1 ENS Live Breaking News

రాష్ట్రంలో వైఎస్సార్సీపీ ని గద్దె దింపే రోజులు దగ్గర పడ్డాయి

రాష్ట్రంలో వైఎస్సా్రసీని గద్దె దింపే రోజులు దగ్గర పడ్డాయని  జనసేన రాష్ట్ర అధికార ప్రతినిధి, నియోజకవర్గ ఇంచార్జి పరుచూరి భాస్కరరావు అన్నారు. అనకాప ల్లి కోట్నివీధిలో జనసేన పార్టీ కార్యాలయాన్ని ఆదివారం పరుచూరి ప్రారంభించారు. ఈసందర్భంగా ఆయన మాట్లాడుతూ రాష్ట్రంలో సీఎం జగన్మోహన్ రెడ్డి రాక్షస 
పాలన అంతమొందించడానికి ప్రజలు సంసిద్ధంగా ఉన్నారన్నారు. మధ్య నిషేధాన్ని ప్రకటిస్తామని చెప్పిన జగన్ రాష్ట్రంలో ఎరులై పారించారని, ప్రజల ఆరోగ్యంతో చెలగాటమాడారని ఆయన విమర్శించారు. తెలుగుదేశం,  జనసేన పార్టీ శ్రేణులు సమన్వయంతో ముందుకు వెళ్లి అనకాపల్లిలో వైఎస్సార్సీపి ఓడించాలని ఆయన పిలుపునిచ్చారు. వై నాట్ 175 అన్న జగన్ మోహన్ రెడ్డిని ఎందుకు రాష్ట్రం నుంచి తరిమివేయాలని తెలియజేసే 120 ప్రశ్నలతో కూడిన పాంప్లెట్ ను తెలుగుదేశం జనసేన పార్టీ రంగులతో ముద్రించి ఇంటింటా ప్రచారం నిర్వహిస్తామని అన్నారు. తెలుగుదేశం జనసేన కార్యకర్తలు నాయకులు ఈ ప్రచారాన్ని  
వార్డుల్లో విస్తృతంగా ప్రజల్లోకి తీసుకెళ్లాలని విజ్ఞప్తి చేశారు. అనకాపల్లిలో జనసేన జెండా ఎగురవేయాలని, ప్రతి వార్డులో కమిటీలు తక్షణమే నియమించి జెండా ఆవిష్కరణ కార్యక్రమాలు చేపట్టాలని జన సైనికులకు పిలుపునిచ్చారు. పార్టీ కార్యాలయానికి ఉచితంగా  ఇచ్చిన రాజేష్ ను పరుచూరి ప్రత్యేకంగా అభినందించి సత్కరించారు. అంతకుముందు రామాలయంలో ఆయన ప్రత్యేక పూజలు నిర్వహించి ప్రసాదాలు స్వీకరించారు. ఈ కార్యక్రమంలో జనసైనికులు కోట్ని సూరిబాబు, మజ్జిశ్రీనివాసరావు, దుడ్డు నాగేశ్వరరావు, సేనాపతి గణేష్, (బాలు) వీర మహిళ స్వాతి, అడ్వకేట్ కళావతి, రామచంద్రరావు, జనసేన టౌన్ వర్కింగ్ కమిటీ సభ్యులు గంటా గోవింద, శ్రీకాకుళపు జగ్గారావు, శిరసపల్లి ప్రసాద్, టిడిపి నాయకులు కోట్ని రాంబాబు, కోట్ని రామకృష్ణ, తలారి లక్ష్మీప్రసాద్ బైండింగ్ శ్రీను, తెలుగు మహిళలు కోట్ని ఉమా, భీశెట్టి హేమ, కాయల ప్రసన్నలక్ష్మి, తదితరులు పాల్గొన్నారు.

Anakapalle

2023-10-08 17:17:00

కన్యకాపరమేశ్వరి ఆలయంలో శరన్నవరాత్రి ఉత్సవాలు

విశాఖలోని పాతనగరం కురుపాం మార్కెట్ లోని 145ఏళ్ల చరిత్ర గలిగిన కన్యకాపరమేశ్వరి ఆలయంలో అక్టోబర్ 15వ తేదీ నుంచి అక్టోబరు 24వ తేదీ వరకు వాసవి శరన్నవరాత్రి ఉత్సవాలు నిర్వహించుచున్నట్లు దేవాలయ అధ్యక్ష కార్యదర్శులు ఆరిశెట్టి దినకర్, గ్రంధి రామకృష్ణారావులు తెలిపారు. ఈమేరకు ఆలయంలో ఏర్పాటు చేసిన కార్యక్రమంలో ఉత్సవాల కరపత్రాలను విడుదల చేశారు. ఈ సందర్భంగా వారు మాట్లాడుతూ, ఉత్సవాల్లో భాగంగా అమ్మవారి మూలవిరాట్ ను ప్రతిరోజు రోజుకొక అవతారమూర్తి రూపంలో విశేష అలంకరణలు, ఆధ్యాత్మిక కార్యక్రమాలు, మహిళలచే, కన్యలచే, విద్యార్థులచే వివిధ రకాల సామూహిక పూజా కార్యక్రమాలు చేపట్టనున్నట్టు తెలిపారు. శరన్నవరాత్రి ఉత్సవాల్లో భక్తులు స్వయంగా అమ్మవారిని దర్శించుకుని పూజాదికాలతో పాటు పరోక్ష పద్ధతిలో తమ గోత్రనామాలు ముందుగా దేవాలయంలో సంప్రదించి నామమాత్రపు రుసుము చెల్లించివారికి వారి పేరున శరన్నవరాత్రుల్లో ప్రతీరోజు పూజాదికాలు నిర్వహించి  ప్రసాదం భక్తులకు అందజేసే విధంగా ఏర్పాటు చేసినట్లుతెలిపారు. ఉత్సవాల్లో భాగంగా అమ్మవారి మూలవిరాట్ కు ప్రతిరోజు తెల్లవారుజామున ప్రత్యేక పంచామృతాభిషేకాలు, హోమ కార్యక్రమాలు, మరియు సామూహిక పూజలు నిర్వహిస్తునట్లు తెలిపారు.  ప్రతిరోజు ఉదయం 9 గంటల నుండి మధ్యాహ్నం 12 గంటల వరకు మరియు సాయంత్రం 5 గంటల నుండి రాత్రి 9 గంటల వరకు   అమ్మవారి దర్శనం కలిగిస్తున్నట్లు తెలిపారు.  కార్యక్రమంలో దేవస్థాన సంఘం కోశాధికారి  సుగ్గు శివకుమార్, దేవాలయ ప్రధాన అర్చకులు ఆర్ బి బి కుమార్ శర్మ, ఉత్సవ కమిటీ అడ్వైజర్లు, కమిటీ నెంబర్లు పాల్గొన్నారు.అక్టోబర్ 15వ తేదీ బాలా త్రిపుర సుందరి దేవి అవతారం మరియు  మహిళలచే సామూహిక లలితా పారాయణం;  అక్టోబర్ 16వ తేదీ అన్నపూర్ణ దేవి అవతార అలంకరణ మరియు కన్యలచే సామూహిక పూజ; 17వ తేదీ గాయత్రీ దేవి అలంకరణ మరియు మహిళలచే సామూహికంగా సుహాసిని పూజ; 18వ తేదీ రాజరాజేశ్వరి దేవి అవతారం అలంకరణ మరియు సామూహికంగా దిశా గౌరీ పూజ; 19వ తేదీ ధనలక్ష్మి దేవి అవతార అలంకరణ మరియు మహిళలచే సామూహికంగా లలితాదేవి పారాయణ; అక్టోబర్ 20వ తేదీ సరస్వతి దేవి రూపంలో అలంకరణ మరియు 1200 మంది విద్యార్థులతో మూడు విడతలలో సరస్వతీ పూజ, అక్టోబర్ 21వ తేదీ నాడు శాకాంబరీ దేవి అవతార  అలంకరణ మరియు మహిళల సామూహికంగా విష్ణు లక్ష్మీ కమల పూజ; అక్టోబర్ 22వ తేదీ మహాలక్ష్మి దేవి అలంకరణ మరియు మహిళలచే ధైర్యలక్ష్మి పూజలు; అక్టోబర్ 23వ తేదీ నాడు కాళీమాత అవతార అలంకరణ  మరియు మహిళలచే సౌభాగ్యవ్రతం; మరియు శమీపూజ; అక్టోబర్ 24వ తేదీ దుర్గాదేవి  అలంకరణ మరియు చండీ హోమం, 25వ తేదీ ఉదయం ఉద్వాసన మరియు మధ్యాహ్నం  పేదలకు నారాయణ సేవ. మరియు సాయంత్రం మేళ తాళాలతో భారీ ఎత్తున ఊరేగింపు, నిమజ్జన కార్యక్రమం ఉంటుందని తెలిపారు.అన్ని కార్యక్రమాల్లో అధిక సంఖ్యలో భక్తులు పాల్గొని అమ్మవారి కృపకు పాత్రులు కమ్మని కోరారు.

Visakhapatnam

2023-10-08 17:14:10

అంతరిక్ష పరిశోధనల్లోకి యువత అడుగుపెట్టాలి

అంతరిక్ష పరిశోధన రంగంలో యువత తమ సత్తా చాటాలని డీసీపీ-2 కె.ఆనంద రెడ్డి అన్నారు. వరల్డ్ స్పేస్ వీక్ లో భాగంగా షార్- ఇస్రో, రఘు విద్యాసంస్థలుసంయు క్తంగా  గురువారం ఉదయం ఆర్కే బీచ్ కాళీమాత విగ్రహం వద్ద నిర్వహించిన స్పేస్ వాక్ అవగాహన ర్యాలీని ఆయన జెండా ఊపి ప్రారంభించారు. ఈ సందర్భంగా డిసిపి ఆనందరెడ్డి మాట్లాడుతూ భారతీయ అంతరిక్ష పరిశోధనలతో ప్రపంచంలోనే అగ్రగామి దేశంగా నిలుస్తూ అద్భుత విజయాలను సాధిస్తోందని అన్నారు. భవిష్యత్తులో దీనిని మరింత అభివృద్ధి చేసి, ముందుకు నడిపించే విధంగా యువతరం ఈ రంగంలో రాణించాలని ఆకాంక్ష వ్యక్తం చేశారు. విద్యార్థుల్లో అంతరిక్ష పరిశోధనలపై అవగాహన పెంచే విధంగా ఇటువంటి ర్యాలీని నిర్వహించడం పట్ల సంతోషం వ్యక్తం చేశారు. ఇటీవల కాలంలో చంద్రయాన్ విజయం భారతీయుల్లో కొత్త శక్తిని, అంతరిక్ష పరిశోధనలపై యువతలో ఆసక్తిని కలిగించాయని అన్నారు. అంతరిక్ష విజ్ఞానం తోనే మానవ అభివృద్ధి సాకారం అవుతుందని షార్ శాస్త్రవేత్త, విశాఖ రీజియన్ కార్యక్రమ నిర్వహణ సబ్ కమిటీ చైర్మన్ జి .అప్పన్న అన్నారు. ఉత్తరాంధ్రకు చెందిన పాఠశాలల విద్యార్థులను ఈ కార్యక్రమంలో పాల్గొనాలని ఆహ్వానించామని తెలిపారు. భారతదేశం అంతరిక్ష రంగంలో సాధిస్తున్న విజయాలు నేటి తరం యువతలో ఆసక్తిని పెంచుతున్నాయని చెప్పారు.

రఘు విద్యాసంస్థల చైర్మన్ కలిదిండి రఘు మాట్లాడుతూ ఉత్తరాంధ్రకు చెందిన పాఠశాలల, కళాశాలల విద్యార్థులు షార్ - ఇస్రో నిర్వహిస్తున్న నాలుగు రోజుల ప్రత్యేక కార్యక్రమాలను సద్వినియోగం చేసుకోవాలని కోరారు. కార్యక్రమంలో సార్ ఇస్రో శాస్త్రవేత్తలు రఘు విద్యాసంస్థల జాతీయ సేవా పథకం ఎన్సిసి వాలంటీర్లు విద్యార్థులు, పోలీస్ అధికారులు, కళాశాల సిబ్బంది పెద్ద సంఖ్యలో పాల్గొన్నారు. అనంతరం విద్యార్థులు ఆర్కే బీచ్ నుంచి వైఎంసిఏ వరకు ఫ్ల కార్డులు పట్టుకొని ర్యాలీ నిర్వహించారు. అంతరిక్ష విజ్ఞానంపై అవగాహన కల్పించే పోస్టులను పట్టుకుని ఉత్సాహంగా ర్యాలీలో పాల్గొన్నారు.

Visakhapatnam

2023-10-05 06:32:25

సైకో క్రిమినల్ జగన్ ప్రభుత్వాన్ని రద్దు చేయాలి

భారత రాజ్యాంగాన్ని సజీవ సమాధి చేస్తున్న సైకో గ్యాంగ్ పరిపాలనకు ప్రజలు చరమ గీతం పాడాలని విశాఖ ఆర్ కె బీచ్ లో రాష్ట్ర కార్యదర్శి లొడగల కృష్ణ ఆధ్వర్యంలో వినూత్న నిరసన చేపట్టారు. శుక్రవారం ఉదయం  బీచ్ లో రాష్ట్రంలోరాజ్యాంగ విలువలు పాతర వేశారని నినదిస్తూ పీకల్లోతు ఇసుకలో నిలబడి  టిడిపి నేతలు నిరసన చేశారు. ఈ నిరసన లో నోడగల కృష్ణ, తమ్మినేని మోహన్ లు చంద్రబాబు అరెస్టు వ్యతిరేకిస్తూ నినాదాలు చేశారు. ఈ సందర్భంగా  కృష్ణ మాట్లాడుతూ ఎన్ని అక్రమ కేసులు పెట్టిన చంద్రబాబు కడిగిన ముత్యంలా బయటకి వస్తారని చెప్పుకొచ్చారు. సైకోవిధానాలన్నీ ప్రజలు గమనిస్తున్నారని త్వరలోనే బుద్ది చెబుతారని చెప్పారు.  ఈ కార్యక్రమంలో  చంద్రబాబు కు అండగా మేము సైతం ప్ల కార్డ్ లు ప్రదర్శించారు. ఈ కార్యక్రమంలో వర కుమార్, కుమార్ స్వామి, పసుపులేటి శ్రీనివాస్, కోనేటి సురేష్ ,ముక్కాశివ, సతీష్ లు, ధనజీ, తాతినేని యర్రబోలు శ్రీను తో పాటు టిడిపి కార్యకర్తలు, ఎన్టీఆర్ అభిమానులు పెద్ద సంఖ్యలో ఈ వినూత్న నిరసన లో పాల్గొన్నారు.

2023-09-22 09:47:02

గ్రామవాలంటీరు పోస్టులకు దరఖాస్తులు ఆహ్వానం

కొయ్యూరు మండలంలో ఖాళీగా ఉన్న 3 గ్రామ వాలంటీర్ల పోస్టుల భర్తీకి ధరఖాస్తులు ఆహ్వనిస్తున్నట్లు ఎంపీడీవో లాలం సీతయ్య తెలిపారు. ఈమేరకు ఆయన శుక్రవా రం మీడియాతో మాట్లాడారు. మండలంలోని యూ.చీడిపాలెం పంచాయతీ పరిధిలో 2, బకులూరు పంచాయతీ పరిధిలో 1 చొప్పున, మొత్తం మూడు గ్రామ వాలంటీర్ల పోస్టులు ఖాళీగా ఉన్నాయని చెప్పారు. స్థానికంగా నివాసం ఉండే, ఆసక్తి, అర్హత కలిగిన అభ్యర్థులు ఈనెల 25 వ తేదీ లోగా ఆన్లైన్లో దరఖాస్తు చేసుకోవాలని సూచించారు. ఈనెల 26న ధరఖాస్తులు పరిశీలించి, 27 న స్థానిక ఎంపీడీవో కార్యాలయంలో ఇంటర్వ్యూలు నిర్వహిస్తామని తెలిపారు. ఎంపికైన అభ్యర్థులకు 29 న ఎంపిక ధృవపత్రం జారీ చేస్తామని, 30న ఎంపికైన అభ్యర్థులకు ఒకరోజు శిక్షణ కూడా ఇస్తామన్నారు. అలాగే ఎంపికైన అభ్యర్థులు వచ్చే నెల 1 వ తేదీ నుండి విధుల్లో చేరుతారని చెప్పారు. మరిన్ని వివరాలకు 9491461311 ఫోన్ నెంబరును సంప్రదించాలని సూచించారు.

Koyyuru

2023-09-22 09:29:37

కమనీయం సింహాచలం అప్పన్న కల్యాణం

విశాఖలోని సింహాచలం శ్రీ శ్రీ శ్రీ వరాహలక్ష్మీనృసింహ స్వామివారి నిత్య కల్యాణం బుధవారం నేత్రపర్వంగా సాగింది. ఆర్జిత సేవల్లో భాగంగా ఉత్సవమూ ర్తి గోవింద  రాజ స్వామిని ఉభయ దేవేరులతో  మండపంలో అధిష్టింపజేశారు. కళ్యాణోత్సవంలో పాల్గొన్న భక్తుల, గోత్రనామా లతో సంకల్పం చెప్పి పాంచరాత్రాగమ శాస్త్రం విధానంలో విశ్వక్సేనారాధన, పుణ్యాహవచనాలతో కార్యక్రమానికి శ్రీకారం చుట్టారు. కంకణధారణ, నూతన యజ్ఞోపవీత సమర్పణ, జీలకర్ర, బెల్లం, మాంగళ్య ధారణ, తలంబ్రాల ప్రక్రియలను కమనీయంగా జరిపించారు. మంత్రపుష్పం, మంగళాశాసనాల తర్వాత భక్తులకు వేదాశీర్వచనాలు, శేషవస్త్రాలు, స్వామివారి ప్రసాదాలను అందజేశారు. ఈ కార్యక్రమంలో దేవస్థాన పురోహితులు, భక్తులు, సిబ్బంది పాల్గొన్నారు.

Simhachalam

2023-09-20 05:58:43

గురువులకు వేతన వెతలు మిగులుస్తున్న జగన్ ప్రభుత్వం

భావితరాలకు మంచి భవిష్యత్తు నిచ్చేవారు ఉపాధ్యాయులు ఈరోజు కూడా వారికి  వేతన వెతలు.. ఎదురుచూపులే మిగిలాయంటూ ట్విట్టర్ వేదికగా మాజీ మంత్రి, విశాఖ ఉత్తర ఎమ్మెల్యే "గంటా శ్రీనివాసరావు" మండి పడ్డారు. ఈ అరాచక వైఎస్సార్సీపీ ప్రభుత్వం ఉపాధ్యాయులకు వ్యతిరేకంగా చేపడుతున్న చర్యల కారణంగా గురుపూజోత్సవ ఉత్సాహం వారిలో లేకుండా పోయిందని ఆవేదన వ్యక్తం చేశారు.‘నాడు-నేడు’ పనుల్లో ఎలాంటి పురోగతి  లేకపోయినా వైఎస్సార్సీపీ నాయకులు చేస్తున్న తప్పులకు ఉపాధ్యాయులను బలి చేస్తున్నారని ఆరోపించారు. గౌరవమైన వృత్తిలో ఉన్న ఉపాధ్యాయులతో మరుగుదొడ్ల ఫొటోలు తీయిస్తూ.. ఆ ఫొటోలు ఆన్‌లైన్‌ పెట్టలేదని.. రాగిపిండి నిల్వ నమోదు చేయలేదని.. పాఠశాలల్లో కోడిగుడ్లు నిల్వ సరిగా లేదని.. షోకాజ్‌ నోటీసులిస్తూ ఉపాధ్యాయులను భయభ్రాంతులకు గురిచేస్తున్నారని మండి పడ్డారు. 

ఉపాధ్యాయుల బదిలీలు రికార్డు సమయంలో పూర్తి చేశామని డప్పులు కొడుతున్నా మీ ప్రభుత్వం.. బదిలీ అయున 30వేల మంది బదిలీ టీచర్లకు 3నెలలుగా జీతాలు వేసే సంగతి మాత్రం మరిచిపోయిందని ఎద్దేవా చేశారు. ఉపాద్యాయుల పైన రకరకాల ప్రయోగాలు చేసి పోస్టుల్లో గజిబిజి సృష్టించి, నెలలు గడుస్తున్నా లోపాలు సరిదిద్దకుండా మొత్తం మీద 1.70 లక్షల మంది టీచర్ల జీతాలకు ఎసరు పెట్టారని ఆరోపించారు. చదువు చెప్పించడం తప్ప అన్ని పనులూ ఉపాధ్యాయులతోనే వైఎస్సార్సీపీ ప్రభుత్వం చేయిస్తోందని గతంలో గౌరవ హైకోర్టు నే వ్యాఖ్యానించిందంటే ప్రస్తుత పరిస్థితి ఎలా ఉందో అర్థం చేసుకోవచ్చు పేర్కొన్నారు. కరోనా సమయంలో మద్యం దుకాణాల వద్ద కొనుగోలుదారులను వరసలో నెలబెట్టే బాధ్యత కూడా టీచర్లకే అప్పగించిన ఘనత.. సీపీస్ అడిగారని ఉపాధ్యాయులపై లాఠీ చార్జ్ చేయించిన ఘనత దేశ చరిత్రలో మీకే దక్కుతుంది జగన్మోహన్ రెడ్డి గారు అంటూ ట్వీట్ చేశారు.

Visakhapatnam

2023-09-05 15:36:31

వైఎస్సార్సీపీ ప్రభుత్వంలో జాబ్ కేలండర్ ఎక్కడ

వైఎస్సార్పీపీ ప్రభుత్వంలో నాలుగున్నరేళ్లలో ఒక్క జాబ్ కేలండర్ కూడా సక్రమంగా నిర్వహించలేకపోయారని ఉత్తరాంధ్ర పట్టభద్రుల ఎమ్మెల్సీ వేపాడ చిరంజీవిరావు ఘాటుగా విమర్శించారు. ఉద్యోగాలకు నోటిఫికేషన్ విడుదల చేయాలంటూ  మంగళవారం విశాఖలోని ఎంవిపి కాలనీ సమతా కళాశాల నుండి ఏఎస్ రాజా కళాశాల వరకు నిరుద్యోగులతో భారీ ర్యాలీ నిర్వహించారు. ఈ సందర్భంగా ఎమ్మెల్సీ మాట్లాడుతూ, ప్రభుత్వం జీవో నెంబర్ 98ని తక్షణమే రద్దు చేయాలన్నారు. గ్రూప్ టూ ఉద్యోగాలు వెయ్యి కి పెంచాలని డిమాండ్ చేశారు. పాదయాత్రలో గొప్పలకు పోయి జాబ్ క్యాలెండర్ అంటూ ప్రకటనలు చేసి అరకొర ఉద్యోగాలు చేతులు దులుపుకున్న అసమర్ధ ప్రభుత్వం వైఎస్సార్సీపీదే అన్నారు.  నిరుద్యోగులను నట్టేట ముంచి మోసం చేసిన వ్యక్తి సీఎం జగన్ మోహన్ రెడ్డి మాత్రమేనన్నారు. గ్రూప్ వన్ గ్రూప్ టు పోస్టులు వెంటనే విడుదల చేయాలి అని డిమాండ్ చేశారు.  నిరుద్యోగులకు న్యాయం చేస్తానని చెప్పి మోసం చేసిన జగన్ రెడ్డి మోసగాడిగా రాష్ట్ర చరిత్రలో చిరస్థాయిగా నిలిచిపోతాడన్నారు. చంద్రబాబు హయాంలో ప్రతియేట ఉద్యోగాలు కల్పనతోపాటు నిరుద్యోగ భృతికూడా ఇచ్చేవారన్నారు. రాబోయేది చంద్రబాబు ప్రభుత్వమేనని అపుడు నిరుద్యోగుల కష్టాలు గట్టెక్కుతాయన్నారు. ఈ కార్యక్రమంలో జేఏసీ కన్వీనర్ సిద్దు, కో కన్వీనర్ పవన్ కుమార్ భారీగా నిరుద్యోగ యువత పాల్గొన్నారు.

Visakhapatnam

2023-09-05 14:22:49

డ్రైనేజీ పనులు పరిశీలించిన మందపాటి జానకిరామరాజు

అనకాపల్లి జిల్లా కేంద్రంలోని కార్పోరేషన్ పరిధిలో పలు అభివృద్ధి కార్యక్రమాలు శరవేగంగా జరుగుతున్నాయని వైఎస్సార్సీపీ పట్టణ వైఎస్సార్సీపీ పట్టణ అధ్యక్షులు మందపాటి జానకిరామరాజు పేర్కొన్నారు. మంగళవారం 82వ వార్డు శారదా కాలనీలోని 3వ వీధిలో జరుగుతున్న డ్రైనేజి నిర్మాణ పనులను ఆయన స్వయంగా పరిశీలించారు. ఈ సందర్భంగా మందపాటి మాట్లాడుతూ, జివిఎంసీ నిధులతో, మంత్రి గుడివాడ అమర్నాధ్ సహకారం అభివృద్ధి పనులు అన్ని ప్రాంతాల్లోనూ జరుగుతున్నారు. కాలువల నిర్మాణం వలన ఈ ప్రాంతంలోని ప్రజల మురుగనీటి సమస్యకు పరిష్కారం లభిస్తుందన్నారు. ప్రాధాన్యత క్రమంలో అన్ని సమస్యల పరిష్కారానికి సత్వర చర్యలు తీసుకుంటున్నట్టు చెప్పారు.  నిర్మాణ పనులను రాజీలేకుండా చేపట్టాలని ఇంజనీరింగ్ సిబ్బందిని కోరారు. ఈ కార్యక్రమంలో పట్టణ కార్యదర్శి  గైపూరి రాజు, స్థానిక నాయకులు, కార్యకర్తలు పాల్గొన్నారు.

Anakapalle

2023-09-05 13:36:34

జగనన్నకు చెబుదాంపై ప్రత్యేక శ్రద్ధ పెట్టాలి..కలెక్టర్

జగనన్నకు చెబుదాం (స్పందన) కార్యక్రమంలో అందిన వినతులపై అధికారులు ప్రత్యేకంగా దృష్టి సారించి నాణ్యతతో పరిష్కరించాలని జిల్లా కలెక్టర్ డా. కృతికాశుక్లా అధికారుల‌ను ఆదేశించారు. సోమవారం కాకినాడ కలెక్టర్ లో జరిగిన జిల్లాస్థాయి జగనన్నకు చెబుదాం(స్పందన) కార్యక్రమంలో డీఆర్‌వో కె.శ్రీధర్ రెడ్డి, జెడ్పీ సీఈవో ఎ.రమణారెడ్డి, ఎస్సీ కార్పొరేషన్  ఈడీ డీఎస్ సునీత, డీఆర్డీఏ పీడీ కె. శ్రీరమణి, పౌరసరఫరాల డీఎం డి.పుష్పమణిలతో కలిసి హాజరయ్యారు. జిల్లా వివిధ ప్రాంతాల నుంచి వచ్చిన ప్రజల నుంచి అర్జీలను స్వీకరించి, పరిష్కరించవలసిందిగా  ఆయా శాఖల అధికారులను కలెక్టరు ఆదేశించారు. రాష్ట్ర ప్రభుత్వం ప్ర‌జ‌ల సంక్షేమం కోసం అమ‌లుచేస్తున్న వివిధ సంక్షేమ ప‌థ‌కాలు, రెవెన్యూ, పౌర సర‌ఫ‌రాల సేవ‌లు, నవరత్నాలు- పేదలందరికీ ఇళ్లు పథకం కింద పట్టాల పంపిణీ, ఇళ్ల మంజూరు, పెన్షన్లు, సర్వే, ఉపాధి అవకాశాలు, భూ వివాదాలు తదితరాలకు సంబంధించి మొత్తం-357 అర్జీలు వచ్చాయి. ఈ సంద‌ర్భంగా జిల్లా కలెక్టరు కృతికాశుక్లా మాట్లాడుతూ రాష్ట్ర ప్రభుత్వం జగనన్నకు చెబుదాం (స్పందన) కార్యక్రమంపై ప్రత్యేక దృష్టి పెట్టినందునా అర్జీలకు నాణ్యమైన పరిష్కారం అందించాలన్నారు.  అధికారులు ప్రతి అర్జీని క్షుణ్ణంగా పరిశీలించి గడువులోపు పరిష్కరించాలన్నారు. అర్జీదారుల సమస్యకి సంబంధించిన ఫోటోలను పరిస్కార నివేదికకు జత చేయాలని కలెక్టరు గగతెలిపారు. కార్యక్రమంలో వివిధ శాఖల జిల్లా స్థాయి అధికారులు, కలెక్టరేట్ వివిధ సెక్ష‌న్ల అధికారులు తదితరులు పాల్గొన్నారు.

Kakinada

2023-09-04 10:29:57

అన్నవరం సత్యదేవుడిని దర్శించుకున్న మంత్రి బూడి

అన్నవరం శ్రీ వీరవేంకట సత్యన్నారాయణ స్వామివారిని ఆదివారం ఆంధ్రప్రదేశ్ డిప్యూటీ సీఎం, పంచాయతీరాజ్ శాఖ మంత్రి బూడి ముత్యాలనాయుడు కుటుంబ సమేతంగా దర్శించుకున్నారు. ఆయనకు ఈఓ చంద్రశేఖర్ ఆజాద్ పూర్ణకుంభంతో స్వాగతం పలికి దర్శన ఏర్పాట్లు చేశారు. అనంతరం మంత్రి అంతరాలయంలో స్వామివారికి ప్రత్యేక పూజలు చేశారు. అనంతరం వేద పండితులు ఆశీర్వచనాలు అందజేయగా ఈఓ స్వామివారి ప్రసాదాలను మంత్రికి అందజేశారు. ఈ కార్యక్రమంలో దేవస్థాన సిబ్బంది జిల్లా అధికారులు పాల్గొన్నారు.

Annavaram

2023-09-03 15:47:58

రాబోయే ఎన్నికల్లో విజయానికి కీలక భూమిక పోషించాలి

రాబోయే ఎన్నికల్లో వైఎస్ఆర్ కాంగ్రెస్ పార్టీ అత్యధిక మెజార్టీతో విజయం సాధించేలా జిల్లా కార్యవర్గం కీలక భూమిక పోషించాలని ఆ పార్టీ అనకాపల్లి జిల్లా అధ్యక్షులు బొడ్డేడ ప్రసాద్ సూచించారు. అనకాపల్లి రింగ్ రోడ్డు లోని రాష్ట్ర పరిశ్రమలు శాఖ మంత్రి  గుడివాడ అమర్నాథ్ క్యాంపు కార్యాలయంలో  ఆదివారం నూతన వైఎస్సార్ సీపీ జిల్లా కార్యవర్గ సమావేశం జరిగింది. ఈసందర్భంగా బొడ్డేడ ప్రసాద్ మాట్లాడుతూ, వైఎస్ఆర్ కాంగ్రెస్ పార్టీకి కార్యకర్తలే బలమని వారిని చైతన్యవంతం చేయడంలోనూ, ప్రభుత్వం ఈ నాలుగున్నరేళ్ల కాలంలో చేపట్టిన సంక్షేమ, అభివృద్ధి కార్యక్రమాలను ప్రజల్లోకి తీసుకెళ్లడంలోనూ కార్యవర్గం చురుకైన పాత్ర పోషించాలన్నారు. 2024లో వైఎస్సార్ కాంగ్రెస్ పార్టీ మళ్లీ ప్రభుత్వాన్ని స్థాపించి జగన్మోహన్ రెడ్డి రెండోసారి ముఖ్యమంత్రి అయితే ఇప్పుడు పని చేసిన వారందరికీ మంచి గుర్తింపు లభిస్తుందని ఆయన తెలిపారు. పార్టీ విజయం కోసం శాయశక్తుల శ్రమించాలని ఆయన కోరారు. ఈ సమావేశంలో జిల్లా వైఎస్సీర్సీపి నూతన కార్యవర్గ సభ్యులుపాల్గొన్నారు.

Anakapalle

2023-08-27 16:10:30

బిసి సంక్షేమ సంఘం సేవలు అభినందనీయం

బిసి సంక్షేమ సంఘం సేవలు అభినందనీయమని వైఎస్సార్ సీపీ అనకాపల్లి పార్లమెంటరీ పరిశీలకులు దాడి రత్నాకర్ అన్నారు. అనకాపల్లి విజయా రెసిడెన్సీ ఫంక్షన్ హాల్ లో బిసి సంక్షేమ సంఘం కార్యవర్గ సమావేశం ఆ సంఘ అధ్యక్షులు మొల్లి రమణబాబు అధ్యక్షతన జరిగింది. తొలుత ఆ సంఘ నూతన కార్యవర్గ సభ్యులు చే ప్రమాణస్వీకారం చేయించారు. ఈ సమావేశానికి ముఖ్య అతిథిగా హాజరైన రత్నాకర్ మాట్లాడుతూ ఈ సంఘం చాలా కాలం నుంచి బీసీల కోసం ఎన్నో సంక్షేమ కార్యక్రమాలు నిర్వహిస్తూ వస్తుందన్నారు. న్నారు. రాష్ట్ర ముఖ్యమంత్రి జగన్మోహన్రెడ్డి బిసి లకు అన్నింటా సముచిత స్థానం కల్పిస్తున్నారని ఆయన అన్నారు. కాగా  అనకాపల్లి జిల్లా కేంద్రంగా ఏర్పాటు చేసినందుకు జగన్మోహన్ రెడ్డి కి సంఘ సభ్యులు కృతజ్ఞతలు తెలియజేశారు. బీసీ సంక్షేమ సంఘం ఆధ్వర్యంలో విద్యావంతులైన  18 సంవత్సరాలు నిండిన వారికి ఓటు హక్కు కల్పించి ఓటర్లుగా మార్చే కార్యక్రమం జరుగుతుందని ఆసంఘ ప్రతినిధులు పేర్కొన్నారు. అనకాపల్లి జిల్లాలో కొన్ని శాఖలకు పూర్తిస్థాయి అధికారులు లేకపోవడం వల్ల జిల్లా అభివృద్ధి ఆశించిన స్థాయిలో ఉండడం లేదన్నారు. 
 బిజెపి సీనియర్ నాయకులు కొణతాల అప్పలరాజు తదితరులు ప్రసంగించారు. ఉత్తరాంధ్ర బీసీ సంక్షేమ సంఘం వ్యవస్థాపకులు మొల్లి రమణబాబు  ఆధ్యక్షతన జరిగిన ఈ సమావేశంలో సంఘం ప్రతినిధులు సిహెచ్ మహేష్ ,  జిల్లా మహిళా అధ్యక్షురాలు లొడగల శ్రీదేవి,  యూత్ కమిటీ మెంబర్గు మాసవరపు అప్పారావు, బండారు శ్రావణ కుమార్, అనకాపల్లి పట్టణ కమిటీ మహిళా అధ్యక్షురాలు అనుపమ, విశాఖ జిల్లా ఉపాధ్యక్షులు ఎలమంచిలి ప్రసాద్, పెందుర్తి నియోజకవర్గం అధ్యక్షులు ఇసరపు వెంకట్రావు,  కార్యదర్శి శంకర్, ఉత్తరాంధ్ర జిల్లాల మహిళా విభాగం కె. ఉమామహేశ్వరి, వాడచీపురుపల్లి అధ్యక్షులు మాస్వరపు వెంకయ్య నాయుడు, పోలమరశెట్టి రామకృష్ణ, సన్నాడ జగ్గప్పారావు, సింహా శ్రీను, నాగులాపల్లి వెంకటేష్ ,నాగరాజు, శేఖర్, కుమార్, బీసీ కార్యవర్గ సభ్యులు  తదితరులు పాల్గొన్నారు.

Anakapalle

2023-08-27 14:39:27

వడ్లపూడిలో మహా శివలింగ ప్రతిష్టాపన

గాజువాక వడ్లపూడిలో ప్రాచీన ఆలయాలు ఒక్కొక్కటి బయటకు వచ్చి ప్రతిష్టాపన జరగడం శుభ పరిణామమని ఎంపీ జివిఎల్ నర్శింహారావు పేర్కొన్నారు. వడ్లపూడి రైల్వే క్వార్టర్స్ లో ఆదివారం దశాబ్దాల నాటి శివాలయంలో మహా శివలింగం ప్రతిష్టాపన అత్యంత ఘనంగా జరిగింది. శివలింగంతోపాటు వారాహి, పార్వతీదేవి, గణపతి విగ్రహాలతో పాటు కళస ప్రతిష్టాపన అర్చకులు వేడుకగా నిర్వహించారు. ఈ కార్యక్రమానికి ముఖ్య అతిథులుగా ఎంపీ(రాజ్యసభ)జీవీఎల్ నరసింహారావు, మైథిలి దంపతులు గౌరవ అతిదిగా నియోజకవర్గ బీజేపీ కన్వీనర్ కరణంరెడ్డి నరసింగరావు జ్యోతి దంపతులు పూజలో పాల్గొన్నారు. విగ్రహాల ప్రతిష్ట అనంతరం వైదికులు ఎంపీ జీవీఎల్ దంపతులకు వేదాశీర్వాదం చేశారు. అనంతరం భారీ అన్న సమారాధన ఏర్పాటు చేశారు.  అర్చకులు సుబ్రహ్మణ్య ఫణిశర్మ పర్యవేక్షణలో పూజలు జరిగాయి.ఈ కార్యక్రమంలో దలాయ్,రమణారావు,అప్పారావు,వెంకటరావు,సాంబమూర్తి,శ్రీరామమూర్తి,కృష్ణంరాజు,రోహిణి,భువనేశ్వరి తదితరులు పాల్గొన్నారు.

Gajuwaka

2023-08-27 14:33:42

వైఎస్సార్సీపీని తిరిగి అధికారంలోకి తీసుకురావాలి

వైఎస్సార్సీపీ  మీద నమ్మకం ఉంచి గత ఎన్నికల్లో ప్రజలు అత్యధిక స్థానాలలో గెలిపించారని, ముఖ్యమంత్రి జగన్మోహన్ రెడ్డి ప్రజలకు ఇచ్చిన మాటను నిలబెట్టుకుని అనేక హామీలు నెరవేర్చారని, అందుకే వచ్చే ఎన్నికల్లో కూడా వైసిపిని మళ్లీ అధికారులకు తీసుకురావాల్సిన బాధ్యత కార్యకర్తలు నాయకులపై ఉందని రాష్ట్ర పరిశ్రమల శాఖ మంత్రి గుడివాడ అమర్నాథ్ అన్నారు. అనకాపల్లి జిల్లా వైసీపీ నూతన కార్యవర్గ నియామకం ఆనకాపల్లి పార్టీ కార్యాలయంలో ఆదివారం జరిగింది. నూతనంగా నియమితులైనకార్యవర్గ సభ్యులను మంత్రి అమర్నాథ్, జిల్లా పార్టీ అధ్యక్షుడు బొడ్డేడ ప్రసాద్ శాలువులతో సత్కరించారు. అనంతరం సార్మంత్రి అమర్నాథ్ మాట్లాడుతూ పార్టీ అధినేత జగన్ మోహన్ రెడ్డి ఆదేశాల మేరకు 55 మందితో నూతనకార్యవర్గాన్ని ఏర్పాటు చేశామని చాలా కీలకమైన సమయంలో ఈ కార్యవర్గం బాధ్యతలు తీసుకుందని అన్నారు. గడిచిన నాలుగున్నర సంవత్సరాలలో వైసిపి ప్రభుత్వం రాష్ట్రాన్ని అన్ని విధాల అభివృద్ధి చేసిందని తెలిపారు. జరిగిన అభివృద్ధిని ప్రజలకు తెలియజేసి తిరిగి పార్టీని గెలిపించే బాధ్యత ఈ నూతన కార్యవర్గంపై ఉందని అమర్నాథ్ అన్నారు.

 గత ఎన్నికలలో అనకాపల్లి పార్లమెంటు నియోజకవర్గాన్ని, ఏడు అసెంబ్లీ స్థానాలను వైసిపి కైవసం చేస్తుందని, తెలుగుదేశం పార్టీ ఆవిర్భవించిన తర్వాత టిడిపివెంకటేష్ రెడ్డిఏతర పార్టీకి పూర్తి మెజార్టీ రావడం అదే ప్రథమని అమర్నాథ్ అన్నారు. వచ్చే ఎన్నికల్లో కూడా ఇదే స్థాయిలో వైసీపీ విజయదుందుభి మోగించాలని ఆయన విజ్ఞప్తి చేశారు. కార్యకర్తలు నాయకులు మధ్య ఏవైనా విభేదాలు ఉంటేవాటిని పక్కనపెట్టి, పార్టీ విజయానికి కృషి చేయాలని, పార్టీ అధికారంలోకి వస్తే మరింతమంది కొత్త వారికి కూడా పదవులు దక్కే అవకాశం ఉంటుందని ఆయన చెప్పారు. ఎన్నికల్లో కష్టపడి విజయం కోసం పని చేసే వారిని గుర్తించి, భవిష్యత్తులో వారికి కీలక పదవులు లభించేటట్టు చూస్తామని మంత్రి అమర్నాథ్ పేర్కొన్నారు. వచ్చే ఐదు నెలలు కష్టపడితే, ఐదేళ్లపాటు మళ్ళీ మన ప్రభుత్వం అధికారంలో ఉంటుందని అమర్నాథ్ అన్నారు.

Anakapalle

2023-08-27 13:54:10
Downloads
ENS Live
About Us |
Privacy |
Contact Us |
Terms and Conditions
Copyright@2020ENSLive