణా రావు పాల్గొన్నారు.

Paderu

2021-06-26 11:43:14

వీడియో మార్ఫింగులపై కఠిన చర్యలు..

విశాఖలోని సింహాచలం శ్రీశ్రీశ్రీ  వరాహ లక్ష్మీ నరసింహస్వామి వారి దేవస్థానం ప్రతిష్టకు భంగం కలిగేలా వీడియోలను మార్ఫింగ్ చేసేవారిపై కఠిన చర్యలు తీసుకుంటామని దేవస్థానం ఈఓ సూర్యకళ తీవ్రంగా హెచ్చరించారు. ఈ మేరకు గురువారం ఆమె దేవస్థానంలో మీడియాతో మాట్లాడారు. కొందరు కావాలనే దేవాలయం వీడియోలను రీమిక్సులు చేస్తున్నారన్నారు. ఈ విషయంలో అవసరమైతే సైబర్ క్రైమ్ కు ఫిర్యాదు చేస్తామన్నారు.  ఇలాంటి చర్యల్లో దేవస్థానం సిబ్బంది పాత్ర ఉందని తేలితే కచ్చితంగా సదురు సిబ్బందిపై చర్యలు తీసుకుంటామని తేల్చిచెప్పారు. ముందస్తు చర్యల్లో భాగంగా పీఆర్వో, కెమెరామ్యాన్ తప్ప ఆలయంలోపలకి మొబైల్స్ అనుమతిని నిషేదించినట్టు చెప్పారు. అంతేకాకుండా సింహాచల క్షేత్రంలో అన్యమత ప్రచారానికి ఆస్కారమేలేదని ఈఓ చెప్పారు.  టెండర్లు, ఔట్ సోర్సింగ్ స్టాఫ్ రిక్రూట్మెంట్ లోనూహిందువులను, దేవునిపై విశ్వాసమున్నవారినే తీసుకుంటున్నామని ఈఓ వివరించారు.

Simhachalam

2021-06-24 15:08:51

ప్రకాశం బ్యారేజీ బాధితురాలికి రూ.5లక్షలు..

ప్రకాశం బ్యారేజి దగ్గర ఘటన జరిగి గుంటూరు సర్వజన ఆసుపత్రిలో చికిత్స పొందుతున్న అత్యాచార బాధితురాలిని మంగళవారం మధ్యాహ్నం రాష్ట్ర హోమ్ మంత్రి మేకతోటి సుచరిత పరామర్శించారు. కొద్దిసేపు బాధితురాలి తల్లితో మంత్రిమాట్లాడి ఎలాంటి ఇబ్బందులు లేకుండా చూస్తామని భరోసా ఇచ్చారు.  అనంతరం బాధితురాలి తల్లికి రూ.5 లక్షల చెక్కును అందించారు.  కార్యక్రమంలో  హోమ్ మంత్రితో పాటు జిల్లా కలెక్టర్ వివేక్ యాదవ్, గుంటూరు తూర్పు నియోజకవర్గ శాసన సభ్యులు మహమ్మద్ ముస్తఫా, గుంటూరు రెవెన్యూ డివిజనల్ అధికారి భాస్కర రెడ్డి, జిజిహెచ్ సూపరింటెండెంట్ డా. ప్రభావతి  పాల్గొన్నారు.  

Guntur

2021-06-22 14:32:13

3ఆస్పత్రులకు రూ.17లక్షలు జరిమానా..

విశాఖ నగరంలోని 3 ఆసుపత్రులకు రూ.17 లక్షలు జరిమానా విధించిటన్టు పి.అరుణ్ బాబు తెలిపారు.  సోమవారం నిర్వహించిన డి డి సి (డిస్ట్రిక్ట్ డిసిప్లినరీ కమిటీ) సమావేశం నిర్వహించి నిబంధనలను ఉల్లంఘించిన ఆసుపత్రులకు జరిమానాలు విధించామని జెసి వివరించారు. అదేవిధంగా ఆయా ఆసుపత్రు లలో నిబంధనలను అతిక్రమించి రోగుల నుండి డబ్బులు వసూలు చేసి నందున వారికి 18 లక్షల వరకూ చెల్లించాలని ఆదేశించినట్లు కూడా తెలిపారు.  పినాకిల్ హాస్పిటల్ కు రూ. 10 లక్షల జరిమానా తో పాటు రోగికి రూ.10 లక్షలు చెల్లించాలని, ఓమ్ని ఆర్కే ఆసుపత్రికి రూ.రెండు లక్షల జరిమానా, రోగికిరూ 4.39 లక్షలు చెల్లించాలని, ఆదిత్య ఆసుపత్రికి 5 లక్షల జరిమానా  రూ. 3.61 లక్షలు రోగికి చెల్లించాలని ఆదేశించడం జరిగిందని వెల్లడించారు.  ఎ.ఎం.జి.రుత్, ప్రథమ, సిద్దార్థ, లేన్ సెట్ ఆసుపత్రులకు నోటీసులు జారీ చేశామన్నారు. ఈ సమావేశంలో ఆంధ్ర వైద్య కళాశాల డాక్టర్ పి. వి. సుధాకర్, కన్వీనర్ ఆరోగ్యశ్రీ కోఆర్డినేటర్ డాక్టర్ రాజేష్ పాల్గొన్నారు.

విశాఖ సిటీ

2021-06-21 15:29:16

కర్ప్యూలో 23 వేల కేసులు నమోదు..

శ్రీకాకుళం జిల్లాలో కర్ఫ్యూను పటిష్టంగా అమలు చేయడమైనదని జిల్లా సూపరింటెండెంట్ ఆఫ్ పోలీసు అమిత్ బర్దార్ శుక్రవారంనాడు ఒక ప్రకటనలో వెల్లడించారు. రాష్ట్ర ప్రభుత్వం కోవిడ్ నివారణకు తీసుకున్న  చర్యల్లో భాగంగా కర్ఫ్యూను చాలా పగడ్బంధీగా అమలు చేయడమైనదన్నారు.  జిల్లాలో కోవిడ్ తగ్గుముఖం పట్టిందని,  కర్ఫ్యూలో 23 వేల కేసులు నమోదు చేయడమైనదని, మాస్కు వేసుకోకుండా బయటకు వచ్చినవి 64 వేల కేసులు ఉన్నట్లు పేర్కొన్నారు. అంతర్రాష్ట్రాల సరిహద్దుల వద్ద చెక్ పోస్టులు ఏర్పాటు చేసి ఎవరైనా అనుమతి లేకుండా జిల్లాలోకి వస్తున్నారా లేదా పరిశీలించి పంపుతున్నట్లు చెప్పారు.   పోలీసులు కోవిడ్ బారీన పడినప్పటికీ కోవిడ్ నివారణకు కష్టపడి పనిచేశారన్నారు.  ఉదయం 5 గంటల నుండి పోలీసులు పనిచేసి రాత్రి సమయంలో కూడళ్లు, మార్కెట్ల్, నివాస ప్రాంతాల వద్ద ఎవరైనా కర్ఫ్యూ నిబంధనలు అతిక్రమించి రోడ్ల పైకి వస్తే అలాంటి వారితో గౌరవంగా మాట్లాడి ఇంట్లోనే ఉండాలని, కోవిడ్ నివారణకు అందరూ సహకరించాలని పోలీసులు సూచిస్తున్నట్లు చెప్పారు.  పోలీసులతో పాటు, వైద్య సిబ్బంది కోవిడ్ నివారణకు అహర్నిశలు కష్టపడి పనిచేస్తునట్లు తెలిపారు.  జిల్లాలో వ్యాక్సినేషన్ చాలా బాగా జరుగుతుదని, ఇప్పటికే సుమారు 97 శాతం వరకు జరిగినట్లు పేర్కొన్నారు.  అందరూ కోవిడ్ నిబంధనలు తప్పనిసరిగా పాటిస్తే, కోవిడ్ ను మన నియంత్రణలోకి తీసుకువచ్చి మూడవ దశ రాకుండా అరికట్టవచ్చునని ఆయన కోరారు.  అవసరమైతే తప్ప ఎవరూ బయట తిరగవద్దని, అవసరానికి వస్తే తప్పనిసరిగా మాస్క్ ధరించి, శానిటైజర్ వాడాలని ఆయన పిలుపునిచ్చారు.

Srikakulam

2021-06-04 13:21:21

విశాఖలో జనసేన అభ్యర్థి మ్రుతి..

విశాఖ మహానగరపాలక సంస్థ మున్సిపల్ ఎన్నికల ఫలితాలు విడుదల నేపథ్యంలో ఆదివరా జనసేన పార్టీకి చెందిన 11వార్డు అభ్యర్ధిని గోనే భారతి గుండె పోటుతో మ్రుతి చెందారు. దీనితో జనసేన పార్టీలో విషాదం నెలకొంది. ఈ విషయం తెలిసిన పార్టీ అధ్యక్షుడు పవన్ కళ్యాణ్ తీవ్ర దిగ్బ్రాంతిని వ్యక్తిని చేశారు. మున్సిపల్ ఎన్నికల వేళ ఈ విధమైన వార్త వినడం శోచనీయమని మీడియా ముఖంగా ప్రకటించారు. త్వరలోనే ఈ కుటుంబాన్ని పవన్ కళ్యాణ్ పరామర్శించే అవకాశం వుంది. మొత్తం 98 వార్డులున్న జివిఎంసీ మున్సిపల్ కార్పోరేషన్ లో ఇలాంటి ఘటన జరగడం ప్రాధాన్యత సంతరించుకుంది. సుమారు 14ఏళ్ల తరువాత జరిగిన ఈ ఎన్నికల ఫలితాల్లో పోటీలో ఉన్న అభ్యర్ధిని మ్రుతి రాజకీయంగా చర్చనీయాంశం అయ్యింది..

Visakhapatnam

2021-03-14 09:28:17

అవినీతి అధికారిణిని ఆగమేఘాలపై తీసుకొస్తున్నారు..

ప్రభుత్వంలో అవినీతి అధికారులను ఏశాఖ ముఖ్య అధికారులైనా, ప్రజాప్రతినిధులనైనా పక్కనపెడతారు.. విచిత్రంగా పంచాయతీరాజ్ శాఖలో అవినీతికి నిలువెత్తు నిలువటద్దమైన అధికారిణిని ఆగమేఘాలపై విశాఖజిల్లాకు జిల్లా పంచాయతీ అధికారిణిగా తీసుకు వస్తున్నారు. అదీ రెండు లక్షల రూపాయల దుర్వినియోగం కేసులో విజిలెన్సు విచారణ పెండింగ్ లో ఉండగా.. అదొక్కటే కాదు సుమారు 56 లక్షల నిధుల విషయంలో కూడా ఈమె రాతపూర్వక ఫిర్యాదులున్నాయి.. తూర్పుగోదావరి జిల్లా మొత్తం ఈమె అవినీతిపై కోడై కూస్తోంది. అదే విషయాన్ని విశాఖలోని మీడియా మొత్తం నెత్తీనోరూ కొట్టుకొని పనిగట్టుకొని ప్రచారం చేస్తున్నా ఆ అధికారిణి సుభాషిణికి విశాఖలో డిపీఓగా పోస్టింగ్ ఇవ్వడంపై సర్వత్రా అనుమానాలు వ్యక్తం అవుతున్నాయి. ఈ విషయమై రాష్ట్ర సచివాలయం నుంచే కాకుండా తూర్పుగోదావరి జిల్లా నుంచి కూడా చాలా మంది  ఈఎన్ఎస్ నేషనల్ న్యూస్ ఏజెన్సీకి అధికార యాప్ ఈఎన్ఎస్ లైవ్ కి ఫోన్లు చేసి వాట్సప్ ద్వారా ఆమె అవినీతికోసం సమాచారం అందించారు. ఒక్కసారి ఆ అధికారిణి తెలివితేటలు, ఆమె నెట్వర్క్ కోసం తెలుసుకుంటే ఎవరికైనా కళ్లు బైర్లు కమ్ముతాయి. అవినీతికి బ్రాండ్ అంబాసిడర్ గా ప్రభుత్వం ముద్రవేసి ఆమెను ఏజెన్సీ ప్రాంతం విఆర్ పురం బదిలీ చేస్తే.. విశాఖలో డిపిఓను పరిపాలనా పరమైన ఆదేశాలతో బదిలీ చేస్తున్నారని తెలుసుకొని, ఆరు నెలలుగా లాంగ్ లీవ్ పై వున్న ఆ అధికారిణి వేరేచోట పోస్టింగ్ కోసం రెండు రోజుల క్రితం విఆర్ పురంలో జాయిన్ అయ్యారు. అలా జాయిన్ కాకపోతే ఆమెను బదిలీచేయడం కుదరదు. ఆ సాంకేతిక కారణం సచివాలయ అధికారుల ద్వారా తెలుసుకొని చక్రం తిప్పగలిగారంటే ఈ అధికారిణి అడ్డదారేంటో మీరే చెప్పాలి. ఇక ప్రభుత్వ నిబంధనల ప్రకారం విజిలెన్సు విచారణ అవినీతి ఆరోపణలున్న అధికారులకు ఆ శాఖ ఉన్నతాధికారులు పోస్టింగులు ఇవ్వరు..ఇవ్వకూడదు.. దానికితోడు రెండు లక్షల ప్రభుత్వ నిధుల దుర్వినియోగం కేసులో తూర్పుగోదావరి జిల్లా పంచాయతీ అధికారి విచారణ ఈమె వ్యవహారం పై విచారణ చేస్తున్నారు. అదే సమయంలో విజిలెన్సు ఎంక్వైరీ కూడా పెండింగ్ లోవుంది. జిల్లా కలెక్టర్ సైతం ఈమె వ్యవహారంలో చాలా కోపంగా ఉన్నారు. జిల్లా పంచాయతీని మొత్తం సర్వనాశం చేసి జిల్లాకు చెడ్డపేరు తీసుకువచ్చారనే కారణంతో అంతా మండిపడుతున్నారు. ఇంతమందినీ దాటుకొని నేరుగా విశాఖ అడ్డదారిలో వచ్చేయడానికి ఈ అధికారిణి ఎలా నెట్వర్క్ చేసి జీఓ రప్పించుకోగలిగారు.  డిపిఓ సుభాషిణి విశాఖ వస్తున్నారని తెలియగానే విశాఖలోని మీడియా సంస్థలన్నీ ఆమె అవినీతిని రెండురోజులుగా చూపిస్తూ వచ్చాయి. అయితే సాంకేతిక విషయాలను మాత్రం ఈ అధికారణి కోసం ఈఎన్ఎస్ కి ప్రత్యేకంగా కొంత మంది వివరాలు అందించారు. దీనితో రంగంలోకి దిగిన ఈఎన్ఎస్ లైవ్ యాప్ అసలు విషయాన్ని బయటకు తీసుకు రావడానికి ఈ ప్రత్యేక కధనాన్ని ప్రచురించాల్సి వచ్చింది. ఈమె అవినీతి విషయాలన్నీ ఆధారాలతో రుజువు కావడంతో ఆమెపై వేటువేయాలని విచారణ అధికారులు కూడా ప్రభుత్వానికి నివేదిక ఇస్తే ఏకంగా విశాఖజిల్లా లాంటి ప్రతిష్టాత్మక జిల్లాకు పంచాయతీ అధికారణిగా పోస్టింగ్ వేయడంపై అనుమానాలు వ్యక్తం అవుతున్నాయి. అవినీతి అధికారిణికి పోస్టింగ్ ఇవ్వడానికి ఓ మంచి పరిపాలనా దక్షత ఉన్న విశాఖజిల్లా డిపిఓ క్రిష్ణకుమారిని బదిలీచేయడంపైనా సర్వత్రా చర్చనీయాంశమవుతున్నాయి. ఒక్క అధికారిణి కోసం ఆమె చేసిన అవినీతి వ్యవహారాలన్నీ ఒకేసారి వైరల్ చేస్తున్నా ప్రభుత్వం ఇప్పటి వరకూ ఎలాంటి నిర్ణయం తీసుకోలేదు. ఈ విషయం కాస్త జిల్లా ఇన్చార్జి మంత్రి కన్నబాబు, జిల్లా మంత్రి అవంతి శ్రీనివాస్, పంచాయతీరాజ్ శాఖ ఉన్నతాధికారుల వరకూ వెళ్లింది. మరి ప్రభుత్వం ఈ అవినీతి అధికారిణినే విశాఖ జిల్లా డిపిఓగా నియమిస్తుందా లేదంటే మంచి అధికారిని తీసుకు వస్తారా అనేది తేలాల్సి వుంది.

Tadepalle

2021-03-03 20:11:39

గంజాయి సేవిస్తున్న వ్యక్తులు పట్టివేత..

ఆంధ్రవిశ్వవిద్యాలయం ప్రాంగణంలో గంజాయి సేవిస్తున్న బయటి వ్యక్తులు నలుగురిని ఏయూ సెక్యూరిటీ సిబ్బంది పట్టుకున్నారు. వీరిపై పోలీసు వారికి ఫిర్యాదు చేశారు. గురువారం మద్యాహ్నం ఏయూ గోల్డెన్‌ ‌జూబ్లీ మైదానం ప్రాంగణంలో గంజాయి సేవిస్తున్న నలుగురు యువకులను ఏయూ సెక్యూరిటీ సిబ్బంది దాడిచేసి పట్టుకున్నారు. ఏయూ చీఫ్‌ ‌సెక్యూరిటీ అధికారి మహ్మద్‌ ‌ఖాన్‌ ‌నేతృత్వంలో సెక్యూరిటీ సిబ్బంది నిరంతరం వర్సిటీలో నిఘా కల్పిస్తున్నారు. సెక్యూరిటీ సిబ్బందితో వర్సిటీ ప్రాంగణంలో నిరంతరం పర్యవేక్షణ జరుపుతున్నారు. ఇటీవల మహ్మద్‌ ‌ఖాన్‌ ‌చీఫ్‌ ‌సెక్యూరిటీ అధికారిగా బాధ్యతలు చేపట్టిన నాటి నుంచి వర్సిటీ ప్రాంగణాలలో సెక్యూరిటీని పూర్తిస్థాయిలో అప్రమత్తం చేస్తూ ఎటువంటి అసాంఘిక సంఘటనలు జరగకుండా చర్యలు తీసుకుంటున్నారు. దీనితో వర్సిటీలో ప్రశాంత వాతావరణాన్ని కల్పించడానికి పూర్తిస్థాయిలో కృషిచేస్తున్నారు. ఈ సందర్భంగా సిఎస్‌ఓ ‌మహ్మద్‌ ‌ఖాన్‌ ‌మాట్లాడుతూ విశ్వవిద్యాలయ పరిసరాలలో బయటి వ్యక్తుల ప్రవేశాలను, అసాంఘిక కార్యక్రమాలను పూర్తిస్థాయిలో నిలువరించడం జరుగుతోందన్నారు.

Visakhapatnam

2021-02-25 21:30:58

దుర్గగుడి ఏసీబీ కేసు టార్గెట్ ఎవరిపై..

విజయవాడ ఇంద్రకీలాద్రి పై వేంచేసివున్న శ్రీ కనక దుర్గఅమ్మవారి ఆలయంలో  విచ్చలవిడిగా జరుగుతున్నట్లు వచ్చిన అవినీతి ఆరోపణలపై ఏసిబి అధికారులు మూడు రోజులపాటు వివిధశాఖలు తనిఖీ చేసి, ఈ రోజు  ప్రభుత్వానికి నివేదిక అందించారని తెలిసింది.  ఏసీబీ తన నివేదికలో దేవాదాయ శాఖ ఉన్నత స్థాయిలో ఉన్న అధికారులు  ఆలయంలో అవకతవకలకు పాల్పడ్డారని, దానికి ప్రధాన కారణం ఈఓ సురేష్ బాబేనని ఆనివేదికలో వెల్లడించినట్లు తెలిసింది. స్వాధీనం చేసుకున్న రికార్డులు కూడా నివేదికతోపాటు అందజేశారు. శానిటేషన్ టెండర్లు, మ్యాక్స్ సంస్థకు సెక్యూరిటీ టెండర్లలో నిబంధనలకు వ్యతిరేకంగా అనుమతులు ఇచ్చినట్టు గుర్తించారు. భక్తులు అమ్మవారికి ఇచ్చిన చీరలు గల్లంతైనట్టు గుర్తించారు. ప్రసాదాల స్టోర్స్‌లో లెక్కలు తేలనట్టు నివేదికలో ఏసీబీ తెలిపినట్లు విశ్వసనీయవర్గాల సమాచారం. ప్రభుత్వం ఈ నివేదికను పరిశీలించిన అనంతరం తీసుకునే నిర్ణయంపై ఈఓ సురేష్ బాబు ని అరెస్ట్ చేసి కోర్టులో ప్రవేశపెట్టే అవకాశం ఉన్నట్లు తెలుస్తోంది. అయితే నిన్ననే   విశాఖపట్నంలోని ఒక ఆశ్రమ అధిపతి ఆశీస్సులు పొంది తిరిగివచ్చారని ప్రచారం జరుగుతుంది. ఈ కారణంపై ఆయనపై చర్యలు ఉంటాయో లేదో అని అనుమానం పలువురు  వ్యక్తం చేస్తుండగా, ఆసీస్సులు లేని మరికొందరిపై కూడా అరెస్ట్ వేటు తప్పదని తెలుస్తోంది. ఏసీబీ స్వాధీనం చేసుకున్నట్లు చెప్పబడుతున్న నెలవారీ ఎవరికెంత ముట్టచెపుతున్నట్లు నమోదుచేస్తున్న అనామతు పుస్తకం కూడా ఈరోజు ప్రభుత్వానికి అందించిన వాటిల్లో ఉందా లేదా అనే అనుమానాలు వ్యక్తం అవుతున్నాయి. అదే కనుక బయట పెట్టినట్లైతే ఏ స్థాయినుండి ఏ స్థాయి లోనివారికి  భక్తులు భక్తి శ్రద్ధలతో సమర్పించుకున్న అమ్మవారి సొమ్ము దారి మళ్లి పోతోందనేది వెళ్లడవుతుందని చెబుతున్నారు.  చల్లగా చూడాలని తాము భక్తి శ్రద్ధలతో సమర్పించుకున్న కానుకలు కొందరు అవినీతిపరులు పప్పుబెల్లల్లా దిగమింగుతుంటే అమ్మ అలాంటి దుర్మార్గులను శిక్షించకుండా ఉంటుందాని కూడా చెవులు కొరుక్కుంటున్నారు.  అసలు అమ్మవారి ఆలయ నీడలో పెరిగిన పలువురు పిండాలు తిన్నవారు, కొబ్బరిచిప్పలు ఏరుకునేవారు అంటూ ఒకరిపై మరొకరు చేసుకునే విమర్శలు తరచు మీడియాలో  రావటంతో, అసలు అమ్మనీడలోనే ఇలాంటి నాయకులు ఏదుగుతున్నారా? అనే ప్రశ్న వ్యక్తం అవుతోంది. ఏమైనా ఈరోజు ఏసీబీ సమర్పించిన నివేదికతో పలువురు అరెస్ట్ కాక తప్పేటట్లు లేదని,మరి కొందరికి బదలీ వేటు తప్పకపోవచ్చునని చెబుతున్నారు. అసలు ఆ నివేదిక ఎవరిపై వేటువేస్తుందో వేచి చూడాలి..

Vijayawada

2021-02-22 16:16:55

అగ్నికి ఆహుతైన పీచు పరిశ్రమ..

విశాఖజిల్లా ఎస్.రాయవరం మండలం కొరుప్రోలు గ్రామంలోగల పీచు పరిశ్రమలో అగ్నిప్రమాదం సంభవించింది. సోమవారం శ్రీ సిద్ధిబావజ్ఞ రోప్ ఇండస్ట్రీ లో  ఆరుబయట ఆర బెట్టిన పీచులో మంటలు చెలరేగాయి. ఈ ప్రమాదంలో సుమారు నాలుగు లారీల ఆరబెట్టిన పీచుతో పాటు జాండ్లియర్ ట్రాక్టర్ అగ్నికి ఆహుతయ్యాయి.  నక్కపల్లి అగ్నిమాపక శకటం సిబ్బంది స్థానిక పీచు పరిశ్రమల సిబ్బంది మంటలను అదుపు చేసేందుకు కృషి చేస్తున్నారు. ఈ ప్రమాధానికి కారణాలు తెలియాల్సి వుంది. అధికారులు, పంచాయతీ సిబ్బంది సంఘటనా స్థలానికి చేరుకున్నారు. ప్రమాదానికి దారితీసిన కారణాలను అన్వేషిస్తున్నారు. ఈ ప్రమాదం ఎంత ఆస్థినష్టం వాటిందనే విషయాలు ఇంకా తెలియాల్సివుంది.

s.rayavaram

2021-02-22 12:31:15

విశాఖ సాగరతీరం పోలీస్ గస్తీమయం..

విశాఖసాగరతీరంపై నగర పోలీసులు డేగ కన్నువేశారు.. నిత్యం ఇక్కడ గస్తీని ఉంచుతూ ఏదో జరుగుతోందనే కోణంలో ప్రత్యేక దర్యాప్తు చేపడుతున్నారు. ముఖ్యంగా యువత బైక్ రైడింగ్ లను అదుపులో పెట్టడానికి, మాదక ద్రవ్యాల అమ్మకాలపై నిఘా ఉంచడానికి, సముద్రంలో పర్యాటకులు అకస్మాత్తుగా మునిగిపోతే కాపాడటానికి, వాహన నిబంధనలు పాటించకపోతే కేసులు పెట్టడానికి, ఈవ్ టీజింగ్ ను అదుపులో ఉంచడానికి అనేక కారణాలకు విశాఖ ఆర్కే బీచ్ కేంద్రబిందువుగా మారడటంతో ఏకం 190 మంది పోలీసులతో సాగరతీరాన్ని జల్లెడ పడుతున్నారు నగర పోలీసులు. అదే సమయంలో బీచ్ వ్యూ అపార్ట్ మెంట్ల పైనా కన్నేస్తున్నారు పోలీసులు. ఎంతో ప్రశాంతంగా వున్న విశాఖలో కొందరు వ్యక్తులు కావాలని చేస్తున్న వ్యవహారాలు, వ్యాపారాలు, మాదక ద్రవ్యాల వినియోగం ఇలా అన్నింటినీ నిరోధించేందుకు సిపి తీసుకున్న చర్యలు ఫలిస్తున్నాయనే చెప్పాలి. ముఖ్యంగా మహిళలు దైర్యంగా పోలీసులను చూస్తూ సాగరతీరంలో దైర్యంగా తిరగ గలుగుతున్నారు. అదేసమయంలో కొందరు పోలీసులను చూస్తూ భయపడి కూడా దూరంగా జరుగుతున్నారు. మొత్తానికి ప్రతీ అరకిలోమీటరుకొక పోలీసు మాత్రం సాగర తీరంలో ఏర్పాటు చేయడంతో పోలీసుశాఖకు ట్రాఫిక్ అతిక్రమణల నుంచి కూడా ఆదాయం చలానాల్ల రూపంలో గట్టిగానే వస్తోంది. ముఖ్యంగా ప్రజలకు రక్షణ కల్పించే విషయంలో తీసుకున్న ఈ చర్యలు మంచి ఫలితాలను ఇవ్వడంతో ప్రజలు పోలీసుల గస్తీని స్వాగతిస్తున్నారు.

Beach Road

2021-01-09 20:30:41

మాజీ మంత్రి భూమా అఖిలప్రియ అరెస్టు..

టీడీపీ నేత, మాజీ మంత్రి, భూమా అఖిల ప్రియను తెలంగాణ పోలీసులు బుధవారం అరెస్ట్ చేశారు. బోయిన్ పల్లి కిడ్నాప్ కేసులో అఖిల ప్రియను అరెస్ట్ చేసి ఆమె వాహనంలోనే బోయిన్ పల్లి పోలీస్ స్టేషన్ కు తరలించారు. నిన్న రాత్రి సికింద్రాబాద్ బోయిన్ పల్లి మనోవికాస్ నగర్ లో ఉండే ప్రవీణ్ కుమార్, ఆయన సోదరులు సునీల్ రావు, నవీన్ రావును దుండగులు బలవంతంగా కారులో తీసుకువెళ్లారు. రాయలసీమకు చెందిన ముఠా సభ్యులే ఈ కిడ్నాప్ చేశారని ప్రవీణ్ కుమార్ కుటుంబ సభ్యులు పోలీసులకు ఫిర్యాదు చేశారు. దీంతో సీపీ అంజనీ కుమార్ వెంటనే స్పందించి ప్రత్యేక బృందాలను ఏర్పాటు ఆమెను అరెస్టు చేశారు. ఈ కేసులో ముగ్గురు నిందితులను పోలీసులు ఇదివరకే అరెస్టు చేసిన పోలీసులు వారు ఇచ్చిన సమాచారంతో మరో 8 మందిని అదుపులోకి తీసుకుని విచారిస్తున్నారు. అఖిలప్రియ భర్త భార్గవ్ రామ్ సోదరుడు చంద్రహాస్ ను కూడా పోలీసులు అదుపులోకి తీసుకున్నట్లు సమాచారం. హఫీజ్‌పేటలోని రూ.100 కోట్ల విలువైన భూమి విషయంలో వచ్చిన గొడవల నేపథ్యంలోనే వీరిని కిడ్నాప్ చేసి బలవంతంగా సంతకాలు చేయించుకున్నట్లు భావిస్తున్నారు. భూమా అఖిల ప్రియను ఒక కిడ్నాప్ కేసులలో అరెస్టు చేయడం ప్రాధాన్యత సంతరించుకుంది..

హైదరాబాద్

2021-01-06 12:19:37
Downloads
ENS Live
About Us |
Privacy |
Contact Us |
Terms and Conditions
Copyright@2020ENSLive