సముద్రం పై వేటకు వెళ్లే మత్స్యకారుల స్ధితిగతులను మెరుగుపరిచి వలసలను అరికట్టే లక్ష్యంతో ప్రపంచ స్థాయి ప్రమాణాలతో కూడిన 10 ఫిషింగ్ హార్బర్లు, 6 ఫిష్ లాండింగ్ కేంద్రాల నిర్మాణానికి శ్రీకారం చుట్టారని తెలిపారు. రాష్ట్ర స్థాయిలో ముఖ్యమంత్రి కార్యక్రమం ప్రారంభించగా జిల్లాలో జిల్లా రెవెన్యూ అధికారి  ఎస్ శ్రీనివాసమూర్తి ప్రజాప్రతినిధులు, అధికారులతో కలిసి జిల్లాలో మత్స్యకార భరోసా క్రింద 12,17,30,000/- ల రూపాయల మెగా చెక్కును మత్స్యకారులకు  అందజేశారు.  జిల్లా నుండి  ఈ కార్యక్రమం  లో  జిల్లా రెవెన్యూ అధికారి ఎస్ శ్రీనివాసమూర్తి, శాసన సభ్యులు వాసుపల్లి గణేష్ కుమార్, ఎమ్.ఎల్.సి వంశీకృష్ణా యాదవ్ , జాయింట్ డైరెక్టర్(ఫిషరీస్) విజయ, గ్రామ, వార్డు సచివాలయాల జిల్లా ఇంచార్జ్ పూర్ణిమ దేవి,  ఫిషరీస్ వెల్ఫేర్ యండ్ డెవలప్మెంట్  డైరక్టర్ పి.విజయ చంద్ర , పలువురు మత్స్యకారులు పాల్గొన్నారు.

గృహ నిర్మాణాలకు సంబంధించి ఎన్ఆర్ఇజిఎస్ తో అనుసంధానించి పనులు కల్పించాలని, పెండింగ్ లో ఉన్న సుమారు ఏడు కోట్ల రూపా యలకు ఎఫ్ టి ఓ జనరేట్ చేయాలని ఆదేశించారు.  ఎంపీడీవోలు క్రియేట్ చేసిన పనుల ప్రతిపాదనలు వారి దగ్గర పెండింగ్లో లేకుండా డ్వా మా పిడికి పంపించాలని, పిడి స్థాయిలో లేదా కలెక్టర్ స్థాయిలో పెండింగ్లో ఉంటే వెంటనే తన దృష్టికి తీసుకురావాలని 24 గంటల్లో పనులు మంజూరు చేస్తానని కలెక్టర్ తెలిపారు.  కొండ ప్రాంతాలలో గృహ నిర్మాణాలకు రవాణా అధికంగా ఉందని ఎంపీడీవోలు కలెక్టర్ దృష్టికి తీసు కురాగా, కలెక్టర్ స్పందిస్తూ అటువంటి వాటిని గుర్తించి ప్రతిపాదనలు పంపిస్తే అదనపు నిధుల కోసం ప్రభుత్వానికి నివేదిస్తానని హామీ ఇచ్చా రు.  ఎన్ఆర్ఈజీఎస్ క్రింద చేపట్టిన పనులలో ఉద్యాన పంటల పనులకు కూడా ప్రాధాన్యత ఇవ్వాలని సూచించారు. 

పిల్లల ఆధార్ నమోదుపై ప్రత్యేక శ్రద్ధ పెట్టాలని కలెక్టర్ ఆదేశించారు. జనన ధ్రువీకరణ పత్రాలు అప్లోడ్ చేయడం ద్వారా పిల్లల ఆధార్లను జనరేట్ చేయాలని ఆదేశించారు. ఆధార్, జనన ధ్రువీకరణ లేని వారందరికీ ఆధార్, జనన ధ్రువీకరణ జనరేట్ చేయాలని ఆదేశించారు.  అదేవిధంగా బడి బయట ఉన్న వారిని గుర్తించి వారిలో ఎనీమియా తో బాధపడుతున్న వారికి తగు చికిత్స అందించాలన్నారు. 2005 - 2008 మధ్య పుట్టిన పిల్లలు ఏ విద్యాసంస్థల్లో, ఏ స్టేజ్ లో ఉన్నారా గుర్తించి వారికి కూడా ఎనీమియాతో బాధపడితే చికిత్స అందించాలన్నారు.  జననీ సురక్ష యోజన క్రింద తల్లులతో బ్యాంకు ఖాతాలు ప్రారంభింపజేయాలని ఆదేశించారు.  సచివాలయాలలో సూచించిన ఆరు రిజిస్టర్లను తప్పనిసరిగా నిర్వహించాలని ఆదేశించారు. ఈ వీడియో సమావేశంలో సహాయ కలెక్టర్ అశుతోష్ శ్రీ వాత్సవ, డ్వామా పీడీ రమేష్ రామన్, హౌసింగ్ పిడి బాబు, జిల్లా పంచాయతీ అధికారి కొండలరావు, సిపిఓ ఆర్ఎస్ఎన్ పట్నాయక్, డివిజనల్ పంచాయతీ అధికారి కుమార్, మండలాల నుండి ఎంపీడీవోలు, డ్వామా ఏపిఓలు తదితరులు పాల్గొన్నారు. 

ఏంచేసిన తప్పులను కప్పిపుచ్చుకోవడానికి, ప్రభుత్వ అధికారుల విచారణలో ప్రైవేటు లాయర్ ను తీసుకెళ్లడం మా తప్పా..? ఆమాత్రం ఆత్మరక్షణ, ఎదురుదాడిని తట్టుకునే స్వాతంత్ర్యం కూడా మాకు లేదా...? ఇన్నేళ్లపాటు సభ్యులందరికీ తెలియకుండా, మా అనధికార కార్యవర్గం విజెఎఫ్ ఖర్చుల చిట్టా ఒకేసారి చార్టెడ్ అకౌంటెంట్ తో మా ఆమోదంతోనే చేయించుకున్నాం.. మా ఆమోదంతోనే జాయింట్ సెక్రటరీని మూడు సమావేశాలకు పిలవకుండా ఆయన పేరుని కార్యవర్గం నుంచి, విజెఎఫ్ లెటర్ హెడ్ నుంచి తప్పించేశాం..అలా చేసుకునే అవకాశంగానీ, బయిలాలో నిబంధన పాటించి(మూడు సమావేశాలకు రాకపోతే) కావాలనే తప్పించే అవకాశం కూడా మాకు ఇవ్వరా..? ఇదెక్కడి న్యాయమండీ.. ఇన్ని చేసిన మాకు నిబంధనలు తెలియవంటారా..? మాకూ నిబంధనలు తెలుసు..? సర్వసభ్య సమావేశం పెట్టాలని కూడా తెలుసు.. అలా చేసి, ఖర్చుల చిట్టా ప్రకటిస్తే ఆ సమయంలో మాపనేంటో కూడా మాకు తెలుసు.. అందుకే కదా ఇన్నేళ్లపాటు కోర్టుకేసులు, కోవిడ్ నెపంతో ఉండిపోయాం...! ఇంత చేసిన మాకు మీరిచ్చే గౌరవం ఇదేనా.. ఏదో మీకోసం 12ఏళ్లపాటు ఉండిపోయినందుకు ఇన్నేళ్ల లెక్కలు ఒకేసారి చెప్పాలంటే మాకు మాత్రం సమయం వద్దా..? అందుకనే జిల్లా కలెక్టర్ మల్లిఖార్జున మా అనధికార కార్యవర్గంపై విచారణ వేసినపుడు.. కేవలం 2020 వరకూ మాత్రమే రెవిన్యువల్స్ చేయించిన సంఘం రిజిస్ట్రేషన్ కాపీ చూపించాం... ఇంకా మూడేళ్లు ఉండిపోయింది.. దానిని కూడా చేయించాలని చూశాం..మావల్ల కాలేదు. ఆమాత్రం దానికి విజెఎఫ్ నుంచి మమ్మల్ని పొమ్మంటే మేము ఏమైపోవాలి..? మీ అందరి కోసం ప్రతీ ఏదాది ప్రెస్, జర్నలిస్టు పనులను మానుకొని మరీ చందాలు, విరాళాలు, స్పాన్సర్ షిప్పుల కోసం తిరిగిన మా కష్టాన్ని గుర్తించకపోవడం చాలా శోచనీయం. మీరడిగినవి ఏమీ మేము చేయము.. జిల్లా కలెక్టర్ విచారణ నివేదిక కూడా మాకోసమే వాయిదాలు పడుతూ వస్తోంది. కాలం మాకు అలా కలిసి వస్తోంది. లెక్కలు, అందులోని బొక్కలూ చెప్పేది లేదు..ఇష్టం ఉంటే ఎన్నికలు పెడతాం..లేదంటే కలెక్టర్ కమిటీ నివేది వచ్చేంత వరకూ ఎన్నేళ్లయితే అన్నేళ్లూ కష్టపడి మళ్లీ మేమే ఉండిపోతాం. 

ఏం ఇన్నేళ్లు సభ్యులందరినీ మోసం గడిపేసిన మాకు మరోసారి పోటీ చేసే అవకాశం ఇవ్వరా..? ఇదేనా సాటి జర్నలిస్టులకు మీరిచ్చే గౌరవం(ఇందులో జర్నలిస్టులు ఎంతమందున్నారు..?) సొసైటీ నిబంధనలు అంటే ఏంటో మాకు తెలీకనే వాటిని తుంగలోకి తొక్కామా..? ఏం సర్వసభ్య సమావేశం పెట్టాలని మాకు తెలీకే.. ప్రతీ ఏటా అన్ని కార్యక్రమాలు చేసేమేము సర్వసభ్య సమావేశం పెట్టకుండా దానాని తెలివిగా దాటవేసుకుంటూ వచ్చామా..? ఎప్పుడు ఏ పని ఏవిధంగా చేసి మిమ్మల్ని బురిడీలును చేయాలో మాకు తెలీదా చెప్పండి..? మీరూ కూడా కాస్త అర్ధం చేసుకోవాలి.. పనిచేసేవారు ఎవరు? పనిగట్టుకొని విజెఎఫ్ ను అంటిపెట్టుకున్నవారెవరు..? ఎందుకు ప్రభుత్వం నిబంధనల పట్టించుకోకుండా సొసైటీని నియమ, నిబంధనలు తుంగలోకి తొక్కిందెవరు..? ఇన్నేళ్లూ పరిపాలించేసినా.. ఇంకా పదవుల కోసం, నార్లభవన్ లోని రెండు అంతస్తులను సొంత అవసరాలకు వాడుకోవాలని చూస్తున్నవారెవరు..? దానికోసం కుల, మత, వర్గ విభేదాలు రెచ్చగొట్టాలని చూస్తున్నవారెవరు..? ఇవన్నీ తెలుసుకోకపోతే ఎలా..? విజెఎఫ్ సభ్యులుగా మా అనధికార కార్యవర్గం ఏం చేసిందో, ఎలాంటి సంక్షేమం చేసిందో.. దానిని అడ్డం పెట్టుకొని ఎలా ఎదిగిందో.. అంతకంటే చక్కని రాజకీయం ఎలా చేసిందో మీకు తెలుసు. మంచి మనసుతో ఆలోచించండి..? మాకు మళ్లీ ఒక్క అవకాశం ఇవ్వండి..? అంతే తప్పా సర్వసభ్య సమావేశాలు, ప్రతీఏటా చేసిన ఖర్చులు, సొసైటీ నిబంధనలు, కాలంచెల్లిపోయిన పదాలు వాడొద్దు.. మాకు మనసులేదా..? మీరు ఇన్నేసి మాటలు అంటున్నా మాకు పట్టనట్టు ఎందుకుండిపోతున్నామో కూడా మీరు గుర్తించలేకపోతున్నారు..? అలాగని జిల్లా అధికారులు సైతం ఎందుకు మేము చేసిన తప్పులను కూడా వెంటనే ప్రకటించలేదో కూడా మీకు తెలుసు.. ఇన్ని తెలిసిన మీకు మళ్లీ మళ్లీ మాకే అవకావం కల్పించాలని మీకు తెలీదా..? మాకు మళ్లీ మళ్లీ ఎన్నికల్లో పోటీ చేసే అవకాశం ఇవ్వరా..అలా అయితే మేము ఏమైపోతాం..? విజెఎఫ్ నే నమ్ముకొని పెట్టుకున్న మా లక్ష్యాలు నీరు గారీపోవడమేనా..?  మేము మాత్రం ఇంతకంటే ఏం చెప్పగలం.. ఎందుకంటే ఇలాంటి తేడా ఆలోచనలు ఊరకనే రావు.. విజెఎఫ్ లాంటి ఒక కల్ఫ వృక్షం ఉంటే తప్పా.. మీరంతా మంచి జర్నలిస్టులు.. తప్పులను ఎత్తిచూపే వారి మాటలను ఏ మాత్రం నమ్మొద్దు..మాపై మీకు ఏ మాత్రం గౌరవం ఉన్నా.. మళ్లీ మళ్లీ మాకోసం మాత్రమే ఆలోచించండి.. ఇంతకన్నా మేము మిమ్మల్ని ఏమీ అడగము.. అడగలేము..?!

ఇంత కాలంలేని అభివృద్ధి కార్యక్రమాలు ఇప్పుడే ఎందుకు చేయిస్తున్నారని విజెఎఫ్ సభ్యులు ప్రశ్నిస్తే.. ఆ ఒక్కటీ అడక్కూడదు మీరం తా... ఏం 12ఏళ్ల పాటు, కోర్టుకేసుల నెపంతో మోసం చేసినా, కనీసం సర్వసభ్య సమావేశాలు పెట్టకపోయినా, ప్రతీ ఏటా తమ ప్రచారం కోసం కార్యక్రమాలు చేస్తున్నా.. అప్పుడు మాట్లాడని వారు ఇపుడెందుకు మాట్లాడుతున్నాయని ఎదురుదాడి చేస్తున్నారు ప్రస్తుతం కాలంచెల్లిన కార్యవర్గ సభ్యులు. మేం చేసిందే కార్యక్రమం, మేము పెట్టాలనుకుంటే సర్వసభ్య సమావేశం పెడతాం..ఒక వేళ అలా సొసైటీ నిబంధనలు పాటించకపోయినా.. మా తప్పులను వెనుకేసుకు వచ్చే సీనియర్ జర్నలిస్టులు, సానుభూతి పరులు మా వెనుకే పెద్ద సంఖ్యలోనే ఉన్నారనే ప్రచారం సైతం తమ వెనునున్నవారితో సోషల్ మీడియాలో ఊదర గొడుతున్నారు.  ఇక దాతల నుంచి వచ్చిన విరాళాలు ఏమయ్యాయో ఎవరికీ తెలియదు.. కనీసం విజెఎఫ్ పై భవనాల ద్వారా వచ్చిన అద్దెలు, ఆదాయాలు ఏమయ్యాయో అసలే తెలీదు.. కానీ 12ఏళ్లలో విహార యాత్రలు మాత్రం అనధికార కార్యవర్గం క్రమం తప్పకుండా చేస్తూ వస్తున్నది ఈ అధికారం లేని పాలకవర్గం. సమయం దాటిపోయినా.. కోర్టు కేసుల విషయంలో ఒక్కసారి కూడా కోర్టు మెట్లు ఎక్కని వారు కోర్టు 2 కేసులను ఒకటి 2016లోనూ, మరొకటి 2019లో డిఫాల్ట్ డిస్ మిస్ చేస్తే..తీర్పు విజెఎఫ్ కి అనుకూలంగా వచ్చిందని సభ్యులను దారుణంగా మభ్యపెట్టారంటే వీరి పదవీ కాంక్షకు కోర్టు కేసులను కూడా ఏవిధంగా వాడుకున్నారో చాలా స్పష్టంగా అర్ధమవుతుంది. ఇదంతా రాజకీయపార్టీలు చేస్తున్న కార్యక్రమాల కంటే దారుణంగా చేపడుతుండటం విశేషం.

మనమంతా ప్రజా సేవకులమని, ప్రజలను పదేపదే కార్యాలయాల చుట్టూ తిప్పకుండా భూ సమస్యలను త్వరితగతిన పరిష్కరించాలని జాయింట్ కలెక్టర్ కె ఎస్ విశ్వనాథన్ అన్నారు. శుక్రవారం ఉదయం  కలెక్టరేట్‌లోని సమావేశ  మందిరంలో స్పందన ,రీ సర్వే, మ్యుటేషన్లు , భూ సేకరణ , యు ఎల్ సి భూములు తదితర రెవెన్యూ అంశాలపై ఆర్డీవోలు, తహసీల్దార్లు, డిప్యూటీ తహసీల్దార్లు ‌తో జాయింట్‌ కలెక్టర్‌ సమీక్ష నిర్వహించారు. ఈ సందర్భంగా జాయింట్ కలెక్టర్‌ మాట్లాడుతూ భూ హక్కు పత్రాల బదిలి ,  మ్యుటేషన్ కరెక్షన్  వంటి చిన్నచిన్న సమస్యల పరిష్కారానికి ప్రజలు ఇంత దూరం వస్తున్నారంటే మండల లెవెల్ లో  సిబ్బంది  సరిగా పనిచేయడం లేదని  అర్థమవుతోందన్నారు. స్పందన అర్జీల్లో రీ రీఓపెన్ కాకుండా పరిష్కరించి , ఈ సంఖ్య పూర్తిగా తగ్గాలని ఆయన ‌ స్పష్టం చేశారు. టూరిజం ప్రాజెక్టులకు భూమి సమస్యలు లేకుండా వేగవంతం చేయాలనీ ఆదేశించారు .

ప్రభుత్వ భూములలో ఇండ్లు నిర్మించుకొని జీవో నెం. 388, 301 ద్వారా పట్టాలు పొందిన లబ్ధిదారులు ప్రస్తుతం ప్రభుత్వం కల్పించిన రిజిస్ట్రేషన్ , పట్టాలో మార్పులు , చేర్పులు అవకాశాన్ని వినియోగించుకోవాలన్నారు . పట్టాలు పొందినవారు, సగం డబ్బు కట్టిన వారు,  ఇంకా పూర్తిగా డబ్బు కట్టని వారిని తహసిల్దార్లు సచివాలయాల ద్వారా  ప్రోత్సహించి ధరఖాస్తులు తీసుకోవాలని తెలిపారు. 150 చదరపు గజాల కు పైబడి యు ఎల్ సి భూములలో ఇండ్లు నిర్మించుకున్న యజమానులు ప్రభుత్వం నిర్దేశించిన రుసుములు చెల్లించి రిజిస్ట్రేషన్ చేసుకుని లబ్ధి పొందాలని అన్నారు. జిల్లాలో ప్రజలకు సంబంధించి పెండింగ్ సమస్యలలో భూములకు సంబంధించినవి అధికంగా ఉన్నాయని, స్పందన ద్వారా వచ్చే ప్రతి అర్జీను తహసీల్దార్లు , సర్వేయర్లు , వార్డు సచివాలయ సిబ్బంది  క్షుణ్ణంగా పరిశీలించి ఎటువంటి తప్పిదాలకు అవకాశం ఇవ్వకుండా పూర్తిస్థాయిలో పరిష్కరించాలని ఆదేశించారు. స్పందన అర్జీల పట్ల అలసత్వం వహిస్తే ఉపేక్షించేది లేదని హెచ్చరించారు. రెవెన్యూ అధికారులు అందరూ సమన్వయంతో పనిచేసే ప్రజల యొక్క సమస్యలను అత్యంత శ్రద్ధతో పరిష్కరించి జిల్లాను ముందు వరసలో ఉంచాలని అన్నారు.  మోచా తుఫాను హెచ్చరికల నేపథ్యంలో అధికారులు సిద్ధంగా ఉండాలని పేర్కొన్నారు.

    ఈ కార్యక్రమంలో డీఆర్వో ఎస్ శ్రీనివాస్ మూర్తి, విశాఖపట్నం ఆర్డీవో హుస్సేన్ సాహెబ్, భీమిలి ఆర్డివో భాస్కర్ రెడ్డి , ఎడి సర్వే విజయకుమార్ , ఎస్డీసీలు తహసీల్దార్లు ,  ఇతర రెవెన్యూ సిబ్బంది పాల్గొన్నారు.