అన్నవరం సత్యదేవుని వసతి గదుల సమాచారం

అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి దేవస్థానంలో భక్తుల సౌకర్యర్ధం వసతి గదుల సమాచారాన్ని శనివారం అధికారులు మీడియాకి ప్రకటన ద్వారా విడుదల చేశారు. శ్రీసీతారామ చౌల్ట్రీ(రూ.200)94 గదులు, ఓల్డ్ సెంటినరీ(రూ.400)64, న్యూసెంటినరీ(రూ.500)32, శ్రీవనదుర్గా చౌల్ట్రీ (రూ.200)12, సత్యనికేతన్(రూ.200)62, శ్రీసత్యదేవ(రూ.400)60, ప్రకాష్ సదన్(రూ.650)41, ప్రకాశసదన్ ఏసి(రూ.1050)44, ప్రకాశ్ సదన్ డబుల్ రూమ్(రూ.1600)1, హరిహరసదర్(రూ.600)51, హరిహర సదన్ సింగిల్(రూ.400)5, హరిహర సదన్ ఏసి(రూ.950)84గదులు అందుబాటులో ఉన్నాయి.

అన్నవరం సత్యదేవుని పెళ్లి మండపాల అద్దె ధరలివే

ఆంధ్రప్రదేశ్ లోని కాకినాడ జిల్లాలోని ప్రముఖ పుణ్యక్షేత్రం అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి దేవస్ధానంలో పెళ్లిళ్లకు మండపాలను అద్దెకు తీసుకోవచ్చు. సుమారు 18 రకాల పెళ్లి మండపాలు ఇక్కడ అందుబాటులో ఉన్నాయి. ప్రభుత్వం నిర్ణయించిన ధరకంటే ఎవరికీ ఒక్క పైసాకూడా అధికంగా 

చెల్లించాల్సిన పనిలేదు. నేరుగా సీఆర్వఓ కార్యాలయాన్ని సంప్రదించి వివాహ శుభకార్యాలకు మండపాలను అద్దెకు తీసుకోవచ్చు. అద్దె మండపాలు వాటికి నిర్ణయించిన ధరలు ఒక్కసారి తెలుసుకుంటే..1)శ్రీ సీతారామ చౌల్ట్రీ హాల్(2) ఒక రోజుకి అద్దె ధర రూ.5వేలు, 2)శ్రీ సీతారామ స్టేజి (1) రూ.5వేలు, 3)ప్రకాస్ సదన్ కేంటీన్ హాల్(1) రూ.15వేలు, 4)ప్రకాష్ సదన్ సౌత్ రోడ్డు(1) రూ.25వేలు, 5) ప్రకాష్ సదర్ నార్త్ రోడ్డు(1) రూ.15వేలు, 6)వాయువ్య వ్రత మండపం(1) రూ.50వేలు,  7)నైరుతి వ్రత మండపం(1) రూ.50వేలు, 8)విష్ణు సదన్ హాలు పెద్దవి(12) రూ.5వేలు, 9)విష్ణు సదన్ హాలు చిన్నవి(26) రూ.3వేలు, 10) విష్ణు సదన్ హాలు సెల్లార్(1) రూ.4వేలు, 11)ఓల్డ్ సిసి స్టేజ్(2)రూ.5వేలు, 12) న్యూ సిసి స్టేజి(1) రూ.10వేలు, 13)ఓల్డ్ కళ్యాణ మండపం 1, 2(రూ.35వేలు), 14) హరిహర సదన్ పార్కింగ్ ప్లేస్ రూ.25వేలు, 15)పబ్లిక్ ఎమినిటీస్ సెంటర్(పంపా చౌల్ట్రీ డౌన్ హాలు)(7)రూ.3వేలు, 16)పబ్లిక్ ఎమినిటీస్ సెంటర్(పంపా చౌల్ట్రీ డౌన్ హాలు 1,2,3,6)రూ.వెయ్యి, 17)పబ్లిక్ ఎమినిటీస్ సెంటర్(పంపా చౌల్ట్రీ డౌన్ హాలు 4, 5)రూ.700, 18) సత్యనికేతన్ చౌల్ట్రీ బ్యాక్ సైడ్(1)రూ.1500

ఈఎన్ఎస్ కధనాలపై ఏపీ ప్రభుత్వ విశేష స్పందన..!

ఆంధ్రప్రదేశ్ ప్రభుత్వం ఈఎన్ఎస్ నేషనల్ న్యూస్ ఏజెన్సీ మరియు అధికారిక మొబైల్ న్యూస్ యాప్, Ens Live, న్యూస్ వెబ్ సైట్ www.enslive.net ద్వారా అందించిన వరుస కధనాలపై విశేషంగా స్పందించింది. 75 ప్రభుత్వ శాఖల్లోని ఉద్యోగుల ఖాళీలు, పెండింగ్ లో ఉన్న పదోన్నతులు, లెక్కగట్టని ఖాళీలు, ఇన్చార్జిలు, ఏఫ్ఏసీ అధికారుల నియామకం వలన పరిపాలన గాడితప్పుతున్న విధానాలపై ప్రత్యేక కథనాలు అందించింది. దీనితో వాస్తవాలను పసిగట్టడంతోపాటు, భారీ మార్పులకు శ్రీకారంచుట్టి ఆపై కీలక నిర్ణయిం తీసుకుంది.  వెంటనే రాష్ట్రవ్యాప్తంగా 26 జిల్లాల్లోని మండల స్థాయి నుంచి జిల్లా స్థాయి వరకూ ఉన్న అన్నిస్థాయిల్లోనూ ఇన్చార్జి, ఎఫ్ఏసీ విధానాలను రద్దు చేయాలని,  అధికారులకు పదోన్నతులు కల్పించాలని, ఖాళీలను లెక్కించి ప్రభుత్వానికి నివేవిదించాలని సీఎం వైఎస్.జగన్మోహనరెడ్డి కార్యదర్శి రేవు ముత్యాలరాజు అన్ని ప్రభుత్వశాఖల ప్రిన్సిపల్ కార్యదర్శిలకు, జిల్లా కలెక్టర్లకు ఉత్తర్వులు జారీచేశారు. ఈ ఉత్తర్వులు తక్షణమే అమల్లోకి వస్తాయని కూడా పేర్కొన్నారు. దీనితో రాష్ట్రవ్యాప్తంగా వున్న ప్రభుత్వశాఖల్లోని ఎఫ్ఏసీ, ఇన్చార్జి అధికారుల జాబితాలను కలెక్టర్లు, జిల్లా పరిషత్ సీఈఓలు సిద్దం చేస్తున్నారు.

ఇన్చార్జిలు, ఎఫ్ఏసీల ఆశలపై రద్దు ఉత్తర్వుల నీళ్లు..

పదోన్నతులు, కొత్త పోస్టులకు లైన్ క్లియర్

అన్నవరం సత్యదేవుని వసతి గదుల సమాచారం

అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి దేవస్థానంలో భక్తుల సౌకర్యర్ధం వసతి గదుల సమాచారాన్ని శనివారం అధికారులు మీడియాకి ప్రకటన ద్వారా విడుదల చేశారు. శ్రీసీతారామ చౌల్ట్రీ(రూ.200)94 గదులు, ఓల్డ్ సెంటినరీ(రూ.400)64, న్యూసెంటినరీ(రూ.500)32, శ్రీవనదుర్గా చౌల్ట్రీ (రూ.200)12, సత్యనికేతన్(రూ.200)62, శ్రీసత్యదేవ(రూ.400)60, ప్రకాష్ సదన్(రూ.650)41, ప్రకాశసదన్ ఏసి(రూ.1050)44, ప్రకాశ్ సదన్ డబుల్ రూమ్(రూ.1600)1, హరిహరసదర్(రూ.600)51, హరిహర సదన్ సింగిల్(రూ.400)5, హరిహర సదన్ ఏసి(రూ.950)84 గదులు అందుబాటులో ఉన్నాయి.

గ్రామ, వార్డు సచివాలయ సేవలపై ఇకపై మూడో నేత్రం..!

ఆంధ్రప్రదేశ్ ప్రభుత్వం గ్రామ, వార్డు సచివాలయ శాఖ ఏర్పాటు చేసిన మూడున్నరేళ్ల తరువాత వాటి నుంచి పూర్తిస్థాయి ఫలితాలను ఆశించే కార్యక్రమానికి శ్రీకారం చుట్టింది. సచివాలయాలు ఏర్పాటు చేసినపుడు ఇచ్చిన జాబ్ చార్టును తాజాగా 20విభాగాల ఉద్యోగులకు మార్పు చేసింది. వాటి ద్వారానే సిబ్బంది ఖచ్చితంగా పనిచేయాల్సి వుంటుంది. అంతేకాకుండా వారు ఏవిధంగా పనిచేస్తున్నారో తెలుసుకునేందుకు వారి శాఖలకు చెందిన జిల్లా, డివిజన్ అధికారులను పర్యవేక్షణకు ఆకస్మికంగా పంపిస్తున్నది. ఇప్పటికే గ్రామ, వార్డు సచివాలయాల్లో సిబ్బంది ఏ విధంగా పనిచేస్తున్నారు..ప్రభుత్వం ఇచ్చిన రికార్డులు ఎలా నిర్వహిస్తున్నారు.. స్పందన కార్యక్రమం నిర్వహిస్తున్నారా లేదా.. సర్వీసు రిక్వెస్టులు ఎన్నిరోజుల్లోగా క్లియర్ చేస్తున్నారు.. యూనిఫారం సక్రమంగా వేసుకొని వస్తున్నారా లేదా.. ఫేస్ బయోమెట్రిక్ ఏవిధంగా చేస్తున్నారు.. టూర్ డైరీలు ఎలా నిర్వహిస్తున్నారు.. మినిట్స్ బుక్ నిర్వహణ ఎలా చేపడుతున్నారు.. ఉద్యోగుల సెలవులు, ఓడీలు.. అసలు ఎన్నిరకాల సేవలను ప్రజలకు అందిస్తున్నారనే విషయాన్ని తెలుసుకుంటున్నది. దానికోసం ప్రతీ జిల్లా అధికారి నెలలోరెండు సార్లు సచివాలయాలను సందర్శించాల్సి వుంటుంది. ఆ సమయంలో గుర్తించిన అంశాలను జిల్లా కలెక్టర్ కు, సదరు ప్రభుత్వశాఖ ముఖ్యకార్యదర్శికి  నివేదించాల్సి వుంటుంది.

ప్రభుత్వం ఏర్పాటు చేసిన ఈ సచివాలయాల్లో పంచాయతీరాజ్, పోలీస్, ఇంజనీరింగ్, వెల్ఫేర్, రెవిన్యూ, వ్యవసాయం, వాణిజ్యం, పట్టుపురుగులు, పశుసంరక్షణ, టౌన్ ప్లానింగ్, శానిటేషన్, విద్యుత్ ఇలా 20 ప్రభుత్వశాఖల సిబ్బంది పనిచేస్తున్నారు. వారందరి జిల్లా, డివిజనల్ స్థాయి అధికారులు ఇకపై గ్రామ, వార్డు సచివాలయాలను ప్రభుత్వం ఇచ్చిన మార్గదర్శకాలకు అనుగుణంగా సందర్శించాల్సి వుంటుంది. వారితోపాటు, ఎమ్మెల్యే, ఎంపీ, నగర మేయర్లు, నగర పంచాయతీ అధికారులు కూడా సచివాలయాలను సందర్శించాల్సి వుంటుంది. తద్వారా క్షేత్రస్థాయిలో ఇబ్బందులను అధికారులు ప్రభుత్వం దృష్టికి తీసుకెళ్లడంతోపాటు, సిబ్బంది సేవలను మెరుగు పరచడానికి కూడా అవకాశం వుంటుందనేది ప్రభుత్వ లక్ష్యం. ప్రభుత్వ నిర్ణయం మేరకు అధికారులు సచివాలయాల సందర్శన కూడా చేపడుతున్నారు. దీనితో సచివాలయ సిబ్బంది..మొన్నటి వరకూ ఆడుతూ పాడుతూ పనిచేసేవారు కాస్తా..దారిలోకి వచ్చి ఎప్పటి రికార్డులను అప్పుడు పూర్తిచేయడం ప్రారంభిస్తున్నారు. లేదంటే అప్పటి పరిస్థితిని బట్టీ సదరుశాఖ జిల్లా/డివిజన్ స్థాయి అధికారి రికార్డుల్లో ఎరుపురంగు పెన్నుతో సంతకాలు చేసి వెళతారు. అదే సమయంలో అప్పటికి సచివాలయంలో సేవలు వినియోగించుకోవడానికి వచ్చిన ప్రజల నుంచి కూడా వాంగ్మూలం తీసుకుని..ఆపై చర్యలకు ఉపక్రమిస్తారు.

ప్రభుత్వం వేసిన ముందడుగులో ఫలితాలు, చర్యలు కూడా ప్రారంభం అయ్యాయి. విధినిర్వహణలో అలసత్వం వహించేవారిని ఇంటికి పంపే ఏర్పాట్లు కూడా చేస్తున్నారు. ప్రభుత్వం సచివాలయ సిబ్బందికి ఇచ్చిన యూనిఫారం వేసుకురాని సిబ్బందికి నేరుగా జిల్లా కలెక్టర్లు షోకాజ్ నోటీసులు జారీచేస్తున్నారు. క్షేత్రస్థాయిలో ఈ విషయం తెలిసినా ఎంపీడీఓలు పెద్దగా పట్టించుకోకపోవడం, సచివాలయ కార్యదర్శిలే యూనిఫాం వేసుకురాకపోయినా ఏమీ అనకపోవడం వంటి విషయాలను ప్రభుత్వం సీరియస్ గానే తీసుకుంది. ఈవిషయంలో ఎవరికీ మినిహాయింపులు ఇవ్వలేదని ప్రకటించినా..చాలా మంది సిబ్బందిలో మార్పురాలేదు..కనీసం మండల అధికారులు పెట్టే సమావేశాలకు సైతం సచివాలయ సిబ్బంది యూనిఫాంలో కాకుండా సాధారణ దుస్తుల్లో వెళుతున్నా ఎంపీడీఓలు పట్టించుకోవడం లేదు. ఇకపై అలాంటి అంశాలను కూడా ఆకస్మిక తనిఖీలకు వచ్చే అధికారులు గుర్తించి విషయాన్ని జిల్లాస్థాయిలో కలెక్టర్, జెసిలకు, రాష్ట్రస్థాయిలో వారి శాఖల ముఖ్యకార్యదర్శి దృష్టికి తీసుకెళతారు. ఇప్పటివరకూ ఏదోలాగడిచిపోయిన సచివాలయ సిబ్బంది విధినిర్వహణ ఇకపై కష్టతరంగానే మారిందనడానికి ప్రభుత్వం తీసుకున్న ప్రయోజనకర నిర్ణయాలే కారణంగా కనిపిస్తున్నాయి. తమపని తాము చేసుకుపోయే సిబ్బంది ప్రభుత్వ విధానాన్ని స్వీకరిస్తుంటే.. ఏవో సాకులు చెప్పి విధులకు డుమ్మాకొట్టి, వారికి నచ్చినట్టుగా పనిచేసే సిబ్బందికి మాత్రం ప్రభుత్వ చర్యలు యమపాశంలా కనిపిస్తున్నాయి. చూడాలి ప్రభుత్వ నిర్ణయం, కొత్త జాబ్ చార్టు అమలు ఏ తరహా ఫలితాలు ముందు ముందు తీసుకువస్తుందనేది..!

ఆప్కో నుంచి చేనేత సొసైటీలకు బిల్లులు ఇప్పించండి

ఆంధ్రప్రదేశ్ లో చేనేత సొసైటీల ద్వారా ఆప్కోకి బట్టలు సరఫరా చేసి బిల్లులు రాక ఇబ్బంది పడుతున్నవారి సమస్యలు పరిష్కరించాలని ఆప్కో నూతన చైర్మన్ గంజి చిరంజీవి దృష్టికి పద్మశాలీ సంఘం నేత కొప్పుల రామ్ కుమార్ తీసుకు వెళ్లారు. విజయవాడలో ఈరోజు విజయవాడ చేనేత భవన్ లో ఆప్కో చైర్మన్ ప్రమాణ స్వీకార కార్యక్రమంలో పాల్గొన్నారు. ఈ సందర్భంగా సొసైటీలు పడుతున్న ఇబ్బందులపై వినతి పత్రాన్ని సమర్పించారు. ఈ సమస్యను త్వరితగతిన పరిష్కరించాలని కోరారు. వినతిపై చైర్మన్ సానుకూలంగా స్పందించారు.  అంతకు ముందు రాష్ట్రవ్యాప్తంగా పద్మశాలీ సంఘం సభ్యులు నూతన చైర్మన్ కుశుభాకాంక్షలు తెలియజేశాయి. ఈ కార్యక్రమంలో మార్కండేయ చేనేత సహకార సంఘం నాయకులు కె.రవి, చుక్కల చిన్నారావు, బి.శ్రీనివాసరావు ఎం.సూరిబాబు, గోపు.భీష్మసత్యనారాయణ తదితరులు పాల్గొన్నారు.

శ్రీవారిని దర్శించుకున్న భక్తులు 20.78 లక్షలు

తిరుమల  శ్రీవారిని జనవరి నెలలో దర్శించుకున్న భక్తుల సంఖ్య 20.78 లక్షలు మందిగా నమోదు అయ్యారని టిటిడి ఈఓ ధర్మారెడ్డి తెలియజేశారు. డయల్ యువర్ ఈఓ అనంతరం ఆయన స్వామివారి జనవరి నెల వివరాలను తెలియజేశారు. హుండీ ద్వారా వచ్చిన కానుకలు రూ.123.07 కోట్లు, లడ్డూలు విక్రయించిన శ్రీవారి లడ్డూల సంఖ్య 1.07 కోట్లు,  అన్నప్రసాదం స్వీకరించిన భక్తుల సంఖ్య 37.38 లక్షలు, కల్యాణకట్టలో తలనీలాలు సమర్పించిన భక్తుల సంఖ్య 7.51 లక్షల మందిగా నమోదు అయ్యారని పేర్కొన్నారు. భక్తులకు ఎక్కడా ఇబ్బంది లేకుండా సర్వదర్శనాలు కొనసాగుతున్నాయని ఈఓ వివరించారు.

డిసెంబరులోగా ఆటోమేటిక్ లడ్డూయంత్రాల

తిరుమలలో లడ్డూ తయారీ కోసం డిసెంబరు నాటికి రూ 50 కోట్లతో అత్యాధునిక సాంకేతిక పరిజ్ఞానంతో తయారుచేసిన యంత్రాల వ్యవస్థ అందుబాటులోకి వస్తుందని టీటీడీ ఈవో ఎవి ధర్మారెడ్డి చెప్పారు.  ప్రపంచంలోనే టాప్ 1 స్థాయిలో తిరుమల మ్యూజియం ను డిసెంబరు నాటికి సిద్ధం చేస్తామని ఆయన తెలిపారు.  తిరుమల అన్నమయ్య భవనంలో శుక్రవారం డయల్ యువర్ ఈవో కార్యక్రమం జరిగింది. ఈ సందర్భంగా ఈవో భక్తులను ఉద్దేశించి , ఆతరువాత మీడియాతో మాట్లాడారు. ఆటోమేటిక్ మిషన్ల ద్వారా రోజుకు 6 లక్షల దాకా లడ్డూల తయారీకి అవకాశం వుంటుందన్నారు. 

ఉసూరుమంటున్న గ్రామ, వార్డు సచివాలయ వీఆర్వోలు

భారతదేశంలోనే ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా ప్రవేశపెట్టిన గ్రామ, వార్డు సచివాలయాల్లో ఏదోశాఖ ఉద్యోగులకు అన్యాయం జరుగుతూనే ఉన్నది. ప్రభుత్వం కావాలని చేస్తున్నదో..లేదంటే కొంతమేరకైనా జీతాల భారం తగ్గించుకోవాలని చేస్తున్నదో తెలీదు కానీ.. అరకొర జీతాలతో వీఆర్ఏ నుంచి వీఆర్వోలుగా పదోన్నతులు పొంది జిల్లాకాని జిల్లా..ప్రాంతం కానీ ప్రాంతాలో బతుకు బండి ఈడ్చేలా చేస్తున్నది. రెండున్నరేళ్లు గడిచిపోతున్నా రాష్ట్రవ్యాప్తంగా 26 జిల్లాల్లోని 14వేల 5 గ్రామ, వార్డు సచివాలయాల్లో 3572 మంది వీఆర్వోలు ప్రభుత్వం ప్రకటించిన రూ.15వేల జీతంతోనే బ్రతుకుతున్నారు. గతంలో సచివాలయ ఉద్యోగులకు జరిగిన అన్యాయమే ఇపుడు పదోన్నతి పొందిన వీఆర్ఏలను కూడా వెంటాడుతోంది. ప్రభుత్వం ప్రతిపాదించిన రెండు రకాల టెస్టులు(కంప్యూటర్ ఎఫిషియన్సీ టెస్టు, సర్వే టెస్టు) పాసైతే తప్పా వీరి సర్వీసులు రెగ్యులర్ చేసేది లేదని మెలిక పెట్టింది. దీనితో వీఆర్వోలు అంతా కంప్యూటర్ ఎఫియన్సీ టెస్టులో పాసైయ్యారు. తీరా సర్వే టెస్టులో మాత్రం 1850 మంది పాసైతే 1722 మంది ఫెయిల్ అయ్యారు. ఫెయిల్ అయిన వారికి ప్రభుత్వం మళ్లీ వెంటనే పరీక్ష పెట్టడం మానేసింది.

వీఆర్ఏ నుంచి విఆర్వోగా పదోన్నతలు ఇచ్చిందని ఆనందపడాలో లేదంటే వచ్చిన ఉద్యోగం ప్రభుత్వం పెట్టే టెస్టుల్లో పాస్ కానందుకు వారి సర్వీసులు రెగ్యులైజేషన్ కి నోచుకోలేదని బాధపడాలో తెలియని పరిస్థితి నెలకొంది. వీరు కూడా సాధారణ వీఆర్వోలు మాదిరిగానే అన్నిపనులూ చేస్తున్నారు. విధుల్లోకి చేరిన తరువాత ఆరు నెలల్లో రెండు రకాల పరీక్షలు పెడతామని చెప్పిన ప్రభుత్వం రెండేళ్ల వరకూ వీరికి పరీక్షలు పెట్టలేదు. దీనితో వీరంతా ఒక పరీక్షలో పాసై మరో పరీక్షలో ఫెయిల్ అయ్యారు. మొత్తం పదోన్నతి పొందిన వీఆర్వోలందరికీ రెండు పరీక్షలు పాసైన తరువాతే సర్వీసులు రెగ్యులర్ చేస్తామని ప్రభుత్వం ప్రకటిస్తున్నది. దీనితో వీరంతా తీవ్రఆందోళన చెందతున్నారు. ప్రభుత్వం తక్షణమే మరోసారి సర్వే  పరీక్ష నిర్వహించి తమ ఉద్యోగాలను రెగ్యులర్ చేయాలని డిమాండ్ చేస్తున్నారు. ప్రభుత్వం ఇచ్చే రూ.15 వేల జీతంతో కుటుంబాలను పోషించుకోవడానికి, తీవ్ర ఇబ్బందులు పడాల్సి వస్తుందని ఆవేదన చెందుతున్నారు. ఉన్న కాస్తంత జీతంలోనే మండలకేంద్రాలకు తరచూ తిరగడం, శిక్షణలకు, ప్రత్యేక సమావేశాలకు  జిల్లా కేంద్రాలకు వెళ్లడంతోనే వచ్చిన జీతం మొత్తం ఆవిరైపోతుందని కన్నీటి పర్యంతం అవుతున్నారు. తమను విధుల్లోకి తీసుకున్నవెంటనే రెండేళ్లలోనే పరీక్షలు పెట్టివుంటే ఫెయిల్ అయినవారంతా మరోసారి పరీక్షలు రాసి ఉత్తీర్ణత సాధించడానికి అవకాశం ఉండేదని వాపోతున్నారు.

ప్రభుత్వం తక్షణమే ఫెయిల్ అయినవారికి పరీక్ష పెట్టాలని లేనిపక్షంలో ప్రస్తుతం సచివాలయ ఉద్యోగులకు ఇచ్చేపేస్కేలు అయినా వర్తింపచేయాలని వీఆర్వోలంతా ప్రభుత్వాన్ని డిమాండ్ చేస్తున్నారు. ప్రస్తుతం కొత్తగా వీఆర్వోల జాబ్ చార్టు మార్చిన తరుణంలో విధినిర్వహణలోనే క్యాంపులకు ఎక్కువగా తిరగాల్సి వుంటుందని, ప్రభుత్వం ఇచ్చే జీతంతో కుటుంబాలనే పోషించుకుంటామా..లేదంటే ప్రభుత్వం అప్పగించిన పనులకు క్యాంపులకే తిరుగుతామా అని ప్రశ్నిస్తున్నారు.  

రాష్ట్రవ్యాప్తంగా ఉన్న 3572 మంది వీఆర్వోలు ఇదే ఆర్ధిక ఇబ్బందికర పరిస్థితులు ఎదుర్కొంటున్నామని ఆవేదన చెందుతున్నారు. తమ గోడు వినే నాధుడే ప్రభుత్వంలో కరువయ్యాడని అంటున్నారు. ఇప్పటికే ప్రభుత్వం ఉద్యోగులకు నెలాఖరున జీతబత్యాలు ఒకటవ తేదీ నాటికి ఇవ్వడం లేదు. ఉన్న వీరిందరికీ సర్వీసులు రెగ్యులర్ చేస్తే ప్రభుత్వంపై మరింత ఆర్ధిక భారం పడుతుందనే కారణంతోనే వీరికి పెట్టాల్సిన పరీక్షలు సకాలంలో నిర్వహించకుండా తాత్సారం చేస్తున్నదనే ఆరోపణలు కూడా వినిపిస్తున్నాయి. ఇప్పటికైనా పదోన్నతి పొందిన వీఆర్వోలకు డిపార్ట్ మెంట్ పరీక్ష నిర్వహించి వారి సర్వీసులు రెగ్యులర్ చేస్తే తప్పా ప్రభుత్వ ప్రాధాన్యత భూముల రీ-సర్వేలో వీరంతా పూర్తిస్థాయిలో పాల్గొనే అవకాశం లేదు. చూడాలి ప్రభుత్వం ఈ వీఆర్వోల విషయంలో ఏం చేస్తుందనేది..!

వైఎస్సార్సీపీ టార్గెట్175లో అపుడే 2టిక్కెట్లు ఔట్

వైఎస్సార్సీపీలో వచ్చే ఎన్నికల్లో 175కి 175 సాధించాలని ముఖ్యమంత్రి వైఎస్.జగన్మోహనరెడ్డి లక్ష్యంగా పెట్టుకుంటే అసమ్మతి అధికారపార్టీ ఎమ్మెల్యేలు ఒక్కొక్కరుగా చేజారిపోతున్నారు. ఇప్పటికే 2 టిక్కెట్లు చేజారిపోగా..అసెంబ్లీ ఎన్నికల నాటికి 175 స్థానాల్లో సీట్లు ప్రకటించినప్పటికి మరెన్నీ రాలిపోతాయో తెలియని పరిస్థితి నెలకొందని విశ్లేషకులు భావిస్తున్నారు. ప్రభుత్వ లెక్కల ప్రకారం ప్రజాసంక్షేమ పాలన అందిస్తున్నామని..కోట్లాది రూపాయాలు సంక్షేమ పథకాలపేరిట బటన్ నొక్కి నేరుగా లబ్దిదారుల ఖాతాలకే పంపిస్తున్నామని ప్రభుత్వం ప్రకటిస్తున్నా..నేటికీ కార్యకర్త నుంచి నాయకుడి వరకూ వారి స్థాయిల్లో ఏ పనులూ జరగడం లేదు. ఆ విషయం అధిష్టానం వరకూ వెళ్లడం లేదనే ప్రచారం గత కొద్ది రోజులుగా హాట్ టాపిక్ అయ్యింది. ప్రభుత్వం అధికారంలోకి వచ్చి ఇన్నేళ్లు గడుస్తున్నా నామినేటెడ్ పదవులు ఇంకా చాలాస్థాయిలో భర్తీ కాలేదనేది జగమెరిగిన సత్యం. ఈ తరుణంలో అసమ్మతి ఎమ్మెల్యేలు, సీటుచేజారిపోతుంద ని భావించే ఎమ్మెల్యేలు, సీటు కోసం ఆశించేవారు ఎవరి ప్రయత్నాలు వారు మొదలు పెట్టారు.

తాను ఒకటి తలిస్తే పార్టీ ఒకటి తలచినట్టుగా పార్టీ అధికారంలో లేనపుడు జెండాలు మోసిన కార్యకర్తలు, వారిని దగ్గరుండి నడిపించిన నాయకులకు పార్టీ అధికారంలోకి వచ్చిన తరువాత న్యాయం జరగలేదనేది వాస్తవం అంటున్నారు విశ్లేషకులు. అయితే ఈ విషయం తెలిసినా..చెప్పించే చేయాలని కొంత మంది నాయగణం కార్యకర్తలను కార్యకర్తలుగా మాదిరిగా ఉంచేస్తున్నారనే ఆవేదన కూడా ఎక్కువగా వుంది. అధికారంలో ఎమ్మెల్యేలు, మంత్రులు, ఎంపీలకు ఆశ, ఆలోచన ఉండటం సహజమేనని.. కానీ సొంత గ్రామంలో కనీసం చిన్న చిన్న పనులు కూడా ప్రజలకు, కార్యకర్తలకు చేయించలేని నాయకులు వచ్చేఎన్నికల్లో పార్టీకోసం పనిచేస్తారా అంటే కష్టమేననే సంకేతాలు కూడా వినిపిస్తున్నాయి. బెదిరించి పనిచేయించాలని..డబ్బుతో ఓటును కొనాలనుకునే రోజులు పోయాయనే విషయం 2019 ఎన్నికల్లోనే తేటతెల్లం అయ్యిందిని..ఇపుడు ప్రభుత్వం ప్రజలకు మంచిచేస్తే తప్పా వచ్చే ఎన్నికల్లో ఓటు పడే పరిస్థితి లేదనేది ప్రస్తుత వాస్తం. అయినా కొంత మంది ఎంపీలుగా వున్నవారు ఎమ్మెల్యేలుగా..ఎమ్మెల్యేలుగా ఉన్నవారు ఎంపీలుగా వెళ్లడానికి, నియోజకవర్గాలు మర్పుకి పార్టీ శ్రీకారం చుట్టిన తరుణంలో దిగువస్థాయి కేడర్, సీటు ఆశించిన వారంతా అలకపూనారు. ఈ క్రమంలోనే ఒక్కొక్కరు జారిపోవడం కూడా ఇపుడు చర్చనీయాంశం అవుతున్నది.

అటు ప్రతిపక్షపార్టీలు, వామపక్షపార్టీలు కూడా ఎక్కడా తగ్గడంలేదు వారి వారి బలాన్ని పెంచుకుంటూనే ప్రజా ప్రభుత్వ వ్యతిరేక విధానాలతో అన్నివర్గాలను చైతన్యం తీసుకు వస్తున్నారు. ఈసారి ఏదిఏమైనా ప్రభుత్వం అనుకున్న లక్ష్యాన్ని నిర్వీర్యం చేసేదిశగా వ్యూహాత్మకంగా పావులు కదువుపుతున్నారని విశ్లేషకులు ఒక 

అంచనాకు వచ్చారు. ప్రభుత్వం 175కి 175గా లక్ష్యం పెట్టుకుందని అయితే 75 మాత్రమే అధికారపార్టీకి ఇచ్చి మిగిలిన 100 తాము సంపాదించే దిశగా ప్రజల్లోకి వెళుతున్నారనేది ప్రస్తుత రాజకీయాలు స్పష్టం చేస్తున్నాయి. కొత్తగా రాజకీయాల్లోకి వచ్చేవారు..ప్రజలతో నమ్మకంగా ఉండే ప్రజాప్రతినిధులు ఇలా అన్ని వర్గాల ప్రజలు కూడా ప్రతిపక్షాలను, వామపక్షాలను నమ్మే పరిస్థితిని తీసుకు వస్తున్నారు. ప్రభుత్వం నగదు బదిలీ పథకాల రూపంలో పలు సంక్షేమ కార్యక్రమాలు ప్రజలకు అందిస్తున్నా.. ఇచ్చిన దానికంటే ఎంతరెట్టింపు ప్రజలపై పన్నులు, విద్యుత్, గ్యాస్, ఇతరత్రా భారాలను మోపుతుందనేది ప్రజలకు తెలియజేయడంలో ముందుంటున్నారు. అదే సమయంలో అధికారపార్టీలో అసమ్మతి సెగను కూడా చక్కగా వినియోగించుకుంటున్నారే ప్రచారం జరుగుతున్నది. ఈ తరుణంలో ప్రభుత్వ లక్ష్యం 175కి ఎన్నిసీట్లు వస్తాయనే విషయమై ఆశక్తకర రాజకీయ చర్చ ఆంధ్రప్రదేశ్ జరుగుతుండటం విశేషం..చూడాలి ఏం జరుగుతుంది..ఏవిధంగా జరగబోతుంది..ఫలితాలు ఎలా వస్తాయనేది..!

తెలంగాణలో ఆర్టీసీ ప్రయాణీకులకు శుభవార్త

తెలంగాణలోని ఆర్టీసీ  ప్రయాణికులకు అక్కడి యాజమాన్యం గుడ్ న్యూస్ అందించింది. ప్రయాణీకులు ముందస్తు రిజర్వేషన్లపై రాయితీలు ప్రకటించింది. 31 రోజుల నుంచి 45 రోజుల ముందు టికెట్ రిజర్వేషన్ చేసుకుంటే టికెట్ పై 5% రాయితీ, 46 రోజుల నుంచి 60 రోజుల ముందు టికెట్ బుక్ చేసుకుంటే 10% డిస్కౌంట్ ఇస్తామని ప్రకటించింది. ముందస్తు రిజర్వేషన్ సదుపాయం ఉన్న బస్సులకు ఈ రాయితీ వర్తించనుంది. ఈ మేరకు ఓపీఆర్ఎస్ సాఫ్ట్ వేర్ ను టీఎస్ ఆర్టీసీ అప్ డేట్ చేసింది. ఈ అవకాశాన్ని దూర ప్రయాణాలు చేసుకునేవారు పూర్తిస్థాయిలో సద్వినియోగం చేసుకోవాలని టిఎస్ ఆర్టీసీ కోరుతోంది..!

సచివాలయ ఉద్యోగుల నుంచే రూ.20.80 కోట్ల పన్నలు

కేంద్రప్రభుత్వం ప్రవేశపెట్టిన నూతన బడ్జెట్ శ్లాబుల విధానంతో ఆంధ్రప్రదేశ్ లో గ్రామ, వార్డు సచివాలయ ఉద్యోగులకు ఏడాదిరి వారు తీసుకునే జీతంపై రూ.1500 నుంచి 1600 వరకూ ఆదాయపు పన్ను చెల్లించాల్సి వుంటుంది. తద్వారా సుమారు రూ.20.80 కోట్ల వరకూ పన్నుల రూపంలో ప్రభుత్వానికి రానుంది. కేంద్రం ఆదాయపు పన్ను శ్లాబు వలన రూ.3లక్షలు నుంచి రూ.6లక్షల వరకూ 5% పన్ను, రూ.6లక్షల నుంచి రూ.9 లక్షల వరకూ 10%, రూ.9 నుంచి రూ.12లక్షల వరకూ 15%, రూ.12నుంచి 15లక్షల వరకూ 20%, రూ. 15 లక్షల నుంచి ఆపైన ఆదాయం ఉన్నవారు రూ.30% ఆదాయపు పన్ను చెల్లించాల్సి వుంటుంది. మరోవైపు ఐటీఆర్ ప్రాసెసింగ్ వ్యవధిని 20-24 రోజుల నుంచి 15 రోజులకే తగ్గించేశారు. దీనితో ఒకే సారి ఇటు రాష్ట్ర వ్యాప్తంగా, అటు దేశ వ్యాప్తంగా ఐటీ రిటర్న్స్ దాఖలు చేయాలంటే సర్వర్ పై తీవ్ర ప్రభావం చూసే అవకాశాలున్నాయి.

ఏపీలో వీఆర్వోలు, గ్రామ సర్వేయర్లకు కొత్త జాబ్ చార్ట్

ఆంధ్రప్రదేశ్ లో భూములు రీసర్వే జరుగుతున్న తరుణంలో రాష్ట్ర ప్రభుత్వం కీలక నిర్ణయం తీసుకుంది. వీఆర్వోలు, గ్రామ సర్వేయర్లకు  రాష్ట్ర ప్రభుత్వం కొత్త జాబ్ 

చార్ట్ అమలు చేసింది. గ్రామ సచివాలయాల్లో పనిచేసే వీఆర్వోలు, సచివాలయాల్లో పనిచేసే వార్డు రెవెన్యూ కార్యదర్శులకు కంబైన్డ్ జాబ్ చార్ట్, గ్రేడ్-1, 2, 3 గ్రామ 

సర్వేయర్లకు జాబ్ చార్టపై రెవెన్యూ శాఖ ప్రత్యేక ప్రధాన కార్యదర్శి జి.సాయిప్రసాద్ రెండు వేర్వేర్లు ఉత్తర్వులు జారీచేశారు. వీఆర్వోల జాబ్ చార్ట్..తుపాన్లు, వరదలు, 

ప్రమాదాలు లాంటి విపత్తు నిర్వ హణ విధులు, ఓటర్ల జాబితా అప్డేషన్, ప్రభుత్వం నిర్దేశించే ఇతర ఎన్నికల విధులు, రెవెన్యూ రికార్డుల మ్యుటేషన్ పనులు, భూముల 

సర్వే కార్యకలా పాలు, నివాస, నేటివిటీ లాంటి సర్టిఫికెట్ల జారీ విధులను నిర్వర్తించాలని పేర్కొన్నారు.  గ్రామ, వార్డు సచివాలయాల పరిధిలో రెవెన్యూ శాఖకు సంబంధిం

చిన అన్ని వినతులను పరిశీలించి తీసుకున్నచర్యలపై ఆయా శాఖలకు నివేదికలు పంపడం  లాంటి పనుల్ని నిర్దేశించారు.

పంటల అజమాయిషీ, సర్వే రాళ్ల తనిఖీ, ప్రభుత్వ భూములు, ఆస్తుల రక్షణ,రోడ్లు, వీధులు, ప్రభుత్వ స్థలాలు ఆక్రమణకు గురికాకుండా  కాపాడటం, రెవెన్యూ సెస్, పన్నులు వసూలు చేయాలి. హత్యలు, ఆత్మహత్యలు, అసహజ మరణాలు, గ్రామాల్లో శాంతి భద్రతకు విఘాతం కలిగించే అంశాలను తహశీల్దార్కు నివేదించడం

తోపాటు తహశీల్దార్, కలెక్టర్, సీసీఎల్ఎ, ప్రభుత్వం నిర్దేశించే ఇతర పనుల్ని ఎప్పటికప్పుడు నిర్వర్తించాలని జాబ్ చార్ట్లో పేర్కొన్నారు.  ఒకే సమయంలో

ఎక్కువ పనులు చేయాల్సి వచ్చినప్పుడు ప్రాధా న్యతకు అనుగుణంగా చేపట్టాలని సూచించారు. గ్రామ సర్వేయర్ల జాబ్ చార్ట్ వ్యక్తులు, ప్రభుత్వ  సంస్థలతోపాటు అనుమతిం చిన లేఅవుట్లకు సంబంధించి ఎఫ్లైన్ పిటిషన్లు (సరిహద్దు వివాదాలు, హద్దులు-విస్తీర్ణంలో తేడాలు లాంటి వాటిపై అందే దరఖాస్తులు)స్వీకరించి పరిష్కరించాలి.

 సర్వే సబ్ డివిజన్, సంబంధిత మార్పులు చేసే బాధ్యత వారిదే.గ్రామ కంఠాలు, పూర్తిస్థాయి స్ట్రీట్/టౌన్ సర్వే, కొత్త సబ్ డివిజన్, పాత సబ్ డివిజన్లను కలపడంపై 

అందే దరఖాస్తులను ఎప్పటికప్పుడు పరిష్కరించి గ్రామ రికార్డుల్లో చేర్చాలి. సచివాలయాల పరిధిలో అదే అన్ని వినతులతోపాటు వివిధ శాఖల అధికారులు

ఫర్ చేసే అంశాలపై నివేదికలు ఇవ్వాలి. మిస్ అయిన, దెబ్బతిన్న, తొలగించిన సర్వే పాయింట్లు మార్క్లు, గ్రౌండ్ కంట్రోల్ పాయింట్లు సర్వే, సరిహద్దు చట్టం ప్రకారం 

ముసాయిదా నోటీసు ఇచ్చి రెన్యువల్ చేయాలి. తన పరిధిలోని 10 శాతం సర్వే పాయింట్లు, మార్క్ గ్రౌండ్ కంట్రోల్ పాయింట్లను ప్రతి నెలా తనిఖీ చేయాలి. 

కాంపిటెంట్ అథారిటీ అధికారుల ఆదేశాల ప్రకారం రికార్డుల్లో తప్పులను సరిచేయాలి. పై అధికారులకు సమాచారమిచ్చి అన్నితనిఖీలకు గ్రామ సర్వేయర్లు హాజరు 

కావాలి. సర్వే పరికరాలు, ఇతర వస్తువులను సర్వీస్ చేచేయించి నిర్వహణ చేపట్టాలి. నెలవారీ టూర్ డైరీలు, ప్రోగ్రెస్ స్టేట్మెంట్లు ఇతర నిర్దేశిత సమాచారాన్ని సర్వే 

సెటిల్మెంట్ కమిషనరు పంపాలి. సర్వే కార్యకలాపాలను ఈటీఎస్,డీజీపీఎస్, కార్స్ లాంటి అత్యాధునిక సాంకేతిక పరికరాలతోనే నిర్వహించాలి. వీఆర్వోలకు

సహకరించాలి. ఈ జాబ్ చార్ట్ ఆధారంగా పెర్ఫార్మెన్స్ ఇండికేటర్స్ కూడా ఇచ్చారు.ప్రభుత్వం తీసుకున్న నిర్ణయంతో కొత్తగా జాబ్ చార్టు వీఆర్వోలకు అమల్లోకి వచ్చింది..!

అన్నవరం సత్యదేవుని వసతి గదుల సమాచారం

అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి దేవస్థానంలో భక్తుల సౌకర్యర్ధం వసతి గదుల సమాచారాన్ని బుధవారం అధికారులు మీడియాకి ప్రకటన ద్వారా విడుదల చేశారు. ప్రకాశ్ సదన్ లో 21 గదులు, హరిహర సదన్ ఏసీ 6,  హరి హర సదన్ నాన్ ఏసీ 6,  హరి హర సదన్ సింగిల్ 0, న్యూ సెంటినరీ 8, ఓల్డ్ సెంటినరీ 5, విఐపీ ఎస్జీహెచ్ 8, సీతారామ చౌల్ట్రీ 23, సత్య నికేతన్ లో25 గదులు అందుబాటులో ఉన్నాయని పేర్కొన్నారు. భక్తులు నేరుగా సీఆర్వో కార్యాలయంలో సంప్రదించి భక్తులు తమకు కావాల్సిన వసతి గదులను సద్వినియోగం చేసుకోవాలని కోరుతున్నారు.

యూనిఫాం వేసుకురాని ఉద్యోగులను ఇంటికి పంపండి..!

గ్రామ, వార్డు సచివాలయ ఉద్యోగుల యూనిఫారం విషయంలో ఆంధ్రప్రదేశ్ ప్రభుత్వం కీలక నిర్ణయం తీసుకుంది. ఇకపై సచివాలయ ఉద్యోగులు విధులకు యూనిఫారం ధరించి రాకపోతే అలాంటి వారిని ఇంటికి పంపనున్నారు. ప్రభుత్వం నుంచి వచ్చిన ఆదేశాలను మొదటిసారిగా విజయనగరం జిల్లా కలెక్టర్ ఎ.సూర్యకుమారి అమలుచేస్తున్నారు. మత్స్యశాఖలోని గ్రామీణ మత్స్య సహాయకులు విధులకు యూనిఫారం ధరించి రాకపోవడాన్ని సీరియస్ గా తీసుకున్న కలెక్టర్ వారికి షోకాజ్ నోటీసులు జారీచేశారు. ప్రభుత్వం ఉద్యోగుల గుర్తింపుకోసం ఖచ్చితంగా ధరించేలా ఇచ్చిన యూనిఫారం వేసుకోని మీపై ఎందుకు చర్యలు తీసుకోకూడదో చెప్పాలంటూ హెచ్చరించారు. షోకాజ్ నోటీసులు అందుకుకున్నవారు సహేతుకమైన కారణాలు చెప్పాలని అందులో పొందుపరిచారు. ఇప్పటికే చాలాసార్లు హెచ్చరికలు జారీచేసినా సచివాలయ సిబ్బందిలో మార్పు రాలేదని..ఇకపై ప్రభుత్వం స్వయంగా పంపిణీచేసిన యూనిఫారం సక్రమంగా ధరించాలని, లేనివారిపై కఠిన చర్యలు తీసుకుంటామని గట్టిగా హెచ్చరించారు.

జిల్లాకలెక్టర్ ఏర్పాటుచేసిన సమీక్షాసమావేశానికి ప్రభుత్వం ఇచ్చినఫారంలో షర్టు ఒకటి, ఫ్యాంటు మరొకటి, మరికొందరు ఏకంగా యూనిఫారం లేకుండా వచ్చారు. దీనిపై కన్నెర్ర చేసిన కలెక్టర్ సమావేశంలోనే గట్టిగాహెచ్చరించారు. అసలు ప్రభుత్వం ఇచ్చిన యూనిఫారం ధరించడానికి ఎందుకు చిన్నతనంగా ఫీలవుతున్నారంటూ మండిపడ్డారు. ప్రభుత్వం ఎంతో ఉన్నత లక్ష్యంతో ప్రజలు, అర్జీదారులు ఉద్యోగులను గుర్తుపట్టాలనే ఉద్దేశ్యంతో ఇచ్చిన యూనిఫారం ధరించకుండా ప్రభుత్వాన్నే అవహేళన చేస్తున్నారని ఇది పద్దతి కాదని, ఇకపై అలాంటి వారిని ప్రత్యేకంగా గుర్తించాలని జిల్లా మత్స్యశాఖ ఉపసంచాలకులను ఆదేశించారు. గుర్తించిన వారందరికీ షోకాజ్ నోటీసులు జారీచేయాలని ఆదేశించారు.

ఒక్క విజయనగరంలోనే కాకుండా రాష్ట్రవ్యాప్తంగా ఇదే పరిస్థితి నెలకొంది. అసలు సచివాలయ గ్రేడ్1 నుంచి గ్రేడ్-5 కార్యదర్శిల వరకూ ఎవరూ యూనిఫారం వేసుకొని రాకపోవడంతో, దానిని అలుసుగా తీసుకుంటున్న సిబ్బంది కూడా సివిల్ డ్రెస్సుల్లో వస్తున్నారు. ఈ విషయం ఎంపీడీఓలు గుర్తించినా వారు కూడా లైట్ తీసుకుం టున్నారు. ఒక్కోసారి డిఎల్పీఓ, డీపీఓ, ఇతర జిల్లాశాఖల ఉన్నతాధికారులు సచివాలయానికి వచ్చిన సమయంలోకూడా సిబ్బంది ధరించని యూనిఫారంపై ప్రశ్నించడం లేదు. షర్టు ఒకటి, ఫ్యాంటు మరొకటి వేసుకొనివచ్చినా ఎక్కడా ప్రశ్నించడం లేదు. ఆ మాటకొస్తే..ప్రభుత్వం ఎంతో నమ్మకం పెట్టుకున్న సచివాలయ ఉద్యోగులే ప్రభుత్వ ఆశయాన్ని, లక్ష్యానికి గాలితీసేస్తున్నారనే విషయం వీరుధరించే యూనిఫారమే తేటతెల్లం చేస్తున్నది. మరికొందరు ఒక అడుగు ముందుకేసి యూనిఫాం బ్యాండుమేళం బ్యాచ్చిలా ఉందని..అందుకనే వేసుకో బుద్ది కావడం లేదని..ఏం చేసుకుంటారో చేసుకోండి అన్నట్టుగానే వ్యవహరిస్తున్నారు. జిల్లాకలెక్టర్లు కూడా ఈవిషయాన్ని పట్టించుకోకపోవడంతో వీరి యూనిఫారం ధారణ విషయంలో ప్రశ్నించే వారే కరువవుతున్నారు.

ప్రభుత్వ ఆదేశం ప్రకారం సచివాలయ ఉద్యోగులు సరైన, సక్రమమైన(ఫ్యాంటు ఓ రంగు, షర్టు ఓ రంగు కాదు) యూనిఫారం ధరించి మాత్రమే ధరించి విధులకు హాజరుకావాలి. అలా హాజరుకాని ఉద్యోగులకు జిల్లాశాఖల అధికారులు షోకాజు నోటీసులు ఇవ్వాలి. లేదంటే సదరు జిల్లాఅధికారులకు కలెక్టర్లు షోకాజ్ 

నోటీసులు జారీచేస్తారు..జిల్లా కలెక్టర్లు కూడా ఈ విషయాన్ని పట్టించుకోకపోతే వారిపై గ్రామ, వార్డు సచివాలయశాఖ ముఖ్యకార్యదర్శి, కమిషనర్, డైరెక్టర్ 

లతోపాటు ప్రభుత్వ ముఖ్యకార్యదర్శిల నుంచి షోకాజ్ నోటీసులొస్తాయి. ఈవిధంగా చేయడానికి ప్రభుత్వం ప్రత్యేక ప్రణాళిక సిద్దం చేసింది. దానితో రాష్ట్రంలోని  26జిల్లాల్లోని 14వేల 5 గ్రామ, వార్డు సచివాలయ ఉద్యోగుల యూనిఫాం విషయంలో ప్రభుత్వం ఆదేశాలు జారీచేసిన విజయనగరం జిల్లా కలెక్టర్ ముందు వరసులో నిలబడి ప్రభుత్వ లక్ష్యాన్ని అమలుచేస్తున్నారు. ఇదే ఇపుడు రాష్ట్రవ్యాప్తంగా హాట్ టాపిక్ గా మారింది. చూడాలి విజయనగరం జిల్లాకలెక్టర్ ను ఆదర్శంగా తీసుకొని ఇతర జిల్లాల కలెక్టర్లు, 20శాఖల జిల్లా అధికారులు సచివాలయ సిబ్బందితో యూనిఫారం వేసుకొచ్చేలా చేయగలగుతారా..లేదంటే లైట్ తీసుకుంటారో..అనేది..!