రాష్ట్ర ప్రభుత్వం క్రీడా రంగానికి అత్యధిక ప్రాధాన్యత కల్పిస్తున్నదనీ రాష్ట్ర పర్యాటక, సాంస్కృతిక, యువజన సర్వీసులు, క్రీడాశాఖ మంత్రి ముత్తం శెట్టిి శ్రీనివాసరావు పేర్కొన్నారు. సోమవారం కేంద్ర  యువజన సర్వీసుల, క్రీడలు మంత్రిత్వ శాఖ ఏర్పాటు చేసిన వర్చువల్ కాన్ఫరెన్స్లో మంత్రి పాల్గొన్నారు. ఈ సందర్భంగా మంత్రి మాట్లాడుతూ రాష్ట్ర ప్రభుత్వం క్రీడలకు అధిక ప్రాధాన్యతను కల్పిస్తూ క్రీడాకారులను ప్రోత్సహిస్తోందన్నారు. దేశంలోనే ఆంధ్రప్రదేశ్ అతిపెద్ద కోస్తా తీర ప్రాంతాన్ని కలిగి ఉన్నదని వాటర్ స్పోర్ట్స్ శిక్షణా తరగతులకు అనుకూలమైన వాతావరణం ఉందన్నారు .ఈ ప్రాంతం నుండి జాతీయ, అంతర్జాతీయ స్థాయిలో మెడల్స్ పొందిన క్రీడాకారులు ఉన్నారన్నారు.  క్రీడాకారులను ప్రోత్సహించడానికి  వీలుగా ఖేలో ఇండియా స్కీమ్ లో భాగంగా క్రీడలకు అవసరమైన మౌలిక వసతులు కల్పించడానికి అవసరమైన బడ్జెట్ ని కేటాయించాల్సిందిగా కోరారు.  ఖేలో ఇండియా స్కీం 2019-20 సంవత్సరానికి సంబంధించి కాకినాడలో  ఆస్ట్రో తర్ఫ్  హాకీ ఫీల్డ్ ప్రాజెక్టు 5.50 కోట్ల వ్యయం తో పనులు జరుగు తున్నాయనీ,95 శాతం పూర్తయింది అన్నారు. రూ6 కోట్లతో విజయ నగరం జిల్లాలో మల్టీపర్పస్ ఇండోర్ హాల్  నిర్మాణ పనులు 90% పూర్తయ్యాయి అన్నారు. రూ 8 కోట్లతో నెల్లూరు జిల్లాలో మల్టీపర్పస్ స్పోర్ట్స్ కాంప్లెక్స్ 98 శాతం పనులు పూర్తయ్యాయి అన్నారు. రూ 4.50 కోట్ల తో మల్టీపర్పస్ ఇండోర్ హాల్ బేస్మెంట్ లెవెల్లో ఉన్నాయన్నారు.కేంద్ర ప్రభుత్వం ఖేలో ఇండియా స్కీం  కొత్త ప్రతిపాదనలో భాగంగా  కడప , నెల్లూరు జిల్లాల్లో సింథటిక్ అథ్లెటిక్  ట్రాక్, కర్నూల్ లో సింథటిక్ టర్ఫ్ ఫుట్ బాల్ గ్రౌండ్, విశాఖ జిల్లాలో కొమ్మాది వద్ద అంతర్జాతీయ ప్రమాణాలతో కూడిన స్విమ్మింగ్  పూల్ నిర్మాణాలకు ప్రతి పాదనలను పంపడం జరిగిందన్నారు.

       కేంద్ర ప్రభుత్వం నూతన గైడ్ లైన్లు ప్రకారం పదమూడు జిల్లా స్థాయి ఖే లో ఇండియా సెంటర్ల ఏర్పాటుకు SAAP ప్రతిపాదనలను సమర్పించడం జరిగిందన్నారు. స్కూల్ గేమ్స్ ఫెడరేషన్ ఆఫ్ ఇండియా లో  భాగంగా 2021-22  సం నికి రాష్ట్రంలో స్పోర్ట్స్ క్యాలెండరు లో 38 రకాల టోర్నమెంట్లు  స్కూల్ గేమ్స్ అండర్ 14, అండర్17, అండర్19  పెట్టడం జరిగిందన్నారు.  వై ఎస్ ఆర్ క్రీడా ప్రోత్సాహకాలు కింద జాతీయ , అంతర్జాతీయ స్థాయి మెడల్స్ పొందిన క్రీడా కారులకు నగదు ప్రోత్సాహకాలను అందించడం జరుగుతున్నదన్నారు. కోవిడ్ నేపథ్యం లో ఈ సం. ఆగస్ట్ నుండి   స్టాండర్డ్ ఆపరేటింగ్ ప్రొసీజర్ నిబంధన ల ప్రకారం క్రీడా కార్యక్రమాలను తిరిగి పునః ప్రారంభించడం జరిగిందనీ , పీ ఈ టీ లు, కోచ్ ద్వారా ఆన్లైన్ శిక్షణ ఇవ్వడం జరుగతున్నదన్నారు. విశాఖ జిల్లా లో గ్రామీణ క్రీడా పోటీలను ఖెలో ఇండియా శాప్ ఆధ్వర్యంలో నిర్వహించడం జరిగిందన్నారు. కబడ్డీ, ఖో ఖో, వాలి బాల్, అథ్లెటిక్స్ ఇంటర్ స్టేట్ పోటీలను కూడా నిర్వహించడం జరుగుతుందన్నారు.

       రాష్ట్ర ప్రభుత్వం   ప్రభుత్వ, జడ్ పీ , ట్రైబల్, మోడల్ స్పోర్ట్స్ ,ఏపీస్పోర్ట్స్ స్కూల్స్ లో వివిధ క్రీడలు లో ఆసక్తి ఉన్న 6సం లోపు, 9సంల లోపు,12 సం లోపు ఉన్న పిల్లలకు లాంగ్ టర్మ్ అథ్లెటిక్ డెవలప్మెంట్ ప్రోగ్రామ్ నిర్వహిస్తుందన్నారు.  పట్టణ, గ్రామీణ ప్రభుత్వ పాఠశాలల్లో యోగా క్లాసు లను నిర్వహిస్తున్నారన్నారు .అదేవిధంగా టా క్వ్ండో, త్రో బాల్,రింగ్, టెన్ని కాయిట్, తగ్- ఆఫ్ -వార్ తది తర క్రీడలను ప్రారంభించడం జరిగిందన్నారు.

          విశాఖ జిల్లాలో కొమ్మాదిలో స్పోర్ట్స్ కాంప్లెక్స్, యలమంచిలి లో మల్టి పర్పస్ ఇండోర్ హాల్, పర్వాడలో మినీ స్టేడియం, పాండు రంగా పురం లో ఇండోర్ హాల్, రుషి కొండ లో శాప్ వాటర్ స్పోర్ట్స్ సెంటర్ ల ఏర్పాటుకు  అను కూలంగా  ఉందన్నారు.  వీడియో కాన్ఫరెన్స్ లో జిల్లా క్రీడా అభివృద్ది శాఖాధికారి సూర్యారావు పాల్గొన్నారు.

సమాజసేవలో జర్నలిస్టుల పాత్ర ప్రశంసనీయమని, వారికి ప్రభుత్వపరంగా తగిన సహాయ సహకారాలు అందిస్తామని రాష్ర్ట పర్యాటక, యువజన, క్రీడల శాఖామంత్రి ముత్తంశెట్టి శ్రీనివాసరావు పేర్కొన్నారు. సోమవారం వైజాగ్ పోర్టు మైదానంలో వైజాగ్ జర్నలిస్టుల ఫోరం, సిఎంఆర్ ఇంటర్ మీడియా స్పోర్ట్స్ మీట్ ను మంత్రి ముఖ్యఅతిధిగా హాజరై ప్రారంభించారు. ఈ సందర్భంగా మంత్రి మాట్లాడుతూ నిరంతరం ప్రజా సంక్షేమం కోసం పాటుపడే జర్నలిస్టులు ప్రతీ ఏటా క్రమం తప్పకుండా ఇంటర్ మీడియా, రాష్ర్టస్థాయి క్రీడా పోటీలు నిర్వహించుకోవడం అభినందనీయమన్నారు. జర్నలిస్టులు ఇటువంటి క్రీడల్లో పాల్గొనడం వల్ల మానసిక ప్రశాంతతో పాటు మెరుగైన ఆరోగ్యం లభిస్తుందన్నారు. విద్యావేత్తగా, రాజకీయ నాయకుడిగా తాను ఈ స్థాయికి ఎదిగేందుకు ఎంతో మంది జర్నలిస్టులు అందించిన సహకారం తాను జీవితంలో మరువలేనన్నారు.  మూడు దశాబ్ధాలకు పైబడి జర్నలిస్టులు సంక్షేమానికి వైజాగ్ జర్నలిస్టుల ఫోరం చేస్తున్న కృషి అభినందనీయమన్నారు. దేశంలోనే అనేక ప్రెస్ క్లబ్ లకు వైజాగ్ జర్నలిస్టుల ఫోరం ఆదర్శనీయమన్నారు. విద్య, వైద్యంతో పాటు పండుగల నిర్వహణ, ఇతర సంక్షేమ కార్యక్రమాలు నిర్వహిస్తున్న వీజెఎఫ్ సేవలను మంత్రి కొనియాడారు. త్వరలోనే జర్నలిస్టులకు అనేక సంక్షేమ కార్యక్రమాలను అమలు చేసేందుకు ప్రభుత్వం సిద్ధంగా ఉందన్నారు. గౌరవ అతిధిగా హాజరైన నగర మేయర్ గొలగాని హరివెంకటకుమారి మాట్లాడుతూ జర్నలిస్టులు సహకారం ప్రశంసనీయమన్నారు. క్రీడల్లో పాల్గొనడం వల్ల క్రీడా స్పూర్తితో పాటు అందరూ ఒకే వేధికపై కలుసుకునే అవకాశం కలుగుతుందన్నారు. నగరాభివృద్ధిలో జర్నలిస్టులు సంపూర్ణ సహకారం అందిస్తున్నారన్నారు. క్రీడలు విజయవంతం కావాలని మంత్రి, మేయర్ లు క్రీడాకారులకు శుభాకాంక్షలు తెలిపారు. వైజాగ్ జర్నలిస్టుల ఫోరం అధ్యక్ష, కార్యదర్శులు గంట్ల శ్రీనుబాబు, ఎస్.దుర్గారావులు మాట్లాడుతూ అందరి సహకారంతోనే అనేక సంక్షేమ కార్యక్రమాలు విజయవంతంగా నిర్వహించగలుగుతున్నామన్నారు. తమ పాలకవర్గం హయాంలో సంక్షేమ కార్యక్రమాలకు అత్యధిక ప్రాధాన్యత ఇచ్చామన్నారు. ఈనెల 28 వరకు పోర్టు, స్వర్ణభారతి ఇతర వేధికలపై ఈ క్రీడా పోటీలు నిర్వహిస్తామన్నారు. ఈనెల 22 నుంచి క్రికెట్ పోటీలు ప్రారంభమవుతాయన్నారు. వీజెఎఫ్ ఉపాధ్యక్షులు ఆర్.నాగరాజుపట్నాయక్ స్వాగతం పలికిన ఈ కార్యక్రమంలో మరో ఉపాధ్యక్షులు టి.నానాజీ, జాయింట్ సెక్రటరీ దాడి రవికుమార్, స్పోర్ట్స్ జర్నలిస్టుల అసోసియేషన్ అధ్యక్ష, కార్యదర్శులు ఉమాశంకర్ బాబు, జి.సాంబశివరావుతో పాటు వీజెఎఫ్ కార్యవర్గ సభ్యులు ఇరోతి  ఈశ్వరరావు, ఎమ్ఎస్ఆర్ ప్రసాద్, దివాకర్, డేవిడ్ రాజ్, గిరిబాబు, గయాజ్, శేఖరమంత్రి, సనపల మాధవరావు తదితరులు పాల్గొన్నారు. 

అట్టహాసంగా క్రీడలు ప్రారంభం..

వీజెఎఫ్-సిఎంఆర్ - విస్జా ఇంటర్ మీడియా స్పోర్ట్స్ మీట్ ను మంత్రి ముత్తంశెట్టి శ్రీనివాసరావు, నగర మేయర్ గొలగాని హరివెంకటకుమారి, వీజెఎఫ్ కార్యవర్గం అట్టహాసంగా ప్రారంభించింది. తొలుత క్రీడాకారులందరూ  మార్చ్ ఫాస్ట్ నిర్వహించగా మంత్రి, మేయర్ గౌరవ వందనం స్వీకరించారు. అనంతరం గాలిలోకి బెలూన్లు ఎగురవేసి క్రీడలను ప్రారంభించారు. తదుపరి టగ్ ఆఫ్ వార్ లో మంత్రి, మేయర్ జట్లు పాల్గొన్నాయి. సరదాగా జరిగిన ఈ మ్యాచ్ లో మేయర్ జట్టు విజయం సాధించింది. అనంతరం మంత్రి, మేయర్ కాసేపు క్రీకెట్ ఆడి సందడి చేశారు. ఇదిలా ఉండగా క్రీడాకారులకు మెడీకవర్ ఆసుపత్రి సౌజన్యంతో ఉచితంగా వైద్య పరీక్షలు నిర్వహించింది. పండుగ వాతావరణంలో వైజాగ్ జర్నలిస్టుల ఫోరం ఇంటర్ మీడియా స్పోర్ట్స్ మీట్ ప్రారంభం కాగా వారం రోజుల పాటు ఇది కొనసాగనుంది. 13 అంశాల్లో హోరాహోరీగా పోటీలు సాగనున్నాయి. తొలిరోజు పురుషులు, మహిళా జర్నలిస్టులకు సంబంధించిన అథ్లెటిక్స్ పోటీలను ఘనంగా నిర్వహించారు. మంగళవారం క్యారెమ్స్, చెస్, షటిల్ బ్యాట్మెంటెన్ పోటీలు స్వర్ణభారతి స్టేడియం వేధికగా ప్రారంభం కానున్నాయి.

రాష్ట్రంలో క్రీడలను పెద్ద ఎత్తున ప్రోత్సహించేందుకు నూతన క్రీడా పాలసీని త్వరలో ప్రభుత్వం అమల్లోకి తీసుకురానున్నట్లు మంత్రి ముత్తం శెట్జి శ్రీనివాసరావు తెలిపారు. ముసాయిదా క్రీడా పాలసీ సిద్దమైందని, ముఖ్యమంత్రి ఆమోదంతో త్వరలో అది చట్టరూపం దాల్చనుందన్నారు. గ్రామీణా ప్రాంతాల్లో ఎంతో మంది ప్రతిభగల క్రీడాకారులు మట్టిలో మాణిక్యాలుగా దాగిఉన్నారని, వారందరినీ ప్రోత్సహించడంతో పాటు పెద్ద ఎత్తున మౌలిక వసతుల కల్పనకు  ఈ పాలసీ ఎంతగానో దోహదపడుతుందన్నారు. సి.ఎస్.ఆర్. క్రింద క్రీడా ప్రాంగణాల అభివృద్ది, క్రీడాకారుల దత్తత కార్యక్రమాన్ని కూడా ఈ పాలసీలో ప్రతిపాదించడం జరిగిందన్నారు.  రాష్ట్రవ్యాప్తంగా మూడు ప్రాంతాల్లో మూడు అంతర్జాతీయ స్థాయి స్టేడియంలను అభివృద్ది పర్చేందుకు చర్యలు తీసుకుంటున్నామన్నారు.  ప్రభుత్వ, ప్రైవేటు భాగస్వామ్యంతో 13 జిల్లాల్లో 15 క్రీడా ప్రాంగణాలను అభివృద్ది పరుస్తున్నట్లు మంత్రి తెలిపారు. ఖేల్ ఇండియా పథకంలో భాగంగా నాగార్జున యూనివర్సిటీ గ్రౌండును అభివృద్ది పర్చామని, విశాఖ జిల్లా కొమ్మాదిలో కూడా క్రీడా ప్రాంగణాన్ని అభివృద్ది పర్చనున్నట్లు ఆయన తెలిపారు. క్రీడా కారులను ప్రోత్సహించేందుకు వైఎస్ఆర్ క్రీడా పురస్కారాలను అందజేయడం జరుగుచున్నదని, గత రెండున్నర్ర ఏళ్లలో సుమారు రూ.6 కోట్ల మేర నిధులను వెచ్చించడం జరిగిందన్నారు. బ్యాడ్మింటన్ క్రీడాకారిణి పి.వి.సిందుకు విశాఖ నడిబొడ్డున రెండు ఎకరాల భూమిని ఇవ్వడం జరిగిందని, త్వరలో బ్యాడ్మింటన్ అకాడమీని ఆమె ప్రారంభించనున్నట్లు తెలిపారు.  అదే విధంగా ఒలింపిక్స్ లో పురస్కారాన్ని సాదించిన హాకీ క్రీడాకారిణి రజనీకి సుమారు రూ.85 లక్షల నగదును ప్రభుత్వం అందజేసిందని, ఆమె తమ్మునికి జాబ్ ను కూడా ఇవ్వడం జరిగిందని ఆయన తెలిపారు. ఏ.పి.టి.డి.సి. చైర్మన్ వరప్రసాద్ రెడ్డి మాట్లాడుతూ పరిశుభ్రతకు, భద్రతకు, ఆనందానికి, ఆహ్లదానికి కేంద్రాలుగా పర్యాటక హాటళ్లను తీర్చిదిద్దుతామని,  అవకాశం ఉన్నచోట్ల ఫ్లోటింగ్ రెస్టారెంట్లను, రోప్ వేలను ఏర్పాటు చేస్తామని,  ట్రైక్కింగ్ సౌకర్యాన్ని కల్పిస్తామని, ఉభయ గోదారి జిల్లాల్లో దీవులను ప్రభుత్వ, ప్రైవేటు భాగస్వామ్యంతో అభివృద్ది పరుస్తామని, ప్రస్తుతం ఉన్న పర్యాటక ప్రాంతాలకు అదనంగా మరి కొన్ని కొత్త ప్రాంతాలను గుర్తిస్తామని అన్నారు. రాష్ట్ర క్రీడా ప్రాధికారిక సంస్థ చైర్మన్ బైరెడ్డి సిద్దార్థరెడ్డి మాట్లాడుతూ అందరి సహకారంతో నూతన క్రీడా పాలసీని త్వరలో అమల్లోకి తెస్తామని, క్రీడాకారులను ప్రోత్సహిస్తూ క్రీడా ప్రాంగణాలను, మౌలిక వసతునలు పెద్ద ఎత్తున కల్పిస్తామని అన్నారు. సి.ఎస్.ఆర్. క్రింద క్రీడల అభివృద్దికి కృషిచేస్తామని, ఒడిస్సా, తమిళనాడు రాష్ట్రాల తరహాలో ఆంద్రప్రదేశ్ లో కూడా  ఒక ప్రత్యేక క్రీడను ప్రోత్సహించేందుకు చర్యలు తీసుకుంటామన్నారు. రాష్ట్ర పర్యాటక, సాంస్కృతి, యువజన శాఖ శాఖ స్పెషల్ చీఫ్ సెక్రటరీ డా.రజత్ భార్గవ్ , ఆంధ్రప్రదేశ్ పర్యాటక సంస్థ సి.ఇ.ఓ. ఎస్.సత్యనారాయణ తదితరులు ఈ సమావేశంలో పాల్గొన్నారు.  

వరల్డ్ అసోసియేషన్ ఆఫ్ కిక్ బాక్సింగ్ ఆర్గనైజేషన్ ఇండియా (డబ్ల్యూ ఏ కె ఓ ఇండియా) జాతీయ స్థాయిలో చలాది సతీష్ గోల్డ్ మెడల్ పొందారు. గోవాలోని పెద్దేమ్, మపూసా లో ఉన్న దయానంద్ బందోకర్ క్రీడా సంకూర్ మల్టీ పర్పస్ ఇండోర్ స్టేడియం లో ఈనెల 26 నుండి 29 రాత్రి వరకు నిర్వహించిన కిక్ బాక్సింగ్ పోటీలో మచిలిపట్నంకి చెందిన యువ క్రీడాకారుడు ఈయన 74 కె.జి ల కిక్ లైట్ కేటగిరి లోఉత్తరప్రదేశ్ కి చెందిన ఆలీ అజాజ్ పై విజయం సాధించారు. అలాగే  74కెజి ల లైట్ కాంటాక్ట్  కేటగిరిలో కేరళకు చెందిన అనిల్ కుమార్ పై గెలుపొంది సిల్వర్ మెడల్ సాధించి జాతీయ స్థాయిలో కర్ణాటకను మూడవ స్థానం లో నిలిపిన సతీష్ మచిలిపట్నంలోని ప్రముఖ జర్నలిస్ట్ చలాది పూర్ణచంద్ర రావు కుమారుడు. ఇప్పుడు బెంగళూరులోని "కాప్ జెమిని" లో సీనియర్ సాఫ్ట్ వేర్ ఇంజినీర్ గా పనిచేస్తున్న సతీష్ ఇప్పటికే కర్ణాటక రాష్ట్ర స్థాయిలో విజేతగా నిలిచి ఈ జాతీయ స్థాయికి ఎంపికయ్యేందుకు అర్హత సాధించి స్వర్ణపతకం గెలుపొందారు. ఒక ప్రక్క ఉద్యోగ బాధ్యతలు నిర్వహిస్తూనే క్రీడలపై వున్న ప్రత్యేక శ్రద్ధతో వ్యక్తిగతంగా ఈ క్రీడపై శిక్షణ పొంది జాతీయస్థాయిలో గోల్డ్ మెడల్ సాదించటం పట్ల కర్ణాటక క్రీడా మంత్రి,ఆ రాష్ట్ర క్రీడా మండలి,పలువురు ప్రముఖులు సతీష్ ని అభినందించారు. 4 రోజులపాటు జరిగిన ఈనేషనల్స్ లో దేశంలోని 31  రాష్ట్రాలనుండి షుమారు 1500 కి పైగా పురుష,మహిళా క్రీడాకారులు తమపేర్లు నమోదు చేసుకున్నారు. వీరిలో అస్సాం రైఫైల్స్ దళం ,అరుణాచల్ ప్రదేశ్ పోలీస్ బోర్డ్ కి చెందిన క్రీడా కారులు వున్నారు. ఈ పోటీలలో  వివిధ కెటగిరీలలో స్వర్ణపతకం సాధించిన విజేతలు 2022 మార్చిలో జరుగనున్న ఆసియన్ ఇన్ డోర్ మార్షల్ ఆర్ట్స్ పోటీలకు ఎంపికకు అర్హత సాధించారు.

కేంద్ర ప్రభుత్వం ప్రతిష్టాత్మకంగా ప్రారంభించిన 'ఫిట్ ఇండియా ఫ్రీడమ్ మార్చ్ 2.0' కార్యక్రమం లోగోను రాష్ట్ర పర్యాటక, సాంస్కృతిక, యువజన సర్వీసులు, క్రీడా శాఖామంత్రి ముత్తంశెట్టి శ్రీనివాసరావు ఆవిష్కరించారు. ప్రతిఒక్కరూ ఫిట్ నెస్ గా ఉండాలనే లక్ష్యంతో ఈ కార్యక్రమాన్ని కేంద్ర క్రీడల శాఖల మంత్రి అనురాగ్ ఠాకూర్ ఢిల్లీలో ప్రారంభించారు. విశాఖ జిల్లా స్పోర్ట్స్ అథారిటీ ఆధ్వర్యంలో ఈ కార్యక్రమాన్ని ఆగష్టు 13 నుంచి అక్టోబర్ 2 వరకూ దేశవ్యాప్తంగా జరుగనుంది. భారత్ కు స్వాతంత్ర్యం వచ్చి 75 ఏళ్ళు పూర్తయిన సందర్భంగా "ఆజాద్ కి అమృత్ మహోత్సవ్ " కార్యక్రమంలో భాగంగా చిన్నా, పెద్దా తేడా లేకుండా ఎవరైనా ఈ మార్చ్ లో పాల్గొని ఫిట్ నెస్ సాధించుకోవచ్చు. ఈ కార్యక్రమంలో జిల్లా క్రీడల అధికారి ఎన్. సూర్యారావు, క్రీడాకారులు పాల్గొన్నారు.

ఒలింపిక్స్‌ చరిత్రలో భారత్‌ తరఫున మహిళల వ్యక్తిగత విభాగంలో వరుసగా రెండు పతకాలు సాధించి కొత్త అధ్యాయం లిఖించిన బ్యాడ్మింటన్‌ స్టార్‌ క్రీడాకారిణి, తెలుగుతేజం పీవీ సింధుకు ఆదివారం సీఎం వైఎస్‌ జగన్‌మోహన్‌రెడ్డి అభినందనలు తెలిపారు. టోక్యో ఒలింపిక్స్‌లో కాంస్య పతకం సాధించిన సింధును సీఎం జగన్‌ అభినందించారు. భవిష్యత్‌ ఈవెంట్స్‌లోనూ సింధు విజయాలు సాధించాలని సీఎం జగన్‌ ఆకాంక్షించారు. ఈమేరకు ట్వట్టర్ ట్వీట్ చేశారు. ఒలింపిక్స్‌లో మహిళల బ్యాడ్మింటన్‌ సింగిల్స్‌ విభాగంలో పీవీ సింధు కాంస్య పతకం సాధించి రికార్డు నెలకొల్పింది. విశ్వక్రీడల్లో  సింధు మరోసారి సత్తా చాటి వరుసగా రెండో పతకాన్ని తన ఖాతాలో వేసుకుంది. 2016లో జరిగిన రియో ఒలింపిక్స్‌లో సింధు రజతం పతకం సాధించగా, టోక్యో ఒలింపిక్స్‌లో కాంస్య పతకంతో మెరిసింది. 2016లో సాక్షి ఎక్స్‌లెన్స్‌ అవార్డును పీవీ సింధు అందుకుంది. సింధూ పతకం సాధించడం పట్ల భారతీయులు ఆనందోత్సవాలు జరుపుకుంటున్నారు.