1 ENS Live Breaking News

ఎమ్మెల్యే పర్వతను మర్యాదపూర్వకంగా కలిసిన ఎంపీడీఓ

శంఖవరంలో నూతనంగా బాధ్యతలు చేపట్టిన ఎంపీడీఓ జి.శివరామక్రిష్ణయ్య ప్రత్తిపాడు ఎమ్మెల్యే పర్వతపూర్ణచంద్రప్రసాద్ ను గురువారం మర్యాదపూర్వకంగా కలిశారు. అదేవిధంగా ఎంపీపీ పర్వత రాజబాబును కూడా కలిశారు. అనంతరం మీడియాతో మాట్లాడుతూ, మండలాన్ని అభివ్రుద్ధి పధంలో నడిపించాలనే ఎమ్మెల్యే సూచనలు, ఆలోచనలకు అనుగుణంగా ముందుకి వెళతానన్నారు. దశలవారీగా మండలంలోని అన్ని పంచాయతీలు, గ్రామసచివాలయాలను సందర్శించి అక్కడ ప్రధాన సమస్యల పరిష్కరించడానికి క్రుషిచేస్తానని అన్నారు. మంచి వాతావరణం కలిగిన ప్రాంతానికి పదోన్నతి రావడం ఆనందంగా ఉందన్నారు. ప్రజాప్రతినిధులు, మీడియా సహకారంతో సమస్యలు తెలుసుకొని వాటిని పరిష్కరించేందుకు  సిబ్బందితో కార్యాచరణ రూపొందిస్తానన్నారు. అందరికీ అందుబాటులో ఉంటాననని చెప్పిన ఎంపీడిఓ ప్రజలు ఎప్పు డైనా తనను కలవడానికి నేరుగా ఎంపీడీఓ కార్యాలయానికి రావొచ్చునన్నారు. అదేవిధంగా ప్రభుత్వ సిబ్బంది సేవల్లో ఎక్కడ లోపాలు ఉన్నా తనకు తెలియజే వచ్చు న న్నారు.

Sankhavaram

2023-06-08 15:05:10

శంఖవరం ఎంపీడీఓగా జి.శివరామక్రిష్ణయ్య

కాకినాడ జిల్లా శంఖవరం మండల పరిషత్ డెవలెప్ మెంట్ అధికారిగా జి.శివరామక్రిష్ణయ్య నియమితులయ్యారు. ఈయన మామిడికుదురులో ఈఓపీఆర్డీగా విధులు నిర్వహించేవారు. పదోన్నతిపై శంఖవరం ఎంపిడీఓగా వచ్చారు. ఈరోజు ఆయన విధుల్లోకి చేరారు. శివరామక్రిష్ణయ్య విధినిర్వహణలో ముక్కుసూటి అధికారిగా అక్కడ మంచి పేరు ప్రఖ్యాతలు సంపాదించుకున్నారు. ప్రభుత్వ సంక్షేమ పథకాల అమలు, గ్రామ సచివాలయాల్లో ప్రభుత్వ సేవలు ప్రజలకు అందించే విషయంలో చురుగ్గా వ్యవహరిస్తారనే మంచిపేరు ఈయనకు ఉంది. ఈ సందర్భంగా కార్యాలయ సిబ్బంది నూతన ఎంపీడీఓను మర్యాదపూర్వకంగా కలిసి పరిచియం చేసుకున్నారు. పలువురు సచివాలయ కార్యదర్శిలు, సిబ్బంది కూడా ఆయనను కలిశారు. ఈ సందర్భంగా ఎంపీడీఓ మాట్లాడుతూ, మండలంలో ప్రభుత్వ అభివ్రుద్ధి కార్యక్రమాలకు ప్రాధాన్యత ఇస్తూ.. ప్రభుత్వ లక్ష్యం మేరకు చెత్తరహిత మండలంగా తీర్చిదిద్దేందుకు శక్తివంచన లేకుండా క్రుషిచేస్తానని చెప్పారు. త్వరలోనే మండంలోని అన్ని సచివాలయాలు పర్యటిస్తానని చెప్పారు.

Sankhavaram

2023-06-08 14:20:41

దౌర్జన్యానికి పాల్పడిన అధికారులపై చర్యలు తీసుకోవాలి

వాల్తేరు రైల్వే డివిజనల్ ఆస్పత్రి సీనియర్ వైద్యుడు డాక్టర్ విజయ్ కుమార్ పై దౌర్జన్యానికి పాల్పడి కుల ధూషణకు దిగిన రైల్వే అధికారులపై చర్యలు తీసుకోవాలని విప్ల వ దళిత సంఘ నేతలు డిమాండ్ చేశారు. గురువారం అంబేద్కర్ భవన్లో ఏర్పాటుచేసిన విలేకరుల సమావేశంలో నేతలు మాట్లాడుతూ, కుల ధూషణలకు పాల్పడిన డాక్ట ర్ కాశీపతి, మహేష్ కుమార్, లక్ష్మణరావులను తక్షణమే సస్పెండ్ చేయాలని నినాదాలు చేశారు. గత మాసం రోజులుగా వివిధ రూపాల్లో నిరసన, ఆందోళన కార్యక్ర మా లు చేపట్టినా వాల్తేరు డీఆర్ఎం అనూప్ కుమార్ సత్పతి పట్టించుకున్న దాఖలాలు లేవని ఆరోపించారు. అందుకే భవిష్యత్లో మరిన్ని ఆందోళన కార్యక్రమాలు చేప ట్టేం దు కు ప్రణాళికలను సిద్దం చేస్తున్నామన్నారు. వాల్తేరు రైల్వే అధికారుల్లో ఇప్పటికైనా మార్పు రాకపోతే ఊరుకునేది లేదని హెచ్చరించారు. బాధితుల అక్రమ బదిలీలను వెం టనే ఉపసంహరించి వారికి గతంలో పనిచేసే చోట పోస్టింగ్ ఇవ్వాలని డిమాండ్ చేశారు. ఈ కార్యక్రమంలో దళిత నేతలు కొల్లాబత్తుల వెంగళరావుతో పాటు జిల్లా, నగర నలుమూలల నుంచీ పెద్ద ఎత్తున పాల్గొన్నారు.

Visakhapatnam

2023-06-08 11:12:49

క్రైమ్ రేట్ తగ్గించేందు తనవంతు కృషి చేస్తా

క్రైమ్ రేట్ తగ్గించేందుకు తనవంతు కృషి చేస్తానని శ్రీకాకుళం ఒకటో పట్టణ పోలీస్ స్టేషన్ ఎస్సై వి.వెంకటేశ్వర రావు తెలిపారు. డీసీఆర్బి లో విధులు నిర్వహిస్తూ వన్ టౌన్ ఎస్సైగా గురువారం బాధ్యతలు స్వీకరించారు. అనంతరం ఎస్ఐ మాట్లాడుతూ, మాదక ద్రవ్యాలు అక్రమ రవాణా జరుగుతూ ఉంటుందని, ప్రత్యేక నిఘా ఏర్పాటు చేసి, అక్రమ నియంత్రణకు ప్రణాళికలు సిద్ధం చేస్తామని తెలిపారు. పోలీస్ స్టేషన్లో పెండింగ్ లో ఉన్న కేసులు పరిశీలించి పరిష్కరించేందుకు ప్రయత్నిస్తానన్నారు. ప్రజలతో మమేకమై, ఎవరికి ఎటువంటి ఇబ్బందులు లేకుండా చూస్తానని చెప్పారు.

Srikakulam

2023-06-08 07:55:40

బొబ్బిలి ఎంపీడిఓగా పి.రవికుమార్ నియామకం

విజయనగరం జిల్లా బొబ్బిలి మండల పరిషత్ డెవలెప్ మెంట్ అధికారిగా పి.రవికుమార్ నియమితులయ్యారు. ఈయన అనకాపల్లి జిల్లా మునగపాక ఎంపీడీఓ కార్యాల యంలో అడ్మిస్ట్రేటివ్ ఆఫీసర్ గా విధులు నిర్వహించేవారు. పదోన్నతిపై బొబ్బలి ఎంపిడీఓగా వచ్చారు. ఈరోజు ఆయన విధుల్లోకి చేరనున్నారు. రవికుమార్ విధినిర్వహణలో ముక్కుసూటి అధికారిగా అనకాపల్లి జిల్లాలో మంచి పేరు ప్రఖ్యాతలు సంపాదించుకున్నారు. ప్రభుత్వ సంక్షేమ పథకాల అమలు, గ్రామ సచివాలయాల్లో ప్రభుత్వ సేవలు ప్రజలకు అందించే విషయంలో చురుగ్గా వ్యవహరిస్తారనే మంచిపేరు ఈయనకు ఉంది.

Bobbili

2023-06-08 07:26:09

10న ‘నరాల వ్యాధుల నివారణ`చికిత్స’ పై సదస్సు

అనకాపల్లి శ్రీ గౌరీ గ్రంథాలయం 80 వార్షికోత్సవం సందర్భంగా ‘నరాల వ్యాధుల నివారణ చికిత్స’ (Prevention and Treatment of Neurological Diseases) అం శంపై శ్రీ గౌరీ గ్రంథాలయంలో ఈ నెల 10వ తేదీ శనివారం సాయంత్రం 4 గంటలకు సదస్సు జరుగుతుందని  గ్రంథాలయ కార్యదర్శి  కాండ్రేగుల వెంకటరమణ ఒక ప్రకట నలో తెలిపారు. ఈ సదస్సుకు ముఖ్యఅతిధిగా అంతర్జాతీయ న్యూరో సర్జరీ నిపుణులు, ఆసియా ఖండంలోనే ప్రసిద్ధి చెందిన బెంగుళూరులోని కేంద్ర ప్రభుత్వ నిమ్‌హేన్స్‌ (నేషనల్‌ ఇనిస్టిట్యూట్‌ ఆఫ్‌ మెంటల్‌ హెల్త్‌ అండ్‌ న్యూరో సైన్సస్‌) ఆసుపత్రి న్యూరోసర్జరీ విభాగం పూర్వపు ప్రధాన అధిపతి డా.ఎం.భాస్కరరావు హాజరవుతారు. నరాల వ్యాధుల నివారణ`చికిత్స, మందుల ద్వారా తగ్గని పిట్స్‌ వ్యాధి (Epilepsy Surgery), మతిమరుపు, బ్రెయిన్‌ టూమర్‌ (మెదడులో కణితులు), పక్షవాతం ఇంకా మెద డుకు సంబంధించిన వ్యాధులు, తీసుకోవలసిన జాగ్రత్తలు గురించి సదస్సులో చర్చిస్తారని పేర్కొన్నారు. సదస్సుకు యువతీయువకులు, విద్యార్ధులు, వైద్యులు, స్వచ్ఛం ద సంస్ధల ప్రతినిధులంతా  హాజరు కావాలని ఆయన కోరారు

Anakapalle

2023-06-08 05:41:13

12 న ఆంధ్రా శబరిమల 12 వ వార్షికోత్సవం

శంఖవరం మండలం పెదమల్లాపురం పంచాయతీ శివారు సిద్దివారిపాలెం గిరిజన గ్రామంలో వెలసిన ఆంధ్రా శబరిమల దేవస్థానం 12వ వార్షికోత్సవాన్ని ఈనెల 12న నిర్వ హించ నున్నారు. ఆలయ వ్యవస్థాపక ధర్మకర్త, గురుస్వామి, శంఖవరం గడ్డ ఆర్యవైశ్యవంశ ముద్దుబిడ్డ కుసుమంచి శ్రీసత్య శ్రీనివాసరావు నేతృత్వంలో వార్షికోత్సవ వేడు కలను అత్యంత భక్తి శ్రద్ధలతో భక్తజన వైభవోపేతంగా నిర్వహించేందుకు పెద్దఎత్తున ఏర్పాట్లు చేస్తున్నారు. సోమవారం స్వామి సన్నిధిలో వేకువజామున 5 గంటల నుండి హెూమాలు, యజ్ఞాలు, క్రతువులను వేద పండితులు నిర్వహిస్తారు. 7 గంటలకు ఉషోదయ పూజ అనంతరం 9 గంటలకు స్వామికి ప్రత్యేకాభిషేకాలను నిర్వహిస్తారు. 11 గంటలకు స్వామిని 18 మెట్ల మీదుగా ఊరేగిస్తారు. ఆలయ ఆవరణలోని కోనేరులో 11.15 గంటలకు స్వామికి చక్రస్నానం, 11.30 గంటలకు  స్వామి వారికి వెండి బిం దెలతో గంగోత్రి స్నానం నిర్వహిస్తారు. 12గంటలకు నవ కలశాభిషేకం గావించి, 12.30 గంటలకు స్వామికి మహా నైవేద్యాన్ని సమర్పిస్తారు. అనంతరం 1 గంటకు ఆలయ ఆవరణలో భక్తజన సందోహానికి మహా అన్నదాన చేస్తారు. స్వామి ఆశీర్వచనం అందించడంతో నాటి ఆలయ వార్షికోత్సవ వేడుకలు పూర్తవుతాయని ఆలయ వ్యవస్థాపక ధర్మకర్త కుసుమంచి శ్రీసత్య శ్రీనివాసరావు గురుస్వామి మీడియాకు వెల్లడించారు.

Sankhavaram

2023-06-07 15:40:32

మెటల్ రోడ్ల నిర్మాణాలకు రూ.50లక్షల అంచనా బడ్జెట్

అనకాపల్లి మార్కెట్ యార్డు పరిధిలోని పలు అభివ్రుద్ధి పనులకు పలు తీర్మాణాలు ఆమోదించి పరిపాలన అనుమతుల కోసం పంపనట్టు  పలకా యశోద రవి పేర్కొన్నా రు. అనకాపల్లిలో బుధవారం మార్కెట్ కమిటీలో సర్వసభ్య సమావేశంలో ఆమె మాట్లాడారు. ఆమోదించిన తీర్మానాలను కమిటీ సభ్యులు వివరించారు. మార్కెట్ యార్డ్ తూర్పు భాగంలో కాంపౌండ్ వాల్ మెయింటెనెన్స్ కోసం రూ.10 లక్షల బడ్జెట్ మంజూరు కోసం వ్యవసాయ కమిషనర్ కు పంపామన్నారు. అనకాపల్లి, కశింకోట మం డలాల్లో గ్రామాల్లో అవసరం మేరకు మెటల్ రోడ్లకి రూ.2 లక్షల వంతున 20 గ్రామాల్లో గ్రావెల్ రోడ్లు వేయడానికి అంచనాల బడ్జెట్ మంజూరు కోసం కూడా తీర్మానం చేశా మన్నారు. ఈ కార్యక్రమంలో మార్కెట్ కమిటీ కార్యదర్శి డి.శకుంతల, కమిటీ ఉపాధ్యక్షులు కరక సోమినాయుడు, మెంబర్లు నీటిపల్లి లక్ష్మి, మరిపల్లిశోభ, బొబ్బిలి శ్యామ ల, ఈగల నూకరత్నం, దాడి తులసి కుమారి, బొడ్డు అచ్చిరాజు, పిట్ట అప్పలరాజు, తెరపల్లి నాగ సంతోష్ కుమార్, దాడి  కృష్ణ, ఒమ్మి మధుబాబు, కొణతాల విజయ్ కుమారి, గుండా రమేష్ గుప్తా, గొంతిన శివ, ఏడి అగ్రికల్చర్ అధికారులు, తదితరులు పాల్గొన్నారు.

Anakapalle

2023-06-07 13:54:16

గ్రామీణాభివ్రుద్ధిలో ఉన్నత్ భారత్ అభియాన్

అచ్చుతాపురం గ్రామీణాబివ్రుద్దిలో విద్యార్దులను భాగస్వామ్యం చేసేందుకు ఉన్నత్ భారత్ అభియాన్ దోహదపడుతుందని ఉన్నత్ భారత్ అభియాన్ ఆంద్రాయూనివర్సిటీ రీజినల్ కోఆర్డినేటర్ పావని తెలిపారు. బుదవారం మండలంలోని తంతడి గ్రామం లో చేతివ్రుత్తిదారులతో ఆమె మాట్లాడారు. ప్రశాంతి పాలిటెక్నిక్, ఆంద్రయూనివర్సిటీ ఆద్వర్యం లో Clay Craft (Pottery) మేకింగ్ ఇన్నోవేషన్ హబ్ ఎట్ తంతడి విలేజ్ అనకాపల్లి జిల్లా అనే అంశం పై ఉన్నత్ భారత్ అభియాన్ భారత ప్రభుత్వానికి నిధుల కోసం ప్రతిపాదనలు పంపించామన్నారు.  గ్రామీణ కళలు, చేతి వ్రుత్తులను ప్రోత్సహించడానికి ఉన్నత్ భారత్ అభియాన్ పెద్దపీట వేస్తుందని, ప్రతి ఉన్నత విద్యాసంస్థ దీనిలో బాగస్వామ్యం అవ్వాలని ఆమె తెలిపారు. దీనిలో భాగంగా ప్రతి ఉన్నతవిద్యా సంస్థ అయిదు గ్రామాలని దత్తత తీసుకుంటే ఆయా గ్రామాలో చేతివ్రుత్తులను ప్రోత్సహించడానికి  నిధులు చేకూరతాయన్నాని పేర్కొన్నారు. ఈ కార్యక్రమం లో ప్రిన్సిపాల్ శ్రీనివాసరావ్ ఎన్ఎస్ఎస్ అధికారిణి మాదవి, విద్యార్దిని విద్యార్దులు పాల్గొన్నారు.

Acchutapuram

2023-06-07 13:32:08

భవన నిర్మాణాలు జాప్యంచేస్తే కఠిన చర్యలు

అంగన్వాడీ భవన నిర్మాణాలలో జాప్యం చేస్తే కఠిన చర్యలు తీసుకుంటామని ఐటిడిఏ పి ఓ వి. అభిషేక్ హెచ్చరించారు. ఐటిడిఏ సమావేశ మందిరంలో పాడేరు డివిజన్ పరిధిలో అంగన్వాడీ భవన నిర్మాణాలు నాడు నేడు పనుల పురోగతిపై సిడిపిఓలు, సూపర్ వైజర్లు, ఇంజనీరింగ్ అసిస్టెంట్లు, మహిళా పోలీసులతో మంగళవారం సమావేశం నిర్వహించారు. ఈ సందర్భంగా ఆయన మాట్లాడుతూ 128 కొత్త అంగన్వాడీ భవన నిర్మాణాలకు అనుమతులిచ్చి ప్రభుత్వం రివాల్వింగ్ ఫండ్ విడుదల చేసిందన్నారు. 2వ విడత రివాల్వింగ్ ఫండ్ జమచేశామని.. నేటికి గోతులు, గొయ్యిలు స్థాయిలోనే నిర్మాణపు పనులు ఉన్నాయన్నారు. 20 భవనాలు మాత్రమే రూఫ్ స్థాయి పనులు పూర్తి చేసారని అసంతృప్తి వ్యక్తం చేసారు. పాడేరు నియోజక వర్గంలో 15 అంగన్వాడీ కేంద్రాలు, అరకువ్యాలీ నియోజక వర్గంలో 30 అంగన్వాడీ కేంద్రాలు పునాదుల స్థాయిలో ఉన్నాయన్నారు. అంగన్వాడీ కేంద్రాల నిర్మాణాలకు సిడిపిఓలు , సూపర్ వైజర్లు బాధ్యత వహించ వలసి ఉంటుందన్నారు. 

11 మంది సిడిపి ఓలు, 62 మంది సూపర్ వైజర్లు ఉన్నారని అన్నారు. ఇంజనీరింగ్ అసిస్టెంట్లను భవన నిర్మాణాల వేగంగా పూర్తి చేయడానికే ప్రభుత్వం నియమించిందని భవన నిర్మాణాలు నిర్ధేశించిన సమయానికి పూర్తి చేయాల్సిన బాధ్యత ఇంజనీరింగ్ అసిస్టెంట్లపైనే ఉందన్నారు. మహిళా పోలీసులు పనుల పురోగతిని పర్యవేక్షించాలని సూచించారు. నాణ్యమైన భవన నిర్మాణ సామగ్రి కొనుగోలు చేయాలని స్పష్టం చేసారు. మన బడి నాడు నేడు పాఠశాలలకు సిమెంటు సరఫరా చేయడం జరిగిందని అవసరమైతే ఆయా పాఠశాలలను సిమెంటు తీసుకుని పనులు చేయాలన్నారు. ఈ సమావేశంలో ఐసిడిఎస్ పిడి ఎన్. సూర్యలక్ష్మి, గిరిజన సంక్షేమశాఖ ఇ ఇ డి.వి.ఆర్.ఎం.రాజు, 11 మండలాల సిడిపిఓలు, సూపరిండెంట్ జి.ఆర్.సి.హెచ్.మూర్తి, సూపర్ వైజర్లు, ఇంజనీరింగ్ అసిస్టెంట్లు తదితరులు పాల్గొన్నారు.

Paderu

2023-06-06 13:33:33

7న గంటందొర వర్ధంతికి కృష్ణదేవిపేట తరలిరండి..పడాల

స్వాతంత్ర్య సమరయోధుడు అల్లూరి సీతారామరాజు పితూరి సేనాధిపతి గాం గంటం దొర 99 వ వర్ధంతిని పురస్కరించుకొని కృష్ణదేవిపేటలోని అల్లూరి స్మారక పార్కులో ఉన్న గంటం దొర పవిత్రమైన ఆయన సమాధి వద్ద నివాళులర్పించడానికి గిరిజనులు తరలి రావాలని జాతీయ అల్లూరి సీతారామరాజు యువజన సంఘం వ్యవస్థాపక అధ్యక్షులు పడాల వీరభద్రరావు పిలుపు నిచ్చారు. ఈ మేరకు క్రిష్ణదేవిపేటలో మీడియాకి ప్రకటన విడుదల చేశారు. అల్లూరి సీతారామరాజు జిల్లాకు చెందిన గిరిజను లందరూ తలోక చోట కార్యక్రమాన్ని నిర్వహించడం కాకుండా గిరిజనులందరూ పవిత్రమైన గంటం దొర సమాధి వద్దే జరపాలని ఆ విధంగా గిరిజనుల ఐక్యతను చాటాలని పడాల విజ్ఞప్తిచేశారు. అలాగే గిరిజనేతరులు, అన్ని రాజకీయ పార్టీల ప్రతినిధులు గంటం దొర 99 వ వర్ధంతి కార్యక్రమంలో పాల్గొని ఘనంగా నివాళులు అర్పించాలని ఆయన కోరారు. ఆ రోజు జాతీయ అల్లూరి సీతారామరాజు యువజన సంఘం ఆధ్వర్యంలో ఉదయం 10 గంటలకు గంటం దొర సమాధి వద్ద కార్యక్రమం నిర్వహించి ఆయ నకు ఘన నివాళులు అర్పించడం జరుగుతుందన్నారు. ఈ కార్యక్రమంలో తనతో పాటు అల్లూరి యువజన సంఘానికి సంబంధించిన పలువురు ప్రముఖులు పాల్గొంటారని పడాల వీరభద్రరావు తెలిపారు.


Krishnadevipeta

2023-06-05 09:05:46

పద్మశాలి ఉద్యోగుల సమస్యల పరిష్కారానికి కృషి చేస్తా

ఆంధ్రప్రదేశ్ పద్మశాలి ఎంప్లాయిస్ వెల్ఫేర్ అసోసియేషన్ లో ఉన్న సభ్యుల పెండింగ్ సమస్యలు పరిష్కారానికి తనవంతు కృషి చేస్తానని ఏపీ పద్మశాలి కార్పొరేషన్ చైర్ప ర్సన్ జి.విజయలక్ష్మి హామీ ఇచ్చారు. ఆదివారం విశాఖలోని నాయుడుతోటలో ఏపి పద్మశాలి వెల్ఫేర్ అసోసియేషన్ రాష్ట్రస్థాయి ద్వితీయ వార్షికోత్సవ సమావేశాన్ని ఘ నంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఆమె మాట్లాడుతూ, రాష్ట్రంలో పద్మశాలి కులానికి వైఎస్సార్సీపీ ప్రభుత్వం అధికారంలోకి వచ్చిన తర్వా త అత్యంత ప్రాధాన్యత కల్పించాలని, చేనేత కార్మికులను కూడా ఆదుకోవడంలో అన్ని విదాల ముందంజలో ఉందన్నారు. పెండింగ్లో ఉన్న ఉద్యోగుల సమస్యలు పరిష్కారా నికి సీఎంతో మాట్లాడి పరిష్కరించేలా చర్యలు తీసుకుంటామని ఆమె తెలిపారు. రాష్ట్ర ఆప్కో సంస్థ చైర్మన్ చిరంజీవి మాట్లాడుతూ, పద్మశాలి ఉద్యోగులంతా ఒక అసోసియే షన్ గా ఏర్పడి వారి సమస్యలు పరిష్కారానికి కృషి చేయడం అభినందనీయమన్నారు.

 రాష్ట్ర కమిటీ అధ్యక్షులు జి.వెంకట శివరామకృష్ణ అధ్యక్షతన జరిగిన వార్షికోత్సవ సమావేశంలో పలు జిల్లాల నుంచి వచ్చిన కార్యవర్గ సభ్యులు, పద్మశాలి కుల సంఘం పెద్దలు, ఉద్యోగులు అధిక సంఖ్యలో పాల్గొన్నారు. ఈ కార్యక్రమంలో జేఎన్టీయూ వైస్ చాన్సులర్ ప్రొఫెసర్ జి.రంగజనార్ధన్, కోస్తాంధ్ర పద్మశాలి సంఘం అధ్యక్షులు జీవీ.నాగేశ్వరరావు ఆంధ్రప్రదేశ్ పద్మశాలి సంఘం అధ్యక్షులు శ్రీనివాసరావు, కార్యదర్శి కెవి.సత్యనారాయణ, కోశాధికారి టీ.చంద్రశేఖర్ విశాఖ జిల్లా వెల్ఫేర్ అసోసియేషన్ అధ్యక్షులు మోహన్ మురళి, సెక్రటరీ పి.సత్యానంద్, వైస్ ప్రెసిడెంట్ ఆకుల విశ్వేశ్వరరావు, అనకాపల్లి జిల్లా అధ్యక్షులు నీలం జోగరాజు, కార్యదర్శి చుక్కల కరుణాకర్, సభ్యులు పందిరి శ్రీనివాసరావు, పసగడుగుల మల్లిబాబు, ఆంధ్ర ప్రదేశ్ పద్మశాలి కుల సంఘం పెద్దలు తెడ్డు వెంకటేశ్వరరావు, రామ్ కుమార్ తో పాటు జీవీఎంసీ ఏపీఆర్ఓ నాగేశ్వరరావు, పలువురు ఉద్యోగులు, కుల పెద్దలు పాల్గొన్నారు. అంతకు ముందు శ్రీ రమ్య, శ్రీ లిఖిత చేసిన నృత్య ప్రదర్శన అందర్నీ ఎంతగానో ఆకట్టుకుంది. పలు ప్రభుత్వ శాఖల్లో విశేష సేవలు అందిస్తున్న ఉన్నత అధికారులతో పాటు పదవ తరగతి, ఇంటర్ పరీక్ష ఫలితాల్లో అత్యధిక మార్కులతో విజేతలుగా నిలిచిన విద్యార్థులకు బహుమతులు అందజేశారు.

2023-06-04 16:33:38

మర్రిపాలెంలో ఫుట్ పాత్ అక్రమణాల తొలగింపు

పాదాచారులకు అంతరాయం కలిగిస్తూ ఫుట్పాత్లను ఆక్రమించి వ్యాపారాలు నిర్వహిస్తున్న వారిపై పోలీసులు అడ్డుకట్ట వేశారు. ఈ మేరకు కంచరపాలెం మెట్టునుండి ఊర్వశి జంక్షన్ వరకు ఉన్నా  ఫుట్ పాత్ లు అలాగే కంచరపాలెం రైతు బజార్ రోడ్డు జాతీయ రహదారిపై తాటిచెట్ల పాలెం నుండి బర్మా క్యాంపు వరకు సర్వీసు రోడ్ లో ఉన్న ఫుట్పాత్లను అక్రమించి వ్యాపారాలు నిర్వహిస్తున్న వాటిని శుక్రవారం కంచరపాలెం ట్రాఫిక్ పోలీసులు తొలగించారు. పాదాచారులు వాహనదారులు వెళ్లేందుకు వీలు లేకుండా ఈ రోడ్లు ఉండడంతో ఆ ప్రాంత ప్రజలు ట్రాఫిక్ సీ.ఐ మళ్ళ అప్పారావు దృష్టికి తీసుకురావడంతో ఎ.స్సై పాపారావు, హెడ్ కానిస్టేబుల్ సుబ్బారావుతో కలిసి ఈ డ్రైవ్ చేపట్టినట్టు సీ.ఐ తెలిపారు. ఇలా అక్రమాలు చేయడంతో పాదాచారులు, వాహన దారులు, అటుగా వెళ్లే విద్యార్థులు ఇబ్బందులకు గురి అవుతున్నారని, పలు ప్రమాదాలకు దారి తీసే విధంగా ఉండటం వల్ల ఖాళీ చేయించినట్టు ఆయన తెలిపారు. ట్రాఫిక్ కి అంతరాయం కలిగించేలా రోడ్డుకు అడ్డంగా ఉన్న తోపుడు బండ్లు, వాహనాలపై కేసులు నమోదు చేసి జరిమానా విధించామని తెలిపారు.

Visakhapatnam

2023-05-20 08:50:01

కార్మికులను ఆర్థికంగా బలోపతం చేయడమే లక్ష్యం

మహా విశాఖ నగరంలోని పారిశుద్ధ కార్మికులను ఆర్థికంగా బలోపతం చేయడమే ప్రభుత్వ లక్ష్యమని నగర మేయర్ గొలగాని హరి వెంకట కుమారి పేర్కొన్నారు. బుధవారం  5వ జోన్ తాటిచెట్లపాలెంలోని ఎం ఎస్ ఎఫ్ 5 లో నేషనల్ సేఫ్టీ సపాయికర్మాచారి ఫైనాన్స్ డెవలప్మెంట్ కార్పొరేషన్ సహకారంతో నమస్తే స్కీం ద్వారా పారిశుద్ధ కార్మికులకు జెసిబి లు, సెప్టిక్ ట్యాంకు వాహనాలను నగర మేయర్, జీవీఎంసీ కమిషనర్ సీఎం సాయికాంత్ వర్మలు అందించారు.  ఈ సందర్భంగా నగర మేయర్ మాట్లాడుతూ,  పారిశుద్ధ్య కార్మికులను ఆర్థికంగా బలోపతo చేయడమే ప్రభుత్వ లక్ష్యమని, ఐదవ జోన్లో రెండు జెసిబి లు, ఒక సెప్టిక్ ట్యాంకును నమస్తే స్కీం ద్వారా కేంద్ర సాంఘిక సంక్షేమ శాఖ ఆధ్వర్యంలో పారిశుద్ధ్య కార్మికులకు సబ్సిడీపై అందించడం జరిగిందని తెలిపారు.  జోనల్ పరిధిలో ఒక్కొక్క వాహనానికి ఐదుగురు పారిశుద్ధ కార్మికులు గ్రూపుగా ఏర్పడి నిర్వహిస్తారని, ఈ వాహనాల్ని జీవీఎంసీ ప్రధాన గెడ్డలను శుభ్రం చేయడం జరుగుతుందన్నారు.

 ఈ సబ్సిడీని ఏడు సంవత్సరాల పాటు జీవీఎంసీ చెల్లిస్తుందని పేర్కొన్నారు. దీని ద్వారా దళారులు కాంట్రాక్టర్లకు లబ్ధి  చేకూరకుండా నేరుగా పారిశుద్ధ కార్మికుడికే లబ్ధి పొందవచ్చని తద్వారా వారిని ఆర్థికంగా బలోపతo చేయడం జరుగుతుందన్నారు. రాష్ట్ర ముఖ్యమంత్రి వైయస్ జగన్మోహన్ రెడ్డి విశాఖ నగరాన్ని పరిపాలన రాజధానిగా ప్రకటించారని ఆయన పరిపాలన త్వరలోనే ఇక్కడ నుండి కొనసాగుతుందని తద్వారా విశాఖ నగరం మరింత పురోగతి సాధిస్తుందని పేర్కొన్నారు. త్వరలోనే  జీవీఎంసీ పరిధిలో అన్ని జోన్ల కార్యాలయాలకు ఇటువంటి వాహనాలు సమకూర్చడం జరుగుతుందని అందుకు ప్రణాళికలు సిద్ధం చేయడం జరిగిందని మేయర్ తెలిపారు. ఈ కార్యక్రమంలో జీవీఎంసీ అదరపు కమిషనర్ డాక్టర్ వి సన్యాసిరావు, ఏ ఎం ఓ హెచ్ రాజేష్, కార్యనిర్వహణ ఇంజనీర్ శ్రీనివాస్, విశాఖ సాంఘిక సంక్షేమ శాఖ జిల్లా కోఆర్డినేటర్ సుదీర్, సానిటరీ సూపర్వైజర్ జనార్ధన్, సానిటరీ ఇన్స్పెక్టర్లు తదితరులు పాల్గొన్నారు.

Visakhapatnam

2023-05-17 07:56:59

శ్రీసత్యదేవ నిత్యన్నదాన ట్రస్టుకి రూ.100116 విరాళం

కాకినాడ జిల్లాలోని ప్రముఖ పుణ్యక్షేత్రం అన్నవరం శ్రీ వీరవేంకట సత్యన్నారాయణ స్వామివారి దేవస్థానంలోని శ్రీ సత్యదేవ నిత్య అన్నదానం ట్రస్టుకి విజయనవాడకికి చెందిన  పొట్లా వెంకటేశ్వర్రావు దంపతులు, రూ.100116 లు విరాళంగా ఇచ్చారు. ఆ మొత్తం చెక్కును దేవాలయ సిబ్బం దికి గురువారం ఆలయ సిబ్బందికి అందజేశారు. వినాయక చవితి వెళ్లిన రెండవ రోజు పొట్టా కొత్త లక్ష్మీ కుమారి పేరుపూ అన్నదానం చేయాలని కోరారు. అనంతరం దాతలు స్వామివారిని దర్శించుకొని ప్రత్యేక పూజలు చేశారు. వేదపండితులు ఆశీర్వచనం అందించగా ఆలయ సిబ్బందికి దాతలకు ప్రసాదాలను అందజేశారు. కార్యక్రమంలో దేవస్థాన సిబ్బంది పాల్గొన్నారు.

Annavaram

2023-05-17 07:50:23
Downloads
ENS Live
About Us |
Privacy |
Contact Us |
Terms and Conditions
Copyright@2020ENSLive