ఆంధ్రప్రదేశ్ రాష్ట్రంలో పులుల సంఖ్యపై స్పష్టత వచ్చింది. నాగార్జునసాగర్‌ టైగర్‌ రిజర్వుతోపాటు ఏజెన్సీ, శేషాచలం అన్ని ప్రాంతాలో కలిపి 55 నుండి 65 వరకూ పులుల సంఖ్య ఉండొచ్చని అంచనా వేశారు. కాలి గుర్తులు, కెమెరా రికార్డుల ఆధారంగా ప్రభుత్వం ఈ అంచనాకు వచ్చింది. ప్రస్తుతం మన రాష్ట్రంలో నాగార్జునసాగర్‌ టైగర్‌ రిజర్వు ఫారెస్ట్‌ ఉంది. ఇది కాకుండా పాపికొండల ప్రాంతంలోనూ పులల సంచారం ఉంది. ఒడిస్సా మధ్యప్రదేశ్‌, చత్తీస్‌ఘర్‌ ప్రాంతాల నుండీ మన రాష్ట్రంలో అటవీ ప్రాంతానికి పులుల రాకపోకలు సాగిస్తున్నాయి. మహారాష్ట్రలో మాల్గార్‌ రిజర్వు నుండి నిత్యం మన రిజర్వులోకి రాకపోకలు సాగిస్తుంటాయి. ఒడిస్సాలోని సిమ్లిపాల్‌ రిజర్వు నుండి పులులు వస్తుంటాయి. రాష్ట్రంలో సుమారు 3500 చదరపు కిలోమీటర్ల పరిధిలో పులుల సంచారం ఉన్నట్లు అంచనా. ప్రతి పులి తన టెరిటోరిల్‌(సరిహద్దులు) 100 చదరపు కిలోమీటర్లుగా నిర్ణయించారు. అంటే సుమారు 2500 ఎకరాలు సరాసరిగా ఉంటుంది. ప్రతి ఏటా పులుల సంఖ్యపై జాతీయస్థాయిలో సర్వే నిర్వహిస్తారు. గతంలో నిర్వహించిన సర్వేలో అత్యధికంగా మధ్యప్రదేశ్‌ రాష్ట్రంలో 590 వరకూ ఉన్నాయి. ఆంధ్రప్రదేశ్‌లో ప్రస్తుతం 55 నుండి 65 మధ్య ఉండొచ్చని లెక్కగట్టారు. ప్రసుత్త కాకినాడ పరిధిలో తిరుగుతున్న పులి కూడా మన రాష్ట్రానికి సంబంధించింది కాదని, ఇటీవల లభించిన వీడియో, పంజా గుర్తుల ఆధారంగా అది ఇతర రాష్ట్రం నుండి వచ్చి ఉండచ్చని చెబుతున్నారు. ఒడిస్సా అటవీ ప్రాంతం నుండి వచ్చిందని, వచ్చే క్రమంలో దారితప్పి రావడం, అదే సమయంలో పశు మాంసానికి అలవాటు పడటంతో పూర్తిస్థాయిలో టెరిటరీ ఏర్పాటు చేసుకోలేదని, దీనివల్ల కొంత గందరగోళానికి గురవుతోందని తేల్చారు. అయితే అది తిరిగి వెళ్లే క్రమంలో ప్రస్తుతం తుని పరిసర ప్రాంతాల్లో ఉండొచ్చని తేల్చారు. రాకపోకలు సాగించే దారిలేకపోవడం వెనుక ప్రకృతి సహజమైన వనరులు ధ్వంసం కావడం కూడా కారణమై ఉండొచ్చని చెబుతున్నారు. అడవి జంతువులు నిరంతరం తిరిగే మార్గంలో అడ్డంకులు ఎదురైనప్పుడు మాత్రమే అవి దారితప్పుతాయని, లేనిపక్షంలో అంత తొందరగా వాటి సరిహద్దులు దాటి రావని చెబుతున్నారు. జూన్‌, జులై నెలల్లో పులుల సంఖ్యను ప్రకటించే సమయం కావడం ఇదే సమయంలో రాష్ట్రంలో పులి దారితప్పి ప్రయాణిస్తుండటంతో రాష్ట్రంలో పులుల సంఖ్య, వాటి కదలికలపైనా ఆసక్తి ఏర్పడింది. తుని పరిసరాల్లో ఉన్న పులి యుక్త వయస్సువల్ల తోడు కోసం దారితప్పిందని చెబుతున్న మాటల్లో వాస్తవం లేదని, ప్రకృతి సిద్ధమైన అనేక కారణాలు ఇందులో ఉన్నాయని అటవీ అధికారులు చెబుతున్నారు. నిజంగా తోడు కోసమైతే పులి ఇంతదూరం ప్రయాణం చేయదని, కేవలం దారితప్పడం వల్లే కొంత గందరగోళానికి గురైందని చెబుతున్నారు. త్వరలోనే జాడను గుర్తిస్తామని స్పష్టం చేస్తున్నారు.

ఆంధ్రప్రదేశ్ ప్రభుత్వం గ్రామ, వార్డు సచివాలయ ఉద్యోగుల సర్వీసు ప్రొబేషన్ డిక్లరైజేషన్ చేసిన తరువాత వారి సర్వీసులను రెగ్యులర్ చేసే ప్రక్రియను వేగం పెంచింది. దానికోసం సచివాలయ శాఖ ప్రత్యేక ముఖ్యకార్యదర్శి అజయ్ జైన్ ఇచ్చిన జీఓ-5 తో 19 ప్రభుత్వశాఖల జిల్లా అధికారులు రెగ్యులైజేషన్ కి సంబంధించి జిల్లా కలెక్టర్ కి నోట్ ఫైల్ తయారుచేసే పనిలో పడ్డారు. 13 జిల్లాలు కాస్త.. 26 జిల్లాలుగా మారిపోవడంతో ఇపుడు ఏ జిల్లాకు చెందిన సచివాలయ ఉద్యోగుల జాబితా ఆ జిల్లా అధికారులు తయారు చేస్తున్నారు. ఈ మేరకు వార్డుల్లో మున్సిపల్ అధికారులు, జిల్లాల్లో జిల్లా అధికారులు ఈ జాబితా తయారు చేస్తున్నారు. ఇప్పటికే రెండేళ్లే ప్రొబేషన్ పూర్తిచేసుకున్న సిబ్బంది యొక్క ఫైనల్ ఫైళ్లను మండలాల్లో ఎంపీడీఓలు జిల్లా అధికారులకు సమర్పించారు. ప్రభుత్వం ఆగస్టు1 నాటికి ఉద్యోగుల ప్రొబేషన్ డిక్లేర్ చేస్తూ కొత్త పేస్కేలు అమలు చేయాలని ఆదేశాలు జారీ చేయడంతో ఏఏ జిల్లాల్లో ఎంత మంది రెండేళ్లు సర్వీసు పూర్తిచేసుకున్నారు.. ఎంత మంది ప్రసూతి సెలువుల్లో ఉన్నారు.. మరెంత మంది డిపార్ట్ మెంటల్ టెస్టులు పాసయ్యారు.. తదితర వివరాలతో కూడిన నోట్ ఫైల్ ను తయారు చేస్తున్నారు. దానికి సంబంధించి ఇప్పటికే డిఎస్సీ చైర్మన్, జిల్లా కలెక్టర్ జిల్లా అధికారులను ఆదేశించడంతో అన్ని మండాలను యుద్ద ప్రాతిపదిక జాబితాలు జిల్లా కేంద్రానికి రప్పిస్తున్నారు. 

ప్రసూతి సెలవులు తీసుకున్నవారికి 6 నెలలు సర్వీసు ప్రొబేషన్ పొడిగింపు వర్తించడంతో వారి జాబితాలను కూడా జిల్లాశాఖల అధికారులు సేకరిస్తున్నారు. అదే సమయంలో ఎంత మంది ఉద్యోగులకు పోలీసు వెరిఫికేషన్ పూర్తయింది.. ఇంకా ఎంతమంది పెండింగ్ లో ఉన్నారనే సమాచారాన్ని కూడా 19శాఖలకు చెందిన జిల్లా అధికారులు స్వీకరిస్తున్నారు. ఈ నెలాఖరు నాటికి తొలి నోట్ ఫైల్ పూర్తయితే..మిగిలిన సిబ్బంది యొక్క జాబితా వచ్చే నె22 నాటికి పూర్తికావాలి. అంతేకాకుండా ప్రతీ నెలా 20 నుంచి 25వ తేదీలోపు జీతాల బిల్లులు పెట్టాల్సిరావడంతో ఆలోగానే సమాచారం జిల్లా అధికారుల నుంచి అనుమతులు వస్తేనే పూర్తిస్థాయి పేస్కేలుతో జీతాలు పెట్టడానికి ఆస్కారం వుంటుంది. లేదంటే ప్రభుత్వం తొలుత నిర్ధారించిన రూ.15వేలతో ఉద్యోగులు జీతాలు తీసుకోవాల్సి వుంటుంది. ఆ ఇబ్బందులు రాకుండా జిల్లా అధికారులు నోట్ ఫైల్ ప్రక్రియను వేగవంతం చేస్తున్నారు. అన్ని జిల్లాల్లో  కలెక్టర్లకు అందిన నోట్ ఫైల్ ను బట్టి రాష్ట్రవ్యాప్తంగా ఎంత గ్రామ, వార్డు సచివాలయ ఉద్యోగులు ఆగస్టు1 నాటికి ఫుల్ పేస్కేలు తీసుకుంటున్నారు..మరెంత మందికి ప్రభుత్వ నిబందనల మేరకు షరతులు వర్తిస్తాయనేది తేలనుంది.

ఆంధ్రప్రదేశ్ లో వైఎస్సార్సీపీ సర్కారు ప్రతిష్టాత్మకంగా నిర్మించ తలపెట్టిన ఇంటిగ్రేటెడ్ కలెక్టరేట్లు వ్యవహారం రెండు అడుగులు వెనక్కి వెళ్లినట్టే కనిపిస్తున్నది. 13 జిల్లాలను 26 జిల్లాలుగా మార్చే క్రమంలో ఇంటిగ్రేటెడ్ కలెక్టరేట్ల నిర్మాణానికి వడి వడిగా స్థలాల సేకరణ చేసిన ప్రభుత్వం ఒక్కసారిగా ఆ విషయాన్ని పక్కన పెట్టేసింది. వాస్తవానికి జిల్లాల విభజన పూర్తిస్థాయిలో జరిగిన తరువాత, 75శాఖలకు జిల్లా కేంద్రంలో ప్రభుత్వ కార్యాలయాలు ఏర్పాటు చేయాలి. కాని కొన్ని శాఖల కార్యాలయాలు మాత్రమే కొత్త జిల్లాలకు వచ్చాయి. చాలా ప్రభుత్వశాఖలు ఇంకా కొత్త జిల్లాలకు రాకుండా పాత జిల్లాల నుంచే పరిపాలన సాగిస్తున్నాయి. ఈ తరుణంతో ప్రభుత్వం కూడా కొత్తగా నిర్మించబోయే ఇంటిగ్రేటెడ్ కలెక్టరేట్ల వ్యవహారాన్ని కూడా ప్రభుత్వ కార్యాలయాల ఏర్పాటు పూర్తయిన తరువాత చూద్దాం అన్నట్టుగానే పక్కన పెట్టింది. వాస్తవానికి గ్రామ, వార్డు సచివాలయశాఖను పటిష్టం చేసిన తరువాత జిల్లా స్థాయిలో అధికారులు ప్రజల సమస్యలు, అభివ్రుద్ధిపై కాస్త అధికంగా ద్రుష్టిసారించాల్సి వుంటుంది. అందుకువీలుగానే కొత్తజిల్లాల్లో ఇంటిగ్రేటెడ్ కలెక్టరేట్లు ఏర్పాటు చేయాలని ప్రభుత్వం సంకల్పించింది. దానికి తగ్గట్టుగానే భూముల పరిశీలన చేపట్టింది. కొన్నిజిల్లాల్లో భూములు దొరకని ప్రాంతంలో ప్రైవేటు స్థలాలను కూడా ప్రభుత్వం సేకరించడానికి జిల్లా కలెక్టర్లు, జాయంట్ కలెక్టర్లకు అధికారం ఇచ్చింది. తెలంగాణలో మాదిరిగా 75 ప్రభుత్వ శాఖలు ఒకే భవనంలో వివిధ చాంబర్లలో ఉంటే పరిపాలన కూడా చాలా సాఫీగా సాగుతుందని, అత్యవసర సమావేశాలు, ఆదేశాలు ఇవ్వడానికి కూడా ప్రభుత్వానికి వీలుగా ఉంటుందనే ఉద్దేశ్యంతో ఆలోచన చేసినప్పటికీ.. ప్రభుత్వం సంక్షేమ పథకాల అమలుపై చూపిన శ్రద్ధ కొత్తగా నిర్మించ తలపెట్టిన ఇంటిగ్రేటెడ్ కలెక్టరేట్ల విషయంలో చూపించడం లేదు. దీనితో ఈ వ్యవహారానికి తాత్కాలికంగా బ్రేక్ పడినట్టు అయ్యింది. ఇంకా ప్రభుత్వానికి కేవలం రెండేళ్లు లోపు సమయం మాత్రమే ఉండటంతో పూర్తిస్థాయిలో నవరత్నాలు అమలు చేసి, ప్రజలు చేరువ కావడానికి మాత్రమే సమయాన్ని కేటాయిస్తున్నది. కొత్తజిల్లాలో చాలా వరకూ ప్రస్తుతం వున్న జిల్లా కార్యాలయాలన్నీ అద్దె భవనాల్లోనే కొనసాగుతున్నాయి. అలాకాకుండా ఇంటిగ్రేటెడ్ కలెక్టరేట్లు అయితే అన్ని ప్రభుత్వ శాఖల కార్యాలయాలు ఒకే చోట ఉండటంతో పాటు, చాలా పోస్టులు కుదింపు జరిగే అవకాశం కూడా వుంటుంది. ఒకరకరంగా ఈ విధానం వలన అన్ని జిల్లాశాఖలకు చెందిన అధికారులు ఒకే చోట ఉంటడంతో స్పందనలాంటి కార్యక్రమాల ద్వారా ప్రజలకు సత్వర మేలు జరుగుతుంది. పైగా అత్యవసర పనులపై జిల్లా కేంద్రాలకు వచ్చే ప్రజలకు కూడా ఒక్కో కార్యాలయానికి ఒక్కో దగ్గరకి తిరగకుండా ఒకే కార్యాలయంలో కావాల్సిన అన్నిశాఖల పనులు చూసుకొని వెళ్లే సౌలభ్యం కూడా వుంటుంది. ఇన్ని ఉపయోగాలున్న ఇంటిగ్రేటెడ్ కలెక్టరేట్ల విషయాన్ని ప్రభుత్వం ఒక్కసారిగా పక్కన పెట్టడం వెనుక ఆంతర్యం అంతుచిక్కడం లేదు. చూడాలి ఈ ఏడాది చివరినాటికైనా ఇంటిగ్రేటెడ్ కలెక్టరేట్ల నిర్మాణం మొదలవుతుందా లేదా అనేది..!

ఆంధ్రప్రదేశ్ ప్రభుత్వం భారతదేశంలోనే ఎంతో ప్రతిష్టాత్మకంగా ఏర్పాటు చేసిన గ్రామ, వార్డు సచివాలయ శాఖ ఉద్యోగులను జూలై నెలఖరు నుంచి క్రమబద్దీకరిస్తున్నామని, వారంతా ఆగస్టు ఒకటి నుంచి సరికొత్త పీఆర్సీతో కూడి పేస్కేసలు అందుకుంటారని జీఓనెంబ-5 విడుదల చేసినప్పటికీ ఏ ఒక్క ఉద్యోగిలోనూ ఆనందం లేదు సరికదా.. పూర్తిగా అయోమయంలో పడిపోయారు. ఇదేంటీ ఓప్రక్క ప్రభుత్వం సచివాలయ ఉద్యోగులను రెగ్యులర్  చేస్తూ జీఓ ఇచ్చినా.. ఈ తేడా వార్తలు రాస్తున్నాన్నారేంటి.. అందులోనూ ఈఎన్ఎస్ నేషనల్ న్యూస్ ఏజెన్సీ(ఈఎన్ఎస్), అధికారిక మొబైల్ న్యూస్ యాప్ Ens live,న్యూస్ వెబ్ సైట్ www.enslive.net వాళ్లు విషయాన్ని ఇంతలా ఉద్యోగులకు అర్ధమయ్యేలా చెప్పే ప్రయత్నం చేస్తున్నారేంటి అనుకుంటున్నారా.. మీకు కూడా ఆ ఆ డౌట్ వచ్చంది కదా.. అలాఅయితే  ఈ స్టోరీ పూర్తిగా చదివితే మీకు కూడా సరిగ్గా బొమ్మ కనిపించే వాస్తవాలు తెలుస్తాయి. ప్రభుత్వ ఉద్యోగాలను భర్తీచేసినపుడు ఉద్యోగుల సర్వీసును ప్రొబేషన్ ను డిక్లేర్ చేసే సమయంలో ఒక జీఓను విడుదల చేస్తుంది. ఆ జీఓను అనుసరించి ప్రతీ శాఖ ముఖ్య కార్యదర్శి మరోసారి ఉద్యోగుల సర్వీసు రూల్సు, పదోన్నతులు తెలియజేస్తూ.. వారి పేస్కేలుని నిర్ణయిస్తూ మరో జీఓరు జారీ చేస్తారు. కానీ రాష్ట్ర ప్రభుత్వం 19 శాఖల సిబ్బందిని ఒకే గొడుగు కిందికి తీసుకు వచ్చి, నగపరిధిలో వార్డు సచివాలయాలు, గ్రామ పరిధిలో గ్రామ సచివాలయాలను ఏర్పాటు చేసింది. ఇలా ఏర్పాటు చేసినా.. నియామకాల సమయంలో మాత్రం వారి వారి మాత్రుశాఖల నుంచే వీరందరికీ నియామకపత్రాలు అందించారు. అంతవరకూ బాగానే ఉన్నా..రాష్ట్రప్రభుత్వం ఈనెల 25వ తేదీన వీడుదల చేసిన జీఓనెంబరు -5 తోనే అసలు చిక్కంతా వచ్చిపడింది. అసలు సర్వీసు రూల్సు, ప్రమోషన్ ఛానల్  లేకుండా, పేస్కేలు నిర్ధిష్టంగా ఎంత వస్తుందో చెప్పకుండా, అందరికీ కలిపి ఒక ఒక్క జీఓను ఇచ్చి చేతులు దులుపుకుంది. 

19 ప్రభుత్వ శాఖలకు చెందిన జీఓలను ఇంకా విడుదల చేయలేదు. అందునా ఒక్క గ్రేడ్-5 కార్యదర్శికి తప్పా మిగిలిన అన్ని శాఖల ఉద్యోగులకు ఒకే రకంగా పేస్కేలు నిర్ధారిస్తూ జీఓలో ఉటంకించారు. ప్రభుత్వం సర్వీసు ప్రొబేషన్ డిక్లేర్ చేస్తూ, పేస్కేలు అమలు చేస్తున్నట్టు మాత్రమే జీఓ ఇచ్చింది. దీనిని అనుసరించి మిగిలిన శాఖల సర్వీసు రూల్సు ఏర్పాటు చేసి జీఓలు ఇస్తే తప్పా, వీరి భవిష్యత్తు ఏంటనే తేలదు. లేదంటే వీరంతా జీవితంత కాలం గ్రామ, వార్డు సచివాలయ ఉద్యోగులుగా ఉద్యోగం వచ్చినచోట పనిచేయాలి. గతంలో ప్రభుత్వం ఏంపీడీఓ వ్యవస్థ ఏర్పాటు చేసినపుడు వారికి కూడా సర్వీసు రూల్స్, పదోన్నతుల విషయంలో క్లారిటీ ఇవ్వకపోవడంతో నేటికీ  ఎంపీడీఓలుగానే రిటైర్ అయ్యారు. అవుతున్నారు కూడా. ఇటీవల కాలంలో ఎంపీడీఓలకు పదోన్నతులు ఇస్తామని ప్రకటించినా..ప్రభుత్వం ఆదిశగా చర్యలు తీసుకోలేదు. తీసుకుంటుందో..లేదో కూడా తెలియదు. కారణం ఇంకా ఈ ప్రభుత్వానికి గడువు రెండేళ్లు లోపు మాత్రమేవుంది. ఇపుడు సచివాలయ ఉద్యోగులకు కూడా ఇవే ఇబ్బందులు రాబోతుండటంతో వారంతా తమ పరిస్థితి కూడా ఇలానే ఉంటుందనే అనుమానాన్ని, భయాన్ని, ఆందోళనను వ్యక్తం చేస్తున్నారు.

పీఆర్సీ ఏవిధంగా వర్తింప చేశారు..?

రాష్ట్ర ప్రభుత్వం పీఆర్సీ ద్వారా పెంచిన పేస్కేలు ఇస్తున్నట్టు చెప్పినా.. ఇతర శాఖల ప్రభుత్వ ఉద్యోగులుకు ఇచ్చినట్టుగా సచివాలయ ఉద్యోగులకు పీఆర్సీని అమలు చేయలేదని తేటతెల్లమైపోయింది. పీఆర్సీని అమలు చేస్తే.. హెచ్ఆర్ఏ, డీఏ కలుపుకొని ఎంత వస్తుందనేది మాత్రం జీఓలో స్పష్టత ఇవ్వలేదు. దానిని ఒక్కో మీడియా సంస్థ ఒక్కోలా ఉద్యోగులను అయోమయంలోకి నెట్టేస్తూ వార్తల రూపంలో వండి వార్చేస్తుంది. గ్రామ, వార్డు సచివాలయ ఉద్యోగాలు భర్తీ చేస్తున్న సమయంలోనే ప్రభుత్వం ఒక నిర్ధిష్ట ప్రకటన చేయలేదు. ఉద్యోగాలకు డిగ్రీ అర్హత పెట్టినా నాల్గవ తరగతి ఉద్యోగుల కంటే తక్కువ కేడర్ లోనే వీరిని ఉంచేసింది. అందులోనూ సచివాలయ శాఖలో 19ప్రభుత్వ శాఖల ఉద్యోగులు పనిచేస్తున్నప్పటికీ ఏ ఒక్కరి విషయంలోనూ ప్రమోషన్ ఛానల్, సర్వీస్ రూల్స్, డిపార్ట్ మెంటల్ టెస్టులు తదితర అంశాలేమీ పొందు పరచలేదు. ఇప్పటికే రెండేళ్లు చేయాల్సిన సర్వీసు ప్రొబేషన్ గ్రామ, వార్డు సచివాలయ ఉద్యోగులు 39 నెలలు చేస్తున్నారు. కాదు కాదు చేయించిన తరువాత  మాత్రే వీరందరికీ సర్వీస్ ప్రొబేషన్ క్లియర్ అవుతుందని, జూలై నెలాఖరు వరకూ వీరి ప్రొభేషన్ కొనసాగి ఆగస్టు 1 నుంచి పేస్కేలు అందుకుంటారని జీఓనెంబరు-5లో పేర్కొంది ప్రభుత్వం. మరోప్రక్క సచివాలయ ఉద్యోగులు, నియామకాలు, వారి అధికారాలపై ఇంకా కోర్టుల్లో కేసులు నలుగుతూనే ఉన్నాయి. ఈ క్రమంలో ప్రభుత్వం జారీచేసిన ప్రొబేషన్ డిక్లరైజేషన్ జీఓ సచివాలయ ఉద్యోగులను అయోమయంలోకి నెట్టేసింది.

మళ్లీ సచివాలయ ఉద్యోగాలు మరోసారి తీసే పనిలేకుండా.

గ్రామ, వార్డు సచివాలయ ఉద్యోగులకు సర్వీసు రూల్స్, పదోన్నతులపై జీఓ ఇస్తే ఏడేళ్ల తరువాతనో, లేదంటేం పదేళ్ల తరువాతనో ఉన్న ఉద్యోగులంతా పదోన్నతులపై వారి వారి శాఖల్లో పెద్ద స్థాయికి వెళతారు. ఆ సమయంలో సచివాలయాల్లో ఖాళీ అయిన అన్ని ఉద్యోగాలను మళ్లీ  భర్తీ చేయాల్సివుంటుంది. అలా చేయాల్సి వస్తే ప్రతీ ఏడు సంవత్సరాల కొకసారి గ్రామ, వార్డు సచివాలయ శాఖలో 1.34 లక్షల ఉద్యోగాలు భర్తీచేయాల్సి వుంటుంది. అదే జరిగితే ప్రభుత్వంపై చాలా పెద్ద మొత్తంలో ఆర్ధిక భారం పడుతుంది. అలా కాకుండా సర్వీసు రూల్స్ గానీ, ప్రమోషన్ ఛానల్ గానీ ఏర్పాటు చేయకపోతే సచివాలయ ఉద్యగులు, ఎన్నేళ్లైనా ఇక్కడే అలాగే ఉండిపోతారు. వారికి జీతం పెరుగుతుంది తప్పితే ఉద్యోగంలో ఎలాంటి ఎదుగు, బొదుగూ ఉండదు.  ఒక వేళ కోర్టులను ఆశ్రయించినా వాయిదాలతోనే ప్రభుత్వం పదవీ కాలం పూర్తయిపోతుంది. కొత్తగా ప్రభుత్వం ఏర్పాటు చేసిన తరువాత ఇతర ప్రయోజనాల మీద ద్రుష్టిపెడతారు తప్పితే ఉద్యోగుల సర్వీసు రూల్స్, పదోన్నతుల కోసం ఆలోచించే సమయం వుండదు. వచ్చే ప్రభుత్వం ఇదే  అయితే మరోసారి ఆలోచిస్తామనో..లేదంటే కొత్తగా సర్వీసు రూల్సు అమలు చేస్తామనో ఓ ప్రకటన చేసి చేతులు దులుపుకుంటారు.. మారీ కూడదు అనుకుంటే పదోన్నతులు అడగకుండా చేస్తున్న విధినిర్వహణలో ప్రస్తుతం రెండవ శనివారాలు, ఆదివారాలు, పండుగ సెలవులు అనే తారమతమ్యం లేకుండా ప్రత్యేకంగా విధులు చేయిస్తున్నదానికంటే రెండింతలు నిర్వహించేలా చేస్తూ... కఠిన నిర్ణయాలు, అదనపు విధులు అమలు చేస్తే.. కనీసం సెలవులు అడిగి ప్రమోషన్ కోసం మాట్లాడకుండా ఉంటారని కూడా ప్రచారం జరుగుతుంది.

పేరుకే భారీ సంఖ్యలో ఉద్యోగాలు..తలా..తోకా లేనే లేదు..

ఆంధ్రప్రదేశ్ ప్రభుత్వం ప్రకటించినట్టుగానే గ్రామ, వార్డు సచివాలయ శాఖ ఏర్పాటు చేసి సుమారు లక్షా 34వేలకు పైగా ఉద్యోగాలు భర్తీ చేసినా.. ఆ ఉద్యోగాలకు తలాతోకా ఏమీ లేకుండా పోయిందనేది ప్రభుత్వం సచివాలయ ఉద్యోగులకు ఎలాంటి సర్వీసు రూల్సు, ప్రమోషన్ ఛానల్ అమలు చేయకపోవడంతో ఆ విషయం తేటతెల్లమైపోయింది. భారత దేశంలో ఏ రాష్ట్రంలోనూ లేనివిధంగా 33 నెలలు సర్వీసు ప్రొబేషన్ ఉద్యోగులతో చేయించిన క్రమంలో అదనంగా పనిచేసిన కాలానికి ఉద్యోగులు సుమారు రూ.1.50 లక్షల వరకూ ఉపయోగాలు కోల్పోయారు. ఇపుడు ప్రమోషన్ ఛానల్ ప్రకటించకపోవడంతో వీరంతా ఇవే ఉద్యోగాల్లో జీవితాంతం పనిచేయాల్సి వస్తుంది. రెగ్యులర్ ఉద్యోగమనే ఒకే ఒక్క నమ్మకంతో లక్షల్లో జీతాలు వదులుకొని వచ్చిన సచివాలయ ఉద్యోగులందరికీ ప్రభుత్వ తీరుతో నిరాశ ఎదురైంది. దానికితోడు, సర్వీసు ప్రొబేషన్ డిక్లేర్ చేస్తూ ఇచ్చిన జీఓకి, మిగిలిన 19శాఖల ముఖ్య అధిపతుల నుంచి ప్రత్యేకంగా జీఓలు రాకపోవడంతో సచివాలయ ఉద్యోగులపై అయోమయ బాంబు పడ్డట్టు అయ్యింది. పేరుకే గ్రేడ్-5 పంచాయతీ కార్యదర్శిలు ఖాళీలు భర్తీచేసినా వారికి జీఓనెంబరు 149ని అమలు చేయకపోవడం, మహిళా పోలీసు ఉద్యోగాలు భర్తీచేసినా వారు యూనిఫారం పోలీసుల క్రిందికి వస్తారో, కార్యాలయ పోలీసు సిబ్బందికి వస్తారో క్లారిటీ ఇవ్వకపోవడం, అన్నింటికంటే ముఖ్యంగా వీరంతా ఏ తరగతి ఉద్యోగుల క్రిందికి వస్తారో కూడా అధికారికంగా చెప్పకపోవడం ప్రభుత్వ పనితీరుకు అద్దం పడుతోంది.

 కొత్తగా ప్రభుత్వ శాఖ ఏర్పాటు చేసినపుడు ఎక్కడైనా వారికి ప్రాధమికంగా ఇచ్చే ఉద్యోగంతోపాటు, ఐదేళ్ల తరువాతో, ఏడేళ్ల తరువాతో వారికి ఏ తరహా పదోన్నతులు కల్పిస్తారో చెబుతూ, సర్వీసు రూల్స్ ఫ్రేమ్ చేస్తారు సదరు ప్రభుత్వశాఖల ముఖ్య కార్యదర్శిలు. విచిత్రంగా గ్రామ, వార్డు సచివాలయ శాఖలోని 19శాఖల ఉద్యోగుల విషయంలో ఎలాంటి క్లారిటీ లేకుండా ఉద్యోగాలు భర్తీచేసి, ఇపుడు ఆగస్టు1 నాటికి ప్రొబేషన్ డిక్లరేషన్ కూడా ప్రకటించింది. చూడాలి ముందు ముందుకైనా వీరు ఏ తరగతి ఉద్యోగుల క్రిందికి వస్తారు, అసలు పదోన్నతులు, బదిలీలు, ఉంటాయా ఉండవా? వీరి సర్వీసు మొత్తం ఇక్కడే రిటైర్ అయిపోతారా అనే విషయాలపై క్లారిటి వస్తుందా.. లేదా.. అనేది. ఈఎన్ఎస్ నేషనల్ న్యూస్ ఏజెన్సీ(ఈఎన్ఎస్), అధికారిక మొబైల్ న్యూస్ యాప్ Ens live App, www.enslive.net ఎప్పుడూ ఉద్యోగులు, వారి సమస్యలు, ఇబ్బందులను ప్రభుత్వం ద్రుష్టికి తీసుకెళ్లేందుకు మాత్రమే అధిక ప్రాధాన్యత ఇస్తుంది. ఆ క్రమంలోనే ఉద్యోగులకు జరగబోయే నష్టాన్ని, ప్రభుత్వంలో గ్రామ, వార్డు సచివాలయ శాఖ ఏర్పాటు చేసిన తరువాత 19శాఖలకు చెందిన ముఖ్యకార్యదర్శిలు చేసిన తప్పుల వలన ఉద్యోగులకు జరిగే నష్టాన్ని సవివరంగా తెలియజేసింది..!

ఆంధ్రప్రదేశ్ ప్రభుత్వం కొత్తగా మంత్రిమండలిని విస్తరించిన తరువాత జరిగిన తొలి కేబినెట్ సమావేశంలో సుమారు 42 అంశాలపై నిర్ణయాలు తీసుకున్నప్పటికీ.. గ్రామ, వార్డు సచివాలయ ఉద్యోగుల సర్వీసు రెగ్యులైజేషన్ కి సంబంధించిన విషయం మాత్రం చర్చకు రాలేదు. ఇప్పటి వరకూ సచివాలయ ఉద్యోగులు 33నెలల పాటు సర్వీసు ప్రొబేషన్ ను చేస్తూ వస్తున్నారు. వాస్తవానికి వైఎస్సార్సీపీ సర్కారు సచివాలయ ఉద్యోగులకు రెండేళ్లు ప్రొబేషన్ పూర్తిచేసుకోగానే వారి సర్వీసులు రెగ్యులర్ చేసి వారికి పేస్కేలు అమలు చేస్తామని చెప్పింది. ఆ తరువాత కరోనా రావడంతో రెండేళ్ల ప్రొబేషన్ ను కాస్తా 33 నెలలకు పెంచి ఆగస్టు1 నుంచి కొత్తజీతాలు ఇస్తామని..దానికి సంబంధించిన ఫైలుపై సీఎం వైఎస్ జగన్మోహనరెడ్డి సంతకాలు కూడా చేశారు. సీఎం ఫైలుపై సంతకాలు చేసి పదిరోజులు గడుస్తున్నా సదరు ఉద్యోగుల సర్వీసు రెగ్యులైజేషన్స్ కి సంబంధించిన అంశంలో మాత్రం క్లారిటీ రాలేదు. సుమారు లక్షా 24వేల మంది గ్రామ, వార్డు సచివాలయ సిబ్బంది సర్వీసు ప్రొబేషన్ వ్యవహారం ఏడాదికి ఏడాది కాలం పొడిగిస్తూనే వస్తుంది ప్రభుత్వం. ముఖ్యమంత్రి ఒక ఫైలుపై సంతకాలు చేసిన 24 గంటల్లో ఆర్ధిక శాఖ జీఓ జారీచేస్తుంది. 

ఆపై వరుసగా వివిధ ప్రభుత్వ శాఖలకు చెందిన శాఖలు కూడా జీఓలు జారీచేస్తాయి. ఈ విధంగానే జరుగుతుందని సచివాలయ ఉద్యోగులంతా ఊహించుకున్నారు. ఉద్యోగుల సర్వీసు ప్రొబేషన్ రెండేళ్లు పూర్తిచేసుకుని.. టెస్టులు పాసైన వారందరికీ వర్తింపచేస్తామని చెప్పిన మాటలు మాత్రం మాటలు గానే ఉండిపోయాయి. ముఖ్యమంత్రిస్థాయిలో నిర్ణయం తీసుకున్నతరువాత అదే విషయాన్ని కేబినెట్ లో చర్చించి సదరు ఫైలుకి సంబంధించి నిర్ణయం తీసుకుంటారు. కానీ ఊసేలేకపోవడంతో రాష్ట్రవ్యాప్తంగా ఉన్న గ్రామ, వార్డు సచివాలయ ఉద్యోగుల గొంతులో వెలక్కాయ్ పడ్డట్టు అయ్యింది. ప్రభుత్వం కేబినెట్ లో తమ అంశం కూడా చర్చించి సర్వీసు ప్రొభేషన్ విషయాన్ని ముగించి తమకు పేస్కేలు అమలు చేయడానికి లైన్ క్లియర్ చేస్తారని అంతాఆశించినా ఆ దిశగా ఒక్క అడుగు కూడా పడలేదు. ఇప్పటికే ఆగస్టు 1నాటికి ప్రొభేషన్ డిక్లరేషన్ అయిన తరువాత కొత్త జీతాలు ఇస్తామని చెప్పిన ప్రభుత్వం..ముచ్చటగా మూడేళ్లు పూర్తిచేసినా చేసే అవకాశాలే ఎక్కువగా కనిపిస్తున్నాయని..తొలుత జూన్ నాటికి రెగ్యులర్ చేస్తామన్న ప్రభుత్వం దానిని ఆగస్టు1నాటికి మార్చిందని..ఇపుడు కేబినెట్ లో తమ ఉద్యోగాల సర్వీస్ ప్రొభేషన్ డిక్లరైజేషన్ కోసం నిర్ణయం తీసుకోకపోవడంతో ఆగస్టు నుంచి మళ్లీ అక్టోబరు 1 అంటే మూడేళ్లు పూర్తిచేసిన తరువాతే నిర్ణయం తీసుకుంటుందా అనే అనుమానాలను కూడా ఉద్యోగులు వ్యక్తం చేస్తున్నారు. ఇప్పటికే అదనంగా 9నెలల పాటు పేస్కేలు కోల్పోయిన ఉద్యోగులు.. పొగిడించిన రెండు నెలలతో మరింతగా పేస్కేలు కోల్పోతారు. ఏది ఏమైనా ముఖ్యమంత్రి మానస పుత్రిక గా పేరుగాంచిన గ్రామ, వార్డు సచివాలయ శాఖలోని ఉద్యోగుల విషయంలో ప్రభుత్వం ప్రకటించినట్టుగా ఇప్పటి వరకూ ఏ ఒక్కటీ జరగలేదు. ఇపుడు సర్వీసు రెగ్యులైజేషన్, ప్రొభేషన్ డిక్లరేషన్ విషయంలోనూ అదే కాలయాపన చేస్తుందని మరోవైపు టీడీపీ ఆరోపణలు గుప్పిస్తున్నది. 

ప్రతిపక్షం ఆరోపిస్తున్నట్టుగానే పాలక ప్రభుత్వం కూడా తాత్సారం చేయడంతో గ్రామ, వార్డు సచివాలయ ఉద్యోగుల పరిస్థితి అగమ్య గోచరంగా వుంది. అయితే కొంత మందిఉద్యోగులు ప్రభుత్వం పెట్టిన పరీక్షలు పాస్ కాలేదని, వారందరికీ మరోసారి పరీక్షపెట్టి వారికి అందరికీ ఒకేసారి సర్వీసు ప్రొభేషన్ డిక్లేర్ చేస్తామని అంటున్నట్టుగా ప్రభుత్వ అధికారుల వద్దకు సమాచారం అందినట్టుగా ప్రచారం జరుగుతుంది. ఏది ఏమైనా గ్రామ, వార్డు సచివాలయశాఖ ఉద్యోగులు దేశంలో ఏ రాష్ట్రంలోనూ ఏ ప్రభుత్వంలోనూ లేనివిధంగా 33నెలలకు పైగా ప్రొభేషన్ చేయించడం, అదీ రెండవ శనివారాలు, ఆదివారాలు, మిగిలిన సెలవు రోజుల్లో ప్రత్యేక విధుల పేరుతో ఉద్యోగాలు చేసినా..ప్రభుత్వం గుర్తించకపోవడం, సకాలంలో సర్వీసులు రెగ్యులర్ కాకపోవడం తదితర పరిణాలు ఎలాంటి పరిస్థితులకు దారితీస్తాయో తెలియని పరిస్థితి నెలకొంది. చూడాలి ముందు ముందు ఏం జరుగుతుందనేది..!

ఆంధ్రప్రదేశ్ ప్రభుత్వం మండల అధికారులు గ్రామ, వార్డు సచివాలయ సిబ్బందికి ఏర్పాటు చేసే సమావేశాలకు, ఆ పేరుతో చేసే కాలయాపనకు అడ్డుకట్టవేసింది. సచివాలయ సిబ్బంది ఖచ్చితంగా మధ్యాహ్నం 3 నుంచి సాయంత్రం 5 గంటల వరకూ గ్రామ, వార్డు సచివాలయాల్లోనే ఉండాలని, ఆ సమయంలో ప్రభుత్వం ప్రతిష్టాత్మకం నిర్వహిస్తున్న స్పందన కార్యక్రమంలో పంచాయతీ కార్యదర్శితో సహా అన్నిశాఖల సిబ్బంది పాల్గొని ప్రజల నుంచి వినతులు స్వీకరించాలని ఆదేశించింది. ఆ సమయంలో మండలకేంద్రాల్లో ఎలాంటి సమావేశాలు, క్షేత్రస్థాయి పనులు సిబ్బందికి ఆపాదించవద్దని గ్రామ, వార్డు సచివాలయ శాఖ ప్రత్యేక ఉత్తర్వులు జారీచేసింది. వాస్తవానికి ఏదైనా మండల కేంద్రంలో సమావేశం పెడితే ఒక పూటంతా రూరల్ జిల్లాలో గ్రామసచివాలయ సిబ్బందికి, నగర ప్రాంతంలో వార్డు సచివాలయ సిబ్బంది సమయం వ్రుధా అయ్యేది. అంతేకాకుండా మండల కేంద్రం నుంచి సచివాలయానికి వచ్చే సమయంలో ప్రయాణానికే చాలా ఎక్కువగా వ్రుధా అవుతోంది. దీనిని ద్రుష్టిలో పెట్టుకున్న ప్రభుత్వం ప్రతీరోజూ సచివాలయాల్లో నిర్వహించే స్పందన కార్యక్రమానికి ఆటంకం లేకుండా అన్నిశాఖల సిబ్బంది సచివాలయాల్లోనే ఉండాలని.. ఈ మేరకు గ్రామ, వార్డు సచివాలయశాఖ సంచాలకులు GVWW & VSWS GWSUICOOR /158/2021/GW5/14885/ dt.19.08.2021 పేరుతో ఉత్తర్వులు జారీ చేసింది. 

ఈ ఉత్తర్వులు అనుసరించి ముఖ్యమైన సమావేశాలుంటే మధ్యాహ్నం లోపుగానే నిర్వహించాల్సి వుంటుంది. ఈ ఆదేశాలను అటు వార్డు సచివాలయాలు, ఇటు గ్రామసచివాలయాలకే కాకుండా సచివాలయంలో పనిచేసే సిబ్బందికి చెందిన అన్ని శాఖల సిబ్బందికీ, మండల అధికారులకు ప్రభుత్వం జారీ చేసింది. అయితే ఇప్పటి వరకూ కొన్నిచోట్ల పంచాయతీ కార్యదర్శిలు బయోమెట్రిక్ వేసి మండల అధికారులు ఆదేశించే కార్యక్రమాలకు వెళ్లిపోతూ ఉండేవారు. ఇకపై ఆ ఆటలు చెల్లకుండా గ్రామ, వార్డు సచివాలయాల్లో ఖచ్చితంగా మధ్యాహ్నం3 నుంచి సాయంత్రం 5 గంటల వరకూ స్పందన కార్యక్రమంలో ప్రజల నుంచి వివిధ సమస్యలపై వినతులు స్వీకరించాల్సి వుంటుంది. 33 నెలలు సర్వీసు ప్రొబేషన్ పూర్తిచేసుకొని..సర్వీస్ రెగ్యులైజేషన్ కి దగ్గరవుతున్న గ్రామ, వార్డు సచివాలయ సిబ్బందిని ప్రభుత్వం పూర్తిస్థాయిలో ప్రజలకు అందుబాటులో ఉంచడానికి కఠిన నిర్ణయాలు తీసుకోవడం ప్రారంభించిందనే సంకేతాలు ప్రస్తుతం జారీ చేసిన ఆదేశాలతో అమల్లోకి వచ్చాయి. ప్రభుత్వం తీసుకున్న నిర్ణయంతో గ్రామసచివాలయంలో అన్ని శాఖల సిబ్బంది ప్రజలుకు అందుబాటులోకి రావడంతోపాటు, ఆయ సమస్యల పరిష్కారానికి కూడా మార్గం సుగమం అయ్యే అవకాశాలు కూడా కనిపిస్తున్నాయి. చూడాలి ఈ ప్రత్యేక ఉత్తర్వులు ఏ స్థాయిలో ఫలితాలనిస్తాయనేది.

ప్రత్తిపాడు నియోజకవర్గంలో గత 19 రోజులుగా చిక్కకుండా ముప్పు తిప్పలు పెడుతున్న రాయల్ బెంగాల్ టైగర్ ఇపుడు ఏలేశ్వరం రిజర్వాయర్ ప్రాజెక్టు దిశగా రూటుమార్చినట్టుగా పులి నడిచిన ముద్రల ఆధారంగా అటవీశాఖ అధికారులు ద్రువీకరిస్తున్నారు. పెద్దిపాలెం గ్రామ పరిసరాల్లో పొట్టి మెట్ట మీద పులి సంచరిస్తున్న ఆనవాళ్లను అటవీశాఖ అధికారులు గుర్తించారు. అయితే తాజాగా మంగళవారం సాయంత్రానికి పులిసంచరించిన ప్రదేశాలను పులి అడుగులు వేసిన ముద్రల ఆధారంగా దాని జాడ ఏలేరు రిజర్వాయర్ ప్రాంతానికి దారితీసినట్టుగా చెబుతున్నారు. అయితే గత రెండు వారాలకు పైనే అడవిలో సంచరించిన పులి ఇపుడు దాహార్తిని తీర్చుకోవడానికే ఏలేరు రిజర్వాయర్ ప్రాంతానికి దారిమళ్లి వుంటుంద అటవీ అధికారులు భావిస్తున్నారు.  పొదురపాక, పాండవుల పాలెం మధ్య ఉన్న పొట్టి మెట్ట ప్రాంతాలతోపాటు, గతంలో పులి సంచిచన ప్రదేశాలను కూడా అటవీశాఖకు చెందిన 120 మంది సిబ్బంది క్షుణ్ణంగా పరిశీలించింది. అయితే పులి అడుగులు అక్కడి రెండు మూడు ప్రాంతాల్లో కూడా కనిపించడంతో పులి తన రూటు ఏలేశ్వరం రిజర్వాయర్ ప్రాంతాల వరకూ దారితీసినట్టుగా భావిస్తున్నారు. అయితే పూర్తిస్థాయిలో పులి జాడను మాత్రం కనిపెట్టలేకపోతున్నారు అటవీశాఖ అధికారులు. లింగంపర్తి ఏరియాను దాటి శివారు ప్రాంతాల్లో సంచరించే అవకాశాలు ఆ దారిగుండా కనిపిస్తున్నాయని మాత్రం చెప్పుకొస్తున్నారు. బెంగాల్ టైర్ రోజుకో రూటులో ప్రయాణిస్తుండటంతో ఎప్పుడు ఏ ప్రాంతంలో దర్శనమిస్తుందో తెలియని పరిస్థితుల్లో ప్రత్తిపాడు నియోజవకర్గ ప్రజలు ప్రాణాలు అరచేతిలో పెట్టుకొని జీవిస్తున్నారు.