అత్యంత ఉత్కంఠ భరితంగా సాగిన చివరి పోరులో విజయనగరం రెవెన్యూ డివిజన్ జట్టు విజయం సాధించింది. చివరి ఓవర్లో కొట్టిన రెండు సిక్స్ లు , ఆటను మలుపు తిప్పాయి.  ఆఖరి ఓవర్లో కలెక్టరేట్ జట్టు రెండు వికెట్లు తీసినప్పటికీ, 13 పరుగులు సమర్పించడంతో విజయం దక్కలేదు. తొలుత బ్యాటింగ్ చేసిన కలెక్టరేట్ జట్టు, నిర్ణీత 15 ఓవర్లలో 109 పరుగులు చేసింది. అనంతరం బ్యాటింగ్ కి దిగిన విజయనగరం డివిజన్ జట్టు ఆఖరి బంతికి 110 పరుగులు చేసి విజయం సాదించింది. కెప్టెన్ గా వ్యవహరించిన ఆర్డీవో భవానీ శంకర్ ఆల్రౌండ్ ప్రతిభ చూపించగా, శ్రీనివాసరావు 40 పరుగులు చేసి టాప్ స్కోరర్ గా నిలిచాడు.

       ఉదయం జరిగిన సెమీ ఫైనల్ మ్యాచ్ లో పార్వతీపురం రెవెన్యూ డివిజన్, విజయనగరం రెవెన్యూ డివిజన్ జట్లు తలపడ్డాయి. తొలుత బ్యాటింగ్ చేసిన విజయనగరం, నిర్ణీత 15 ఓవర్లలో 127 పరుగులు చేయగా, తరువాత బ్యాటింగ్ కి దిగిన పార్వతీపురం జట్టు 122 పరుగులు మాత్రమే చేయగలిగింది. ఫైనల్ పోటీలో జాయింట్ కలెక్టర్లు డాక్టర్ జిసి కిషోర్ కుమార్, డాక్టర్ ఆర్.మహేష్ కుమార్ కూడా బరిలోకి దిగారు. జాయింట్ కలెక్టర్ జె.వెంకటరావు గ్యాలరీలో ఉండి క్రీడాకారులను ప్రోత్సహించారు. రెవెన్యూ అసోసియేషన్ నాయకులు తాడ్డి గోవింద, గొట్టాపు శ్రీరామ్మూర్తి, రమణరాజు తదితరులు పాల్గొన్నారు.

రెవెన్యూ అధికారుల‌మ‌ధ్య క్రికెట్ పోటీ హోరాహోరీగా జ‌రిగింది. ఉద‌యం, మ‌ధ్యాహ్నం జ‌రిగిన రెండు పోటీల్లో మొత్తం మూడు జ‌ట్లు పాల్గొన‌గా, తుది స‌మ‌రం ఆదివారం జ‌ర‌గ‌నుంది. క‌లెక్ట‌ర్‌, జాయింట్ క‌లెక్ట‌ర్లు, ఐటిడిఏ పిఓ, ఆర్‌డిఓ త‌దిత‌ర ఉన్న‌తాధికారులు ప్రొఫెష‌న‌ల్ క్రీడాకారుల మాదిరిగా క్రికెట్ ఆడి ఆక‌ట్టుకున్నారు. తీవ్ర‌మైన ప‌నివ‌త్తిడితో స‌త‌మ‌తం అవుతున్న రెవెన్యూ ఉద్యోగులు, ఆట‌విడుపు కోసం మొత్తం మూడు జ‌ట్లుగా ఏర్ప‌డి,  క్రికెట్‌లో త‌ల‌ప‌డ్డారు. తొలుత ఉద‌యం క‌లెక్ట‌రేట్ జ‌ట్టు, విజ‌య‌న‌గ‌రం డివిజ‌న్ జ‌ట్లు పోటీ ప‌డ్డాయి.  ఎంఎల్ఏ కోల‌గ‌ట్ల వీర‌భ‌ద్ర‌స్వామి టాస్ వేయ‌గా, విజ‌య‌న‌గ‌రం డివిజ‌న్ జ‌ట్టు కెప్టెన్‌గా ఉన్న ఆర్‌డిఓ బిహెచ్ భ‌వానీశంక‌ర్ టాస్ గెలుచుకున్నారు. క‌లెక్ట‌రేట్ జ‌ట్టు కెప్టెన్, జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ త‌న జ‌ట్టుతో బ్యాటింగ్ ప్రారంభించారు. ఈ జ‌ట్టు త‌ర‌పున బ్యాటింగ్ కు దిగిన క‌లెక్ట‌ర్ హ‌రి జ‌వ‌హ‌ర్ లాల్‌, జాయింట్ క‌లెక్ట‌ర్లు డాక్ట‌ర్ ఆర్‌.మ‌హేష్ కుమార్‌, మ‌యూర్ అశోక్‌, రెవెన్యూ అసోసియేష‌న్ అధ్య‌క్షులు టి.గోవింద‌, శ్రీ‌నివాస్‌, సుభాష్ ధాటిగా బ్యాటింగ్ చేయ‌డంతో, మొత్తం స్కోరు 15 ఓవ‌ర్ల‌లో 74కు చేరుకుంది. అనంత‌రం బ్యాటింగ్ ప్రారంభించిన విజ‌య‌న‌గ‌రం డివిజ‌న్ జ‌ట్టు త‌ర‌పున జాయింట్ క‌లెక్ట‌ర్ (రెవెన్యూ) డాక్ట‌ర్ ఆర్‌.మ‌హేష్‌కుమార్‌, ఆర్‌డిఓ భ‌వానీశంక‌ర్‌, ఇత‌ర క్రీడాకారులు ధీటుగా బ్యాటింగ్ చేయ‌డంతో, క‌లెక్ట‌రేట్ జ‌ట్టుపై విజ‌యం సాధించింది.  

                 మ‌ధ్యాహ్నం క‌లెక్ట‌రేట్ జ‌ట్టుకు, పార్వ‌తీపురం డివిజ‌న్ జ‌ట్టుకు మ‌ధ్య పోటీ జ‌రిగింది. పార్వ‌తీపురం జ‌ట్టుకు ఐటిడిఏ పిఓ ఆర్‌.కూర్మ‌నాధ్ నాయ‌క‌త్వం వ‌హించారు. తొలుత బ్యాటింగ్ ప్రారంభించిన క‌లెక్ట‌రేట్ జ‌ట్టు, నిర్ణీత 15 ఓవ‌ర్ల‌లో 117 ప‌రుగులు చేసింది. అనంత‌రం బ్యాటింగ్‌కు దిగిన పార్వ‌తీపురం జ‌ట్టు 97 ప‌రుగులు మాత్ర‌మే చేయ‌డంతో, ఓట‌మి చెందింది. తుది స‌మ‌రం ఆదివారం జ‌ర‌గ‌నుంది. ఈ క్రికెట్ పోటీల‌కు హాజ‌రైన జాయింట్ క‌లెక్ట‌ర్ (ఆస‌రా) జె.వెంక‌ట‌రావు, జిల్లా క్రీడాధికారి వెంక‌టేశ్వ‌ర్రావు, క్రికెట్ అసోసియేష‌న్ కార్య‌ద‌ర్శి ఎం.ఎల్‌.ఎన్ రాజు, రెవెన్యూ అసోసియేష‌న్ నాయ‌కులు గొట్టాపు శ్రీ‌రామ్మూర్తి, ర‌మ‌ణ‌రాజు త‌దిత‌రులు గ్యాల‌రీనుంచి క్రీడాకారుల‌ను ప్రోత్స‌హించారు.

జ‌పాన్‌లోని టోక్యోలో నేటి నుంచి ప్రారంభ‌మ‌వుతున్న ఒలింపిక్స్ క్రీడ‌ల్లో భార‌త్ త‌ర‌పున వివిధ ఈవెంట్ల‌లో పాల్గొంటున్న క్రీడాకారుల‌కు జిల్లా క‌లెక్ట‌ర్ డా.ఎం.హ‌రిజ‌వ‌హ‌ర్ లాల్ శుభాకాంక్ష‌లు తెలిపారు. క్రీడాకారులంతా తాము పాల్గొంటున్న క్రీడ‌లు, అథ్లెటిక్స్ త‌దిత‌ర అంశాల్లో విజ‌యం సాధించి దేశానికి ప‌త‌కాలు తీసుకురావాల‌ని ఆకాంక్షించారు. నేటి నుంచి ఒలింపిక్ క్రీడ‌లు ప్రారంభం కాబోతున్న నేప‌థ్యంలో భార‌త ఒలింపిక్ సంఘం జిల్లా క‌లెక్ట‌ర్‌కు బ‌హూక‌రించిన జెర్సీని ధ‌రించి త‌న క్యాంపు కార్యాల‌యంలో శుక్ర‌వారం చీర్ అప్ ఇండియా కార్య‌క్ర‌మాన్ని ప్రారంభించారు. దేశానికి పెద్ద ఎత్తున ప‌త‌కాలు సాధించ‌డం ద్వార 135 కోట్ల భార‌త ప్ర‌జ‌ల ఆకాంక్ష‌ల‌ను నెర‌వేర్చాల‌ని కోరారు. 18 క్రీడాంశాల్లో 127 మంది ఈ ఒలింపిక్స్‌లో భార‌త్ త‌ర‌పున వివిధ క్రీడాంశాల్లో పాల్గొంటున్నార‌ని, ఒలింపిక్స్ చ‌రిత్ర‌లో భార‌త్ త‌ర‌పున ఇదే పెద్ద బృంద‌మ‌ని చెప్పారు. ఒలింపిక్ సంఘం త‌ర‌పున సెట్విజ్ సి.ఇ.ఓ. విజ‌య‌కుమార్‌, జిల్లా క్రీడ‌ల అధికారి వెంక‌టేశ్వ‌ర‌రావు భార‌త క్రీడాకారుల జెర్సీని జిల్లా క‌లెక్ట‌ర్‌కు బ‌హూక‌రించారు.

ఈ సంద‌ర్భంగా న‌గ‌రంలోని విజ్జీ స్టేడియంలో శ‌ని, ఆదివారాల్లో జ‌ర‌గ‌నున్న రెవిన్యూ అధికారుల క్రికెట్ మ్యాచ్‌ల‌పై జాయింట్ క‌లెక్ట‌ర్‌(ఆస‌రా) జె.వెంక‌ట‌రావు, ఆర్డీఓ భ‌వానీశంక‌ర్ త‌దిత‌రులతో చ‌ర్చించారు. పార్వ‌తీపురం, విజ‌య‌న‌గ‌రం, క‌లెక్ట‌రేట్ ల నుంచి మూడు జ‌ట్లుగా ఏర్పడి రెండు రోజుల‌పాటు స్నేహ‌పూర్వ‌క క్రికెట్ మ్యాచ్‌లు ఆడ‌నున్నారు. జిల్లా క‌లెక్ట‌ర్ డా.ఎం.హ‌రిజ‌వ‌హ‌ర్ లాల్‌, జాయింట్ క‌లెక్ట‌ర్‌లు, రెవిన్యూ డివిజ‌న‌ల్ అధికారులు ఈ మ్యాచ్‌ల‌లో ఆయా జ‌ట్ల త‌ర‌పున పాల్గొంటున్నారు.

టోక్యో-2020 ఒలింపిక్స్ లో పాల్గొంటున్న మన దేశ, రాష్ట్ర , జిల్లా క్రీడాకారులు ఉత్తమ ప్రతిభ కనబరిచి విజయ పతకాలతో, ఆరోగ్యంగా తిరిగి స్వదేశానికి తిరిగి రావాలని ఆకాంక్షిస్తున్నట్లు కలెక్టర్ డి. మురళీధర్ రెడ్డి తెలిపారు. గురువారం కాకినాడ కలెక్టర్ కార్యాలయంలో జిల్లా క్రీడా ప్రాధికార సంస్థ ఆధ్వర్యంలో టోక్యో ఒలింపిక్స్ పోటీల్లో పాల్గొంటున్న క్రీడాకారులును ఉత్సాహపరిచే విధంగా  జిల్లా క్రీడా ప్రాధికార సంస్థ ఆధ్వర్యంలో ఏర్పాటు చేసిన

"సెల్ఫీ" స్టాండ్ ను జాయింట్ కలెక్టర్లు కీర్తి చేకూరి(అభివృద్ధి),జి.రాజకుమారి (ఆసరా&సంక్షేమం) లతో కలిసి కలెక్టర్ డి మురళీధర్ రెడ్డి ప్రారంభించారు. ఈ సందర్భంగా కలెక్టర్ మాట్లాడుతూ జూలై 23 నుంచి ఆగస్టు 8 వరకు టోక్యో జరగబోయే ఒలింపిక్స్ గత సంవత్సరం జరగాల్సి ఉన్న  కరోనా వైరస్ కారణంగా వాటిని వాయిదా వేసి ప్రస్తుతం 2021సంవత్సరంలో నిర్వహించడం జరుగుతుందన్నారు. భారతదేశం నుంచి ఈ ఒలింపిక్స్ లో సుమారుగా 18 క్రీడాంశాల్లో  మనదేశ నుంచి 100 మంది క్రీడాకారులు విజయం సాధించే లక్ష్యంతో పూర్తి సన్నద్ధతో టోక్యోకు ప్రయాణమయ్యారన్నారు. అదేవిధంగా మన రాష్ట్రం నుంచి ముగ్గురు క్రీడాకారులు పి.వి.సింధు, ఆర్.సాత్విక్ సాయిరాజ్ (బ్యాడ్మింటన్) ఆర్.రజిని (హాకీ) క్రీడాకారులు ఒలింపిక్స్ లో పాల్గొనబోతున్నారు. ముఖ్యంగా తూర్పుగోదావరి జిల్లా నుంచి అమలాపురానికి చెందిన సాత్విక్ సాయిరాజ్ మొదటిసారిగా ఒలింపిక్స్ లో  బ్యాడ్మింటన్ పోటీలో పాల్గొనడం మన జిల్లాకు గర్వకారణమన్నారు. మన దేశం, రాష్ట్రం, ముఖ్యంగా మన జిల్లా నుండి పాల్గొన్న క్రీడాకారులు అందరూ కరోనా బారిన పడకుండా అన్ని ముందస్తు జాగ్రత్తలు తీసుకుంటూ పోటీలలో పాల్గొని,విజేతలుగా పతకాలు సాధించి తిరిగి రావాలని ఆకాంక్షిస్తున్నట్లు కలెక్టర్ తెలిపారు. ఈ సందర్భంగా క్రీడాకారులందరికి కలెక్టర్ శుభాకాంక్షలు తెలిపారు.  టోక్యో ఒలింపిక్స్ సందర్భంగా పోటీల్లో పాల్గొంటున్న వారందరికీ ఉత్సాహం,ఉత్తేజ పరచుటకుగాను స్థానిక జిల్లా క్రీడా ప్రాధికార సంస్థ క్రీడామైదానంలోను ,తుని, అమలాపురం, సామర్లకోట క్రీడా ప్రాంగణములలో  సెల్ఫీ స్టాండ్ లు ఏర్పాటు చేయడం జరిగిందని సెట్రాజ్ సీఈవో ఎం.భానుప్రకాష్ తెలిపారు. స్థానిక క్రీడాకారులు, ప్రజలు ఈ అవకాశాన్ని సద్వినియోగం చేసుకొని సెల్ఫీ దిగి, షేర్ చేసి క్రీడాకారులను ప్రోత్సహించవలసిందిగా ఆయన కోరారు.  ఈ కార్యక్రమంలో జిల్లా రెవెన్యూ అధికారి సిహెచ్ సత్తిబాబు, క్రీడాకారులు, తదితరులు పాల్గొన్నారు.

టోక్యో ఒలింపిక్స్ లో రాష్ట్రం నుంచి పాల్గొనే బ్యాడ్మింటెన్ క్రీడాకారులు పీవీ సింధుకు, సాత్విక్ సాయిరాజ్, హాకీ క్రీడాకారిణి రజినికి రూ.5 లక్షల చొప్పున ఆర్థిక ప్రోత్సాహకం ఇవ్వాలని రాష్ట్ర ప్రభుత్వం నిర్ణయించిందని రాష్ట్రపర్యాటకశాఖ మంత్రి అవంతి శ్రీనివాస్ తెలిపారు. సచివాలయంలోని పబ్లిసిటీ సెల్ లో బుధవారం నిర్వహించిన విలేకరుల సమావేశంలో ఆయన మాట్లాడారు.  రాష్ట్రంలో క్రీడల అభివృద్ధికి అన్ని జిల్లాల్లో క్రీడల కోసం మౌలిక సదుపాయల కల్పనకు సీఎం వైఎస్ జగన్మోహన్ రెడ్డి అధిక ప్రాధాన్యత ఇస్తున్నారన్నారు. రాష్ట్రంలో రాయలసీమ, ఉత్తరాంధ్ర, కోస్తాంధ్రలో అంతర్జాతీయ స్టేడియాలను నిర్మించాలని నిర్ణయించామని, సీఎం వైఎస్ జగన్మోహన్ రెడ్డి అనుమతితో వాటి పనులు చేపడతామని తెలిపారు. విశాఖలో చినగదిలి మండలంలో బ్యాడ్మింటెన్ అకాడమీ ఏర్పాటుకు పీవీ సింధుకు రెండు ఎకరాలు ఉచితంగా కేటాయించినట్లు ఆయన తెలిపారు. అదే మండలంలో సెంటర్ ఆఫ్ ఎక్స్ లెన్స్ ఏర్పాటు నిమిత్తం డాక్టర్ ఈసీ వినయ్ కుమార్ కు చెందిన సాహి హియరింగ్ కేర్ కు ఒక ఎకరా కేటాయించామన్నారు. క్రీడల ప్రోత్సాహంలో భాగంగా గతంలో 13 జిల్లాల్లో 13 రకాల క్రీడలను గుర్తించి, సీఎం కప్ నిర్వహించామన్నారు. వైఎస్సార్ క్రీడా పురస్కారాల పేరుతో  జాతీయ స్థాయిలో బంగారు పతకం సాధించిన వారికి రూ.5 లక్షలు, రజతం సాధించిన రూ.3 లక్షలు, కాంస్యం సాధించిన రూ.2 లక్షల చొప్పున అందజేశామన్నారు. ఇలా ఎంతమంది ఉన్నా అందరికీ ఆర్థిక ప్రోత్సాహాకాలు అందజేస్తామన్నారు. కుల, మతాలు, రాజకీయాలకతీతంగా క్రీడాకారులను తమ ప్రభుత్వం అండగా ఉంటుందన్నారు. ఈ సమావేశంలో శాప్ ఎం.డి. బి.రామారావు పాల్గొన్నారు.

యోగా చేయడం ద్వారా ఆరోగ్యాన్ని పెంపొందించుకోవచ్చునని నోడల్ అధికారి మిరియాల నాగభూషణం తెలిపారు. సోమవారం రాజమహేంద్రవరం గ్రామీణం జూన్ 21 బొమ్మూరు కోవిడ్ కేర్ కేంద్రంలో కోవిడ్ రోగులతో అంతర్జాతీయ యోగా దినోత్సవాన్ని పురస్కరించుకొని యోగాపై అవగాహన చేపట్టినట్టు చెప్పారు. ఈ సందర్భంగా ఆయన మాట్లాడుతూ, జిల్లా కలెక్టర్  ఆదేశాల మేరకు 450 మంది కోవిడ్ పేషెంట్లు, 150 మందికి యోగా శిక్షకులు బి నాగరాజు గారితో అర్ధ చక్రాసన. పాదహస్తాసన, శ్వాస సామర్ధ్యాన్ని పెంచే ఆసనాలు రోగనిరోధక శక్తిని పెంచే ప్రాణాయామం.మానసిక ప్రశాంతతకు సహకరించే ఆసనాలపై అవగాహన కల్పించారు. మానవాళికి సంక్రమించే సమస్త వ్యాధులబారిన పడకుండా దూరం చేసే ఏకైక దివ్య ఔషధం "యోగ అన్నారు. అంతర్జాతీయ యోగ దినోత్సవం సందర్బంగా ప్రోటోకాల్ ప్రకారం సోమవారం  ఓంకారం, ప్రాణాయామం, ధ్యానం, యోగ ఆసనాలు వేశారన్నారు   వినయం, విధేయత, యోగ్యత రావాలంటే యోగసాధన బాల్యము నుండీ అలవార్చుకోవాలని మనిషి తనువును, మనస్సును, ఆత్మను ఏకంచేసే ఏకైక సాధనం "యోగ" మాత్రమేనని, అంతే కాకుండా ప్రపంచదేశాల ప్రజలు ఈ రోజు యోగాసాధన చేస్తూ సంపూర్ణ ఆరోగ్యంతో ఉన్నారంటే అది కేవలం భారతదేశం గొప్పతనమని అన్నారు. జె ఎన్ టి యు కోవిడ్ కేర్ కేంద్రం తరువాత బొమ్మూరు కోవిడ్ కేర్ కేంద్రంలో ఈ యోగా కార్యక్రమాలు ప్రత్యేక ప్రాధాన్యతను సంతరించుకున్నాయన్నారు.ఈ కార్యక్రమంలో  మండల తాసిల్దార్ రియాజ్ హుస్సేన్ అదనపు జిల్లా వైద్య ఆరోగ్యశాఖ అధికారి డాక్టర్ కోమలి ఆర్ ఎం ఓ వి అశోక్ కుమార్ పాల్గొన్నారు.