తిరుమలలో వేసవి భ‌క్తుల ర‌ద్దీని దృష్టిలో ఉంచుకుని వారి సౌక‌ర్యార్థం జూన్ 30వ తేదీ వ‌ర‌కు అష్ట‌ద‌ళ‌పాద‌ప‌ద్మారాధ‌న‌, తిరుప్పావ‌డ సేవ‌ల‌ను తాత్కాలికంగా ర‌ద్దు చేస్తున్నట్టు టిటిడి ప్రకటించింది.  అయితే, ప్రతి మంగళవారం నిర్వహించే అష్ట‌ద‌ళ‌పాద‌ప‌ద్మారాధ‌న‌ సేవాటికెట్లను జూన్ వరకు ఆన్లైన్ లో విడుదల చేయడంతో భక్తులు బుక్ చేసుకున్నారు.  ఆన్లైన్ లో  సేవాటికెట్లు బుక్ చేసుకున్న వారిని అష్ట‌ద‌ళ‌పాద‌ప‌ద్మారాధ‌న‌ సేవకు అనుమతించాలని టిటిడి  నిర్ణయించింది. అదేవిధంగా, అడ్వాన్స్ బుకింగ్ లో జూన్ 30వ తేదీ వరకు తిరుప్పావడ సేవా టికెట్లు గలవారు ఆయా తేదీల్లో బ్రేక్ దర్శనానికి రావాలని కోరింది. లేనిపక్షంలో సేవాటికెట్ రీఫండ్ పొందాలని టిటిడి భక్తులను కోరుతోంది. ఈ అవకాశాన్ని శ్రీవారి భక్తులు పూర్తిస్థాయిలో సద్వినియోగం చేకోవాలని మీడియాకి విడుదల చేసిన ప్రకటనలో సూచించింది.

ఏపీలో ప్రభుత్వ ఉద్యోగుల పిఆర్సి అమలుకు సంబంధించిన వివిధ జిఓలను ప్రభుత్వం జారీ చేసింది.ఈమేరకు బుధవారం అమరావతి సచివాలయం రెండవ బ్లాకులో వివిధ ఉద్యోగ సంఘాల ప్రతినిధులతో పిఆర్సి అమలుకు సంబంధించిన సమావేశం ఆర్థికశాఖ ముఖ్య కార్యదర్శి శశిభూషణ్ కుమార్,జిఏడి కార్యదర్శి (సర్వీసెస్) హెచ్.అరుణ్ కుమార్ ల సమక్షంలో జరిగింది.ఈసందర్భంగా పిఆర్సి అమలుకు సంబంధించిన 8 ప్రభుత్వ ఉత్తర్వులను(జిఓ)జారీ చేసి ఆజిఓల ప్రతులను సమావేశంలో పాల్గొన్న ఉద్యోగ సంఘాల ప్రతినిధులకు ఆర్ధికశాఖ అధికారులు అందచేశారు. ఈసమావేశంలో ఆర్ధికశాఖ ముఖ్య కార్యదర్శి శశిభూషణ్ కుమార్ మాట్లాడుతూ పిఆర్సి అమలుకు సంబంధించి బుధవారం 8జిఓలను జారీ చేయడం జరిగిందని మరో రెండు జిఓలను కూడా బుధవారం రాత్రికి లేదా గురువారం విడుదల చేయడం జరుగుతుందని ఉద్యోగ సంఘాల ప్రతినిధులకు చెప్పారు.మరికొన్ని జిఓలు త్వరలో విడుదల అవుతాయని అన్నారు.

ఈసమావేశంలో ఆర్థికశాఖ ప్రత్యేక ప్రధాన కార్యదర్శి ఎస్.ఎస్.రావత్ మాట్లాడుతూ ఉద్యోగులకు సంబంధించిన పిఆర్సి పెండింగ్ అంశాల అమలుకు అన్ని చర్యలు తీసుకుంటున్నట్టు చెప్పారు.అదే విధంగా వివిధ పెండింగ్ బిల్లులను కూడా ప్రాధాన్యతా క్రమంలో చెల్లించేందుకు అవసరమైన చర్యలు తీసుకుంటున్నట్టు చెప్పారు. వివిధ ఉద్యోగ సంఘాల ప్రతినిధులు పిఆర్సితో పాటు ఉద్యోగులకు సంబంధించిన పలు అంశాలను అధికారుల దృష్టికి తీసుకువచ్చి వాటిని సకాంలో పరిష్కరించేందుకు చర్యలు తీసుకోవాలని కోరారు. ఈసమావేశంలో ప్రభుత్వ సలహాదారు (ఉద్యోగుల సంక్షేమం) పి.చంద్రశేఖర్ రెడ్డి,ఎపి ఎన్జీవో సంఘం అధ్యక్షులు బండి శ్రీనివాసరావు,ఎపి రెవెన్యూ అసోసియేషన్ అధ్యక్షులు బొప్పరాజు వెంకటేశ్వర్లు,రాష్ట్ర సచివాలయ ఉద్యోగుల సంఘం అధ్యక్షులు వెంకట్రామి రెడ్డి, ప్రభుత్వ ఉద్యోగుల సంఘం అధ్యక్షులు సూర్యనారాయణ,ఇంకా ఆయా సంఘాల జనరల్ సెక్రటరీలు తదితరులు పాల్గొన్నారు.

తిరుమల తిరుపతి దేవస్థానం భువనేశ్వర్ లో నిర్మించిన  శ్రీ వేంకటేశ్వరస్వామి వారి దేవస్ధానం మహాసంప్రోక్షణకు హాజరు కావాలని టీటీడీ చైర్మన్‌  వైవి సుబ్బారెడ్డి ముఖ్యమంత్రి వైఎస్.జగన్మోహన్ రెడ్డిని ఆహ్వానించారు. మంగళవారం ఉదయం తాడేపల్లి లోని సిఎం క్యాంప్ కార్యాలయంలో ఆయన ముఖ్యమంత్రిని కలిసి ఆహ్వాన పత్రిక అందజేశారు.  మే  21 వ తేదీ నుంచి విగ్రహ ప్రతిష్టకు సంబంధించిన పూజా కార్యక్రమాలు ప్రారంభమవుతాయని, 26వ తేదీ విగ్రహ ప్రతిష్ఠ మహా సంప్రోక్షణ, ఆవాహన ప్రాణ ప్రతిష్ఠ కార్యక్రమాలు జరుగుతాయని చైర్మన్ వివరించారు. టీటీడీ డిప్యూటీ ఈవో  గుణభూషణ రెడ్డి, ఏఈవో దొరస్వామి పాల్గొన్నారు.

తిరుమల శ్రీ వేంకటేశ్వర స్వామివారి కొలువులో 19 నెలల పాటు భక్తులకు సేవలు అందించానని, దీన్ని పూర్వజన్మ సుకృతంగా భావిస్తున్నానని టిటిడి ఈవో డాక్టర్ కెఎస్.జవహర్ రెడ్డి తెలిపారు. ఈ మేరకు ఆయన తిరుమల శ్రీవారి ఆలయంలోని రంగనాయకుల మండపంలో అదనపు ఈఓ  ఎవి.ధర్మారెడ్డికి టిటిడి ఈవో(ఎఫ్ఎసి) బాధ్యతలను అప్పగించారు. ఈ సందర్భంగా డాక్టర్ కెఎస్.జవహర్ రెడ్డిని శ్రీవారి తీర్థప్రసాదాలు, చిత్రపటంతో సన్మానించారు.  ఈ సందర్భంగా డాక్టర్ కెఎస్.జవహర్ రెడ్డి మాట్లాడుతూ తన పదవీ కాలంలో ఎన్నో అభివృద్ధి కార్యక్రమాలు చేపట్టానని, పలు కార్యక్రమాలు ఇంకా పురోగతిలో ఉన్నాయని చెప్పారు. ప్రస్తుత బోర్డుతోపాటు రానున్న ఈఓ ఈ కార్యక్రమాలను పూర్తి చేస్తారని ఆకాంక్షిస్తున్నానని అన్నారు. తన పదవీ కాలంలో సహకరించిన ధర్మకర్తల మండలికి, టిటిడి అధికారులకు, ఉద్యోగులకు ఈ సందర్భంగా కృతజ్ఞతలు తెలియజేశారు.

      అనంతరం టిటిడి ఈవో(ఎఫ్ఎసి)  ఎవి.ధర్మారెడ్డి టిటిడి బోర్డు ఎక్స్ అఫిషియో సభ్యునిగా శ్రీవారి ఆలయంలో ప్రమాణ స్వీకారం చేశారు. జెఈఓ(ఆరోగ్యం, విద్య) సదా భార్గవి వీరి చేత ప్రమాణ స్వీకారం చేయించారు. అనంతరం రంగనాయకుల మండపంలో వేద పండితులు వేదాశీర్వచనం అందజేశారు. ఈ సందర్భంగా శ్రీవారి తీర్థప్రసాదాలు, చిత్రపటాన్ని జెఈఓ అందించారు. ఈ సందర్భంగా టిటిడి ఈవో(ఎఫ్ఎసి) ఎవి.ధర్మారెడ్డి  మాట్లాడుతూ రెండున్నర సంవత్సరాల పాటు తాను అదనపు ఈఓగా బాధ్యతలు నిర్వహించానని, శ్రీవారి ఆశీస్సులతో ఈవో(ఎఫ్ఎసి) బాధ్యతలను కూడా సక్రమంగా నిర్వహిస్తానని తెలియజేశారు. ఈ కార్యక్రమంలో సీవీఎస్వో  నరసింహ కిషోర్, చీఫ్ ఇంజనీర్ నాగేశ్వర రావు, ఎస్ఈ  జగదీశ్వర రెడ్డి, అడిషనల్ సీవీఎస్వో  శివ కుమార్ రెడ్డి డెప్యూటీ ఈవోలు  రమేష్ బాబు, హరీంద్ర నాథ్ , కస్తూరి బాయి, భాస్కర్,  హెల్త్ ఆఫీసర్ Dr. శ్రీ దేవి, పేష్కార్లు  శ్రీహరి,  పార్థసారథి  తదితరులు పాల్గొన్నారు.

శ్రీ‌వారి ద‌ర్శ‌నానికి విచ్చేసే భ‌క్తులు త‌మ వాహ‌నాల‌కు వ్య‌క్తుల ఫోటోలు, రాజ‌కీయ పార్టీల జెండాలు,  చిహ్నాలు, అన్య‌మ‌త ప్ర‌చారానికి సంబంధించిన ప్ర‌చార సామ‌గ్రి,  తిరుమ‌లకు తీసుకువెళ్ళ‌డాన్ని టీటీడీ కొన్ని దశాబ్దాల క్రితమే నిషేధించింది.  టీటీడీ భ‌ద్ర‌తా సిబ్బంది అలిపిరి వ‌ద్ద అటువంటి వాహ‌నాల‌ను తిరుమ‌ల‌కు అనుమ‌తించ‌రు. ఇది టీటీడీ ఎన్నో ద‌శాబ్ధాలుగా అనుస‌రిస్తున్న నిబంధ‌న‌. ఇటీవల కాలంలో తిరుమల కు వాహనాల్లో వచ్చే భక్తులు అవగాహనా రాహిత్యంతో వ్యక్తుల ఫోటోలు, అన్యమత చిహ్నాలు, రాజకీయ పార్టీల జెండాలతో రావడం జరుగుతోంది. వీటిని విజిలెన్స్ సిబ్బంది వాహనదారులకు విషయం వివరించి వాటిని తీసివేస్తున్నారు. వాహనాల్లో తిరుమలకు వచ్చే భక్తులు ఈ విష‌యాన్ని గ‌మ‌నించి  స‌హ‌క‌రించ‌వ‌ల‌సిందిగా టీటీడీ భక్తులను కోరుతోంది.

తిరుమ‌ల‌లో ఈ నెల 25 నుండి 29వ తేదీ వ‌ర‌కు హ‌నుమ‌జ్జ‌యంతిని వైభ‌వంగా నిర్వ‌హిం చేందుకు విస్తృతంగా ఏర్పాట్లు చేప‌ట్టాల‌ని టిటిడి అద‌న‌పు ఈవో  ఎవి.ధ‌ర్మారెడ్డి అధికారు ల‌ను ఆదేశించారు. తిరుమ‌ల అన్న‌మ‌య్య భ‌వ‌నంలో శ‌నివారం ఉద‌యం హ‌నుమ‌జ్జ‌ యంతి ఏర్పాట్ల‌పై అధికారుల‌తో స‌మీక్షించారు.   ఈ సంద‌ర్భంగా అద‌న‌పు ఈవో మాట్లాడుతూ హ‌నుమంతుని జ‌న్మ‌స్థ‌ల‌మైన అంజ‌నాద్రిలోని ఆకాశ‌గంగ వ‌ద్ద‌, జాపాలీ తీర్థం, నాద‌నీరాజ‌నం వేదిక‌, ఎస్వీ వేద పాఠ‌శాల‌లో కార్య‌క్ర‌మాలు నిర్వ‌హణ‌కు ఏర్పాట్లు చేయాల‌న్నారు. మే 29న ధ‌ర్మ‌గిరి వేద‌పాఠ‌శాల‌లో సంపూర్ణ సుంద‌ర‌కాండ అఖండ పారాయ‌ణం నిర్వ‌హించేందుకు ఆయా విభాగాల అధికారులు ముంద‌స్తు ఏర్పాట్లు చేయాల‌న్నారు. ఆయా రోజుల్లో ప్ర‌పంచ‌వ్యాప్తంగా ఉన్న భ‌క్తులు ఈ కార్య‌క్ర‌మాల‌ను వీక్షించేందుకు వీలుగా ఎస్వీబీసీ నాలుగు ఛాన‌ళ్ల ద్వారా ప్ర‌త్య‌క్ష ప్ర‌సారం చేయాల‌న్నారు. ఈ ఉత్స‌వానికి సంబంధించి ఆక‌ట్టుకునేలా ప్రోమో రూపొందించాలని కోరారు.

నాదనీరాజ‌నం వేదిక‌పై నిర్వ‌హించే ప్ర‌వ‌చ‌నాల‌కు సంబంధించి ఆచార్య రాణి స‌దాశివ‌మూర్తి, డా. ఆకెళ్ల విభీష‌ణ‌శ‌ర్మ‌,  ప‌వ‌న‌కుమార శ‌ర్మ త‌దిత‌ర పండితుల‌ను భాగ‌స్వాముల‌ను చేయాల‌న్నారు. అంజ‌నాద్రి వైభ‌వం, ఇతిహాస హ‌నుమ‌ద్విజ‌యం, యోగాంజ‌నేయం, వీరాంజ‌నేయం, భ‌క్తాంజ‌నేయం ప‌లు అంశాల‌పై ప్ర‌వ‌చ‌నాలు ఉంటాయ‌న్నారు. ఏర్పాట్ల‌కు సంబంధించి ఇంజినీరింగ్‌, అన్న‌దానం, ధ‌ర్మ‌ప్ర‌చార ప‌రిష‌త్‌, ఎస్వీ వేద పాఠ‌శాల‌, భ‌ద్ర‌తా విభాగం, పిఆర్వో, ఎస్వీబీసీ విభాగాలు ప్ర‌త్యేక శ్ర‌ద్ధ వ‌హించాల‌న్నారు.   ఈ స‌మావేశంలో ఎస్వీబీసీ సిఈవో  సురేష్‌కుమార్‌, ఆల‌య డెప్యూటీ ఈవో  ర‌మేష్ బాబు, ఎస్ఇ-2  జ‌గ‌దీశ్వ‌ర్‌రెడ్డి, డిఇ ర‌విశంక‌ర్‌రెడ్డి, విజివో  బాలిరెడ్డి, పండితులు ఆచార్య రాణి స‌దాశివ‌మూర్తి, డా. ఆకెళ్ల విభీష‌ణ‌శ‌ర్మ‌,  కుప్పా విశ్వ‌నాథ‌శర్మ త‌దిత‌రులు పాల్గొన్నారు.

యూఎన్‌డీపీ భాగస్వామ్యంతో ప్రణాళికా విభాగంలో సుస్ధిర ఆర్ధిక ప్రగతి కోసం నిర్ధేశించుకు న్న లక్ష్యాల సాధనపై మానిటరింగ్‌ సెల్‌ ఏర్పాటుచేయనున్న ప్రభుత్వం, ఈ అంశంపై సీఎం  వైఎస్‌ జగన్‌తో సమావేశమై చర్చించిన నీతి ఆయోగ్‌ సభ్యుల బృందం. ఈ సమావేశంలో పాల్గొన్న నీతి ఆయోగ్‌ సలహాదారు (ఎస్డీజీ) సాన్యుక్త సమద్దార్‌ (ఐఏఎస్‌), చీఫ్‌ సెక్రటరీ డాక్టర్‌ సమీర్‌ శర్మ, ప్రణాళికా శాఖ కార్యదర్శి జీఎస్‌ఆర్‌కే విజయ్‌కుమార్, యూఎన్‌డీపీ (ఇండియా) ముఖ్య సలహాదారు మీనాక్షి కతెల్, నీతి ఆయోగ్‌ ఎస్డీజీ ఆఫీసర్స్‌ అలెన్‌ జాన్, సౌమి గుహ, యూఎన్‌డీపీ డిప్యూటీ రెసిడెంట్‌ రెప్రజెంటెటివ్‌ డెన్నిస్‌ కర్రీ తదితరులు పాల్గొన్నారు.

రాష్ట్రంలో నవరత్నాలు పేదలందరికీ ఇళ్ళు పధకంలో నిర్మాణం చేపట్టిన ఇళ్ళ నిర్మాణాలను వేగవంతం చేయాలని రాష్ట్ర గృహనిర్మాణ శాఖ మంత్రి  జోగి.రమేష్ అధికారులను ఆదేశించేరు.ఇళ్ళ నిర్మాణ పనుల ఫై అలసత్వం ప్రదర్శించవ ద్దుని,లక్ష్యాలను పూర్తి చేయడానికి అధిక ప్రాధాన్యత ఇవ్వాలని ఆయన స్పష్టం చేసేరు. జిల్లాల హౌసింగ్ హెడ్స్,ఇతర అధికారులు ఇళ్ళ నిర్మాణాలు పూర్తీ చేయడం ఫై ప్రత్యెక ద్రుష్టి సారించాలని,రూఫ్ లెవెల్ కు వచ్చిన ఇంటి నిర్మాణాలు పూర్తీ చేయడానికి యుద్ద ప్రాతిపదిక ఫై పనిచేయాలని ఆయన స్పష్టం చేసేరు.వీటితో పాటు ఆప్షన్-III కింద మంజూరు అయిన ఇళ్ళు నిర్మాణ పన్నులన్నీ అన్ని ఈ నెల 31వ తేది లోపల ప్రారంభం చేయాలని మంత్రి ఆదేశించేరు .రాష్ట్రంలోని అన్నిజిల్లాల గృహనిర్మాణ సంస్థ అధికారులు,ఇంజినీర్లు,ఉన్నతాధికారులతో మంత్రి శుక్రవారం రాష్ట్ర గృహనిర్మాణ సంస్థ కార్యాలయం నుంచి  వీడియో సమావేశం ద్వారా ఉన్నత స్థాయి సమీక్షా సమావేశం నిర్వహించారు.ప్రతి అధికారి లక్ష్యాలును పూర్తి చేయాలని ప్రతి 15రోజులకు ఒకసారి సమీక్షా సమావేశం నిర్వహిస్తానని,అధికారులందరూ ఇళ్ళ నిర్మాణాల పూర్తికి కృషి చేయాలని మంత్రి స్పష్టం చేసేరు. లేఅవుట్ ల వారిగా నియమితులైన నోడల్ అధికారులు సత్వరమే ఇళ్ళ నిర్మాణాలు పూర్తీ కావటానికి మున్సిపల్ కమిషనర్లు,పంచాయితీరాజ్,విద్యుత్ ఇతర శాఖల అధికారులులతో సమన్వయం చేసుకోవాలని,నిర్మాణాలకు అవసరమైన మౌలిక సదుపాయాలూ కల్పించి లబ్దిదారులకు ఏవిధమైన ఇబ్బందులు ఎదురు కాకుండా చూడాలని మంత్రి స్పష్టం చేసేరు.ఇళ్ళ నిర్మాణాలకు అవసరమైన నీరు ,అంతర్గత రహదారులు విద్యుత్ లైన్లు తొలగింపు తదితర మౌలిక వసతుల పనులన్నీ వెంటనే పూర్తి చేయాలని ఆయన ఆదేశించేరు.ఇళ్ళ నిర్మాణాలకు సంభందించిన పనులలో ఎటువంటి జాప్యం పనికిరాదని లబ్దిదారులకు ఏవిధమైన సహకారం కావాలన్న అందిచాలని మంత్రి విజ్ఞప్తి చేసేరు.గృహనిర్మాణ శాఖకు చెందిన సీనియర్ అధికారులు,జిల్లాల ప్రత్యెక అధికారులు రాష్ట్రంలోని అన్ని లేఔట్లను సందర్శించి ఇళ్ళనిర్మాణాల వేగవంతం చేయడానికి చర్యలు తీసుకోవాలని మంత్రి కోరేరు.గ్రామ స్థాయి నుంచి రాష్ట్ర స్థాయి ప్రజా ప్రతినిధులందరినీ ఇళ్ళ నిర్మాణాలలో భాగస్వాములు చేయాలని మంత్రి స్పష్టం చేసేరు.

ఈ సమావేశంలో రాష్ట్ర గృహనిర్మాణ శాఖ ప్రత్యెక ప్రధాన కార్యదర్శి అజేయ్ జైన్ మాట్లాడుతూ అన్ని లే అవుట్ లో ఇళ్ళ నిర్మాణాలకు అవసరమైన మౌలిక సదుపాయాల పనులు,జియో టేగింగ్ తదితర పనులును వెంటనే పూర్తీ చేయాలని ఆదేశించేరు.ఈ సమావేశంలో   రాష్ట్ర గృహనిర్మాణ సంస్థ మేనేజింగ్ డైరెక్టర్  నారాయణ భరత్ గుప్తా,జాయింట్ మేనేజింగ్ డైరెక్టర్  శివ ప్రసాద్,ఎగ్జికూటివ్ డైరెక్టర్  ఎం.కమలాకర బాబు,రాష్ట్రంలోని అన్ని జిల్లా హౌసింగ్ హెడ్స్,డివిజనల్ అధికారులు,ఇంజినీర్లు,ఇతర అధికారులు పాల్గొన్నారు.

ఆంధ్రప్రదేశ్ లో గ్రామ, వార్డు సచివాలయ వ్యవస్థ నిత్యం ఏదో ఒక తేడా వ్యవహారంతో వార్త ల్లో నిలుస్తూనే ఉంటంది. ఇపుడు కూడా ఇదే శాఖలో పనిచేసే మహిళా పోలీసుల సర్వీస్ ప్రొబేషన్ విషయంలోనూ మరోసారి వార్తల్లోకి ఎక్కింది. ప్రభుత్వం గ్రామ, వార్డు సచివాలయ వ్యవస్థ ఏర్పాటై, అందులో పనిచేసే ఉద్యోగులు రెండేళ్లు సర్వీసు పూర్తిచేసు కుంటే వారి సర్వీసు ప్రొబేషన్ డిక్లేర్ చేస్తామని ప్రభుత్వం ఆదిలోనే ప్రకటించింది. ఆతరు వాత అక్టోబరు 2021 నవంబరు2 కి రెండేళ్లు పూర్తయినా..వారి ప్రొబేషన్ డిక్లేర్ చేయలేదు. తరువాత మరో 9నెలలు గడుపు పొడిగించి ఆపై సర్వీస్ రెగ్యులర్ కావాలంటే పరీక్ష పాస్ కావాలనే నిబంధన పెట్టింది. దీనితో రాష్ట్రవ్యాప్తంగా వున్న 14వేల 400 పైచిలుకు మహిళా పోలీసులు పరీక్షలు రాసి పాసయ్యారు. కానీ ప్రభుత్వం వారి పరీక్షల రిజల్ట్ ను ప్రకటించలేదు. కానీ రెండేళ్లు సర్వీసు పూర్తిచేసుకున్నవారి సర్వీస్ ప్రొబేషన్ డిక్లేర్ చేయడానికి మాత్రం సపోర్టింగ్ డాక్యుమెంటేషన్ చేయించుకోవాలని ఆదేశాలిచ్చింది. ఇక్కడే అసలు చిక్కంతా వచ్చి పడింది. గ్రామ, వార్డు సచివాలయాల్లో పనిచేసే మహిళా పోలీసులు ప్రభుత్వం పెట్టిన టెస్టు పాసైతే రిజల్టు ఇచ్చేవారని, మీరంతా ఆ టెస్టులు పాస్ కానప్పుడు మేము మీ సర్వీసు ప్రొబేషన్ డిక్లరేషన్ ఫైలు పై ఎలా సంతకాలు చేస్తామంటూ రాష్ట్రవ్యాప్తంగా 26 జిల్లాల్లోని ఎంపీడీఓలు, వార్డుల్లో జోనల్ కమిషనర్లు మొరాయిస్తూ ప్రొబేషన్ డిక్లరేషన్ ఫైళ్లను వెనక్కి పంపేస్తున్నారు. ఈ విషయం మహిళా పోలీసుల మాత్రుశాఖ అయిన హోం డిపార్ట్ మెంట్ కి తెలిసినప్పటికీ రాష్ట్ర స్థాయిలో డీజీపీగానీ, జిల్లా స్థాయిలో ఎస్పీలుగానీ వీరి సర్వీసు ప్రొబేషన్ డిక్లరేషన్ విషయంలో ఎలాంటి ప్రకటనా చేయకపోవడంతో తమ రెండేళ్ల 9నెలల ప్రొబేషన్ సర్వీసు గాల్లోనే ఉండిపోయిందనీ, మిగిలిన శాఖల సిబ్బందికి ఎంపీడీఓలు ప్రొబేషన్ క్లియరెన్సు సంతకాలు చేస్తున్నారని రాష్ట్రవ్యాప్తంగా వున్న సచివాలయ మహిళా పోలీసులు ఆందోళన చెందుతున్నారు. 

ఇదే సమయంలో గ్రామ, వార్డు సచివాలయ మహిళా పోలీసుల నియామకాలు రాజ్యాంగ విరుద్దంగా జరిగాయనే కేసు హైకోర్టులో పెండింగ్ లోవుంది. ఇవేకాకుండా ఖాకీ యూనిఫారం విషయంలోనూ, పదోన్నతిల విషయంలో మరో కేసు కోర్టులో వుంది. సచివాలయ వ్యవస్థపై అధికంగా హైకోర్టులో కేసులు ఉన్నప్పటికీ మహిళా పోలీసుల విషయంలో మాత్రం కేసులు గట్టిగానే ఉచ్చు బిగుసుకుంటున్నాయి. ఇదే తరుణంలో సచివాలయ మహిళా పోలీసులు ఉద్యోగాలు సర్వీసు ప్రొబేషన్ తరువాత రెగ్యులర్ చేయకుండా ఉంటే ఈ మొత్తం ఉద్యోగాలు రద్దు అయినా రద్దు అవుతాయనే ప్రచారం ఇటీవల కాలంలో జోరుగా సాగుతోంది. అంతేకాకుండా ఇదే విషయమై చాలా మీడియా ఛానళ్లు, పత్రికలు, ఆఖరికి సోషల్ మీడియాలో సైతం భారీ స్థాయిలో డిబేట్లు జరుగుతున్నాయి. దేశంలోనే ఏ రాష్ట్ర ప్రభుత్వం చేపట్టని విధంగా ఒక్క గ్రామ, వార్డు సచివాలయ శాఖలోనే రెగ్యులర్ ఉద్యోగులకు 33 నెలలపాటు ప్రొబేషన్ చేయించింది ఏపీ ప్రభుత్వం. ఇంత చేసినా వీరి ఉద్యోగాలు రెగ్యులర్ అవుతాయా అనే అనుమానం నేటికీ ఉద్యోగులను వెంటాడుతుందంటే పరిస్థితి ఏ విధంగా ఉందో అర్ధం చేసుకోవచ్చు.. దీనితో సచివాలయ మహిళా పోలీసులకు తీవ్రమైన భయం పట్టుకుంది. వీరికి ప్రభుత్వం పెట్టిన పరీక్షలో ఉత్తీర్ణత సాధించిన విషయాన్ని నేటికీ ప్రకటించకపోవడం, రెండేళ్లు పూర్తిచేసుకున్నవారికి సర్వీసు ప్రొబేషన్ డిక్లరేషన్ పై ఎంపీడీఓలు సంతకాలు చేయకపోవడం వీరిని మరింతగా భయపెడుతూ, తీవ్రంగా ఆందోలన కలిగిస్తున్నాయి.

 ఈ క్రమంలో అటు ప్రభుత్వంలో నుంచి గానీ, ఇటు జిల్లా పోలీసుశాఖ  నుంచి గానీ ఎలాంటి ప్రకటన రాకపోతే వీరి పరిస్థితి, వీరి సర్వీసు ప్రొబేషన్ నిజంగానే గాల్లోనే ఉండిపోయే పరిస్థితులు చాలా ఎక్కువగానే కనిపిస్తున్నాయి. గ్రామ, వార్డు సచివాలయశాఖ ఏపీలో ఏర్పాటైన దగ్గర నుంచి ఈశాఖ యొక్క అన్ని రకాల తాజా సమాచారాలను, జరుగుతున్న తప్పులను, ఈ శాఖ ద్వారా ప్రజలకు అందే సేవలను ఈఎన్ఎస్ నేషనల్ న్యూస్ ఏజెన్సీ, అధికారిక మొబైల్ న్యూస్ యాప్ ఈఎన్ఎస్ లైవ్, www.enslive.net  ద్వారా అందిస్తూ వచ్చే కార్యక్రమంలో భాగంగానే మహిళా పోలీసుల ప్రొబేషన్ డిక్లరేషన్ విషయంలో కూడా జరుగుతున్న జాప్యం, అధికారులు స్పందించకపోవడం, మండల స్థాయిలో ఎంపీడీఓ సదరు ఫైళ్లపై సంతకాలు చేయకపోవడమనే విషయాన్ని అటు ప్రభుత్వం, ఇటు ప్రజల ద్రుష్టికి తీసుకెళ్లే ప్రయత్నం చేస్తుంది. ఈ విషయంలో గ్రామ, వార్డు సచివాలయ శాఖ ఉద్యోగులకు ఈఎన్ఎస్ ఎల్లప్పుడూ తమవంతు సహకారం అందిస్తుందనే విషయాన్ని కూడా మరోసారి ఈ సందర్భంగా ప్రకటిస్తుంది. చూడాలి ప్రభుత్వం ఇప్పటికైనా సచివాలయ మహిళా పోలీసుల సర్వీసు ప్రొబేషన్ విషయంలో ఏ విధంగా స్పందిస్తుంది, వారికి ఏ తరహా బరోసా ఇస్తుందో..!