అయితే దానికి మెజార్టీ సభ్యుల ఆమోదం మేరకే తమ సేవా కార్యక్రమాలు, సంక్షేమ కార్యక్రమాలు, సభ్యత్వ కార్యక్రమాలు చేపట్టామని వివరించే ప్రయత్నం చేసినప్పటికీ, మీరు చేస్తున్నది చట్టవిరుద్ధమని జిల్లా రిజిస్ట్రార్ తేల్చిచెప్పారు. జనరల్ బాడీ సమావేశాలు లేకుండా, సభ్యుల ఆమోదం లేకుండా, ప్రభుత్వ నిబంధనలు పాటించకుండా 11ఏళ్లు ఏ విధంగా నిర్వహణ ఏవిధంగా చేస్తారని ప్రశ్నించినపుడు కూడా... కొంతమంది సభ్యులు  ప్రెస్ క్లబ్ పై కోర్టు కేసులు వేశారని అందుకే ఆలస్యం అయ్యిందని సమాధానం ఇచ్చారు. దానిపైనా జిల్లా రిస్ట్రార్ మాట్లాడుతూ, అలా కోర్టు కేసులు వేసిన విషయాన్ని అయినా సర్వసభ్య సమావేశం పెట్టి సభ్యులకు చెప్పారా? చెబితే దానికి సంబంధించిన ఆధారాలు, మినిట్స్, ఇవ్వాలని కనీసం కొంత సమయం కావాలని కోరారా? అన్నిప్రశ్నించడంతో మళ్లీ తెల్లమొహం వేశారు సదరు నిర్వహకులు. ఇలా జిల్లా రిజిస్ట్రార్ ప్రభుత్వ నిబంధనలు, ఆంధ్రప్రదేశ్ సొసైటీ యాక్టును అనుసరించి వేసిన ప్రశ్నలకు వీరిదగ్గర సమాధానాలు లేకపోవడంతో, రికార్డులు కూడా సక్రమంగా లేకపోవడంతో సుమారు గంటపాటు జరిగిన విచారణ అనంతరం వీరు నీరసంగా బయటకు రావాల్సి వచ్చింది. 

ఆ తరువాత ఫిర్యాదులు చేసిన వారిన కూడా జిల్లా రిజిస్ట్రార్ మూర్తి విచారించారు. వారి దగ్గర ఉన్న సమాచారాన్ని వారి ముందు ఉంచారు. చట్ట విరుద్ధ, అనధికార పాలకవర్గ అక్రమాలపై త్రిసభ్య కమిటీ కి పలు ఆధారాలు సమర్పించారు  వీజేఎఫ్ సీనియర్ సభ్యులు యుగంధర్ రెడ్డి, ఎస్.ఎస్ .శివ శంకర్, జి. జనార్ధన రావు, ఈశ్వర్ చౌదరి,  బంటయ్యలు. కాగా మొత్తం విచారణలో కోశాధికారి పాత్రవిషయంలోనూ, లెక్కల విషయంలోనూ చాలా అంశాలకు సమాధానాలు లేకపోవడంతో కమిటీ మొత్తం అంతర్మధనంలో పడింది. ఎలాగైనా ఈ విచారణ నుంచి సేఫ్ గా బయట పడేందుకు వారి వెనుక ఒక న్యాయవాధిని కూడా తీసుకెళ్లినట్టు చెబుతున్నారు. అయితే నిబంధనల ప్రకారమే అంతా చేసినపుడు విచారణ సమయంలో న్యాయవాదిని ఎందుకు వెంట పెట్టుకొని వెళ్లాల్సి వచ్చిందనే కోణంలో ఇపుడు యావత్ ప్రెస్ క్లబ్ సభ్యుల్లోనూ అనుమానాలు మొదలయ్యాయి. చూడాలి విచారణ మొత్తంలో ఎలాంటి వాస్తవాలు బయటకు వస్తాయనేది..!

హెచ్ పీ సీ ఎల్ రిఫైనరీలో సోమవారం రాత్రి  అగ్నిప్రమాదం సంభవించింది. ఈ ఘటనలో ఇద్దరు కార్మికులకు గాయాలయ్యాయి. వివరాల్లోకి వెళ్తే ప్లాంట్ లో‌ఇ ఈటీపీ ప్రాంతంలో సోమవారం రాత్రి 11.20 గంటల సమయంలో క్రూడ్ ఆయిల్ ఒక్కసారిగా లీకయ్యింది. వెంటనే మంట లు చెలరేగడంతో సిబ్బంది అప్రమత్తమయ్యారు. వాల్వులని కట్టెయ్యడంతో క్రూడ్ ఆయిల్ లీకేజీ నిలువరించారు. హుటాహుటిన హెచ్ పీసీఎల్ అగ్నిమాపక సిబ్బంది అక్కడికి చేరుకొని మంటల్ని అదుపులోకి తీసుకున్నారు. ఈ ఘటన లో అక్కడే విధులు నిర్వర్తిస్తున్న ఇద్దరు కార్మికులకు గాయాలయ్యాయి. క్షతగాత్రుల్ని ఆస్పత్రికి తరలించారు. ప్రస్తూతం ప్లాంట్ లో పరిస్థితి అదుపులోకి వచ్చిందని.. సాంకేతిక లోపం తలెత్తడం వల్లే ప్రమాదం సంభవించినట్లు ప్రాధమికంగా నిర్థరించినట్లు హెచ్ పీ సీఎల్ అధికారులు వెల్లడించారు.